TV
● పనులు చేపట్టిన ఎస్‌ఐ సురేష్‌
గూడెంకొత్తవీధి: పాడైపోయిన బస్‌ షెల్టర్‌తో ప్రయాణికులు పడుతున్న ఇబ్బందులను గమనించిన స్థానిక ఎస్‌ఐ సురేష్‌ మరమ్మతులు చేయించేందుకు ముందుకొచ్చారు. ప్రయాణికుల ఇబ్బందులను ప్రత్యక్షంగా చూసి, షెల్టర్‌కు మరమ్మతులు చేపట్టారు. ఈ బస్‌ షెల్టర్‌ వద్ద నిత్యం పెద్ద సంఖ్యలో ప్రయాణికులు బస్సుల కోసం వేచి ఉంటారు. అయితే షెల్టర్‌ పాడైపోవడంతో వారు తీవ్ర అసౌకర్యానికి గురవుతున్నారు. ఈ విషయాన్ని గుర్తించిన ఎస్‌ఐ సురేష్‌ స్వయంగా చొరవ తీసుకుని మరమ్మతులు చేయిస్తున్నారు. ఆయన చర్యలపై స్థానికులు ప్రశంసలు కురిపిస్తున్నారు. ఇన్నాళ్లూ పాడైన షెల్టర్‌ను ఎందరో చూసినా పట్టించుకోలేదని, ప్రయాణికుల ఇబ్బందులను గుర్తించి ఎస్‌ఐ మరమ్మతులు చేయించడం ఆనందంగా ఉందని వారు పేర్కొంటున్నారు.
