Pranavi

సాక్షి, హైదరాబాద్‌: బీసీసీఐ సీనియర్‌ మహిళల టి20 టోర్నీలో పాల్గొనే సౌత్‌జోన్‌ జట్టును ప్రకటించారు. ఎన్‌. గీత చైర్మన్‌గా ఉన్న సెలక్షన్‌ కమిటీ 15 మంది సభ్యుల టీమ్‌ను ఎంపిక చేసింది. ఈ జట్టుకు హైదరాబాద్‌ బ్యాటర్‌ ప్రణవి చంద్ర కెప్టెన్‌గా వ్యవహరించనుండగా, శుభ సతీశ్‌ వైస్‌ కెప్టెన్‌గా ఎంపికైంది. భారత లెఫ్టార్మ్‌ స్పిన్నర్‌ ఎన్‌.శ్రీచరణి రెడ్డి, ఆఫ్‌ స్పిన్నర్‌ శ్రేయాంక పాటిల్‌ కూడా సౌత్‌ జోన్‌ తరఫున బరిలోకి దిగనున్నారు. ఈ టీమ్‌లో హైదరాబాద్‌ నుంచి ప్రణవిచంద్రతో పాటు వంకా పూజకు చోటు లభించగా, ఆంధ్ర నుంచి హెన్రిటా పెరీరా, షబ్నమ్‌ షకీల్, రంగలక్ష్మి ఎంపికయ్యారు. సౌత్‌జోన్‌ జట్టు వివరాలు: ప్రణవి చంద్ర (కెప్టెన్‌), శుభ సతీశ్‌ (వైస్‌ కెప్టెన్‌), ఎన్‌.శ్రీచరణి, జి.కమలిని, డి.హేమలత, నిక్కీ ప్రసాద్, హెన్రిటా పెరీరా, వంకా పూజ, శ్రేయ పరాబ్, షబ్నమ్‌ షకీల్, నియా నాజీన్, శ్రేయాంక పాటిల్, మోనికా పాటిల్, రంగలక్ష్మి, ఈసీ కవీషా.

రోజాపువ్వులా మెరిసిపోతున్న బిగ్‌బాగ్ దివి..కోర్ట్ హీరోయిన్ శ్రీదేవి స్మైలీ లుక్స్..కొలంబోలో హీరోయిన్ ప్రగ్యా జైస్వాల్ చిల్..ఫెస్టివ్‌ మూడ్‌లో ఉ‍ప్పెన భామ కృతి శెట్టి..బ్లూ డ్రెస్‌లో ప్రణవి మానుకొండ హోయలు.. View this post on Instagram A post shared by Krithi Shetty (@krithi.shetty_official) View this post on Instagram A post shared by Pragya Jaiswal (@jaiswalpragya) View this post on Instagram A post shared by Divi (@actordivi) View this post on Instagram A post shared by Sri devi (@srideviactor) View this post on Instagram A post shared by Pranavi Manukonda (@pranavi_manukonda)

న్యూఢిల్లీ: ఆసియా క్రీడల్లో పసిడి పతకంతో రికార్డు సృష్టించిన భారత యువ గోల్ఫర్‌ ప్రణవి ఉర్స్‌... ఒలింపిక్‌ పతకం సాధించడంతో పాటు మేజర్‌ టోర్నీల్లో విజేతగా నిలవడమే తన లక్ష్యమని వెల్లడించింది. జపాన్‌ వేదికగా ముగిసిన తాజా ఆసియా క్రీడల్లో మైసూర్‌కు చెందిన 23 ఏళ్ల ప్రణవి స్వర్ణం గెలిచి... గోల్ఫ్‌లో ఈ ఘనత సాధించిన తొలి భారత మహిళగా చరిత్ర సృష్టించింది. ఇక 2028 లాస్‌ ఏంజెలిస్‌ ఒలింపిక్స్‌కు అర్హత సాధించడమే తన ముందున్న లక్ష్యమని పేర్కొంది. గురువారం స్పోర్ట్స్‌ అథారిటీ ఆఫ్‌ ఇండియా (సాయ్‌) నిర్వహించిన ప్రత్యేక కార్యక్రమంలో ఆమె పాల్గొంది. ఈ సందర్భంగా ప్రణవి మాట్లాడుతూ... ‘ఆసియా క్రీడల్లో బంగారు పతకం సాధించడం నా ఆత్మవిశ్వాసాన్ని పెంచింది. మహిళల యూరోపియన్‌ టూర్‌ (ఎల్‌ఈటీ) టైటిల్‌ గెలవడం ఇక ఎంతో దూరంలో లేదు. ఒలింపిక్‌ పతకం, మేజర్‌ టోర్నీల్లో విజేతగా నిలవడమే నా తదుపరి లక్ష్యం. 2028 జూన్‌ నాటికి లాస్‌ ఏంజెలిస్‌ ఒలింపిక్స్‌ అర్హత గడువు ముగుస్తుంది. ప్రపంచ వ్యాప్తంగా వేలాదిమంది ఇందులో పాల్గొనేందుకు ఇప్పటి నుంచే ప్రయత్నాలు చేస్తున్నారు. ఆ లోపు వీలైనన్ని ఎక్కువ టోర్నమెంట్‌లలో పాల్గొని... ర్యాంకింగ్‌ మెరుగు పరుచుకోవడం ద్వారా విశ్వక్రీడలకు అర్హత సాధించాలనుకుంటున్నా’ అని వెల్లడించింది. ఏషియన్‌ గేమ్స్‌ చివరి దశలో ఒత్తిడికి గురైనప్పటికీ... దాన్ని అధిగమించి విజేతగా నిలిచిన ప్రణవి... గోల్ఫ్‌ దిగ్గజం రోరీ మెకిల్రాయ్‌ తనకు అతి పెద్ద స్ఫూర్తి అని పేర్కొంది. ఆసియా క్రీడల వ్యక్తిగత విభాగంలో స్వర్ణం నెగ్గిన ప్రణవి... అదితీ అశోక్, దీక్ష డాగర్‌తో కలిసి మహిళల టీమ్‌ విభాగంలో దేశానికి రజత పతకం కూడా అందించింది. ‘పతకం నెగ్గిన తర్వాత చాలా మంది నుంచి అభినందిస్తున్నారు. ఇంకా అందులో నుంచి బయటకు రాలేదు. ఫోన్స్, ఎస్‌ఎంఎస్‌లతో బిజీ అయిపోయా. ఇది నాకు చాలా కొత్తగా ఉంది. గతంలో ఎన్నో టోర్నీలు గెలిచినా ఇలాంటి స్పందన రాలేదు. దేశం తరఫున పతకం గెలవడం చాలా గర్వంగా ఉంది. ఆసియా క్రీడల్లో దేశానికి ప్రాతినిధ్యం వహించిన తొలిసారే విజేతగా నిలవడం ఆనందంగా ఉంది. దీని కోసం గత మూడేళ్లుగా ఎంతో కష్టపడ్డా. చివరకు ఫలితం దక్కింది’ అని ప్రణవి వివరిచింది. ఈ నెల 22 నుంచి గురుగ్రామ్‌ వేదికగా జరగనున్న ‘హీరో ఉమెన్స్‌ ఇండియన్‌ ఓపెన్‌’లో ప్రణవి పాల్గొననుంది. దీంతో పాటు ఈ ఏడాది మరో మూడు ఎల్‌ఈటీ ఈవెంట్‌లలో బరిలోకి దిగనున్నట్లు ప్రణవి వెల్లడించింది. ‘ఆసియా క్రీడల పతకంతో నాపై బాధ్యత మరింత పెరిగింది. దాన్ని నిలబెట్టుకునేందుకు శాయశక్తులా కృషిచేస్తా. బరిలోకి దిగిన ఏ టోర్నీలో అయినా విజయం సాధించడమే లక్ష్యంగా షాట్‌లు ఆడుతా. కొన్నిసార్లు అవి లక్ష్యానికి చేరకపోయినా... అక్కడితో ఆగిపోను. వైఫల్యాల నుంచి పాఠాలు నేర్చుకొని మరింత మెరుగయ్యేందుకు కృషి చేస్తా’ అని ప్రణవి పేర్కొంది.

