ఆమె లక్ష్యం ఐపీఎస్‌..కానీ ఊహించని విధంగా రూ. 9 లక్షల ఇంటర్న్‌షిప్‌ని అదుకుని స్ఫూర్తిగా నిలిచింది. పైగా ఈ ఏడాది స్లీప్‌ ఆఫ్‌ది ఇయర్‌గా టైటిల్‌ని దక్కించుకుంది. ఎవరామె అంటే..పూణేకి చెందిన మాధవ్ వావల్ ఐపీఎస్‌ పోటీపరీక్షలకి సన్నద్ధమవుతోంది. ఆమె ఈ ఏడాది జరగుతున్న నాల్గో సీజన్‌ స్లీప్ ఇంటర్న్‌షిప్‌ పోటీలో పాల్గొని విజేతగా నిలిచింది. మొత్తం 60 రోజుల నిద్ర ఛాలెంజ్‌ని స్వీకరించి రూ. 9.1 లక్ష ఇంటర్న్‌షిప్‌ని గెలుచుకుని స్లీప్‌ ఛాంపియన్‌ ఆఫ్‌ ది ఇయర్‌గా నిలిచింది. దీంతో ఈ ఏడాది స్లీప్‌ ఇంటర్న్‌షిప్‌ నాల్గవ సీజన్‌ విజేతగా స్థానం కైవసం చేసుకుంది మాధవ్‌ వావల్‌. ఈ పోటీ భారతదేశంలో పెరుగుతన్న నిద్రలేమి సమస్యను నివారించడమే ముఖ్యోద్దేశంగా రూపొందించిన ఇంటర్న్‌షిప్‌ ప్రోగ్రామ్‌ ఇది. ఈ నిద్ర వర్క్‌షాప్‌లో మంచి నిద్ర అలవాటుని మెరుపరచడానికి ఉద్దేశించిన సవాళ్లను ఫేస్‌చేయాలి ఉంటుంది. పోటీలో పాల్గొనే వాళ్లు కళ్లకు గంతలు కట్టుకుని బెడ్‌ మేకింగ్‌ అలారం క్లాక్‌ల సాయంతో వారి నిద్ర నాణ్యతను అంచనా వేస్తారు వేక్‌ఫిట్‌ నిర్వాహకులు. ఇక్కడ మాధవ వావల్‌ ఈ పోటీలో 91.36 మార్కులు స్కోర్‌ చేసి తొలి స్థానంలో నిలిచింది. అలాగే ఆమె తోపాటు పాల్గొన్న మిగతా 15 మంది ఈ ఇంటర్న్‌షిప్‌ని పూర్తి చేసినందుకు గానూ ఒక్కొక్కరికి ఒక లక్ష్క చోప్పున నగదుని బహుమతిగా అందించారు. ఎలా దరఖాస్తు చేసుకోవాలంటే..?కనీస వయసు: దరఖాస్తు చేసుకునే సమయంలో 22 ఏళ్లు లేదా అంతకంటే ఎక్కువ వయసు ఉండాలి. ఎంట్రీ: ఒక్కసారి మాత్రమే దరఖాస్తు చేసుకోవాలిచేయు విధానం: దరఖాస్తు ఫామ్‌ని పూర్తిగి ఫిల్‌ చేయాల్సిందే అసంపూర్ణంగా సమర్పించిన దరఖాస్తులను పరగణించబడవుపోటీ జరుగు విధానం: తమ ఇళ్ల నుంచి ఎస్‌ఎంస్‌, ఇమెయిల్‌, వాట్సాప్‌ లేదా ఫోన్‌ కాల్‌ భాగస్వామ్యంతోఅలాగే పోటీదారుడి వివరాలను గోప్యంగానే ఉంచుతారు. ఆన్‌లైన్ ఫారమ్‌లు, వీడియో రెజ్యూమ్‌లు, ఇంటర్వ్యూల ద్వారా ఫైనలిస్ట్‌లను ఎంపిక చేస్తారు. కాగా, ఈస్లీప్‌ ఇంటర్న్‌షిప్‌ 2019 నుంచి ప్రారంభమైంది. ఇప్పటివరకు మొత్తం నాలుగు సీజన్‌లు పూర్తి చేసుకుంది. ప్రతి సీజన్‌లో లక్షలాది మంది ఈ ఇంటర్న్‌షిప్‌కి దరఖాస్తు చేసుకోవడం విశేషం. 60 రోజులు రాత్రుళ్లలలో కనీసం 9 గంటలు నిద్రపోవడాని ప్రయత్నించినవారే పెద్దమొత్తంలో నగదుని గెలుచుకుంటారు. ఇక ఈ ఏడాది గ్రేట్ ఇండియన్ స్లీప్ స్కోర్‌కార్డ్ ప్రకారం సుమారు 58% మంది భారతీయులు రాత్రి 11 గంటల తర్వాతే పడుకుంటారని, అందువల్ల ఉదయం అలసటను ఎదుర్కొటున్నట్లు పేర్కొంది. (చదవండి: నాన్నా నా పెళ్లిలో డ్యాన్స్‌ చేస్తావా..? ఆ మాటలే ఊపిరి పోశాయి..)

సాక్షి, హైదరాబాద్‌/సంగారెడ్డి : ప్రభుత్వ వైద్య కళాశాలల్లోని ఎంబీబీఎస్, డెంటల్‌ కోర్సుల్లో ఇంటర్న్‌షి ప్‌ చేస్తున్న వైద్య విద్యార్థులతోపాటు పీజీ వైద్యవిద్య అభ్యసిస్తున్న డాక్టర్లకు ప్రభుత్వం శుభవార్త చెప్పింది. ఇంటర్న్‌షి ప్‌ విద్యార్థులతోపాటు పీజీ డాక్టర్లు, సీనియర్‌ రెసిడెంట్ల స్టైపెండ్‌ను 15 శాతం పెంచుతున్నట్టు ప్రకటించింది. ఈ మేరకు జీవో 90ను విడుదల చేసూ ఆరోగ్యశాఖ కార్యదర్శి క్రిస్టినా జెడ్‌ చొంగ్తూ ఉత్వర్వులిచ్చారు. మరోవైపు పెంచిన స్టైపెండ్స్‌ను ఇకపై ప్రతి నెలా 10వ తేదీన చెల్లించాలని అధికారులను మంత్రి దామోదర ఆదేశించారు. ఈ మేరకు సంవత్సరానికి సరిపడా స్టైపెండ్స్‌ చెల్లించేందుకు అవసరమైన బీఆర్‌వోను (బడ్జెట్‌ రిలీజ్‌ ఆర్డర్‌) అధికారులు విడుదల చేశారు. పెండింగ్‌ స్టైపెండ్‌ బకాయిలను కూడా ప్రభుత్వం విడుదల చేసింది. పెరగనున్న స్టైపెండ్‌ ప్రస్తుతం హౌస్‌సర్జన్‌ (మెడికల్, డెంటల్‌)కు ప్రతినెలా రూ.25,906 స్టైపెండ్‌ ఉండగా, ఇక నుంచి ప్రతినెలా రూ.29,792 అందనుంది. పీజీ డాక్టర్లకు ఫస్ట్‌ ఇయర్‌లో రూ.58,289 ఉండగా, ఇక నుంచి రూ.67,032, సెకండ్‌ ఇయర్‌లో రూ.61,528 ఉండగా, ఇక నుంచి రూ.70,757, ఫైనల్‌ ఇయర్‌లో రూ.64,767 ఉండగా, ఇప్పటి నుంచి రూ. 74,482 స్టైపెండ్‌ ఆయా మెడికోలకు అందనున్నది. పీజీ డిప్లమో విద్యార్థులకు ఫస్ట్‌ ఇయర్‌లో రూ.58,289 ఉండగా, ఇక నుంచి రూ.67,032 స్టైపెండ్‌ రానున్నది. సెకండ్‌ ఇయర్‌లో రూ.61,528 ఉండగా, ఇక నుంచి రూ. 70,757 చొప్పున స్టైపెండ్‌ రానున్నది. సూపర్‌ స్పెషాలిటీ డాక్టర్లకు రూ.లక్ష పైనే.. మరోవైపు సూపర్‌ స్పెషాలిటీ డాక్టర్లకు ఫస్ట్‌ ఇయర్‌లో రూ.92575 ఉండగా, అది రూ. 1,06,461కి పెరిగింది. సెకండ్‌ ఇయర్‌లో రూ. 97,204 ఉండగా, ఇక నుంచి రూ.1,11,785 అందనుంది. థర్డ్‌ ఇయర్‌లో రూ.1,01,829 ఉండగా, ఇక నుంచి రూ, 1,17,103కి చేరనున్నది. ఎండీఎస్‌ ఫస్ట్‌ ఇయర్‌లో రూ.58,289 ఉండగా, ఇక నుంచి రూ. 67,032 ఇవ్వనున్నారు.సెకండ్‌ ఇయర్‌లో రూ. 61,528 ఉండగా, ఇక నుంచి రూ, 70,757, థర్డ్‌ ఇయర్‌లో రూ.64,767 ఉండగా, ఇక నుంచి రూ.74,482కి పెరగనున్నది. సీనియర్‌ రెసిడెంట్స్‌కు రూ.92,575 ఇక నుంచి రూ.1,06,461 చేరనున్నది. ప్రైవేట్‌ వైద్య కళాశాలల్లోని విద్యార్థులు తమకు కనీస స్టైపెండ్‌ కూడా ఇవ్వడం లేదని ఆందోళన వ్యక్తం చేస్తున్నారు. కళాశాలల వద్ద ఆందోళనలకు సిద్ధమవుతున్నారు. జూడాలతో చర్చలు సఫలంజూనియర్‌ డాక్టర్లతో మంత్రి దామోదర రాజనర్సింహ ఆదివారం జరిపిన చర్చలు సఫలమయ్యాయి. సంగారెడ్డిలోని తన నివాసానికి జూడాలను చర్చలకు ఆహ్వానించిన మంత్రి సుదీర్ఘంగా చర్చలు జరిపి వారి డిమాండ్లను అంగీకరించారు. జూడాల డిమాండ్లను దశల వారీగా నెరవేరుస్తామని మంత్రి స్పష్టం చేయడంతో వారు సమ్మెను తాత్కాలికంగా వాయిదా వేస్తూ నిర్ణయం తీసుకున్నారు. ఈ సమావేశంలో జూడాల సంఘం రాష్ట్ర ప్రధాన కార్యదర్శి డాక్టర్‌ అజయ్‌ కుమార్, జూడాల రాష్ట్ర అధ్యక్షుడు ఐజాక్‌ న్యూటన్, డాక్టర్లు కీర్తన ,గిరిప్రసాద్, సందీప్, అవినాశ్‌ పాల్గొన్నారు.

పీఎం ఇంటర్న్‌షిప్‌.. దేశంలోని టాప్‌ – 500 కంపెనీల్లో యువత శిక్షణ పొంది, ఉద్యోగాలకు అవసరమైన నైపుణ్యాలు సాధించేందుకు అద్భుతమైన వేదిక. మొదటి రౌండ్‌ మొత్తం పూర్తయిపోయి, రెండో రౌండ్‌ కూడా సగం పూర్తయింది. ఈ దశలో టాప్‌ – 4 రాష్ట్రాలలోనే సుమారు 50 వేల అవకాశాలు ఉన్నాయి. మొత్తం అవకాశాల్లో ఇవి దాదాపు 42 శాతం. అంటే.. పారిశ్రామికంగా అభివృద్ధి చెందినవీ, పట్టణ ప్రాంతాలు ఎక్కువగా ఉన్న రాష్ట్రాలు ఎక్కువ అవకాశాలు అందిస్తున్నాయి. మరో ఆసక్తికర అంశం ఏంటంటే.. తమిళనాడు, కర్ణాటక, గుజరాత్, మహారాష్ట్ర, తెలంగాణల్లో గ్రాడ్యుయేషన్‌ అభ్యర్థుల తరవాత అత్యధిక ఇంటర్న్‌షిప్‌లకు దరఖాస్తు చేసింది పది పాసైనవారు. ఆంధ్రప్రదేశ్‌లో మాత్రం గ్రాడ్యుయేషన్‌ తరవాత.. ఐటీఐ వాళ్లు ఎక్కువగా ఉన్నారు. దేశంలోని 21–24 ఏళ్ల మధ్య ఉండే యువత ఉద్యోగ సాధనకు అవసరమయ్యే పూర్తిస్థాయి నైపుణ్యాలను.. అత్యుత్తమ కంపెనీల ద్వారా యువతకు అందించేందుకు కేంద్ర ప్రభుత్వం 2024లో ప్రధానమంత్రి ఇంటర్న్‌షిప్‌ పథకం (పీఎంఐఎస్‌) తీసుకొచి్చంది. పదో తరగతి, ఇంటర్, ఐటీఐ, డిప్లొమా, డిగ్రీ వంటి చదువులు పూర్తిచేసిన విద్యార్థులకు శిక్షణతోపాటు, నెలకు రూ.5,000 చొప్పున స్టైపెండ్‌ కూడా ఈ పథకం ద్వారా అందిస్తారు. దీంతోపాటు కంపెనీలో చేరేముందు వన్‌టైమ్‌ గ్రాంట్‌ కింద రూ.6,000 కూడా చెల్లిస్తారు. ఏడాదిలో 6 నెలలు క్లాస్‌ రూమ్‌లో, 6 నెలలు క్షేత్రస్థాయిలో శిక్షణ ఉంటుంది. ఏడాదికి రూ.8 లక్షల వార్షికాదాయం కలిగిన కుటుంబాలకు చెందినవారు దీనికి అర్హులు.మొదటి రౌండ్‌లో.. ఈ ఏడాది మార్చిలో రాజ్యసభలో కేంద్ర కార్పొరేట్‌ వ్యవహారాల శాఖ చెప్పిన సమాధానం ప్రకారం.. 2024 అక్టోబర్‌లో ప్రారంభమైన పీఎంఐఎస్‌ పైలట్‌ ప్రాజెక్ట్‌ మొదటి రౌండ్‌లో... చివరికి 28,141 మంది ఆఫర్లు తీసుకుని ఆయా సంస్థల్లో శిక్షణకు హాజరయ్యారు. ఇందులో ఏపీ నుంచి 1,970, తెలంగాణ నుంచి 1,380 మంది ఉన్నారు. యూపీ నుంచి అత్యధికంగా 4,656 మంది, బిహార్‌ నుంచి 2,418 మంది స్వీకరించారు. మొదటి రౌండ్‌లో మొత్తం 1.27 లక్షల ఆఫర్లు రాగా.. వాటికోసం 6.21 లక్షల మంది దరఖాస్తు చేసుకున్నారు. కంపెనీలు 82,077 మందిని ఎంపిక చేసుకుని ఇంటర్న్‌షిప్‌ ఆఫర్‌ చేశాయి. గ్రాడ్యుయేషన్‌... ఐటీఐ ఈసారి ఇంటర్న్‌షిప్‌లకు వచి్చన దరఖాస్తుల్లో ప్రధాన రాష్ట్రాల్లో గ్రాడ్యుయేషన్‌ అభ్యర్థులు ఎక్కువగా ఉన్నారు. ఆ తరవాత పదో తరగతి అభ్యర్థులు ముందంజలో ఉండటం విశేషం. తమిళనాడు, మహారాష్ట్ర, కర్ణాటక, యూపీలలో ఇదే పరిస్థితి ఉంది. ఆంధ్రప్రదేశ్‌లో మాత్రం గ్రాడ్యుయేషన్‌ తరవాత ఐటీఐ వాళ్లు అధిక సంఖ్యలో ఉన్నారు. మే 20 నాటికి 4,710 దరఖాస్తులు వస్తే.. అందులో గ్రాడ్యుయేషన్‌ చేసినవాళ్లు 1,717 మంది కాగా, ఐటీఐ అభ్యర్థులు 1,040 మంది. అలాగే తెలంగాణలో 5,252 రాగా.. గ్రాడ్యుయేషన్‌ అభ్యర్థులు దాదాపు సగం అంటే.. 2,611 మంది ఉండటం విశేషం. రెండో రౌండ్‌లో.. రెండో రౌండ్‌లో కంపెనీల సంఖ్య పెరిగింది. మొదటి దశలో 280 వస్తే ఇప్పుడు 327 కంపెనీలు ముందుకొచ్చాయి. ఇవి సుమారు 1.19 లక్షల ఇంటర్న్‌షిప్‌ అవకాశాలు అందిస్తున్నాయి. దేశంలోని 36 రాష్ట్రాల్లోని 735 జిల్లాల్లో యువతకు.. 25 రంగాల్లో నైపుణ్యం పొందే అవకాశం లభించింది. ఈసారి ఈ అవకాశాన్ని అందిపుచ్చుకునేందుకు దేశంలోని ప్రధాన రాష్ట్రాల్లోని యువత పోటీపడ్డారు. మహారాష్ట్ర, తమిళనాడు, గుజరాత్, కర్ణాటక.. ఈ నాలుగు రాష్ట్రాల నుంచే దాదాపు 50 వేల మంది దరఖాస్తు చేసుకున్నారు. ఈసారి అత్యధిక ఇంటర్న్‌షిప్‌లు ఆఫర్‌ చేస్తున్న ప్రధాన రంగాలు.. చమురు, సహజవాయువు, ఇంధనం; పర్యాటకం, ఆతిథ్యం; బ్యాంకింగ్, ఆర్థిక సేవలు.. అత్యధిక ఇంటర్న్‌షిప్‌లు అందిస్తున్న టాప్‌ –3 రంగాలు.

