శాన్‌ఫ్రాన్సిస్కో (అమెరికా): ప్రపంచ పురుషుల టెన్నిస్‌లోని మేటి ఆటగాళ్లతో ప్రతి యేటా నిర్వహించే ‘లేవర్‌ కప్‌’ టోర్నమెంట్‌కు రంగం సిద్ధమైంది. నేటి నుంచి అమెరికాలోని శాన్‌ఫ్రాన్సిస్కోలో మూడు రోజులపాటు ఈ టోర్నీ జరుగుతుంది. టీమ్‌ యూరప్, టీమ్‌ వరల్డ్‌ జట్ల మధ్య ఈ టోర్నీని నిర్వహిస్తారు. 2017లో మొదలైన ఈ టోర్నీ 2020లో కరోనా మహమ్మారి కారణంగా జరగలేదు. ఇప్పటి వరకు ఏడుసార్లు ఈ టోర్నీ జరగ్గా... ఐదుసార్లు టీమ్‌ యూరప్‌ (2017, 2018, 2019, 2021, 2024), రెండుసార్లు టీమ్‌ వరల్డ్‌ (2022, 2023) ‘లేవర్‌ కప్‌’ చాంపియన్‌గా నిలిచాయి. ఈసారి టీమ్‌ యూరప్‌ తరఫున ప్రపంచ నంబర్‌వన్‌ కార్లోస్‌ అల్‌కరాజ్‌ (స్పెయిన్‌), మూడో ర్యాంకర్‌ అలెగ్జాండర్‌ జ్వెరెవ్‌ (జర్మనీ), 11వ ర్యాంకర్‌ హోల్గర్‌ రూనె (డెన్మార్క్‌), 12వ ర్యాంకర్‌ కాస్పర్‌ రూడ్‌ (నార్వే), 17వ ర్యాంకర్‌ జాకుబ్‌ మెన్‌సిఖ్‌ (చెక్‌ రిపబ్లిక్‌), 22వ ర్యాంకర్‌ టామస్‌ మఖచ్‌ (చెక్‌ రిపబ్లిక్‌), 25వ ర్యాంకర్‌ ఫ్లావియో కొ»ొల్లి (ఇటలీ) ఆడనున్నారు. టీమ్‌ వరల్డ్‌ తరఫున ప్రపంచ 5వ ర్యాంకర్‌ టేలర్‌ ఫ్రిట్జ్‌ (అమెరికా), 8వ ర్యాంకర్‌ అలెక్స్‌ డిమినార్‌ (ఆ్రస్టేలియా), 21వ ర్యాంకర్‌ ఫ్రాన్సిస్కో సెరున్‌డోలో (అర్జెంటీనా), 32వ ర్యాంకర్‌ అలెక్స్‌ మిచెల్సన్‌ (అమెరికా), 42వ ర్యాంకర్‌ జోవా ఫోన్సెకా (బ్రెజిల్‌), 62వ ర్యాంకర్‌ రిలీ ఒపెల్కా (అమెరికా), 86వ ర్యాంకర్‌ జెన్సన్‌ బ్రూక్స్‌బై (అమెరికా) బరిలోకి దిగుతారు. టీమ్‌ యూరప్‌ జట్టుకు ఫ్రెంచ్‌ ఓపెన్‌ మాజీ చాంపియన్‌ యానిక్‌ నోవా (ఫ్రాన్స్‌)... టీమ్‌ వరల్డ్‌ జట్టుకు అమెరికా మేటి ప్లేయర్, ఎనిమిది గ్రాండ్‌స్లామ్‌ సింగిల్స్‌ నెగ్గిన ఆండ్రీ అగస్సీ కెప్టెన్‌లుగా వ్యవహరిస్తారు.

