పెళ్లిలో జరిగే ప్రతి తంతు అపురూపమైన క్షణం. ఆ వివాహ ఘట్టం అంత తేలిగ్గా మర్చిపోలేని మధురానుభూతులు. బహుశా ఆ ఉద్దేశ్యంతోనే ఆ వధువు ఇలా చేసిందో ఏమో గానీ వరుడుకి నోట మాట లేకుండా చేసింది. అప్పుడే తనకు నచ్చినట్లుగానే అంతా చేయాల్సిందేనా అన్నట్లుగా నవ్వుతూ కళ్లప్పగించి చూశాడు. అసలేం జరిగిందంటే..ఈ వింత ఘటన లూధియానాలోని థార్‌లో చోటుచేసుకుంది. పెళ్లి తంతు అయిపోయింది. ఆ తర్వాత అప్పగింతలు వేళ వధువుని తీసుకొచ్చి తల్లిదండ్రులు కారు వెనకాల కూర్చొబెట్టి సాగనంపుతారు కామన్‌. పైగా వరుడు పెళ్లికొడుకు కాబట్టి అతన కూడా కారు డ్రైవ్‌ చేయడు. ఇది వివాహంలో సర్వసాధారణం. కానీ ఈమె మాత్రం తన అత్తారింటికి భర్తతో కలిసి తనే స్వయంగా కారు నడిపుతూ వెళ్లాలనకుందట. ఆ విషయం ముందే కాబోయే వరుడుకి చెప్పడంతో అతను కూడా సమ్మతించాడు. అంతేకాదు అక్కడ పెళ్లి మండపం వద్ద ఉన్న బంధువులు, సన్నిహితులు విస్తుపోయేలా నవవధువుని పెళ్లికొడుకే ఎత్తుకుని ఎస్‌యూవీ కారు వద్దకు తీసుకురాగ, ఆమె డ్రైవర్‌ సీటులో దర్జాగా కూర్చొంది. ప్యాసింజర్‌ సీటులో వరుడు కూర్చొని మనం ఇంటికి సురక్షితంగా చేరుకోవాలి అని ఆమెకు నవ్వుతూ చెబుతున్నాడు. అంతేగాదు వరుడు దేవుడా మమ్మల్ని క్షేమంగా ఇంటికి తీసుకువెళ్లు అని ప్రార్థించాడు కూడా. అందుకు సంబంధించిన ఫన్నీ వీడియో నెట్టింట వైరల్‌గా అవుతోంది. View this post on Instagram A post shared by Bhawni & Chirag (@chirag_ke_bhaw_badgye) (చదవండి: 50 ఏళ్ల సహోద్యోగి అలా ప్రవర్తిస్తే ఏం చేయాలి..!)

లుధియానా: పంజాబ్‌లోని లుధియానాలో శనివారం రాత్రి పెళ్లి వేడుకకు వచ్చిన వైరి వర్గాల మధ్య కాల్పులు చోటుచేసుకున్నాయి. ఘటనలో అతిథులిద్దరు చనిపోయారు. మరొకరు తీవ్రంగా గాయపడ్డారు. పఖోవల్‌ రోడ్డులో జరిగే పెళ్లికి వరుడు ప్రత్యర్థి వర్గాల వారికి ఆహ్వానం పంపించాడు. పెళ్లి జరుగుతున్న సమయంలో వేదిక వద్ద రెండు గ్రూపులు ఎదురుపడ్డాయి. ఏదో విషయమై వారి మధ్య గొడవ ముదిరింది. పరస్పరం కాల్పులకు దిగారు. కనీసం 20 రౌండ్ల వరకు కాల్చారు. పెళ్లికి హాజరైన ఇద్దరు వ్యక్తులు బుల్లెట్లు తగిలి చనిపోయారు. పోలీసుల రాకతో రెండు గ్రూపులు అక్కడి నుంచి పరారయ్యాయి. వీరిని పెళ్లికి ఆహా్వనించిన వరుడితోపాటు భద్రతా నిబంధనలను పాటించని ఫంక్షన్‌ హాల్‌ నిర్వాహకుడిపై పోలీసులు కేసులు నమోదు చేశారు. ఇందుకు సంబంధించి ఆరుగురిని అదుపులోకి తీసుకున్నట్లు పోలీసులు తెలిపారు.

పంజాబ్‌లో ఓ మహిళ.. దొంగలతో ధైర్యంగా పోరాడి తప్పించుకున్న ఘటన సోషల్ మీడియాలో వైరల్‌గా మారింది. పట్టపగలే ఆటోలో మహిళను దోచుకోవడానికి ప్రయత్నించిన షాకింగ్‌ ఘటన వెలుగులోకి వచ్చింది. జలంధర్-లుథియానా జాతీయ రహదారిపై ఈ ఘటన చోటుచేసుకుంది. ఆ మహిళ ఫిల్లౌర్‌కు వెళ్లేందుకు ఆటోలో ప్రయాణిస్తుండగా, డ్రైవర్‌తో పాటు ఇద్దరు వ్యక్తులు ఆమెను బెదిరించి దోచుకునేందుకు ప్రయత్నించారు.అయితే, ఆమె ధైర్యంగా దుండగులను ప్రతిఘటించింది.. ఆటో నుంచి బయటకు వేలాడుతూ సాయం కోసం అరవడం ప్రారంభించింది. ఆమె దాదాపు అర కిలోమీటర్‌ వరకు వేలాడుతూ సాయం కోసం ఆమె పిలుస్తూనే ఉంది. ఇంతలో, వెనుక కారులో ప్రయాణిస్తున్న కొంతమంది యువకులు ఆటోను వెంబడించారు. ఆమె సాహసాన్ని వీడియో తీశారు. దొంగలను పట్టుకోవడానికి వారు సాయం చేశారు.ఆటో వేగంగా వెళ్లి ఒక కారు‌ను ఢీకొట్టింది. చివరికి ఆటో బోల్తా పడింది. దాంతో ఇద్దరు దొంగలను స్థానికులు పట్టుకుని పోలీసులకు అప్పగించారు. నిందితుల్లో ఓ వ్యక్తి పరారయ్యాడు. ఈ వీడియోలో ఆ మహిళ ఆటోకు బయట వేలాడుతూ దొంగల్ని ఎదుర్కొంటున్న దృశ్యాలు వీడియోలో కనిపిస్తాయి. ధైర్యంతో ఆమె తన ప్రాణాలను కాపాడుకోవడమే కాకుండా దొంగలను కూడా పట్టించగలిగిందని.. ఈ ఘటన మహిళల ధైర్యానికి నిదర్శనమంటూ నెటిజన్లు ప్రశంసలు కురిపిస్తున్నారు.In an extremely courageous act, a Ludhiana woman saved herself from a robbery in a moving auto by clinging on the vehicle while signalling for help from other commuters. Three robbers who tried to snatch her phone and money inside auto arrested by @Ludhiana_Police @IndianExpress pic.twitter.com/N7KXS62Olp— Divya Goyal (@divya5521) September 10, 2025

మరో ఘోర ఉదంతం ఇప్పుడు నెట్టింట చర్చనీయాంశంగా మారింది. బ్లూ కలర్‌ డ్రమ్ములో కుళ్లిపోయిన స్థితిలో ఓ వ్యక్తి మృతదేహాం బయటపడింది. దీంతో యూపీ మీరట్‌ ఉదంతాన్ని గుర్తు చేసుకుంటున్నారు చాలామంది. మీరట్‌లో ఓ మహిళ గంజాయి మత్తులో తూలుతూ.. ప్రియుడి సాయంతో తన భర్తను చంపి మృతదేహాన్ని డ్రమ్ములో దాచిపెట్టిన సంగతి తెలిసిందే.ఛండీగఢ్‌: మీరట్‌ ఉదంతాన్ని గుర్తు చేస్తూ.. పంజాబ్‌లోని లూధియానాలో ఓ డ్రమ్ములో గుర్తుతెలియని వ్యక్తి మృతదేహం లభ్యమైంది. మెడ, కాళ్లను తాడుతో కట్టి.. డ్రమ్ములోకి కుక్కిన వైనం తీవ్ర చర్చనీయాంశంగా మారింది. ఈ ఘటనపై పోలీసులు దర్యాప్తు ముమ్మరం చేశారు. జూన్‌ 25వ తేదీన.. ఖాళీ స్థలంలో ఓ వ్యక్తి చెత్త ఏరుకుంటుండగా దుర్వాసన వస్తుండడం చుట్టుపక్కల వాళ్లకు సమాచారం అందించాడు. వాళ్ల నుంచి సమాచారం అందుకున్న పోలీసులు డ్రమ్ము నుంచి మృతదేహాన్ని స్వాధీనపర్చుకున్నారు. డ్రమ్ములో ఓ బెడ్‌షీట్‌లో మృతదేహం చుట్టి ఉంది. చనిపోయిన వ్యక్తికి 40 ఏళ్ల వయసు ఉండొచ్చని పోలీసులు చెబుతున్నారు. ఒంటిపై గాయాలు లేవని.. పోస్ట్‌మార్టం నివేదిక రావాల్సి ఉందని చెబుతున్నారు. లోతైన దర్యాప్తు.. డ్రమ్ము కొత్తగా ఉండడంతో.. లూథియానాలో 42 డ్రమ్ము తయారీ యూనిట్లకు, దుకాణాలకు వెళ్లి పోలీసులు ఆరా తీస్తున్నారు. ఘటనా స్థలానికి ఐదు కిలోమీటర్ల దూరంలోని సీసీటీవీ ఫుటేజీలను క్షుణ్ణంగా పరిశీలిస్తున్నారు. హత్య కేసుగా నమోదు చేసుకుని.. ఈ మధ్యకాలంలో కనిపించకుండా పోయిన వ్యక్తల జాబితాతో మృతుడి వివరాలు సరిపోల్చుకుంటున్నారు. మీరట్‌ సౌరభ్ రాజ్‌పుత్ హత్య కేసు ఇలా.. ఫిబ్రవరి 24, 2025:మర్చంట్‌ నేవీ ఉద్యోగి సౌరభ్ రాజ్‌పుత్ లండన్ నుంచి తన కుమార్తె పుట్టినరోజు కోసం భారత్‌కు వచ్చారు. ఫిబ్రవరి 25, 2025:భార్య ముస్కాన్ రస్తోగి, ఆమె ప్రియుడు సాహిల్ శుక్లా కలిసి హత్యకు ప్రయత్నించారు. కానీ ఆ రోజు ప్రయత్నం విఫలమైంది. మార్చి 3, 2025:సౌరభ్‌ను కత్తితో పొడిచి హత్య చేశారుశరీరాన్ని ముక్కలు చేసి, తల, చేతులను వేరు చేశారుశరీర భాగాలను మిక్సర్ గ్రైండర్‌లో వేసి ధ్వంసం చేయడానికి ప్రయత్నించారు మార్చి 4-5, 2025సిమెంట్, డ్రమ్ములు కొనుగోలు చేసి శరీర భాగాలను డ్రమ్ములో వేసి సిమెంట్ పోసారుడ్రమ్మును ఇంట్లో దాచారుమార్చి 10, 2025 (సుమారు):డ్రమ్ము నుంచి దుర్వాసన రావడంతో ఇంటి ఓనర్ అనుమానం వ్యక్తం చేశాడుసౌరభ్‌ కూతురు ‘‘నాన్న డ్రమ్ములో ఉన్నాడు’’ అని చెప్పినా, మొదట ఎవ్వరూ పట్టించుకోలేదు మార్చి 20–25, 2025:పోలీసులు డ్రమ్మును స్వాధీనం చేసుకుని విచారణ ప్రారంభించారుఫోరెన్సిక్ బృందం బెడ్‌షీట్‌లు, బాత్రూమ్ టైల్స్‌పై రక్తపు మరకలు గుర్తించిందిసూట్‌కేస్‌లో కూడా రక్తపు ఆనవాళ్లు లభించాయి మార్చి 26–27, 2025:ముస్కాన్ రస్తోగి, సాహిల్ శుక్లా అరెస్టయ్యారుఇద్దరూ నేరాన్ని అంగీకరించారుముస్కాన్‌కు 2019 నుంచి సాహిల్‌తో వివాహేతర సంబంధం ఉన్నట్లు వెల్లడించారు ప్రస్తుతం నిందితులిద్దరూ ఉత్తరప్రదేశ్‌లోని మీరట్ జిల్లా జైలులో ఉన్నారు. ముస్కాన్‌ ఆరు నెలల గర్భవతి కావడంతో ఆమెను ప్రత్యేక బ్యారక్‌లో ఉంచారు. ఆమె జైలులో లా చదివే ఆలోచనలో ఉన్నట్లు సమాచారం.

న్యూఢిల్లీ: ఢిల్లీ అసెంబ్లీ ఎన్నికల్లో ఘోర పరాభవం తర్వాత సైలెంట్‌ అవుతారని భావించిన మాజీ ముఖ్యమంత్రి అరవింద్‌ కేజ్రీవాల్‌(Arvind Kejriwal).. పార్టీ కన్వీనర్‌ హోదాలో క్రమం తప్పకుండా పార్టీ మీటింగ్‌లకు హాజరవుతూ వస్తున్నారు. ఈ క్రమంలో ఇప్పుడు ఆయన రాజ్యసభకు వెళ్లబోతున్నారంటూ ఓ ప్రచారం తెర మీదకు వచ్చింది.ఢిల్లీ అసెంబ్లీ ఎన్నికల్లో ఆప్‌ ఘోర పరాజయం చవిచూసింది. మాజీ సీఎం కేజ్రీవాల్‌ కూడా ఓడిపోవడంతో ఢిల్లీ రాజకీయాలకు ఆయన శాశ్వతంగా దూరం అవుతారని, అందుకు ‘లిక్కర్‌ స్కామ్‌’ అవినీతి మరకే కారణమని విశ్లేషణలు నడిచాయి. ఈ కారణంగానే ప్రతిపక్ష నేతగా అతిషీని ఎంపిక చేశారని కూడా చర్చ జరిగింది. ఈ క్రమంలో..పంజాబ్‌ లూథియానా వెస్ట్‌ నియోజకవర్గ ఉప ఎన్నికకు ఆప్‌ ఆశ్చర్యకరరీతిలో అభ్యర్థిని ఎంపిక చేసింది. కిందటి నెలలో ఆ నియోజకవర్గ ఎమ్మెల్యే గురుప్రీత్‌ గోగి మృతి చెందారు. దీంతో.. రాజ్యసభ ఎంపీ సంజీవ్‌ అరోరాను ఆ అసెంబ్లీ ఉప ఎన్నికకు అభ్యర్థిగా ఈ ఉదయం ప్రకటించింది ఆప్‌. సంజీవ్‌ అరోరా(Sanjeev Arora) 2022లో ఆప్‌ తరఫున పంజాబ్‌ రాజ్యసభ ఎంపీగా ఎన్నికయ్యారు. ఆయన పదవీకాలం 2028తో ముగియనుంది. దీంతో అరోరాను అసెంబ్లీకి పంపి.. ఆ ఎంపీ సీటును కేజ్రీవాల్‌కు అప్పజెప్పబోతున్నారన్నది ఆ ప్రచార సారాంశం. లూథియానా వెస్ట్‌ ఉప ఎన్నికకు ఈసీ ఇంకా షెడ్యూల్‌ ప్రకటించలేదు. అయితే ఆర్నెల్ల లోపు ఎన్నిక నిర్వహించాలన్న నిబంధన ప్రకారం.. జులై 11లోపు ఈ ఉపన్నిక జరిగే అవకాశం ఉంది.అందుకేనా సమీక్షలు!ఢిల్లీ అసెంబ్లీ ఎన్నికల ఫలితాల తర్వాత.. పంజాబ్‌ ఆప్‌ కేడర్‌తో కేజ్రీవాల్‌ వరుసబెట్టి సమావేశాలు జరిపారు. ఒకానొక టైంలో.. భగవంత్‌ మాన్‌ను తప్పించి కేజ్రీవాల్‌ పంజాబ్‌ సీఎం అవుతారంటూ ఊహాగానాలు చక్కర్లు కొట్టాయి. అయితే ఆ చర్చల సారాంశం.. బహుశా రాజ్యసభ స్థానం కోసమే అయి ఉంటుందని ఇప్పుడు జోరుగా చర్చ నడుస్తోంది.

రజనీ బెక్టార్‌... సమైక్య భారతంలోని కరాచీ నగరంలో 1940లో పుట్టారామె. తండ్రి అకౌంటెంట్‌ జనరల్‌. తండ్రి ఉద్యోగరీత్యా కొంతకాలం లాహోర్‌లో పెరిగారు. ఆమెకు ఏడేళ్లు నిండేలోపే దేశవిభజన జరిగింది. రజని కుటుంబం భారతదేశానికి వచ్చింది. ఇండియాకి వచ్చిన తర్వాత ఢిల్లీలోని మిరిండా హౌస్‌లో చదువుకుందామె. కాలేజ్‌ చదువు పూర్తయ్యేలోపే లూథియానాలోని ఒక వ్యాపార కుటుంబంలోకి కోడలిగా అడుగుపెట్టింది. ఆమె జీవితంలో కీలకమైన ఘట్టాలు జరిగాయి. గానీ అప్పటికి ఆమె వయసు పదిహేడే. చదువు పూర్తికాకముందే పెళ్లికి తలవంచాల్సి రావడంతో కలిగిన ఆ అసంతృప్తే ఆమెను ఇప్పుడు విజేతగా నిలిపింది. లూథియానాలో అడుగుపెట్టినప్పటి నుంచి పద్మశ్రీ అవార్డు అందుకునే వరకు సాగిన ఆమె విజయయాత్రను సంతోషంగా గుర్తు చేసుకుంటున్నారామె.ఓ కొత్త ప్రపంచం ‘‘నేను లూథియానాకి వచ్చేనాటికి అది చాలా చిన్న పట్టణం. ఢిల్లీ నుంచి వచ్చిన నాకు లూథియానాను పట్టణం అనడానికి కూడా మనసొప్పేది కాదు. పట్టణం మొత్తానికి నాలుగు కార్లుండేవి అంతే. మా అత్తగారింటివాళ్లు ఛాందసులు. మా పుట్టింట్లో అమ్మ వైపు, నాన్న వైపు వాళ్లందరూ ఉన్నత విద్యావంతులు, విశాల దృక్పథం కలిగిన వాళ్లు. అత్తగారిల్లు– పుట్టిల్లు ఒకదానికొకటి పూర్తిగా భిన్నం. దాంతో నేను కొత్త మనుషుల మధ్యకు మాత్రమే కాదు, ఏకంగా కొత్త ప్రపంచంలోకి వచ్చి పడ్డాననే చెప్పాలి. వంటతో స్నేహంనాకు రకరకాలు వండడం, కొత్త వంటలను ప్రయత్నించడం హాబీ. ఆ హాబీయే నాకు పెద్ద ఆలంబన అయింది. స్నేహితులను, బంధువులను ఇంటికి ఆహ్వానించడం వారికి చేసి పెట్టడం, వారు ప్రశంసిస్తుంటే పొంగిపోవడమే జీవితంగా మారిపోయాను. హీరో మోటార్‌ కార్పొరేషన్‌కు చెందిన బ్రిజ్‌మోహన్‌ ముంజాల్, ఎవన్‌ సైకిల్స్‌ కంపెనీకి చెందిన పహ్వాస్‌లు ‘లూథియానా ప్రజలకు మంచి వంటలను రుచి చూపిస్తున్నావ్‌’ అన్నారు. అప్పటి ఎమ్‌ఎల్‌ఏ ఒకరు తన మనుమరాలి పెళ్లికి కేటరింగ్‌ చేసి పెట్టమని అడిగారు. ఒక్క క్షణం ఏమీ అర్థం కాలేదు. స్థాణువులా ఉండిపోయాను. ఎలాగో ధైర్యం చేసి అంగీకారంగా తలూపాను. ఇద్దరు అసిస్టెంట్‌ల సాయంతో రెండు వేల మందికి వంటలు చేయించాను. ఆ తర్వాత స్నేహితులు, బంధువుల ఇళ్లలో ఏ వేడుక జరిగినా నాకు కబురు వచ్చేది. అయితే అవేవీ కమర్షియల్‌ సర్వీస్‌లు కాదు, స్నేహపూర్వక సర్వీస్‌లే. కొంతకాలానికి ఇంట్లోనే కుకరీ క్లాసులు మొదలు పెట్టాను. అప్పుడు మా అత్తగారు తీవ్రంగా వ్యతిరేకించారు. ‘ఇంట్లో మగవాళ్లు వ్యాపారంలో బాగా సంపాదిస్తున్నారు, నువ్వు క్లాసులు చెప్పి సంపాదించాల్సిన అవసరం ఏమొచ్చింది’ అని కోప్పడ్డారు. మా వారు నాకు మద్దతుగా నిలవడంతో ఆ పెనుతుఫాను సమసిపోయింది. పంజాబ్‌ అగ్రికల్చర్‌ యూనివర్సిటీ ప్రొఫెసర్‌ డాక్టర్‌ జైన్‌ మా ఫ్యామిలీ ఫ్రెండ్‌. ఆయన సలహాతో అందులో ఫుడ్, డైరీ ప్రొడక్ట్స్, బేకరీ కోర్సులో చేరాను. పిల్లలు కొంచెం పెద్దయి బోర్డింగ్‌ స్కూల్‌కెళ్లిన తర్వాత నేను కాలేజ్‌లో చేరడంతో ఇంట్లో నాకు ఎటువంటి ఇబ్బందీ రాలేదు. యూనివర్సిటీలో అడుగు పెట్టగానే నాకు కలిగిన సంతోషం అంతా ఇంతా కాదు. పెళ్లి కారణంగా చదువాపేసినప్పటి నుంచి మనసులో దాగి ఉన్న దిగులు ఒక్కసారిగా ఎగిరిపోయింది. కోర్సు పూర్తి కాగానే మా వారిచ్చిన ఇరవై వేలతో 1978లో క్రిమికా ఐస్‌క్రీమ్‌ యూనిట్‌ ప్రారంభించాను. ‘క్రీమ్‌ కా’ అనే అర్థంలో పెట్టానా పేరు. లూథియానాలో క్వాలిటీ ఐస్‌క్రీమ్‌ స్టాల్‌ పక్కన నేను స్టాల్‌ తెరిచాను కాని క్వాలిటీ ఐస్‌క్రీమ్‌ను కాదని మా యూనిట్‌కి ఎవరైనా వస్తారా అనే భయం చాలా రోజులు వెంటాడింది. అయితే నేను స్టాల్‌లో కూర్చోవడం లూథియానాలో మహిళలకు స్ఫూర్తినిచ్చింది. ఇంట్లో మగ్గిపోకుండా బయటకు వచ్చి ఏదైనా సాధించాలనే తపన ఉన్న వాళ్లందరూ తమ ఇంట్లో వాళ్లను ఒప్పించడానికి నన్ను మోడల్‌గా చూపించేవారు. నా ఐస్‌క్రీమ్‌కి కూడా ఆదరణ పెరగసాగింది.ఐస్‌క్రీమ్‌తో మొదలు బిస్కట్‌ వరకు క్వాలిటీని కాదని మా స్టాల్‌కి రావాలంటే వాళ్లకంటే ఎక్కువగా చేయాలి. ఐస్‌క్రీమ్‌తోపాటు బ్రెడ్, బిస్కట్‌ వంటి బేకరీ ఫుడ్‌ చేయడం మొదలు పెట్టాను. మా స్టాల్‌ను విస్తరించి జీటీ రోడ్‌లోకి మార్చాం. అంతా గాడిలో పడిందనుకునే సమయంలో ఆపరేషన్‌ బ్లూ స్టార్‌ మొదలైంది. పంజాబ్‌ అట్టుడికిపోయింది. అనంతరం దేశం మొత్తాన్ని కుదిపేసిన దుర్ఘటన ఇందిరాగాంధీ హత్య జరిగింది. అప్పటికి వందేళ్ల నుంచి మా కుటుంబం చేస్తున్న ధాన్యం, ఎరువుల వ్యాపారం స్తంభించిపోయింది. రైతులతో సంబంధాలు తెగిపోయాయి. బెదిరింపులు ఎక్కువయ్యాయి. మా పెద్దబ్బాయి మీద అపహరణ ప్రయత్నం కూడా జరిగింది. ఈ పరిస్థితుల్లో ఆ వ్యాపారాన్ని మూసివేయాల్సి వచ్చింది. ఆ తర్వాత అంటే.. 1990 నుంచి నా ఫుడ్‌ బిజినెస్సే ఇంట్లో అందరికీ ఫుడ్‌ పెట్టింది. ఇంట్లో అందరమూ క్రిమికా కోసమే పని చేయడం మొదలుపెట్టాం. పదహారు గంటల పని ఇప్పుడు క్రిమికాకు సంబంధించిన రోజువారీ బాధ్యతలేవీ లేవు. కానీ కీలకమైన సమయాల్లో రోజుకు పదహారు గంటలు పనిచేశాను. ఆహారం మీద నాకున్న ప్రత్యేకమైన అభిరుచే నన్ను ఈ రంగంలోకి తీసుకొచ్చింది. విజేతగా నిలబెట్టింది. నేను నా టేస్ట్‌బడ్స్‌కి థ్యాంక్స్‌ చెప్పాలి. క్వాలిటీ చెక్‌లో భాగంగా ప్రతిదీ రుచి చూడాలి. కేవలం రుచి మాత్రమే చూడాలి. కడుపు నిండా తినకూడదు. కడుపు నిండితే రుచిని గ్రహించే శక్తిని కోల్పోతాం. ఆ నియమం పాటిస్తేనే విజయం మనదవుతుంది. ఈ దేశంలో జీవించాలని వచ్చాం. ఇక్కడే సవాళ్లనెదుర్కొన్నాం. జీవితాన్ని వెతుక్కున్నాం. మూడేళ్ల కిందట పద్మశ్రీ పురస్కారం అందుకున్నాను. ఈ దేశం నాకు చాలా ఇచ్చింది’’ అన్నారు రజనీ బెక్టార్‌. మెక్‌డీ బర్గర్‌లో మా బన్నుమెక్‌ డొనాల్డ్‌ ఫుడ్‌ చైన్‌ మనదేశంలో అడుగుపెట్టింది. వాళ్లకు అవసరమైన బన్‌ కోసం బేకరీలన్నింటినీ సందర్శించారు. మా బేకరీని ఎంపిక చేసుకున్నారు. అయితే వారికి కావల్సిన నియమాలు, పరిమితులకు లోబడి తయారు చేసి ఇవ్వడానికి ఒక ఏడాదిపాటు ఎక్సర్‌సైజ్‌ చేశాం. మధ్యప్రదేశ్‌లో పండే నాణ్యమైన గోధుమల పిండితో చేసిన బన్‌ వారి ఆమోదం పొందింది. మొదట్లో కొంత నష్టం వచ్చినప్పటికీ క్వాలిటీ కంట్రోల్‌ నుంచి ఆమోదం వచ్చిన తర్వాత ఇక మాకు వెనక్కి చూసుకోవాల్సిన అవసరం రాలేదు. ఆ తర్వాత మెక్‌డీకి అవసరమైన సాస్‌ ΄్లాంట్‌ కూడా పెట్టాం. దేశవ్యాప్తంగా అన్ని రాష్ట్రాలతోపాటు విదేశాల్లో కూడా వేగంగా విస్తరించగలిగాం. టర్నోవర్‌ ఏడు వేల కోట్లకు చేరింది. మా ముగ్గురబ్బాయిలు బాధ్యతలు పంచుకుని వ్యాపారాన్ని కొనసాగించారు. ఇప్పుడు మూడవ తరం అడుగుపెట్టింది. మా మనుమడు ఢిల్లీ మార్కెట్‌ మీద దృష్టి పెట్టాడు.