హైదరాబాద్‌: హైదరాబాద్‌లో ఇంటర్న్‌షిప్‌ చేసేందుకు జార్ఖండ్‌ నుంచి వచ్చిన ఓ యువతిపై ఇద్దరు యువకులు లైంగిక దాడి కి పాల్పడిన ఘటన బాచుపల్లి పోలీస్‌స్టేష న్‌ పరిధిలో చోటు చేసుకుంది. ఈ విషయం ఆలస్యంగా వెలుగులోకి వచి్చంది. జార్ఖండ్‌ కు చెందిన యువతి (20) తమిళనాడులోని కలస లోకేషన్‌లింగం కాలేజీలో బయో మెడికల్‌ కోర్సు చదువుతోంది. అదే కాలేజీలో బాచుపల్లి హరితవనం కాలనీకి చెందిన అజయ్‌ (24) బీటెక్‌ చదువుతున్నాడు. దీంతో ఇద్దరి మధ్య పరిచయం ఏర్ప డింది. ఈ నేపథ్యంలో హైదరాబాద్‌లోని ఒక ఆసుపత్రిలో ఇంటర్న్‌íÙప్‌ చేయాలని యువతి నిర్ణయించుకుంది. దీంతో ఈ నెల 3న ఆమె హైదరాబాద్‌కు రాగా కూకట్‌పల్లిలోని ఓ ప్రైవేటు హాస్టల్‌లో ఆమెను అజయ్‌ ఉంచాడు. అదేరోజు సాయంత్రం పార్టీ చేసుకుందామని ఆమెను బాచుపల్లి పోలీస్‌స్టేషన్‌ పరిధిలోని రాజీవ్‌ గృహకల్పలో ఉన్న తన స్నేహితుడు హరి ఇంటికి తీసుకెళ్లాడు. ముగ్గురు కలిసి అర్ధరాత్రి వరకు మద్యం సేవించిన అనంతరం అజయ్‌ యువతిపై లైంగిక దాడి చేశాడు. తర్వాత హరి కూడా యువతిపై లైంగిక దాడి చేయటానికి ప్రయతి్నంచగా యువతి కేకలు వేసింది. దీంతో చుట్టు పక్కలవారు పోలీసులకు సమాచారం ఇచ్చారు. ఘటనా స్థలానికి చేరుకున్న పోలీసులు ముగ్గురిని అదుపులోకి తీసుకున్నారు. విచారణæ అనంతరం 4వ తేదీన అజయ్, హరిని అరెస్ట్‌ చేసి రిమాండ్‌కు తరలించారు. యువతికి వైద్య పరీక్షలు నిర్వహించి సురక్షితంగా స్వస్థలానికి వెళ్లేందుకు సహాయం చేశారు. ఓ బైక్, మద్యం బాటిల్, ఇతర సామగ్రిని సీజ్‌ చేశారు.

బెంగళూరులోని జొమాటో డెలివరీ ఎగ్జిక్యూటివ్ ఒకరు.. ఫుడ్ ఆర్డర్‌లో చేతితో రాసిన నోట్‌ను వేసి, సమ్మర్ ఇంటర్న్‌షిప్ కోసం తనను తాను ప్రపోజ్ చేసుకున్నాడు. ఇది ప్రస్తుతం నెట్టింట్లో వైరల్ అవుతోంది. నెటిజన్లు ఇతడు చేసిన పనిని తెగ ప్రశంసిస్తున్నారు.డెలివరీ ఎగ్జిక్యూటివ్ చేతితో రాసిన నోట్‌లో.. తాను మార్కెటింగ్ ఇంటర్న్‌షిప్ కోసం వెతుకుతున్న కాలేజీ విద్యార్థిగా పేర్కొన్నాడు. నోట్ అందుకున్న వారు తగిన అవకాశం ఉంటే తనను సంప్రదించాలని ఫోన్ నెంబర్ కూడా అందులో రాశాడు. ఈ నోట్‌కు సంబంధించిన ఫోటోను.. బెంగళూరులో సొల్యూషన్స్ ఇంజనీర్ నిఖిల్ లింక్డ్ఇన్‌లో షేర్ చేశారు.జొమాటో డెలివరీ ఏజెంట్ ధైర్యం చూసి నిఖిల్ ఆశ్చర్యపోయాడు. డెలివరీలు చేసే హడావిడిలో కూడా తాను.. చేతితో రాసిన నోట్ ద్వారా ఉద్యొగావకాశం కోసం సెర్చ్ చేయడం గొప్ప విషయం అని అన్నారు. డెలివరీ ఏజెంట్ మీద చాలా గౌరవం ఏర్పడిందని మరొకరు కామెంట్ చేయగా. తాను ఆశించినట్లే.. ఇంటర్న్‌షిప్‌ లభిస్తుందని ఇంకొకరు అన్నారు. ఇలా ఎవరికి తోచిన రీతిలో వారు కామెంట్స్ చేస్తున్నారు.ఇదీ చదవండి: బంగారం, వెండి కొని ధనవంతులు కండి: రిచ్‌డాడ్‌ పూర్‌ డాడ్‌ రచయిత

పరిశ్రమకు అవసరమైన నైపుణ్యాల్లో యువ ప్రొఫెషనల్స్‌కు శిక్షణ కల్పించడంపై కంపెనీలు ప్రధానంగా దృష్టి పెడుతుండటంతో గత మూడేళ్లలో ఇంటర్న్‌షిప్‌ అవకాశాలు రెట్టింపు అయినట్లు గ్లోబల్‌ జాబ్‌సైట్‌ ఇండీడ్‌ ఒక నివేదికలో వెల్లడించింది.ఇండీడ్‌ తెలిపిన డేటా ప్రకారం 2022 ఫిబ్రవరి నుంచి 2025 ఫిబ్రవరి మధ్య కాలంలో దేశీయంగా ఇంటర్న్‌షిప్‌ పోస్టింగ్స్‌ 103 శాతం పెరిగినట్లు తెలిపింది. ఏఐ, డేటా అనలిటిక్స్, డిజిటలీకరణ పెరుగుతున్న నేపథ్యంలో ప్రత్యక్షంగా ఉద్యోగ విధుల నిర్వహణపరమైన అనుభవాన్ని అందించడంతో పాటు ప్రతిభావంతులను గుర్తించి, వారికి ముందు నుంచే శిక్షణ కల్పించేందుకు కంపెనీలు ఇంటర్న్‌షిప్‌లను ఉపయోగించుకుంటున్నాయి.ఇదీ చదవండి: అనిశ్చితులున్నా ఎగుమతులు మిన్నఇంటర్న్‌షిప్‌ సెర్చ్‌లో ఢిల్లీ, కర్ణాటక, మహారాష్ట్ర అగ్రస్థానంలో ఉన్నాయి. మొత్తం సెర్చ్‌లలో వీటి వాటా వరుసగా 7.2 శాతం, 6.8 శాతం, 6.2 శాతంగా ఉంది. దేశీయంగా సగటున ఇంటర్న్‌షిప్‌ స్టైపెండ్‌ నెలకు రూ.25,432గా ఉంది. అయితే, హైదరాబాద్, బెంగళూరు, ముంబై, పుణె, గుర్గావ్‌ వంటి నగరాల్లో సంస్థలు జాతీయ సగటుకు మించి స్టైపెండ్‌లు అందిస్తున్నాయి. ఈ విషయంలో చెన్నై, కోల్‌కతా తదితర నగరాలు చివరి వరుసలో ఉన్నాయి.

సాక్షి, తిరుపతి సిటీ/చీపురుపల్లి/గన్నవరం: బ్యాచ్‌లర్‌ ఆఫ్‌ వెటర్నరీ సైన్స్‌ ఇంటర్న్‌షిప్‌ చేస్తున్న తాము కూడా మెడికోలతో సమానమేనని, వారికి ఇస్తున్నట్లుగానే తమకు రూ.25 వేలు స్టైఫండ్‌ ఇవ్వాలని కోరుతూ తిరుపతి సహా రాష్ట్ర వ్యాప్తంగా గరివిడి, ప్రొద్దుటూరు, గన్నవరంలలో ఫిబ్రవరి 3 నుంచి తరగతులు బహిష్కరించి నిరసన దీక్షలు చేపట్టిన బీవీఎస్‌ విద్యార్థులు, బుధవారం తమ ఆందోళనను మరింత తీవ్రతరం చేశారు. హాస్టళ్లను మూసివేయాలన్న అధికారుల నిర్ణయం వారి ఆగ్రహం మరింత కట్టలు తెంచుకునేలా చేసింది. హాస్టళ్లను మూసివేసి బయటకు గెంటి, ఆకలి బాధల్లోకి నెట్టినా తమ సమస్యల పరిష్కారం అయ్యే వరకూ పోరాటం ఆపబోమని స్పష్టం చేశారు. వర్సిటీ దిగ్బంధం తిరుపతి ఎస్వీ వెటర్నరీ వర్సిటీలో తీవ్ర ఉద్రిక్త పరిస్థితులు నెలకొన్నాయి. సర్క్యులర్‌కు అనుగుణంగా ఉదయం ఒక్కసారిగా విద్యార్థుల హాస్టళ్లను మూసివేసి బయటకు గెంటివేశారు. దీంతో ఆగ్రహించిన విద్యార్థులు, వర్సిటీలోకి అధికారులను, అధ్యాపకులను, ఉద్యోగులను ప్రవేశించకుండా దిగ్బంధం చేశారు. దీంతో అధికారులు, ఉ­ద్యో­గులు విధులకు వెళ్లకుండా వర్సిటీ ప్రధాన ద్వారం వ­ద్ద గంటల తరబడి వేచి ఉండాల్సిన పరిస్థితి ఉత్పన్నమైంది. కాగా బుధవారం రాత్రి తాజాగా వెటర్నరీ జూనియర్‌ డాక్టర్లతో అధికారులు, పోలీసులు జరిపిన సుదీర్ఘ చర్చలు ఎట్టకేలకు ఫలించాయి. విద్యార్థుల వసతి గృహాలను తిరిగి ప్రారంభించేందుకు అధికారులు సుముఖతను వ్యక్తం చేశారు. దీంతో వైద్య విద్యార్థులు వర్సిటీ దిగ్బంధ ఆందోళనను విరమించుకున్నారు. అయితే గౌరవ వేతనాన్ని పెంచేంతవరకూ సమ్మెను యథాతథంగా కొనసాగిస్తామని వెటర్నరీ జూడాలు తేల్చిచెప్పడం గమనార్హం. ఎక్కడ ఉండాలి.. ఏం తినాలి?కాగా, హాస్టల్‌ మూసివేస్తే తామంతా ఎక్కడ ఉండాలి.. ఏం తినాలి.. అంటూ విజయనగరం జిల్లా గరివిడి మండలంలోని శ్రీ వెంకటేశ్వర పశు విశ్వవిద్యాలయం విద్యార్థులు ఆవేదన వ్యక్తం చేశారు. విజయనగరం–పాలకొండ ప్రధాన రోడ్డులో ఉన్న యూనివర్సిటీ ప్రధాన గేటుకు అడ్డంగా బైఠాయించారు. యూనివర్సిటీలోకి అధ్యాపకులు, సిబ్బంది వెళ్లకుండా అడ్డుకున్నారు. సమాచారం తెలుసుకున్న పోలీసులు ఘటనా స్థలానికి చేరుకున్నారు. వర్సిటీ అసోసియేట్‌ డీన్‌ ఎం.శ్రీనివాసరావు పలుమార్లు విద్యార్థులతో మాట్లాడగా 11 గంటలకు అధ్యాపకులు, సిబ్బందిని లోపలకు వెళ్లేందుకు అంగీకరించారు. ఖాళీ కంచాలు, గరిటెలతో వినూత్న నిరసన మరోవైపు కృష్ణాజిల్లా గన్నవరంలోని ఎన్టీఆర్‌ పశువైద్య కళాశాల విద్యార్థులు తమ ఆందోళనను తీవ్రతరం చేశారు. ప్రభుత్వ నిర్లక్ష్య వైఖరికి నిరసనగా బుధవారం ఉదయం కళాశాల ప్రధాన గేట్లను మూసివేసి బోధన, బోధనేతర సిబ్బందిని లోపలికి రాకుండా అడ్డుకున్నారు. ఈ విషయం తెలుసుకున్న గన్నవరం సీఐ శివప్రసాద్‌ నేతృత్వంలో పోలీసు సిబ్బంది అక్కడికి చేరుకుని విద్యార్థులతో చర్చలు జరిపినప్పటికీ ప్రయోజనం లేకపోయింది. ప్రభుత్వ తీరును వ్యతిరేకిస్తూ ఖాళీ కంచాలను గరిటెలతో మోగిస్తూ విద్యార్థులు వినూత్న నిరసనకు దిగారు.

సాక్షి, ఎడ్యుకేషన్‌: దేశంలోని యువతకు ఉద్యోగ సాధన కోసం అవసరమయ్యే క్షేత్రస్థాయి నైపుణ్యాలను అందించేందుకు కేంద్ర ప్రభుత్వం గత ఏడాది అమల్లోకి తెచ్చిన ప్రధాన మంత్రి ఇంటర్న్‌షిప్‌ స్కీమ్‌ (పీఎంఐఎస్‌)కు ఆదరణ లభిస్తోంది. పదో తరగతి, ఇంటర్మిడియెట్, ఐటీఐ, డిప్లొమా, డిగ్రీ వంటి కోర్సులు పూర్తి చేసిన విద్యార్థులకు ఆన్‌ జాబ్‌ ట్రైనింగ్‌ అవకాశం కల్పించడంతోపాటు నెలకు రూ.5 వేలు చొప్పున స్టైపెండ్‌ కూడా అందించడం ఈ పథకం ప్రత్యేకత. ఏడాది పాటు ఉండే ఈ ఇంటర్న్‌షిప్‌ను పెద్ద పెద్ద కార్పొరేట్‌ కంపెనీల్లోనూ పూర్తి చేసే అవకాశం ఉండటం గమనార్హం. దీనివల్ల తగిన నైపుణ్యాలు సమకూరి, మంచి ఉద్యోగంలో స్థిరపడేందుకు అవకాశం ఉంటుంది.28,141 మందికి శిక్షణ కేంద్రం గతేడాది బడ్జెట్‌లో ఆమోదం లభించి, అక్టోబర్‌ నుంచి అమల్లోకి వచ్చిన పీఎం ఇంటర్న్‌షిప్‌ స్కీమ్‌ తొలి దశలో 28,141 మందికి ఇంటర్న్‌షిప్‌ అవకాశాలు లభించాయి. ఈ స్కీమ్‌ కింద దేశంలో ఏటా 1.25 లక్షల మంది యువతకు ఇంటర్న్‌షిప్‌ అవకాశాలు కల్పించాలని లక్ష్యంగా పెట్టుకున్నారు. పైలట్‌ ప్రాజెక్ట్‌లో భాగంగా భాగస్వామ్య సంస్థల నుంచి 1.27 లక్షల ఆఫర్లు వచ్చాయి. వాటి కోసం 6.21 లక్షల మంది దరఖాస్తు చేసుకోగా.. 82,077 మందిని కంపెనీలు ఎంపిక చేసుకుని ఇంటర్న్‌షిప్‌ ఆఫర్‌ చేశాయి. అయితే 28,141 మంది మాత్రమే ఆఫర్లను తీసుకుని ఆయా సంస్థల్లో శిక్షణకు హాజరయ్యారు.24 రంగాల సంస్థల్లో అవకాశాలుపీఎం ఇంటర్న్‌షిప్‌ స్కీమ్‌లో భాగంగా 24 రంగాలకు చెందిన సంస్థలు అభ్యర్థులకు ఇంటర్న్‌షిప్‌ను అందిస్తున్నాయి. బీఎఫ్‌ఎస్‌ఐ, హాస్పిటాలిటీ, ఆటోమోటివ్, ఎఫ్‌ఎంసీజీ, మ్యాన్యుఫ్యాక్చరింగ్‌ రంగాలకు చెందిన ప్రముఖ సంస్థలు కూడా ఇందులో భాగస్వాములుగా ఉన్నాయి. ఇన్ఫోసిస్, విప్రో, టీసీఎస్‌ వంటి ప్రముఖ సాఫ్ట్‌వేర్‌ సంస్థలతోపాటు హెచ్‌డీఎఫ్‌సీ, ఐసీఐసీఐ వంటి బ్యాంకింగ్‌ రంగ సంస్థలు, పలు ప్రభుత్వ రంగ సంస్థలు కూడా ఉండటం గమనార్హం.ట్రెయినీలకు స్టైఫండ్‌ కూడా.. పీఎం ఇంటర్న్‌షిప్‌ స్కీమ్‌ కింద ఎంపికై వివిధ సంస్థల్లో చేరినవారికి కేంద్ర ప్రభుత్వం స్టైఫండ్‌ ఇస్తుంది. తొలి దశలో 28,141 మంది ఇంటర్న్‌ ట్రైనీల బ్యాంకు ఖాతాల్లో వన్‌ టైమ్‌ గ్రాంట్‌ కింద రూ.4.38 కోట్లు, 2024 డిసెంబర్‌ వరకు రూ.1.3 కోట్ల స్టైఫండ్‌ను జమ చేసినట్లు కేంద్ర కార్పొరేట్‌ వ్యవహారాల శాఖ ప్రకటించింది.పీఎంఐఎస్‌కు అర్హతలివీ.. పీఎం ఇంటర్న్‌షిప్‌ పథకం కోసం దరఖాస్తు చేసుకునేవారు 21 ఏళ్ల నుంచి 24 ఏళ్ల మధ్య వయసులో ఉండాలి. వారి కుటుంబ వార్షికాదాయం రూ. 8 లక్షల లోపు ఉండాలి. ఎలాంటి ఉద్యోగం లేని యువతకు వారి విద్యార్హతలకు తగినట్టుగా ఏడాది పాటు ఆన్‌ జాబ్‌ ఆన్‌ ట్రైనింగ్‌/ఇంటర్న్‌షిప్‌ కల్పిస్తారు. ఐదేళ్ల వ్యవధిలో కోటి మంది యువతకు దేశంలోని టాప్‌–500 కంపెనీల్లో ఇంటర్న్‌షిప్‌ అవకాశాలు కల్పించాలని కేంద్రం లక్ష్యంగా పెట్టుకుంది. ఇంటర్న్‌షిప్‌కు ఎంపికైనవారికి నెలకు రూ.5 వేలు స్టైపెండ్‌ ఇస్తారు. ఇందులో రూ.4.5 వేలను కేంద్ర ప్రభుత్వం, మరో రూ.500ను ఆయా సంస్థలు సీఎస్‌ఆర్‌ కింద భరిస్తాయి.విస్తృతం చేయాలి.. పీఎం ఇంటర్న్‌షిప్‌ స్కీమ్‌ను టాప్‌–500 సంస్థలకేకాకుండా ఇతర సంస్థలకు కూడా విస్తరింపజేయాలి. దీనివల్ల ఔ త్సాహికులు తమ సమీప ప్రాంతాల్లోని సంస్థల్లో ఇంటర్న్‌షిప్‌ చేసే అవకాశం మెరుగవుతుంది. సుదూర ప్రాంతాల్లోని సంస్థల్లో ఇంటర్న్‌ ట్రైనీగా అవకాశం లభించినా.. నివాస ఖర్చులు, ఇతర కోణాల్లో ఆసక్తి చూపని పరిస్థితి ఉంది. మరోవైపు విద్యార్థులు కూడా వ్యక్తిగత హద్దులు ఏర్పరచుకుని మెలగడం కూడా సరికాదని, అవకాశమున్న చోటికి వెళ్లాలని గుర్తించాలి. – టి.మురళీధరన్, టీఎంఐ నెట్‌వర్క్‌ చైర్మన్‌ఏపీలో 4,973, తెలంగాణలో 7,913 మందికి చాన్స్‌జాతీయ స్థాయిలో అమలు చేస్తున్న ఈ స్కీమ్‌లో తెలుగు రాష్ట్రాలకు సంబంధించి ఆంధ్రప్రదేశ్‌లో 4,973 మందికి, తెలంగాణలో 7,913 మందికి ఇంటర్న్‌షిప్‌ ఆఫర్లు వచ్చాయి. మొత్తంగా తమిళనాడుకు చెందినవారికి అత్యధికంగా 14,585 మందికి ఇంటర్న్‌షిప్‌ ఆఫర్‌ లభించింది. మహరాష్ట్ర (13,664 ఆఫర్లు), గుజరాత్‌ (11,690 ఆఫర్లు), కర్ణాటక (10,022 ఆఫర్లు), ఉత్తరప్రదేశ్‌ (9,027) తర్వాతి స్థానాల్లో ఉన్నాయి.మొత్తం 36 రాష్ట్రాలు, కేంద్ర పాలిత ప్రాంతాలు కలిపి 1,27,508 ఆఫర్లు అందుబాటులో ఉన్నట్టు పేర్కొన్న కంపెనీలు.. 82,077 మందిని ఇంటర్న్‌షిప్‌ కోసం ఎంపిక చేశాయి.రెండో దశకు దరఖాస్తులు షురూ..⇒ పీఎం ఇంటర్న్‌షిప్‌ స్కీమ్‌ రెండో దశ దరఖాస్తుల ప్రక్రియ కూడా మొదలైంది. ఇందులో 1,26,557 అవకాశాలు అందుబాటులో ఉంచారు. వీటిలో ఆంధ్రపదేశ్‌కు 4,715; తెలంగాణకు 5,357 కేటాయించారు. అభ్యర్థులు https://pminternship.mca.gov.in/login/ వెబ్‌సైట్‌లో తమ వివరాలు నమోదు చేసుకోవాలి. తమ అర్హతలు, ఆసక్తి ఉన్న రంగాలను ఎంచుకోవాలి.⇒ఈ స్కీమ్‌లో అర్హతల వారీగా అవకాశాల సంఖ్యను సైతం పేర్కొన్నారు. డిగ్రీ పూర్తిచేసిన వారికి 36,901, టెన్త్‌ చదివిన వారికి 24,696, ఐటీఐ ఉత్తీర్ణులకు 23,269, డిప్లొమా ఉత్తీర్ణులకు 18,589; ఇంటర్మిడియెట్‌ / 12వ తరగతి ఉత్తీర్ణులకు 15,412 అవకాశాలను అందుబాటులో పెట్టారు. రెండో దశలో అభ్యర్థులకు ఇవి అందుబాటులో ఉంటాయి.

