వెరైటీ క్యారెక్టర్స్‌ వచ్చినప్పుడు నటీనటులు పర్ఫార్మెన్స్‌ పరంగానే కాదు... లుక్స్‌ పరంగా కూడా వెరైటీ చూపించడానికి రెడీ అయిపోతారు. ఒక్కోసారి గుర్తు పట్టడానికి వీలు లేనంతగా క్యారెక్టర్‌కి తగ్గట్టు మారిపోతారు. డార్క్‌ మేకప్,ప్రోస్థెటిక్‌ మేకప్‌... ఇలా మేకప్‌తో డిఫరెన్స్‌ చూపించడంతో పాటు ఫిజికల్‌గా కూడా క్యారెక్టర్‌కి తగ్గట్టు సన్నబడతారు... లావైపోతారు. హీరోలైతే క్లీన్‌ షేవ్‌ లుక్‌లోకి మారిపోతారు... క్యారెక్టర్‌ డిమాండ్‌ చేస్తే గెడ్డం పెంచుకుంటారు... జుట్టు కూడా పెంచుకుంటారు. ప్రస్తుతం రామ్‌చరణ్, ఎన్టీఆర్, రవితేజ, నాని, అఖిల్, సాయి దుర్గాతేజ్, విరాట్‌ కర్ణ, సంపూర్ణేష్‌ బాబు... ఇలా స్టార్‌ హీరోస్‌తో పాటు యంగ్‌ హీరోస్‌ తమ సినిమాల కోసం గెటప్‌ ఛేంజ్‌ చేశారు. గెట్‌... సెట్‌... గో అంటూ ఇలా గెటప్‌ ఛేంజ్‌ చేసిన ఆ హీరోలు, వారు చేస్తున్న సినిమాల గురించి ఓ లుక్‌ వేద్దాం.తొలిసారి ఫుల్‌ మాస్‌ లుక్‌లో... ‘గుంటూరు కారం’ (2024) వంటి హిట్‌ మూవీ తర్వాత మహేశ్‌బాబు హీరోగా నటిస్తున్న తాజా చిత్రం ‘వారణాసి’. ‘ఆర్‌ఆర్‌ఆర్‌’ (2022) వంటి బ్లాక్‌బస్టర్‌ మూవీ తర్వాత ఎస్‌ఎస్‌ రాజమౌళి దర్శకత్వం వహిస్తున్న ఈ ప్రతిష్టాత్మక చిత్రంలో ప్రియాంకా చో్రపా హీరోయిన్‌గా నటిస్తున్నారు. పృథ్వీరాజ్‌ సుకుమారన్‌ విలన్‌గా నటిస్తున్నారు. కేఎల్‌ నారాయణ, ఎస్‌ఎస్‌ కార్తికేయ అంతర్జాతీయ స్థాయిలో ఈ చిత్రాన్ని నిర్మిస్తున్నారు. ఈ సినిమా కోసం మహేశ్‌బాబు తొలిసారి ఫుల్‌ మాస్‌ లుక్‌లోకి మారిపోయారు. గతంలో ఎన్నడూ కనిపించనంతగా పోడవాటి హెయిర్‌ స్టైల్, గెడ్డంతో ప్రత్యేకంగా మేకోవర్‌ అయ్యారాయన.ఇప్పటికే విడుదలైన మహేశ్‌ గెటప్‌కి అద్భుతమైన స్పందన వచ్చింది. మహేశ్‌బాబు, రాజమౌళి కాంబినేషన్‌లో రూపొందుతోన్న ఈ అడ్వెంచరస్‌ మూవీ కోసం ప్రేక్షకులు ఆసక్తిగా ఎదురు చూస్తున్నారు. ‘వారణాసి’ని గ్లోబల్‌ స్థాయిలో ప్రేక్షకుల ముందుకు తీసుకొచ్చేందుకు రాజమౌళి సన్నాహాలు చేస్తున్నారు. ఈ చిత్రాన్ని 120 దేశాల్లో విడుదల చేయనున్నట్లు యూనిట్‌ ప్రకటించిన సంగతి తెలిసిందే. ఈ సినిమా కోసం ప్రత్యేకంగా వేసిన వారణాసి సెట్‌ ప్రేక్షకులకు సరికొత్త అనుభూతిని పంచనుందట. ‘వారణాసి’పై ఇండస్ట్రీ వర్గాల్లో, ప్రేక్షకుల్లో భారీ అంచనాలు నెలకొన్నాయి. ఈ సినిమా 2027 ఏప్రిల్‌ 7 విడుదల కానుంది. సరికొత్తగా... ‘దేవర’ వంటి బ్లాక్‌బస్టర్‌ మూవీ తర్వాత ఎన్టీఆర్‌ హీరోగా నటిస్తున్న తాజా చిత్రం ‘డ్రాగన్‌’ (పరిశీలనలో ఉన్న టైటిల్‌). ‘కేజీఎఫ్‌ 1, కేజీఎఫ్‌ 2, సలార్‌’ వంటి హిట్‌ చిత్రాల తర్వాత డైరెక్టర్‌ ప్రశాంత్‌ నీల్‌ తెరకెక్కిస్తున్న ఈ సినిమా ‘ఎన్టీఆర్‌ నీల్‌’ అనే వర్కింగ్‌ టైటిల్‌తో రూపొందుతోంది. రుక్మిణీ వసంత్‌ హీరోయిన్‌. బాలీవుడ్‌ నటుడు అనిల్‌ కపూర్‌ కీలక పాత్ర పోషిస్తున్నారు. మైత్రీ మూవీ మేకర్స్, ఎన్టీఆర్‌ ఆర్ట్స్‌ బ్యానర్స్‌పై కల్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు పాన్ ఇండియా స్థాయిలో ఈ సినిమాని ప్రతిష్టాత్మకంగా నిర్మిస్తున్నారు.ఈ సినిమా కోసం ఎన్టీఆర్‌ సరికొత్త లుక్‌లోకి మారిపోయారు. తన పాత్రకు తగ్గట్టు సన్నగా మారిపోయారాయన. ఇప్పటికే విడుదలైన ఆయన లుక్స్‌ ఈ విషయాన్ని స్పష్టం చేశాయి. ఈ మూవీలో ఎన్టీఆర్‌ రెండు గెటప్స్‌లో కనిపించనున్నారని టాక్‌. పీరియాడికల్‌ యాక్షన్ డ్రామాగా రూపొందుతోన్న ఈ సినిమా షూటింగ్‌ హైదరాబాద్‌లో జరుగుతోంది. ఈ మూవీ కోసం మూడువేల మంది జూనియర్‌ ఆర్టిస్టులతో ఓ భారీ యాక్షన్‌ ఎపిసోడ్, అలాగే సుమారు 2000 మందితో తీసిన పాట హైలెట్‌గా మారనున్నాయి. జూన్‌ 25న ఈ సినిమా పాన్‌ ఇండియా స్థాయిలో విడుదల కానుంది. ఇరుముడి కోసం వరుస సినిమాలు చేస్తూ జెట్‌ స్పీడ్‌లో దూసుకెళుతుంటారు రవితేజ. క్లాస్, మాస్‌... ఇలా పాత్రకి తగ్గట్టు ఎప్పటికప్పుడు ఆయా లుక్‌లోకి మారిపోతుంటారాయన. రవితేజ హీరోగా నటిస్తున్న చిత్రం ‘ఇరుముడి’. ఆయన కెరీర్‌లో 77వ సినిమాగా రూపొందుతోన్న ఈ సినిమాకి శివ నిర్వాణ దర్శకత్వం వహిస్తున్నారు. ప్రియా భవాని శంకర్‌ కథానాయికగా నటిస్తుండగా, రవితేజ కుమార్తె పాత్రను బేబీ నక్షత్ర పోషిస్తున్నారు. సాయికుమార్, అజయ్‌ ఘోష్, రమేష్‌ ఇందిర, స్వాసిక ఇతర పాత్రల్లో నటిస్తున్నారు. మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మిస్తున్న ఈ చిత్రం షూటింగ్‌ జరుపుకుంటోంది. ఆధ్యాత్మికప్రాముఖ్యత నేపథ్యంలో రూపొందుతోన్న ఈ సినిమాలో అయ్యప్ప మాలధారిగా కనిపించనున్నారు రవితేజ. ఇప్పటికే విడుదలైన ఆయన ఫస్ట్‌ లుక్‌ ఈ విషయాన్ని స్పష్టం చేసింది. ఈ పాత్ర కోసం రవితేజ మేకోవర్‌ అయ్యారు. ‘‘పాన్‌ ఇండియా స్థాయిలో రూపొందుతోన్న చిత్రం ‘ఇరుముడి’.రవితేజ పుట్టినరోజు (జనవరి 26) సందర్భంగా విడుదల చేసిన టైటిల్, రవితేజ ఫస్ట్‌ లుక్‌ పోస్టర్‌కి అద్భుతమైన స్పందన వచ్చింది. సంప్రదాయ అయ్యప్ప మాల దుస్తులు ధరించిన శక్తివంతమైన ఆధ్యాత్మిక లుక్‌లో రవితేజ చక్కగా ఒదిగిపోయారనే ప్రశంసలు లభించాయి. దర్శకుడు శివ నిర్వాణ పవర్‌ఫుల్‌ స్క్రిప్ట్‌ను రూపొందించారు. ఇందులో తండ్రీకూతుళ్ల మధ్య బలమైన బంధం ఉంది. రవితేజ మునుపెన్నడూ చేయని ఒక విభిన్నమైన పాత్ర చేస్తున్నారు. ఈ సినిమా కోసం కంప్లీట్‌గా మేకోవర్‌ అయ్యారు. నవీన్‌ యెర్నేని, వై. రవిశంకర్‌ భారీ స్థాయిలో నిర్మిస్తున్న ఈ మూవీకి టాప్‌ టెక్నికల్‌ టీం పని చేస్తోంది. జీవీ ప్రకాశ్‌కుమార్‌ సంగీతం అందిస్తుండగా, విష్ణు శర్మ సినిమాటోగ్రఫీ అందిస్తున్నారు. ‘ఇరుముడి’ షూటింగ్‌ శరవేగంగా జరుగుతోంది’’ అని చిత్రయూనిట్‌ తెలిపింది. మరోసారి మ మ మాస్‌ రామ్‌చరణ్‌ ఫుల్‌ మాస్‌ లుక్‌లో నటించిన తొలి చిత్రం ‘రంగస్థలం’ (2018). సుకుమార్‌ దర్శకత్వం వహించిన ఈ సినిమాలో సమంత కథానాయిక. ఈ సినిమాలో పోడవాటి జుట్టు, గెడ్డం, లుంగీ... ఇలా పక్కా మాస్‌ లుక్‌లో కనిపించిన రామ్‌చరణ్‌ ఆ తర్వాత లుక్స్‌ మార్చారు. తాజాగా ఆయన నటిస్తున్న పాన్‌ ఇండియన్‌ ఫిల్మ్‌ ‘పెద్ది’. ‘ఉప్పెన’తో (2021) బ్లాక్‌బస్టర్‌ అందుకున్న బుచ్చిబాబు సానా ఈ మూవీకి దర్శకత్వం వహిస్తున్నారు. జాన్వీకపూర్‌ హీరోయిన్‌గా నటిస్తున్న ఈ మూవీలో జగపతిబాబు, శివ రాజ్‌కుమార్, దివ్యేందు శర్మ, బొమన్‌ ఇరానీ కీలక పాత్రలు పోషిస్తున్నారు. మైత్రీ మూవీ మేకర్స్, సుకుమార్‌ రైటింగ్స్‌ సమర్పణలో వృద్ధి సినిమాస్‌పై వెంకట సతీష్‌ కిలారు నిర్మిస్తున్నారు.విలేజ్‌ స్పోర్ట్స్‌ డ్రామాగా రూపొందుతోన్న ఈ సినిమాలో పల్లెటూరి యువకుడి పాత్రలో కనిపించనున్నారు రామ్‌చరణ్‌. ఈ మూవీ కోసం మరింత మాస్‌ లుక్‌లోకి మారారాయన. ఇప్పటికే విడుదలైన లుక్స్, గ్లింప్స్, సాంగ్‌ చూస్తే ఆయన ఎంత మాస్‌గా కనిపించనున్నారో అర్థం అవుతోంది. ఈ సినిమా కోసం పోడవైన జుట్టు, గెడ్డం, లుంగీ... ఇలా రెండోసారి మ మ మాస్‌ లుక్‌లోకి మారిపోయారు.ఆట కూలీ అనే కొత్త కాన్సెప్ట్‌ను ఈ సినిమా ద్వారా తెలుగు ప్రేక్షకులకు పరిచయం చేయబోతున్నారు దర్శకుడు. ఏఆర్‌ రెహమాన్‌ సంగీతం అందించిన ఈ సినిమా నుంచి విడుదలైన ‘చికిరి చికిరి...’ పాట 200 మిలియన్లకు పైగా వ్యూస్‌ సాధించి, సినిమాపై మరింత బజ్‌ని పెంచింది. ఈ మూవీని రామ్‌చరణ్‌ పుట్టినరోజు సందర్భంగా మార్చి 27న విడుదల చేయనున్నట్లు తొలుత ప్రకటించిన సంగతి తెలిసిందే. అయితే ఏప్రిల్‌ 30కి వాయిదా వేశారు. ప్యారడైస్‌ కోసం... హీరో నాని మరోసారి ఫుల్‌ మాస్‌ లుక్‌లో కనిపించనున్నారు. ఇప్పటికే ‘దసరా’, ‘హిట్‌ : ది థర్డ్‌కేస్‌’ వంటి సినిమాల్లో ఫుల్‌ మాస్‌గా కనిపించిన ఆయన తాజాగా ‘ది ప్యారడైజ్‌’ మూవీ కోసం పవర్‌ఫుల్‌ మాస్‌ లుక్‌లోకి మేకోవర్‌ అయ్యారు. నాని హీరోగా శ్రీకాంత్‌ ఓదెల దర్శకత్వం వహించిన తొలి చిత్రం ‘దసరా’. కీర్తీ సురేష్‌ హీరోయిన్‌గా నటించిన ఈ మూవీని ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మించారు. 2023 మార్చి 30న విడుదలైన ఈ మూవీ బ్లాక్‌బస్టర్‌ అందుకుంది. ‘దసరా’ వంటి హిట్‌ మూవీ తర్వాత నాని, శ్రీకాంత్‌ ఓదెల, సుధాకర్‌ చెరుకూరి కాంబినేషన్‌లో తెరకెక్కుతోన్న చిత్రం ‘ది ప్యారడైజ్‌’. ఈ మూవీలో మంచు మోహన్ బాబు, రాఘవ్‌ జుయల్‌ కీలక పాత్రలు పోషిస్తున్నారు. పీరియాడికల్‌ యాక్షన్‌ ఎంటర్‌టైనర్‌గా రూపొందుతోన్న ఈ సినిమాలో జడల్‌ అనే రా రస్టిక్‌ పాత్రలో నటిస్తున్నారు నాని. ఇప్పటికే విడుదల చేసిన స్టిల్‌లో నాని రెండు జడలు వేసుకుని పక్కా మాస్‌ లుక్‌లో కనిపించగా ఏ స్థాయిలో స్పందన వచ్చిందో ప్రత్యేకించి చెప్పక్కర్లేదు. నాని లుక్, స్టోరీ, టేకింగ్‌... ఇలా ప్రతిదీ వైవిధ్యంగా ఉండేలా తెరకెక్కిస్తున్నారట శ్రీకాంత్‌ ఓదెల. ఈ సినిమాని తెలుగు, హిందీ, తమిళ, కన్నడ, మలయాళ, బెంగాలీ, ఇంగ్లిష్, స్పానిష్‌ భాషల్లో మార్చి 26న విడుదల చేయనున్నట్లు చిత్రయూనిట్‌ తొలుత ప్రకటించింది. అయితే ఆ తేదీకి పోస్ట్‌పోన్‌ అయ్యి ఆగస్టు 21న రిలీజ్‌ చేస్తున్నట్లు మేకర్స్‌ ప్రకటించారు. లెనిన్‌ కోసం... అక్కినేని అఖిల్‌ హీరోగా నటిస్తున్న తాజా చిత్రం ‘లెనిన్ ’. ‘వినరో భాగ్యము విష్ణుకథ’ మూవీ ఫేమ్‌ మురళీ కిషోర్‌ అబ్బూరు దర్శకత్వం వహిస్తున్నారు. ఈ సినిమాలో భాగ్యశ్రీ బోర్సే కథానాయికగా నటిస్తున్నారు. అన్నపూర్ణ స్టూడియోస్, సితార ఎంటర్‌టైన్మెంట్స్‌ పతాకాలపై అక్కినేని నాగార్జున, సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ సినిమాలో పవర్‌ఫుల్‌ మాస్‌ లుక్‌లో కనిపించనున్నారు అఖిల్‌. ఇందుకోసం ఆయన ప్రత్యేకంగా మేకోవర్‌ అయ్యారు. పోడవాటి జుట్టు, గెడ్డంతో ఫుల్‌ మాస్‌ లుక్‌లోకి మారిపోయారు.రాయలసీమ నేపథ్యంలో సాగే రొమాంటిక్‌ యాక్షన్ డ్రామాగా ‘లెనిన్‌’ రూపొందుతోంది. ఈ మూవీలో తన పాత్ర కోసం తొలిసారి రాయలసీమ యాసలో డైలాగులు చెబుతున్నారు అఖిల్‌. ఇప్పటికే విడుదల చేసిన ఈ మూవీ టైటిల్‌ గ్లింప్స్‌కి మంచి స్పందన వచ్చిన సంగతి తెలిసిందే. ‘‘గతాన్ని తరమడానికి పోతా... మా నాయన నాకో మాట సెప్పినాడు.. పుట్టేటప్పుడు ఊపిరి ఉంటాది రా.. పేరు ఉండదు, అట్నే పోయేటప్పుడు ఊపిరుండదు.. పేరు మాత్రమే ఉంటాది. ఆ పేరు ఎట్టా నిలబడాలంటే...’’ అంటూ రాయలసీమ యాసలో అఖిల్‌ చెప్పిన డైలాగ్స్‌కి అద్భుతమైన స్పందన వచ్చింది. ఈ మూవీని వేసవి కానుకగా మే 1న విడుదల చేయనున్నట్లు చిత్రయూనిట్‌ ప్రకటించింది. సంబరాల కోసం... ‘విరూపాక్ష’, ‘బ్రో’ వంటి హిట్‌ సినిమాల తర్వాత సాయిదుర్గా తేజ్‌ నటిస్తున్న తాజా చిత్రం ‘ఎస్‌వైజీ’ (సంబరాల ఏటిగట్టు). ఈ సినిమా ద్వారా రోహిత్‌ కేపీ దర్శకునిగా పరిచయమవుతున్నారు. ఈ చిత్రంలో ఐశ్వర్యా లక్ష్మి హీరోయిన్‌గా నటిస్తున్నారు. జగపతిబాబు, సాయికుమార్, శ్రీకాంత్, అనన్య నాగళ్ల కీలక పాత్రలు పోషిస్తున్నారు. ప్రైమ్‌షో ఎంటర్‌టైన్మెంట్‌పై ‘హను–మాన్‌’ (2024) వంటి పాన్‌ ఇండియన్‌ హిట్‌ అందుకున్న కె. నిరంజన్‌ రెడ్డి, చైతన్య రెడ్డి ఈ సినిమాను నిర్మిస్తున్నారు.ఈ సినిమాలో సాయిదుర్గా తేజ్‌ పవర్‌ఫుల్‌ పాత్రలో కనిపించనున్నారు. ప్రత్యేకించి తన పాత్ర కోసం సాయిదుర్గా తేజ్‌ కండలు తిరిగిన దేహంతో, గుబురు గడ్డంతో ఫుల్‌గా మేకోవర్‌ అయ్యారు. అద్భుతమైన యాక్షన్ సన్నివేశాలతో ఇప్పటివరకూ చూడని పాత్రలో సాయిదుర్గా తేజ్‌ ప్రేక్షకులను అలరిస్తారని యూనిట్‌ పేర్కొంది. ఈ చిత్రం తెలుగు, తమిళ, హిందీ, కన్నడ, మలయాళ భాషల్లో పాన్‌ ఇండియా స్థాయిలో రిలీజ్‌ కానుంది. ఇప్పటికే రెండుసార్లు విడుదల వాయిదాపడ్డ ఈ సినిమా కొత్త రిలీజ్‌ డేట్‌ని మాత్రం మేకర్స్‌ ప్రకటించలేదు. నాగబంధంలో... ‘పెదకాపు’ (2023) చిత్రం ఫేమ్‌ విరాట్‌ కర్ణ హీరోగా నటిస్తున్న ద్వితీయ సినిమా ‘నాగబంధం’. ‘ది సీక్రెట్‌ ట్రెజర్‌’ అన్నది ట్యాగ్‌లైన్ . నభా నటేష్, ఐశ్వర్యా మీనన్‌ హీరోయిన్లుగా నటిస్తున్నారు. నిర్మాత అభిషేక్‌ నామా ఈ సినిమాకి దర్శకత్వం వహిస్తున్నారు. జగపతిబాబు, జయప్రకాశ్, మురళీ శర్మ, బీఎస్‌ అవినాష్‌ కీలక పాత్రలు పోషిస్తున్నారు. కిషోర్‌ అన్నపురెడ్డి, నిషిత నాగిరెడ్డి నిర్మిస్తున్న ఈ సినిమా తెలుగు, హిందీ, తమిళ, కన్నడ, మలయాళ భాషల్లో విడుదల కానుంది. ఈ సినిమా కోసం సరికొత్తగా మేకోవర్‌ అయ్యారు విరాట్‌ కర్ణ. ఇప్పటికే విడుదల చేసిన ఫస్ట్‌ లుక్స్, గ్లింప్స్‌ ఈ విషయాన్ని స్పష్టం చేశాయి.‘‘అభిషేక్‌ నామా అత్యంత భారీగా రూపొందిస్తున్న చిత్రం ‘నాగబంధం’. మహాశివరాత్రి సందర్భంగా ఇటీవల విడుదలైన ఈ మిస్టికల్‌ ఎపిక్‌ టీజర్‌కు అద్భుతమైన స్పందన లభించింది. కేవలం 24 గంటల్లోనే 20 మిలియన్ కు పైగా వ్యూస్‌ సాధించి, దేశవ్యాప్తంగా ట్రెండింగ్‌ చార్ట్స్‌లో అగ్రస్థానాన్ని దక్కించుకుంది. ఈ మూవీ కోసం విరాట్‌ కర్ణ అద్భుతంగా ట్రాన్ ్సఫార్మ్‌ అయ్యారు. తన గత ఇమేజ్‌కు పూర్తి భిన్నంగా శివుని అవతారంలో కనిపించడం, హై ఎనర్జీతో ఆయన చేసిన నటన ప్రేక్షకులను మెస్మరైజ్‌ చేస్తుంది. మా సినిమాని వేసవిలో విడుదల చేసేందుకు సన్నాహాలు చేస్తున్నాం’’ అని చిత్రయూనిట్‌ పేర్కొంది.సరికొత్త బిర్యానీ... ‘ది ప్యారడైస్‌’ సినిమాలో నటుడు సంపూర్ణేష్‌ బాబు కీలక పాత్ర పోషిస్తున్న సంగతి తెలిసిందే. ఈ చిత్రంలో జడల్‌ పాత్ర పోషిస్తున్న నాని స్నేహితుడు బిర్యానీ పాత్రలో సంపూర్ణేష్‌ కనిపించనున్నారు. బిర్యానీ పాత్ర లుక్‌ని ఇటీవల విడుదల చేసిన సంగతి తెలిసిందే. ఈ పాత్రలో సంపూర్ణేష్‌ గెటప్‌ ఆశ్చర్యపరచేలా ఉంది. పోడవాటి హెయిర్, గెడ్డం, రఫ్‌ లుక్, ఇంటెన్ ్స ఎక్స్‌ప్రెషన్ తో ఈ పాత్ర కోసం సరికొత్తగా మేకోవర్‌ అయ్యారాయన. ఈ మూవీ నుంచి విడుదలైన సంపూర్ణేష్‌ పోస్టర్‌లో రక్తంతో తడిసిన చేయి, భుజంపై గొడ్డలి చూస్తుంటే ఆయన పాత్ర కూడా పవర్‌ఫుల్‌గా ఉంటుందని తెలుస్తోంది. పైన పేర్కొన్న హీరోలే కాదు... మరికొంత మంది కూడా తమ పాత్రల కోసం సరికొత్తగా గెటప్‌ ఛేంజ్‌ చేస్తున్నారు.– డేరంగుల జగన్‌ మోహన్‌