న్యూయార్క్‌: పురుషుల టెన్నిస్‌లో 2023నుంచి జరిగిన గత 11 గ్రాండ్‌స్లామ్‌లలో 8 టైటిల్స్‌ను యానిక్‌ సినెర్, కార్లోస్‌ అల్‌కరాజ్‌ పంచుకోగా...మరో మూడు ట్రోఫీలు జొకోవిచ్‌ ఖాతాలో చేరాయి. అయితే ఈ ఏడాది తాజా ఫామ్‌ను, గత రెండు గ్రాండ్‌స్లామ్‌ ఫైనల్స్‌లో ప్రదర్శనను బట్టి చూస్తే సినెర్, అల్‌కరాజ్‌ మరో టైటిల్‌ వేటలో హోరాహోరీగా తలపడేందుకు సిద్ధమయ్యారు. మరో వైపు తన 25వ గ్రాండ్‌స్లామ్‌ కోసం తీవ్రంగా పోరాడుతున్న జొకోవిచ్‌ మళ్లీ తన అదృష్టాన్ని పరీక్షించుకోనున్నాడు. ఈ నేపథ్యంలో ప్రతిష్టాత్మక యూఎస్‌ ఓపెన్‌లో సింగిల్స్‌ పోటీలకు రంగం సిద్ధమైంది. నేటి నుంచి జరిగే 2025 చివరి గ్రాండ్‌స్లామ్‌ను ఎవరు సొంత చేసుకుంటారనేది ఆసక్తిరం. అల్‌కరాజ్‌ (స్పెయిన్‌) తొలి రౌండ్‌లో భారీ సర్వీస్‌లకు పెట్టింది పేరయిన 7 అడుగుల రీలీ ఒపెల్కా (యూఎస్‌)ను ఎదుర్కోనున్నాడు. ఇటీవలే జొకోవిచ్, డి మినార్, రూన్‌లను ఓడించిన రికార్డు ఒపెల్కాకు ఉంది. ఆ తర్వాత ముందంజ వేస్తే అల్‌కరాజ్‌కు ప్రిక్వార్టర్స్‌లో 2021 చాంప్‌ మెద్వెదెవ్‌ ఎదురయ్యే అవకాశం ఉంది. తొలి రౌండ్‌లో విట్‌ కొప్రివా (చెక్‌ రిపబ్లిక్‌)తో సినెర్‌ (ఇటలీ) తలపడతాడు. క్వార్టర్స్‌ వరకు వెళితే జేక్‌ డ్రేపర్‌ (యూకే) అతనికి ఎదురు పడతాడు. ఈ టాప్‌ ప్లేయర్లతో పాటు తాజా సీజన్‌లో అద్భుతంగా ఆడుతున్న ఇతర ఆటగాళ్లు జాకబ్‌ మెన్‌సిక్, హోల్గర్‌ రూన్, కాస్పర్‌ రూడ్, టియాఫో, ఫ్రిట్జ్, బబ్లిక్‌ తదితరులు కూడా తమ తొలి గ్రాండ్‌స్లామ్‌ను గెలుచుకోవాలని లక్ష్యంగా పెట్టుకున్నారు. సబలెంకా జోరు సాగేనా...మహిళల విభాగంలో టైటిల్‌ వేటలో డిఫెండింగ్‌ చాంపియన్‌ సబలెంకా (బెలారస్‌) మరోసారి తన అత్యుత్తమ ప్రదర్శన ఇచ్చేందుకు సిద్ధమైంది. రెబెకా మసరోవా (స్విట్జర్లాండ్‌)తో జరిగే తొలి రౌండ్‌ మ్యాచ్‌తో ఆమె తన పోరును మొదలు పెడుతుంది. అయితే ఈ సారి సొంతగడ్డపై ట్రోఫీని గెలిచేందుకు అమెరికా అమ్మాయిల మధ్యే గట్టి పోటీ ఉంది. కోకో గాఫ్, మాడిసన్‌ కీస్, జెస్సికా పెగులా సత్తా చాటేందుకు సిద్ధమయ్యారు. 2023లో గాఫ్‌ ఇక్కడ విజేతగా నిలిచింది. వరల్డ్‌ నంబర్‌ 2 స్వియాటెక్‌ (పోలండ్‌) తొలి రౌండ్‌లో ఎమీలియానా అరాంగో (కొలంబో)ను ఎదుర్కొంటుంది. ఇదే క్రమంలో ముందంజ వేస్తే ఆమెకు తాను వింబుల్డన్‌ ఫైనల్లో చిత్తు చేసిన అనిసిమోవా (అమెరికా) ఎదురవుతుంది. జాస్మిన్‌ పొవొలిని, మిరా ఆండ్రీవా, ఎమా నవరో కూడా సంచలనాన్ని ఆశిస్తున్నారు. వైల్డ్‌ కార్డ్‌ ద్వారా ఈ టోర్నీలో ఆడే అవకాశం దక్కించుకున్న సీనియర్‌ ప్లేయర్, మాజీ చాంపియన్‌ వీనస్‌ విలియమ్స్‌ తొలి రౌండ్‌లో కరోలినా ముకోవాను ఎదుర్కొంటుంది.‘హాల్‌ ఆఫ్‌ ఫేమ్‌’లో షరపోవాప్రతిష్టాత్మక ఇంటర్నేషనల్‌ టెన్నిస్‌ ‘హాల్‌ ఆఫ్‌ ఫేమ్‌’లో మాజీ స్టార్‌ మారియా షరపోవాకు చోటు దక్కింది. ఆమెతో పాటు పురుషుల డబుల్స్‌లో ఆల్‌టైమ్‌ గ్రేట్‌గా నిలిచిన ‘బ్రైన్‌ బ్రదర్స్‌’ను ఇందులో చేరుస్తున్నట్లు ఇంటర్నేషనల్‌ టెన్నిస్‌ ఫెడరేషన్‌ ప్రకటించింది. రష్యాకు చెందిన 38 ఏళ్ల షరపోవా కెరీర్‌లో ఐదు సింగిల్స్‌ గ్రాండ్‌స్లామ్‌లను గెలుచుకుంది. నాలుగు గ్రాండ్‌స్లామ్‌లను కూడా సాధించిన 10 మంది మహిళా ప్లేయర్లలో షరపోవా కూడా ఉంది. డబ్ల్యూటీఏ ర్యాంకింగ్స్‌లో వరల్డ్‌ నంబర్‌వన్ కు చేరిన తొలి రష్యా మహిళగా గుర్తింపు తెచ్చుకున్న ఆమె తన ఆటతో పాటు అందంతో ప్రపంచ టెన్నిస్‌లో స్టార్‌గా వెలిగింది. 2020లో ఆమె ఆటనుంచి రిటైరైంది. అమెరికాకు చెందిన కవల సోదరులు బాబ్‌ బ్రైన్, మైక్‌ బ్రైన్‌ టెన్నిస్‌ ప్రపంచంలో ‘బ్రైన్‌ బ్రదర్స్‌’గా ఆడిన సంచలన రికార్డులను నెలకొల్పారు. వీరిద్దరు జోడీగా 119 డబుల్స్‌ టైటిల్స్‌ గెలవగా...ఇందులో 16 గ్రాండ్‌స్లామ్‌లు ఉన్నాయి. ప్రతీ గ్రాండ్‌స్లామ్‌ను కనీసం రెండు సార్లు నెగ్గి వీరు డబుల్‌ కెరీర్‌ గ్రాండ్‌స్లామ్‌ను సాధించారు. ఈ జంట ఏకంగా 438 వారాలు వరల్డ్‌ నంబర్‌వన్‌గా కొనసాగడం విశేషం.

