TV
శెట్టూరు: తాగునీరు లేక ఇబ్బంది పడుతున్న ప్రజలను చూసి చలించిపోయిన రైతు తన సొంత డబ్బుతో బోరు బావి తవ్వించి దాహార్తి తీర్చాడు. వివరాలు.. మండ లంలోని చిన్నంపల్లిలో కొంతకాలంగా తీవ్ర తాగునీటి ఎద్దడి నెలకొంది. ఫిర్యాదు చేసినా ప్రజా ప్రతినిధులు, అధికారులు స్పందించలేదు. దీంతో గ్రామంలోని చిన్నకారు రైతు మాల దేవక ఈరన్న మంగళవారం బోరు బావి తవ్వించాడు. రైతు సంకల్పానికి ప్రకృతి తోడయ్యింది. బోరుబావిలో రెండు ఇంచులకుపైగా నీరు పడింది. దీంతో గ్రామస్తులు సంతోషం వ్యక్తం చేశారు. నలుగురికి ఆదర్శంగా నిలిచిన కర్షకుడు ఈరన్నను అభినందించారు.