విజయ్‌ సేతుపతి, నిత్యా మీనన్‌ జంటగా నటించిన చిత్రం ‘సార్‌ మేడమ్‌’.పాండిరాజ్‌ దర్శకత్వంలో సెంథిల్‌ త్యాగరాజన్, అర్జున్‌ త్యాగరాజన్‌ నిర్మించిన ఈ చిత్రం ఈ నెల 25న రిలీజ్‌ కానుంది. తాజాగా ఈ సినిమా టీజర్‌ని విడుదల చేశారు.పెళ్లికి ముందు ఓ అమ్మాయికి మెట్టినింటి వాళ్లు చెప్పే మాటలతో మొదలయ్యే టీజర్‌ భార్యాభర్తల మధ్య జరిగే ఫన్నీ గొడవతో సాగుతుంది. టీజర్‌ ప్రారంభంలో వంట మాస్టర్‌లా కనిపించిన విజయ్‌ సేతుపతి చివర్లో గన్‌ పట్టుకొని మాస్‌ యాక్షన్‌ లుక్‌లో కనిపించారు. ‘‘రొమాంటిక్‌ ఫ్యామిలీ డ్రామాగా రూపొందిన ఈ చిత్రంలో విజయ్, నిత్యల నటన హైలెట్‌గా ఉంటుంది’’ అని చిత్రబృందం పేర్కొంది.