బెల్‌గ్రేడ్‌: పురుషుల టెన్నిస్‌ను దాదాపు రెండు దశాబ్దాల పాటు ఫెడరర్, నాదల్, జొకోవిచ్‌ శాసించారు. ఫెడరర్‌ 20 గ్రాండ్‌స్లామ్‌ టైటిల్స్‌ గెలుచుకోగా, నాదల్‌ 22 గ్రాండ్‌స్లామ్‌ టైటిల్స్‌తో దానిని సవరించాడు. ఆ తర్వాత జొకొవిచ్‌ 24 గ్రాండ్‌స్లామ్‌ ట్రోఫీలు సాధించి అగ్ర స్థానాన నిలిచాడు. అయితే సుదీర్ఘ కెరీర్‌లో ఫెడరర్, నాదల్‌ అభిమానులకు చేరువైనంతగా జొకోవిచ్‌ కాలేకపోయాడు. ఆట అద్భుతమే అయినా కొన్నిసార్లు కోర్టులో తన ప్రవర్తన, మాటతీరు అతని ప్రతిష్టను కొంత తగ్గించాయి. ఇన్నేళ్ల తర్వాత ఇప్పుడు స్వయంగా జొకోవిచ్‌ ఈ విషయాన్ని అంగీకరించాడు. ఫెడరర్, నాదల్‌ తరహాలో తాను టెన్నిస్‌ ప్రేమికుల నుంచి తగినంత అభిమానం పొందలేకపోయానని అతను వ్యాఖ్యానించాడు. ‘నాలో ఎన్నో లోపాలు ఉండవచ్చు. అది వాస్తవం. అయితే ఎప్పుడూ మనసులో చెడు ఆలోచనలు లేకుండా మంచి ఉద్దేశంతోనే నా జీవితాన్ని గడిపాను. నాకు నచ్చినట్లుగా బతికాను. కానీ ఫెడరర్, నాదల్‌తో పోలిస్తే చాలాసార్లు నేను ఎవరికీ అక్కర్లేని పసివాడిలా నన్ను చూశారు. ఈ కారణంగా చాలాసార్లు బాధపడ్డాను. ఎందుకు ఇలా జరుగుతోందని చాలాసార్లు నన్ను నేనే ప్రశ్నించుకున్నాను. నా ప్రవర్తన మారితే అంతా బాగుంటుందని భావించి ఆ ప్రయత్నమూ చేశాను. అయినా సఫలం కాలేకపోయాను’ అని జొకోవిచ్‌ ఆవేదన వ్యక్తం చేశాడు. అందుకే నన్ను పట్టించుకోలేదు... ఫెడరర్, నాదల్‌తో పోలిస్తే తనకు తగినంత గౌరవం దక్కకపోవడానికి భౌగోళిక పరిస్థితులు కూడా ఒక కారణమని జొకోవిచ్‌ అభిప్రాయపడ్డాడు. యూరోప్‌లోని ప్రముఖ దేశాల నుంచి వారిద్దరు వచ్చారని, తాను వారికి సవాల్‌ విసరడం కొందరికి నచ్చలేదని అతను అన్నాడు. ‘నాకు గుర్తింపు రాకముందే ఫెడరర్, నాదల్‌ సమఉజ్జీలైన ప్రత్యర్థులుగా పోరాడుతూ వచ్చారు. పశ్చిమాన బలమైన దేశాలైన స్విట్జర్లాండ్, స్పెయిన్‌ల నుంచి వారు వచ్చారు. కాబట్టి నాతో పోలిస్తే సహజంగానే వారికి ఎన్నో సంబంధాలు ఉన్నాయి. వీరిద్దరే గొప్ప ఆటగాళ్లు అనే కొందరి మనస్తత్వాన్ని నేను మార్చలేకపోయాను. పైగా నంబర్‌వన్‌ను అవుతాను అంటూ నేను చేసిన ప్రకటన చాలా మందికి నచ్చలేదు’ అని 38 ఏళ్ల జొకోవిచ్‌ గుర్తు చేసుకున్నాడు. వారిద్దరిపై గౌరవం ఉంది... ఫెడరర్, నాదల్‌లతో ఎన్నో గొప్ప మ్యాచ్‌లలో తలపడ్డానని, ఏనాడూ తప్పుగా మాట్లాడలేదని జొకో వ్యాఖ్యానించాడు. ‘మైదానంలో ప్రత్యర్థులైనంత మాత్రాన ఎవరినైనా ద్వేషిస్తామా. వారికి కీడు తలపెట్టాలని, ఏం చేసైనా ఓడించాలనే ఆలోచన కూడా ఎప్పుడూ రాలేదు. గెలుపు కోసమే పోరాడాం. మెరుగైన ఆటగాడే గెలిచాడు. వారిద్దరిపై నాకు ఎంతో గౌరవం ఉంది. ఒక్క చెడు మాట కూడా మాట్లాడలేదు. ఇకపై కూడా మాట్లాడను’ అని సెర్బియా స్టార్‌ తమ మనసులో మాట వెల్లడించాడు. ముగ్గురి ఆట భిన్నం... జొకోవిచ్‌ తన ఆటతో పాటు ఫెడరర్, నాదల్‌ ఆట గురించి కూడా విశ్లేషించాడు. ముగ్గురి ఆట భిన్నంగా ఉంటుందని అతను పోల్చాడు. ‘ఫెడరర్‌ చాలా ప్రతిభావంతుడు. అతని ఆట చాలా అందంగా అనిపిస్తుంది. అలవోకగా అతను కదిలి షాట్లు ఆడే తీరులో కూడా కళ కనిపిస్తుంది. నాదల్‌ దీనికి పూర్తిగా భిన్నం. అతని శారీరక సామర్థ్యం అసమానం. దానినే బాగా వాడుకుంటాడు. నా ఆట వీరిద్దరికి మధ్యలో ఉన్నట్లుగా ఉంటుంది. నాదల్‌ ప్రదర్శనతో నాకు దగ్గరి పోలికలు ఉన్నాయి. సమయం సాగుతున్నకొద్దీ మా ఆటలో మరిన్ని సొంత ప్రత్యేకతలు వచ్చి చేరాయి. ఒకరి ఆటను మరొకరు అభినందించుకుంటూ ముందుకు సాగాం. ఈ క్రమంలో మాలో పోటీతత్వం పెరిగి ఆట కూడా మరింత మెరుగైంది. వీరిద్దరితో హోరాహోరీ సమరాల్లో తలపడటం నాకు మేలు చేసింది. నా కెరీర్‌ ముందుకు సాగడంలో నిస్సందేహంగా వారి ప్రభావం ఉంది’ అని ఇటీవల జెనీవా ఓపెన్‌లో విజేతగా నిలిచి కెరీర్‌లో 100 సింగిల్స్‌ టైటిల్స్‌ పూర్తి చేసుకున్న జొకోవిచ్‌ వివరించాడు.