సాక్షి, హైదరాబాద్‌: బీసీసీఐ సీనియర్‌ మహిళల టి20 ఎలీట్‌ టోర్నీలో పాల్గొనే హైదరాబాద్‌ జట్టును సెలక్టర్లు ప్రకటించారు. ఈ టీమ్‌కు వెలగపూడి ప్రణవి చంద్ర కెప్టెన్‌గా వ్యవహరించనుండగా, వైస్‌ కెప్టెన్‌గా వికెట్‌ కీపర్‌ ఎం.మమతను ఎంపిక చేశారు. మహారాష్ట్రలోని పుణేలో ఈ నెల 26 నుంచి టోర్నమెంట్‌ జరుగుతుంది. గతంలో హైదరాబాద్‌ టీమ్‌కు మూడేళ్లు ఆడిన తర్వాత సౌత్‌జోన్‌ టీమ్‌కు ఎంపికైన ప్రణవి కేరళ జట్టుకు కూడా ప్రాతినిధ్యం వహించింది. మహిళల కరీబియన్‌ ప్రీమియర్‌ లీగ్‌తో పాటు ఇంగ్లండ్‌లో ఈలింగ్, బిషప్‌ స్ట్రాట్‌ఫోర్ట్‌ జట్ల తరఫున ప్రణవి క్లబ్‌ క్రికెట్‌ కూడా ఆడింది. హైదరాబాద్‌ జట్టు: ప్రణవి చంద్ర (కెప్టెన్‌), ఎం.మమత (వైస్‌ కెప్టెన్‌), గొంగడి త్రిష, ధ్రుతి కేసరి, ఎస్‌. యషశ్రీ, వంకా పూజ, సంధ్య గోరా, కుంచల నితీశ, ఎం.సాక్షి రావు, కావ్యశ్రీ, ఎడ్ల సృజన, నల్లా క్రాంతి రెడ్డి, కె.నిధి, పి.పార్వతి, తాటి కృష్ణవేణి.

ఏషియన్‌ గేమ్స్‌ 2026లో భారత్‌ మరో చారిత్రాత్మక స్వర్ణ​ం సాధించింది. మహిళల వ్యక్తిగత గోల్ఫ్‌ విభాగంలో ప్రణవి ఉర్స్‌ గోల్డ్‌ మెడల్‌ కైవసం చేసుకుంది. ఫైనల్‌ రౌండ్‌లో ప్రణవి అద్భుతంగా ఆడి, చైనా గోల్ఫర్‌ యిన్‌ రుయోనింగ్‌, సింగపూర్‌కు చెందిన షానన్‌ టాన్‌పై పైచేయి సాధించింది. ప్రణవి దెబ్బకు రుయోనింగ్‌, షానన్‌ టాన్‌ సంయుక్తంగా రజత పతకాలతో సరిపెట్టుకున్నారు.టీమ్‌ ఈవెంట్‌లోనూ రజతంవ్యక్తిగత విభాగంలో స్వర్ణం సాధించిన ప్రణవి ఉర్స్‌, టీమ్‌ ఈవెంట్‌లోనూ (అదితి అశోక్‌, దీక్షా దాగర్‌తో కలిసి) భారత్‌కు రజత పతకం అందించింది.ఇవాళ రెండో గోల్డ్‌ఇవాళ భారత్‌ ఇప్పటికే రెండు స్వర్ణ పతకాలు ఖాతాలో వేసుకుంది. ఉదయమే మహిళల వ్యక్తిగత రికర్వ్‌ ఆర్చరీలో కుమ్కుమ్‌ మోహోద్‌ స్వర్ణం గెలిచింది. తాజాగా ప్రణవి గోల్డ్‌తో మెరిసింది. ఈ రెంటితో ప్రస్తుతం భారత్‌ ఖాతాలో 18 స్వర్ణాలు ఉన్నాయి. మొత్తంగా 79 (18 స్వర్ణాలు, 26 రజతాలు, 35 కాంస్యాలు) పతకాలు. ప్రస్తుతం భారత్‌ పతకాల పట్టికలో ఐదో స్థానంలో కొనసాగుతోంది. 318 పతకాలతో చైనా అగ్రస్థానంలో దూసుకుపోతుంది.ఇవాళ భారత్‌ మరిన్ని స్వర్ణ పతకాలు సాధించే అవకాశం ఉంది. పురుషుల క్రికెట్‌, హాకీలో భారత్‌ పసిడి పోరులో పాల్గొంటుంది.ఇదీ చదవండి: భారత క్రికెట్‌ చరిత్రలో ఇవాళ అత్యంత అరుదైన ఘటన

సాక్షి, హైదరాబాద్‌: బీసీసీఐ సీనియర్‌ మహిళల ఇంటర్‌ జోనల్‌ క్రికెట్‌ టోర్నమెంట్‌లో పాల్గొనే సౌత్‌జోన్‌ జట్టును బుధవారం ప్రకటించారు. 15 మంది సభ్యులతోకూడిన సౌత్‌జోన్‌ జట్టులో తెలుగమ్మాయి ప్రణవి చంద్రకు చోటు లభించింది. గతంలో హైదరాబాద్‌కు ఆడిన ప్రణవి ప్రస్తుతం కేరళకు ప్రాతినిధ్యం వహిస్తోంది. మార్చి 20 నుంచి ఏప్రిల్‌ 3 వరకు పుదుచ్చేరిలో ఈ టోర్నీని నిర్వహిస్తారు. సౌత్‌జోన్‌ జట్టుకు నిక్కీ ప్రసాద్‌ (కర్ణాటక) కెప్టెన్‌గా, మమత (హైదరాబాద్‌) వైస్‌ కెప్టెన్‌గా వ్యవహరిస్తారు. వంకా పూజ (హైదరాబాద్‌), షబ్నమ్, హెన్రిటా పెరీరా (ఆంధ్ర) కూడా సౌత్‌జోన్‌ జట్టులోకి ఎంపికయ్యారు.