Trisha Upcoming Movie The Road With Debutant Director Arun Vaseegaran: ప్రతీకారం తీర్చుకునేందుకు పక్కా ప్లాన్‌ వేశారు హీరోయిన్‌ త్రిష. అయితే ఆమె పగ, ప్రతీకారాలు ఎందుకు? ఎవరిపై? అనే సస్పెన్స్‌ వీడాలంటే మరికొన్ని రోజులు వేచిచూడాలి. త్రిష ప్రధాన పాత్రలో నటిస్తున్న చిత్రం ‘ది రోడ్‌’. వి.అరుణ్‌ దర్శకుడిగా పరిచయమవుతున్న ఈ సినిమాకి ‘ది రోడ్‌’ అనే టైటిల్‌ని ఖరారు చేశారు. 22 సంవత్సరాల క్రితం మధురైలో జరిగిన ఓ వాస్తవ సంఘటన ఆధారంగా ఈ చిత్రం రూపొందుతోంది.  ఈ సినిమా షూటింగ్‌ ఇప్పటికే మధురైలో ప్రారంభమైంది. తొలి షెడ్యూల్‌ను దాదాపు 50 రోజులు మధురై లొకేషన్స్‌లోనే ప్లాన్‌ చేశారని తెలిసింది. సంతోష్‌ ప్రతాప్, షబ్బీర్, మీయా జార్జ్, వివేక్, ఎమ్‌ఎస్‌ భాస్కర్, వేలా రామ్మూర్తి ఇతర ముఖ్యతారాగణంగా నటిస్తున్న ‘ది రోడ్‌’ సినిమాను తమిళంతో పాటు ఇతర భాషల్లో కూడా రిలీజ్‌ చేసే ఆలోచనలో ఉన్నారట చిత్రయూనిట్‌. చదవండి: గుడ్‌న్యూస్‌ చెప్పిన త్రిష, కానీ సంతోషంగా లేనంటూ ట్వీట్‌..      var request = 'https://www.sakshi.com/knowwidget/kwstr_1551342029.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