పంజాబ్‌లోని లూథియానా సెంట్రల్ జైలులో కలకలం చెలరేగింది. ఖైదీలంతా పుట్టినరోజు వేడుకలు జరుపుకుంటున్న వీడియో ఆన్‌లైన్‌లో కనిపించడంతో, దీనిని సీరియస్‌గా తీసుకున్న పోలీసులు దర్యాప్తు ప్రారంభించారు.  రెండు రోజుల క్రితం లూథియానాలోని సెంట్రల్ జైలులోని ఖైదీలకు సంబంధించిన వీడియో సోషల్‌ మీడియాలో షేర్‌ అయ్యింది. ఆ క్లిప్‌లో కొందరు ఖైదీలు ఒక చేతితో గ్లాసులు పట్టుకుని,  మరో చేతితో పకోడీలు తింటూ కనిపిస్తున్నారు. ఆ ఖైదీలు ‘నేడు మణి భాయ్ పుట్టినరోజు’ అని పాడటం కూడా ఆ వీడియోలో వినిపిస్తోంది. జైలులోని ఖైదీలు అరుణ్ కుమార్ అలియాస్ మణి రాణా పుట్టినరోజు వేడుకలు జరుపుకున్నారని తెలుస్తోంది.  హిమాచల్ ప్రదేశ్‌లో 2019లో జరిగిన దోపిడీ కేసులో మణి అండర్ ట్రయల్‌గా ఉన్నాడు. వీడియో రికార్డు చేసి, అప్‌లోడ్ చేయడానికి ఉపయోగించిన మొబైల్‌ను స్వాధీనం చేసుకున్నట్లు జైలు అధికారులు తెలిపారు. అయితే ఆ ఫోన్ పగిలిపోయిందని, పూర్తి డేటా వెలువడలేదని వారు పేర్కొన్నారు. ఈ ఉదంతంలో 10 మంది ఖైదీలపై ఎఫ్‌ఐఆర్ నమోదు చేశామని తెలిపారు. ఈ ఖైదీలపై జైలు చట్టంలోని సెక్షన్ 52ఏ (జైలు నిబంధనల ఉల్లంఘన) కింద కేసు నమోదు చేసినట్లు అసిస్టెంట్ కమిషనర్ ఆఫ్ పోలీస్ (లూథియానా ఈస్ట్) గుర్దేవ్ సింగ్ తెలిపారు. ఈ ఘటనను సీరియస్‌గా తీసుకున్న ఇన్‌స్పెక్టర్ జనరల్ (జైలు) ఆర్కే అరోరా, పాటియాలా రేంజ్ డిప్యూటీ ఇన్‌స్పెక్టర్ జనరల్ (డీఐజీ) సురీందర్ సింగ్ సైనీ ఈ ఘటనపై సమగ్ర విచారణ ప్రారంభించారు. ఇటువంటి ఉదంతాలతో పంజాబ్ జైళ్లు వార్తల్లోకి రావడం ఇదేమీ మొదటిసారి కాదు. ఇటువంటి పరిస్థితుల నేపధ్యంలో జైళ్ల భద్రతను మెరుగుపరచాల్సిన అవసరం ఉన్నదని పంజాబ్‌ గవర్నర్ బన్వరీలాల్ పురోహిత్ ఇటీవల వ్యాఖ్యానించారు.

లుధియానా: పంజాబ్‌లో విషాదం చోటుచేసుకుంది. గ్లాస్‌ డోర్‌తో ఆడుకొంటున్న చిన్నారికి ఆ తలుపే మృత్యువుగా మారింది. భారీ గాజు తలుపు మీద పడటంతో మూడేళ్ల చిన్నారి అక్కడికక్కడే ప్రాణాలు విడిచింది. లుధియానా ఘుమర్‌ మండి మార్కెట్‌లో ఈ దుర్ఘటన జరిగింది. ఊహించని ఘటనలో చిన్నారి ప్రాణాలు కోల్పోయిన దృశ్యాలు దృశ్యాలు ప్రతి ఒక్కరిని కంటతడి పెట్టిస్తున్నాయి. వివరాలు.. మూడేళ్ల చిన్నారితో కలిసి ఓ కుటుంబం వస్త్ర దుకాణంలో కొనుగోలు కోసం వచ్చారు. తల్లిదండ్రులు వారి పనిలో నిమగ్నమై ఉండగా.. చిన్నారి దుకాణం ఎంట్రన్స్‌ వద్ద ఉన్న తలుపు హ్యాండిల్‌ను పట్టుకొని అటు ఇటూ ఊగుతూ ఆడుకుంటుంది. ఈ క్రమంలో ఒక్కసారిగా గ్లాస్‌ డోర్‌ మొత్తం ఊడిపోయి అమాంతం ఆమెపై పడిపోయింది. బోల్టులు వదులుగా ఉండటంతో ఈ ప్రమాదం జరిగింది. వెంటనే గమనించిన తల్లిదండ్రులు, షోరూమ్‌ సిబ్బంది హుటాహుటిన బాలికను స్థానిక ఆసుపత్రికి తరలించారు. అప్పటికే ఆమె ప్రాణాలు కోల్పోయినట్లు వైద్యులు ధృవీకరించారు. దీనికి సంబంధించిన దృశ్యాలు అక్కడి సీసీ కెమెరాల్లో రికార్డయ్యాయి. ఈ వీడియో సోషల్‌ మీడియాలో వైరల్‌గా మారడంతో అణ్యం పుణ్యం తెలియని చిన్నారిని, డోర్‌ బలితీసుకున్న దృశ్యాలు నెటిజన్ల హృదయాలను పిండేస్తున్నాయి. అయితే ఈ ఘటనపై తల్లిదండ్రుల నుంచి ఇప్పటి వరకు ఎలాంటి ఫిర్యాదు నమోదు కాలేదని పోలీసులు తెలిపారు. చదవండి: Video: హెల్మెట్‌లో దూరిన పాము.. జస్ట్‌ మిస్‌ PUNJAB | A three-year-old girl died in Punjab's Ludhiana after a giant glass door at a showroom fell on top of her. The incident took place at the Ghumar Mandi Market in the city, and the girl was rushed to a hospital soon after, where she was declared dead. The incident was… pic.twitter.com/WSiUtpmEyx— ℝ𝕒𝕛 𝕄𝕒𝕛𝕚 (@Rajmajiofficial) November 28, 2023

లుధియానా: పంజాబ్‌లోని లుధియానాలో భారీ దోపిడీ జరిగింది. బ్యాంకులకు సేవలందించే సీఎంఎస్‌ సెక్యూరిటీస్‌ కార్యాలయం నుంచి సుమారు రూ.7 కోట్ల నగదును ఆగంతకులు ఎత్తుకుపోయారు. న్యూ రాజ్‌గురు నగర్‌లో ఉన్న సంస్థ ఆఫీసులోకి శనివారం అర్ధరాత్రి దాటాక సుమారు 10 మంది ముసుగులు ధరించిన దుండగులు ప్రవేశించారు. భద్రతా సిబ్బందిని తుపాకీతో బెదిరించి, గదిలో బంధించారు. వారి సెల్‌ఫోన్లను ధ్వంసం చేశారు. అనంతరం అక్కడ దొరికిన సుమారు రూ.7 కోట్ల నగదుతో సీఎంఎస్‌కు చెందిన వ్యానులోనే ఉడాయించారు. సీసీ టీవీ కెమెరాలను కూడా వెంట తీసుకెళ్లారు. చోరీ సమాచారం ఉదయం 7 గంటల సమయంలో పోలీసులకు అందింది. లుధియానా పోలీస్‌ కమిషనర్‌ మన్‌దీప్‌ సింగ్‌ సిద్ధు ఘటనాస్థలిని పరిశీలించారు. తీసుకెళ్లిన వ్యానును ముల్లన్‌పూర్‌ దాఖా వద్ద దొంగలు వదిలేసి వెళ్లారని, అందులో రెండు ఆయుధాలు కూడా లభ్యమయ్యాయని ఆయన తెలిపారు. ‘సీఎంఎస్‌ సంస్థ నిర్లక్ష్యం వల్లే దోపిడీ జరిగింది. లాకర్లలో భద్రపరచాల్సి ఉండగా నగదును వ్యానుల్లోనూ, కార్యాలయం గదిలోనూ అజాగ్రత్తగా వదిలేసినట్లు తేలింది. ఘటన సమయంలో సంస్థ సిబ్బందిలో ఇద్దరి వద్ద ఆయుధాలు కూడా ఉన్నాయి. ఎంత నగదు పోయిందనే విషయంలో బాధిత సంస్థ నుంచి ఇంకా స్పష్టత రాలేదు. ఘటనలో లోపలి వ్యక్తుల ప్రమేయం పైనా దర్యాప్తు జరుపుతున్నాం’అని తెలిపారు. కేసును ఛేదించేందుకు యాంటీ గ్యాంగ్‌స్టర్‌ టాస్క్‌ఫోర్స్, కౌంటర్‌ ఇంటెలిజెన్స్‌ నెట్‌వర్క్‌ సాయం కూడా తీసుకుంటున్నామన్నారు. 

ఇంటిపట్టున ఉండి పిల్లాడి ఆలనాపాలన చూడాలనేది ఆమె కల. అయితే ఆమెది రెక్కాడితేగానీ డొక్కాడని జీవితం. పొద్దున పని కోసం బయటికి వెళితే ఏ రాత్రో ఇంటికి వచ్చేది. సెలవంటూ లేని పని. పరీక్ష ఫీజు కట్టలేని సందర్భంలో పిల్లాడిని పట్టుకొని ఏడ్చిన సందర్భాలు ఉన్నాయి. ఎన్నో కష్టాలు పడి పిల్లాడిని చదివించింది. పంజాబ్‌లోని లుథియానాకు చెందిన ఆ అబ్బాయి అయూష్‌ గోయల్‌ ఎకౌంటెంట్‌ అయ్యాడు. ఆ తరువాత ట్విట్టర్‌ కాపీరైటర్‌గా మంచి ఆదాయన్ని అర్జిస్తున్నాడు. అమ్మను పని మానిపించాడు. తాము ఉండే ఇరుకు గది నుంచి 2–బెడ్‌రూమ్‌ అపార్ట్‌మెంట్‌కు మారాడు. ‘ఇప్పుడు మా అమ్మ ఫుల్‌–టైమ్‌ మదర్‌’ అని తల్లి ఫొటోలను జత చేస్తూ ఆయూష్‌ గోయల్‌ ట్విట్టర్‌ లో చేసిన పోస్ట్‌ వైరల్‌ అయింది. ఎంతోమందిని కదిలించింది.

ఛండీఘర్‌: పంజాబ్‌లో విషాద ఘటన చోటుచేసుకుంది. గియాస్‌పురా ప్రాంతంలో ఉన్న ఓ కెమికల్‌ కంపెనీలో గ్యాస్‌ లీకేజీ కారణంగా ఎనిమిది మంది మరణించగా.. మరికొందరు అస్వస్థతకు గురుయ్యారు. దీంతో, రంగంలోకి దిగిన రెస్క్యూ టీమ్‌ ఘటనా స్థలంలో సహాయక చర్యలు ప్రారంభించింది.  వివరాల ప్రకారం.. లూథియానాలోని గియాస్‌పురా ప్రాంతంలో సువా రోడ్‌లోని గోయల్ మిల్క్ ప్లాంట్ కూలింగ్ సిస్టమ్ పరిశ్రమ నుంచి ఆదివారం ఉదయం గ్యాస్‌ లీక్‌ అయ్యింది. ఫ్యాక్టరీ నుంచి గ్యాస్‌ లీక్‌ కావడంతో​ ఎనిమిది మంది మృతిచెందారు. మరికొందరు తీవ్ర అస్వస్థతకు గుర్యయారు. ఈ ఘటన సమాచారం అందుకున్న వెంటనే అక్కడికి పోలీసులు, అగ్నిమాపక సిబ్బంది, వైద్య బృందం చేరుకున్నారు. అస్వస్థతకు గురైన వారికి వైద్య సేవలు అందిస్తున్నారు. గ్యాస్‌ కారణంగా ఆ ప్రాంతంలో ఉన్న వారిని అక్కడి నుంచి మరో ప్రాంతానికి తరలించినట్టు లూథియానా అసిస్టెంట్‌ డీసీపీ సమీర్‌ వర్మ తెలిపారు.  VIDEO | At least eight people killed in gas leak at a factory in Punjab's Ludhiana. NDRF team carrying out rescue operation. More details are awaited. pic.twitter.com/OHw8vD7LBu — Press Trust of India (@PTI_News) April 30, 2023 ఇక, ఈ ప్రమాద ఘటనలో మృతుల సంఖ్య 11కు చేరింది. మృతుల వివరాలు ఇవే..  సౌరవ్ (35), వర్ష (35), ఆర్యన్ (10), చూలు (16), అభయ్ (13), కల్పేష్ (40), తెలియని మహిళ (40), తెలియని మహిళ (25), తెలియని పురుషుడు (25), నీతూ దేవి మరియు నవనీత్ కుమార్.   ఇది కూడా చదవండి:  సూడాన్‌ టూ భారత్‌.. ఆనందంలో బాధితులు..

పంజాబ్‌లో‘హనీమూన్‌బ్రైడ్స్‌’ అనే మాట వినిపిస్తూ ఉంటుంది.అంటే పెళ్లి చేసుకున్న ఎన్‌.ఆర్‌.ఐలుకాపురానికి తీసుకెళ్లి మూణ్ణాళ్ల ముచ్చటగాకాపురం చేసి ఆ తర్వాత పెళ్లికూతుళ్లను పుట్టింటికి తరిమేస్తారు.సత్వీందర్‌ కౌర్‌ కూడా అలాంటి బాధితురాలే.కాని ఆమె ఊరికే ఉండలేదు.లూధియానాలో ఒక సంస్థ స్థాపించిఎన్‌ఆర్‌ఐ బాధితమహిళలకు న్యాయం జరిగేలా చూసింది.న్యాయం జరగాలంటే ఏం చేయాలో కూడా చెబుతోంది. పంజాబ్, హరియాణాలలో ఎన్‌.ఆర్‌.ఐ భర్తలు మోసం చేసిన భార్యల సంఖ్య ప్రస్తుతం ఎంత ఉంటుందో ఊహించండి. 32,000. పెళ్లి చేసుకుని ఉద్యోగాలు విదేశాలలో తెచ్చుకుని మాయమైన ఎన్‌.ఆర్‌.ఐలు కొందరైతే విదేశాల్లో ఉంటూ ఇక్కడకు వచ్చి పెళ్లి చేసుకొని కొన్నాళ్లు కాపురం చేసి ఆ తర్వాత ఉడాయించిన వాళ్లు కొందరు. వీరి గురించి ఆరా తీస్తూ, ఎదురు చూస్తూ, వారిని శిక్షించాలని ప్రయత్నిస్తూ పోలీసుల చుట్టూ, కోర్టుల చుట్టూ తిరిగే ఈ వివాహితులను అక్కడ ‘హనీమూన్‌ బ్రైడ్స్‌’ అంటూ ఉంటారు. విషాదం ఏమంటే వీరి సగటు వయసు 22 నుంచి 65 వరకూ ఉండటం. ముప్పై ఏళ్ల క్రితం పెళ్లి చేసుకుని విదేశాలకు పా రిపోయిన భర్తల కోసం ఎదురు చూస్తున్న మహిళలు ఇంకా అక్కడ ఉన్నారు. వారందరికీ ఒక ఓదార్పు లూధియానాలో ‘అబ్‌ నహీ’ సంస్థను నడుపుతున్న 41 ఏళ్ల సత్వీందర్‌ సింగ్‌. స్వయంగా బాధితురాలు లూధియానాకు చెందిన సత్వీందర్‌ సింగ్‌ టీచర్‌గా పని చేసేది. టీచర్‌ సంబంధమే వస్తే 2009లో వివాహం చేసుకుంది. ఒక సంవత్సరం తర్వాత భర్త విదేశాలలో ఉద్యోగం వచ్చిందని జార్జియా వెళ్లాడు. అక్కడి నుంచి ఉక్రెయిన్‌ వెళ్లాడు. సత్వీందర్‌ అత్తారింటిలోనే ఉండిపోయింది. ఐదేళ్ల తర్వాత 2015లో తిరిగి వచ్చిన భర్త ఆమెను అత్తారింటి నుంచి ఒక అద్దె ఇంటికి మార్చి ఒక నెల ఉండి మళ్లీ ఉక్రెయిన్‌కు వెళ్లిపోయాడు. త్వరలో వచ్చి తీసుకెళతాను అనే దొంగ హామీ మీద. కాని ఎయిర్‌పోర్ట్‌కు చేరుకోవడంతోటే ‘ఇక నీకూ నాకూ సంబంధం లేదు’ అని ఫోన్‌ చేసి చెప్పేశాడు. సత్వీందర్‌ వెంటనే అత్తామామల దగ్గరకు వెళితే వాళ్లు ముఖాన తలుపులు వేసేశారు. ఒక సంవత్సరం పా టు చేష్టలుడిగి ఉండిపోయిన సత్వీందర్‌ ఆ నిద్ర నుంచి మేల్కొని న్యాయం కోసం గట్టిగా పట్టుబట్టింది. భర్త మీద, అత్త మామల మీద సెక్షన్‌ 406, 498ల కింద కేసు పెట్టింది. కోర్టులో మెయింటెనెన్స్‌ కేసు వేస్తే నెలకు 10 వేలు మంజూరయ్యాయి. 2018లో భర్త పా స్‌పోర్ట్‌ సీజ్‌ అయ్యేలా చూసింది. ఇవన్నీ చిన్న విజయాలు కావు. తనలాంటి వారి కోసం ఆ సమయంలో కోర్టు దగ్గర, పోలీస్‌ స్టేషన్‌ దగ్గర తన లాంటి వివాహితలు మరికొంత మంది కనిపించేవారు సత్వీందర్‌కు. ‘ఇంతమంది ఉన్నారా... వీరందరి కోసం ఏదైనా చేయాలి’ అని ‘అబ్‌ నహీ’ సంస్థ స్ధాపించింది. చిన్న చిన్న సమావేశాలు పెట్టి ఇలాంటి బాధిత మహిళలను సమీకరించడం మొదలెట్టింది. ఈమె చేస్తున్న పని ఆ నోటా ఈ నోటా తెలిసి బాధితులు రావడం మొదలెట్టారు. అయితే ఇది అంత సులభం కాదు. పా రిపోయిన కుర్రాళ్ల కుటుంబాలు ఈమె చేసే నిరసన కార్యక్రమాలకు, పెడుతున్న కేసులకు ఆగ్రహించేవి. శాపనార్థాలు పెట్టేవి. తన్నబోయేవి. అయినా సత్వీందర్‌ జంకకుండా తన పోరాటాన్ని కొనసాగించింది. ఎన్‌.ఆర్‌.ఐ సెల్స్‌ ద్వారా మహిళా కమిషన్‌ ద్వారా బాధితులకు మద్దతు దొరికేలా చేసేది. అంతేకాదు, జాతీయ గురుద్వారా కమిటీ ద్వారా విదేశాలలో ఉన్న గురుద్వారాలకు ఇలా పా రిపోయిన వరుల వివరాలు తెలుపుతూ తాకీదులు అందేలా చేసింది. అంటే అక్కడ ఉన్న వారి గురించి కనీసం అక్కడ ఉన్న పంజాబీలకు తెలిసేలా చేయగలిగింది. కొందరు భర్తలు ఏ దేశాల్లో అయితే ఉద్యోగాలు చేస్తున్నారో అక్కడి లీగల్‌ సెల్స్‌కు అదే పనిగా ఈ మెయిల్స్‌ పంపి ఫిర్యాదు చేస్తుంది. విదేశాంగ శాఖకు పదే పదే వినతి చేయడం వల్ల ఆ శాఖ కూడా రంగంలో దిగి ఇలాంటి కేసులు నమోదైన భర్తల పా స్‌పోర్ట్‌ల వివరాలను సేకరించి అవసరమైతే సీజ్‌ చేసే చర్యలు చేస్తోంది. ఇప్పటికి 700 మంది సత్వీందర్‌ సింగ్‌ ఇప్పటికి 700 మంది వివాహితలకు ఏదో ఒక మేర న్యాయం అందేలా చేసింది. అలాగే భర్తలను విడిచిపెట్టి ఉడాయించిన భార్యల బాధితులైన 40 మంది భర్తలకు కూడా న్యాయం అందడానికి పోరాడుతూ ఉంది. ‘భార్యను విడిచి వెళ్లిపోయిన భర్తల కేసుల్లో ఇరుపక్షాలను కూచోబెట్టి సమస్య కనుక్కుంటే చాలా కేసులు విడిపోయే దాకా వెళ్లకుండా ఆపొచ్చు. కొన్నింటిలో మాత్రం మోసగాళ్లు ఉంటారు. వారికి శిక్ష పడేలా చేయాలి.’ అంటుంది సత్వీందర్‌. సోషల్‌ మీడియా ద్వారా ఫేస్‌బుక్‌ ద్వారా బాధితులను గుర్తించి వారికి సహాయం అందేలా చేయడానికి ప్రయత్నిస్తోందామె. ‘మన పోలీసులు దేశంలో లేకుండా పోయిన వారంటే ఏమీ చేయలేము అన్నట్టు చూస్తుంటారు. కాని అలా విదేశాలకు పారిపోయిన వారికి తప్పకుండా శిక్ష పడుతుంది అనే విధంగా చర్యలు ఉంటే ఎన్‌.ఆర్‌.ఐల ఆగడాలు ఆగుతాయి’ అంటుంది సత్వీందర్‌. పంజాబ్, హరియాణాలలో అయితే సత్వీందర్‌ ఉంది. మిగిలిన రాష్ట్రాల్లో ఇలాంటి బాధితులు ఎందరు ఉన్నారో తెలియాల్సి ఉంది. వారి కోసం సత్వీందర్‌లాంటి వాళ్ల అవసరం తప్పక ఉంటుందని వేరే చెప్పాలా?