కంగ్టి(నారాయణఖేడ్‌): విద్యార్థులతో ఎలాంటి పనులు చేయించరాదన్న నిబంధనలున్నా సంబంధిత విద్యాసంస్థల సిబ్బంది యథేచ్ఛగా ఉల్లంఘిస్తున్నారు. కంగ్టి మండలం గిరిజన బాలుర రెసిడెన్షియల్‌ కళాశాల వసతిగృహంలో విద్యార్థులతో అల్పాహారాన్ని వండించిన విషయం గురువారం బయటకు వచ్చింది. దీనిపై ప్రిన్సిపాల్‌ విజయ్‌ను వివరణ కోరగా.. అల్పాహారం తయారీలో విద్యార్థుల సహా యం తీసుకొంటామని స్పష్టం చేశారు. ఈ విషయం మీడియా ద్వారా జిల్లా కలెక్టర్‌కు చేరడంతో.. నారాయణఖేడ్‌ ఆర్డీవో అశోక్‌ చక్రవర్తిని విచారణకు ఆదేశించారు. ఈ మేరకు ఆర్డీవో కళాశాలను సందర్శించి విద్యార్థులు, సిబ్బందిని అడిగి విషయాలు తెలుసు కున్నారు. నివేదికను కలెక్టర్‌కు సమర్పించనున్నట్లు ఆర్డీవో తెలిపారు. ఆయన వెంట తహసీల్దార్‌ నజీమోద్దిన్, డీటీ జుబేర్‌ అహ్మద్, సీనియర్‌ అసిస్టెంట్‌ తాజోద్దిన్‌ ఉన్నారు. వడ వద్దన్నందుకు చితకబాదాడుకొందుర్గు: కడుపునొప్పిగా ఉందని, వడ తింటే పడటం లేదని చెప్పినా వినకుండా తినాల్సిందేనంటూ ఓ గురుకుల పాఠశాల ప్రిన్సిపల్‌ విద్యార్థి వీపుపై వాతలు తేలేలా కొట్టారు. విద్యార్థులు, వారి తల్లిదండ్రులు తెలిపిన ప్రకారం.. రంగారెడ్డి జిల్లా కొందుర్గు సాంఘిక సంక్షేమ గురుకుల పాఠశాలలో గురువారం ఉదయం అల్పాహారంగా వడ వడ్డించారు. కడుపునొప్పితో బాధపడుతున్న 9వ తరగతి విద్యార్థి సందీప్‌ వడ తినడానికి ఇష్టపడలేదు. దీంతో వడ వద్దంటావా అంటూ ప్రిన్సిపల్‌ మహ్మద్‌ కుర్షీద్‌ విద్యార్థి వీపుపై వాతలు వచ్చేలా కర్రతో చితకబాదారు. అనంతరం మధ్యాహ్న భోజన సమయంలో డైనింగ్‌ హాల్‌లోకి వెళ్లిన ప్రిన్సిపాల్‌.. అక్కడ విద్యార్థులు కూరగాయల తొక్కలు కింద పడేయడాన్ని గమనించారు. వాటిని తిరిగి ప్లేట్లలో వేయించి విద్యార్థులతోనే తినిపించారు. కాగా, తమ అబ్బాయిని కొట్టిన విషయం తెలుసుకున్న సందీప్‌ తల్లిదండ్రులు మహేశ్వరి, యాదయ్య ప్రిన్సిపల్‌తో గొడవకు దిగారు. దీంతో తప్పయిందని ఆయన అంగీకరించారు. షాద్‌నగర్‌ ఎమ్మెల్యే వీర్లపల్లి శంకర్‌ బుధవారం ఈ విద్యాసంస్థను తనిఖీ చేసిన మర్నాడే ఈ ఘటన జరగడం గమనార్హం. ఏక్‌ నిరంజన్‌ప్రభుత్వ బడుల్లో విద్యార్థుల హాజరుశాతాన్ని పెంచాలంటూ ఉన్నతాధికారులు, ప్రభుత్వం పదేపదే ఆదేశిస్తున్నా.. క్షేత్రస్థాయిలో పరిస్థితుల్లో మాత్రం మార్పు రావడం లేదు. అందుకు ఆదిలాబాద్‌ (Adilabad) రూరల్‌ మండలంలోని సాలేవాడ ప్రాథమిక పాఠశాలనే నిదర్శనం. ఈ బడిలో మొత్తం 13 మంది విద్యార్థులు ఉండగా ఉదయం 10 గంటలకు పాఠశాలను ‘సాక్షి’ సందర్శించిన సమయంలో కేవలం ఒకే ఒక విద్యార్థి ఉండగా టీచర్‌ ఆ విద్యార్థికి బోధిస్తుండటం గమనార్హం. – సాక్షి స్టాఫ్‌ ఫొటోగ్రాఫర్, ఆదిలాబాద్‌‘పీఎం ఇంటర్న్‌షిప్‌’ దరఖాస్తుకు మార్చి 10 గడువుసాక్షి, హైదరాబాద్‌: భారత కార్పొరేట్‌ వ్యవహారాల మంత్రిత్వ శాఖ ద్వారా అమలు చేస్తున్న ప్రధానమంత్రి ఇంటర్న్‌షిప్‌ పథకం (Prime Minister Internship Scheme) కింద మార్చి 10వ తేదీ వరకు దరఖాస్తులు స్వీకరించనున్నట్లు పరిశ్రమల శాఖ సంచాలకుడు జి.మల్సూర్‌ ఒక ప్రకటనలో తెలిపారు. ఈ పథకం కింద అర్హత సాధించిన విద్యార్థులకు 12 నెలలకు రూ.6 వేలు ఒకేసారి బ్యాంకు ఖాతాలో నేరుగా జమచేయనున్నట్లు వెల్లడించారు.దరఖాస్తు చేసుకునే విద్యార్థుల వయసు 21 నుంచి 24 సంవత్సరాల మధ్య ఉండాలని, ఈ ఇంటర్న్‌షిప్‌కు ఎంపికైన విద్యార్థులకు ఆరు నెలల పాటు ఉపాధి శిక్షణ కార్యక్రమాలు నిర్వహిస్తారన్నారు. దరఖాస్తు చేసే విద్యార్థులు పదోతరగతి, ఇంటర్మీడియట్, ఐటీఐ, పాలిటెక్నిక్‌ డిప్లొమా, డిగ్రీలలో ఏదైనా పూర్తి చేసి ఉండాలని, వారి కుటుంబ వార్షికాదాయం రూ.8 లక్షలలోపు ఉండాలని పేర్కొన్నారు. మరిన్ని వివరాలకు ‘పీఎంఇంటర్న్‌షిప్‌.ఎంసీఏ.జీఓవీ.ఇన్‌’ వెబ్‌సైట్‌ ద్వారా లాగిన్‌ అయి దరఖాస్తును పూరించాలని సూచించారు.

ప్రపంచ బ్యాంకు(World Bank)లో పనిచేస్తూ కెరియర్‌ను ప్రారంభించాలని చూస్తున్నారా? ఎకనామిక్స్, ఫైనాన్స్, హ్యూమన్ డెవలప్‌మెంట్‌, సోషల్ సైన్సెస్, అగ్రికల్చర్, ఎన్విరాన్‌మెంట్‌, ఇంజినీరింగ్, అర్బన్ ప్లానింగ్.. వంటి ఎన్నో రంగాల్లో అనుభవం పొందడానికి విద్యార్థులు, గ్రాడ్యుయేట్లకు ‘ప్రపంచ బ్యాంక్ ఇంటర్న్‌షిప్‌ ప్రోగ్రామ్ 2025’ ద్వారా అవకాశం కల్పిస్తున్నారు. ఈ ప్రోగ్రామ్‌కు సంబంధించిన కొన్ని విషయాలు తెలుసుకుందాం.అర్హతలు ఇవే..ప్రపంచ బ్యాంక్ ఇంటర్న్‌షిప్‌ ప్రోగ్రామ్ 2025కు అర్హత సాధించడానికి అభ్యర్థులు అండర్ గ్రాడ్యుయేట్ డిగ్రీ పూర్తి చేసుండాలి. లేదా ఫుల్ టైమ్ గ్రాడ్యుయేషన్‌ ప్రోగ్రామ్‌లో చేరాలి. ఇంగ్లిష్‌లో పట్టు ఉండాలి. కంప్యూటింగ్, ఇతర సాంకేతిక నైపుణ్యాలు కలిగి ఉండాలి. ఫ్రెంచ్, స్పానిష్, రష్యన్, అరబిక్, పోర్చుగీస్, చైనీస్ వంటి అదనపు ల్యాంగ్వేజీలపై పట్టు ఉంటే ఈ ప్రోగ్రామ్‌కు ఎంపికయ్యే అవకాశాలు అధికంగా ఉంటాయి.స్టైపెండ్, అలవెన్సులు, దరఖాస్తు ప్రక్రియఈ ప్రోగ్రామ్‌లో చేరిన ఇంటర్న్‌లకు గంటలవారీగా స్టైపెండ్‌, అలవెన్స్‌లు ఉంటాయి. ఇంటర్న్‌షిప్‌ మేనేజర్ విచక్షణ మేరకు అభ్యర్థులు ప్రయాణ ఖర్చుల కింద 3,000 డాలర్ల వరకు అలవెన్స్‌లు అందుకోవచ్చు. దరఖాస్తు ప్రక్రియ 2025 ఫిబ్రవరి 14 వరకు కొనసాగుతుంది. ఆన్‌లైన్‌లో ప్రపంచ బ్యాంక్‌ అధికారిక వెబ్‌సైట్‌లోని వివరాల ప్రకారం రెజ్యూమె అప్‌లోడ్‌ చేయాల్సి ఉంటుంది.ఇదీ చదవండి: మార్కెట్‌ పతనానికి కారణం ఈ వ్యాఖ్యలేనా..?ఎంపిక విధానంఇంటర్న్‌షిప్‌లో చేరాలనుకునే అభ్యర్థులను వెబ్‌సైట్‌లో అప్‌లోడ్‌ చేసిన వివరాల ప్రకారం షార్ట్‌లిస్ట్‌ చేస్తారు. వారికి 2025 మార్చి నెలాఖరులోగా నోటిఫికేషన్ జారీ చేస్తారు. తర్వాత ఇంటర్వ్యూ ఉంటుంది. 2025 ఏప్రిల్‌లో తుది ఎంపిక ఉంటుంది. 2025 మేలో ఇంటర్న్‌ గ్రూప్‌ ప్రారంభం అవుతుంది. ఇంటర్న్‌షిప్‌ వ్యవధి 2025 మే నుంచి ఆగస్టు వరకు ఉంటుంది.

న్యూఢిల్లీ: యువతకు ఉపాధి అవకాశాలు మెరుగుపరచడమే లక్ష్యంగా కేంద్ర ప్రభుత్వం కొత్తగా ఇంటర్న్‌షిప్‌ పథకాన్ని తీసుకొచ్చి0ది. ఏటా రూ.66,000 మేర ఆర్థికసాయం అందించనుంది. ఐదేళ్లకాలంలో మొత్తంగా కోటి మంది 21–24 ఏళ్ల యువత ఈ పథకం ద్వారా లబ్ధిపొందనున్నారని కేంద్రప్రభుత్వం గురువారం ప్రకటించింది. 2024–25 ఆర్థికసంవత్సరంలో తొలుత పైలట్‌ ప్రాజెక్ట్‌ కింద ప్రభుత్వం ఈ పథకం కోసం రూ.800 కోట్లు ఖర్చుచేయనుంది. ఈ ఆర్థికసంవత్సరంలో డిసెంబర్‌ రెండో తేదీన ప్రారంభమయ్యే ఈ పథకం ద్వారా 1,25,000 మంది లబి్ధపొందే వీలుందని విశ్వసనీయ వర్గాలు వెల్లడించాయి. టాప్‌ కంపెనీల్లో ఇంటర్న్‌షిప్‌ చేసే యువతకు బీమా సౌకర్యం సైతం కల్పించనున్నారు. కేంద్ర కార్పొరేట్‌ వ్యవహారాల శాఖ ఆధ్వర్యంలో పనిచేసే pminternship.mca.gov.inలో యువత ఈ పథకం కోసం దరఖాస్తు చేసుకోవాల్సి ఉంటుంది. రూ.6,000 అదనం నెలకు రూ.5,000 చొప్పున ఏడాదికి రూ.60,000 ఆర్థికసాయం అందనుంది. దీనికి అదనంగా ఏడాదిలో ఒకసారి రూ.6,000 గ్రాంట్‌ ఇవ్వనున్నారు. దీంతో ఏడాదికి ప్రతి లబ్ధి దారుడు రూ. 66,000 లబ్ధి పొందనున్నారు. ఈ వెబ్‌పోర్టల్‌లో అక్టోబర్‌ 12వ తేదీ నుంచి 25వ తేదీలోపు అందుబాటులో ఉన్న సమాచారంతో దరఖాస్తులను నింపొచ్చు. వీటిని అక్టోబర్‌ 26వ తేదీన షార్ట్‌లిస్ట్‌ చేస్తారు. తర్వాత అభ్యర్థులను అక్టోబర్‌ 27వ తేదీ నుంచి నవంబర్‌ 7వ తేదీలోపు కంపెనీలు ఎంపిక చేస్తాయి. ఎంపికైన అభ్యర్థు లు తమ నిర్ణయాన్ని నవంబర్‌ 8–15ల మధ్య తెలపాల్సి ఉంటుంది. ఒక్కో అభ్యర్థికి గరిష్టంగా మూడు ఆఫర్స్‌ ఇస్తారు. టాప్‌ 500 కంపెనీల ఎంపిక గత మూడేళ్లలో కార్పొరేట్‌ సామాజిక బాధ్యత(సీఎస్‌ఆర్‌) నిధి పథకంలో భాగంగా తమ నికరలాభాల్లో కొంతమేర సమాజసేవ కోసం సవ్యంగా ఖర్చుచేసిన టాప్‌ 500 కంపెనీలను ఈ పథకం కోసం కేంద్రం ఎంపికచేస్తుంది. రిజర్వేషన్లూ వర్తిస్తాయి! అభ్యర్థుల ఎంపికలో రిజర్వేషన్లనూ వర్తింపజేస్తారని విశ్వసనీయ వర్గాలు వెల్లడించాయి. ఇప్పటికే అలెంబిక్, మహీంద్రా అండ్‌ మహీంద్రా, మ్యాక్స్‌ లైఫ్‌ ఇన్సూరెన్స్‌లు 1,077 ఆఫర్లను ఇప్పటికే ప్రకటించాయని సంబంధిత వర్గాలు తెలిపాయి.