SSMB29: Mahesh Babu SS Rajamouli To Discuss Script In Dubai: మహేశ్‌బాబు హీరోగా నటించిన తాజా చిత్రం ‘సర్కారువారి పాట’ షూటింగ్‌ పూర్తయింది. ఇక త్రివిక్రమ్‌ దర్శకత్వంలో మహేశ్‌ హీరోగా స్టార్ట్‌ కావాల్సిన సినిమా షూటింగ్‌కు కాస్త సమయం ఉంది. దీంతో వేసవి వెకేషన్‌ కోసం ఆయన దుబాయ్‌ వెళ్లారని తెలిసింది. ఈ వెకేషన్‌ను పూర్తి చేసుకుని వచ్చాక ‘సర్కారువారి పాట’ ప్రమోషన్స్‌లో పాల్గొంటారు మహేశ్‌. పరశురామ్‌ దర్శకత్వంలో తెరకెక్కిన ఈ చిత్రం మే 12న ప్రేక్షకుల ముందుకు రానుంది.  కాగా దర్శక ధీరుడు రాజమౌళి, మహేశ్‌ బాబు కాంబినేషన్‌లో ఓ సినిమా తెరకెక్కనున్న విషయం తెలిసిందే. వీరిద్దరి కాంబోలో సినిమా రావాలని ప్రేక్షకులు, అభిమానులు ఎప్పటినుంచో ఎదురు చూస్తున్నారు. అయితే మహేశ్‌ బాబు లానే జక్కన్న కూడా దుబాయ్‌ వెళ్లినట్లు సమాచారం. తమ కాంబినేషన్‌లో తెరకెక్కనున్న సినిమాకు సంబంధించిన కథా చర్చల్లో భాగంగానే మహేశ్, రాజమౌళి దుబాయ్‌ వెళ్లారనే టాక్‌ ఫిల్మ్‌నగర్‌లో వినిపిస్తోంది. అయితే ఈ విషయాలపై అధికారిక సమాచారం అందాల్సి ఉంది.  చదవండి: ప్రభాస్‌, మహేశ్‌ బాబును దాటేసిన విజయ్‌ దేవరకొండ.. చదవండి: ఈవీ వరల్డ్‌లోకి ఎంట్రీ ఇచ్చిన సూపర్‌ స్టార్‌ మహేశ్‌     var request = 'https://www.sakshi.com/knowwidget/kwstr_931254882.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

