TV
ఆదిలాబాద్‌టౌన్‌: అసాంఘిక కార్యకలాపాలను పూర్తిగా రూపుమాపాలని ఎస్పీ అఖిల్‌ మహాజన్‌ ఆదేశించారు. శుక్రవారం పోలీస్‌ హెడ్‌క్వార్టర్స్‌లోని సమావేశ మందిరంలో నెలవారీ నేర సమీక్ష నిర్వహించి మాట్లాడారు. రౌడీషీటర్లు, సస్పెక్ట్‌ షీటర్ల కదలికలపై నిఘా కొనసాగించాలని ఆదేశించారు. డయల్‌ 100, బ్లూకోల్ట్స్‌ సిబ్బందితో గ్రామాల్లో విస్తృతంగా అవగాహన కల్పించాలని, ప్రతీ గ్రామం, పట్టణంలో సీసీ కెమెరాలు ఏర్పాటు చేసేలా ప్రజలను ప్రోత్సహించాలని సూచించారు. సైబర్‌క్రైమ్‌ బాధితులకు డబ్బులు తిరిగి అందించేలా చర్యలు చేపట్టాలని తెలిపారు. ఎప్పటికప్పుడు రికార్డులను నవీకరించాలని, కోర్టు డ్యూటీ అధికారులతో ప్రతీవారం సమీక్షించాలని సూచించారు. అదనపు ఎస్పీ మౌనిక, ఏఎస్పీ రుత్విక్‌సాయి కొట్టే, డీఎస్పీ జీవన్‌రెడ్డి తదితరులున్నారు.
సైబర్‌ నేరాలపై అప్రమత్తంగా ఉండాలి
సైబర్‌ నేరాలపై అప్రమత్తంగా వ్యవహరించాలని ఎస్పీ అఖిల్‌ మహాజన్‌ సూచించారు. పోలీస్‌ కార్యాలయంలో వారం రోజుల్లో జిల్లాలో నమోదైన 24 సైబర్‌ ఫిర్యాదుల వివరాలు వెల్లడించారు. సైబర్‌ మోసానికి గురైతే 1930కు ఫిర్యాదు చేయాలని సూచించారు. గుర్తు తెలియని వ్యక్తులు పంపే లింక్‌లను క్లిక్‌ చేయవద్దని, అనుమానాస్పద యాప్‌లను ఇన్‌స్టాల్‌ చేయవద్దని తెలిపారు. బ్యాంక్‌ ఖాతా వివరాలు, ఓటీపీలు, యూపీఐ పిన్‌లను వెల్లడించవద్దని, ఆన్‌లైన్‌లో వస్తువులు కొనుగోలు చేసే సమయంలో వివరాలు పరిశీలించి చెల్లింపులు చేయాలని సూచించారు.
వారం రోజుల్లో నమోదైన కేసులు