ట్యూరిన్‌ (ఇటలీ): సొంతగడ్డపై ఇటలీ టెన్నిస్‌ సూపర్‌స్టార్‌ యానిక్‌ సినెర్‌ మరోసారి అద్భుత ప్రదర్శన చేశాడు. పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌లో టాప్‌ సీడ్‌ సినెర్‌ వరుసగా రెండో విజయం సాధించాడు. ‘ఇలీ నస్టాసే గ్రూప్‌’లో భాగంగా టేలర్‌ ఫ్రిట్జ్‌ (అమెరికా)తో జరిగిన మ్యాచ్‌లో సినెర్‌ 6–4, 6–4తో గెలుపొందాడు. ఈ విజయంతో సినెర్‌కు సెమీఫైనల్‌ బెర్త్‌ దాదాపు ఖరారైంది. గంటా 40 నిమిషాలపాటు జరిగిన ఈ మ్యాచ్‌లో సినెర్‌ ఆరు ఏస్‌లు సంధించాడు. ఒక్క డబుల్‌ ఫాల్ట్‌ కూడా చేయలేదు. ఒక్కో సెట్‌లో ఒక్కోసారి ఫ్రిట్జ్‌ సర్వీస్‌ను సినెర్‌ బ్రేక్‌ చేశాడు. నెట్‌ వద్దకు 10 సార్లు దూసుకొచ్చి 9 సార్లు పాయింట్లు గెలిచాడు. 21 విన్నర్స్‌ కొట్టిన అతను 22 అనవసర తప్పిదాలు చేశాడు. మరోవైపు ఫ్రిట్జ్‌ ఏడు ఏస్‌లతో రాణించినా తన సర్వీస్‌ను రెండుసార్లు కోల్పోయి మూల్యం చెల్లించుకున్నాడు. 20 విన్నర్స్‌ కొట్టిన ఫ్రిట్జ్‌ 31 అనవసర తప్పిదాలు చేశాడు. ‘జాన్‌ న్యూకోంబ్‌ గ్రూప్‌’లో ప్రపంచ మాజీ నంబర్‌వన్‌ కార్లోస్‌ అల్‌కరాజ్‌ తొలి విజయం నమోదు చేసుకున్నాడు. ఆండ్రీ రుబ్లెవ్‌ (రష్యా)తో జరిగిన రెండో లీగ్‌ మ్యాచ్‌లో అల్‌కరాజ్‌ 6–3, 7–6 (10/8)తో గెలుపొందాడు. గంటా 36 నిమిషాలపాటు జరిగిన ఈ మ్యాచ్‌లో అల్‌కరాజ్‌ 10 ఏస్‌లు సంధించాడు. రెండుసార్లు రుబ్లెవ్‌ సర్వీస్‌ను బ్రేక్‌ చేసిన అల్‌కరాజ్‌ 33 విన్నర్స్‌తో అలరించాడు. బోపన్న జోడీకి మరో ఓటమి ఇదే టోర్నీ పురుషుల డబుల్స్‌ విభాగంలో రోహన్‌ బోపన్న (భారత్‌)–మాథ్యూ ఎబ్డెన్‌ (ఆస్ట్రేలియా) జోడీకి వరుసగా రెండో పరాజయం ఎదురైంది. మార్సెలో అరెవాలో (ఎల్‌ సాల్వడార్‌)–మ్యాట్‌ పావిచ్‌ (క్రొయేíÙయా) జంటతో జరిగిన మ్యాచ్‌లో బోపన్న–ఎబ్డెన్‌ జోడీ 5–7, 3–6తో ఓడిపోయింది.

టురిన్‌ (ఇటలీ): పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌ డబుల్స్‌ విభాగంలో రోహన్‌ బోపన్న (భారత్‌)–మాథ్యూ ఎబ్డెన్‌ (ఆ్రస్టే లియా) జోడీ పోరాటం ముగిసింది. శనివారం జరిగిన సెమీఫైనల్లో బోపన్న–ఎబ్డెన్‌ ద్వయం 5–7, 4–6తో గ్రానోలెర్స్‌ (స్పెయిన్‌)–జెబలాస్‌ (అర్జెంటీనా) జోడీ చేతిలో ఓడిపోయింది. 79 నిమిషాలపాటు జరిగిన ఈ మ్యాచ్‌లో బోపన్న జంట 11 ఏస్‌లు సంధించి, ఐదు డబుల్‌ ఫాల్ట్‌లు చేసి, తమ సర్విస్‌ను రెండుసార్లు కోల్పోయింది. సెమీస్‌లో ఓడిన బోపన్న–ఎబ్డెన్‌ జోడీకి 3,22,000 డాలర్ల (రూ. 2 కోట్ల 68 లక్షలు) ప్రైజ్‌మనీ లభించింది. ఓవరాల్‌గా ఈ సీజన్‌లో బోపన్న–ఎబ్డెన్‌ జోడీ 21 టోర్నీలు ఆడింది. . ఏడు టోర్నీల్లో ఫైనల్‌కు చేరి రెండు టోర్నీల్లో టైటిల్‌ సాధించి, ఐదు టోర్నీల్లో రన్నరప్‌గా నిలిచింది. 

టురిన్‌ (ఇటలీ): ఈ ఏడాది తమ అద్భుతమైన ప్రదర్శన కొనసాగిస్తూ రోహన్‌ బోపన్న (భారత్‌)–మాథ్యూ ఎబ్డెన్‌ (ఆస్ట్రేలియా) జోడీ... పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌లో సెమీఫైనల్లోకి ప్రవేశించింది. శుక్రవారం జరిగిన రెడ్‌ గ్రూప్‌ చివరి లీగ్‌ మ్యాచ్‌లో బోపన్న–ఎబ్డెన్‌ ద్వయం 6–4, 7–6 (7/5)తో ఈ ఏడాది వింబుల్డన్‌ గ్రాండ్‌స్లామ్‌ టోర్నీ చాంపియన్స్‌ వెస్లీ కూలాఫ్‌ (నెదర్లాండ్స్‌)–నీల్‌ స్కప్‌స్కీ (బ్రిటన్‌) జంటపై గెలిచింది. ఈ గెలుపుతో రెడ్‌ గ్రూప్‌ నుంచి బోపన్న–ఎబ్డెన్‌; రాజీవ్‌ రామ్‌ (అమెరికా)–జో సాలిస్‌బరీ (బ్రిటన్‌) జోడీలు సెమీఫైనల్‌కు అర్హత పొందాయి. ఈ సీజన్‌లో బోపన్న–ఎబ్డెన్‌ జోడీ 40 మ్యాచ్‌ల్లో గెలిచింది. సీజన్‌ ముగింపు టోరీ్నలో బోపన్న ఆడటం ఇది నాలుగోసారి (2023, 2015, 2012, 2011) కాగా, ఎబ్డెన్‌ తొలిసారి బరిలోకి దిగాడు. మరోవైపు ఇదే టోర్నీ పురుషుల సింగిల్స్‌ విభాగంలో వరల్డ్‌ నంబర్‌వన్‌ జొకోవిచ్‌ (సెర్బియా), రెండో ర్యాంకర్‌ అల్‌కరాజ్‌ (స్పెయిన్‌), మెద్వెదెవ్‌ (రష్యా), యానిక్‌ సినెర్‌ (ఇటలీ) సెమీఫైనల్‌ బెర్త్‌లను ఖరారు చేసుకున్నారు.   

