56 బీసీ కార్పొరేషన్లకు 672 మంది డైరెక్టర్లు

సాక్షి, అమరావతి: రాష్ట్రంలో 56 బీసీ కార్పొరేషన్లకు ప్రభుత్వం 672 మంది డైరెక్టర్లను నియమించింది. వీరిలో 339 మంది మహిళలు, 333 మంది పురుషులు ఉన్నారు. ఆయా కార్పొరేషన్ల డైరెక్టర్ల జాబితాను సోమవారం బీసీ సంక్షేమశాఖమంత్రి చెల్లుబోయిన వేణుగోపాలకృష్ణ విడుదల చేశారు. ఈ సందర్భంగా ఆయన మాట్లాడుతూ ప్రతి కార్పొరేషన్‌కు ఒక చైర్మన్, 12 మంది డైరెక్టర్లు ఉంటారన్నారు. 56 కార్పొరేషన్లకుగాను చైర్మన్లు, డైరెక్టర్లతో కలిపి 728 మంది బీసీలకు సీఎం వైఎస్‌ జగన్‌ ప్రభుత్వంలో భాగస్వామ్యం కల్పించారని చెప్పారు.

దేశ చరిత్రలో ఎన్నడూ ఇంతమంది బీసీలకు అధికారమిచ్చిన దాఖలాల్లేవన్నారు. సామాజిక స్థితిగతులు, ఇతర అంశాలను బేరీజు వేస్తూ ఈ పదవులకు ఎంపిక చేశారని, మహిళలకు పెద్దపీట వేశారన్నారు. బీసీలు సామాజికంగా, ఆర్థికంగా, రాజకీయంగా ముందడుగు వేసేందుకు సర్కారు అవకాశం కల్పించిందన్నారు. వెనుకబడిన వర్గాలకు అధిక ప్రాధాన్యమిస్తున్న సీఎం జగన్‌ చరిత్రలో నిలిచిపోతారని ఆయన పేర్కొన్నారు.

బీసీ కులాల కార్పొరేషన్స్‌ డైరెక్టర్స్‌ పేర్లు