న్యూఢిల్లీ: పంజాబ్‌లోని లూథియానా కేంద్రంగా పనిచేస్తున్న అంతర్జాతీయ డ్రగ్స్‌ సిండికేట్‌ గుట్టురట్టు చేసినట్లు నార్కోటిక్స్‌ కంట్రోల్‌ బ్యూరో(ఎన్‌సీబీ) సోమవారం పేర్కొంది. ఇద్దరు అఫ్గాన్లు సహా 16 మందిని అదుపులోకి తీసుకోవడంతోపాటు 60 కిలోల డ్రగ్స్, 31 తూటాలను స్వాధీనం చేసుకున్నట్లు పేర్కొంది. ‘‘ఈ ముఠాకు గతేడాది ఢిల్లీలోని షహీన్‌బాగ్, యూపీలోని ముజఫర్‌నగర్‌ల్లో పట్టుబడిన డ్రగ్స్‌తో సంబంధముంది. అఫ్గానిస్తాన్, పాకిస్తాన్‌లతోపాటు దేశంలోని వివిధ రాష్ట్రాల్లో నెట్‌వర్క్‌ ఉంది’’ అని ఎన్‌సీబీ డిప్యూటీ డీజీ జ్ఞానేశ్వర్‌ సింగ్‌ చెప్పారు.

చండీగఢ్‌: పంజాబ్‌లో విషాదం చోటుచేసుకుంది. లుథియానాలోని తాజ్‌పూర్‌ రోడ్డు సమీపంలోని ఓ గుడిసెలో చెలరేగిన మంటల్లో చిక్కుకొని  ఏడుగురు సజీవదహనమయ్యారు. మృతులంతా ఒకే కుటుంబానికి చెందిన వారుగా గుర్తించారు. బుధవారం తెల్లవారుజామున 3 గంటల ప్రాంతంలో ఈ ఘటన చోటుచేసుకుంది. కుటుంబ సభ్యులంతా గుడిసెలో నిద్ర పోతున్న సమయంలో ఇంటికి మంటలు అంటుకుంటున్నాయి. మంటల్లో దంపతులతోపాటు అయిదుగురు చిన్నారులు (నలుగురు అమ్మాయిలు, రెండేళ్ల బాలుడు) సజీవ దహనమైయ్యారు. అదే కుటుంబానికి చెందిన రాజేష్‌(17) అనే యువకుడు వేరే చోట నిద్రిస్తుండటంతో ప్రాణాలతో బయటపడ్డాడు. మృతులను సురేష్‌ షని(55) రానా దేవి(50), రాఖీ కుమారి(15), మనీషా కుమారి(10), చందా కుమారి(8), గీతా కుమారి(6), సన్నీ(2)గా గుర్తించారు. ప్రమాద కారణాలపై పోలీసులు దర్యాప్తు చేస్తున్నారు. బాధితులంతా ఉపాధి కోసం లుథియానాకు వలస వచ్చిన కార్మికులని లుధియానా ఏసీపీ సురీందర్‌ సింగ్‌ తెలిపారు. టిబ్బా రోడ్‌లోని మునిసిపల్ చెత్త డంప్ యార్డ్‌కు సమీపంలో ఉన్న తమ గుడిసెలో నిద్రిస్తుండగా ప్రమాదం చోటుచేసుకున్నట్లు పేర్కొన్నారు. చదవండి: కొట్టి.. పాదాలు నాకించి.. దళిత విద్యార్థికి తీవ్ర అవమానం

ఆమెకు డ్యాన్స్‌ అంటే ప్రాణం. చిన్నప్పటి నుంచి మిస్‌ వరల్డ్‌ కిరీటం ధరించాలన్న ఆశ. కానీ గుండె సరిగా కొట్టుకోదు, ఓ యాక్సిడెంట్‌లో ముఖం మొత్తం కాలిపోయింది. అయినా ఏమాత్రం దిగులు పడలేదు. ఒక్కో సమస్యను అధిగమిస్తూ మిస్‌ వరల్డ్‌ రన్నరప్‌గా నిలిచింది శ్రీసైనీ. అమెరికాలోని ప్యూర్టోరికోలో జరిగిన మిస్‌వరల్డ్‌–2021 కాంపిటీషన్‌లో పోలాండ్‌కు చెందిన కరోలినా బిల్వస్కా మిస్‌వరల్డ్‌ కిరీటాన్ని గెలుచుకుంది. భారత్‌ తరపున పోటీపడిన మానస వారణాసి టాప్‌–6లోకి కూడా చేరుకోలేకపోయింది. కానీ భారత సంతతికి చెందిన 26 ఏళ్ల శ్రీసైనీ అమెరికా తరపున మిస్‌ వరల్డ్‌ కిరీటం కోసం పోటీపడి, మొదటి రన్నరప్‌గా నిలవడం విశేషం. పంజాబ్‌కు చెందిన సంజయ్‌ సైనీ, ఏక్తా సైనీ దంపతులకు 1996 జనవరి 6న లుథియాణలో శ్రీసైనీ పుట్టింది. ఈమెకు షహరోజ్‌ సైనీ అనే తమ్ముడు ఉన్నాడు. సంజయ్‌కు వాషింగ్టన్‌లో గ్యాస్‌ స్టేషన్‌ ఉండడంతో ఆమె కుటుంబం మొత్తం అమెరికాలో స్థిరపడ్డారు. దీంతో ఐదేళ్ల వయసులో శ్రీసైనీ భారత్‌ వదిలి వెళ్లిపోయింది. అప్పటి నుంచి అక్కడే ఇండో అమెరికన్‌గా పెరిగింది. పన్నెండేళ్ల వరకు శ్రీ గుండె స్పందనలు సరిగా లేవు. నిమిషానికి డెభ్బై సార్లు కొట్టుకోవాల్సిన గుండె కేవలం ఇరవై సార్లు మాత్రమే కొట్టుకునేది. శ్రీని పరీక్షించిన డాక్టర్లు ఆమె గుండెలో పూడిక ఏర్పడిందని నిర్ధారించారు. ఇందుకోసం శాశ్వత పేస్‌మేకర్‌ను అమర్చి ఆమె గుండెను సాధారణంగా పనిచేసేలా చేశారు. మూడేళ్ల వయసు నుంచే డ్యాన్స్‌ను ఎంతో ఇష్టంగా చేసే శ్రీకి పేస్‌మేకర్‌ అమర్చిన తరువాత డ్యాన్స్‌ చేయకూడదని డాక్టర్లు సూచించారు. అయినా వెనక్కు తగ్గలేదు. తన బలాన్ని మరింత పెంచుకునేందుకు ప్రారంభంలో చిన్నగా డ్యాన్స్‌ ప్రారంభించి, తరువాత రోజుకి ఆరుగంటలపాటు డ్యాన్స్‌ చేసేది. ఇలా ఏళ్లపాటు డాన్స్‌ సాధన చేస్తూ తనలోని ఆత్మవిశ్వాసాన్ని మరింత పెంచుకుంది.బ్యాలే, జాజ్‌ డ్యాన్స్‌లు నేర్చుకుంది.అంతేగాక కాలేజీ హిప్‌అప్‌ టీమ్‌తో కలిసి డ్యాన్స్‌ చేసేది.     ముఖం కాలిపోయినా.. చిన్నప్పటి నుంచి మిస్‌వరల్డ్‌ అవ్వాలనుకునే శ్రీసైనీ, ఆరేళ్లున్నప్పుడే మిస్‌ వరల్డ్‌గా తయారై బాగా మురిసిపోయేది. అప్పట్లో ఆమెకు మిస్‌వరల్డ్‌ అంటే సూపర్‌ హీరోలా కనిపించేది. దీంతో స్కూలు చదువు పూర్తయ్యాక.. వాషింగ్టన్‌ యూనివర్సిటీలో జర్నలిజం డిగ్రీ చేసింది. తరువాత మోడలింగ్‌లోకి అడుగు పెట్టింది. హార్వర్డ్‌ యూనివర్సిటీ, యాలే స్కూల్‌ ఆఫ్‌ డ్రామా, స్టాన్‌ఫోర్డ్‌ యూనివర్సిటీలో మోడలింగ్‌ కోర్సులు చేసింది. యూనివర్సిటీలో చదువుతోన్న రోజుల్లో అప్పుడు శ్రీకి పంతొమ్మిదేళ్లు ఉంటాయి. ఒకరోజు అనుకోకుండా కారు ప్రమాదం జరిగి ముఖం బాగా కాలిపోయింది. తన ముఖం తనే గుర్తుపట్టలేనంతగా మారింది. అయినా ఏమాత్రం దిగులుపడలేదు. ఎలాగైనా అందాల పోటీల్లో పాల్గొనాలన్న సంకల్పంతో ఏడాదిలోపే కోలుకుని, తన ముఖాన్ని పూర్వంలా అందంగా మార్చుకుంది.    అనేక సమస్యలను ధైర్యంగా ఎదుర్కొంటూ తొలిసారి 2017లో మిస్‌ ఇండియా యూఎస్‌ఏ కిరీటాన్ని గెలుచుకుంది. మరుసటి ఏడాది మిస్‌వరల్డ్‌ ఇండియా వరల్డ్‌వైడ్‌ కిరీటాన్ని గెలుచుకుంది. ఆ తరువాత 2019లో మిస్‌ వరల్డ్‌ అమెరికా కాంపిటీషన్‌లో పాల్గొన్నప్పటికీ తన హృదయ సంబంధ సమస్యతో మధ్యలోనే తప్పుకోవాల్సి వచ్చింది. ట్రీట్మెంట్‌ తరువాత 2020లో మిస్‌ వరల్డ్‌ అమెరికా కాంపిటీషన్‌లో పాల్గొని టాప్‌ ఇన్‌ఫ్లుయెన్సర్‌ నేషనల్‌ విన్నర్, ఏ పర్పస్‌ నేషనల్‌ అంబాసిడర్, పీపుల్స్‌ ఛాయిస్‌ నేషనల్‌ విన్నర్, టాలెంట్‌ ఆడియెన్స్‌ చాయిస్‌ నేషనల్‌ అవార్డు, బ్యూటీ విత్‌ పర్పస్‌ విన్నర్‌ అవార్డులను గెలుచుకుంది. 2021లో మిస్‌వరల్డ్‌ అమెరికా కిరీటాన్ని గెలుచుకుని ఈ కిరీటం గెలుచుకున్న తొలి భారతసంతతి వ్యక్తిగా పేరు పొందింది. ఇటీవల నిర్వహించిన 2021 మిస్‌ వరల్డ్‌ పోటీలలో పాల్గొని టాప్‌–6 కంటెస్టెంట్స్‌లో ఒకటిగా నిలిచింది. కానీ వెంట్రుకవాసిలో కిరీటం తప్పిపోయి మొదటి రన్నరప్‌గా నిలిచింది.     మోటివేషనల్‌ స్పీకర్‌గానూ.. పన్నెండేళ్ల వయసు నుంచి మానసిక భావోద్వేగాలపై ఆర్టికల్స్‌ రాసే అలవాటు ఉంది శ్రీకి. తను రాసిన చాలా ఆర్టికల్స్‌ అమెరికన్‌ మీడియాలో పబ్లిష్‌ అయ్యాయి. చిన్నప్పటి నుంచి ఆమె చేస్తోన్న సామాజిక సేవాకార్యక్రమాలను ప్రముఖులు ప్రశంసించేవారు. ఎనిమిది దేశాల్లోని వందకుపైగా నగరాల్లో తను ఎదుర్కొన్న అనేక మానసిక సంఘర్షణలను వివరిస్తూ ఎంతోమంది యువతీ యువకుల్లో స్ఫూర్తిని నింపుతోంది. అందాల రాణిగానేగాక మెంటల్, ఎమోషనల్‌ హెల్త్‌ యాక్టివిస్ట్‌గా, మోటివేషనల్‌ స్పీకర్‌గా పనిచేస్తూ ఎంతోమందికి ప్రేరణగా నిలుస్తోంది శ్రీసైనీ.

చండీగఢ్‌: పంజాబ్‌లోని లూథియానా జిల్లా, సెషన్స్‌ కోర్టులో గురువారం బాంబు పేలుడు ఘటనలో మరణించిన వ్యక్తిని మాజీ హెడ్‌ కానిస్టేబుల్‌ గగన్‌దీప్‌ సింగ్‌గా పోలీసులు గుర్తించారు. బాంబును అమర్చే క్రమంలో అతను మరణించాడని, అందుకు ఆధారాలు లభించాయని పోలీసులు చెప్పారు. మాదకద్రవ్యాల ముఠాతో సంబంధాలున్నాయని అతడిని 2019లో పోలీస్‌ విధుల నుంచి తప్పించారు. రెండేళ్ల కారాగార శిక్ష అనుభవించాక సెప్టెంబర్‌లో జైలు నుంచి విడుదలయ్యాడని తెలుస్తోంది. గగన్‌దీప్‌ది పంజాబ్‌లోని ఖన్నా జిల్లా. బాంబు తయారీ పరిజ్ఞానాన్ని ఆన్‌లైన్‌లో నేర్చుకుని ఉంటాడని జాతీయ దర్యాప్తు సంస్థ(ఎన్‌ఐఏ) అధికారులు అనుమానిస్తున్నారు. 

ఛండీఘర్‌: సమాజంలో చాలా అత్యున్నత స్థానంలో ఉన్నవాళ్లను సామాన్యులు తమ ఇంట్లో జరిగే ఫంక్షన్లకి లేదా పెళ్లిళ్లకి ఆహ్వానిస్తే వాళ్లురారని అనుకుంటాం. పైగా వాళ్లు చాలా బిజీగా ఉంటారని, అందువల్ల చాలా మటుకు వాళ్లురారు అనే భావిస్తారు. కానీ అందుకు విరుద్ధంగా పంజాబ్‌ డ్రైవర్‌ ఆహ్వానాన్ని ఢిల్లీ ముఖ్యమంత్రి అరవింద్ కేజ్రీవాల్ మన్నించారు. అసలు విషయంలోకెళ్లితే...ఢిల్లీ ముఖ్యమంత్రి అరవింద్ కేజ్రీవాల్ రాబోయే శాసనసభ ఎన్నికల కోసం పంజాబ్ పర్యటన సందర్భంగా లూథియానాలో ఆటో రిక్షా డ్రైవర్లను ఉద్దేశించి ప్రసంగిస్తున్నారు. అయితే ఆ పర్యటనలో ఒక ఆటో డ్రైవర్‌ తన ఇంటికి భోజనానికి రండి అంటూ కేజ్రీవాల్‌ను ఆహ్వానిస్తాడు. (చదవండి: హ్యాట్సాఫ్‌ సార్‌!... హీరోలా రక్షించారు!) దీంతో కేజ్రివాల్‌ అతని ఆహ్వానానికి ఎంతగానో మురిసిపోయి తప్పకుండా వస్తానని హామీ కూడా ఇచ్చారు. అంతేకాదు కేజ్రీవాల్‌తో పాటు, ఆమ్ ఆద్మీ పార్టీ (ఆప్) ఎంపీ భగవంత్ మాన్, ఎమ్మెల్యే హర్పాల్ సింగ్ చీమా కూడా ఆటో రిక్షా డ్రైవర్ ఇంటికి వెళ్లనున్నారు. ఈ మేరకు ఈ విషయంతో పాటు "ఈ రాత్రి డిన్నర్‌కి తప్పకుండా వెళతాం" అనే క్యాప్షన్‌ని జోడించి మరి ట్విట్టర్‌లో పోస్ట్‌ చేశారు. దీంతో ఈ విషయం ప్రస్తుతం నెట్టింట తెగ వైరల్‌ అవుతోంది. (చదవండి: జనరల్‌నాలెడ్జ్‌ ఉంటే చాలు... ఈ ఆటోలో ఫ్రీగా వెళ్లిపోగలం!!)

లుథియానా జిల్లా టూసా గ్రామానికి చెందిన సత్విందర్‌ కౌర్‌కు... అందరి అమ్మాయిల్లానే వయసు రాగానే తల్లిదండ్రులు పెళ్లి ప్రస్తావన తీసుకొచ్చారు. టీచర్‌గా పనిచేస్తోన్న మంచి వరుడు దొరకడంతో 2009 ఫిబ్రవరి 23న పెద్దల సమక్షంలో కోటి ఆశలతో పెళ్లి చేసుకుంది సత్విందర్‌. ఆ ఆశలన్నీ మూణ్ణాళ్ల ముచ్చటేనని తెలియడానికి ఎక్కువ సమయం పట్టలేదు. వివాహం అయిన కొద్దిరోజులకే భర్త విదేశాలకు వెళ్లాలని నిర్ణయించుకున్నారు. ఈ క్రమంలోనే 2010లో జార్జియా వెళ్లి అక్కడ నుంచి ఉక్రెయిన్‌కు మారాడు. అక్కడ ఓ ప్రైవేటు కంపెనీలో విదేశీ విద్యార్థుల కో ఆర్డినేటర్‌గా పనిచేసేవాడు. అతను మాత్రమే వెళ్లి తనను ఎందుకు తీసుకెళ్లలేదో సత్విందర్‌కు అర్థం కాలేదు. అలా ఐదేళ్లు గడిచిపోయాయి. 2015 జూలై 20 న ఇండియాకు భర్త తిరిగి వస్తున్నారని ఎంతో ఆత్రుతగా ఎదురు చూసింది సత్విందర్‌. సంవత్సరాల తరువాత విదేశాల నుంచి వచ్చిన భర్త కుటుంబంతో అయిష్టంగా వ్యవహరిస్తూ.. మనం వేరే ఇంటికి అద్దెకు వెళ్దాం అని చెప్పి కిరాయికి ఇల్లు తీసుకుని అక్కడకు మకాం మార్చాడు. నెల తరువాత ‘‘నేను ఇప్పుడు ఉక్రెయిన్‌ వెళ్తున్నాను. మూడు నెలల తరువాత  నిన్ను తీసుకెళ్తాను’’ అని చెప్పి తిరిగి వెళ్లిపోయాడు. కానీ చెప్పినట్లుగా సత్విందర్‌ను తీసుకెళ్లలేదు. తన భర్త తనని మోసం చేసాడని తెలుసుకున్న సత్విందర్‌ 2016లో ఎన్‌ఆర్‌ఐ సెల్‌లో ఫిర్యాదు చేసింది. ఇదే సమయంలో ఆమె భర్త విడాకులు కావాలని కోర్టును ఆశ్రయించాడు. దీంతో కొన్ని వాయిదాల తరువాత పదివేల రూపాయల జీవన భృతితో కోర్టు విడాకులు ఇస్తూ తీర్పు ఇచ్చింది. విడాకులు మంజూరు అయ్యేంత వరకూ సత్విందర్‌.. తనలాగా భర్తచేతిలో మోసపోయి కోర్టుల చుట్టూ తిరుగుతున్న ఎంతోమంది అమ్మాయిల సాధక బాధలను దగ్గర నుంచి గమనించేది. చిన్న చిన్న అమ్మాయిల జీవితాలు రోడ్డున పడడం వారు న్యాయం కోసం సంవత్సరాలపాటు కోర్టుల చుట్టూ తిరగడం, సత్విందర్‌కు కూడా అటువంటి ప్రత్యక్ష అనుభవం ఉండడంతో తనలాంటి వారికి సాయపడాలనుకున్నారు. అబ్‌ నహీ సోషల్‌ వెల్ఫేర్‌ సొసైటీ.. భర్తల చేతిలో మోసపోయి ఏం చేయాలో దిక్కుతోచని పరిస్థితుల్లో ఉన్న అమ్మాయిలను ఆదుకోవాలని నిర్ణయించుకుని 2016లో ‘అబ్‌ నహీ సోషల్‌ వెల్ఫేర్‌ సొసైటీ’ పేరున స్వచ్ఛంద సంస్థను స్థాపించారు. ఈ సంస్థ ద్వారా మోసపోయిన అమ్మాయిలు, మహిళలకు సాయం చేయడం ప్రారంభించారు. కోర్టులు, పోలీసు స్టేషన్స్‌ దగ్గర తనకు ఎదురైన అమ్మాయిలను, ఇంకా ఫేస్‌బుక్, సోషల్‌ మీడియా ప్లాట్‌ఫామ్స్‌ ద్వారా మరికొంతమంది బాధితులను కలిసి వారి సమస్యలు తెలుసుకుని ఎన్‌ఆర్‌ఐ సెల్స్, జాతీయ మహిళ కమిషన్‌ నిర్వహించే సెమినార్స్‌కు వారిని ఆహ్వానించి అక్కడ వాళ్లకు న్యాయం ఎలా అందుతుందో వివరించేవారు. ప్రభుత్వ పెద్దలను సంప్రదించి సమస్యల పరిష్కారానికి కృషిచేస్తున్నారు. అంతేగాక ప్రపంచవ్యాప్తంగా గురుద్వారాలను సంప్రదించి బాధిత మహిళ వివరాలు తెలుసుకుని వారికి కావాల్సిన సహాయ సహకారాలను అందిస్తున్నారు. ఇప్పటిదాకా 700 మంది మహిళలకు సాయపడ్డారు. ఎన్జీవోని సంప్రదించిన 40 మంది పురుషులకు సత్విందర్‌ సాయపడడం విశేషం. ‘‘నా భర్త నన్ను మోసం చేసినప్పుడు చాలా బాధపడ్డాను. కానీ కొన్నిరోజులకు నన్ను నేను తమాయించుకుని ధైర్యంగా పోరాడాలనుకున్నాను. ఈ క్రమంలోనే నాలా కోర్టుల చుట్టూ తిరుగుతున్న వారిలో ధైర్యం నింపుతూ.. సాయం చేయాలనుకున్నాను. ఎన్జీవో స్థాపించి నేను చేయగలిగిన సాయం చేస్తున్నాను. సాయం కోసం నా దగ్గరకు వచ్చేవారిలో 65 ఏళ్ల లోపు మహిళలు 22 మంది ఉన్నారు. వీళ్లంతా దశాబ్దాలుగా తమ భర్తల కోసం ఎదురు చూస్తున్నారు. పంజాబ్, హర్యాణ రాష్ట్రాల్లోనే దాదాపు 32 వేల మంది బాధిత మహిళలు ఉన్నారు. వీరిలో చాలా మందికి సరైన న్యాయం అందడం లేదు. కొన్ని సందర్భాల్లో మోసం చేసిన భర్తల పాస్‌పోర్టులు రద్దుచేయించడం, ప్రపంచ నలుమూలల్లో ఏదేశం లో ఉన్నా ఇండియాకు రప్పించి న్యాయం చేస్తున్నాం. ఇప్పటిదాక 20 జంటలను కౌన్సెలింగ్‌ ద్వారా  కలిపాము’’ అని సత్విందర్‌ వివరించారు.