జగిత్యాలక్రైం: పెళ్లి ఇష్టంలేక మనస్తాపానికి గురైన ఓ యువతి ఉరేసుకుని ఆత్మహత్య చేసుకున్న ఘటన జగిత్యాల పట్టణంలోని పోచమ్మవాడలో చోటుచేసుకుంది. స్థానికుల కథ నం ప్రకారం.. పోచమ్మవాడకు చెందిన ములస్తం గణేశ్, పుష్పలత దంపతులకు కూతురు, ఇద్దరు కుమారులున్నారు. కూతురు ప్రణవి (25) వరంగల్‌లో గతేడాది ఇంజినీరింగ్‌ పూర్తిచేసింది. ఉన్నత విద్య కోసం విదేశాలకు వెళ్లేందుకు ప్రయత్నిస్తోంది. కానీ.. కుటుంబసభ్యులు పెళ్లి సంబంధాలు చూస్తున్నారు. ఈనెల 5న పెళ్లిచూపులు ఉన్నాయని తెలిపారు. తల్లిదండ్రులు గోదావరిలో స్నానానికని సోమవారం ధర్మపురి వెళ్లారు. తిరిగి వచ్చేసరికి ప్రణవి తన స్టడీ రూమ్‌లో ఫ్యాన్‌కు ఉరేసుకుని కనిపించింది. కుటుంబసభ్యులు కొనఊపిరితో ఉన్న ఆమెను కిందకు దింపారు. 108కు సమాచారం అందించగా.. వారు స్పందించలేదు. కారులో జగిత్యాల ప్రభుత్వ ఆస్పత్రికి తీసుకొచ్చారు. ఆస్పత్రి సిబ్బంది స్ట్రెచర్‌ తీసుకురావడంలో ఆలస్యం చేశారు. బంధువులే ఆమెను చేతులపై ఎత్తుకెళ్లి ఆస్పత్రిలో చేర్పించారు. అప్పటికే పరిస్థితి విషమించి మృతిచెందింది. 108 సిబ్బంది, ఆస్పత్రి సిబ్బంది నిర్లక్ష్యంతోనే ప్రణవి మృతిచెందిందని కుటుంబసభ్యులు ఆగ్రహం వ్యక్తం చేశారు. మృతురాలి తండ్రి గణేశ్‌ ఫిర్యాదు మేరకు కేసు నమోదు చేసినట్లు పట్టణ ఎస్సై సదాకర్‌ తెలిపారు.

BCCI Women's Senior One Day Trophy 2024- న్యూఢిల్లీ: బీసీసీఐ సీనియర్‌ మహిళల వన్డే క్రికెట్‌ టోర్నీలో హైదరాబాద్‌ జట్టు విజయంతో బోణీ చేసింది. బెంగాల్‌ జట్టుతో జరిగిన తొలి మ్యాచ్‌లో హైదరాబాద్‌ టీమ్‌ 24 పరుగుల తేడాతో గెలిచింది. ఢిల్లీ వేదికగా గురువారం జరిగిన ఈ మ్యాచ్‌లో తొలుత హైదరాబాద్‌ 50 ఓవర్లలో 9 వికెట్లకు 225 పరుగులు సాధించింది. ప్రణవి చంద్ర (88 నాటౌట్‌; 9 ఫోర్లు, 2 సిక్స్‌లు) బాధ్యతాయుత ఇన్నింగ్స్‌ ఆడింది. రాణించిన త్రిష అదే విధంగా గొంగడి త్రిష 31 పరుగులతో రాణించింది. ఎం.మమత 21, వీఎమ్‌ కావ్య 29 పరుగులు సాధించారు. వీరి బాధ్యతాయుత ఇన్నింగ్స్‌ కారణంగా హైదరాబాద్‌ జట్టు 225 పరుగుల గౌరవప్రదమైన స్కోరు చేయగలిగింది. 201 పరుగులకు బెంగాల్‌ ఆలౌట్‌ ఇక బెంగాల్‌ బౌలర్లలో ధరా గుజ్జార్‌ ఐదు వికెట్లు(5/27) దక్కించుకోగా.. సస్తి మొండల్‌ రెండు (2/25) వికెట్లు పడగొట్టింది. ఈ క్రమంలో.. 226 పరుగుల లక్ష్యంతో బరిలోకి దిగిన బెంగాల్‌ 49.3 ఓవర్లలో 201 పరుగులకు ఆలౌటై ఓడిపోయింది. ధరా గుజ్జర్‌ 21, సస్తి మొండల్‌ 23 పరుగులు చేయగా.. కశిష్‌ అగర్వాల్‌ 62 పరుగులతో బెంగాల్‌ ఇన్నింగ్స్‌లో టాప్‌ స్కోరర్‌గా నిలిచింది. ఇక హైదరాబాద్‌ బౌలర్లలో గౌహర్‌ సుల్తానా, బి. శ్రావణి చెరో రెండు వికెట్లు తీసి చెప్పుకోగదగ్గ ప్రదర్శనతో ఆకట్టుకున్నారు. కాగా తొలి మ్యాచ్‌లోనే బెంగాల్‌ వంటి పటిష్ట జట్టుపై గెలుపొందడం హైదరాబాద్‌ మహిళా జట్టు ఆత్మవిశ్వాసాన్ని రెట్టింపు చేసిందని చెప్పవచ్చు.   చదవండి: ఏం జరిగిందో చూశారు కదా.. నోరుపారేసుకోవడం ఆపితే మంచిది: రోహిత్‌