సాక్షి, ముంబై: పుట్టిన రోజు సందర్భంగా సంజయ్‌ దత్‌కు మరో అపురూపమైన కానుక అందింది. అజయ్ దేవ్‌గణ్ హీరోగా, సంజయ్ దత్, సోనాక్షి సిన్హా నటిస్తున్న  బాలీవుడ్‌ మూవీ భుజ్‌ ది ప్రైడ్‌ ఆఫ్‌ ఇండియా సినిమాలోని ‘భాయీ భాయీ’  పాటను చిత్ర యూనిట్‌ గురువారం రిలీజ్‌ చేసింది. ఇది తన పుట్టినరోజును  మరింత ప్రత్యేకంగా చేసిందంటూ  సంజయ్‌ దత్‌  ఇన్‌స్టాగ్రామ్‌లో  పేర్కొన్నారు. ఆగస్టు 13 న  డిస్నీ ప్లస్‌ హాట్‌ స్టార్‌లో వీఐపీలో  మాత్రమే ఈ మూవీ విడుదలకానుంది. కాగా 1971 భారత, పాకిస్థాన్‌ మధ్య జరిగియన యుద్ధం నేపథ్యంలో  ఈ మూవీ తెరకెక్కుతోంది. టీ సిరీస్‌ నిర్మిస్తున్న ఈ చిత్రానికి శివ్ రావెల్ దర్శకత్వం వహిస్తుండగా, నోరా ఫతేహీ,  ప్రణీత, శరద్‌ఖేల్కర్‌ ఇతర  కీలకపాత్రల్లో నటిస్తున్నారు.  ఇటీవల (జూలై 12) విడుదలైన ఈ సినిమా ట్రైల‌ర్ ఫ్యాన్స్‌ను బాగానే ఆకట్టుకుంది.  View this post on Instagram A post shared by Sanjay Dutt (@duttsanjay)

‘జాంబీ రెడ్డి’ సినిమాతో హీరోగా పరిచయం అయ్యాడు తేజ సజ్జా. చైల్డ్‌ ఆర్టిస్ట్‌గా ఎన్నో సూపర్‌హిట్‌ చిత్రాల్లో నటించిన తేజ తర్వాత సినిమాలకు గ్యాప్‌ ఇచ్చి ఓ బేబీతో మళ్లీ తెరపైకి వచ్చాడు. ఆ తర్వాత తొలి సినిమా ‘జాంబీరెడ్డి’తో హీరోగా మారి తన అదృష్టాన్ని పరీక్షించుకున్నాడు.  హాలీవుడ్‌కు మాత్రమే ప‌రిమిత‌మైన జాంబీస్‌ లాంటి కొత్త జోన‌ర్‌తో హీరోగా ఎంట్రీ ఇచ్చి మంచి గుర్తింపును సంపాదించుకున్నాడు. ప్రశాంత్‌ వర్మ దర్శకత్వంలో తెరెకెక్కిన ఈ మూవీకి పాజిటివ​ టాక్‌ రావడంతో తేజకు వరుసగా ఆఫర్లు వచ్చాయి. ఇప్పటికే మలయాళీ కుట్టి,  క‌న్ను గీటు భామ్మ ప్రియా ప్రకాశ్‌ వారియర్‌తో చెక్‌ సినిమాలో నటించాడు. అదేవిధంగా.. శివానీ రాజశేఖర్ తో కలిసి ‘వెన్నెల’ అనే సినిమాలోనూ నటిస్తున్నాడు. కాగా ఇప్పుడు ఓ బడా బ్యానర్‌లో తేజ సినిమా చేయబోతున్నాడని టాక్‌ వినిపిస్తోంది. టాలీవుడ్ ప్రముఖ నిర్మాణ సంస్థల్లో ఒకటైన వైజయంతీ మూవీస్‌తో తేజ ఓ చిత్రానికి సైన్‌ చేసినట్లు సమాచారం. త్వరలోనే దీనికి సంబంధించిన అఫీషియల్‌ అనౌన్స్‌మెంట్‌ రానున్నట్లు తెలుస్తోంది.  చదవండి : మెగా హీరోతో గరుడవేగ డైరెక్టర్‌ తర్వాతి సినిమా? ఐదెకరాల పొలంతో పాటు ఓ స్కూటర్‌ ఉంది..నన్ను పెళ్లిచేసుకుంటావా?