న్యూఢిల్లీ: దేశంలో భారీగా కొత్త ఉద్యోగాల కల్పన, అందుకు వీలు కల్పించేలా యువతకు నైపుణ్య శిక్షణ లక్ష్యంతో మోదీ 3.0 సర్కారు అడుగులు వేసింది. తమ ప్రభుత్వం నిర్దేశించుకున్న తొమ్మిది అత్యంత ప్రాధాన్య అంశాల్లో ‘ఉద్యోగ కల్పన, నైపుణ్య శిక్షణ’ఒకటని కేంద్ర ఆర్థిక మంత్రి నిర్మలా సీతారామన్‌ బడ్జెట్‌ ప్రసంగంలో పేర్కొన్నారు. వచ్చే ఐదేళ్లలో దేశవ్యాప్తంగా 4.1 కోట్ల మంది యువతకు ప్రయోజనం కలిగేలా, రూ.2 లక్షల కోట్లను ఖర్చు చేయనున్నట్టు తెలిపారు. ఉద్యోగాల కల్పన కోసం మూడు, నైపుణ్యాల అభివృద్ధి కోసం రెండు ప్రోత్సాహక పథకాలను చేపడతామని ప్రకటించారు. కొత్తగా ఉద్యోగాలు ఇచ్చే సంస్థలకు, కొత్తగా ఉద్యోగంలో చేరేవారికి ప్రయోజనాలను కల్పిస్తామని ప్రకటించారు. ఈపీఎఫ్‌ఓ డేటా ఆధారంగా..కొత్త ఉద్యోగాల కల్పన పథకాలను..ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ)లో నమోదయ్యే వివరాల ఆధారంగా అమలు చేస్తామని నిర్మల తెలిపారు. మొత్తంగా ప్రస్తుత 2024–25 కేంద్ర బడ్జెట్‌లో విద్య, ఉద్యోగ కల్పన, నైపుణ్య శిక్షణ కోసం రూ.1.48 లక్షల కోట్లను కేటాయిస్తున్నట్టు వెల్లడించారు. ఇందులో ఎంప్లాయ్‌మెంట్‌ లింక్‌డ్‌ ఇన్సెంటివ్‌ స్కీమ్‌కు 23 వేల కోట్లు, జాబ్‌ క్రియేషన్‌ ఇన్‌ మాన్యుఫాక్చరింగ్‌ స్కీమ్‌కు రూ.52 వేల కోట్లు, సపోర్ట్‌ టుఎంప్లాయర్స్‌ స్కీమ్‌కు రూ.32 వేల కోట్లు కలిపి రూ.1.07 లక్షల కోట్లను ఖర్చు చేయనున్నట్టు వివరించారు.నైపుణ్యాలకు తగిన ఉద్యోగాలు..కార్కుల నైపుణ్యాలకు తగిన ఉద్యోగాలు లభించేలా చర్యలు చేపడతామని నిర్మలా సీతారామన్‌ చెప్పారు. అందుబాటులో ఉన్న ఉద్యోగాలు, వాటికి అవసరమైన నైపుణ్యాలు, తగిన నైపుణ్యమున్న కార్మకులతో కూడిన డేటాబేస్‌ను సిద్ధం చేస్తామని వెల్లడించారు. ఇందుకోసం ఈ–శ్రమ్, శ్రమ్‌ సువిధ, సమాధాన్‌ వంటి పోర్టల్స్‌ను అనుసంధానం చేస్తామని తెలిపారు. దీనితో స్కిల్‌ ప్రొవైడర్స్, ఎంప్లాయర్స్‌కు.. ఉద్యోగాలు కోరుకునే యువతకు మధ్య అనుసంధానంకుదురుతుందని వెల్లడించారు. ఐదేళ్లలో కోటి మందికిఇంటర్న్‌షిప్‌ దేశంలో యువత సులభంగా ఉద్యోగాలు పొందేందుకు వీలు కల్పించేలా, ఉద్యోగంలో చేరే ముందే తగిన అనుభవం సాధించేలా.. విస్తృతస్థాయిలో ఇంటర్న్‌íÙప్‌ పథకాన్ని అమలు చేస్తామని నిర్మలా సీతారామన్‌ ప్రకటించారు. వచ్చే ఐదేళ్లలో 500 టాప్‌ కంపెనీల్లో మొత్తంగా కోటి మంది యువతకు ఇంటర్న్‌షిప్‌ అవకాశం కలి్పస్తామని తెలిపారు. ఇంటర్న్‌íÙప్‌లో చేరేప్పుడు ఒకసారి రూ.6 వేలు అందిస్తామని, తర్వాత ప్రతినెలా రూ.5 వేలు ఇంటర్న్‌సిప్‌ అలవెన్స్‌ అందుతుందని వెల్లడించారు. ఏడాదిపాటు కొనసాగే ఈ ఇంటర్న్‌షిప్‌ సమయంలో సంబంధిత ఉద్యోగం, పని వాతావరణంపై యువతకు అవగాహన ఏర్పడుతుందని.. దీనితో మంచి ఉద్యోగం పొందేందుకు అవకాశం వస్తుందని వివరించారు. ఈ ఇంటర్న్‌షిప్‌ పథకానికి ఎంపికయ్యే యువతకు శిక్షణ ఇచ్చేందుకయ్యే వ్యయాన్ని, ఇంటర్న్‌íÙప్‌ అలవెన్స్‌లో పది శాతాన్ని కంపెనీలు తమ కార్పొరేట్‌ సామాజిక బాధ్యత (సీఎస్‌ఆర్‌) నిధుల నుంచి భరిస్తాయని తెలిపారు.స్కిల్స్‌పెరిగితే.. ఉద్యోగాలూ పెరుగుతాయి! బడ్జెట్‌లో దేశ యువతలో నైపుణ్యాల పెంపు, ఉద్యోగ కల్పనకు ప్రోత్సాహకాలు అందించే స్కీమ్‌లను ప్రకటించడంపై హ్యూమన్స్‌ రీసోర్స్, ఎడ్‌ టెక్‌ రంగాల నిపుణులు హర్షం వ్యక్తం చేస్తున్నారు. ‘వికసిత్‌ భారత్‌’లక్ష్య సాధన దిశగా ప్రభుత్వం ముందుచూపుతో నిర్ణయం తీసుకుందని ప్రశంసిస్తున్నారు. యువతలో నైపుణ్యాలు పెరిగితే ఉద్యోగ అవకాశాలు విస్తృతం అవుతాయని అంటున్నారు. ‘‘మాన్యుఫాక్చరింగ్‌ రంగంలో ఉద్యోగాల సృష్టికి ప్రభుత్వ ప్రోత్సాహకాలు తోడ్పడతాయి. పరిశ్రమకు అవసరమైన మానవ వనరులు అందేందుకు నైపుణ్య శిక్షణ బాట వేస్తుంది. ఈ దిశగా ప్రభుత్వ నిర్ణయాలు బాగున్నాయి..’’అని టీమ్‌లీజ్‌ డిగ్రీ అప్రెంటిస్‌íÙప్‌ చీఫ్‌ స్ట్రాటజీ ఆఫీసర్‌ సుమిత్‌కుమార్‌ పేర్కొన్నారు. ‘‘నైపుణ్య శిక్షణ మాత్రమేగాకుండా.. ఉద్యోగులు, ఉద్యోగాలను కలి్పంచే కంపెనీలకూ ప్రోత్సాహకాలు ఇవ్వడం స్వాగతించదగిన విషయమని క్వెస్‌ కార్ప్‌ సీఈవో గురుప్రసాద్‌ శ్రీనివాసన్‌ చెప్పారు.‘‘20 లక్షల మంది యువతకు నైపుణ్య శిక్షణ, కోటి మందికి ఇంటర్న్‌షిప్‌ అవకాశాలు వంటివి రాబోయే తరం సాధికారతకు తోడ్పడతాయి. దేశంలోని యువతలో నైపుణ్యాల లోటును పూడ్చవచ్చు..’’అని పియర్సన్‌ ఇండియా కంట్రీ హెడ్‌ వినయ్‌కుమార్‌ స్వామి పేర్కొన్నారు. ..: ఉద్యోగాల కల్పన కోసం :.. 1 ఎంప్లాయ్‌మెంట్‌ లింక్‌డ్‌ ఇన్సెంటివ్‌ స్కీమ్‌ : వ్యవస్థీకృత రంగాల్లో కొత్తగా ఉద్యోగంలో చేరేవారికి ప్రోత్సాహకంగా ఒక నెల వేతనం చెల్లింపు. మూడు వాయిదాల్లో.. గరిష్టంగా రూ.15 వేల వరకు అందిస్తారు. దీనితో వచ్చే ఐదేళ్లలో 2.1 కోట్ల మందికి లబ్ధి కలుగుతుందని అంచనా. 2 జాబ్‌ క్రియేషన్‌ ఇన్‌మాన్యుఫాక్చరింగ్‌ స్కీమ్‌: కొత్తగా ఉద్యోగంలో చేరేవారు,కొత్తగా ఉద్యోగాలిచ్చే సంస్థలు చెల్లించేఈపీఎఫ్‌ఓ చందాలపై తొలి నాలుగేళ్లపాటు ప్రోత్సాహకాలు. సుమారు 30 లక్షల మంది యువతకు ప్రయోజనం కలుగుతుందనిఅంచనా.3 సపోర్ట్‌ టుఎంప్లాయర్స్‌ స్కీమ్‌:కంపెనీలు కొత్తగా/అదనంగా ఇచ్చే ఉద్యోగాలకు సంబంధించి యాజమాన్య వాటాగా చెల్లించే ఈపీఎఫ్‌ చందాల రీయింబర్స్‌మెంట్‌. ఒక్కో ఉద్యోగికి నెలకు గరిష్టంగా రూ.3 వేల చొప్పున రెండేళ్లపాటు చెల్లిస్తారు. దీనితో కొత్తగా 50 లక్షల ఉద్యోగాల కల్పనజరుగుతుందని అంచనా. (ఈ మూడు స్కీమ్‌లనుగరిష్టంగా నెలకు రూ.లక్ష వేతనంఇచ్చే ఉద్యోగాలు/ఉద్యోగులకు మాత్రమే వర్తింపజేస్తారు.)..: నైపుణ్యాల శిక్షణ కోసం :..1 వచ్చే ఐదేళ్లలో 20 లక్షల మంది యువతలో నైపుణ్యాల అభివృద్ధి కోసం ప్రత్యేక పథకం. రాష్ట్రాలు, పరిశ్రమలు, కంపెనీలతో కలసి దీనిని అమలు చేస్తారు. ఇందుకోసం దేశవ్యాప్తంగా కేంద్రీకృత విధానంలో 1,000 పారిశ్రామిక శిక్షణ ఇన్‌స్టిట్యూట్ల (ఐటీఐ) అప్‌గ్రెడేషన్‌. 2 వచ్చే ఐదేళ్లలో కోటి మందికి 500 టాప్‌ కంపెనీల్లో ఇంటర్న్‌íÙప్‌ అందించే మరో పథకం అమలు.3 పరిశ్రమలు, కంపెనీల అవసరాలకుతగినట్టుగా ఉండేలా కోర్సులు,పాఠ్యాంశాల రూపకల్పన.4 నైపుణ్య శిక్షణ కోసం ‘మోడల్‌ స్కిల్‌ లోన్‌ స్కీమ్‌’కింద ఏటా 25 వేల మంది యువతకు రూ.7.5 లక్షల వరకు రుణాలు.5 మహిళలకే ప్రత్యేకించిన నైపుణ్యాల శిక్షణ కార్యక్రమాలు. ఉద్యోగాల్లో మహిళల భాగ స్వామ్యం పెరగడం కోసం.. పరిశ్రమలు, కంపెనీల సహకారంతో వర్కింగ్‌ విమెన్‌ హాస్టళ్లు, చిన్న పిల్లల సంరక్షణను చూసుకునే క్రెచ్‌ల ఏర్పాటుకు నిర్ణయం.ప్రభుత్వ ఉద్యోగుల శిక్షణకు రూ.309.74 కోట్లుకేంద్ర ప్రభుత్వ ఉద్యోగులకు వివిధ అంశాలపై శిక్షణ ఇచ్చేందుకు బడ్జెట్‌లో రూ.309.74 కోట్లను కేటాయించారు. ఇందులో ఇన్‌స్టిట్యూట్‌ ఆఫ్‌ సెక్రటేరియట్‌ ట్రైనింగ్‌ అండ్‌ మేనేజ్‌మెంట్,లాల్‌ బహదూర్‌ శాస్త్రి నేషనల్‌ అకాడమీ ఆఫ్‌ అడ్మినిస్ట్రేషన్‌కు రూ.103.05 కోట్లు. వివిధ శిక్షణ స్కీమ్‌లకు రూ.120.56 కోట్లు, మిషన్‌ కర్మయోగికి రూ.86.13 కోట్లు ఇచ్చారు. వీటితో ఉద్యోగులకు వివిధ నైపుణ్యాలపై రిఫ్రెషర్‌ కోర్సులు, మిడ్‌ కెరీర్‌ శిక్షణ ఇస్తారు.

విజయనగరం అర్బన్‌: స్టైఫెండ్‌ ఇస్తూ ఇంటర్న్‌షిప్‌ అవకాశం కల్పించే మల్టీనేషనల్‌ కంపెనీలతో ఒప్పందాలు కుదుర్చుకున్నామని విద్యా శాఖ మంత్రి బొత్స సత్యనారాయణ తెలిపారు. దీనివల్ల 40 వేల మంది ఇంజనీరింగ్‌ విద్యార్థులకు లబ్ధి కలుగుతుందని చెప్పారు. జేఎన్‌టీయూ గురజాడ విజయనగరం(జీవీ) యూనివర్సిటీలోని వివిధ అభివృద్ధి పనులను మంత్రి బొత్స సత్యనారాయణ మంగళవారం ప్రారంభించారు. ఈ సందర్భంగా ఆయన మాట్లాడుతూ.. ఇంటర్న్‌షిప్‌ కోసం ఇంజినీరింగ్‌ విద్యార్థుల(4వ సంవత్సరం) నమోదు ప్రక్రియ ప్రారంభించామని.. 12 వేల మంది విద్యార్థులు ఇప్పటికే వివరాలు నమోదు చేసుకున్నారని చెప్పారు. ఉన్నత విద్య కోసం విదేశాలకు వెళ్లాల్సిన అవసరం లేదన్నారు. ప్రఖ్యాతి గాంచిన ఎడెక్స్‌ సంస్థ ద్వారా సుమారు 2 వేల ఆన్‌లైన్‌ కోర్సులను రాష్ట్ర విద్యార్థులకు అందుబాటులోకి తీసుకురావాలని ప్రభుత్వం నిర్ణయించిందన్నారు. ఈ కోర్సులకు ఫీజులను సైతం ప్రభుత్వమే భరిస్తుందని స్పష్టం చేశారు. ఈ కార్యక్రమాన్ని ఈ నెల 16న సీఎం వైఎస్‌ జగన్‌ ప్రారంభిస్తారని తెలిపారు. విద్యా సంస్థల్లో పూర్తి స్థాయి సదుపాయాలు కల్పించడంతో పాటు అవసరమైనంత మంది ఉపాధ్యాయులు, అధ్యాపకులను కూడా నియమిస్తున్నామని చెప్పారు. ఇందులో భాగంగా సుమారు 2,200 ప్రొఫెసర్, అసిస్టెంట్‌ ప్రొఫె­సర్, అసోసియేట్‌ ప్రొఫెసర్, అధ్యాపకుల ఖాళీల భర్తీకి చర్యలు తీసుకున్నామని వివరించారు. విజయనగరంలోని జేఎన్‌టీయూ వర్సిటీని అత్యున్నత వర్సిటీగా తీర్చిదిద్దేందుకు అవసరమైన అన్ని వసతులను కలి్పస్తామన్నారు. కార్యక్రమంలో కలెక్టర్‌ జి.నాగలక్ష్మి, జేఎన్‌టీయూ(జీవీ) వీసీ కె.వెంకటసుబ్బయ్య, రిజిస్ట్రార్‌ జి.జయ సుమ,  ప్రిన్సిపాల్‌ కె.శ్రీకుమార్‌ తదితరులు పాల్గొన్నారు.