బాలనటిగా మెప్పించి నటిగా మారిన మరో తెలుగు టాలెంట్‌.. ప్రణవి మానుకొండ. ఇన్‌స్టాగ్రామ్‌ రీల్స్‌తో మొదలైన ఆమె జర్నీ.. సీరియల్స్‌తో సాగి సినిమాకు చేరుకుంది. ఆ వివరాలు..  ► హైదరాబాద్‌లో పుట్టి, పెరిగిన ప్రణవి.. పదకొండేళ్ల వయసులో బాలనటిగా వెండితెర ఎంట్రీ ఇచ్చింది.  ► ‘రొటీన్‌ లవ్‌స్టోరీ’, ‘ఉయ్యాలా జంపాలా’ సినిమాల్లో చిన్నప్పటి హీరోయిన్‌గా కనిపించి బాగా ఫేమస్‌ అయింది.  ► చైల్డ్‌ ఆర్టిస్ట్‌గా ఇటు సినిమాల్లోనూ, అటు సీరియల్స్‌లోనూ బిజీగా ఉండేది. ‘పసుపు కుంకుమ’, ‘సూర్యవంశం’, ‘ఎవరే నువ్వు మోహినీ’, ‘గంగ మంగ’ లాంటి సీరియల్స్‌తో తెలుగు ప్రేక్షకులకు దగ్గరైంది. ► సోషల్‌ మీడియాలోనూ టిక్‌ టాక్‌ వీడియోలు, రీల్స్‌ చేస్తూ ఎంతోమంది అభిమానుల్ని సంపాదించుకుంది.  ► ఆమధ్య సింగర్‌ నోయల్‌తో కలసి ‘హస్లర్‌ (Hustler)’ అనే వీడియో సాంగ్‌లో నటించింది. ఆడవాళ్లపై జరుగుతున్న అఘాయిత్యాల మీద చేసిన వీడియో సాంగ్‌ ఇది. బాగా వైరలై సోషల్‌ మీడియాలో ప్రణవి క్రేజ్‌ మరింత పెరిగింది.  ► ‘స్లమ్‌ డాగ్‌ హస్బెండ్‌’ అనే సినిమాతో హీరోయిన్‌గా ఎంట్రీ ఇచ్చింది ప్రణవి.  సీరియల్స్‌ షెడ్యూల్స్‌ వల్ల సినిమాలు చేయలేదు. ఇక నుంచి మాత్రం నా దృష్టి అంతా వెండితెర మీదే!  – ప్రణవి మానుకొండ  View this post on Instagram A post shared by Pranavi Manukonda (@pranavi_manukonda) చదవండి: అన్నింటిలో టాప్‌.. కానీ కుటుంబం వల్ల ఆత్మహత్యకు యత్నించిన హీరోయిన్‌

‘‘చిత్ర పరిశ్రమ అనేది గౌరవం ఉన్న ఇండస్ట్రీ. మన హద్దుల్లో మనం ఉండి సినిమాలు చేసుకుంటే అడ్డేదీ ఉండదు.. ఎలాంటి ఇబ్బందులు రావు. తెలుగమ్మాయి అయిన హీరోయిన్‌ ప్రణవికి నేను ఇచ్చే సలహా ఇదే’’ అని హీరోయిన్‌ శ్రీలీల అన్నారు. సంజయ్‌ రావు, ప్రణవి మానుకొండ జంటగా ఏఆర్‌ శ్రీధర్‌ దర్శకత్వం వహించిన చిత్రం ‘స్లమ్‌ డాగ్‌ హజ్బెండ్‌’. అప్పిరెడ్డి, వెంకట్‌ అన్నపరెడ్డి నిర్మించిన ఈ సినిమా రిలయన్స్‌ ఎంటర్‌టైన్మెంట్‌ ద్వారా నేడు రిలీజవుతోంది. ఈ సందర్భంగా హైదరాబాద్‌లో జరిగిన ఈ సినిమా ప్రీ రిలీజ్‌ వేడుకకి ముఖ్య అతిథిగా హాజరైన శ్రీలీల మాట్లాడుతూ– ‘‘స్లమ్‌ డాగ్‌ హజ్బెండ్‌’ సినిమా సూపర్‌ హిట్‌ కావాలి’’ అన్నారు. ‘‘మా సినిమాలో వినోదం, భావోద్వేగాలు ఆకట్టుకుంటాయి’’ అన్నారు ఏఆర్‌ శ్రీధర్‌. ‘‘శ్రీలీల, వైష్ణవీ చైతన్య, ప్రణవి తెలుగు అమ్మాయిలే. నా కొత్త సినిమాకు తెలుగు అమ్మాయినే హీరోయిన్‌గా తీసుకుంటా’’ అన్నారు డైరెక్టర్‌ బుచ్చిబాబు సానా. ‘‘స్లమ్‌ డాగ్‌ హజ్బెండ్‌’ హిట్‌ అయితే మరో పదిమంది కొత్తవాళ్లకు అవకాశాలు ఇస్తాం’’ అన్నారు అప్పిరెడ్డి, వెంకట్‌ అన్నపరెడ్డి. 

‘‘స్లమ్‌ డాగ్‌ హజ్బెండ్‌’ కథ కొత్తగా ఉంటుంది. ఇందులో నేను చేసిన మౌనిక పాత్ర కూడా  కొత్తగా ఉంటుంది’’ అన్నారు ప్రణవి మానుకొండ. ఏఆర్‌ శ్రీధర్‌ దర్శకత్వంలో సంజయ్‌ రావు, ప్రణవి మానుకొండ జంటగా నటించిన చిత్రం ‘స్లమ్‌ డాగ్‌ హజ్బెండ్‌’. అప్పిరెడ్డి, వెంకట్‌ అన్నపరెడ్డి నిర్మించిన ఈ సినిమాని రిలయన్స్‌ ఎంటర్‌టైన్మెంట్‌ ఈ నెల 29న రిలీజ్‌ చేస్తోంది. ఈ సందర్భంగా ప్రణవి మాట్లాడుతూ– ‘‘నాకు చిన్నప్పటి నుంచి నటనంటే ఇష్టం. బాల నటిగా మంచి ఆఫర్లు వచ్చాయి. అనుష్కగారి ‘అరుంధతి’ సినిమా డైలాగ్స్‌ను అద్దం ముందు నిలబడి చెప్పేదాన్ని. ‘రొటీన్‌ లవ్‌ స్టోరీ, ఉయ్యాలా జంపాలా, అమిగోస్‌’ సినిమాల్లో మంచి పాత్రలు చేశాను. సీరియల్స్‌లోనూ లీడ్‌గా చేశాను. హీరోయిన్‌గా ‘స్లమ్‌ డాగ్‌ హజ్బెండ్‌’ ఫస్ట్‌ మూవీ. నేను తెలుగమ్మాయిని కావడం ప్లస్‌గా భావిస్తున్నా. ప్రస్తుతం డిగ్రీ ఫైనల్‌ ఇయర్‌ చదువుతున్నప్పటికీ నా ఫోకస్‌ సినిమాలపైనే’’ అన్నారు. 