టురిన్‌ (ఇటలీ): పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌ను రోహన్‌ బోపన్న (భారత్‌)–మాథ్యూ ఎబ్డెన్‌ (ఆ్రస్టేలియా) జోడీccతో ప్రారంభించింది. రాజీవ్‌ రామ్‌ (అమెరికా)–జో సాలిస్‌బరీ (బ్రిటన్‌) జోడీతో జరిగిన రెడ్‌ గ్రూప్‌ తొలి లీగ్‌ మ్యాచ్‌లో బోపన్న–ఎబ్డెన్‌ ద్వయం 3–6, 4–6తో ఓడిపోయింది. గంటపాటు జరిగిన ఈ మ్యాచ్‌లో బోపన్న జోడీ ఎనిమిది ఏస్‌లు సంధించి తమ సvస్‌ను రెండుసార్లు కోల్పోయింది. 

ఈ సీజన్‌లో తమ నిలకడైన ప్రదర్శన కొనసాగిస్తూ రోహన్‌ బోపన్న (భారత్‌)–మాథ్యూ ఎబ్డెన్‌ (ఆస్ట్రేలియా) జోడీ మాడ్రిడ్‌ ఓపెన్‌ మాస్టర్స్‌ సిరీస్‌–1000 టెన్నిస్‌ టోర్నీలో క్వార్టర్‌ ఫైనల్లోకి దూసుకెళ్లింది. పురుషుల డబుల్స్‌ ప్రిక్వార్టర్‌ ఫైనల్లో ఏడో సీడ్‌ బోపన్న–ఎబ్డెన్‌ ద్వయం 6–4, 1–6, 10–5తో ‘సూపర్‌ టైబ్రేక్‌’లో మార్సెలో మెలో (బ్రెజిల్‌)–అలెగ్జాండర్‌ జ్వెరెవ్‌ (జర్మనీ) జంటను ఓడించింది. 75 నిమిషాలపాటు జరిగిన ఈ మ్యాచ్‌లో బోపన్న, ఎబ్డెన్‌ ద్వయం ఐదు ఏస్‌లు సంధించి, ఐదు డబుల్‌ ఫాల్ట్‌లు చేసింది.      

రోమ్‌ గార్డెన్‌ ఓపెన్‌ ఏటీపీ చాలెంజర్‌ టెన్నిస్‌ టోర్నీలో భారత అగ్రశ్రేణి ప్లేయర్‌ సుమిత్‌ నగాల్‌ వరుసగా మూడో విజయంతో సెమీఫైనల్లోకి దూసుకెళ్లాడు. రోమ్‌లో శుక్రవారం జరిగిన పురుషుల సింగిల్స్‌ క్వార్టర్‌ ఫైనల్లో సుమిత్‌ 7-5, 6-0తో మాక్స్‌ హూక్స్‌ (నెదర్లాండ్స్‌)పై గెలుపొందాడు. 87 నిమిషాలపాటు జరిగిన ఈ మ్యాచ్‌లో సుమిత్‌ తన ప్రత్యర్థి సర్వీస్‌ను నాలుగుసార్లు బ్రేక్‌ చేశాడు.   

రోమ్‌: ఏటీపీ రోమ్‌ చాలెంజర్‌ టెన్నిస్‌ టోర్నీలో భారత ఆటగాడు సుమీత్‌ నగాల్‌ సంచలన ప్రదర్శన నమోదు చేశాడు. ర్యాంకింగ్స్‌లో తనకంటే ఎంతో మెరుగైన స్థానిక ప్రత్యర్ధిని ఓడించి రెండో రౌండ్‌లోకి అడుగు పెట్టాడు. మంగళవారం జరిగిన తొలి రౌండ్‌ మ్యాచ్‌లో క్వాలిఫయర్‌గా బరిలోకి దిగిన ప్రపంచ 347వ ర్యాంకర్‌ నగాల్‌ 6–2, 6–4 స్కోరుతో ఇటలీ ప్లేయర్, ప్రపంచ 172వ ర్యాంకర్‌ ఫ్రాన్సెస్కో మాసరెలీపై విజయం సాధించాడు. 1 గంటా 24 నిమిషాల పాటు సాగిన ఈ పోరులో నగాల్‌ ఒక్క ఏస్‌ కూడా కొట్టలేదు. అయితే తన చక్కటి సర్వీస్‌తో ఒక్క డబుల్‌ ఫాల్ట్‌ కూడా లేకుండా చూసుకున్నాడు. ఇటలీ ఆటగాడు 3 ఏస్‌లు సంధించినా...6 డబుల్‌ఫాల్ట్‌లతో ఓటమిని ఆహ్వానించాడు.   

యూఎస్‌ పురుషుల క్లే కోర్టు టెన్నిస్‌ చాంపియన్‌షిప్‌లో భారత డబుల్స్‌ జోడీ సాకేత్‌ మైనేని, యూకీ బాంబ్రీ జోడీ పోరాటం తొలి రౌండ్‌లోనే ముగిసింది. అమెరికాలోని హ్యూస్టన్‌లో జరుగుతున్న ఈ టోర్నీలో పురుషుల డబుల్స్‌ తొలి రౌండ్‌లో సాకేత్‌–యూకీ ద్వయం 6–7 (6/8), 6–2, 5–10తో ‘సూపర్‌ టైబ్రేక్‌’లో రాబర్ట్‌ గాలోవే (అమెరికా)–మిగేల్‌ ఎంజెల్‌ రేయస్‌ వరేలా (మెక్సికో) జోడీ చేతిలో పోరాడి ఓడిపోయింది. గంటా 40 నిమిషాలపాటు జరిగిన ఈ మ్యాచ్‌లో సాకేత్, యూకీ మూడు ఏస్‌లు సంధించి, మూడు డబుల్‌ ఫాల్ట్‌లు చేశారు. తమ సర్వీస్‌లో ఆరుసార్లు బ్రేక్‌ పాయింట్లను కాపాడుకున్న సాకేత్, యూకీ ప్రత్యర్థి సర్వీస్‌ను రెండుసార్లు బ్రేక్‌ చేశారు. అయితే నిర్ణాయక సూపర్‌ టైబ్రేక్‌లో మాత్రం గాలోవే–వరేలా ద్వయం పైచేయి సాధించింది. తొలి రౌండ్‌లో నిష్క్రమించిన సాకేత్, యూకీలకు 3,510 డాలర్ల (రూ. 2 లక్షల 87 వేలు) ప్రైజ్‌మనీ లభించింది.    