తొలి సినిమా ఉప్పెన తోనే బాక్సాఫీస్‌ బద్దలు కొట్టిన హీరో వైష్ణవ్‌ తేజ్‌.  తొలి చిత్రంతోనే తనదైన నటనతో సముద్రమంత క్రేజ్‌ సంపాదించుకొని ఓవర్‌నైట్‌ స్టార్‌ అయ్యాడు. దీంతో  వైష్ణవ్ తేజ్‌కి ఆఫర్స్ వెల్లువెత్తుతున్నాయి. మెగా కాంపౌండ్ హీరో కోసం దర్శకనిర్మాతలు క్యూ కట్టేస్తున్నారు. ఉప్పెన రిలీజ్‌ కాకముందే క్రిష్ డైరెక్షన్‌లో ఓ సినిమాను పూర్తి చేశాడు. ప్రస్తుతం ఈ మూవీ పోస్ట్‌ ప్రొడక్షన్‌ పనులను జరపుకుంటోంది. ఇందులో వైష్ణవ్‌కు జోడీగా రకుల్‌ ప్రీత్‌ నటించింది. ఇప్పటికే పలు సినిమాలు వైష్ణవ్‌ చేతిలో ఉన్నాయి. తాజాగా వైష్ణవ్‌ చేస్తున్న మూడో సినిమా గురించి అప్‌డేట్‌ వచ్చేసింది. అర్జున్‌రెడ్డి తమిళ రీమేక్‌ను డైరెక్ట్‌ చేసిన గిరీశయ్యతో చేస్తున్న సినిమా సెట్స్‌పైకి వెళ్లింది. శుక్ర‌వారం సాయి ధ‌ర‌మ్ తేజ్ క్లాప్‌ కొట్టి ఈ సినిమాను లాంఛ‌నంగా ప్రారంభించారు. దీనికి సంబంధించిన ఫోటోలు సోషల్‌ మీడియాలో హల్‌చల్‌ చేస్తున్నాయి.  ఈ సినిమాలో వైష్ణవ్‌ సరసన 'రొమాంటిక్' బ్యూటీ కేతిక శర్మ నటిస్తుంది. ప్రస్తుతం ఈమె ఆకాష్‌ పూరీ హీరోగా రూపొందుతున్న 'రొమాంటిక్' మూవీలోనూ నటిస్తుంది. తొలి సినిమాతోనే లక్కీ హీరో అనిపించుకున్న వైష్ణవ్‌తో సినిమా అనగానే కేతిక వెంటనే ఓకే చేసిందట. మరి రెండవ సినిమాతో వైష్ణవ్‌..మరో హిట్‌ను అందుకుంటాడా అన్నది చూడాల్సి ఉంది. ఈ సినిమాను శ్రీ వెంకటేశ్వర సినీ క్రియేషన్స్ బ్యానర్‌లో బీవీఎస్ఎన్ ప్రసాద్ నిర్మిస్తున్నారు.  చదవండి : వైష్ణవ్‌ తేజ్‌ తొలి పారితోషికం ఎంతంటే? ‘ఉప్పెన’ డిలీటెడ్‌ సీన్‌.. ఆ అమ్మాయి కాళ్లు పట్టుకున్న వైష్ణవ్‌  

సాక్షి, హైదరాబాద్‌: కోలీవుడ్ సూపర్ స్టార్ శింబు నటిస్తున్న  ‘మానాడు’ మూవీ  టీజర్‌ను  విడుదలైంది. టాలీవుడ్‌  మాస్‌ మహారాజా రవితేజ ‘మానాడు’ టీజర్‌ను  బుధవారం రిలీజ్‌ చేశారు. శింబు పుట్టినరోజు సందర్బంగా  రిలీజ్ చేసిన ఈ టీజర్ ఫ్యాన్స్‌కు తెగ నచ్చేసింది. దీంతో ఇది ట్రెండింగ్‌లో నిలిచింది. ఈ సందర్భంగా రవితేజ​ శింబుకు పుట్టినరోజు శుభాకాంక్షలు అందజేశారు. అలాగే టీమ్‌కు కూడా అభినందనలు తెలిపారు. రూ. 125 కోట్ల భారీ బడ్జెట్‌తో తెలుగు, తమిళం, కన్నడ, మలయాళం, హిందీ భాషల్లో తెరకెక్కుతున్న  సంగతి తెలిసిందే. ‘రివైండ్‌’ పేరుతో  పొలిటికల్ థ్రిల్లర్‌గా రూపొందుతున్న ఈ చిత్రంలో  శింబు ముస్లింగా కనిపించనున్నారు. వెంకట్ ప్రభు దర్శకత్వంలో రూపొందుతోన్న ఈ చిత్రంలో కళ్యాణి ప్రియదర్శన్ హీరోయిన్‌గా నటిస్తున్నారు.  టైమ్ ఎవరి గురించి వెయిట్ చేయదు.. ఒకవేళ వెయిట్ చేస్తే ఏం జరుగుతుంది? అనే కాన్సెప్ట్‌తో తెరకెక్కిన ఈ మూవీలో ప్రముఖ దర్శకులు భారతీరాజా, ఎస్.ఏ.చంద్రశేఖర్, ఎస్.జె.సూర్య, కరుణాకరన్ ఈ మూవీలో నటిస్తుండడం మరో విశేషం. వి హౌస్ ప్రొడక్షన్స్ పతాకంపై ప్రముఖ నిర్మాత సురేష్ కామాచి నిర్మిస్తున్న ఈ మూవీకి యువన్‌ శంకర్‌ రాజా  సంగీతం మరో హైలైట్‌గా నిలవనుంది. Happy Birthday @SilambarasanTR_ !! 🤗🤗 Super happy to launch the #Rewindteaser. Looks gripping! Good luck to the entire team! @vp_offl @sureshkamatchi @thisisysrhttps://t.co/WFiTDwoJiS — Ravi Teja (@RaviTeja_offl) February 3, 2021