వరకట్న వేధింపులకు మరో మహిళ బలైపోయింది. ఎన్నో ఆశలతో అత్తారింట్లో అడుగుపెట్టిన కోడలిని దారుణంగా హతమార్చారు. డబ్బుపై మొహంతో కట్టుకున్న భర్త, అత్తమామలలే కాలయములై వివాహితను కొట్టి, సజీవ దహనం చేశారు. ఈ అమానుష ఘటన పంజాబ్‌ రాష్ట్రంలో మంగళరం వెలుగు చూసింది. లుధియానా జిల్లాలోని సమ్రాలా ప్రాంతంలో సురిందర్‌ పాల్‌ కుటుంబం నివాసముంటోంది. పాల్‌ తన కుమార్తె మణ్‌దీప్‌ కౌర్‌ను కాకోవాల్‌ మజ్రా గ్రామానికి చెందిన బలరాం సింగ్‌ అనే వ్యక్తితో మూడేళ్ల క్రితం వివాహం చేశాడు. వీరికి ఏడాది వయసున్న కూతురు ఉంది.  పెళ్లైనప్పటి నుంచే మహిళపై అత్తాంటివారి వేధింపులు మొదలయ్యాయి. ఇటీవల అదనపు కట్నం కావాలని మహిళపై ఒత్తిడి పెరిగింది. ఈ క్రమంలో మంగళవారం వివాహిత ఒంటినిండా కాలిన గాయాలతో అనుమానాస్పద స్థితిలో మృతి చెందింది. అయితే తన కూతురిని అత్తింటివారే చంపారని బాధితురాలి తండ్రి ఆరోపించారు. కూతురిని పుట్టింటికి తీసుకెళ్లకుంటే ఆమెను చంపేస్తామని అల్లుడు ముందుగానే హెచ్చరించాడని తెలిపాడు. ఒకవేళ తన కూతురిని ముందుగానే ఇంటికి తీసుకువచ్చినట్లయితే, ఆమె ఈ రోజు సజీవంగా ఉండేదని సురిందర్‌పాల్ కన్నీటి పర్యంతమయ్యారు. ‘అల్లుడి తండ్రి కాల్‌ చేసి నా కూతురికి కాలిన గాయాలయ్యాని, ఆమెను సివిల్‌​ ఆసుపత్రికి తరలించామని తెలిపారు. నేను వెంటనే ఆసుపత్రికి వెళ్లాను. అక్కడి నుంచి నా కూతురిని రాజీంద్ర హస్మిటల్‌కు రిఫర్‌ చేశారు. అక్కడికి వెళ్తుండగానే మధ్యలోనే నా కూతురు చనిపోయింది. నేను చివరికి నా కూతురు శవాన్ని చూడాల్సి వచ్చింది. ఆమె తలపై గాయాలు చూసి షాకయ్యాను. శరీరమంతా కాలిన గాయాలున్నాయని ఆవేదన వ్యక్తం చేశారు. పెళ్లైన అప్పటినుంచి అత్తారింటివారు తన కూతురిని కట్నం వేధింపులకు గురిచేసేవారని బాధితురాలి తండ్రి వాపోయాడు. ఆమె భర్త బలరాం, వాళ్ల తల్లిదండ్రులు కూతురిపై దాడికి పాల్పడుతున్నారు. మేము ఈ విషయాన్ని గ్రామ పంచాయతీతో లేవనెత్తాము. గ్రామంలోని పంచాయతీ పెద్దలు సమస్యను పరిష్కరించారు. అయినా నా కుమార్తెకు అత్తమామల వేధింపులు తగ్గేలేదని మహిళ తండ్రి ఆరోపించారు. కాగా మన్‌దీప్ భర్త బలరాం సింగ్, బావ చంద్ సింగ్, అత్త రాజ్‌వంత్ కౌర్, బావ రాజ్‌వీందర్ కౌర్, బావమరిది కుల్బీర్ సింగ్‌పై సంబంధిత సెక్షన్ల కింద కేసు నమోదుచేసినట్లు పోలీసులు తెలిపారు.

లూథియానా:భార్య మీద అలిగి ఇంట్లోంచి వెళ్లిపోయిన భర్తను వెతుక్కుంటూ బయలుదేరింది ఓ భార్య .దీనిలో విశేషం ఏముంది అనుకుంటున్నారా? అక్కడే అసలు విషయం దాగి ఉంది, దాదాపు 1400 కిలోమీటర్లు దూరంలో ఉన్న భర్తను వెతుక్కుంటూ బయలుదేరింది.19 ఏళ్లు  ఆమె చేతిలో చిల్లి గవ్వ లేకుండా పాట్నా నుంచి పంజాబ్ లోని లూథియానా వరకూ ప్రయాణించింది. ఆమెకు తెలిసిందల్లా ఒకటే..తన భర్త లూథియానాలోని సలేమ్ తబ్రీ ప్రాంతంలోని ఓ చోట పనిచేస్తున్నాడు. దీంతో తన ఇద్దరు పిల్లలను పాట్నాలో తెలిసినవారి వద్ద వదిలేసి లూథియానా వచ్చి భర్తను వెతికే పనిలో పడింది. భర్త కోసం పిచ్చిదానిలా వెతకటం ప్రారంభించింది. అలా వెతుకుతుండగా లూథియానాలో  బుద్‌ దేవ్‌ అనే వ్యక్తి ఆమెకు కలిశాడు.ఈ ప్రాంతంలో కొత్తగా కనిపిస్తున్నావు,ఇలా ఎవరి కోసం వెతుతున్నావ్ అనిఅడిగాడు. దానికి ఆమె చెప్పిన కథ విని ఆశ్చర్యపోయాడు. ఆ తరువాత ఆమెను తన ఇంటికి తీసుకెళ్లాడు.తిండి పెట్టి ఆశ్రయం ఇచ్చాడు.తరువాత ఆమెను లూథియానా నగర అదనపు డీసీపీ ప్రగ్యా జైన్ వద్దకు తీసుకెళ్లాడు. కానీ ఆమె భర్త గురించి పూర్తి వివరాలు చెప్పలేకపోయింది.తనకు 15 ఏళ్ల వయసు ఉన్నప్పుడు పెళ్లైందని..నా భర్త పేరు జాన్‌. ఇద్దరు పిల్లలు పుట్టాక చిన్న గొడవ వల్ల తనను పిల్లలను వదిలి ఇల్లు వదిలిపెట్టి వచ్చేశాడని తెలిపింది. తరువాత ఫోన్ చేసి నేను లూథియానాలో ఉన్నానని చెప్పాడని..కానీ రమ్మంటే నేను రాను అని చెప్పాడని వాపోయింది.   డీసీపీ ప్రగ్యా జైన్ ఆమె ఇచ్చిన ఫోన్ నంబర్ ఆధారంగా పలు రకాలుగా యత్నించినా ఆచూకీ లభించలేదు. అలా అతని ఫోన్ నంబర్ ఆధారంగా చివరకు ఆమె భర్త జాన్‌ను కనిపెట్టారు. మొదట ఈమె ఎవరో తెలీదని జాన్ అబద్దాలు ఆడాడు.కానీ పోలీసులు భయపెట్టటంతో ఆమె నా భార్య అని ఒప్పుకున్నాడు. పోలీసుల కౌన్సిలింగ్ తో ఆమెతో కలిసి ఉండేందుకు ఒప్పుకున్నాడు. త్వరలోనే బీహార్ నుంచి పిల్లలను తీసుకొచ్చి లూథియానాలోనే ఉంటామని చెప్పాడు. చదవండి:పాముకు ఊపిరి ఊది ప్రాణం నిలిపిన యువకుడు, వీడియో వైరల్‌

పంజాబ్​లో సోషల్ మీడియాను ఓ వైరల్​ వీడియో కుదిపేసింది. నా ట్రీట్​మెంట్ కోసం సాయం చేయండి. బతకడానికి నాకొక అవకాశం ఇవ్వండి. అంటూ ఓ డీఎస్పీ లెవెల్​ అధికారి మాట్లాడిన వీడియో ఒకటి వాట్సాప్​, ఫేస్​బుక్​లో వైరల్  అయ్యింది. చావు అంచున ఉన్న తనను కాపాడాలంటూ వేడుకున్న ఆయన వీడియో పై ప్రభుత్వ నిర్లక్ష్య వైఖరిని పార్టీలు, ప్రజలు విమర్శించడంతో ఆ దెబ్బకు ప్రభుత్వం దిగొచ్చింది.  ఛంఢీఘడ్​: డిప్యూటీ జైలు సూపరిడెంట్​గా పని చేస్తున్న 49 ఏళ్ల హర్జిందర్​ సింగ్​కు ఈ మధ్యే కరోనా సోకింది. కరోనా నుంచి కోలుకున్న తర్వాత రకరకాల సమస్యలతో ఆయన లూథియానాలో ఓ ఆస్పత్రిలో చేరారు. అయితే ఊపిరితిత్తులు చెడిపోవడంతో ఆయన పరిస్థితి రోజురోజూకీ దిగజారింది. లంగ్స్ మారిస్తే ఆయన బతుకుతాడని డాక్టర్లు ఆయన కుటుంబ సభ్యులతో చెప్పారు. ఇక ఆయనకు సాయం అందించే విషయంలో పంజాబ్​ ప్రభుత్వం మూడువారాల పాటు అలసత్వం ప్రదర్శించింది. పరిస్థితి విషమిస్తుండడంతో.. చచ్చాక తన కుటుంబానికి నష్టపరిహారం, ఇంట్లో ఒకరికి ఉద్యోగం ఇచ్చే బదులు.. బతికేందుకు అవకాశం ఉన్న తనకు సాయం చేయాలని, తన కుటుంబాన్ని తానే పోషించుకుంటానని ఆయన దీనంగా వేడుకున్నాడు. ఈ వీడియో సోషల్ మీడియాలో వైరల్ అయ్యింది.  ఎక్స్​గ్రేషియాపై విమర్శలు డిప్యూటీ జైలు సూపరిడెంట్​గా పని చేస్తున్న హర్జిందర్ సింగ్​.. భార్య వదిలేసి పోవడంతో ముగ్గురు పిల్లలను ఆయనే పోషిస్తున్నారు.  ఏప్రిల్ నెలలో కొవిడ్ బారినపడి కోలుకున్నారు. లంగ్స్​ ట్రాన్స్​ప్లాంట్​ కోసం 80 లక్షల రూపాయల దాకా ఖర్చు అవుతుందని డాక్టర్లు చెప్పారు. పంజాబ్​ ప్రభుత్వ నిబంధనల ప్రకారం.. అంత ఖర్చు ఇవ్వడానికి వీల్లేదు. చనిపోయాక యాభై లక్షల రూపాయల ఎక్స్​గ్రేషియా కుటుంబానికి మాత్రమే అందిస్తారు. దీంతో సాయం గురించి ఉన్నతాధికారులు మూడు వారాలపాటు హర్జిందర్​ సోదరుడిని తిప్పించుకున్నారు. ఈ తరుణంలో చనిపోయాక ఇచ్చే నష్టపరిహారం తనకొద్దని, బతికేందుకు తనకొక అవకాశం ఇవ్వమని పంజాబ్ ప్రభుత్వాన్ని ఆయన వీడియో ద్వారా వేడుకున్నాడు. Grateful to Punjab CM @capt_amarinder for supporting the treatment of DSP Harjinder Singh, after his recovery from #COVID...1/2 — DGP Punjab Police (@DGPPunjabPolice) June 2, 2021 మూడువారాల తర్వాత.. ఇక ఈ వీడియోపై రాజకీయ దుమారం రేగింది. పోలీస్ డిపార్ట్​మెంట్​తో పాటు ప్రభుత్వం తీరుపైనా విమర్శలు వెల్లువెత్తాయి. ఒక సిన్సియర్ ఉన్నతాధికారి రక్షించుకోలేని చేతకాని ముఖ్యమంత్రి అంటూ.. అమరిందర్​ సింగ్​పై ప్రతిపక్షాలు దుమ్మెత్తి పోశాయి. కొందరు నెటిజన్స్​ ఈ విమర్శలకు మద్ధతు తెలపడంతో ప్రభుత్వం దిగొచ్చింది. డీఎస్పీ ట్రీట్​మెంట్​కు అవసరమయ్యే సాయం ఇవ్వడానికి ముఖ్యమంత్రి ఒప్పుకున్నారని డీజీపీ దిన్కర్​ గుప్తా ట్వీట్ చేశారు. హర్జిందర్ సింగ్​కు డిపార్ట్​మెంట్ తరపున  లూథియానాలోని ఓ ప్రైవేట్ ఆస్పత్రిలో ఉచితంగా ట్రీట్​మెంట్ అందించబోతున్నట్లు, ట్రాన్స్​ఫ్లాంట్ కోసం హైదరాబాద్​ గానీ, చెన్నై గానీ తరలిస్తామని సిటీ కమిషనర్ రాకేష్​ అగర్వాల్ ప్రకటించారు. చదవండి: సీఎంని కదిలించిన పిల్లాడు

లూథియానా: గుర్తు తెలియని దుండగులు కారులో వచ్చి పోలీసులపై కాల్పులకు పాల్పడిన ఘటనలో ఇద్దరు అసిస్టెంట్‌ సబ్‌ఇన్స్‌పెక్టర్లు మరణించారు. ఈ దుర్ఘటన జాగ్రాన్‌ టౌన్‌లో జరిగిందని డీఎస్‌పీ జీఎస్‌ బియాన్స్‌ శనివారం తెలిపారు. కాల్పులు జరిగాక ఏఎస్‌ఐ భగవాన్‌ అక్కడికక్కడే మరణించారని, మరో ఏఎస్‌ఐ దల్విందర్‌సింగ్‌ ఆస్పత్రికి తరలిస్తుండగా చనిపోయారని వెల్లడించారు. వీరిద్దరూ క్రిమినల్‌ ఇన్వెస్టిగేషన్‌ ఏజన్సీ (సీఐఏ)లో పని చేస్తున్నారని పేర్కొన్నారు. కాల్పుల ఘటన గురించి తెలిసిన వెంటనే ఐజీపీ నౌ నిహాల్‌ సింగ్‌ ఘటనా స్థలికి చేరుకొని పరిశీలించారు. డ్రగ్స్‌ స్మగ్లర్లు, గ్యాంగ్‌స్టర్స్, గతంలో వీరిద్దరు ఇంటరాగేట్‌ చేసిన వారిలో ఎవరైనా ఈ దాడికి పాల్పడి ఉండొచ్చనే కోణంలో విచారణ జరుగుతోంది. (చదవండి: సీఐ విచారణ: స్పృహ తప్పిన నిందితుడు)

ఢిల్లీ: మహమ్మారి కరోనా వైరస్‌ వ్యాప్తిని కొందరు క్యాష్‌ చేసుకోవాలని చూస్తున్నారు. కరోనాను ఆసరాగా చేసుకుని బాధితుల నుంచి భారీగా దండుకుంటున్నారు. మానవత్వం మరచి కాసులకు కక్కుర్తి పడుతున్నారు. కరోనా రోగిని తరలించేందుకు అంబులెన్స్‌ డ్రైవర్‌ భారీగా డబ్బులు డిమాండ్‌ చేశాడు. 350 కిలో మీటర్ల దూరానికి రూ.లక్షా 20 వేలు వసూల్‌ చేశాడు. దానికి సంబంధించిన బిల్లు ప్రస్తుతం సోషల్‌ మీడియాలో వైరల్‌గా మారింది. ఎందుకు రా ఈ దోపిడీ..? మానవత్వం కొంచెమైనా ఉండాలని నెటిజన్లు ఆగ్రహం వ్యక్తం చేస్తున్నారు.  హరియాణాలోని గురుగ్రామ్‌ నుంచి కరోనా బాధితుడిని ఎక్కించుకుని పంజాబ్‌లోని లూదియానా వరకు (350 కిలోమీటర్లు) వెళ్లాలి. అంబులెన్స్‌ను మాట్లాడగా డ్రైవర్‌ రూ.లక్షా 40 వేలు ఇవ్వమని కోరాడు. ఎంత బతిమిలాడిన తగ్గలేదు. చివరకు ఆక్సిజన్‌ మా వద్ద ఉంది.. అని చెప్పడంతో రూ.20 వేలు తగ్గించుకున్నాడు. గురుగ్రామ్‌ నుంచి లూదియానాకు సోమవారం కరోనా బాధితుడిని అంబులెన్స్‌ డ్రైవర్‌ చేర్చాడు. అందుకు ఆయన తీసుకున్న మొత్తం రూ.లక్ష 20 వేలు. దానికి సంబంధించిన బిల్లు కుటుంబసభ్యులకు ఇచ్చాడు. ఐపీఎస్‌ అధికారి పంకజ్‌ నైన్‌ ఈ బిల్లును ట్వీట్‌ చేశారు. సిగ్గుండాలి అని పేర్కొఒంటూ ఆ బిల్లు ఫొటోను పంచుకున్నారు. ఈ బిల్లు సోషల్‌ మీడియాలో వైరల్‌గా మారింది. అయితే అధిక మొత్తం ఛార్జీ చేసిన అంబులెన్స్‌ డ్రైవర్‌పై ఢిల్లీ పోలీసులు కేసు నమోదు చేసినట్లు సమాచారం. ప్రభుత్వాలు అంబులెన్స్‌ సేవలకు కూడా నిర్ధిష్ట ధరలు ప్రకటించింది. కానీ అంతకుమించి వసూల్‌ చేస్తుండడంతో పెద్ద ఎత్తున ఫిర్యాదులు వస్తున్నాయి. దేశవ్యాప్తంగా ఇదే పరిస్థితి ఉంది. చదవండి: కర్ఫ్యూ ఫెయిల్‌: మే 24వరకు సంపూర్ణ లాక్‌డౌన్‌ చదవండి: ‘వ్యవస్థ కాదు.. ప్రధాని మోదీ ఓడిపోయాడు’   Gurgaon to Ludhiana Ambulance fare 1.20 lakhs !! Have some shame guys ! Fear God 🙏🙏 pic.twitter.com/6bzadERbHp — Pankaj Nain IPS (@ipspankajnain) May 6, 2021

జాగ్రాన్‌(లూధియానా):  కేంద్ర ప్రభుత్వం తీసుకొచ్చిన కొత్త సాగు చట్టాలకు వ్యతిరేకంగా ఇప్పటివరకు ఉత్తరప్రదేశ్, హరియాణా వంటి రాష్ట్రాల్లోనే జరిగిన కిసాన్‌ మహా పంచాయత్‌కు తాజాగా పంజాబ్‌ వేదికగా మారింది. లూధియానా జిల్లాలోని జాగ్రాన్‌ మార్కెట్‌లో గురువారం నిర్వహించిన కిసాన్‌ మహాపంచాయత్‌లో 40 రైతు సంఘాలు బలప్రదర్శన నిర్వహించాయి. 30 వేల మందికిపైగా రైతులు పాల్గొన్నారు. పంజాబ్‌లోని వివిధ ప్రాంతాల నుంచి ట్రాక్టర్లు, ఇతర వాహనాలపై తరలివచ్చారు. సంయుక్త కిసాన్‌ మోర్చా ఆధ్వర్యంలో 40 రైతు సంఘాలు ఒక్కతాటిపైకి వచ్చాయి. కొత్త వ్యవసాయ చట్టాలు రైతాంగాన్ని సర్వనాశనం చేస్తాయని భారతీయ కిసాన్‌ యూనియన్‌(రాజేవాల్‌) అధ్యక్షుడు బల్బీర్‌సింగ్‌ రాజేవాల్‌ ఆందోళన వ్యక్తం చేశారు. కిసాన్‌ మహా పంచాయత్‌లో ఆయన ప్రసంగించారు. రైతన్నల పోరాటం గురించి ఆందోళన జీవులంటూ తేలికగా మాట్లాడిన ప్రధాని∙మోదీ అన్ని వర్గాల నుంచి వ్యతిరేకత రావడంతో మాట మార్చారని అన్నారు. రైతులది పవిత్ర పోరాటం అంటున్నారని గుర్తుచేశారు. ‘మోదీ పెద్ద అబద్ధాలకోరు, నాటకాల రాయుడు’ అని రాజేవాల్‌ మండిపడ్డారు. వ్యవసాయం అనేది రాష్ట్ర ప్రభుత్వాల పరిధిలోని అంశమని వెల్లడించారు. అయినప్పటికీ కేంద్ర ప్రభుత్వం వ్యవసాయ రంగంపై తప్పుడు చట్టాలు తెచ్చిందని దుయ్యబట్టారు. ఇది ప్రజా పోరాటం కొత్త సాగు చట్టాలతో కార్పొరేట్‌ వ్యాపారులకు లాభం తప్ప రైతులకు ఒరిగేదేమీ ఉండదని రాజేవాల్‌ విమర్శించారు. కొత్త వ్యవసాయ చట్టాలకు వ్యతిరేకంగా రైతులంతా శాంతియుతంగా పోరాటం కొనసాగించాలని, విజయం తప్పకుండా వరిస్తుందని పిలుపునిచ్చారు. సంయుక్త కిసాన్‌ మోర్చా నిర్ణయం మేరకు తదుపరి పోరాట కార్యాచరణను రాజేవాల్‌ ప్రకటించారు. పుల్వామా ఉగ్రవాద దాడిలో అమరులైన వారికి నివాళిగా ఈ నెల 14న దేశవ్యాప్తంగా కొవ్వొత్తులు/కాగడాల ర్యాలీ నిర్వహిస్తామన్నారు. సర్‌ చోటూరామ్‌ను స్మరించుకుంటూ ఈ నెల 16న కిసాన్‌/మజ్దూర్‌ దినం పాటిస్తామని వెల్లడించారు. 18న దేశవ్యాప్తంగా నాలుగు గంటల పాటు రైల్‌ రోకో చేపడతామని వివరించారు. సుదీర్ఘపోరాటానికి సిద్ధం కావాలని భారతీయ కిసాన్‌ యూనియన్‌(ఏక్తా ఉగ్రహన్‌) అధ్యక్షుడు జోగీందర్‌ సింగ్‌ రైతులకు సూచించారు. కాంట్రాక్టు వ్యవసాయం, ప్రత్యామ్నాయ మార్కెటింగ్‌ వంటివి తామెప్పుడూ ప్రభుత్వాన్ని కోరలేదని పేర్కొన్నారు. వాటిని తీసుకురావాల్సిన అవసరం ఏమిటని ప్రభుత్వాన్ని నిలదీశారు.   అవసరమైతే సవరణలు: మంత్రి రాజ్‌నాథ్‌ నూతన వ్యవసాయ చట్టాలపై రైతు సంఘాల నేతలతో చర్చించేందుకు ప్రభుత్వం సిద్ధంగా ఉందని రక్షణ శాఖ మంత్రి రాజ్‌నాథ్‌ పునరుద్ఘాటించారు. ఈ చట్టాల్లో అవసరమైతే ప్రభుత్వం సవరణలు చేస్తుందని అన్నారు. మధ్యప్రదేశ్‌లో పలు చిన్న తరహా సాగునీటి ప్రాజెక్టులను ప్రారంభించాక రాజ్‌నాథ్‌ మాట్లాడారు. ప్రభుత్వ చర్యలతో సాధారణ రైతన్నల్లో కొత్త విశ్వాసం, ఉత్సాహం వచ్చిందని చెప్పారు.