సాక్షి, అమరావతి: ఓ వైపు పేదరికంతో ఏ విద్యార్థి ఉన్నత చదువులకు దూరంగా కాకుండా ప్రభుత్వం అందిస్తున్న ఫీజురీయింబర్స్‌మెంట్, మరోవైపు కోర్సుల్లో చేరాక ప్రముఖ సంస్థలతో ఉచితంగా ఇప్పిస్తున్న నైపుణ్య శిక్షణ, ఇంటర్న్‌షిప్‌.. వెరసి విద్యార్థులు అంతర్జాతీయ స్థాయిలో అవకాశాలను అందుకుంటున్నారు. బహుళజాతి సంస్థల్లో మంచి పే ప్యాకేజీలతో ఉద్యోగాలు సాధిస్తున్నారు. వైఎస్సార్‌సీపీ ప్రభుత్వం అధికారంలోకి వచ్చిన వెంటనే విద్యా రంగాన్ని అత్యంత ప్రాధాన్యత రంగాల్లో ఒకటిగా గుర్తించింది. ఉన్నత విద్యనభ్యసిస్తున్న ప్రతి విద్యార్థి ప్రపంచ స్థాయిలో అవకాశాలు పొందేలా కార్యాచరణ అమలు చేస్తోంది. విద్యార్థులు మంచి ఉద్యోగాలు సాధించేలా ఇంజనీరింగ్‌ కోర్సులకే కాకుండా అన్ని డిగ్రీ కోర్సులకు ఇంటర్న్‌షిప్‌ను వర్తింపచేసింది. ఆయా కోర్సుల్లో ఇంటర్న్‌షిప్‌ను అందించడానికి 30కిపైగా ప్రపంచ స్థాయి సంస్థలు, మరో 27 వేలకుపైగా పరిశ్రమలతో కళాశాలలను అనుసంధానం చేసింది. ఇంటర్న్‌షిప్‌ కోసం ఏకంగా ప్రత్యేక వెబ్‌సైట్‌ను కూడా అందుబాటులోకి తెచ్చింది. ఇప్పటివరకు 10 లక్షల మందికి షార్ట్‌ టర్మ్, లాంగ్‌ టర్మ్‌ ఇంటర్న్‌షిప్‌లను అందించింది. వీటికి తోడు విద్యార్థుల్లో నైపుణ్యాలను పెంచడానికి నియోజకవర్గానికి ఒకటి చొప్పున స్కిల్‌ డెవలప్‌మెంట్‌ కాలేజీల ఏర్పాటుకు శ్రీకారం చుట్టింది. దీంతో విద్యార్థులు మంచి ఉద్యోగావకాశాలు పొందుతున్నారు. ఈ నేపథ్యంలో దేశంలోనే ఫ్యూచర్‌ స్కిల్స్‌ అందించడంలో ఆంధ్రప్రదేశ్‌ అగ్రస్థానంలో నిలిచింది. అంతేకాకుండా అత్యధిక ఉద్యోగాలు సాధిస్తున్న యువత కలిగిన అగ్ర రాష్ట్రాల జాబితాలో కొనసాగుతోంది. నైపుణ్యాలతో కూడిన ఉన్నత విద్యను అందించడంలో దేశానికే ఆదర్శంగా నిలుస్తోంది.   అంతర్జాతీయ సంస్థలతో నైపుణ్య శిక్షణ..  రాష్ట్ర విద్యార్థులు ప్రపంచ స్థాయిలో ఉద్యోగావకాశాలు పొందేలా ప్రముఖ అంతర్జాతీయ సంస్థ మైక్రోసాఫ్ట్‌తోపాటు తదితర సంస్థల ద్వారా శిక్షణ కార్యక్రమాలను ప్రభుత్వం అందిస్తోంది. మైక్రోసాఫ్ట్‌ అప్‌స్కిల్లింగ్‌ ప్రోగ్రామ్‌ కింద 1.62 లక్షల మందికి డేటా సైన్స్, ఆర్టీఫిషియల్‌ ఇంటెలిజెన్స్‌ (ఏఐ), సైబర్‌ సెక్యూరిటీ, డేటా ఎనాలసిస్, నెట్‌వర్కింగ్, క్లౌడ్‌ కంప్యూటింగ్‌ వంటి సర్టీఫికేషన్‌ కోర్సుల్లో ఉచితంగా శిక్షణ ఇప్పిస్తోంది. ఇందుకోసం దాదాపు రూ.37 కోట్ల వరకు ప్రభుత్వం వెచ్చింది. అలాగే అఖిల భారత సాంకేతిక విద్యామండలి (ఏఐసీటీఈ) ద్వారా ఎస్సీ, ఎస్టీ, బీసీ, ఈడబ్ల్యూఎస్‌ విద్యార్థులకు ఆర్టీఫిషియల్‌ ఇంటెలిజెన్స్, పైథాన్, క్లౌడ్‌ కంప్యూటింగ్, డేటా ఎనలిటిక్స్, సైబర్‌ సెక్యూరిటీ, బిగ్‌ డేటా, అకౌంటింగ్‌ అండ్‌ ఫైనాన్స్, క్యాడ్, ఇంటర్నెట్‌ ఆఫ్‌ థింగ్స్‌ (ఐవోటీ) అంశాల్లో శిక్షణ అందిస్తోంది.  ఉద్యోగ నియామకాల్లో గణనీయ ప్రగతి..  రాష్ట్ర ప్రభుత్వం తీసుకుంటున్న చర్యలతో గత మూడేళ్లలో విద్యార్థులకు ప్లేస్‌మెంట్లు గణనీయంగా పెరిగాయి. 2018–­19లో రాష్ట్రంలో ప్లేస్‌మెంట్ల సంఖ్య కేవలం 37 వేలు మాత్రమే. ఇప్పుడు ఆ సంఖ్య 1.80 లక్షలకు చేరుకుంది. ఇందులో సంప్రదాయ డిగ్రీ కోర్సులతో ఉద్యోగాలు పొందినవారు 60 వేల మంది వరకు ఉన్నారు. ఒక్క ప్రభుత్వ డిగ్రీ కాలేజీల్లోనే 12వేలకు పైగా ప్లేస్‌మెంట్లు లభించాయి. కరోనా మహమ్మారి సమయంలోనూ ప్రభుత్వం తీసుకున్న ప్రత్యేక చర్యల వల్లే ఈ పెరుగుదల సాధ్యమైంది.  గత ప్రభుత్వ హయాంలో నామమాత్రంగా..  గత టీడీపీ ప్రభుత్వం హయాంలో ఫీజు రీయింబర్స్‌మెంట్‌ను సక్రమంగా అందించకపోవడంతో విద్యార్థులు, తల్లిదండ్రులు ఇబ్బందులు ఎదుర్కొన్నారు. ప్రభుత్వం కాలేజీలకు సకాలంలో ఫీజులు చెల్లించకపోవడంతో యాజమాన్యాలు విద్యార్థులపై ఒత్తిడి పెంచేవి. సర్టీఫికెట్లను సైతం ఇవ్వకుండా ఇబ్బంది పెట్టేవి. ఫలితంగా చాలా కుటుంబాలు అప్పులు చేసి మరీ తమ పిల్లను చదివించాల్సిన దుస్థితి నెలకొంది. కళాశాలల ఫీజుల కంటే తక్కువగానే ఫీజు రీయింబర్స్‌మెంట్‌ ఇవ్వడంతో పేదలపై మరింత భారం పడింది. సీఎం వైఎస్‌ జగన్‌ అధికారంలోకి వచ్చిన వెంటనే పూర్తి ఫీజు రీయింబర్స్‌మెంట్‌ను ప్రవేశపెట్టడంతో పేదింటి బిడ్డల చదువులకు భరోసా దక్కింది. టీడీపీ ప్రభుత్వంలో ఫీజు రీయింబర్స్‌మెంట్‌ కింద ఏడాదికి గరిష్టంగా రూ.35వేలలోపు ఇస్తే.. జగన్‌ ప్రభుత్వం ఏకంగా రూ.3 లక్షలకు వరకు చెల్లిస్తోంది. అంతేకాకుండా పారదర్శకతకు పెద్దపీట వేస్తూ విద్యార్థి తల్లులు ఖాతాల్లోనే క్రమం తప్పకుండా ప్రతి త్రైమాసికానికి చెల్లింపులు చేస్తోంది. లక్షన్నర మందికి శిక్షణ నేషనల్‌ అసోసియేషన్‌ ఆఫ్‌ సాఫ్ట్‌వేర్‌ అండ్‌ సర్వి­సెస్‌ కంపెనీస్‌ (నాస్కామ్‌) ఫ్యూచర్‌ స్కిల్స్‌ పేరిట లక్ష మందికి మైక్రోసాఫ్ట్‌ టెక్నాలజీస్, సిస్కో, సేల్స్‌ఫోర్స్, ఏడబ్ల్యూఎస్‌ విభాగాల్లో వర్చువల్‌గా ప్రభుత్వం శిక్షణ ఇప్పించింది. అలాగే ‘ఎంప్లాయిమెంట్‌ ఎక్స్‌ప్రెస్‌’ సంస్థతో 50 వేల మందికి శిక్షణ ఇప్పిస్తోంది. ఐసీఐసీఐ, విప్రో, ఐబీఎం, ఎడెల్‌వీస్, హోండా, మారుతి సుజికి వంటి కంపెనీల్లో ఫుల్‌స్టేక్, హెచ్‌ఆర్, మార్కెటింగ్, సేల్స్, బిజినెస్‌ డెవలప్‌మెంట్, బ్యాంకింగ్‌ అండ్‌ ఫైనాన్షియల్‌ సర్విసెస్‌ అండ్‌ ఇన్సూరెన్స్‌ (బీఎఫ్‌ఎస్‌ఐ) ఎనలిస్ట్‌ తదితర అంశాల్లో ఈ శిక్షణ అందించింది. ఎడ్యుస్కిల్స్‌ ఫౌండేషన్‌ సంస్థతో వర్చువల్‌ ఇంటర్న్‌షిప్‌ కార్యక్రమానికి వీలుగా ఉన్నత విద్యామండలి ఒప్పందం కుదుర్చుకుంది. 1.60 లక్షల మంది విద్యార్థులకు ఇంటర్న్‌షిప్‌ అందించింది. టీడీపీ ప్రభుత్వ బకాయిలనూ చెల్లించి.. టీడీపీ ఐదేళ్ల పాలనలో ఫీజు రీయింబర్స్‌మెంట్, హాస్ట­ల్‌ ఖర్చుల కింద రూ.12 వేల కోట్లు మాత్రమే చెల్లిస్తే.. వైఎస్సార్‌సీపీ ప్రభు­త్వం నాలుగున్నరేళ్ల­లోనే 27 లక్షల మంది విద్యా­ర్థులకు ఏకంగా రూ.18,576 కోట్లు చెల్లి­ంచడం విశేషం. గత ప్రభు­­త్వం 2017 నుంచి ఇవ్వాల్సిన రూ.1,778 కోట్ల ఫీజు రీయింబర్స్‌మెంట్‌ బకాయిలను కూడా జగన్‌ ప్రభుత్వం చెల్లి­ంచింది. బాబు పాలనలో ఫీజు రీయింబర్స్‌­­మెంట్, వసతికి చెల్లి­ంపులు ఏడాదికి సగటున కేవలం రూ.2,428 కోట్లు ఉంటే ప్రస్తుత ప్రభుత్వం ఏడాదికి రూ.4,044 కోట్లను చెల్లిస్తో­ంది. భోజన, వసతి ఖర్చు కింద ఏడాదికి రెండు వాయి­­దాల్లో ఐటీఐ విద్యార్థులకు రూ.10 వేలు, పాలిటెక్నిక్‌ విద్యార్థులకు రూ.15 వేలు, డిగ్రీ, ఇంజనీరింగ్, మెడిసిన్‌ తదితర కోర్సు­లు అభ్యసించే వారికి రూ.20 వేల చొప్పున ఆర్థిక సాయా­న్ని అందిస్తోంది. గత ప్రభుత్వం కేవలం రూ.4 నుంచి రూ.10 వేల వరకే ఇచ్చేది. ఈ పథకం అమ­లు­కు గత ప్రభుత్వం విద్యా­ర్థుల కుటుంబ వార్షిక ఆదాయాన్ని బీసీ, ఈబీసీ, కాపు, మైనారీ్టలకు రూ.లక్షకు, ఎస్సీ, ఎస్టీ, పీడీబ్ల్యూలకు రూ.2 లక్షల­కు పరిమి­తం చేసింది. వైఎస్సార్‌సీపీ ప్రభు­త్వ­ం అన్ని వర్గాలకు కుటుంబ వార్షిక ఆదాయ పరిమితిని రూ.2.5 లక్షలకు పెంచి లబ్ధి చేకూర్చింది. ఫీజు రీయింబర్స్‌మెంట్‌ ఆదుకుంది..  మాది పేద రైతు కుటుంబం. గతంలో సాగుకే అప్పు చేయాల్సిన పరిస్థితులు ఉండేవి. 2017లో అన్న వరుణ్‌కుమార్‌రెడ్డి తిరుపతిలో బీటెక్‌ మెకానికల్‌ ఇంజనీరింగ్‌లో చేరాడు. అప్పట్లో ఫీజు రీయింబర్స్‌మెంట్‌ కేవలం రూ.35 వేలు మాత్రమే. మిగిలిన ఫీజు అప్పులు చేసి కట్టాల్సి వచ్చింది. సీఎం వైఎస్‌ జగన్‌ అధికారంలోకి వచ్చిన తర్వాత పూర్తి ఫీజు రీయింబర్స్‌మెంట్‌ ఇచ్చారు. దీంతో నేను 2019­లో వడ్లమూడి­లోని విజ్ఞాన్‌ లారాలో బీటెక్‌ సీఎస్‌ఈలో చేరా­ను. జగనన్న సాయంతో ఏటా రూ.85 వేల ఫీజు కట్టాల్సిన అవసరం లేకుండానే నా చదువు పూర్తి చేశాను. ఇప్పుడు బెంగళూరులోని టీసీఎస్‌­లో రూ.3.5 లక్షల ప్యాకేజీతో ఉద్యోగం వచ్చింది.  – బోరెడ్డి పవన్‌ కుమార్‌రెడ్డి, సొలస గ్రామం, పల్నాడు జిల్లా  జగనన్న విద్యాదీవెన గొప్ప పథకం..  నాన్న హరనాథ్‌ నిర్వహించే ఫ్యాన్సీ షాపు మాకు జీవనాధారం. నన్ను, అన్నయ్యను చదివించడానికి చాలా కష్టపడ్డారు. జగనన్న విద్యా దీవెన, వసతి దీవెన రావడంతో నేను దిగులు లేకుండా టెక్కలిలో బీటెక్‌ సీఎస్‌సీ పూర్తి చేశాను. ఏడాదికి రూ.80వేల చొప్పు­న కోర్సు నాలుగేళ్లపాటు పూర్తి ఫీజు రీయి­ం­బర్స్‌మెంట్, వసతి దీవెన కింద రూ.20 వేలు చొప్పున ప్రభుత్వం అందించింది. కాలేజీలో ఉండగానే ఉచితంగా సర్టిఫికేషన్‌ కోర్సులు, ఇంటర్న్‌షిప్‌ అందించడంతో డెలాయిట్‌లో ఉద్యో­గం సాధించగలిగాను. జగనన్న విద్యాదీవెన కచ్చితంగా గొప్ప పథకం.  – సత్యవరపు మహాలక్ష్మి, సాలూరు, పార్వతీపురం మన్యం జిల్లా ఉచితంగా ఎన్నో సర్టీఫికేషన్‌ కోర్సులు  మా నాన్న నగేశ్‌ సామాన్య కూరగాయల వ్యాపారి. నేను విద్యా దీవెన సాయంతో గతే­డాది బీకామ్‌ కంప్యూటర్స్‌ పూర్తి చేశా. ఉన్నత విద్యా మండలి ఉచితంగా ఎన్నో సర్టీఫికేషన్‌ కోర్సులు అందించింది. ఫలితంగా సాధారణ డిగ్రీ చేసిన నాకు హెచ్‌సీఎల్‌లో రూ.2.40 లక్షల ప్యాకేజీతో ఫైనాన్స్‌ ఎనలిస్ట్‌గా ఉద్యోగం వచ్చింది. వాస్తవానికి నాలుగు క్యాంపస్‌ ఇంటర్వ్యూల్లో సెలక్ట్‌ అయ్యాను. ఎడ్యుటెక్‌ సంస్థలో 6.50 లక్షల ప్యాకేజీ ఆఫర్‌ చేశారు. కంప్యూటర్స్‌ కెరీర్‌లో ఎదగాలని హెచ్‌సీఎల్‌ను ఎంపిక చేసుకు­న్నా. – ముదిలి నాగకార్తీక్, విజయవాడ విద్యాదీవెన ఆదుకుంది మా నాన్న రామచంద్రరావు ఓ రెస్టారెంట్‌లో వెయిటర్‌గా చేస్తున్నారు. మేము ఇద్దరు అన్నదమ్ములం. నాన్న ఏడాది సంపాదన లెక్కేస్తే మా ఇద్దరి చదువులకే సరిపోదు. ఇలాంటి పరిస్థితుల్లో జగనన్న విద్యా దీవెన పథకం కింద ఫీజు రీయింబర్స్‌మెంట్‌ అందడంతో నేను బీఎస్సీ (ఐవోటీ) పూర్తి చేశాను. తమ్ముడు ఒంగోలు ట్రిపుల్‌ ఐటీలో బీటెక్‌ చేస్తున్నాడు. నాకు మూడేళ్లు రూ.30 వేల చొప్పున పూర్తి ఫీజు రీయింబర్స్‌మెంట్‌ వచ్చింది. ఇప్పుడు టీసీఎస్‌లో సాఫ్ట్‌వేర్‌ ఇంజనీర్‌గా ఉద్యోగం చేస్తున్నా. – పట్నియక్‌ శ్రీనివాసరావు, విజయవాడ