►ఎల్లో డ్రెస్‌లో దసరా బ్యూటీ కీర్తి సురేశ్ అందాలు ►బోల్డ్ లుక్స్‌తో కవ్విస్తోన్న కేతిక శర్మ ►నాజూకు అందాలతో రెచ్చగొడుతోన్న ప్రణవి మానుకొండ ►గ్లామర్‌ లుక్‌తో అదరగొడుతున్న శోభితా రానా ►కలర్‌ఫుల్‌ డ్రెస్సులతో బుట్టబొమ్మ పూజా హేగ్డే హోయలు View this post on Instagram A post shared by Ketika (@ketikasharma) View this post on Instagram A post shared by Keerthy Suresh (@keerthysureshofficial) View this post on Instagram A post shared by Pooja Hegde (@hegdepooja) View this post on Instagram A post shared by Shobhitta (@shobhitaranaofficial) View this post on Instagram A post shared by Pranavi Manukonda (@pranavi_manukonda)

సంజయ్‌ రావు, ప్రణవి మానుకొండ జంటగా నటించిన చిత్రం ‘స్లమ్‌ డాగ్‌ హజ్బెండ్‌’. ఏఆర్‌ శ్రీధర్‌ దర్శకత్వంలో అప్పిరెడ్డి, వెంకట్‌ అన్నపరెడ్డి నిర్మించారు. రిలయ¯Œ ్స ఎంటర్‌ౖటెన్మెంట్‌ సంస్థ ఈ సినిమాను ఈ నెల 29న విడుదల చేస్తోంది. ‘‘మ్యారేజ్‌ బ్యాక్‌డ్రాప్‌లో ఓ కొత్త పాయింట్‌ను ఈ సినిమాలో చర్చించబోతున్నాం. కంప్లీట్‌ ఫ్యామిలీ ఎంటర్‌టైనర్‌ ఫిల్మ్‌ ఇది. సినిమా హిట్‌ సాధిస్తుందనే నమ్మకం ఉంది’’ అని యూనిట్‌ పేర్కొంది. బ్రహ్మాజీ, సప్తగిరి తదితరులు నటించిన ఈ సినిమాకు సహ–నిర్మాతలు: చింతా మెర్వాన్, సీహెచ్‌ చైతన్య పెన్మత్స, నిహార్‌ దేవెళ్ల, సంగీతం: భీమ్స్‌ సిసిరోలియో. 

సాక్షి, తిరుపతి: మహిళా క్రికెటర్ ప్రణవి చంద్ర తిరుమల శ్రీవారిని దర్శించుకున్నారు. సోమవారం ఉదయం స్వామి వారి నైవేద్య విరామ సమయంలో కోచ్‌ చాముండేశ్వరినాథ్‌తోతో కలిసి స్వామి వారి సేవలో పాల్గొని మొక్కులు చెల్లించుకున్నారు.‌ దర్శనానంతరం వీరికి రంగనాయకుల మండపంలో వేద పండితులు వేద ఆశీర్వాదం అందించారు. అదే విధంగా.. ఆలయ అధికారులు పట్టు వస్త్రంతో సత్కరించి స్వామి వారి తీర్ధ ప్రసాదాలు అందజేశారు. కాగా హైదరాబాద్‌ క్రికెట్‌ టీమ్‌కు ఆడుతున్న ప్రణవి చంద్ర మాట్లాడుతూ.. టీ20 క్రికెట్‌ లీగ్‌ల ద్వారా కొత్త వాళ్లకు మంచి అవకాశాలు వస్తాయన్నారు. ప్రతిభ నిరూపించుకుంటే.. అంతర్జాతీయ క్రికెటర్‌టగా ఎదగడానికి ఉపయోగపడుతుందని ఆఫ్‌బ్రేక్‌ స్పిన్నర్‌గా రాణిస్తున్న ప్రణవి చంద్ర పేర్కొన్నారు. చదవండి: సూర్య కాదు.. ఆ ఆసీస్‌ బ్యాటర్‌ వల్లేనన్న ఆజం ఖాన్‌! ‘స్కై’తో నీకు పోలికేంటి? NZ Vs Eng: మరీ ఇలా కూడా అవుట్‌ అవుతారా? వాళ్లు అంతలా కష్టపడితే.. నీకేమో ఇంత బద్ధకమా?

Kakinada Sea Ports Limited Sponsorship: హైదరాబాద్‌ క్రికెట్‌ టీమ్‌ వైస్‌ కెప్టెన్‌ ప్రణవిచంద్ర, గోల్ఫర్‌ ట్వెసా మలిక్‌లకు స్పాన్సర్‌షిప్‌ ఇచ్చేందుకు కాకినాడ సీపోర్ట్‌ సంస్థ ముందుకు వచ్చింది. సంస్థ కార్యదర్శి విభా జైన్‌ ఈ ఇద్దరు క్రీడాకారిణులకు చెరో రూ. 15 లక్షల చెక్‌లు అందించగా... తెలంగాణ బ్యాడ్మింటన్‌ సంఘం ఉపాధ్యక్షుడు వి.చాముండేశ్వరీనాథ్‌ కూడా ఈ కార్యక్రమంలో పాల్గొన్నారు.  చదవండి: IND vs WI: క్రికెట్ అభిమానులకు భారీ షాక్‌.. భార‌త్- విండీస్ తొలి వ‌న్డే వాయిదా!