పుణే: భారత్‌లో నిర్వహించే ఏకైక ఏటీపీ టోర్నీ టాటా ఓపెన్‌ మహారాష్ట్ర (ఏటీపీ 250) శనివారం ముగిసింది. సింగిల్స్‌లో నెదర్లాండ్స్‌ ఆటగాడు గ్రీక్‌స్పూర్‌ విజేతగా నిలిచాడు. ఫైనల్లో గ్రీక్‌స్పూర్‌ 4–6, 7–5, 6–3 స్కోరుతో బెంజమిన్‌ బోన్జి (ఫ్రాన్స్‌)ను ఓడించాడు. 2 గంటల 16 నిమిషాల పాటు సాగిన ఈ పోరులో తొలి సెట్‌ను కోల్పోయినా...పట్టుదలతో ఆడిన 26 ఏళ్ల గ్రీక్‌స్పూర్‌ తన కెరీర్‌లో తొలి ఏటీపీ టైటిల్‌ సొంతం చేసుకోవడం విశేషం.   మరో వైపు డబుల్స్‌లో భారత జోడి శ్రీరామ్‌ బాలాజీ – జీవన్‌ నెడుంజెళియన్‌ రన్నరప్‌గా నిలిచింది. ఫైనల్లో సాండర్‌ గిల్‌ – జొరాన్‌ వీగన్‌ (బెల్జియం) ద్వయం 6–4, 6–4తో శ్రీరామ్‌–జీవన్‌లపై విజయం సాధించింది.    

సీజన్‌ తొలి గ్రాండ్‌స్లామ్‌ టోర్నీ ఆస్ట్రేలియన్‌ ఓపెన్‌నుంచి వరల్డ్‌ నంబర్‌వన్, స్పెయిన్‌కు చెందిన కార్లోస్‌ అల్‌కరాజ్‌ తప్పుకున్నాడు. గత కొంత కాలంగా కుడి కాలి గాయంతో బాధపడుతున్న అతను సరైన సమయంలో కోలుకోకపోవడంతో ఈ నిర్ణయం తీసుకున్నట్లు ప్రకటించాడు. గత ఏడాది సెప్టెంబర్‌ 12న అల్‌కరాజ్‌ ఏటీపీ చరిత్రలో అతి పిన్న వయసులో వరల్డ్‌ నంబర్‌వన్‌గా నిలిచాడు. అల్‌కరాజ్‌ దూరం కావడంతో డిఫెండింగ్‌ చాంపియన్‌ రాఫెల్‌ నాదల్‌ ఈ టోర్నీలో టాప్‌ సీడ్‌గా బరిలోకి దిగనున్నాడు.  

పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌లో రెండో ర్యాంకర్‌ రాఫెల్‌ నాదల్‌కు తొలి లీగ్‌ మ్యాచ్‌లో చుక్కెదురైంది. ఇటలీలో జరుగుతున్న ఈ టోర్నీలో గ్రీన్‌ గ్రూప్‌ లీగ్‌ మ్యాచ్‌లో తొమ్మిదో ర్యాంకర్‌ టేలర్‌ ఫ్రిట్జ్‌ (అమెరికా) 7–6 (7/3), 6–1తో నాదల్‌ (స్పెయిన్‌)ను ఓడించి శుభారంభం చేశాడు. 97 నిమిషాలపాటు జరిగిన ఈ మ్యాచ్‌లో ఫ్రిట్జ్‌ ఎనిమిది ఏస్‌లు సంధించడంతోపాటు నాదల్‌ సర్వీస్‌ను రెండుసార్లు బ్రేక్‌ చేశాడు. మళ్లీ నంబర్‌వన్‌ ర్యాంక్‌ అందుకోవాలంటే నాదల్‌ ఈ టోర్నీలో విజేతగా నిలవాల్సి ఉంటుంది.   

Roger Federer Announces Retirement: టెన్నిస్‌ దిగ్గజం, స్విస్‌ స్టార్‌ రోజర్‌ ఫెదరర్‌ తన ప్రొఫెషనల్‌ టెన్నిస్‌ కెరీర్‌కు రిటైర్మెంట్‌ ప్రకటించాడు. 41 ఏళ్ల ఫెదరర్‌ ఇవాళ (సెప్టెంబర్‌ 15) ట్విటర్‌ వేదికగా తన నిర్ణయాన్ని వెల్లడించాడు. పురుషుల టెన్నిస్‌ చరిత్రలో ఆల్‌టైమ్‌ గ్రేట్‌గా గుర్తింపు తెచ్చుకున్న ఫెడెక్స్‌ (ఫెదరర్‌ ముద్దు పేరు).. ట్విటర్‌లో ఫేర్‌వెల్‌ సందేశాన్ని పంపాడు. టెన్నిస్‌ కుటుంబానికి ప్రేమతో రోజర్‌ అనే క్యాప్షన్‌తో ఏవీని షేర్‌ చేశాడు. To my tennis family and beyond, With Love, Roger pic.twitter.com/1UISwK1NIN — Roger Federer (@rogerfederer) September 15, 2022 లండన్‌లో వచ్చే వారం జరిగే లేవర్‌ కప్‌ తన చివరి ఏటీపీ ఈవెంట్‌ కానుందని స్పష్టం చేశాడు. ప్రొఫెషనల్‌ టెన్నిస్‌ ఆటగాడిగా తన 24 ఏళ్ల సుదీర్ఘ ప్రయాణంలో అండగా నిలిచిన వారందరీ కృతజ్ఞతలు తెలిపాడు. ఆట నుంచి తప్పుకోవడానికి సమయం ఆసన్నమైందని పేర్కొన్నాడు. గ్రేటెస్ట్‌ ఆఫ్‌ ఆల్‌ టైమ్‌ (GOAT)గా పిలువబడే ఫెడెక్స్‌ తన కెరీర్‌లో మొత్తం 20  గ్రాండ్‌స్లామ్‌ టైటిళ్లు సాధించాడు. కెరీర్‌లో 1500కు పైగా మ్యాచ్‌లు ఆడిన అతను.. 310 వారాల పాటు వరల్డ్‌ నంబర్‌ వన్‌ ర్యాంకర్‌గా కొనసాగాడు. 