సాక్షి, అమరావతి: రాష్ట్రంలో డిగ్రీ, బీటెక్‌ విద్యార్థుల దీర్ఘకాలిక ఇంటర్న్‌షిప్‌నకు సర్వం సిద్ధమైంది. ఈ విద్యార్థులకు విద్యతో పాటు పరిశ్రమలకు అవసరమైన నైపుణ్యాన్ని అందించేందుకు ప్రభుత్వం ఇంటర్న్‌షిప్‌ ప్రవేశపెట్టింది. ఇంజనీరింగ్‌ విద్యార్థులకు సోమవారం నుంచి ఇంటర్న్‌షిప్‌ ప్రారంభమవుతుంది. డిగ్రీ విద్యార్థులకు వచ్చే నెలలో ప్రారంభమవుతుంది. గతేడాది 2.56 లక్షల మంది ఇంటర్న్‌షిప్‌ చేయగా, ఈ ఏడాది 3.46 లక్షల మంది ఇందుకు సన్నద్ధమవుతున్నారు. ప్రభుత్వం 30కి పైగా ప్రపంచ స్థాయి సంస్థల్లో వర్చువల్‌గా, మరో 30 వేలకు పైగా ప్రభుత్వ, ప్రైవేటు పరిశ్రమల ద్వారా ఇంటర్న్‌షిప్‌ కల్పిస్తోంది. ఇంటర్న్‌షిప్‌ కోసం ఉన్నత విద్యా మండలి పోర్టల్‌లో లెర్నింగ్‌ మేనేజ్‌మెంట్‌ సిస్టమ్‌ (ఎల్‌ఎంఎస్‌) ఏర్పాటు చేశారు. జిల్లాలవారీగా గుర్తించిన సంస్థల వివరాలను వెబ్‌సైట్‌లో అప్‌డేట్‌ చేస్తున్నారు. ఆ సంస్థలతో సమన్వయం చేసేందుకు జిల్లా కలెక్టర్, జాయింట్‌ కలెక్టర్ల ఆధ్వర్యంలోని ప్రత్యేక కమిటీలను ప్రభుత్వం నియమించింది. ప్రపంచ స్థాయి సంస్థలతో ఒప్పందం విద్యార్థుల ఇంటర్న్‌షిప్‌ కోసం పరిశ్రమలు, ఐటీ సంస్థలు, ప్రముఖ వర్తక, వాణిజ్య సంస్థలతో సహా కోర్సులతో సంబంధమున్న మైక్రో, స్మాల్, మీడియం, లార్జ్, మెగా సంస్థలను ప్రభుత్వం ఎంపిక చేసింది. వీటిలో మాన్యుఫాక్చరింగ్‌తో పాటు సర్వీసు సంస్థలూ ఉన్నాయి. ఈ మేరకు ఉన్నత విద్యా మండలి జాతీయ, అంతర్జాతీయ సంస్థలతో ఒప్పందం చేసుకుంటోంది. ఎల్‌ఎంఎస్‌–ఐఐసీ పోర్టల్‌లో వీటి వివరాలు ఉంచింది. గూగుల్, మైక్రోసాఫ్ట్, ఐబీఎం, స్మార్ట్‌ ఇంటన్జ్, ఎక్సల్‌ ఆర్, సెలర్‌ అకాడమీ, సిస్కో, నేషనల్‌ స్టాక్‌ ఎక్సేంజ్, వాద్వానీ ఫౌండేషన్, టీమ్‌ లీజ్‌ వంటి సంస్థల ద్వారా ఇంటర్న్‌షిప్‌ అందిస్తోంది. ఈ ఏడాది సుమారు 40 వేల మంది సంప్రదాయ డిగ్రీ విద్యార్థులకు స్ట్రైఫండ్‌తో కూడిన ఇంటర్న్‌షిప్‌ కల్పిస్తోంది. వీరితో పాటు 2వేల మంది ఇంజనీరింగ్‌ విద్యార్థులకు ప్రభుత్వ పాఠశాలల్లో ఫ్యూచర్‌ స్కిల్స్‌ ఎక్స్‌పర్ట్స్‌ కింద సేవలు వినియోగించుకోనుంది. వీరికి నెలకు రూ.12 వేల చొప్పున చెల్లిస్తూ ఆరు నెలల పాటు విద్యార్థులకు, ఉపాధ్యాయులకు డిజిటల్‌ టెక్నాలజీపై అవగాహన పెంపొందించనుంది. చదువుకొనే సమయంలోనే జీతాన్నీ అందుకుంటారు విద్యార్థుల్లో నైపుణ్యం పెంపొందించేందుకు డిగ్రీతో పాటు ఇంజనీరింగ్‌ తదితర ప్రొఫెషనల్‌ కోర్సులకు ఏడాది పాటు ఇంటర్న్‌షిప్‌ అమలు చేస్తున్నాం. దీర్ఘకాలిక ఇంటర్న్‌షిప్‌ను చివరి సెమిస్టర్‌లో పెట్టడం ద్వారా విద్యార్థులు తరగతి గదిలో నేర్చుకున్న పాఠ్యాంశాలతో పాటు పరిశ్రమల్లో నేర్చుకున్న విజ్ఞానంతో వేగంగా ఉద్యోగాలు సాధిస్తున్నారు. ప్రభుత్వం ఇప్పటివరకు 10 లక్షల మందికి షార్ట్‌ టర్మ్, లాంగ్‌ టర్మ్‌ ఇంటర్న్‌షిప్‌ అందించింది. ఏపీలో విద్యార్థులు తొలిసారిగా చదువుకొనే సమయంలోనే జీతాన్నీ అందుకోనున్నారు.  – ప్రొఫెసర్‌ కె.హేమచంద్రారెడ్డి, ఉన్నత విద్యా మండలి చైర్మన్‌ 

సాక్షి, అమరావతి: నైపుణ్యాభివృద్ధికి పెద్దపీట వేస్తూ యువతను ఉపాధి వైపు నడిపించడంలో మన రాష్ట్రం యావత్‌ దేశానికే ఆదర్శంగా నిలుస్తోంది. పరిశ్రమల నిర్దిష్ట అవసరాలకు తగ్గట్టుగా భవిష్యత్‌ నైపు­ణ్యాలు (ఫ్యూచర్‌ స్కిల్స్‌) కలిగిన మానవ వనరులను తయారు చేయడం, ఇంటర్న్‌షిప్‌ కోరుకుంటున్న విద్యార్థుల విషయంలో ఏపీ అగ్రశ్రేణిలో కొనసాగుతోంది. 21వ శతాబ్దపు విద్యార్థులను ‘కృతిమ మేధ’ (ఏఐ)సృష్టికర్తలుగా తీర్చిదిద్దాలన్న ముఖ్యమంత్రి వైఎస్‌ జగన్‌మోహన్‌రెడ్డి సంకల్పానికి ‘ఇండియా స్కిల్స్‌ రిపోర్టు–2024’ ఊతం ఇచ్చింది. ఈ క్రమంలోనే భవిష్యత్‌ నైపుణ్యాల కల్పనలో 76.15 శాతం స్కోర్‌తో ఆంధ్రప్రదేశ్‌ మొదటి స్థానంలో నిల­­వడం విశేషం. ఆ తర్వాతి స్థానాల్లో కర్ణాటక, మహా­­రాష్ట్ర ఉన్నాయి. టాలెంట్‌ అసెస్‌మెంట్‌ ఏజెన్సీ ‘వీబాక్స్‌’ ఏటా ఆల్‌ ఇండియా కౌన్సిల్‌ ఫర్‌ టెక్నికల్‌ ఎడ్యుకేషన్‌ (ఏఐసీటీఈ), కాన్ఫెడరేషన్‌ ఆఫ్‌ ఇండియన్‌ ఇండస్త్రీ (సీఐఐ), అసోసియేషన్‌ ఆఫ్‌ ఇండియన్‌ యూనివర్సిటీ (ఏఐయూ)తో కలిసి ‘ఇండి­యా స్కిల్స్‌ రిపోర్టు’ను విడుదల చేస్తోంది. భవిష్యత్‌లో పరిశ్రమల డిమాండ్లు, సాంకేతిక పురోగతులకు అనుగుణంగా శ్రామిక శక్తిని సిద్ధం చేయడంలో బల­మైన ప్రాధాన్యతను ప్రదర్శిస్తోందని తాజా నివేదిక ప్రశంసించింది. ఇక నైపుణ్యాభివృద్ధిలో తీసుకొచ్చిన విప్లవాత్మక చర్యలతో ఆంగ్లం, న్యూమరికల్, క్రిటికల్‌ థింకింగ్, కంప్యూటర్‌ నైపు­ణ్యాల్లో అత్యు­త్తమ ప్రదర్శన కనబరుస్తోంది. అత్యధిక న్యూమరికల్‌ స్కిల్స్‌ (సంఖ్యాపర నైపుణాలు) కనబరుస్తున్న సిటీల్లో బెంగళూరు తొలి స్థానంలో నిలవగా.. ఆ తర్వాత విజయవాడ, గుంటూరు ఉండటం విశేషం.   ఇంటర్న్‌షిప్‌లోనూ టాప్‌  విద్యార్థులకు పాఠ్యాంశాల విజ్ఞానంతో పాటు ప్రాక్టికల్‌ నాలెడ్జ్‌కు పెద్దపీట వేయాలన్న సీఎం వైఎస్‌ జగన్‌ నిర్ణయం సత్ఫలితాలను ఇస్తోంది. ఇందు­కోసం అధికారంలోకి వచ్చిన వెంటనే ఉన్నత విద్య­లో 10 నెలల ఇంటర్న్‌షిప్‌ను దేశంలోనే ప్రప్ర­థ­మంగా తీసుకొచ్చారు. విద్యార్థులు మంచి ఉద్యోగాలు సాధించేలా ఓవైపు ఇంటర్న్‌షిప్‌.. మరోవైపు నైపుణ్య శిక్షణను ప్రభుత్వం తప్పనిసరి చేసింది. ఈ క్రమ­ంలోనే ఇప్పటివరకు వర్చువల్, హ్యాండ్‌ ఎక్స్‌పీరియన్స్‌లో సుమారు 8 లక్షల మందికి షార్ట్‌టెర్మ్, లాంగ్‌ టెర్మ్‌ ఇంటర్న్‌షిప్‌ అవకాశాలను కల్పి­ంచింది. ఇండియా స్కిల్స్‌ రిపోర్టు ప్రకారం వరుసగా రెండో ఏడాది ఇంటర్న్‌షిప్‌కు ఆసక్తి వ్యక్తం చేస్తున్న విద్యార్థులు గల రాష్ట్రాల జాబితాలో ఆంధ్రప్రదేశ్‌ అగ్ర­స్థానంలో నిలిచింది. గతేడాది 93.50 శాతం స్కోరు సాధిస్తే.. ఇప్పుడు 98.33 శాతాన్ని నమోదు చేసింది. ఆ తర్వాత 96.72 శాతంతో తెలంగాణ, 93.44 శాతంతో పంజాబ్, 92.44 శాతంతో హర్యానా ఉన్నా­యి. వచ్చే జనవరిలో మరో 2.20 లక్షల మందికి ఇంటర్న్‌షిప్‌ 22 ఎడ్యుటెక్‌ సర్విస్‌ ప్రొవైడర్ల ద్వారా స్టేట్, గ్లోబల్‌ ఇంటర్న్‌షిప్‌ను రాష్ట్ర ప్రభు­త్వ­ం అందించనుంది. ఇప్పటికే అంతర్జాతీయ ఎడ్యు­­టెక్‌ సర్వీస్‌ ప్రొవైడర్లతో పాటు 27 వేలకుపైగా సూక్ష్మ, చిన్న, మధ్యతరహా, భారీ పరిశ్రమలను కళాశాలలకు అనుసంధానం చేసి వర్చువల్, హ్యాండ్స్‌ ఎక్స్‌పీరియన్స్‌ ఇచ్చేలా ఇంటర్న్‌షిప్‌ అవకాశాన్ని కల్పించింది. ఉద్యోగాల కల్పనలోనూ మేటి ఆంధ్రప్రదేశ్‌ అంతటా ఉద్యోగ అవకాశాల విస్తృతిలో సమతుల్యతను ప్రదర్శిస్తోందని నివే­దిక కొనియాడింది. గతంతో పోలిస్తే ఉపాధి వనరులను మెరుగుపర్చుకుని ఏపీ అగ్రగామి రాష్ట్రాల్లో ఒకటిగా నిలిచింది. గతేడాది 65.58 శాతం స్కోరుతో 4వ స్థానంలో ఉండగా.. తాజా­గా 72.38 శాతం స్కోరుతో 3వ స్థానానికి చేరుకుంది. హర్యానా (76.47శాతం), మహారాష్ట్ర (73.03 శాతం) తొలి రెండు స్థానాల్లో నిలిచాయి. రాష్ట్ర విభజన అనంతరం ఏపీలో మెట్రోస్థాయి నగరాలు లేనప్పటికీ ఇంతటి గణనీయమైన స్థాయి­­­లో నిలవడం చిన్న విషయం కాదని నిపు­ణు­లు అభిప్రాయపడుతున్నారు. వాస్తవానికి ప్రధా­న మెట్రోపాలిటన్‌ నగరాలు లేకపోవడం, బెంగళూరు, హైదరాబాద్, చెన్నై, ముంబై, ఢిల్లీ వంటి పారిశ్రామిక కేంద్రాలతో పోటీపడీ మరి ఆంధ్రప్రదేశ్‌ అద్భుతమైన పనితీరుతో అత్యున్న­తంగా నిలిచిందని నివేదిక ఊటంకించింది. సీఎం జగన్‌ దార్శనికతో ఐటీ, ఇతర పరిశ్రమల రాకతో ఉద్యోగ, ఉపాధి కల్పనలో ఏపీ మెరుగైన ఫలితాలనే సాధించింది. ఇప్పుడు అన్ని వయసు్క­లకు ఉపాధి బాగుందని, ముఖ్యంగా 18–21 ఏళ్ల వయసు్కల్లో (73.10 శాతం స్కోరు) ఉద్యో­గాల అందించడంలో నాల్గవ స్థానంలో ఉంది. మహిళలు, పురుషులకు ఉపాధి, ఉద్యోగాల కల్పిస్తున్న అంశంలోనూ ఏపీ 3వ స్థానంలో నిలిచింది. దేశవ్యాప్తంగా ఎంబీఏలో ఎక్కువ ఉద్యోగ అవకాశాలు దక్కుతుంటే ఆ తర్వాత బీఈ/బీటెక్‌లో లభిస్తున్నాయి. ఈ లెక్కన బీఈ/బీటెక్‌ విద్యా­ర్థులకు ఎక్కువ ఉద్యోగాలు అందిస్తున్న రాష్ట్రాల జాబితాలో ఏపీ (73.32 శాతం స్కోరు­తో) 2వ స్థానంలో నిలిచింది. మహారాష్ట్ర అగ్రస్థానాన్ని కైవ­సం చేసుకోగా.. కేరళ, కర్ణాటక మూడు నాలుగు స్థానాల్లో ఉన్నాయి. ఐటీలో 68.44 శాతం, కంప్యూ­టర్‌ సైన్స్‌లో 66 శాతం, ఆ తర్వాత ఎల్రక్టానిక్స్, కమ్యూనికేషన్‌ ఇంజనీరింగ్, ఎలక్ట్రికల్‌ ఇంజనీరింగ్‌ విద్యార్థులకు ఎక్కువ ఉద్యోగాలు లభిస్తున్నాయి. చరిత్రలో ఎన్నడూ లేని­విధంగా గతే­డాది సాంకేతిక విద్యార్థులకు ఏకంగా 1.20 లక్షలకు పైగా క్యాంపస్‌ ఉద్యోగాలు వచ్చాయి. గొప్ప టాలెంట్‌ రిజర్వాయర్‌! దేశంలో పరిశ్రమలకు తగిన నైపుణ్యాలు కలిగిన మానవ వనరులను సరఫరా చేయడంలో ఆంధ్రప్రదేశ్‌ను ‘టాలెంట్‌ రిజర్వాయర్‌’గా నివేదిక అభివర్ణించింది. విద్యార్థులకు మెరుగైన విద్య విషయంలో దృఢమైన నిబద్ధత, విభిన్న నైపుణ్యాల సాధికారత కల్పనలో చిత్తశుద్ధిని లేకుండా ఇతంటి వృద్ధి సాధ్యపడదని పేర్కొంది. భవిష్యత్‌ పారిశ్రామిక అవసరాల్లో ఏపీ కీలకంగా మారుతుందని, కంపెనీలకు స్వర్గధామంగా ఉంటోందని కొనియాడింది. ఉద్యోగాల్లో రూ.2.60 లక్షలు, అంతకంటే ఎక్కువ వేతనాన్ని కోరుకునే తొలి ఐదు రాష్ట్రాల జాబితాలో కేరళ, మహారాష్ట్ర తర్వాత ఆంధ్రప్రదేశ్‌ చోటు దక్కించుకుంది. ముఖ్యంగా బీఈ/బీటెక్‌ విద్యార్థుల్లో నైపుణ్యాలు గణనీయంగా మెరుగుపడినట్టు చెప్పింది. ఏపీలో అర్బన్, సెమీ అర్బన్‌ ప్రాంతాలే ఎక్కువ. కానీ, నైపుణ్యం కలిగిన ఉద్యోగానికి సిద్ధంగా ఉన్న మహిళా వర్క్‌పోర్స్‌లో మెట్రోపాలిటిన్‌ సిటీలను కూడా వెనక్కినెట్టింది. 39.96 శాతం స్కోర్‌తో హర్యానా తర్వాతో రెండో స్థానంలో నిలుస్తోంది. ఢిల్లీ, ఉత్తరప్రదేశ్, పంజాబ్‌ తర్వాతి స్థానాల్లో ఉన్నాయి. సీఎం దార్శనికతకు నిదర్శనం  భవిష్యత్‌ ప్రపంచం కృత్రిమ మేధపై ఆధారపడుతుంది. అలాంటి తరుణంలో మన విద్యార్థుల్లో ఫ్యూచర్‌ స్కిల్స్‌ అభివృద్ధి చేయాలి. ప్రపంచంలోనే ఏపీ విద్యార్థులను అగ్రస్థానంలో నిలపాలని ముఖ్యమంత్రి వైఎస్‌ జగన్‌  సంకల్పిం చారు. అందుకే విద్యార్థులకు నైపుణ్యాభివృద్ధితో పాటు ఉద్యోగ అవకాశాలను పెంపొందించే దిశగా చర్యలు చేపట్టారు. వాటిని ఫలితాల ప్రతిరూపం తాజా ఇండియా స్కిల్స్‌ నివేదిక ద్వారా వెల్లడైంది. దేశంలోనే ‘ఫ్యూచర్‌ స్కిల్స్‌ రెడీస్‌’లో మనం టాప్‌గా నిలవడం సంతోషంగా ఉంది. ఏఐలో పరిపూర్ణ విజ్ఞానవంతులుగా మన విద్యా­ర్థులను తీర్చిదిద్దుతున్నాం. ఇప్ప­టికే ఎల్‌ఎంఎస్‌ ఆన్‌లైన్‌ పోర్టల్‌ ద్వారా సర్టిఫి­కెట్‌ కోర్సులను అందిస్తున్నాం. పరిశ్రమల భాగస్వామ్యంతో రిసోర్స్‌ సెంటర్లు, ఇన్నోవేటివ్‌ ల్యాబ్స్‌ను పెడతాం. – కె.హేమచంద్రారెడ్డి, చైర్మన్, ఉన్నత విద్యామండలి  