బాలనటిగా సినిమాల్లోకి ఎంటర్‌ అయిన ప్రణవి సీరియల్‌ నటిగా పేరుతెచ్చుకుంటోంది. ‘గంగ మంగ’ సీరియల్‌లో గంగ గా తెలుగింటి ప్రేక్షకులను ఆకట్టుకుంటోంది. అచ్చతెనుగు అమ్మాయిగా పదోతరగతితోనే ‘బుల్లితెర’ంగేట్రమ్‌ చేసిన ప్రణవి చెబుతున్న ముచ్చట్లివి. ‘‘మాది తాడేపల్లి గూడెం. నాకు చిన్నప్పటి నుంచి డ్యాన్స్‌ అంటే చాలా ఇష్టం. శాస్త్రీయ నృత్యం కూచిపూడితో పాటు వెస్ట్రన్‌ డ్యాన్స్‌ కూడా నేర్చుకున్నాను. చిన్నప్పుడు ఢీ, ఆట.. ప్రోగ్రామ్‌ల్లోనూ పాల్గొన్నాను. ఆ ఇష్టం వెండితెరకు బాలనటిగా పరిచయం చేసింది. సినిమాల్లో ఉయ్యాల జంపాల, సీరియల్స్‌లో పసుపు కుంకుమ, భార్యామణిలో చైల్డ్‌ ఆర్టిస్ట్‌గా చేశాను. ఎవరేమోహినిలో హీరోయిన్‌గా చేశాను. గంగ మంగ సీరియల్‌కి ఆడిషన్స్‌కి వెళ్లినప్పుడు గంగ పాత్రకు నన్ను ఎంపిక చేశారు. దృశ్యం సినిమాలోని చిన్నపాపకు డబ్బింగ్‌ చెప్పి డబ్బింగ్‌ ఆర్టిస్ట్‌గా కూడా మారాను.’’– నిర్మలారెడ్డి మా అక్కే నా టీచర్‌! నేనిప్పుడు ఇంటర్మీడియెట్‌ ఫస్టియర్‌ చదువుతున్నాను. బాలనటిగానే ఈ రంగంలోకి వచ్చాను. షూటింగ్స్‌ లేని రోజుల్లో చదువుకుంటాను. మా అక్క డిగ్రీ చేస్తోంది. తనే నా సబ్జెక్ట్స్‌ అన్నీ చెబుతుంటుంది. అక్కతో... లొకేషన్‌ ఎట్‌ ఫన్‌! కాన్సెప్ట్‌ ఏదైనా డైరెక్టర్‌ చెప్పగానే అలా ఒక్కసారి ఊహించుకొని చేసేస్తాను. యూనిట్‌లో అంతా నన్ను మెచ్చుకుంటారు. కాకపోతే ఎక్కడా ఖాళీ ఉండను. లొకేషన్‌ ఎప్పుడూ ఫన్‌గా ఉంటుంది. అల్లరి బాగా చేస్తానని నాకు పేరు(నవ్వుతూ). ఖాళీ దొరికితే లొకేషన్‌లోనే కాసేపు చదువుకోవడం లేదంటే టిక్‌టాక్‌ వీడియోలతో హడావిడి చేస్తుంటాను. నా ఫ్యామిలీ నా బలం ఇంట్లో నన్ను ముద్దుగా ‘గంగమ్మ’ అని పిలుస్తుంటారు. నేనీ రంగంలోకి రావడానికి మా నాన్న శ్రీనివాసమూర్తి కారణం. ఏ సన్నివేశంలో ఎలా యాక్ట్‌ చేయాలో చెబుతుంటారు. అమ్మ రత్నవల్లి నా క్యాస్ట్యూమ్స్‌ అన్నీ తనే చూసుకుంటుంది. అక్క నా చదువు చూసుకుంటుంది. బామ్మలు నేను ఎదగాలని కోరుకుంటారు. నా ఫ్యామిలీ నా బలం.   మంచి నటిగా పేరు తెచ్చుకోవాలన్నదే నా ముందున్న కల. సీరియల్‌లో ఓ దృశ్యం సీరియల్‌లో గంగ! ‘గంగమంగ సీరియల్‌లో గంగ మొదట్లో ఏమీ తెలియని అమాయకురాలు. ఇప్పుడు మంగ ఆస్తికోసం చేసే కుట్రలను తిప్పి కొడుతుంటుంది. అమ్మమ్మతో చనువుగా ఉంటుంది. ఆమె చెప్పింది వేదంలా పాటిస్తుంది. నిజ జీవితంలోనూ అంతే అమ్మమ్మ, నాన్నమ్మలు చెప్పింది బుద్ధిగా వింటాను. వాళ్లకీ నన్ను నటిగా చూడటమే ఇష్టం. నటిగా బాగా ఎదగాలని కోరుకుంటారు. స్నేహితులు కలిస్తే! మా ఫ్రెండ్స్‌ ఇప్పుడు కలిస్తే చాలు నన్ను ‘పెళ్లెప్పుడు’ అని సరదాగా అడుగుతుంటారు. సీరియల్‌లో పెళ్లి సందర్భం సన్నివేశాలు చెప్పి ఆటపట్టిస్తుంటారు. చిన్నదాన్నైనా సీరియల్‌లో పెద్దదానిగా కనిపిస్తుంటాను. అప్పుడు మా అమ్మ కూడా నవ్వుతూ వాళ్లకి సమాధానమిస్తుంది.

శ్రీనివాసరావు, ప్రణవి జంటగా డి.ఎస్‌. రావ్‌ దర్శకత్వంలో ఓ సినిమా తెరకెక్కనుంది. సుష్మా ఎంటర్‌టైన్‌మెంట్‌ మీడియా పతాకంపై ప్రొడక్షన్‌ నెం.2గా సత్యేశ్వరి నిర్మిస్తున్న ఈ సినిమా హైదరాబాద్‌లో ప్రారంభమైంది. ముహూర్తపు సన్నివేశానికి సంగీత దర్శకుడు రమణ సాకే క్లాప్‌ ఇచ్చారు. సత్యేశ్వరి మాట్లాడుతూ– ‘‘లవ్, సెంటిమెంట్, కామెడీ, యాక్షన్‌.. అన్నీ కలగలిసిన మంచి కథ కుదిరింది. కథకు తగ్గట్టు నటీనటులను ఎంపిక చేస్తున్నాం. ఈ నెలాఖరులో రెగ్యులర్‌ షూటింగ్‌ ప్రారంభిస్తాం. గోదావరి పరిసరాల్లో షూటింగ్‌ చేస్తాం’’ అన్నారు. ఈ చిత్రానికి కెమెరా: ధీధీరజ్, సంగీతం: రమణ సాకే.

‘‘శీనుగాడి ప్రేమ’ సినిమా పాటలు, టీజర్‌ బాగున్నాయి. నటీనటులు కొత్తవారైనా అనుభవం ఉన్నవారిలా నటించారు. ఇలాంటి చిత్రాలను ప్రేక్షకులు ఆదరించాలి’’ అని తెలంగాణ ఫిలిం చాంబర్‌ ఆఫ్‌ కామర్స్‌ చైర్మన్‌ ప్రతాని రామకృష్ణ గౌడ్‌ అన్నారు. ఆర్‌.కేని దర్శకునిగా పరిచయం చేస్తూ శ్రీనివాసరావు హీరోగా నటించి, నిర్మించిన చిత్రం ‘శీనుగాడి ప్రేమ’. ‘సిన్సియర్‌ రా మామా’ అన్నది ట్యాగ్‌ లైన్‌. ప్రణవి, కావేరి, చాందిని కథానాయికలు. రమణ సాకే స్వరపరచిన ఈ చిత్రం పాటలను హైదరాబాద్‌లో విడుదల చేశారు. శ్రీనివాసరావు మాట్లాడుతూ– ‘‘నాకు యాక్టింగ్‌ అంటే ఇష్టం. నేను డైలాగ్స్‌ చెప్పే విధానం చూసిన డైరెక్టర్‌ హీరోగా నటించమన్నారు. కథ కూడా బాగుండటంతో నటించి, నేనే నిర్మించాను’’ అన్నారు. ‘‘శీను పేరున్న వారికి కనెక్టయ్యే కథాంశంతో ఈ సినిమా చేశాం. లవ్, కామెడీ, ఎమోషన్‌.. ఇలా ఆడియన్స్‌కు కావాల్సిన అన్ని అంశాలుంటాయి’’ అన్నారు ఆర్‌.కె.