చండీగఢ్: హిందూ వివాహ చట్టం ప్రకారం తోబుట్టుల మధ్య వివాహం చట్ట విరుద్దమని పంజాబ్‌ హర్యానా హైకోర్టు కోర్టు స్పష్టం చేసింది. పిటిషన్‌లో అమ్మాయి మేజర్‌ అని తెలిపినప్పటికీ ఇది న్యాయ సమ్మతం కాదని కేసును విచారించిన న్యాయమూర్తి వ్యాఖ్యానించారు. పంజాబ్‌లోని లూథియానాకు చెందిన పిటిషనర్‌ తనపై నమోదు చేసిన ఐపీసీ సెక్షన్‌ 363 (కిడ్నాప్‌), 366 ఏ(మైనర్‌ అమ్మాయిని అనుమతి లేకుండా తీసుకెళ్లడం) వంటి సెక్షన్లు ఖన్నాసిటిలోని రెండవ ఠాణాలో నమోదయ్యాయని, వాటిపై ముందస్తు  బెయిల్‌ మంజూర్‌ చేయాలని కోరుతూ కోర్టును ఆశ్రయించాడు. జీవిత రక్షణ,స్వేచ్ఛ కోసం పిటిషనర్‌తో కలిసి బాలిక క్రిమినల్‌ రిట్‌ పిటిషన్‌ దాఖలు చేసుకున్నట్లు అతని తరుపు న్యాయవాది అరవింద్‌ సింగ్‌ సాంగ్వాన్‌ కోర్టుకు నివేదించాడు. ఈ ముందస్తు బెయిల్‌ను ప్రభుత్వ తరుపు న్యాయవాది తీవ్రంగా వ్యతిరేకించారు. వారిద్దరూ సొంత అన్నదమ్ముల బిడ్డలు కావడంతో ఎఫ్‌ఐఆర్‌ నమోదు చేశారని అన్నారు. పిటిషన్‌ పరీశీలించిన న్యాయమూర్తి వారిద్దరూ కలిసి ఉంటున్నారని అంటున్నారు, కానీ  నివేదికనూ చూస్తే తనకు కేవలం 17 సంవత్సరాల మాత్రమే ఉన్నాయని అన్నారు. బాలిక పుట్టిన తేదీ 2003 ఆగస్ట్‌ అని,సెప్టెంబర్‌ 3,2020 నాటికీ 17 సంవత్సరాల 14 రోజులని న్యాయమూర్తి అన్నారు. కేవలం మగ సోదరులని మాత్రమే వాళ్ల తల్లిదండ్రులు ప్రేమిస్తున్నారని, మైనర్‌ని వేధిస్తున్నారని బాలిక ఇచ్చిన నివేదికను సైతం పిటిషనర్‌ దీనికి జతపర్చాడు. అందుకోసం తనతో కలిసి జీవించాలని బాలిక నిర్ణయించుకుందని వాదించాడు. తన సొంత తల్లిదండ్రుల నుంచి ప్రాణానికి హాని ఉందన్నారు. తనను వేధించకుండా చూడాలని వేసిన పిటిషన్‌ని, కోర్టు సెప్టెంబర్‌ 7 న కొట్టివేసింది. ప్రభుత్వం ఇద్దరికి రక్షణ కల్పించాలని ఆదేశిందని న్యాయమూర్తి అన్నారు. ఏది ఏమైన చట్ట ఉల్లంఘన కోసం చట్టపరమైన చర్యల నుంచి రక్షించడానికి ఈ  ఉత్తర్వూ ఇవ్వరాదని కోర్టు వ్యాఖ్యానించింది. పిటిషన్‌లో తాను బాలికకూ సోదరుడినవుతాననే విషయాన్ని వెల్లడించలేదని ,అందువల్ల 18 సంవత్సరాలు నిండిన తరువాత కూడా వారు చేసుకున్న పెళ్లి చట్ట సమ్మతం కాదని అంది."  పిటిషనర్ హిందూ వివాహ చట్టం క్రింద నిషేధించబడిన 'సపిందా'లో (ఇద్దరు వ్యక్తుల మధ్య ఉమ్మడి పూర్వీకులు ఉంటే వారి మధ్య వివాహాన్ని నిషేధిస్తుంది) వస్తారని, ఒకరితో ఒకరు వివాహం చేసుకోలేరని అని ప్రభుత్వ న్యాయవాది" వాదనలతో కోర్టు ఏకీభవించింది., ఇది అనైతికం, సమాజంలో ఆమోద యోగ్యం కాదని పిటిషన్‌ను కోర్టు తిరస్కరించింది.  

లుధియానా : కరోనా సమయంలో వలస కార్మికుల కష్టాలు కొనసాగుతూనే ఉన్నాయి. లాక్‌డౌన్‌ నేపథ్యంలో తమ గమ్యస్థానం చేరేందుకు కాలినడక కొనసాగిస్తూనే ఉన్నారు. ఈ కాలినడకలో వలస కార్మికుల కష్టాలు అన్నీఇన్ని కావు. ఆకలితో అలమటిస్తూ.. వేల కిలోమీటర్లు నడక సాగిస్తున్నారు. కొంతమంది వలస కార్మికుల బాధలు అయితే గుండెల్ని పిండేస్తున్నాయి. తాజాగా మధ్యప్రదేశ్‌లోని సింగ్రౌలికి చెందిన ఓ కుటుంబం పంజాబ్‌లోని లుధియానాకు వెళ్లింది. లాక్‌డౌన్‌  కారణంగా వారికి ఉపాధి లేకపోవడంతో సొంతూరికి వెళ్లాలని నిర్ణయించుకున్నారు. కానీ ఆ కుటుంబంలోని ఒక అబ్బాయికి మెడ భాగంలో గాయం ​కావడం.. నడవలేకపోవడంతో మంచంపై బాలుడిని పడుకోబెట్టి.. సుమారు 1300 కిలోమీటర్లు కాలినడకన వెళ్లారు.  (కరోనా : చైనాను దాటిన భారత్‌) లుధియానా నుంచి సింగ్రౌలికి వెళ్లేందుకు వారికి 15 రోజుల సమయం పట్టింది. చివరకు యూపీలోని కాన్పూర్‌ చెక్‌పోస్టు వద్ద ఆ కుటుంబం కష్టాలను చూసిన పోలీసులు చలించిపోయారు. వారికి ఓ వాహనం ఏర్పాటు చేసి సొంతూరికి పంపించారు. ఈ సందర్భంగా కుటుంబంలోని ఓ వ్యక్తి మాట్లాడుతూ.. ' పిల్లలతో పాటు 17 మంది లుధియానా నుంచి సింగ్రౌలికి కాలినడకన బయల్దేరాం. అందులో ఒక అబ్బాయికి మెడ గాయంతో పాటు నడవలేడు. దీంతో ఒక స్ర్టెచ్చర్‌ తయారు చేసి దాదాపు పదిహేను రోజుల పాటు నడిచాం. తినడానికి తిండి లేక నడిచేందుకు ఓపిక లేక మా పరిస్థితి దయనీయంగా తయారైంది. చివరకు కాన్పూర్‌లో పోలీసులు తమను ఆదుకున్నారు. పదిహేను రోజుల సమయంలో ఏ ఒక్క రోజు కూడా కడుపు నిండా తిండి తినలేదు.. ఆకలితో అలమటించాం' అంటూ తన గోడు వెళ్లబోసుకున్నాడు.

చండీగఢ్‌ : ప్రపంచ దేశాలను తన గుప్పట్లో వశపరుచుకున్న కరోనాను కట్టటి చేసేందుకు దేశంలో విధించిన లాక్‌డౌన్‌ను కొందరు ఉల్లంఘిస్తున్నారు. అవసరం ఉన్నా లేకున్నా ఏవేవో కారణాలు చెబతూ రోడ్లపై దర్జాగా తిరుగుతున్నారు. అలా వచ్చిన వారిని పోలీసులు ఎన్ని విధాలుగా అడ్డుకున్న కొత్త కారణాలను వెతుక్కుంటున్నారే తప్ప బయటకు వచ్చే పనులను మాత్రం మానుకోవడం లేదు. ఈ క్రమంలో పంజాబ్‌లో నిబంధనలను అతిక్రమించిన వారికి వినూత్న రీతిలో గుణపాఠం చెప్పారు. రాష్ట్రంలోని లుథియానాలో శనివారం పోలీసులు అనవసరంగా రోడ్ల పైకి వచ్చిన వారికి మెడలో దండలు వేసి, దండాలు పెట్టారు. దయచేసి ఇంట్లో నుంచి బయటకు రావద్దంటూ వారికి విజ్ఞప్తి చేశారు. (ట్రోల్స్‌కు గట్టి కౌంటర్‌ ఇచ్చిన బాలీవుడ్‌ హీరోయిన్‌ ) హెల్త్‌ బులిటెన్‌ ప్రకారం.. లూథియానా జిల్లాలో 76 కరోనా కేసులు నమోదయ్యాయి. పంజాబ్‌లో 480 కరోనా పాజిటివ్‌ నమోదవ్వగా 19 మంది మరణించారు. ఇక, దేశంలో మొత్తం నమోదైన కోవిడ్ పాజిటివ్ కేసుల సంఖ్య 37.336కు చేరింది. 1,218 మరణాలు చోటుచేసుకున్నాయి. గత 24 గంటల్లోనే 71 మంది మృత్యువాత పడగా.. 2,293 కొత్త కేసులు నమోదయ్యాయి. కాగా దేశంలో లాక్‌డౌన్‌ను మరో రెండు వారాలపాటు పొడగిస్తున్నట్లు శుక్రవారం కేంద్ర హోంశాఖ ప్రకటించిన విషయం తెలిసిందే. దీంతో మే 17 వరకు లాక్‌డౌన్‌ అమలుకానుంది. అయితే రెడ్‌, ఆరెంజ్‌, గ్రీన్‌ జోన్లగా విభజించి మే నాలుగు నుంచి కొన్ని సడలింపులు ఇవ్వనుంది. (లాక్‌డౌన్‌ పొడగింపు: యోగీ కీలక నిర్ణయం)

చంఢీగడ్‌ : కరోనా వైరస్‌ వ్యాప్తి నియంత్రణకు కేంద్ర, రాష్ట్ర ప్రభుత్వాలు ఎన్ని చర్యలు చేపట్టినా.. పాజిటివ్‌ కేసుల సంఖ్య పెరుగుతూనే ఉంది. దానికి తోడు మృతుల సంఖ్య కూడా రెట్టింపు కావడం తీవ్ర ఆందోళన కలిగిస్తోంది. తాజాగా కరోనా వైరస్‌ సోకి పంజాబ్‌లోని లూథియానా ఏసీపీ (అసిస్టెంట్‌ కమిషనర్‌ ఆఫ్‌ పోలీస్‌)అనిల్‌ కోహ్లి మృతి చెందడం కలకలం రేపుతోంది. ఇటీవల ఆయనకు వైరస్‌ లక్షణాలు కనిపించడంతో వైద్యుల పరీక్షలు నిర్వహించగా.. కరోనా పాజిటివ్‌గా తేలింది. ఈ క్రమంలోనే లూథియానాలోని ఎస్‌పీఎస్‌ హాస్పిటల్‌లో చికిత్స పొందుతూ శనివారం కన్నుమూశారు. ఈ మేరకు ఏసీపీ మృతిని స్థానిక అధికారులు ధృవీకరించారు. కాగా పంజాబ్‌ వ్యాప్తంగా కరోనా కేసుల సంఖ్య 202కి చేరగా ఇప్పటి వరకు 14 మంది మరణించారు. Sad News ACP Anil Kohli passed away. Died of #COVIDー19 . Was admitted in SPS Hospital Ludhiana — DPRO LUDHIANA (@LudhianaDpro) April 18, 2020

టెక్‌ దిగ్గజం, ‘మైక్రోసాఫ్ట్‌’ అధినేత సత్య నాదెళ్ల ఎవరికైనా థ్యాంక్స్‌ చెప్పారంటే.. వాళ్లెంత దిగ్గజాలు అయి ఉండాలి! అయితే ఆయన థ్యాంక్స్‌ చెప్పింది.. లూథియానాలో ఏడవ తరగతి చదువుతున్న 13 ఏళ్ల బాలిక నమ్యా జోషికి! నాదెళ్ల, నమ్య మంగళవారం ఢిల్లీలోని ఒక వేదికపై కలుసుకున్నారు. ‘యంగ్‌ ఇన్నొవేటర్స్‌’ సదస్సు అది. మొత్తం 250 మంది చిన్నారి టెకీలు, విద్యావేత్తలు హాజరయ్యారు. చిన్నారులలో ఎవరి ప్రతిభ వారికి ఉన్నప్పటికీ నమ్యకు ఉన్న ప్రత్యేకతే నాదెళ్ల చేత ఆమెకు థ్యాంక్స్‌ చెప్పించింది. అర్థంచేసుకోడానికి కష్టమైన స్టెమ్‌ (సైన్స్, టెక్నాలజీ, ఇంజినీరింగ్, మెడిసిన్‌), సైబర్‌ సెక్యూరిటీ పాఠాలను నమ్య మైన్‌క్రాఫ్ట్‌ వీడియో గేమ్‌ను ఉపయోగించి విద్యార్థులకు, టీచర్లకు కూడా పాఠాలను బోధిస్తోంది. అది ఆశ్చర్యపరచింది నాదెళ్లను. దేశంలోని వివిధ ప్రాంతాలలో ఉన్న విద్యార్థులు, ఉపాధ్యాయులు కూడా టెక్‌ పాఠాల కోసం ‘స్కైప్‌’ నమ్యను సంప్రదిస్తున్నారని తెలిసి ముగ్ధులైపోయిన మైక్రోసాఫ్ట్‌ సీఈవో ఆమెను అభినందించారు. అందుకోసం నమ్య మైన్‌క్రాఫ్ట్‌ని వాడుతోందని తెలిసి థ్యాంక్స్‌ చెప్పారు. మైన్‌క్రాఫ్ట్‌.. మైక్రోసాఫ్ట్‌ వాళ్లదే. అదొక శాండ్‌బాక్స్‌ వీడియో గేమ్‌.

సాక్షి, హైదరాబాద్‌ : దేశవ్యాప్తంగా సంచలనం సృష్టించిన ‘దిశ’ ఉదంతం దేశవ్యాప్తంగా పోలీసులకు ఎన్నో పాఠాలు నేర్పుతోంది. మహిళలు, యువతుల భద్రత విషయంలో వారు తీసుకుంటున్న చర్యల ‘దిశ’మారుస్తోంది. పంజాబ్‌ లోని లూధియానా, బెంగళూరు, కోల్‌కతా, హైదరాబాద్‌ సహా అనేక మెట్రో నగరాల పోలీసులు మహిళల భద్రత విషయంలో వరుస నిర్ణయాలు తీసుకుంటున్నారు.  రాచకొండ నుంచే మొదలైన సేవలు..  ‘దిశ’ఉదంతం వెలుగులోకి వచ్చిన వెంటనే తొలుత స్పందించింది రాచకొండ పోలీసులే. సీపీ మహేశ్‌ భగవత్‌ గత గురువారమే స్పందించి యువతులు, మహిళలకు అదనపు సేవలు అందించేందుకు తాము సిద్ధమని ప్రకటించారు. వాహనాల్లో పెట్రోల్‌ అయిపోయినా, పంక్చర్‌ అయినా పోలీసులకు ఫోన్‌ చేయాలని లేదా వాట్సాప్‌ ద్వారా సమాచారం ఇవ్వాలంటూ సూచించారు. ఈ సర్వీసును ఆ మరుసటి రోజు నుంచే అనేక మంది వినియోగించుకున్నారు.  లూధియానాలో ఫ్రీ ట్రావెల్‌ సర్వీస్‌..  రాత్రి వేళల్లో ప్రయాణించే మహిళలు, యువతుల కోసం పంజాబ్‌లోని లూధియానా పోలీసులు ఆదివారం నుంచి కొత్త సర్వీసు ప్రారంభించారు. రాత్రి 10 గంటల నుంచి ఉదయం 6 గంటల మధ్య మహిళలకు సురక్షితమైన ప్రయాణం అందించేందుకు ఉచితంగా సేవలందిస్తున్నారు. ఆ సమయాల్లో ప్రయాణించేందుకు వాహనం దొరక్కపోతే పోలీసులకు ఫోన్‌ చేయాలంటూ రెండే ప్రత్యేక నంబర్లు కేటాయించారు. వీటికి కాల్‌ చేస్తే కంట్రోల్‌రూం వాహనం లేదా స్థానిక స్టేషన్‌ హౌస్‌ ఆఫీసర్‌ వాహనం వచ్చి సదరు మహిళను సురక్షితంగా గమ్య స్థానానికి చేరుస్తాయని లూధియానా పోలీస్‌ కమిషనర్‌ రాకేశ్‌ అగర్వాల్‌ ఆదివారం ప్రకటించిన విషయం తెలిసిందే.   బ్యాన్‌ చేసిన బెంగళూరు కాప్స్‌..  ‘దిశ’పై అఘాయిత్యానికి పాల్పడ్డ దుండగులు ఆమెపై పెట్రోల్‌ పోసి కాల్చేశారు. పెట్రోల్‌ను ఓ బంకు నుంచి బాటిల్‌లో కొని తెచ్చుకున్నారు. ఈ నేపథ్యంలో బెంగళూరులోని అన్ని బంకులకు పోలీస్‌ కమిషనర్‌ భాస్కర్‌రావు సోమవారం నోటీసులు జారీ చేశారు. బాటిళ్లు, క్యాన్లతో వచ్చే వారికి ఇంధనం విక్రయాన్ని నిషేధిస్తున్నట్లు పేర్కొన్నారు. దీన్ని అతిక్రమిస్తే కఠిన చర్యలు తీసుకుంటామని హెచ్చరిస్తూ ఈ విషయాన్ని బంకుల్లో బోర్డుల ద్వారా అందరికీ తెలిసేలా ఏర్పాటు చేయించారు.   కోల్‌కతాలో కెమెరాల ఏర్పాటు..  పశ్చిమబెంగాల్‌లోని కోల్‌కతా పోలీస్‌ కమిషనర్‌ అంజూ శర్మ మంగళవారం సమీక్ష నిర్వహించారు. ఇందులో ‘దిశ’కేసును ప్రస్తావించి.. అలాంటి ఘటనలు కోల్‌కతాలో జరగకుండా కట్టుదిట్ట చర్యలు తీసుకోవాలని ఆదేశించారు. వాటిలో భాగంగా కళాశాలలు, పాఠశాలలు ఉన్న ప్రాంతాలతో పాటు నిర్మానుష్య ప్రాంతాల్లోనూ సీసీ కెమెరాలు ఏర్పాటు చేయాలని ఆదేశించారు. సాధారణంగా మహిళలు, యువతులు కాలకృత్యాల కోసం నిర్మానుష్య ప్రదేశాలకు వెళ్లి దుండగుల బారినపడే ప్రమాదం ఉందని పేర్కొన్నారు. నగరవ్యాప్తంగా మొబైల్‌ టాయిలెట్స్‌ అందుబాటులోకి తీసుకురావాలని ఆదేశించారు

లూథియానా: టీచర్‌ కొట్టాడని మనస్తాపం చెందిన ఓ విద్యార్థి ఆత్మహత్య చేసుకున్నాడు. పంజాబ్‌లోని లుధియానాలో గురువారం చోటుచేసుకున్న ఈ ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల మేరకు.. పంజాబ్‌లోని లుధియానా గురుమేల్‌ నగర్‌ ప్రాంతానికి చెందిన బిర్క్‌రాజ్‌ తివారికి ఓ కుమారుడు ఉన్నాడు. అతను స్థానిక ప్రైవేటు కళాశాలలో ఇంటర్‌ చదువుతున్నాడు. ఓ రోజు నిక్కరు ధరించి కాలేజీకి వెళ్లడంపై ఉపాధ్యాయుడు ఆగ్రహం వ్యక్తం చేశాడు. కళాశాల ప్రిన్సిపాల్‌కు ఫిర్యాదు చేయగా సదరు విద్యార్థిని శిక్షించమని ఆదేశించాడు. దీంతో ఆ టీచర్‌ విద్యార్థి చేతులను టైతో కట్టేసి వరుసగా చెంపదెబ్బలు కొడుతూ దారుణంగా శిక్షించాడు. నిక్కరు ధరించినందుకు అందరి ముందు దుస్తులు విప్పించి అవమానపర్చాడు. దీంతో మనస్తాపం చెందిన విద్యార్థి గురువారం అర్థరాత్రి తన గదిలో ఉరేసుకుని ఆత్మహత్య చేసుకున్నాడు. మృతుడి తల్లిదండ్రుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు ప్రారంభించారు. ఇద్దరిపై కేసు నమోదు చేసి విచారణ చేపట్టారు. కాగా, ఈ ఘటనపై పంజాబ్‌ ముఖ్యమంత్రి అమరేందర్‌ సింగ్‌ విషాదం వ్యక్తం చేశారు. లోతైన దర్యాప్తు జరపాలని పోలీసులను ఆదేశించారు.