సిన్సినాటి ఓపెన్‌ మాస్టర్స్‌ సిరీస్‌–1000 టెన్నిస్‌ టోర్నీ నుంచి రోహన్‌ బోపన్న (భారత్‌)–మిడిల్‌కూప్‌ (నెదర్లాండ్స్‌) జోడీ తొలి రౌండ్‌లోనే నిష్క్రమించింది. 2 గంటల 22 నిమిషాల పాటు జరిగిన పురుషుల డబుల్స్‌ తొలి రౌండ్‌లో బోపన్న–మిడిల్‌కూప్‌ ద్వయం 6–7 (6/8), 7–6 (14/12), 6–10తో ‘సూపర్‌ టైబ్రేక్‌’లో షపోవలోవ్‌ (కెనడా)–ఖచనోవ్‌ (రష్యా) జోడీ చేతిలో ఓడింది. బోపన్న–మిడిల్‌కూప్‌ జోడీకి 14,700 డాలర్ల (రూ. 11 లక్షల 65 వేలు) ప్రైజ్‌మనీ లభించింది.    

అమెరికాలో జరిగిన లెక్సింగ్టన్‌ ఓపెన్‌ టెన్నిస్‌ టోర్నీలో ఆంధ్రప్రదేశ్‌ ప్లేయర్‌ సాకేత్‌ మైనేని–యూకీ బాంబ్రీ (భారత్‌) జోడీ విజేతగా నిలిచింది. ఫైనల్లో సాకేత్‌–యూకీ 3–6, 6–4, 10–8తోబ్రువెర్‌ (నెదర్లాండ్స్‌)–మెకగ్‌ (బ్రిటన్‌)లపై నెగ్గారు. ఈ ఏడాది సాకేత్‌–యూకీకిది నాలుగో ఏటీపీ చాలెంజర్‌ టైటిల్‌. విజేతగా నిలిచిన సాకేత్‌–యూకీ జోడీకి 3,100 డాలర్ల ప్రైజ్‌మనీ (రూ. 2 లక్షల 46 వేలు) లభించింది.  

ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ క్వాలిఫయింగ్‌ టోర్నీలో తొలి రోజు భారత క్రీడాకారులకు మిశ్రమ ఫలితాలు ఎదురయ్యాయి. తొలి రౌండ్‌ మ్యాచ్‌ల్లో భారత నంబర్‌వన్‌ రామ్‌కుమార్‌ రామనాథన్‌ 6–3, 6–2తో తొమ్మిదో సీడ్‌ యానిక్‌ హాంఫ్‌మన్‌ (జర్మనీ)పై సంచలన విజయం సాధించి రెండో రౌండ్‌కు చేరుకోగా... యూకీ బాంబ్రీ (భారత్‌) 3–6, 5–7తో అల్తుగ్‌ సెలిక్‌బిలెక్‌ (టర్కీ) చేతిలో ఓడిపోయాడు. యానిక్‌తో జరిగిన మ్యాచ్‌లో రామ్‌కుమార్‌ ఆరు ఏస్‌లు సంధించాడు. 

మాడ్రిడ్‌: స్పెయిన్‌ యువ టెన్నిస్‌ క్రీడాకారుడు కార్లోస్‌ అల్కరాజ్‌ (19) మాడ్రిడ్‌ ఓపెన్‌ మాస్టర్స్‌ సిరీస్‌1000 టైటిల్‌ను నెగ్గి చరిత్ర సృష్టించాడు. క్వార్టర్స్‌లో తన ఆరాధ్య ఆటగాడు రఫెల్‌ నదాల్‌ను, సెమీస్‌లో టాప్‌ ర్యాంకర్‌ నొవాక్‌ జొకోవిచ్‌లను ఓడించిన ఈ యువ సంచలనం.. ఫైనల్లో 6-3, 6-1తో డిఫెండింగ్‌ ఛాంపియన్‌, వరల్డ్‌ నంబర్‌ 3 ఆటగాడు అలెగ్జాండర్‌ జ్వెరెవ్‌ (జర్మనీ)ను చిత్తు చేసి సీజన్‌లో నాలుగో టైటిల్‌ను ఎగురేసుకుపోయాడు.  ఈ క్రమంలో అల్కరాజ్‌ ఓ అరుదైన రికార్డును తన ఖాతాలో వేసుకున్నాడు. ఒకే సీజన్‌లో నదాల్‌ (2005) తర్వాత రెండు మాస్టర్స్‌ 1000 టైటిళ్లు నెగ్గిన రెండో అత్యంత పిన్న వయస్కుడిగా రికార్డుల్లోకెక్కాడు. అల్కరాజ్‌ ఇప్పటికే టాప్‌ 10లోకి ప్రవేశించిన అతి పిన్న వయస్కుడిగా కూడా రికార్డుల్లో నిలిచాడు. మాడ్రిడ్‌ ఓపెన్‌లో విజయం సాధించిన అనంతరం జ్వెరెవ్.. అల్కరాజ్‌పై ప్రశంసల వర్షం కురిపించాడు. అల్కరాజ్‌ను భవిష్యత్తు సూపర్‌ స్టార్‌గా అభివర్ణించాడు. చిన్న వయసులోనే దిగ్గజాలందరికీ ముచ్చెమటలు పట్టిస్తున్న అల్కరాజ్‌.. మున్ముందు అనేక గ్రాండ్ స్లామ్‌లు సాధించాలని ఆకాంక్షించాడు.  చదవండి: గుకేశ్‌ ఖాతాలో ‘హ్యాట్రిక్‌’ టైటిల్‌  