శ్రీనివాసరావు, ప్రణవి, కావేరి, చాందినీ ముఖ్య పాత్రల్లో తెరకెక్కిన చిత్రం ‘శీనుగాడి ప్రేమ’. ‘సిన్సియర్‌ రా మామా’ అన్నది ఉపశీర్షిక. ఆర్‌.కె.డి. దర్శకత్వంలో సుష్మా ఎంటర్‌టైన్‌మెంట్‌ మీడియా పతాకంపై ధరిమిశెట్టి సత్యేశ్వరి నిర్మించిన ఈ సినిమా డబ్బింగ్‌ జరుపుకుంటోంది. నిర్మాత సత్యేశ్వరి మాట్లాడుతూ– ‘‘లవ్, సెంటిమెంట్, యాక్షన్‌ నేపథ్యంలో రూపొందిన చిత్రమిది. వినోదానికీ పెద్దపీట వేశాం. ఆర్‌.కె.డి. చెప్పిన కథను తెరపై చక్కగా ఆవిష్కరించారు. హైదరాబాద్, అరకు, వైజాగ్, కాణిపాకం, తిరుపతి, చెన్నైలోని అందమైన ప్రదేశాల్లో ఐదు పాటలు చిత్రీకరించాం. త్వరలో సినిమా విడుదలకు సన్నాహాలు చేస్తున్నాం. అన్నివర్గాల ప్రేక్షకులను మా చిత్రం ఆకట్టుకుని, విజయం సాధిస్తుందనే నమ్మకం ఉంది’’ అన్నారు. రాంపల్లి వెంకటరమణ, రమ్య, భవాని తదితరులు నటించిన ఈ చిత్రా నికి కెమెరా: సతీష్, సంగీతం: రమణ.


 కరీంనగర్ : కరీంనగర్ జిల్లా ముస్తాబాద్ మండల కేంద్రం దుబ్బాక రహదారిపై మంగళవారం రెండు ఆటోలు ఢీకొన్నాయి. ఈ ప్రమాదంలో గాయపడిన మూడేళ్ల చిన్నారి ప్రణవి ఆసుపత్రిలో చికిత్స పొందుతూ మరణించింది. మంగళవారం దుబ్బాక రహదారిపై వేగంతో వెళ్తున్న ఆటో ఎదురుగా వస్తున్న ఆటోను అదుపు తప్పి ఢీకొట్టింది. ఆ ఆటోలో తల్లిదండ్రులతో ప్రయాణిస్తున్న ప్రణవి తీవ్రంగా గాయపడింది.
 స్థానికులు వెంటనే స్పందించి పోలీసులకు సమాచారం అందించారు. పోలీసులు హుటాహుటిన ఘటన స్థలానికి చేరుకుని... ప్రణవిని సమీపంలోని ఆసుపత్రికి తరలించారు.  చిన్నారి ఆసుపత్రిలో చికిత్స పొందుతూ మరణించింది. ఈ ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.
 
  
  


  పిఠాపురం : సరదాగా తీసిన కూని రాగాలే తన కెరీర్‌ను మలుపు తిప్పి సినీగానాలుగా మారాయని యువ గాయని టి.ప్రణవి తెలిపారు. ఆదివారం ఆమె పిఠాపురం పాదగయక్షేత్రంలో శ్రీకుక్కుటేశ్వరస్వామిని, శ్రీపురుహూతికా అమ్మవారిని, శ్రీరాజరాజేశ్వరిదేవిని, దత్తాత్రేయస్వామిని దర్శించి ప్రత్యేక పూజలు చేశారు. ఆలయ పండితులు ఆమెను ఆశీర్వదించగా అధికారులు  ప్రసాదాలందజేశారు. ఆమె శ్రీరాజరాజేశ్వరిదేవిపై ‘శృతి నీవు గతి నీవు’ గీతాన్ని ఆలపించారు. ఆమె వెంట తండ్రి టి.విజయకుమార్, ఉంగరాల వెంకటేశ్వరరావు, ఎలుబండి ప్రభు తదితరులున్నారు. ఆ సందర్భంగా ఆమె ‘సాక్షి’కి ఇచ్చిన ప్రత్యేక ఇంటర్వూ.
 సాక్షి: మీ కుటుంబ నేపథ్యం?
  ప్రణవి: స్వస్థలం ముమ్మిడివరం దగ్గర కొత్తలంక. కొంత కాలం కాకినాడలో ఉన్నాం. మా అమ్మ వైణికురాలు, నాన్న రచయిత. దూరదర్శన్‌లో పని చేస్తూ హైదరాబాద్‌లో స్థిరపడ్డారు.
  సాక్షి:  సంగీతం పట్ల ఆసక్తి ఎలా కలిగింది?
  ప్రణవి: సంగీతంలో బీఏ చేశాను. కుటుంబానికి ఉన్న సంగీత నేపథ్యంలో చిన్నప్పటి నుంచి సంగీతం పట్ల ఆసక్తి ఉండేది. తల్లిదండ్రుల ప్రోత్సాహం ఉన్నా గాయని అవుతానని ఊహించలేదు.
  సాక్షి: సంగీతం ఎవరి దగ్గర నేర్చుకున్నారు?
  ప్రణవి: వైజే బాలసుబ్రహ్మణ్యం, హేమావతి, రామాచారిల వద్ద.
  సాక్షి: తొలుత పాటలు పాడే అవకాశం ఎలా వచ్చింది?
  ప్రణవి: ఖాళీగా ఉన్నప్పుడు కూనిరాగాలు తీయడం అలవాటు. హైదరాబాద్‌లో ఒక సినిమా ఫంక్షన్‌లో కూనిరాగాలు తీస్తుంటే దర్శకుడు ఆదిత్య విని సంగీత దర్శకుడు కళ్యాణ్‌మాలిక్‌కు పరిచయం చేశారు. ఆయన కొన్ని పాత పాటలు పాడించి, ‘ఆంధ్రుడు’లో రెండు పాటలు పాడించారు. అలా అనుకోకుండా సినీరంగంలో అడుగుపెట్టాను. ఇప్పుడు సినిమాల్లో, సూపర్‌సింగర్స్, స్వరాభిషేకం కార్యక్రమాల్లో పాటలు పాడుతున్నాను.  
  సాక్షి: మిమ్మల్ని ప్రోత్సహించింది ఎవరు?
  ప్రణవి: ప్రముఖ సంగీత దర్శకులు కీరవాణి, చక్రి, వందేమాతరం శ్రీనివాస్, కోటి తదితరులు ఎంతో ప్రోత్సహించారు. ‘శ్రీరామదాసు’లో ‘శుద్ధబ్రహ్మ’ పాట పాడించి సినీరంగంలో నిలదొక్కుకునేలా చేశారు కీరవాణి.
  సాక్షి: ఇప్పటి వరకు ఎన్ని పాటలు పాడారు, పేరు తెచ్చిన పాటలు?
  ప్రణవి: 150 సినిమా పాటలు పాడాను. ‘యమదొంగ’లో ‘రబ్బరుగాజులు’ పాటతో పాటు ‘పాండురంగడు, హ్యాపీడేస్’ సినిమాల్లో పాటలు మంచిపేరు తెచ్చిపెట్టాయి.
  సాక్షి: కొత్తగా పాడిన పాటలు?
  ప్రణవి: ‘అలా ఎలా, ఈ వర్షం సాక్షిగా, కృష్ణమ్మ కలిపింది ఇద్దరిని’ సినిమాలతో పాటు ఇంకా పేరు పెట్టని పలు సినిమాలకు పాడాను.
  సాక్షి: ఏమైనా అవార్డులు సాధించారా?
  ప్రణవి: ఇప్పటి వరకు రెండు నంది అవార్డులు పొందాను. చిన్నచిన్న అవార్డులు చాలా వచ్చాయి.
  సాక్షి: ఇంకే కళలోనైనా ప్రావీణ్యం ఉందా?
  ప్రణవి: కూచిపూడి నృత్యంలో ప్రావీణ్యం ఉంది. విదేశాలలోనూ సంగీత, నృత్య ప్రదర్శనలు ఇచ్చాను. పాటలు పాడాను.