చండీగఢ్‌ : ఆరుబయట తల్లి పక్కన నిద్రిస్తున్న చిన్నారిని కిడ్నాప్‌ చేసేందుకు ఓ ఆగంతకుడు చేసిన ప్రయత్నం బెడిసికొట్టింది. సీసీటీవీ ఫుటేజీ దృశ్యాల ఆధారంగా నిందితుడిని కనుగొన్న పోలీసులు అతడిని అరెస్టు చేశారు. ఈ ఘటన మంగళవారం పంజాబ్‌లో చోటుచేసుకుంది. వివరాలు...లూథియానాకు చెందిన ఓ కుటుంబం సోమవారం ఇంటి బయట నిద్రపోయేందుకు ఉపక్రమించింది. ఇందులో భాగంగా తల్లితండ్రులతో పాటు వారి నాలుగేళ్ల చిన్నారి కూడా బయటే పడుకుంది.  ఈ క్రమంలో అర్ధరాత్రి దాటిన తర్వాత వారు నిద్రిస్తున్న ప్రదేశానికి చేరిన ఓ వ్యక్తి..చిన్నారిని ఎత్తుకెళ్లేందుకు ప్రయత్నించాడు. తల్లి పక్కన నిద్రిస్తున్న చిన్నారిని మెల్లిగా ఆమె నుంచి వేరు చేసి తన రిక్షాలో పడుకోబెట్టేందుకు సిద్ధమయ్యాడు. ఇంతలో చిన్నారి తల్లికి మెలకువ రావడంతో వెంటనే అతడి చేతుల్లో నుంచి బిడ్డను లాక్కొని కేకలు వేసింది. ఈ క్రమంలో ఆమె భర్త ఆగంతకుడిని పట్టుకునేందుకు ప్రయత్నించగా అతడు పారిపోయాడు. ఈ ఘటనపై వారు పోలీసులకు ఫిర్యాదు చేయగా..అతడిని మంగళవారం అరెస్టు చేశారు. కాగా నిందితుడు చిన్నారిని ఎత్తుకెళ్లేందుకు ప్రయత్నించిన దృశ్యాలు సీసీటీవీలో రికార్డయ్యాయి. #WATCH Punjab: A man attempts to steal a 4-year-old child while she was sleeping with her family members outside her residence in Ludhiana’s Rishi Nagar area. However, the attempt was foiled as family members woke up and rescued the child. The accused has been arrested. (17.09) pic.twitter.com/DB6ZfXnSt7 — ANI (@ANI) September 18, 2019

సాక్షి, న్యూఢిల్లీ : పంజాబ్‌లోని లుథియానా సెంట్రల్‌ జైల్లో పోలీసులకు, ఖైదీలకు మధ్య జరిగిన ఘర్షణలో నలుగురు పోలీసులు, ఆరుగురు ఖైదీలు గాయపడ్డారు. సెంట్రల్‌ జైలు నుంచి నలుగురు ఖైదీలు పారిపోయేందుకు ప్రయత్నించారు. వారిని గమనించిన జైలు అధికారులు పోలీసులు బలగాలను మోహరించారు. ఈ క్రమంలో పోలీసులకు, నలుగురు ఖైదీలను మధ్య ఘర్షణ జరిగింది.  ఈ సందర్భంగా పోలీసులు గాల్లో కాల్పులు జరిపారు. పారిపోయేందుకు ప్రయత్నించిన ఖైదీలతో పాటు జైల్లో ఉనన్న మరికొంత మంది ఖైదీలు పోలీసులపై ఘర్షణకు దిగడంతో ఉద్రిక్త పరిస్థితి నెలకొంది. అయితే పోలీసులు బలగాలు పరిస్థితిని మొత్తం అదుపులోని తీసుకొని ఖైదీలను పట్టుకున్నారు. పారిపోయేందుకు ప్రయత్నించిన ఖైదీలను తిరిగి తీసుకొచ్చి జైలుకు తరలించారు.

చండీఘడ్‌ : పంజాబ్‌లోని లుధియానలో దారుణం చోటుచేసుకుంది. ఐదేళ్ల చిన్నారనే కనికరం లేకుండా.. టోల్‌ప్లాజా సిబ్బంది అత్యంత పాశవికంగా ప్రవర్తించారు. లుథియానాలోని లాధోవాల్‌ టోల్‌ప్లాజాకు వచ్చే వాహనాల వెంబడి పరుగెత్తుతూ డబ్బులు అడుక్కుంటున్న ఆ చిన్నారిని కనికరం లేకుండా ఓ చెట్టుకు కట్టేసి చిత్రహింసలకు గురిచేశారు. అంతేకాకుండా ఆ చిన్నారి అడుక్కున్న డబ్బును లాక్కున్నారు. ఈ ఘటనకు సంబంధించిన వీడియో నెట్టింట హల్‌చల్‌ కావడంతో టోల్‌ప్లాజా సిబ్బంది వ్యవహారం వెలుగు చూసింది. ఈ ఘటనపై ఇప్పటి వరకు ఎలాంటి ఫిర్యాదు అందలేదని, సోషల్‌ మీడియాలో వైరల్‌ అవుతున్న వీడియోను పరీక్షించినట్లు పోలీసులు తెలిపారు. బాధితుడి తరఫున ఫిర్యాదు అందిన వెంటనే బాధ్యులపై కఠిన చర్యలు తీసుకుంటామని పేర్కొన్నారు. ఇక ఈ ఘటనపై మాట్లాడటానికి టోల్‌ యాజమాన్యం నిరాకరించింది. 

చండీగఢ్‌ : పంజాబ్‌లోని లుథియానాలో దారుణం చోటుచేసుకుంది. ఓ జంటను అపహరించిన దుండగులు వారిని తీవ్రంగా కొట్టి, మహిళపై సామూహిక  లైంగిక దాడికి పాల్పడిన ఉదంతం వెలుగుచూసింది. శనివారం రాత్రి ఎనిమిది గంటల ప్రాంతంలో ఓ జంట కారులో వెళుతుండగా, ఐదుగురు వ్యక్తులు కారుపై రాళ్లు రువ్వి అడ్డగించారు. కారులో నుంచి జంటను బయటకు లాగి సమీపంలోని ఫాంహౌస్‌కు తీసుకువెళ్లారు. కారులో వ్యక్తిని తీవ్రంగా కొట్టి రూ 2 లక్షలు ఇవ్వాలని పట్టుబట్టారు. బాధితుడు తన స్నేహితుడికి ఫోన్‌ చేసి డబ్బు తీసుకురావాల్సిందిగా కోరారు. బాధితుడి స్నేహితుడు పోలీస్‌ స్టేషన్‌కు వెళ్లి ఘటనపై పోలీసులకు సమాచారం అందించినా ఫిర్యాదుపై ఎలాంటి చర్యలు తీసుకోలేదు. పోలీసులు ఘటనా ప్రాంతానికి చేరుకోవడంలో విఫలమవడంతో నిందితులు మరో ఏడుగురిని అక్కడికి పిలిపించి మహిళపై లైంగిక దాడికి పాల్పడ్డారు. బాధితుల ఫిర్యాదుతో ముల్లన్‌పూర్‌ దఖా పోలీసులు గుర్తుతెలియని నిందితులపై కేసు నమోదు చేసి దర్యాప్తు చేపట్టారు. నిందితులను గుర్తించేందుకు పోలీసులు సీసీటీవీ ఫుటేజ్‌ను పరిశీలిస్తున్నారు. కాగా విధినిర్వహణలో విఫలమైన పోలీసులపై చర్యలు తీసుకోవాలని బాధిత జంట డిమాండ్‌ చేస్తోంది.

చండీగఢ్ : అవినీతి నిర్మూలన, నకిలీ నోట్ల కట్టడి అంటూ మోదీ ప్రభుత్వం పెద్ద నోట్లను రద్దు చేసి.. జనాలను ముప్ప తిప్పలు పెట్టిన వైనాన్ని ఇప్పటికి మర్చిపోలేదు. పెద్ద నోట్ల రద్దు అనంతరం కేంద్ర ప్రభుత్వం కొత్త రంగుల్లో నూతన కరెన్సీని విడుదల చేసింది. పాపం ఈ కొత్త రంగుల కరెన్సీ వల్ల ఓ బంగారం షాపు యజమాని దాదాపు రెండు లక్షల రూపాయల వరకూ మోసపోయాడు. మోసగాళ్లు ఎంటర్‌టైన్‌మెంట్‌ బ్యాంక్‌ పేరుతో సొంత కరెన్సీని ప్రింట్‌ వేసి.. ఈ ఘరానా మోసానికి పాల్పడ్డారు. మోసపోయిన బాధితుడు ఇక నేను జీవితంలో కోలుకోలేను అంటూ విలపిస్తున్నాడు. వివరాలు.. శ్యామ్‌ సుందర్‌ వర్మ అనే వ్యక్తికి లుధియానాలో జ్యూవెలరి షాప్‌ ఉంది. ఈ క్రమంలో రెండు రోజుల క్రితం ఓ జంట బంగారం కొనాలని శ్యామ్‌ సుందర్‌ షాప్‌కి వచ్చింది. దాదాపు 56 గ్రాముల బంగారాన్ని కొనుగోలు చేశారు. దీని విలువ దాదాపు 1. 90 లక్షల రూపాయల వరకూ ఉంటుందని తెలిసింది. బంగారం కొన్న అనంతరం సదరు జంట మాకు చాలా అర్జెంట్‌ పని ఉందంటూ ఓ నోట్ల కట్టను ఇచ్చేసే అక్కడి నుంచి హాడవుడిగా బయటపడ్డారు. అనంతరం శ్యామ్‌ సుందర్‌ వారు ఇచ్చిన నోట్లను పరిశీలించగా అవి నకిలీ నోట్లుగా తేలింది. సదరు జంట 500 రూపాయల నోట్ల కట్టను ఇచ్చారు. అవి చూడ్డానికి ఒరిజినల్‌ 500 రూపాయల నోట్ల రంగులోనే ఉన్నాయి. కానీ రిజర్వ్‌ బ్యాంక్‌ అని ఉండాల్సిన చోట మాత్రం ఎంటర్‌టైన్‌మెంట్‌ బ్యాంక్‌ అని ఉందని బాధితుడు తెలిపాడు. వచ్చిన వాళ్లు తనకు నకిలీ నోట్లు ఇచ్చారని అర్థం చేసుకున్న శ్యామ్‌ సుందర్‌ పోలీసులకు ఫిర్యాదు చేశాడు. ఈ వ్యాపారం ప్రారంభించడానికి తనకు ఏళ్లు పట్టిందని.. ఈ నష్టాన్ని పూడ్చడం తనకు సాధ్యం కాదంటూ వాపోయాడు.

చంఢీఘడ్‌ : నిరుద్యోగ యువత ఖాళీగా ఉండే కంటే పకోడి అమ్ముకోని ఉపాధి పొందవచ్చని ప్రధాని నరేంద్ర మోదీ గతంలో ఓ సలహా ఇచ్చారు. అప్పట్లో ఇది రాజకీయంగా పెద్ద దుమారాన్నే లేపింది. ఉద్యోగాలు కల్పించవయ్యా అంటే పకోడి అమ్ముకోమంటావా? అని ప్రతిపక్షాలు, విద్యార్థులు ఆగ్రహం వ్యక్తం చేశారు. కానీ మోదీ మాటలు ఉత్తవి కావని పంజాబ్‌లోని లూథియానా పకోడీ వ్యాపారి నిరూపించాడు. పకోడి వ్యాపారం చేసే ఏకంగా రూ.60 లక్షల పన్ను కట్టాడు. 1952లో చిన్న వీధి కొట్టుగా మొదలైన పన్నా సింగ్‌ కుటుంబ పకోడీ వ్యాపారం రోజురోజుకి అభివృద్ధి చెందింది. అతని పకోడి తినడానికి రాజకీయ నాయకులు, సినీ నటులు, వ్యాపారవేత్తలు క్యూ కడ్తారంటే అది ఎంత ఫేమసో అర్థమవుతోంది. మరి ఇంత ఆదాయం వస్తున్నా ఆ షాపు యజమాని పన్నా సింగ్‌ పకోడీవాలా మాత్రం ఇప్పటి వరకూ అధికారుల కళ్లుగప్పి అతి తక్కువ పన్ను చెల్లించుకుంటు వచ్చాడు. ఇతని ఆదాయంపై అనుమానం వచ్చిన కొందరు ఐటీ అధికారులకు ఉప్పందించారు. దీంతో లూథియానా, గిల్‌ రోడ్‌లోని అతని షాపుపై దాడులు నిర్వహించి రికార్డులను పరిశీలిస్తే.. పన్నాసింగ్‌ భారీగా పన్ను ఎగ్గొడుతున్నట్టుగా తేలింది. దీంతో ఉన్న పళంగా, అతడితో రూ.60 లక్షలు పన్ను కట్టించారు.

సంగ్రూర్‌(పంజాబ్‌) : లూథియానాకు చెందిన ఓ బాలికపై అత్యాచారం చేయించిన ఘటనలో ముగ్గురు మహిళలపై పోలీసులు కేసు నమోదు చేశారు. వివరాల్లోకి వెళ్తే.. పంజాబ్‌లోని లూథియానాకు చెందిన 13 ఏళ్ల బాలిక తన తల్లి స్నేహితురాలు సోనా వద్ద ఉండేందుకు సంగ్రూర్‌కు వచ్చారు. సోనా మరో ఇద్దరు మహిళతో కలిసి ఆ బాలికను ఉపయోగించుకుని డబ్బు సంపాదించాలని భావించారు. అందులో భాగంగా నగరంలోని వివిధ ప్రాంతాలకు తిప్పుతూ.. బాలికపై పలువురి చేత అత్యాచారం చేయించారు. నాలుగు రోజుల పాటు బాలికను ఇలాగే హింసించారు. కాగా, బాలిక జూన్‌ 24న లూథియానాలోని తన తల్లికి ఫోన్‌ చేసి చెప్పటంతో ఈ విషయం వెలుగులోకి వచ్చింది. దీంతో బాధితురాలి తల్లి వెంటనే సంగ్రూర్‌కు వెళ్లి సోనాను కలిశారు. కానీ ఈ విషయం ఎవరికి చెప్పదంటూ వారిని సోనా బెదిరించారు. దీంతో బాధితురాలి తల్లి సంగ్రూర్‌ పోలీసులకు ఫిర్యాదు చేశారు. కాగా, సోనాతో పాటు ఆమె స్నేహితులపై పోలీసులు కేసు నమోదు చేసి విచారణం చేపట్టారు. అనంతరం బాధితురాలి తల్లి మాట్లాడుతూ.. ‘మేము ఏడాది క్రితం సంగ్రూర్‌లోనే ఉండేవాళ్లం. అప్పుడే నాకు సోనాతో పరిచయం ఏర్పడింది. వేసవి సెలవులు కావడంతో నా కూతురు 15 రోజుల క్రితం సోనా వాళ్ల ఇంటికి వెళ్లింది. కానీ ఇలా జరుగుతుందని అనుకోలేదు. పైగా సోనా నాపై బెదిరింపులకు దిగింది. నేను మాత్రం నా కూతురికి న్యాయం జరిగే వరకు పోరాడుతాన’ని తెలిపారు. 

చంఢీగఢ్‌ : లూథియానాలోని గిల్‌ చౌక్‌ ఫ్లైఓవర్‌పై ఆదివారం రాత్రి పగుళ్లు ఏర్పడ్డాయి. వెంటనే స్పందించిన అధికార యత్రాంగం ఫ్లైఓవర్‌పై రాకపోకలు నిలిపివేయడంతో ప్రమాదం తప్పింది. ఈ ఘటన వల్ల ఎవరికి అపాయం జరగలేదని అధికారులు తెలిపారు. దీనిపై లూథియానా మున్సిపల్‌ అధికారి ధరమ్‌ సింగ్‌ మాట్లాడుతూ.. ఫ్లైఓవర్‌ కింది భాగంలో ఎలుకలు నివాస స్థలాన్ని ఏర్పరుచుకోవడంతోనే ప్రమాదం జరిగిందని అన్నారు. ఎలుకల కన్నాల వల్లే ఫ్లైఓవర్‌పై పగుళ్లు వచ్చాయని తెలిపారు. ఫ్లైఓవర్‌ పగుళ్లకు ఎలుకలే కారణమని స్పష్టం చేశారు. ఈ ఘటనపై స్థానికలు మాత్రం తీవ్ర ఆగ్రహం వ్యక్తం చేస్తున్నారు. ఫ్లైఓవర్‌ కింది భాగంలోని నేల కోతకు గురవుతుందని.. దీని వల్ల ప్రమాదం పొంచివుందని మున్సిపల్‌ శాఖకు ఆర్నేళ్ల క్రితమే తెలిపినప్పటికీ.. అధికారులు ఎటువంటి చర్యలు తీసుకోలేదని విమర్శించారు.

అమృత్‌సర్‌ : ప్రేమ పెళ్లిళ్లు చేసుకుంటే ఆ జంటలను గ్రామం నుంచి బహిష్కరించేందుకు కొన్ని గ్రామాలు సిద్ధమవుతున్నాయి. ప్రస్తుతం ఈ విధమైన సంఘటన పంజాబ్‌లోని లుథియానా జిల్లా చాంకోయిన్‌ ఖుర్ద్‌ అనే గ్రామంలో చోటుచేసుకుంది. దీంతో ఆ గ్రామ పెద్దలు ఓ సంచలన నిర్ణయం తీసుకున్నారు. ఇకపై తమ గ్రామంలో ప్రేమ వివాహలను నిషేధిస్తున్నట్లు ఓ ప్రకటన చేసింది. ప్రేమ వివాహం చేసుకున్న జంటను సామాజిక బహిష్కరణ వేటు వేస్తామని తెలిపింది. అంతేకాక ఆ గ్రామంలో వారితో ఎవరూ మాట్లాడకూడదు.. ఆ జంటకు సహకరించకూడదని ఆదేశించింది. ఇది ఊరు మొత్తం కలిసి తీసుకున్న నిర్ణయమని ఓ పంచాయితీ సభ్యుడు తెలిపాడు. ఏప్రిల్‌ 29న ఓ జంట కులాంతర వివాహం చేసుకుంది. అది జీర్ణించుకోలేని గ్రామస్తులు.. తమ ఊర్లలో ప్రేమ వివాహం, కులాంతర వివాహాలు చేసుకోవడం తగవని చెప్పారు. దీనిపై గ్రామపంచాయితీలో గ్రామస్తులు సమావేశమయ్యారు. ఇక మీదట గ్రామంలో లవ్‌ మ్యారేజేస్‌ను నిషేధిస్తున్నట్లు నిర్ణయం తీసుకున్నారు. దీనిపై యువకుడి తాత జన్‌ సింగ్‌ మాట్లాడుతూ.. ‘వారిద్దరూ ప్రస్తుతం మా గ్రామంలో లేరు. వారు ఎక్కడ ఉన్నారో కూడా తెలియదు. ఆ అమ్మాయిని బంధువులు ఇంటికి రమ్మని పిలిచారు. అందుకు ఆ యువతి నిరాకరించింది’ అని ఆయన తెలిపారు. దీనిపై అధికారులు స్పందిస్తూ.. ఈ విధమైనవి తమ దృష్టికి రాలేదని అన్నారు. ఇలాంటి చర్యలకు పాల్పడితే వారిపై చర్యలు తీసుకుంటామని అధికారులు తెలిపారు.

లుథియానా : పులిని చూసి నక్క వాత పెట్టుకున్న చందంగా తయారయ్యింది పంజాబ్‌కు చెందిన చంద్రశేఖర్‌ ప్రభాకర్‌ పరిస్థితి. ప్రముఖుల మైనపు విగ్రహాలను తయారు చేసే మేడమ్‌ టుస్సాడ్స్‌ మ్యూజియంను సందర్శించాలని చాలా మంది ఔత్సాహికులు కోరుకుంటారు. ప్రభాకర్‌ కూడా ఆ కోవక చెందిన వారే. టుస్సాడ్స్‌ మ్యూజియం చూడగానే ఆయన కూడా అలాంటి మ్యూజియం ప్రారంభించాలని ఆరాటపడ్డారు. అందుకే 2005లో లుథియానాలో ప్రభాకర్‌ మైనపు విగ్రహాల మ్యూజియం ప్రారంభించారు. అబ్దుల్‌ కలామ్‌, మదర్‌ థెరిసా, సచిన్‌ టెండూల్కర్‌, బరాక్‌ ఒబామా, మైఖేల్‌ జాక్సన్‌ వంటి 52 మంది ప్రముఖుల విగ్రహాలను ఏర్పాటు చేశారు. చంద్రశేఖర్‌ మ్యూజియాన్ని చూసిన సందర్శకులు ట్విటర్‌ వేదికగా ఆయనపై జోకులు పేలుస్తున్నారు. సెలబ్రిటీల అసలు రూపానికీ, వారి విగ్రహాలకు అసలేమైనా పొంతన ఉందా అంటూ ఫొటోలతో ట్రోల్‌ చేస్తున్నారు. ‘మదర్‌ థెరిసా విగ్రహం హోం మంత్రి రాజ్‌నాథ్‌ సింగ్‌లా ఉంది’అని, ‘అబ్దుల్‌ కలాం హిల్లరీ క్లింటన్‌లా మారిపోయారని ఒక నెటిజన్‌ ట్వీట్‌ చేస్తే.. శశిథరూర్‌ అభిమాని కలాం విగ్రహాన్ని అలా మలచడంలో తప్పు లేదంటూ’ మరొకరు సెటైర్‌ వేశారు. ‘మ్యూజియం గనుక విగ్రహాలను చూసి ఆ సెలబ్రిటీ ఎవరో చెప్పాలనే పోటీ పెడితే ఒక్కరు కూడా గెలవలేరంటూ’  ప్రకాశ్‌ రాజ్‌ ట్వీట్‌ చేశారు. విమర్శలపై స్పందించిన చంద్రశేఖర్‌.. ‘టుస్సాడ్స్‌ మ్యూజియంలో అధునాతన టెక్నాలజీ అందుబాటులో ఉంటుంది. వారు సెలబ్రిటీలను సంప్రదించి కొలతలు తీసుకునే అవకాశం ఉంటుంది. కానీ మేం సింగిల్‌ డైమెన్షన్‌ ఆధారంగా విగ్రహాలు రూపొందిస్తున్నాము. ఇది సవాలుతో కూడుకున్న పని. మ్యూజియం నెలకొల్పి నా వంతుగా ఏదైనా చేయాలనుకున్నాను. ప్రస్తుతం అదే చేస్తున్నాను అంటూ’  వివరణ ఇచ్చారు. Snapchat pictures iOS vs Android pic.twitter.com/FTcKaKJNyY — Pakchikpak Raja Babu (@HaramiParindey) April 2, 2018 Mother Teresa with APJ Hillary Kalamton pic.twitter.com/knAmQ0DRdC — Divya (@divya_16_) April 2, 2018 When you have to make a wax statue of Dr Kalam but you are a Shashi Tharoor fan. pic.twitter.com/Un2pXa52xy — Sand-d Singh (@Sand_In_Deed) April 2, 2018 The wax museum should start this contest. No one will get it right pic.twitter.com/0MFM15mWjw — P.R. (@pr_akash_raj) April 2, 2018 Rajnath Singh in drag 😁 pic.twitter.com/h6sE5EBJ3c — Amlan عملان अम्लान Dutta (@orphean_warbler) April 1, 2018 I have so many questions about the wax museum in the last RT! Why is Obama blonde? Why does Sachin look like an extra from 'Bhabhiji Ghar Par Hai' Why make Kalam a white lady? 😂 pic.twitter.com/Y1bOIdsMHD — Sahil Rizwan (@SahilRiz) April 2, 2018

చండీగఢ్‌: పంజాబ్‌లో అధికార కాంగ్రెస్‌ పార్టీ హవా కొనసాగుతోంది. తాజాగా జరిగిన లుథియానా నగర పాలక ఎన్నికల్లో హస్తం పార్టీ సత్తా చాటింది. శిరోమణి అకాలీదళ్‌-బీజేపీ కూటమి రెండో స్థానంలో సరిపెట్టుకుంది. అరవింద్‌ కేజ్రీవాల్‌ నేతృత్వంలోని ఆమ్‌ ఆద్మీ పార్టీ(ఆప్‌)కు మరోసారి భంగపాటు ఎదురైంది. లుథియానాలో 95 వార్డులకు జరిగిన ఎన్నికల ఫలితాలను మంగళవారం ప్రకటించారు. కట్టుదిట్టమైన భద్రత నడుమ తొమ్మిది కేంద్రాల్లో కౌంటింగ్‌ నిర్వహించారు. కాంగ్రెస్‌ 61 వార్డుల్లో ఘన విజయం సాధించి మొదటి స్థానంలో నిలిచింది. అకాలీదళ్ 11, బీజేపీ 10 స్థానాలు దక్కించుకున్నాయి. లోక్‌ ఇన్సాఫ్‌ పార్టీ 7 చోట్ల గెలిచింది. ఆమ్‌ ఆద్మీ పార్టీ ఒక స్థానానికే పరిమితమైంది. స్వతంత్రులు నాలుగు స్థానాల్లో పాగా వేశారు. ఈ నెల 24న జరిగిన లుథియానా నగర పాలక ఎన్నికల్లో 59 శాతంపైగా పోలింగ్‌ నమోదైంది. పురుషులు 59.70 శాతం, మహిళలు 57.66 శాతం మంది ఓట్లు వేశారు. 4.17 శాతం థర్డ్‌ జెండర్‌ ఓటింగ్‌ నమోదైంది. మొత్తం 494 మంది అభ్యర్థులు పోటీ చేశారు. గతేడాది డిసెంబర్‌లో జరిగిన అమృత్‌సర్‌, జలంధర్‌, పాటియాల నగర పాలక సంస్థల ఎన్నికల్లోనూ కాంగ్రెస్‌ పార్టీ ముందంజలో నిలిచింది.