సాక్షి, అమరావతి: రాష్ట్రంలో ఉన్నత విద్యనభ్యసిస్తున్న విద్యార్థుల్లో ఓవైపు నైపుణ్యాభివృద్ధిని పెంపొందిసూ్తనే.. మరోవైపు వారిని ‘ఫ్యూచర్‌ స్కిల్‌ ఎక్స్‌పర్ట్స్‌’గా వినియోగించుకునేందుకు ప్రభుత్వం ప్రణాళిక రూపొందిస్తోంది. ఈ మేరకు బీటెక్, ఎంటెక్, ఎంసీఏ, బీఎస్సీ కంప్యూటర్‌ సైన్స్‌ చివరి సంవత్సరం చదువుతున్న విద్యార్థులకు అవకాశం ఇవ్వ­నున్నారు. వీరికి ప్రభుత్వ పాఠశాలల్లో ఇంటర్న్‌­షిప్‌కు అవకాశం కల్పిస్తూ నెలకు రూ.12 వేల స్టైఫండ్‌ ఇవ్వాలని అధికారులు తాత్కాలికంగా ప్రతి­పాదించారు. ఆయా కోర్సులు అభ్యసిస్తున్నవారితో హైస్కూళ్ల విద్యార్థులు, ఉపాధ్యాయులకు ఆధునిక సాంకేతిక వినియోగంపై శిక్షణ అందించనున్నారు. ఈ మేరకు ఏడాది పొడవునా ప్రభుత్వ పాఠశాలల్లో ‘ఫ్యూచర్‌ స్కిల్‌ ఎక్స్‌పర్ట్స్‌’ సేవలు అందేలా పాఠశాల విద్యాశాఖతో కలిసి ఉన్నత విద్యా మండలి సంయుక్త కార్యాచరణ సిద్ధం చేస్తోంది. ముఖ్యంగా కంప్యూటర్‌ సైన్స్‌ విద్యార్థులకు ప్రాధాన్యం ఇవ్వనున్నారు. ఆ తర్వాత అవసరాన్ని బట్టి ఎలక్ట్రానిక్స్‌ అండ్‌ కమ్యూనికేషన్‌ ఇంజనీరింగ్‌ (ఈసీఈ), మెకానికల్‌ బ్రాంచ్‌ విద్యార్థులను పరిశీలిస్తారు. ఇంటర్న్‌షిప్‌కు వచ్చే దరఖాస్తులను బట్టి రాత పరీక్ష నిర్వహించి ఎంపిక చేయాలని ఉన్నత విద్యా మండలి భావిస్తోంది. ఈ ప్రోగ్రామ్‌ను జనవరి నుంచి అమలు చేసేలా కసరత్తు చేస్తోంది. వర్చువల్‌ విధానంలో మరో ఇంటర్న్‌షిప్‌.. రాష్ట్రంలో ప్రతి ప్రభుత్వ హైస్కూల్‌ను సమీపంలోని ఇంజనీరింగ్‌ కళాశాలతో జత చేయనున్నారు. ఇప్పటికే కళాశాలల మ్యాపింగ్‌ ప్రక్రియ కొనసాగుతోంది. హైస్కూల్‌లో ఇంటర్న్‌గా చేసూ్తనే వర్చువల్‌ విధానంలో కూడా మరో ఇంటర్న్‌షిప్‌ చేసుకునే వెసులుబాటు కూడా కల్పిస్తున్నారు. భవిష్యత్తులో బోధన రంగంలో రాణించాలనుకునే వారికి, జాబ్‌ మార్కెట్‌ ఓరియెంటెడ్‌ కోర్సులు నేర్చుకోవాలనుకునే వారికి రెండు విధాల ఇంటర్న్‌షిప్‌ ఉపయోగపడనుంది. వాస్తవానికి విద్యార్థి దశలోనే ఉద్యోగాలకు అవసరమైన నైపుణ్యాన్ని సాధించడానికి ప్రభుత్వం ఉన్నత విద్యలో ఆరు నెలల ఇంటర్న్‌షిప్‌ను తప్పనిసరి చేసిన సంగతి తెలిసిందే. ప్రతి విద్యార్థి తమ కోర్సు చివరి ఏడాదిలో ఇంటర్న్‌షిప్‌ను పూర్తి చేయాల్సి ఉంటుంది. ఇప్పటికే ఏటీఎల్‌ మెంటార్‌షిప్‌.. ‘ఉన్నత విద్యలో కమ్యూనిటీ సర్వీస్‌’ ప్రాజెక్టు కింద ఇంజనీరింగ్‌ విద్యార్థులు ఇప్పటికే హైస్కూల్‌ బాటపడుతున్నారు. రెండు నెలల ఈ ప్రాజెక్టులో భాగంగా హైస్కూళ్లలో ‘అటల్‌ టింకరింగ్‌ ల్యాబ్‌్స (ఏటీఎల్‌)’కు మెంటార్‌షిప్‌ బాధ్యతలు నిర్వర్తిస్తున్నారు. కేంద్ర ప్రభుత్వం గతంలోనే 577  హైస్కూళ్లలో ఏటీఎల్స్‌ను ఏర్పాటు చేసింది. కానీ, గత టీడీపీ ప్రభుత్వం వాటిని నిరుపయోగంగా వదిలేసింది. వైఎస్సార్‌సీపీ ప్రభుత్వం ‘ఏటీఎల్‌’ అవసరాన్ని గుర్తించి వినియోగంలోకి తెచ్చింది. ఇందులో భాగంగానే ఆయా హైస్కూళ్లను ఇంజనీరింగ్‌ కాలేజీలతో మ్యాపింగ్‌ చేస్తోంది. వివిధ బ్రాంచ్‌ల విద్యార్థుల సహాయంతో ‘ఏటీఎల్‌’కు జీవం పోస్తోంది. ఐక్యరాజ్యసవిుతికి చెందిన యునిసెఫ్‌తో కలిసి పనిచేస్తున్న పూణే సంస్థ.. విజ్ఞాన్‌ ఆశ్రమ్‌కు చెందిన ­సోర్స్‌ పర్సన్స్‌తో ఎంపిక చేసిన ఇంజనీరింగ్‌ విద్యార్థులకు శిక్షణ ఇచ్చి మరీ ఏటీఎల్‌ ద్వారా పాఠశాల విద్యార్థులను నూతన ఆవిష్కరణల వైపు నడిపిస్తోంది.  ఈ కోర్సుల్లోనే శిక్షణ.. ఫ్యూచర్‌ స్కిల్‌ ప్రోగ్రామ్‌లో భాగంగా వి­ద్యా­ర్థులకు ఇంటర్నెట్‌ ఆఫ్‌ థింకింగ్స్‌ (ఐ­వో­టీ), ఆర్టిఫిషియల్‌ ఇంటెలిజెన్స్‌ (ఏఐ), మెషీన్‌ లెర్నింగ్‌ (ఎంఎల్‌), బ్లాక్‌చైన్‌ టెక్నాలజీ, వర్చువల్‌ రియాలిటీ (వీఆర్‌), ఆగ్మెంటెడ్‌ రియాలిటీ (ఏఆర్‌), మెటావర్స్‌/వెబ్‌ 3.0, 3డీ మోడలింగ్‌ అండ్‌ ప్రింటింగ్, క్లౌడ్‌ కంప్యూటింగ్, సైబర్‌ సెక్యూరిటీ, బిగ్‌ డేటా/డేటా ఎనలిస్ట్, రోబోటిక్స్‌లో బేసిక్స్‌ బోధించనున్నారు. ఇందులో భాగంగానే ప్రత్యేక పాఠ్య ప్రణాళిక (కరిక్యులమ్‌)ను సైతం రూపొందిస్తున్నారు. దీని ద్వా­­రా ఇంజనీరింగ్‌ విద్యార్థుల సహాయంతో బేసిక్స్‌ నేర్పిసూ్తనే.. పాఠశాల ఉపాధ్యాయులకు డిజిటల్‌ పరికరాలపై విద్యా బో­ధన, హైçస్యూల్‌ విద్యార్థులకు ట్యాబ్స్‌ విని­యోగంపై శిక్షణ ఇవ్వనున్నారు. అలాగే కొ­త్త కంటెంట్‌ ఇన్‌స్టాల్‌ చేసి అందించనున్నారు.  చదువుతో పాటే సంపాదన దేశంలోనే తొలిసారిగా రాష్ట్ర విద్యార్థులు చదువుతో పాటే సంపాదించనున్నారు. ప్రభుత్వ హైస్కూళ్లలో స్టైఫండ్‌తో కూడిన ఇంటర్న్‌షిప్‌ ఓ గొప్ప మార్పునకు నాంది. అందుబాటులోని మానవ వనరుల సమర్థవంత వినియోగానికి ఇదొక ప్రత్యక్ష ఉదాహరణ. ముఖ్యమంత్రి వైఎస్‌ జగన్‌మోహన్‌రెడ్డి విద్యావ్యవస్థలో చేపట్టిన విప్లవాత్మక మార్పులతోనే ప్రభుత్వ బడుల్లో డిజిటల్‌ లిటరసీ పెరుగుతోంది. పేదింటి విద్యార్థులు స్మార్ట్‌ ప్యానల్స్‌­పై పాఠాలు వింటున్నారు. ట్యాబ్‌ల్లో పాఠాలు చదువుతున్నారు. వీటి ద్వారా మ­రింత నాణ్యమైన సాంకేతిక పాఠాలను నేర్పించేందుకు ఇంజనీరింగ్‌ విద్యార్థులను హైస్కూళ్లలో ఇంటర్న్‌షిప్‌నకు ఆహ్వానిస్తున్నాం. తద్వారా పాఠశాలల్లోని కంప్యూటర్‌ ల్యాబ్స్, ఏటీఎల్స్‌ పూర్తిస్థాయిలో పనిచేస్తాయి.  – ఆచార్య హేమచంద్రారెడ్డి, చైర్మన్, ఉన్నత విద్యా మండలి 

Google Winter Internship 2024: ప్రస్తుతం ఎక్కువ శాలరీలు ఇస్తున్న కంపెనీలలో ప్రముఖ టెక్ దిగ్గజం 'గూగుల్' ఒకటని అందరికి తెలుసు. ఈ సంస్థలో ఉద్యోగం కోసం చాలామంది విశ్వప్రయత్నం చేస్తారు. అందులో అందరికి జాబ్ వస్తుందని ఖచ్చితంగా చెప్పలేము. కానీ ఇప్పుడు ఈ సంస్థ 'వింటర్ ఇంటర్న్‌షిప్‌-2024' పేరుతో ఒక ప్రత్యేక ప్రోగ్రామ్ నిర్వహిస్తోంది. దీనికి ఎలా అప్లై చేసుకోవాలి? స్టైఫండ్ ఎంత ఇస్తారనే మరిన్ని వివరాలు ఈ కథనంలో తెలుసుకుందాం. గూగుల్ కంపెనీ ప్రవేశపెట్టిన ఈ ఇంటర్న్‌షిప్‌ కోసం అప్లై చేసుకోవాలంటే కంప్యూటర్ సైన్స్ లేదా సంబంధిత రంగాలలో బ్యాచిలర్, మాస్టర్స్ లేదా డ్యూయల్-డిగ్రీ ప్రోగ్రామ్‌లో చివరి సంవత్సరం చదువుతున్న విద్యార్థులై ఉండాలి. టెక్ దిగ్గజంతో మీ కెరీర్‌ని ప్రారంభించాలని చూస్తున్నట్లయితే, ఫ్రెషర్‌లకు ఈ ఇంటర్న్‌షిప్ సువర్ణావకాశం అనే చెప్పాలి. అప్లై చేయడం ఎలా? అప్లై చేయడానికి ముందు ఒక రెజ్యూమ్ క్రియేట్ చేసుకోవాలి. అందులో తప్పకుండా కోడింగ్ ల్యాంగ్వేజ్ మీద మీకు నైపుణ్యం ఉన్నట్లు నిర్దారించాలి. https://cse.noticebard.com/internships/google-winter-internship-2024/ఈ లింకులోకి వెళ్లి రెజ్యూమ్ సెక్షన్‌లో రెజ్యూమ్ అప్‌లోడ్‌ చేయాలి. హయ్యర్ స్టడీస్ విభాగంలో అవసరమైన విషయాలు ఫిల్ చేయాలి. ఆ తరువాత డిగ్రీ స్టేటస్ కింద 'నౌ అటెండింగ్' ఆప్షన్ ఎంచుకోవాలి. తరువాత ఇంగ్లీష్ ట్రాన్‌స్క్రిప్ట్‌ను అప్‌లోడ్ చేసి, అప్లికేషన్ సబ్‌మిట్‌ చేయాలి. దరఖాస్తు చేసుకోవడానికి లాస్ట్ డేట్ 2023 అక్టోబర్ 01. ఇందులో ఎంపికైన వారు హైదరాబాద్, బెంగళూరులో పనిచేయాల్సి ఉంటుంది. ఇదీ చదవండి: పండుగ సీజన్‌లో అదిరిపోయే బ్యాంక్ ఆఫర్లు - ఇవి కదా కస్టమర్ కోరుకునేది! కనీస అర్హతలు.. ఇంటర్న్‌షిప్‌ కోసం అప్లై చేసుకోవాలంటే సాఫ్ట్‌వేర్ డెవలప్‌మెంట్ లేదా సంబంధిత సాంకేతిక రంగంపై దృష్టి సారించే అసోసియేట్, బ్యాచిలర్ లేదా మాస్టర్స్ డిగ్రీ ఉండాలి. సాఫ్ట్‌వేర్ డెవలప్‌మెంట్‌లో అనుభవం. ఒకటి లేదా అంతకంటే ఎక్కువ భాషలలో కోడింగ్ ప్రావీణ్యం (Ex: C, C++, Java, JavaScript, Python). ఎంపికైన వారు ఇంటర్న్‌షిప్‌ సమయంలో గూగుల్‌లో సాఫ్ట్‌వేర్ ఇంజినీరింగ్ ఇంటర్న్‌గా పనిచేయాల్సి ఉంటుంది. ఇందులో గూగుల్ టెక్నాలజీ సవాళ్ళను ఎదుర్కొంటూ సేవలందించాల్సి ఉంటుంది. సెర్చ్ సామర్థ్యాన్ని మరింత మెరుగుపరచడం, కంప్యూటింగ్ ప్లాట్‌ఫామ్‌, నెట్‌వర్కింగ్ టెక్నాలజీలను అభివృద్ధి చేయడం, వీడియో ఇండెక్సింగ్‌ను ఆటోమేట్ చేయడం వంటివి ఉండవచ్చు. మొత్తం మీద సంక్లిష్టమైన సాంకేతిక సమస్యలకు వినూత్న పరిష్కారాలను రూపొందించడమే మీ పని. స్టైఫండ్ ఎలా? ఇంటర్న్‌షిప్‌కి ఎంపికైన వ్యక్తి ఆరు నెలలు లేదా 22 నుంచి 24 నెలలు హైదరాబాద్ లేదా బెంగళూరులో పనిచేయాల్సి ఉంటుంది. ఈ సమయంలో స్టైఫండ్‌గా నెలకు రూ. 83,947 కంపెనీ అందిస్తుంది. ఈ ప్రోగ్రామ్ 2024 జనవరి నుంచి ప్రారంభమవుతుంది.

నూజివీడు: ఏలూరు జిల్లా నూజివీడు ట్రిపుల్‌ఐటీకి చెందిన ఈసీఈ ఆఖరి సంవత్సరం విద్యార్థులు తొమ్మిది మంది అమెరికన్‌ బహుళజాతి సెమీ కండక్టర్‌ కంపెనీ అయిన అన్‌లాగ్‌ డివైజెస్‌కి ఎంపికయ్యారు. ఆ సంస్థ ప్రతినిధులు ట్రిపుల్‌ఐటీలో ప్లేస్‌మెంట్‌ డ్రైవ్‌ నిర్వహించి ఆప్టిట్యూడ్, టెక్నికల్‌ పరీక్షల అనంతరం తొమ్మిది మంది విద్యార్థులను ఏడాదిపాటు లాంగ్‌టర్మ్‌ ఇంటర్న్‌షిప్‌కు ఎంపిక చేశారు. ఇంటర్న్‌షిప్‌ సమయంలో ఈ విద్యార్థులకు నెలకు రూ.40వేలు చొప్పున స్టయిఫండ్‌ ఇస్తారు. ఇంటర్న్‌షిప్‌ పూర్తయిన తర్వాత వారి పనితీరు ఆధారంగా విద్యార్థులను ఉద్యోగాల్లోకి తీసుకుంటారు. ఇదే సంస్థ గతేడాది నూజివీడు ట్రిపుల్‌ఐటీకి చెందిన ముగ్గురు విద్యార్థులను ఎంపిక చేసుకుని వారికి రూ.27లక్షల వార్షిక వేతనంతో ఉద్యోగాలను ఇచ్చింది. ఈ సందర్భంగా ట్రిపుల్‌ఐటీ ఈసీఈ హెచ్‌వోడీ పి.శ్యామ్‌ మాట్లాడుతూ భారతదేశ సెమీ కండక్టర్‌ పాలసీ ఫ్రేమ్‌ వర్క్‌కు అనుగుణంగా అగ్రశ్రేణి విద్యావేత్తలు, పరిశ్రమల నిపుణుల సలహాలు, సూచనల మేరకు ట్రిపుల్‌ఐటీలో పాఠ్యాంశాలను సిద్ధం చేసినట్లు పేర్కొన్నారు. ఎనిమిది రకాల అత్యాధునిక ల్యాబ్‌లతో నిరంతరం విద్యార్థుల సర్వతోముఖాభివృద్ధికి కృషి చేస్తున్నట్లు తెలిపారు.  