 చిరు ప్రాయంలోనే స్వర ప్రయాణం మొదలుపెట్టి దశాబ్ద కాలంగా తన గానంతో శ్రోతల్ని తన్మయానికి గురిచేస్తున్నారు ప్రణవి. గాయనిగా, అనువాద కళాకారిణిగా బహుముఖ ప్రజ్ఞ ప్రదర్శిస్తున్న ప్రణవి పుట్టిన రోజు నేడు.  ఈ సందర్భంగా ప్రణవితో ‘సాక్షి’ ప్రత్యేక సంభాషణ.
  
 ప్రస్తుతం ఏ ఏ సినిమాలకు పాడుతున్నారు?
 ముందే చెప్పేయకూడదు. ఎందుకంటే... విడుదలయ్యేంత వరకూ మేం పాడిన పాట అందులో ఉంటుందో లేదో చెప్పలేం. పరిస్థితులను బట్టి ఏమైనా జరగొచ్చు. అందుకే.. మంచి సినిమాలకే పాడుతున్నాను అని మాత్రం చెప్పగలను.
  
 ఇలాంటివి కూడా జరుగుతాయా?
 అంటే... ఇక్కడ ఎవరినీ నిందించాల్సిన అవసరం లేదు. ఒకసారి రికార్డ్ చేసిన పాటను ఆల్బమ్ నుంచి తప్పించడానికి ఎన్నో కారణాలుంటాయి.
  
 సరే... గాయనిగా మీకు దక్కిన గొప్ప ప్రశంస?
 నేటి జనరేషన్‌లో ప్రణవి పాటంటే నాకిష్టం అని ఓ సందర్భంలో కీరవాణి అన్నారు. అలాగే... చిత్రగారు కూడా నా పాటను పలు సందర్భాల్లో మెచ్చుకున్నారు. అక్కినేని జాతీయ అవార్డు అందుకోవడానికి లతా మంగేష్కర్‌గారు ఇక్కడకు వచ్చినపుడు, ఆమె ముందు పాడే అవకాశం నాకు వచ్చింది. నా పాట విని లతాజీ ‘బహుత్ అచ్చాహై’ అని మెచ్చుకున్నారు.
  
 అసలు గానం వైపు మీ అడుగులు ఎలా పడ్డాయి?
 మా అమ్మ వీణ వాయిస్తారు. పాటలు రాస్తారు, కంపోజ్ చేస్తారు, పాడతారు. నాకు స్వరజ్ఞానం అమ్మ నుంచే అబ్బింది. నాన్న తెలుగు టీచర్. అలాగే... మంచి కళాకారుడు కూడా. బాపుగారి వద్ద కూడా పనిచేశారు. వీరిద్దరే నా తొలి గురువులు. నాలోని స్వరజ్ఞానం గమనించి... వారే నాకు సంగీతం నేర్పించారు.
  
 తొలి అవకాశం ఎలా వచ్చింది?
 నేను తొలుత డబ్బింగ్ ఆర్టిస్టుని. ఇప్పటికి మూడొందల సినిమాల పైచిలుకు డబ్బింగ్ చెప్పాను. సినిమాల్లో చైల్డ్ కారెక్టర్లకు చెప్పేదాన్ని. ‘అతడు’ సినిమాలో త్రిష ఫ్రెండ్ డైలాగ్ మీకు గుర్తుండే ఉంటుంది. ‘నేను పార్దూ.. నీ పద్దూని’ అనే డైలాగ్ నేను చెప్పిందే. చిన్న డైలాగే అయినా... అది చాలా పాపులర్. అలాగే కళంకిత, అంతరంగాలు, శివలీలలు తదితర సీరియల్స్‌లో కూడా కొన్ని పాత్రలకు డబ్బింగ్ చెప్పాను. కెమెరామేన్ సంతోష్‌శివన్‌గారు హిందీ, తెలుగు భాషల్లో తీసిన ‘హలో’ సినిమా తెలుగు వెర్షన్‌కి తొలిసారి పాడాను. అప్పుడు నేను ఆరో తరగతి చదువుతున్నా. ఆ తర్వాత దర్శకుడు వీఎన్ ఆదిత్యగారి ద్వారా కల్యాణ్‌మాలిక్ గారితో పరిచయం ఏర్పడింది. ఆయన ద్వారా ‘ఆంధ్రుడు’ సినిమాలో ఓ శ్లోకం పాడాను.
  
 పేరు తెచ్చిన పాటలు?
 ‘ఛత్రపతి’ సినిమా కోసం నాతో హమ్మింగ్స్ పాడిం చారు ఎం.ఎం.కీరవాణి. ఆ తర్వాత ఆయనే... ‘శ్రీరామదాసు’ సినిమా కోసం ‘శుద్ధ బ్రహ్మ పరాత్పర రామా...’ పాట ట్రాక్ పాడించారు. ఆ పాట శ్రేయాఘోషల్ పాడాలి. కానీ నా పాట నచ్చి ఉంచేశారు. నాకు మంచి పేరు తెచ్చిన పాట అది. ఇంకా ‘యమదొంగ’లోని ‘రబ్బరు గాజులు’, ‘యంగ్ యమ’, ‘నువ్వు ముట్టుకుంటేనే’ పాటలు నాకు మంచి గుర్తింపునిచ్చాయి. కీరవాణిగారు నాకందించిన ప్రోత్సాహం నిజంగా చాలా గొప్పది.
  
 మరి ఆర్టిస్టుగా ఎందుకు ప్రయత్నించలేదు?
 చిన్నప్పుడు ‘హిట్లర్’ సినిమాలో నటించాను. కొన్ని ప్రైవేటు యాడ్స్‌లో కూడా చేశాను. అయితే.. మా ఇంట్లో ఎవరికీ నటనపై ఆసక్తి లేదు. అందుకే అటువైపు చూడలేదు.
  
 ఇంతకూ మీ పెళ్లెప్పుడు?
 దానికి టైమ్ ఉంది. అమ్మానాన్న చూపించిన అబ్బాయితోనే తాళి కట్టించుకుంటా.