సాక్షి, న్యూఢిల్లీ : ‘నన్ను మోసం చేశారు. నేను ఇక్కడ నరకం అనుభవిస్తున్నాను.. దయ చేసినన్ను ఎవరైనా కాపాడండి’ అంటూ 46 ఏళ్ల ఒక మహిళ కన్నీటి ఆక్రందన సోషల్‌ మీడియాలో వైరల్‌గా మారింది. లూధియానాకు చెందిన 46 ఏళ్ల కుల్దీప్‌ కౌర్‌ను ట్రావెల్‌ ఏజెంట్‌ మోసం చేశాడు. ప్రస్తుతం కుల్దీప్‌ కౌర్‌.. సౌదీలోని మహమ్మద్‌​ అహ్మద్‌, సారా దంపతుల ఇంట్లో కట్టుబానిసగా పనిచేస్తోంది.  ఆ ఇంట్లో ఆమె పడుతున్న కష్టాలు, ఇబ్బందులు శత్రువు కూడా పడకూడదని.. ఆమె కన్నీటితో చెబుతోంది. ఉదయం 6 గంటల నుంచి రాత్రి 10 గంటల వరకూ.. ఇంటి యజమానులు ఆమె మీద.. శారీరక, లైంగిక దాడి చేస్తారని కన్నీళ్లు పెట్టుకుంటూ కుల్దీప్‌ చెబుతోంది. అత్యంత కఠిన, దారుణ పరిస్థితుల మధ్య పనిచేస్తున్నట్లు కుల్దీప్‌ వీడియోలో చెప్పింది. ఎవరైనా నన్ను ప్రాణాలతో కాపాడండి.. అని కుల్దీప్‌ వీడియోలో వేడుకుంటోంది. జీవితంలో మళ్లీ ఇంటిని, సొంత మనుషులను చూడాలని ఉందంటూ.. ఆమె పడుతున్న ఆవేదన చూస్తే.. ఏ వ్యక్తి అయినా బాధపడాల్సిందే. ఆమె ఫోన్‌ నెంబర్‌, ఇతర వివరాలు వీడియోలో ఉన్నాయి. ఈ వీడియో ప్రస్తుతం సోషల్‌ మీడియాలో వైరల్‌గా మారింది. 

ఛండీగఢ్‌ : అధికారుల నిర్లక్ష్యం ఓ పంజాబీ యువకుడిని కష్టాలపాలు చేస్తోంది. విద్యాపరంగానే కాదు.. వృత్తిపరంగానూ ఎదగకుండా ఆటంకాలు కలగజేస్తోంది. పొరపాటున అతని జన్మదిన తేదీని తప్పువేయటమే అందుకు కారణం.  లూథియానాకు చెందిన హర్‌ప్రీత్ సింగ్ ఫిబ్రవరి 20, 1995లో జన్మించాడు. 2012లో అతను చదువులకు ఫుల్ స్టాప్‌ పెట్టాడు. తర్వాత పంజాబ్‌ ఓపెన్‌ స్కూల్‌ ద్వారా ఎలాగోలా పదో తరగది పూర్తి చేసిన ఆ యువకుడు.. ఇప్పుడు 12వ తరగతి పరీక్షల కోసం సిద్ధం అయ్యాడు. ఈ క్రమంలో అతను బర్త్‌ సర్టిఫికెట్‌ కోసం దరఖాస్తు కోసం గతేడాది దరఖాస్తు చేసుకున్నాడు. అధికారులు మాత్రం జనన ధృవీకరణ పత్రంలో ఫిబ్రవరి 30 అని తేదీని చేర్చారు. పైగా అది మ్యానువల్‌గా రాయటం కొసమెరుపు. అది గమనించకుండా సివిల్‌ సర్జన్‌, మరో ఇద్దరు ఉన్నతాధికారులు దానిపై సంతకం చేశారు. ఇక దాని సవరణ కోసం ప్రభుత్వ ఆఫీసుల చుట్టూ తిరిగి తిరిగి వేసారిపోయిన హర్‌ప్రీత్‌ చివరకు.. చదువుకు పుల్‌స్టాప్‌ పెట్టి కెనడా వెళ్లి పనులు చేసుకుంటూ బతుకుదామని నిర్ణయించుకున్నాడు. పాస్‌పోర్టు కోసం కూడా డేట్‌ ఆఫ్‌ బర్త్‌ సర్టిఫికెట్‌ అవసరం కావటంతో అతని కష్టాలు మళ్లీ మొదటికి వచ్చాయి. ఏడాది నుంచి ఎందరిని కలిసి విజ్ఞప్తులు చేస్తున్నా.. ఎవరూ అతన్ని పట్టించుకోవటం లేదంట. దీంతో మీడియా దృష్టికి తన సమస్యను చెప్పుకొని హర్‌ప్రీత్  వాపోయాడు.

లుథియానా: పంజాబ్‌లోని లుథియానాలో మంగళవారం ఉదయం భారీ అగ్నిప్రమాదం సంభవించింది. షింగర్‌ థియేటర్‌ సమీపంలోని ఓ భవనంలో మంటలు చెలరేగాయి. అనంతరం మంటలు పెద్ద ఎత్తున వ్యాపించడంతో చుట్టపక్కల దట్టమైన పొగ అలుముకుంది.. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని 12 ఫైర్‌ ఇంజన్లతో మంటలను ఆర్పుతున్నారు. ముందు జాగ్రత్త చర్యగా చుట్టుపక్కల ప్రాంతాల వారిని ఖాళీ చేయించారు. కాగా ప్రమాదానికి షార్ట్ సర్క్యూటే కారణమని తెలుస్తోంది. ఇందుకు సంబంధించి పూర్తి వివరాలు తెలియాల్సి ఉంది.


 లూథియానా: సైబర్‌ నేరస్తులు రెచ్చిపోతున్నారు. వక్రమార్గంలో సంపాదించడానికి రోజుకో కొత్తమార్గం కనుగొంటున్నారు. అమాయకులను మోసం చేస్తున్నారు. తాజాగా మరో వ్యాపారి అకౌంట్‌ నుంచి ఏకంగా రూ.70లక్షలు స్వాహా చేశారు. వివరాల్లోకి వెళ్లే  లూథియానాకు చెందిన అరుణ్‌ బేఱి గార్మెంట్‌ ఫ్యాక్టరీ నడుపుతున్నాడు. అతనికి క్లాక్‌ టవర్‌ దగ్గరలో ఉన్న ఓ బ్యాంకులో అకౌంట్‌ ఉంది. అయితే ఈనెల 18న ఆ అకౌంట్‌ నుంచి లావాదేవీలు జరినట్లు తనకు ఈమెయిల్‌ వచ్చింది. అంతేకాదు ఆరోజు తన ఫోన్‌కు తన ఖాతా నుంచి లావాదేవీలు నిర్వహించినట్లు ఎటువంటి కాల్స్‌, మెస్సేజ్‌లు రాలేదు.
 
 దీంతో అనుమానం వచ్చిన అరుణ్‌ స్థానిక సైబర్‌ క్రైం పోలీసు స్టేషన్‌లో డీసీపీ ద్రుమన్‌ నింబుల్‌కు ఫిర్యాదు చేశారు. పోలీసుల విచారణలో సంచలన విషయాలు వెలుగు చూశాయి. హ్యాకర్లు తెలివిగా వ్యవహరించారు. నకిలీ డాక్యుమెంట్ల ద్వారా అరణ్‌ సిమ్‌కార్డును బ్లాక్‌చేసి అదే నంబర్‌ మీద కొత్త సిమ్‌కార్డు తీసుకున్నారు. తర్వాత అనుకున్న ప్రకారం రూ.69.90 లక్షలను ఐదు ఖాతాలకు బదిలీ చేశారు. ఇంటర్నెట్‌ బ్యాకింగ్‌ ద్వారా రోజుకు రూ.5లక్షలు మాత్రమే లావాదేవీలు నిర్వహించే వీలుంది. కానీ ఏకంగా 70లక్షలు ఖాళీ అవటంపట్ల పోలీసులు అనుమానం వ్యక్తం చేస్తున్నారు. ఇందులో బ్యాంకు ఉద్యోగి హస్తం ఉన్నట్లు పోలీసులు అనుమానిస్తున్నారు. దీనిపై కేసు నమోదు చేసిన పోలీసులు నిందితుల కోసం గాలిస్తున్నారు.


 రైతు భూమిని తీసుకుని అతనికి తగిన నష్టపరిహారం చెల్లించని ఉత్తరరైల్వేకు లుథియానాలోని జిల్లా అడిషనల్‌ కోర్టు షాక్‌ ఇచ్చింది. అమృతసర్‌-న్యూఢిల్లీల మధ్య నడిచే స్వర్ణ శతాబ్ది ఎక్స్‌ప్రెస్‌ను రైతుకు ఇవ్వాలని సంచలన తీర్పు చెప్పింది. లూథియానా-చండీఘడ్‌ రైల్వే లైను ఏర్పాటు కోసం ఉత్తర రైల్వే 2007లో భూ సేకరణ చట్టం కింద లూథియానాకు చెందిన సంపూరణ్‌ సింగ్‌ అనే రైతుకు చెందిన భూమిని తీసుకుంది. ఇందుకు గాను రూ.కోటికిపైగా నష్ట పరిహారం చెల్లించాల్సివుంది.
  
 కానీ, రూ.42 లక్షలు మాత్రమే సంపూరణ్‌కు చెల్లించింది ఉత్తర రైల్వే. దీంతో తనకు న్యాయం చేయాలంటూ 2012లో కోర్టులో పిటిషన్‌ దాఖలు చేశాడు సంపూరణ్‌. కేసును విచారించిన కోర్టు 2015 జనవరిలో పిటిషనర్‌కు రైల్వే ఇవ్వాల్సిన మొత్తాన్ని ఇచ్చేయాలని తీర్పు చెప్పింది. అప్పటికీ రైల్వే శాఖ స్పందించకపోవడంతో మరో మారు కోర్టు మెట్లె క్కాడు సింగ్‌. కేసును విచారించిన లూథియానా జిల్లా కోర్టు జడ్జి జస్‌పాల్‌ వర్మ ట్రెయిన్‌ నెం-12030(స్వర్ణ శతాబ్ది ఎక్స్‌ప్రెస్‌)ను రైతుకు ఇస్తున్నట్లు తీర్పు చెప్పారు.
  
 దీంతో లూథియానా రైల్వే స్టేషన్‌కు కోర్టు ఆర్డర్‌తో చేరుకున్న సంపూరణ్‌ రైలును తనకు అప్పజెప్పాలని కోర్టు ఆర్డర్లను డ్రైవర్‌కు చూపించాడు. ఇంతలో అక్కడికి చేరుకున్ సెక్షన్‌ ఇంజినీర్‌ ప్రదీప్‌కుమార్‌ రైలును కోర్టుకు స్వాధీనం చేస్తున్నట్లు చెప్పారు. ప్రయాణీకులు ఉండటంతో సమస్యగా మారుతుందని రైలును ఆపలేదని సంపూరణ్‌ తెలిపారు. 
  
 ఇంటికి తీసుకెళ్తారా?
 కోర్టు తీర్పుపై డివిజినల్‌ రైల్వే మేనేజర్‌ అనుజ్‌ ప్రకాశ్‌ మాట్లాడారు. నష్టపోయిన వారికి పరిహారాలు చెల్లించడంలో కొన్ని సమస్యలు వచ్చాయని పేర్కొన్నారు. ప్రస్తుతం ఆ సమస్యను పరిష్కరించేందుకు యత్నిస్తున్నట్లు చెప్పారు. కోర్టు ఆదేశాలను కేంద్ర న్యాయశాఖ చూసుకుంటుందని చెప్పారు. రైలును రైతుకు ఇస్తే అతనేం చేసుకుంటాడని ప్రశ్నించారు. కనీసం దాన్ని ఇంటికి తీసుకెళ్లగలరా? అని అన్నారు.


 లుథియానా: ఏదైనా వస్తువులు అమ్మేటప్పుడు కంపెనీలు అన్ని సర్వీసులు అందిస్తామని వినియోగదారులకు హామీయిస్తుంటాయి. తీరా ఏదైనా సమస్య వచ్చినప్పడు తమకు సంబంధం లేదన్నట్టుగా చాలా కంపెనీలు వ్యవహరిస్తుంటాయి. ఇలాంటి సమయాల్లో వినియోగదారులు సదరు సంస్థలతో గొడవలకు దిగడం, తిట్టిపోయడం జరుగుతుంటుంది. చైతన్యవంతులైతే వినియోగదారుల ఫోరంను ఆశ్రయిస్తుంటారు.
 
 పంజాబ్ లోని లుథియానాకు చెందిన కారు యజమాని ఒకరు వినూత్నంగా నిరసన తెలిపాడు. తన స్కోడా కారుకు రిపేరు రావడంతో కంపెనీ సర్వీసు సెంటర్ కు తీసుకెళ్లాడు. అక్కడగా సరిగా స్పందించకపోడంతో వినూత్న నిరసన చేపట్టాడు. తన కారును గాడిదలతో లాగించి నిరసన తెలిపాడు. కారును గాడిదలు లాక్కెళ్లడం చూసినవారంతా ముక్కన వేసేసుకున్నారు. ఇలాగా కూడా నిరసన తెలపొచ్చా అని చర్చించుకున్నారు.
 


 ప్రజాపోరాటం నుంచి పుట్టుకొచ్చిన ఆమ్ ఆద్మీ పార్టీ ప్రజలకేమైతే మాకేంటి అన్నతీరుగా వ్యవహరిస్తోంది. ఆదివారం మధ్యాహ్నం గిల్ రోడ్డులో ఆప్-ఎల్ఐపీ నిర్వహించిన ర్యాలీ వల్ల ఏర్పడిన భారీ ట్రాఫిక్ జామ్లో చిక్కుకుని అంబులెన్స్లో ఓ మహిళ మృతిచెందింది. కొత్త సిమ్లపురి ప్రాంతానికి చెందిన అవతార్ కౌర్ అనే ఆ మహిళ తక్కువ బ్లడ్ షుగర్, నీళ్ల విరేచనాలతో బాధపడుతోంది. ఆమెను గిల్ రోడ్డులోని గ్రేవాల్ ఆసుపత్రిలో చేర్పించగా.. మహిళ పరిస్థితి క్షీణించడంతో అక్కడి డాక్టర్లు మోడల్ టౌన్లో క్రిష్ణా ఆసుపత్రిని సంప్రదించాలని చెప్పారు. దీంతో కుటుంబసభ్యులు హుటాహుటిని మహిళను ఆ ఆసుపత్రికి తరలించేందుకు అంబులెన్స్లో బయలుదేరారు. కానీ గిల్ రోడ్డులో ఆప్ నిర్వహిస్తున్న ర్యాలీ వల్ల భారీగా ట్రాఫిక్ జామ్ ఏర్పడింది. ఈ ట్రాఫిక్లో వారి అంబులెన్స్ చిక్కుకుపోయింది. ఢిల్లీ ముఖ్యమం‍త్రి అరవింద్ కేజ్రీవాల్ ఈ భేటీలో పాల్గొన్నారు. 
  
 20-25 నిమిషాల పాటు ఏర్పడిన భారీ ట్రాఫిక్ జామ్లో తమ అంబులెన్స్ చిక్కుకుని పోయిందని ఆమె కొడుకు దేవేందర్ సింగ్ ఆరోపించారు. అంబులెన్స్ను ముందుకు కదిలేలా సహకరించాలని పలుమార్లు ప్రాధేయపడినట్టు, ఎవరూ సహకరించలేకపోయారని కన్నీరుమున్నీరయ్యారు. అంబులెన్స్లో తన తల్లి మరణించినట్టు చెప్పారు. రాజకీయ పార్టీ వల్ల తన తల్లి మరణించిందని ఆరోపించారు. ఆమె చనిపోయిన తర్వాత ఆగ్రహానికి లోనైన కుటుంబసభ్యులు వెంటనే రోడ్డుపై నిరసనకు దిగినట్టు ఏడీసీపీ ధృవ దాహియా చెప్పారు. అయితే వారు ఎలాంటి లిఖిత పూర్వక ఫిర్యాదును దాఖలు చేయలేదన్నారు. కొద్దిసేపు నిరసన చేసిన అనంతరం వారు అక్కడినుంచి వెళ్లిపోయినట్టు పేర్కొన్నారు. ట్రాఫిక్ జామ్లో అంబులెన్స్లో ఇరక్కపోవడం వల్లనే మహిళ మరణించినట్టు గ్రేవాల్ ఆసుపత్రి కూడా ధృవీకరించింది.    


 'బాహుబలి' సినిమాలో భారీ (గ్రాఫిక్) దున్నపోతుతో భల్లాలదేవ పోరాడే సీన్ అందరికీ గుర్తుండే ఉంటుంది. ఆ భారీ దున్నపోతును తలదన్నేస్థాయిలో ఉండే దున్నపోతు ఒకటి ఉత్తరప్రదేశ్ లోని మొరాదాబాద్ పట్టణంలో హల్ చల్ చేస్తోంది.
 
 1500 కిలోల బరువుతో, భారీ ఆకారంతో ఉన్న దున్నపోతుకు ముద్దుగా 'బాహుబలి' బర్రె అని పేరు పెట్టారు. ఈద్ ఉల్ ఆధా (బక్రీద్) పండుగ సందర్భంగా ఈ దున్నపోతు స్థానికంగా స్పెషల్ ఆట్రాక్షన్ గా మారింది. పంజాబ్ లోని లూథియానా నుంచి ఈ దున్నపోతును రూ. 11 లక్షలకు మహమ్మద్ తౌఫీక్ ఖురేషి, నదీం అనే వ్యక్తులు కొనుగోలు చేశారు. బక్రీద్ సందర్భంగా అంతకంటే ఎక్కువ ధరకే ఇది అమ్ముడుపోతుందని వారు భావిస్తున్నారు. ఒకవేళ అమ్ముడుపోకపోతే తామే బలి ఇయ్యాలని నిర్ణయించారు.
 
 ముర్రా జాతికి చెందిన ఈ భారీ దున్నపోతు స్థానికంగా హాట్ టాపిక్ గా మారిపోయింది. దీంతో ఈ 'బాహుబలి'ని చూడటానికి చుట్టుపక్కల గ్రామాలే కాదు చుట్టుపక్కల జిల్లాల నుంచి కూడా జనం వచ్చి దీనిని తిలకించి మురిసిపోతున్నారు.


 లుధియానా: సిక్కుల పవిత్ర గ్రంథం అపవిత్రం చేసిందని ఆరోపణలు ఎదుర్కొంటున్న ఓ మహిళ మంగళవారం దారుణ హత్యకు గురైంది. లుధియానాలోని గువాడి గ్రామంలో గుర్తు తెలియని వ్యక్తులు కాల్పులు జరిపి ఆమెను హత్య చేశారు. మోటారు సైకిల్ పై వచ్చి వారు ఈ ఘాతూకానికి పాల్పడ్డారు. ఆమెను భల్విందర్ కౌర్ అనే మహిళగా గుర్తించారు.
 
 గత ఏడాది గువాడి గ్రామంలో భల్విందర్ గౌర్ అనే మహిళ సిక్కుల పవిత్ర గ్రంధాన్ని అపవిత్రం చేసేందుకు ప్రయత్నించిందనే కారణంతో పోలీసులు అక్టోబర్ 18న అరెస్టు చేశారు. ఇటీవలె ఆమె విడుదలైంది. అలంఘిర్ సమీపంలోని గురుద్వారాకు వెళ్లి ప్రార్థన ముగించుకొని ఆటో రిక్షాలో తిరిగొస్తున్న ఆమెపై గుర్తు తెలియని వ్యక్తులు కాల్పులు జరపగా ఆమె చనిపోయింది. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.


 లుథియాన: కోటిరూపాయల నల్లధనాన్ని తరలిస్తున్న ఇద్దరు వ్యక్తుల్ని లుథియానా పోలీసులు ఆదివారం అరెస్టు చేశారు. ఉత్తరప్రదేశ్ లోని ముజఫర్ నగర్ కు చెందిన వీరిద్దరూ పేపర్ మిల్ లో పనిచేసే పంకజ్ గోయల్, రవికాంత్ లుగా గుర్తించినట్లు తెలిపారు.
 