హైదరాబాద్‌: స్టైలిష్‌ స్టార్‌ అల్లు అర్జున్‌ మరో కొత్త ప్రాజెక్టు ఒకే చెప్పినట్లు సమాచారం. ‘యాత్ర’ ఫేం డైరెక్టర్‌ మహి ఆర్‌ రాఘవ దర్శకత్వంలో నటించేందుకు బన్నీ ఆసక్తి చూపినట్లు తెలుస్తోంది. ప్రస్తుతం సుకుమార్‌ దర్శకత్వంలో వస్తున్న ‘పుష్ప’ సినిమాలో నటిస్తున్న విషయం తెలిసిందే. లాక్‌డౌన్‌ నేపథ్యంలో ఈ సినిమా షూటింగ్ వాయిదా పడింది. దీంతో లాక్‌డౌన్‌లో మరో క్రేజీ స్క్రిప్ట్‌ కోసం ఎదురుచుస్తున్న బన్నీకి దర్శకుడు ఆర్‌ రాఘవ స్క్రిప్ట్‌ వినిపించడంతో గ్రీన్‌ సిగ్నల్‌ ఇచ్చినట్లు సమాచారం.    చదవండి: అందుకే ‘పుష్ప’ నుంచి తప్పుకున్నా: విజయ్‌ ఈ చిత్రం పొలిటికల్ థ్రిల్లర్ నేపథ్యంలో ఇటీవల చోటుచేసుకున్న వాస్తవిక సంఘటన ఆధారం తెరకెక్కనుందని తెలుస్తోంది. మొదటిసారిగా బన్నీ-మహీ కాంబినేషన్‌లో ఈ క్రేజీ ప్రాజెక్టుకు ప్రసాద్‌ వి పొట్లూరి నిర్మించేందుకు ఆసక్తిని చూపినట్లు టాలీవుడ్‌ టాక్‌. ప్రస్తుతం అల్లు అర్జున్‌ నటిస్తున్న పుష్ప సినిమా షూటింగ్‌ తిరిగి ప్రారంభించిన తర్వాత ఈ సినిమా గురించి అధికారిక ప్రకటన వెలువడే అవకాశం ఉంది. అల్లు అర్జున్ పుట్టిన రోజు (ఏప్రిల్ 8), పుష్ప నిర్మాతలు ఈ చిత్రం ఫస్ట్ లుక్ పోస్టర్, టైటిల్‌ను విడుదల చేసిన విషయం తెలిసిందే. ఈ ఫస్ట్‌కు సోషల్‌ మీడియాలో మంచి రెస్పాన్స్‌ వచ్చింది. (చదవండి: బన్నీని ఒక్క ఛాన్స్‌ అడిగిన బాలీవుడ్‌ డైరెక్టర్‌)

సాక్షి, హైదరాబాద్‌:  ఖైదీ సినిమా భారీ విజయంతో తెలుగులో మరోసారి మంచి జోష్‌ మీద ఉన్న కార్తీ త్వరలోనే దొంగ సినిమాతో మరో బ్లాక్‌ బస్టర్‌ను అందుకునేందుకు సిద్ధమవు తున్నాడు.  కార్తీ అప్‌ కమింగ్‌ మూవీ  ‘దొంగ’  సినిమా పోస్టర్స్‌కి, టీజర్‌తోపాటు  రూపీ రూపీ సాంగ్‌కు వచ్చిన రెస్పాన్స్‌తో  ప్రేక్షకుల అంచనాలు ఇలానే ఉన్నాయి. కార్తీకి నిఖిలా విమల్ జంటగా నటిస్తున్న మరో సూపర్‌ హీరోయిన్‌ జ్యోతిక (హీరో సూర్య భార్య), సత్యరాజ్‌ ముఖ్యపాత్రలు పోషించారు. తాజాగా ఈనాడు పండగే పండగే అనే వీడయో పాటు చిత్ర యూనిట్‌ రిలీజ్‌ చేసింది. అన్సన్ పాల్, ఇలావరసు, అమ్మూ అభిరామి, షావుకారు జానకి, సీత, అశ్వంత్ అశోక్‌ కుమార్‌, రమేష్ తిలక్ తదితరులు నటిస్తున్నఈ చిత్రానికి జోసెష్ దర్శకత్వం వహిస్తుండగా, వయాకామ్ 18 స్టూడియోస్‌, ప్యారలల్ మైండ్స్ ప్రొడక్షన్ పతాకాలపై తెరకెక్కిస్తున్నారు. ఈ సినిమా డిసెంబరులో అన్ని భాషల్లోనూ  ప్రపంచ వ్యాప్తంగా విడుదల కానుంది. సాహిత్యాన్ని రామజోగయ్యశాస్త్రి అందించగా రంజింత్ గోవింద్ స్వరాలు కూర్చారు. ఎప్పటిలాగానే గాయని చిన్మయి శ్రీపాద తన స్వరంలో మెలోడీతో మ్యాజిక్‌ చేశారు. ఒకవైపు కేరళ అందాలు అలరిస్తోంటే.. రూపి రూపి పాటలో లాంగ్ హెయిర్‌తో..విలక్షణంగా ఆకట్టుకున్న కార్తీ  తాజా సాంగ్‌లో మాత్రం రఫ్‌ లుక్‌తో ఎట్రాక్ట్‌ చేస్తున్నాడు. 

స్వాతంత్య్ర దినోత్సవం రోజున గ్యాంగ్‌స్టర్‌గా థియేటర్స్‌లోకి రానున్నారు శర్వానంద్‌. సుధీర్‌ వర్మ దర్శకత్వంలో శర్వానంద్‌ హీరోగా నటించిన చిత్రం ‘రణరంగం’. ఈ చిత్రంలో కాజల్‌ అగర్వాల్, కల్యాణీ ప్రియదర్శన్‌ కథానాయికలుగా నటించారు. పీడీవీ ప్రసాద్‌ సమర్పణలో సూర్యదేవర నాగవంశీ నిర్మించారు. ఈ చిత్రాన్ని ఈ ఏడాది ఆగస్టు 15న విడుదల చేయనున్నట్లు మంగళవారం కొత్త విడుదల తేదీని చిత్రబృందం ప్రకటించింది. ఇది వరకు ఈ చిత్రాన్ని ఆగస్టు 2న విడుదల చేయాలనుకున్న విషయం గుర్తుండే ఉంటుంది. ‘‘ఈ సినిమాలో శర్వానంద్‌ నటన ఆయన గత చిత్రాలతో పోల్చినప్పుడు విభిన్నంగా ఉంటుంది. 1990–2000 సమయంలో ఈ సినిమా స్క్రీన్‌ ప్లే ఉంటుంది. సుధీర్‌ వర్మ బాగా తెరకెక్కించారు. అన్నివర్గాల వారికీ నచ్చుతుంది. మా నూతన గ్యాంగ్‌స్టర్‌ను ప్రేక్షకులు ఆదరించాలని కోరుకుంటున్నాం’’ అని చిత్రబృందం పేర్కొంది. 