వ్యాక్సిన్‌ తీసుకునే విషయంలో టెన్నిస్‌ మాజీ నెంబర్ వన్ ఆటగాడు నొవాక్ జొకోవిచ్ మొండి వైఖరి వీడటం లేదు. ఆస్ట్రేలియా ఓపెన్‌లో ఘోర అవమానం ఎదురైనా.. ప్రపంచ నెంబర్ వన్ ర్యాంకు కోల్పోయినా అతని వైఖరిలో ఏమాత్రం మార్పులేదు. ఈ ఏడాది ఆరంభంలో జరిగిన ఆస్ట్రేలియా ఓపెన్‌లో వ్యాక్సిన్ వేసుకోని కారణంగా బహిష్కరణకు గురైనప్పటికీ.. తాను పట్టిన కుందేలుకు మూడే కాళ్లు అన్న చందంగా వ్యవహరిస్తూ వ్యాక్సిన్‌కు ససేమిరా అంటున్నాడు జోకర్‌.  ఇదే క్రమంలో తాజాగా మరో రెండు కీలక టోర్నీలకు దూరమయ్యాడు. అమెరికా వేదికగా ఈ  నెలాకరున ప్రారంభంకానున్న  ఇండియన్ వెల్స్ టోర్నీతో పాటు మియామి టోర్నీల నుంచి అతను తప్పుకున్నాడు. వ్యాక్సిన్ వేసుకోని  విదేశీయులను తమ దేశంలోకి అనుమతించేది లేదని  అమెరికా స్పష్టమైన ప్రకటన చేసిన నేపథ్యంలో జకోవిచ్‌ ఈ విషయాన్ని స్వయంగా ప్రకటించాడు. వ్యాక్సిన్‌ తీసుకునే విషయంలో తనను బలవంతం చేస్తే, ఎందాకైనా వెళ్లేందుకు సిద్ధమేనంటూ ఈ మాజీ నంబర్‌ వన్‌ ఆటగాడు గతంలో స్పష్టం చేశాడు.  ఇదిలా ఉంటే, ఇప్పటివరకు 20 గ్రాండ్‌స్లామ్ టైటిళ్లను గెలిచిన జకోవిచ్‌..  స్పానిష్‌ బుల్‌ రఫెల్ నదాల్ (21) తర్వాత అత్యధిక గ్రాండ్‌స్లామ్‌లు నెగ్గిన ఆటగాడిగా రికార్డుల్లో నిలిచాడు. నదాల్‌ రికార్డును అధిగమించాలంటే వ్యాక్సినేషన్ తప్పనిసరి అని తెలిసినా, జకో ఏమాత్రం బెట్టు వీడటం లేదు. వ్యాక్సిన్‌ విషయంలో జకో వైఖరి ఇలానే కొనసాగితే జూన్‌లో జరగబోయే ఫ్రెంచ్ ఓపెన్‌లో ఆడేది కూడా అనుమానమే.  చదవండి: బీసీసీఐ ద్వంద్వ వైఖరి.. కోహ్లి విషయంలో అలా, రోహిత్ కోసం ఇలా..!

టోక్యో: పురుషుల టెన్నిస్‌ చరిత్రలో అరుదైన ‘గోల్డెన్‌ స్లామ్‌’ ఘనతను సాధించాలని ఆశించిన వరల్డ్‌ నంబర్‌వన్‌ నొవాక్‌ జొకోవిచ్‌కు నిరాశ ఎదురైంది. టోక్యో ఒలింపిక్స్‌ పురుషుల సింగిల్స్‌ విభాగంలో టాప్‌ సీడ్‌ జొకోవిచ్‌ సెమీఫైనల్లో ఓటమి పాలయ్యాడు. అలెగ్జాండర్‌ జ్వెరెవ్‌ (జర్మనీ) అద్భుత ఆటతీరుతో 1–6, 6–3, 6–1తో జొకోవిచ్‌ను ఓడించి ఫైనల్లోకి దూసుకెళ్లాడు. ఈ పరాజయంతో జొకోవిచ్‌ కాంస్య పతకం కోసం పోరాడనున్నాడు. ఒకే ఏడాది నాలుగు గ్రాండ్‌స్లామ్‌ టోర్నీలు (ఆస్ట్రేలియన్, ఫ్రెంచ్, వింబుల్డన్, యూఎస్‌ ఓపెన్‌) నెగ్గడంతోపాటు ఒలింపిక్‌ స్వర్ణాన్ని సాధిస్తే దానిని ‘గోల్డెన్‌ స్లామ్‌’ ఘన తగా పరిగణిస్తారు. గతంలో మహిళల విభా గంలో స్టెఫీ గ్రాఫ్‌ (1988లో) మాత్రమే ఈ ఘనత సాధించింది. ఈ ఏడాది జొకోవిచ్‌ ఆస్ట్రేలియన్, ఫ్రెంచ్, వింబుల్డన్‌ టోర్నీలలో విజేతగా నిలిచాడు.   

న్యూఢిల్లీ: సమకాలీన పురుషుల టెన్నిస్‌లో ‘గ్రేటెస్ట్‌ ఆఫ్‌ ఆల్‌టైమ్‌ (గోట్‌)’ ఎవరనే చర్చకు ప్రపంచ మాజీ నంబర్‌వన్‌ ఇవాన్‌ లెండిల్‌ ఒక పరిష్కారం చూపే ప్రయత్నం చేశారు. ఎవరైతే ఎక్కువ గ్రాండ్‌స్లామ్‌ టైటిల్స్‌తో టెన్నిస్‌కు వీడ్కోలు పలుకుతారో వారే ‘గ్రేటెస్ట్‌’ అని తన అభిప్రాయాన్ని వెల్లడించారు. ‘గ్రేటెస్ట్‌’ ప్లేయర్‌ రేసులో ఫెడరర్‌ (20 టైటిల్స్‌), నాదల్‌ (19), జొకోవిచ్‌ (17)ల మధ్య పోటీ నడుస్తోంది. వీరిలోఎవరైతే తమ కెరీర్‌ను అత్యధిక గ్రాండ్‌స్లామ్‌ టైటిల్స్‌తో ముగిస్తాడో అతనే ‘గ్రేటెస్ట్‌’గా నిలుస్తాడు’ అని ఆయన అన్నారు.


 హూస్టన్ (అమెరికా) : యూఎస్ పురుషుల క్లే కోర్టు టెన్నిస్ చాంపియన్‌షిప్‌లో భారత స్టార్ సోమ్‌దేవ్ దేవ్‌వర్మన్ క్వాలిఫయింగ్ ఫైనల్ రౌండ్‌కు చేరుకున్నాడు. రాబీ జినెప్రి (అమెరికా)తో జరిగిన రెండో రౌండ్‌లో సోమ్‌దేవ్ 7-6 (8/6), 6-3తో విజయం సాధించాడు. తన సర్వీస్‌లో పదిసార్లు బ్రేక్ పాయింట్ అవకాశాలను కాపాడుకున్న సోమ్‌దేవ్ ప్రత్యర్థి సర్వీస్‌ను మూడుసార్లు బ్రేక్ చేశాడు. గిలెర్మి క్లెజార్ (బ్రెజిల్)తో జరిగే ఫైనల్ రౌండ్‌లో గెలిస్తే సోమ్‌దేవ్ మెయిన్ ‘డ్రా’కు అర్హత సాధిస్తాడు.