 అడిషనల్ డిప్యూటీ కమిషనర్ ఆఫ్ పోలీస్(ఏడీసీపీ) తెలిపిన వివరాల ప్రకారం షేర్ పూర్ చౌక్ పోలీసు చెక్ పోస్టు వద్ద తనిఖీలు నిర్వహిస్తుండగా టయోటా ఫార్చునర్ నుంచి రెండు సూట్ కేసుల్లో తరలిస్తున్న కోటి రూపాయల డబ్బును పట్టుకున్నట్లు వివరించారు. తాము పనిచేసే పేపర్ మిల్ యజమాని బిందాల్ ఈ డబ్బును లుథియానాలోని రాకేష్ కు ఇవ్వమని చెప్పినట్లు నిందితులు తెలిపారని వివరించారు. ప్రాథమిక విచారణలో ఈ డబ్బు నల్లధనంగా తేలిందని చెప్పారు. రాకేష్ అనే వ్యక్తిని పట్టుకోవడానికి ప్రయత్నిస్తున్నట్లు వివరించారు.


 లూథియానా: పంజాబ్ లో దారుణం చోటుచేసుకుంది. పొద్దున్నే తన షాపు తెరుచుకుని కూర్చున్న వ్యక్తిపై నలుగురు దుండగులు కత్తులతో దాడులు చేశారు. పదేపదే తలపై, కాళ్లపై కత్తులతో నరకడంతో అతడు ప్రస్తుతం అతడు ఆస్పత్రి పాలయ్యాడు. ఇదంతా కూడా అతడి దుకాణంలో పెట్టిన సీసీటీవీ కెమెరాలో రికార్డయింది. పూర్తి వివరాల్లోకి వెళితే గురప్రీత్ సింగ్ అనే చిన్న వ్యాపారస్తుడు లూథియానాలో బ్రోకర్ గా పనిచేస్తున్నాడు. ఆదివారం ఉదయాన్నే తన షాపు తీశాడు.
 
 అలా అతడు తీసి ఒక 20 నిమిషాలు అయిందో లేదో వెంటనే ఓ నలుగురు వేగంగా కత్తులు తీసుకొని వచ్చారు. కౌంటర్ లో కూర్చున్న అతడిపై నలుగురు ఒకేసారి పదేపదే దాడి చేశారు. పదే పదే నరికేసి పారిపోయారు. అనంతరం అతడిని ఆస్పత్రిలో చేర్పించారు. గుర్ ప్రీత్ తలకు బలమైన గాయాలు అయ్యాయి. అయితే, అతంతకు ముందు అతడి కారు ఎవరో వ్యక్తిని ఢీకొట్టిందని, ఆ వ్యక్తికి సంబంధించిన వాళ్లే వచ్చి దాడి చేసి ఉంటారని పోలీసులు అనుమానిస్తున్నారు.


 న్యూఢిల్లీ: జేఎన్యూ విద్యార్థి కన్హయ్య కుమార్తో బహిరంగ చర్చకు సిద్ధం అంటూ సవాలు విసిరిన లుథియానాకు చెందిన పదిహేనేళ్ల బాలిక, విద్యార్థిని జాహ్నవి బెహల్కు బెదిరింపులు వస్తున్నట్లు తెలిసింది. సోషల్ మీడియా ద్వారా ఆమెను గుర్తు తెలియని వ్యక్తులు బెదిరిస్తున్నట్లు ఆమె మీడియాకు వెల్లడించింది.
 
 దేశ ద్రోహం ఆరోపణల కింద కన్హయ్య కుమార్ ను పోలీసులు అరెస్టు చేసిన విషయం తెలిసిందే. అనంతరం అతను బెయిల్ పై విడుదలయ్యాడు. అయితే, కన్హయ్య చేసింది దేశ వ్యతిరేక చర్య అని, ఆయనతో ఎలాంటి చర్చకైనా తాను సిద్ధమంటూ సవాలు విసిరింది. ఈ నేపథ్యంలో ఆమెకు బెదిరింపులు వస్తున్నట్లు తెలిసింది.


 లూధియానా: పంజాబ్ లోని లూధియానా ఇన్కమ్ ట్యాక్స్ డిపార్ట్మెంట్కి చెందిన ఓ ఆఫీస్లో అగ్నిప్రమాదం సంభవించింది. రిషినగర్లో ఆదివారం ఈ ఘటన చోటుచేసుకుంది. గత దశాబ్దకాలానికి చెందిన రికార్డులు దగ్ధమయ్యాయని అధికారులు వెల్లడించారు. ఇన్కమ్ ట్యాక్స్ ఆఫీసులో మంటలు సంభవించడాన్ని గుర్తించిన స్థానికులు అధికారులకు సమాచారం అందజేశారు.
 
 నాలుగు పైరింజన్ల సహాయంతో అగ్నిమాపక సిబ్బంది అక్కడికి చేరుకుని సుమారు రెండు గంటల పాటు శ్రమించి మంటలను అదుపులోకి తెచ్చారు. గత దశాబ్దకాలానికి చెందిన పలు ఫైళ్లు ఈ అగ్నిప్రమాదం కారణంగా కాలిపోయినట్లు ఇన్కమ్ ట్యాక్స్ అసిస్టెంట్ కమిషనర్ గగన్ కుంద్రా వెల్లడించారు. షార్ట్ సర్క్యూట్ వల్లే ఈ ఘటన చోటుచేసుకుని ఉండొచ్చని అధికారులు భావిస్తున్నారు.


 లూధియానా: కిడ్నాప్నకు గురైన ఓ విద్యార్థిని అత్యాచారానికి గురవడంతో పాటు చివరకు శవమై తేలింది. వివరాలు.. పంజాబ్ లోని లూధియానాకు చెందిన విద్యార్థిని స్కూలు నుంచి ఇంటికి వస్తుండగా బుధవారం సాయంత్రం కిడ్నాప్నకు గురైంది. విద్యార్థినిని ఓ ఇంట్లోకి తీసుకెళ్లి అనంతరం గ్యాంగ్ రేప్ చేశారు. గురువారం సాయంత్రం బాలిక శవమై ఓ కాలువలో తేలింది. పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించగా, అత్యాచారం జరిగినట్లు డాక్టర్లు నిర్ధారించారు.
 
 బాధిత బాలిక శరీరంపై సుమారు 17 గాయాలున్నట్లు వారు తెలిపారు. తలపై పెద్దగా గాట్లు కూడా ఉన్నాయని, బలమైన ఆయుధంతో నిందితులు ఆమెపై దాడి చేసి ఉండవచ్చని తెలుస్తోంది. బాధిత విద్యార్థిని బంధువులు, కుటుంబసభ్యులు తమకు న్యాయం చేయాలని మృతదేహంతో వారు ఆందోళన చేపట్టారు.


 ప్రముఖ పారిశ్రామికవేత్త, హీరో సైకిల్స్ అధినేత ఓం ప్రకాష్ ముంజాల్ (86) గుండెపోటుతో  గురువారం కన్నుమూశారు.  సైకిల్ తయారీ సంస్థలకు ఆయనే ఆద్యుడు. ఒక విధంగా సైకిళ్ల వ్యాపారానికి పితామహుడి లాంటివారు. అనారోగ్యంతో బాధపడుతున్న ఆయన లూథియానాలోని దయానంద్ మెడికల్ కాలేజీ ఆసుపత్రిలో తుదిశ్వాస విడిచారు. ఆయనకు ఒక కొడుకు నలుగురు  కుమార్తెలు ఉన్నారు.
 హీరో సైకిల్స్ వ్యవస్థాపక ఛైర్మన్ కూడా అయిన ముంజాల్.. సంస్థను అభివృద్ధి పథంలో పరుగులు పెట్టించారు. అనేక సామాజిక సేవా కార్యక్రమాల్లో చురుగ్గా పాల్గొనేవారు. పేదవారి కోసం పాఠశాలలు, ఆసుపత్రి నిర్వహించడంలో ఆయనకు మంచిపేరు ఉంది.
 
 1956లో పంజాబ్లోని లూథియానాలో మొదలుపెట్టిన ఈ సంస్థ దినాదినాభివృద్ధి చెందుతూ వచ్చింది. రికార్డ్  అమ్మకాలతో, దేశంలో అత్యధిక మార్కెట్ షేర్ సాధించి 1986 సంవత్సరంలో గిన్నిస్ బుక్ లోకి కూడా ఎక్కింది. రోజుకు 25 సైకిళ్లను తయారీతో మొదలు పెట్టిన తన ప్రస్థానాన్ని ప్రస్తుతం 19 వేల  సైకిళ్ల తయారీతో కొనసాగిస్తోంది. కాగా ముంజాల్ మృతిపై పలువురు పారిశ్రామికవేత్తలు విచారం వ్యక్తం చేశారు. ముంజాల్ అంత్యక్రియలను శుక్రవారం  నిర్వహించనున్నామని కుటుంబసభ్యులు తెలిపారు.


 లూధియానా: అది పంజాబ్‌లోని లూధియానా జిల్లా, ఆ జిల్లాలోని జలాల్‌దివాల్ గ్రామం. శివారున ఓ చిన్న గ్రౌండ్. సాయంత్రం సరిగ్గా నాలుగు గంటలు. ఇంతలో విజిల్ మోగింది. ఒక్కొక్కరే విద్యార్ధులు అక్కడికి చేరుతున్నారు. కొందరి చేతుల్లో హాకీ కర్రలు. అవి చాలా మామూలివి. కొందరి చేతుల్లో అవి కూడా లేవు. దొరికిన కర్రలను చేబూని వచ్చారు. ఆట మొదలైంది. వారి కళ్లలో జీవితంలో ఏదో సాధించాలనే తపన కనిపిస్తోంది.
 
 వారికి సరైన ఆట దుస్తులుగానీ, బూట్లుగానీ లేవు. కారణం వారంతా పేద కుటుంబాల నుంచి, నిమ్న వర్గాల నుంచి వచ్చిన పిల్లలు. అంతే ఆ రోజు నుంచి ఆట సాగుతూనే ఉంది. గ్రౌండ్ చిన్నదైన వారు చిన్నబుచ్చుకోలేదు. అకుంఠిత దీక్షతో ఆడుతూనే ఉన్నారు. వర్షాకాలమైనా, ఎండాకాలమైనా ఆట ఆగలేదు. సరైనా తిండిలేకున్నా, ఇంట్లో తిట్లు తిన్నా రోజూ నాలుగు నుంచి ఆరు గంటల వరకు ఆట సాగాల్సిందే.
 
 అలా రెండు నెలలు గడిచాయి. పిల్లల్లో ఉత్సాహం పెరిగిందేతప్పా తరగలేదు. ఆట పట్ల పిల్లలకుగల అకుంఠిత దీక్షను గమనించిన గ్రామంలోని డబ్బూ, పలుకుబడి కలిగిన పెద్దలు కదిలిపోయారు. సరైన కోచ్ కోసం పట్నాలకెళ్లి వాకబు చేశారు. ఓ పల్లెటూరుకు ఏమొస్తాం అంటూ పట్న వాసానికి అలవాటుపడ్డ ఎంతోమంది కోచ్‌లు పెదవి విరిచారు. ససేమిరా రామన్నారు.
 పిల్లల ఆటను స్ఫూర్తిగా తీసుకున్న పెద్దలు కూడా నిరాశకు గురికాలేదు. కోచ్‌ల కోసం గాలిస్తూ వచ్చారు. చివరకు గ్రామీణ నేపథ్యం కలిగిన బల్జీత్ కౌర్ అనే అమ్మాయి అంగీకరించింది. ఆమె పాటియాలలోని నేషనల్ ఇనిస్టిట్యూట్ ఆఫ్ స్పోర్ట్స్ ప్రాడక్ట్. ఆమె కోచింగ్‌తో పిల్లలు హాకీలో మరింత పదునుదేరారు. లూధియానాలో జరిగిన ఓ గ్రామీణ క్రీడల్లో ఆ పిల్లలు ఓ మెరపు మెరిసారు. డిఫెండింగ్ ఛాంపియన్స్ అయిన ఖిల్లా రాయ్‌పూర్ గ్రామం జట్టును ఓడించారు.
 
 అంతే పిల్లలతోపాటు జలాల్‌దివాల్ గ్రామానికి పేరొచ్చింది. గ్రామంలోని డబ్బుగల పెద్దలు మరికొంత మంది ముందుకొచ్చి పిల్లలకు కావాల్సిన దుస్తులు, బూట్లు కొనిచ్చారు. కొంతమంది వారికి కావాల్సిన పోషకాహార పదార్థాలను ఉచితంగా సరఫరా చేశారు. ఇక పిల్లలు ద్విగుణీకృత ఉత్సాహంతో పంజాబ్ రాష్ట్రవ్యాప్తంగా జరిగిన ప్రతి గ్రామీణ క్రీడల్లో పాల్గొంటూ వచ్చారు. ఆ పిల్లల నుంచి జగ్తార్ సింగ్ ఘోడాలోని స్పోర్ట్స్ స్కూల్లో అడ్మిషన్ వచ్చింది.
 
 అమృత్‌పాల్ కౌర్ అనే విద్యార్థినికి పంజాబ్ ముఖ్యమంత్రి ప్రకాష్ సింగ్ బాదల్‌కు చెందిన బాదల్ గ్రామంలోని స్పోర్ట్స్ అకాడమీలో అడ్మిషన్ వచ్చింది. ఆ గ్రామం పిల్లలకు ఇది మరింత స్ఫూర్తినిచ్చింది. ఆటే ప్రాణంగా భావించే ఆ పిల్లలు చదువును ఎప్పుడూ నిర్లక్ష్యం చేయలేదు. ఆటతో చదువులో ప్రావీణ్యత, శ్రద్ధ మరింత పెరిగిందని పాఠశాల ఉపాధ్యాయులు చెబుతున్నారు.
 
 పిల్లల విజయగాధ విన్న గ్రామానికి చెందిన ఓ ఎన్నారై హాకీ గ్రౌండ్ కోసం తన పొలాన్ని విరాళంగా ఇచ్చారు. గ్రామంతో సంబంధంవున్న కొంతమంది కార్పొరేటర్లు ముందుకొచ్చి ప్రస్తుతం ఆ గ్రౌండ్‌ను అభివృద్ధి చేస్తున్నారు.


 లూథియానా: లూథియానా జిల్లాలో దోర్హా బైపాస్ రహదారి వద్ద ఫ్లైఓవర్ కింద అమ్మోనియం ట్యాంకర్ ఇరుక్కుపోయింది. దీంతో ట్యాంకర్ నుంచి అమ్మోనియం గ్యాస్ లీకైంది. గ్యాస్ పీల్చిన స్థానికుల్లో ఆరుగురు అక్కడికక్కడే మరణించారు. మరో 100 మంది తీవ్రంగా ఆస్వస్థతకు గురైయ్యారు. పోలీసులు వెంటనే స్పందించింది వైద్య సిబ్బంది సహాయంతో జిల్లాలోని వివిధ ఆసుపత్రులకు హుటాహుటిన తరలించారు. ఆస్వస్థతకు గురైన వారంతా శ్వాస పీల్చుకోవడం ఇబ్బందిగా మారిందని చెబుతున్నారని పోలీసు ఉన్నతాధికారి వెల్లడించారు.
 మృతులను గుర్తించవలసి ఉందన్నారు. గుజరాత్కు చెందిన ట్యాంకర్ లూథియానా వైపు వస్తుండగా ఈ ఘటన చోటు చేసుకుందని తెలిపారు. ఈ ఘటనపై సమాచారం అందిన వెంటనే జిల్లాకు చెందిన ఉన్నతాధికారులు ఘటన స్థలికి చేరుకుని పరిస్థితిని సమీక్షిస్తున్నారని చెప్పారు. అలాగే ట్యాంకర్ నుంచి అమ్మోనియం వాయివు వెలువడకుండా చర్యలు చేపట్టారని పోలీసులు తెలిపారు.


 లూధియానా: మహిళల భద్రతకు ఎన్ని కఠినమైన చట్టాలు తీసుకొచ్చినా, ఆధునిక సాంకేతిక పరిజ్ఞానాన్ని ఉపయోగించి ఎన్ని యాప్స్‌ను తీసుకొచ్చినా వారిపై ఆకృత్యాలకు, అత్యాచారాలకు తెరపడడం లేదు. అంతర్జాతీయ మహిళా దినోత్సవం రోజునే పంజాబ్‌లోని లూధియానాలో ఓ 23 ఏళ్ల యువతిని కిడ్నాప్‌చేసి ఆమెపై కారులోనే సామూహిక అత్యాచారం జరిపారు.
  
 నగర పోలీసు కమిషనర్ ప్రమోద్ బాన్ కథనం ప్రకారం సంపన్నులు నివసించే రాజ్‌గురు నగర్ ప్రాంతంలో నివసిస్తున్న ఓ యువతి సమీపంలో నివసిస్తున్న తన స్నేహితురాలిని కలుసుకొని ఆదివారం రాత్రి తన నివాసానికి తిరిగొస్తుండగా ఓ కారు వేగంగా వచ్చి ఆమె పక్కనే ఆగింది. డ్రైవర్ కాకుండా ఆ కారులోవున్న ఇద్దరు యువకులు ఆమెను కిడ్నాప్‌చేసి కారులో ఎక్కించుకున్నారు.
  
  ఆ తర్వాత నడుస్తున్న కారులోనే ఆమెపై ఆ ఇద్దరు యువకులు పలుసార్లు అత్యాచారం జరిపారు. అనంతరం ఆమెను అదే ప్రాంతంలో దింపి పారిపోయారు. బాధితురాలు వెంటనే సమీపంలోవున్న పోలీసు స్టేషన్‌కు వెళ్లి సంఘటన గురించి ఫిర్యాదు చేశారు. పోలీసులు ఆమెను వైద్య పరీక్షల నిమిత్తం ఆస్పత్రికి పంపించగా ఆమెపై అత్యాచారం జరిగినట్టు వైద్యులు ధ్రువీకరించారు.
  
  గుర్తుతెలియని వ్యక్తులపై కిడ్నాప్, అత్యాచారం కేసు నమోదుచేసి దర్యాప్తు జరుపుతున్నామని కమిషనర్ ప్రమోద్ బాన్ తెలిపారు. బాధితురాలు కిడ్నాపయిన ప్రాంతంలోని సీసీటీవీ కెమేరాల ఫుటేజ్ ఆధారంగా కేసు దర్యాప్తు జరుపుతున్నామని, ఓ ఫుటేజ్‌లో ఓ కారు అనుమానాస్పదంగా తిరగడం కనిపించిందని ఆయన తెలిపారు.


 న్యూఢిల్లీ: ఆమ్ ఆద్మీ పార్టీ(ఆప్) అధినేత అరవింద్ కేజ్రీవాల్ కు మద్దతుగా నలుగురు  ఆప్ వాలంటీర్లు ఆదివారం పాదయాత్ర చేపట్టారు. 300 కిలోమీటర్లు పైగా వీరు పాదయాత్ర చేయనున్నారు. సుఖ్ దేవ్ సింగ్, ఉదయభాను, అబ్దుల్ ఖాన్, ప్రిన్స్ మాసిహ్ పంజాబ్ లోని లుథియానా నుంచి ఢిల్లీకి పాదయాత్రగా బయలుదేరారు.
 
 లుథియానా టాప్ కన్వీనర్ అహబాబ్ సింగ్ గ్రెవాల్ జెండా ఊపి పాదయాత్రను ప్రారంభించారు. అంతముందు నలుగురు వాలంటీర్లు భగత్ సింగ్, సుఖ్ దేవ్, రాజగురులకు నివాళులర్పించారు.


 ఛండీగడ్: పంజాబ్లో మరోసారి భారీ ఎత్తున హెరాయిన్ను పోలీసులు స్వాధీనం చేసుకున్నారు. లూథియానా జిల్లాలోని ములాన్పూర్ వద్ద పోలీసులు శనివారం వాహన తనిఖీలు నిర్వహంచారు. ఈ సందర్భంగా 'ఆన్ మిలటరీ డ్యూటీ' అనే బోర్డు ఉన్న ట్రక్లో అక్రమంగా తరలిస్తున్న దాదాపు 40 కేజీల హెరాయిన్ను పోలీసులు స్వాధీనం చేసుకున్నారు. అనంతరం హెరాయిన్ను డైరెక్టర్ ఆఫ్ రెవెన్యూ ఇంటిలిజెన్స్ (డీఆర్ఐ) అధికారులకు అప్పగించారు. ఆ హెరాయిన్ను అధికారులు సీజ్ చేశారు.
 పోలీసులు, భద్రత సిబ్బంది దృష్టి మళ్లించేందుకు మిలటరీ బోర్డు వాహనానికి తగిలించారని అధికారులు వెల్లడించారు. పట్టుబడిన హెరాయిన్ విలువ అంతర్జాతీయ మార్కెట్లో రూ. 200 కోట్లు వరకు ఉంటుందన్నారు. కేసు నమోదు చేసి దర్యాప్తు చేస్తున్నట్లు డీఆర్ఐ అధికారులు తెలిపారు. ఈ నెల 15న హర్యానాలో ఎన్నికలు జరగనున్నాయి. ఈ సందర్బంగా ఆ పక్క రాష్ట్రమైన పంజాబ్లో పోలీసుల తనిఖీలు ముమ్మరం చేశారు.  


  ముంబై: ప్రముఖ హిందీ సినిమా నటి శిల్పాశెట్టి సొంత బంగారం, ఆభరణాల కంపెనీని బుధవారం ప్రారంభించింది. సత్యుగ్ గోల్డ్ పేరుతో ఈ కంపెనీ కార్యకలాపాలు నిర్వహిస్తుంది. త్వరలో ముంబై, ఢిల్లీ, జైపూర్, అహ్మదాబాద్, పుణే, చంఢీగర్, లూధియానా....ఈ  ఏడు నగరాల్లో అవుట్‌లెట్స్‌ను ప్రారంభిస్తామని ఈ కంపెనీకి చైర్‌పర్సన్‌గా వ్యవహరిస్తున్న శిల్పాశెట్టి పేర్కొన్నారు. తానే స్వయంగా డిజైన్ చేసిన ఆభరణాలను కూడా ఈ అవుట్‌లెట్స్‌లో విక్రయిస్తామని వివరించారు.  ప్రస్తుతమున్న మార్కెట్ ధర కంటే 37 శాతం తక్కువకే బంగారాన్ని కొనుగోలు చేసే స్కీమ్‌ను ఇండియన్ బులియన్ అండ్ జూయలర్స్ అసోసియేషన్ (ఐబీజేఏ) భాగస్వామ్యంతో అందిస్తున్నామన్నారు.  
 
 ప్రపంచవ్యాప్తంగా ఉన్న బంగారం గనుల కంపెనీలతో దీర్ఘకాలిక కాంట్రాక్టులు కుదుర్చుకున్నామని తెలిపారు. నవీ ముంబైలోని అప్‌తగ్ రిఫైనరీలో 42%, రాయల్ రిఫైనరీలో 50% వాటా సత్యుగ్ గోల్డ్ కొనుగోలు చేసిందని వివరించారు.  గనుల నుంచి రిఫైనరీకి, రిఫైనరీ నుంచి నేరుగా వినియోగదారులకు విక్రయిస్తామని, తమకు లభించే మార్జిన్లను వినియోగదారులకు డిస్కౌంట్ల రూపంలో అందిస్తామని పేర్కొన్నారు. వివిధ సైజుల్లో 24 కేరట్ల బంగారు నాణేలను ఆఫర్ చేస్తున్నామని వివరించారు.