సాక్షి,ముంబై:  బాలీవుడ్‌  మోగా స్టార్‌ బిగ్‌ బి అమితాబ్‌ బచ్చన్‌ (76) మరోసారి తన ఫ్యాన్స్‌ను  ఆశ్చర్యంలో ముంచెత్తారు.  లేటు వయసులో కూడా విలక్షణ పాత్రలతో ఆకట్టుకుంటున్న  అమితాబ్  రాబోయే చిత్రం "గులాబో సితాబో"  ఫస్ట్‌లుక్‌  విడుదలైంది. పొడవాటి గడ్డం, కళ్ళజోడు,   వెరైటి  తలపాగా,  ప్రొస్థెటిక్ ముక్కుతో ఓల్డ్ మాన్ లుక్‌లో గుర్తుపట్టలేనంతగా బిగ్ బి ఫ్యాన్స్‌కు షాక్‌ ఇచ్చారు. ఆయుష్మాన్ హీరోగా సుజీత్ సిర్కార్ తెరకెక్కిస్తునన్న  గులాబో సితాబొ అనే చిత్రంలో అమితాబ్ కీలక పాత్ర  పోషిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుండగా.. అందులో అమితాబ్‌కు చెందిన  ఫస్ట్‌లుక్‌ను  ప్రముఖ విమర్శకుడు తరన్‌ ఆదర్శ్‌ ట్విటర్లో షేర్‌ చేశారు.  పికూ రచయిత  జుహీ చతుర్వేది  కథను సమకూర్చగా.. లక్నో పరిసర ప్రాంతాలల్లో షూటింగ్‌ జరపుకుంటోంది. ఇదివరకెన్నడూ నటించని పాత్రలో విలక్షణంగా అమితాబ్ ఈ మూవీలో అలరించనున్నారట.  ఈ మూవీ వచ్చే ఏడాది ఏప్రిల్ 24న ప్రేక్షకుల ముందుకు రానుంది. Unveiling Amitabh Bachchan's quirky character look from #GulaboSitabo... Costars Ayushmann Khurrana... Directed by Shoojit Sircar... 24 April 2020 release. pic.twitter.com/Tg2V678xSu — taran adarsh (@taran_adarsh) June 21, 2019

సాక్షి,ముంబై:  బాలీవుడ్‌ మోస్ట్‌ ఎవైటెడ్‌ మూవీపై తాజాగా వెల్లడైన పోస్టర్‌ అభిమానుల్లో హల్‌చల్‌ చేస్తోంది.  తన అప్‌కమింగ్‌ మూవీ ‘రేస్ 3’  ట్విటర్‌లో   హింట్‌లు ఇస్తున్న బాలీవుడ్‌  సూపర్‌స్టార్‌ సల్మాన్‌ఖాన్‌ తాజాగా మరో  ఫోటోను షేర్‌   చేశారు.  ఈ చిత్రానికి సంబంధించి లేటెస్ట్ పోస్టర్‌ని ట్విటర్‌లో సల్మాన్‌ పోస్ట్‌ చేశారు.   అయితే ఈ సారి మాత్రం హీరో బాబీ డియోల్‌తో జాక్విలైన్ ఉన్న ఓ ఇంట్రెస్టింగ్‌ ఫోటోను పోస్ట్‌ చేయడం విశేషం. ఈ పోస్టర్‌ లుక్‌,  బాబీ, జాక్విలైన్‌ మధ్య  రొమాంటిక్ ఎక్స్‌ప్రెషన్స్  ఫ్యాన్స్‌ను ఆకట్టుకుంటున్నాయి.  ఇటీవల సల్మాన్  ట్వీట్‌ ప్రకారం  సల్మాన్‌తో వెరైటీగా పోజులిచ్చిన జాక్విలైన్, ఇప్పుడు బాబీడియోల్‌తో కనిపించడంతో ఈ సినిమాపై ఇంకా భారీ క్రేజ్‌ నెలకొనడంతోపాటు యూత్‌లో భారీ సస్పెన్స్‌ నెలకొంది.  ఎవరు ఏంటో అనే  సీక్రెట్‌ త్వరలోనే రివీల్‌ అవుతుందంటూ  సల్మాన్‌  ప్రకటించడంతో.. ఇంతకీ ఈ  హీరోయిన్ ఎవరితో రొమాన్స్ చేయబోతోందన్న డౌట్ సినీలవర్స్‌ని వెంటాడుతోంది. రెమో డైరెక్ట్ చేస్తున్న ఈ ఫిల్మ్‌లో సల్మాన్, అనిల్‌కపూర్ బాబీడియోల్‌తోపాటు జాక్విలైన్  ప్రధాన పాత్రలో నటిస్తున్నారు. ముఖ్యంగా ‘రేస్’ సిరీస్‌లో ఇప్పటివరకు వచ్చిన చిత్రాలు బాక్సాఫీసు వద్ద హిట్ కొట్టగా, గతంలో సైఫ్ చేసిన రోల్‌లో ఇప్పుడు సల్మాన్  అలరించనున్నారు. జాక్విలైన్‌ మొదటి రెండు  భాగాల్లోనూ నటించారు. ఈద్ సందర్భంగా జూన్ 15 న ప్రపంచవ్యాప్తంగా రిలీజ్ కానున్న సంగతి తెలిసిందే. 


 పూరీ జగన్నాథ్, మహేశ్ బాబు కాంబినేషన్లో వస్తున్న కొత్త సినిమా మీద వివాదాల దర్శకుడు రాంగోపాల్ వర్మ ప్రశంసల వర్షం కురిపించాడు. తాను పూరీ జగన్ స్టోరీ విన్నానని, ఇది ఇప్పటివరకు వచ్చిన అన్ని సినిమాల కంటే బెస్ట్ అని అన్నాడు. ఈ కొత్త సినిమాలో మహేశ్ బాబు పాత్ర ఇప్పటివరకు పూరీ జగన్నాథ్ సృష్టించిన అన్ని పాత్రల కంటే, అలాగే మహేష్ పోషించిన అన్ని పాత్రల కంటే పది రెట్లు బాగుందని చెప్పాడు.
 
 ఈ సినిమాలో మహేశ్ బాబు పాత్ర, డైలాగులు సన్నీ లియోన్ కంటే పది రెట్లు సెక్సీగా ఉంటాయని, పోకిరీ, బిజినెస్మ్యాన్, దూకుడు కంటే కూడా పదిరెట్లు బాగుంటాయని వర్మ తెలిపాడు. తాను విన్న స్టోరీ ప్రకారం అయితే పూరీ జగన్నాథ్, మహేశ్ బాబు కలిసి యాక్షన్ ఎంటర్టైనర్ సినిమాల విషయంలో సరికొత్త రికార్డు సృష్టిస్తారని, హీరోయిజం కూడా హిమాలయాలంత ఎత్తుకు ఎదుగుతుందని రాంగోపాల్ వర్మ చెప్పాడు.
 
  
 
 Just heard puri jagans story with Mahesh babu..compared to this Sholay size of a story Pokiri,Businessman,Dookudu are Aag
 — Ram Gopal Varma (@RGVzoomin) May 13, 2015
  
  
 
 Mahesh babu's character in Puri Jagan's new film is 10 times better than any character Jagan created and any character Mahesh babu played
 — Ram Gopal Varma (@RGVzoomin) May 13, 2015
  
 
 Mahesh babu character nd dialogue in Puri's is 10 times sexier than Sunny Leone nd 10 times more Bahubalier than Pokiri, Businessman,Dookudu
 — Ram Gopal Varma (@RGVzoomin) May 14, 2015
  
  
 
 Going by the story I heard Puri Jagan, Mahesh babu film will set an ultra new bench mark for action entertainers and a Himalayan heroism
 — Ram Gopal Varma (@RGVzoomin) May 14, 2015