సాక్షి, హైదరాబాద్‌: విదేశాల్లో ఎంబీబీఎస్, తత్సమాన మెడికల్‌ గ్రాడ్యుయేషన్‌ పూర్తి చేసిన విద్యార్థులకు రాష్ట్రంలో కంపల్సరీ రొటేటింగ్‌ మెడికల్‌ ఇంటర్న్‌షిప్‌ (సీఆర్‌ఎంఐ) చేసుకునేందుకు జాతీయ మెడికల్‌ కమిషన్‌ (ఎన్‌ఎంసీ) అనుమతిస్తూ  గురువారం ఆదేశాలు జారీ చేసింది. ఇందులో రాష్ట్రంలో ఇంటర్న్‌షిప్‌కు అవకాశం ఉన్న ప్రభుత్వ, ప్రైవేట్‌ మెడికల్‌ కాలేజీల వివరాలను పొందుపరిచింది. ఫారిన్‌ మెడికల్‌ గ్రాడ్యుయేట్‌ ఎగ్జామ్‌ (ఎఫ్‌ఎంజీఈ) పాసైన విద్యార్థులంతా రాష్ట్రంలో ఇంటర్న్‌షిప్‌ చేసుకోవచ్చని తెలిపింది. ఏడాది ఇంటర్న్‌షిప్‌ సందర్భంగా ప్రభుత్వ, ప్రైవేట్‌ మెడికల్‌ కాలేజీల్లో వారికి స్టైపెండ్‌ కూడా ఇవ్వాలని ఎన్‌ఎంసీ స్పష్టమైన ఆదేశాలిచ్చింది. త్వరలో ఇంటర్న్‌షిప్‌ కోసం ఎఫ్‌ఎంజీఈ పాసైన విదేశీ మెడికల్‌ గ్రాడ్యుయేట్ల నుంచి దరఖాస్తులు స్వీకరిస్తామని కాళోజీ వర్సిటీ తెలి పింది. ఎన్‌ఎంసీ ఆదేశాల మేరకు నడుచుకుంటామని వర్సిటీ వర్గాలు వెల్లడించాయి.   3,833 మందికి ఇంటర్న్‌షిప్‌ అవకాశం..  కరోనా కాలంలోనూ, ఆ తర్వాత అనేకమంది విదేశీ ఎంబీబీఎస్‌ విద్యార్థులు వైద్య విద్యను అభ్యసించేందుకు నానా ఇబ్బందులు పడ్డారు. కొందరు అక్కడకు వెళ్లి చదవగా, చాలామంది ఆన్‌లైన్‌ క్లాసుల ద్వారా మెడికల్‌ కోర్సు పూర్తి చేశారు. అలా విదేశీ వైద్య విద్య పూర్తి చేసినవారు తర్వాత దేశంలో మెడికల్‌ రిజిస్ట్రేషన్, ప్రాక్టీస్‌ కోసం ఎఫ్‌ఎంజీఈ పరీక్ష రాయాల్సి ఉంటుందన్న సంగతి తెలిసిందే. ఎఫ్‌ఎంజీఈ పరీక్ష పాసైన వారు ఇంటర్న్‌షిప్‌ చేయాల్సి ఉంది. గతంలో విదేశీ గ్రాడ్యుయేట్ల కోసం కొన్ని కాలేజీల్లోనే ఇంటర్న్‌షిప్‌కు అవకాశం ఉండగా, ఇప్పుడు రాష్ట్రంలో ఉన్న 44 ప్రభుత్వ, ప్రైవేట్‌ కాలేజీల్లో ఇంటర్న్‌షిప్‌ చేయడానికి వీలు కల్పించారు. ప్రస్తుతం ఆయా కాలేజీల్లో 3,833 మంది ఇంటర్న్‌షిప్‌ చేయవచ్చు. ఇప్పటివరకు ఎంబీబీఎస్‌ బ్యాచ్‌ బయటకు రాని మెడికల్‌ కాలేజీల్లో ఆయా కాలేజీలకు చెందినవారు ఇంటర్న్‌షిప్‌ దశకు చేరుకోనందున, అక్కడ పూర్తిస్థాయిలో విదేశీ గ్రా డ్యుయేట్లకు ఇంటర్న్‌షిప్‌కు అవకాశం కల్పించారు. సీట్ల సంఖ్యకు మించి కూడా కొన్నిచోట్ల ఇంటర్న్‌షిప్‌కు అవకాశం కల్పించినట్లు తెలుస్తోంది.   

సాక్షి, అమరావతి :  అన్నదాతలకు విత్తు నుంచి విక్రయం వరకు గ్రామస్థాయిలో సేవలందిస్తున్న వైఎస్సార్‌ రైతుభరోసా కేంద్రాలు (ఆర్బీకే) యూనివర్సిటీల్లో పాఠ్యాంశమయ్యాయి. వ్యవసాయ, ఉద్యాన, మత్స్య, వెటర్నరీ, కళాశాల విద్యార్థులకు ప్రాక్టికల్‌ తరగతులుగా కూడా మారాయి. యూనివర్సిటీలు, అనుబంధ, ప్రైవేటు కళాశాలల్లో డిగ్రీ చదివే విద్యార్థులు ఇక నుంచి విధిగా ఆర్బీకేల్లో ఇంటర్న్‌షి ప్‌ నిర్వహించేలా మార్పుచేశారు. ఇప్పటికే వ్యవసాయ, ఉద్యాన, వెటర్నరీ విద్యార్థులు ఇందుకు శ్రీకారం చుట్టగా, మత్స్య యూనివర్సిటీ వచ్చే విద్యా సంవత్సరం నుంచి ప్రారంభించేందుకు సన్నాహాలు చేస్తోంది.   విజ్ఞాన భాండాగారాలుగా ఆర్బీకేలు..  రాష్ట్ర ప్రభుత్వం ఎంతో ప్రతిష్టాత్మకంగా ఏర్పాటుచేసిన ఈ ఆర్బీకేలు రెండున్నరేళ్లుగా రైతులకు విశేష సేవలందిస్తూ అంతర్జాతీయ మన్ననలు అందుకుంటున్నాయి. రాష్ట్రంలో సచివాలయాలకు అనుబంధంగా మొత్తం 10,778 ఆర్బీకేలను ఏర్పాటుచేశారు. వన్‌స్టాప్‌ సెంటర్‌గా వీటిని తీర్చిదిద్దారు. బుక్‌ చేసుకున్న 24 గంటల్లోనే సబ్సిడీ, నాన్‌ సబ్సిడీ విత్తనాలు, పురుగుల మందులతోపాటు ఎరువులను రైతు ముంగిటకు సరఫరా చేస్తున్నారు. వీటికి అనుబంధంగా ఏర్పాటుచేసిన వైఎస్సార్‌ యంత్ర సేవా కేంద్రాల ద్వారా అద్దెకు సాగు యంత్రాలనూ అందుబాటులోకి తెచ్చారు. అలాగే, ఆర్బీకేల్లో ఏర్పాటుచేసిన కియోస్‌్కలు, డిజిటల్, స్మార్ట్‌ గ్రంథాలయాల ద్వారా అంతర్జాతీయంగా వస్తున్న ఆధునిక పోకడలు, మెళకువలను మారుమూల రైతులకు అందిస్తూ వాటిని నాలెడ్జ్‌ హబ్‌లుగా తీర్చిదిద్దారు. ఇక వీటిల్లో ఏర్పాటుచేసిన కొనుగోలు కేంద్రాల ద్వారా పండించిన పంట ఉత్పత్తులను కళ్లాల వద్దే కొనుగోలు చేస్తున్నారు. ఇలా రెండున్నరేళ్లలో రెండు కోట్ల మందికి పైగా రైతులు వీటి ద్వారా సేవలందుకున్నారు. వీటి గురించి తెలుసుకున్న కేంద్రం సహా పలు రాష్ట్రాలు ఏపీ బాట పట్టగా, పలు దేశాల ప్రతినిధులూ ఇక్కడికొచ్చి వీటిపై అధ్యయనం చేశారు.   ఈ కేంద్రాల్లో ఇంటర్న్‌షిప్‌  సాధారణంగా.. మెడికోలకు బోధనాస్పత్రుల్లోనూ, ఇంజనీరింగ్, పాలిటెక్నిక్‌ విద్యార్థులకు సంబంధిత పరిశ్రమల్లోనూ చివరి ఏడాది ఇంటర్న్‌షి ప్‌ ఉంటుంది. అదేరీతిలో వ్యవసాయ వర్సిటీ విద్యార్థులను జిల్లా కేంద్రాల్లో ఉండే డాట్‌ సెంటర్లకు, మిగిలిన వర్సిటీలు రీసెర్చ్‌ స్టేషన్, కేవీకేలకు అటాచ్‌ చేసేవారు. వాటి పరిధిలో ఓ వారం పదిరోజుల పాటు విద్యార్థులు స్టడీ చేసేవారు. ప్రస్తుతం ఆర్బీకేలు కేంద్రంగా ఇంటర్న్‌షిప్‌ నిర్వహించేలా ప్రభుత్వం కార్యాచరణ సిద్ధంచేసింది. ఉద్యాన విద్యార్థులకు ఆర్నెల్లు, వ్యవసాయ విద్యార్థులకు మూడు నెలలు, వెటర్నరీ విద్యార్థులకు నెలరోజుల చొప్పున ఇంటర్న్‌షి ప్‌ నిర్వహించేలా ఆయా యూనివర్సిటీ వీసీలు ఇప్పటికే ఆదేశాలు జారీచేశారు. అలాగే, వచ్చే విద్యా సంవత్సరం నుంచి కనీసం 20 నుంచి నెలరోజులపాటు ఇంటర్న్‌షి ప్‌ ఉండేలా మత్స్య యూనివర్సిటీ కూడా షెడ్యూల్‌ రూపొందిస్తోంది. ఇప్పటికే వ్యవసాయ, ఉద్యాన, వెటర్నరీ వర్సిటీల్లో ఈ ఇంటర్న్‌షి ప్‌కు శ్రీకారం చుట్టారు.   ఆర్బీకేల్లో ఇన్ఫర్మేషన్‌ కార్నర్‌  ఇక ఇంటర్న్‌షి ప్‌ కోసం ఆర్బీకేల్లో ఇన్ఫర్మేషన్‌ కార్నర్‌ను ఏర్పాటుచేశారు. రీసెర్చ్, ఎక్స్‌టెన్షన్‌ సెంటర్ల శాస్త్రవేత్తలతో పాటు స్థానిక అధికారులు, ఆర్బీకే సిబ్బందితో అనుసంధానం చేశారు. ప్రతీరోజు ఆర్బీకేలను విజిట్‌ చేస్తూ వాటి ద్వారా అందిస్తున్న  సేవలను పరిశీలించేలా షెడ్యూల్‌ రూపొందించారు. ప్రధానంగా ఇన్‌పుట్స్‌ సరఫరా, కియోస్‌్కల పనితీరు, వాతావరణ సమాచారం, నాలెడ్జ్‌ షేరింగ్, ఈ–క్రాప్‌ బుకింగ్, మార్కెట్‌ ఇంటెలిజెన్స్‌ సరీ్వస్, కొనుగోలు తీరు, ఆర్బీకే సిబ్బంది, బ్యాంక్‌ మిత్రల సేవలు, పశువులకు వ్యాక్సినేషన్, హెల్త్‌కార్డుల జారీ, సీహెచ్‌సీలు, పొలంబడులు, తోటబడులు, పశు విజ్ఞాన బడులు, వ్యవసాయ సలహా మండళ్ల పనితీరు, ఎఫ్‌పీఓలు, జేఎల్‌జీ గ్రూపుల పనితీరుతో పాటు పంటల బీమా, రైతుభరోసా, సున్నా వడ్డీ పంటల రుణాలు వంటి పథకాల అమలు తీరుతో పాటు క్షేత్రస్థాయి పరిశీలనలో గుర్తించిన అంశాలపై ప్రాజెక్టు రిపోర్టు సమరి్పంచాల్సి ఉంటుంది. ఈ మొత్తంపై విద్యార్థుల అధ్యయనాన్ని అంచనా వేస్తూ 5–10 మార్కుల వరకు ఇస్తారు.     తరగతి గదుల్లో  ఆర్బీకేల గురించి..  ఈ నేపథ్యంలో.. రైతులకు అన్ని విధాలుగా అండదండలందిస్తూ వ్యవసాయ, అనుబంధ రంగాలకు వెన్నుదన్నుగా నిలుస్తున్న ఆర్బీకేల అంశాన్ని వ్యవసాయ, ఉద్యాన, వెటర్నరీ యూనివర్సీటీల్లో పాఠ్యాంశంగా చేర్చారు. గ్రామీణ ఆరి్థక వ్యవస్థ రూపురేఖలు మారుస్తున్న వీటిæ గురించి తరగతి గదుల్లో బోధిస్తున్నారు. సచివాలయాలకు అనుబంధంగా ఆర్బీకేలు ఎందుకు ఏర్పాటుచేయాల్సి వచ్చింది? వాటి ఆవశ్యకత, లక్ష్యాలు, వాటి ద్వారా గ్రామస్థాయిలో వ్యవసాయ, అనుబంధ రంగాలకు అందిస్తున్న సేవలు, రైతుల జీవితాల్లో ఆర్బీకేలు ఎలాంటి మార్పును తీసుకొచ్చాయి.. ఇతర రాష్ట్రాలు, దేశాలు ఆర్బీకేలను ఎందుకు ఆదర్శంగా తీసుకుంటున్నాయి వంటి అంశాలను పాఠ్యాంశాల్లో చేర్చారు.   ఆర్బీకేల ద్వారా ఎంతో నేర్చుకుంటున్నాం  నేను బీఎస్సీ హానర్స్‌ ఫైనల్‌ ఇయిర్‌ చదువుతున్నా. నాతో పాటు మరో ఆరుగురు విద్యార్థులు తూర్పు గోదావరి జిల్లా నల్లజర్ల మండలం సింగరాజుపాలెం ఆర్బీకే పరిధిలో ఇంటర్న్‌షి ప్‌ చేస్తున్నాం. ఆర్బీకేల పనితీరు.. అందిస్తున్న సేవలను పరిశీలిస్తున్నాం. రోజూ ఫీల్డ్‌ విజిట్స్‌ చేస్తున్నాం. సాయంత్రం పూట రైతులతో భేటీ అవుతూ వారి సమస్యలకు సలహాలు, సూచనలిస్తున్నాం.  – దాసరి షీలా జయశ్రీ, పార్వతీపురం ఉద్యాన కళాశాల విద్యార్థిని    ఆర్బీకేల గురించి కాలేజీలో ఎంతో చెప్పారు  నేను బ్యాచురల్‌ ఆఫ్‌ వెటర్నరీ సైన్స్‌ చదువుతున్నా. ఏప్రిల్‌ నుంచి ఇంటర్న్‌షి ప్‌కు వెళ్లబోతున్నాం. ఈసారి ఇంటర్న్‌షి ప్‌లో ఆర్బీకేల విజిట్‌ను కూడా చేర్చారు. కాలేజిలో కూడా వాటి కోసం ఎంతో చెప్పారు. ఇంటర్న్‌షిప్‌లో వాటి పనితీరుపై ప్రత్యక్షంగా స్టడీ చేస్తాం.  – భూక్యాసాయి, కాలేజ్‌ ఆఫ్‌ వెటర్నరీ సైన్స్, తిరుపతి  సుశిక్షితులుగా తీర్చిదిద్దడమే లక్ష్యం  విద్యాబోధన తరగతి గదులకే పరిమితం కాకూడదు. వారు నేర్చుకున్న పాఠాలు.. క్షేత్రస్థాయిలో పరిస్థితులపైనా అవగాహన పెంపొందించుకోవాలి. యూనివర్సిటీ నుంచి బయటకొచ్చేసరికి పరిశోధనలు చేసేలా విద్యార్థులను తీర్చిదిద్దడమే లక్ష్యం. అందుకే ఆర్బీకేల్లో ఇంటర్న్‌షి ప్‌ నిర్వహిస్తున్నాం.  – డా.ఆదాల విష్ణువర్థన్‌రెడ్డి, వీసీ, ఏపీ ఎన్జీ రంగా వ్యవసాయ వర్సిటీ    ఆర్బీకేలను పాఠ్యాంశంగా చేర్చాం  ప్రస్తుత విద్యాసంవత్సరం నుంచి ఆర్బీకేలను పాఠ్యాంశంగా చేర్చాం. ఆర్బీకేలు కేంద్రంగా ఇంటర్న్‌షి ప్‌కు శ్రీకారం చుట్టాం. దాదాపు ఆర్నెల్ల పాటు ఈ కార్యక్రమం జరుగుతుంది. కనీసం ఐదు నుంచి ఆరుగురు చొప్పున ఒక్కో ఆర్బీకేకు అటాచ్‌ చేశాం.     – డాక్టర్‌ టి.జానకీరామ్, వీసీ, డాక్టర్‌ వైఎస్సార్‌ ఉద్యాన విశ్వవిద్యాలయం  

సాక్షి, హైదరాబాద్‌: గతంలో భారతీయ వైద్య మండలి (ఎంసీఐ) అనుమతి పొందిన, 2022 అక్టోబరు 21వ తేదీ లోపు జాతీయ వైద్య కమిషన్‌ (ఎన్‌ఎంసీ) గుర్తించిన విదేశాల్లో ఎంబీబీఎస్‌ పూర్తి చేసిన విద్యార్థులు.. ఆయా దేశాల్లోనే ఏడాది పాటు ఇంటర్న్‌షిప్‌ చేస్తే దాన్ని ఈ ఒక్క ఏడాది వరకు గుర్తిస్తామని ఎన్‌ఎంసీ స్పష్టం చేసింది. ప్రస్తుతం ఏ దేశంలో ఎంబీబీఎస్‌ పూర్తి చేసినా కూడా భారత్‌లో అర్హత పరీక్షలో ఉత్తీర్ణత సాధించి, అనంతరం ఒక ఏడాది పాటు తప్పనిసరిగా ఇంటర్న్‌షిప్‌ చేయాల్సి ఉంది.  ఈ నిబంధన తాజాగా అమల్లోకి రావడంతో 2022 అక్టోబర్‌కు ముందే ఇంటర్న్‌షిప్‌ విదేశాల్లో పూర్తి చేసిన వారు మళ్లీ ఇక్కడ చేయాల్సిన పరిస్థితులు ఏర్పడ్డాయి. దీంతో అలాంటి అభ్యర్థులు ఈ నిబంధనను సడలించాలని ఎన్‌ఎంసీని కోరారు. దీన్ని పరిశీలించిన ఎన్‌ఎంసీ తాజాగా వెసులుబాటు కల్పించింది.  తాము అనుమతించిన కాలేజీలు, విశ్వవిద్యాలయాల్లో గతేడాది అక్టోబర్‌ 21కు ముందు ఎంబీబీఎస్, తత్సమాన అర్హతతో వైద్య విద్య పూర్తి చేసి, ఏడాది పాటు ఇంటర్న్‌షిప్‌ చేసినట్లయితే వారికి ఈ ఒక్క ఏడాదికి సడలింపిస్తామని ఉత్తర్వులు జారీచేశారు. (క్లిక్ చేయండి: 20 కోట్ల ఆఫర్‌ని కాదన్నాడు.. రూ.100కోట్లు ఇచ్చినా కూడా..)

సాక్షి అమరావతి: ఏపీలోని 3.5 లక్షల మంది విద్యార్థులు అక్టోబర్‌ 1 నుంచి తమ ఇంటర్న్‌షిప్‌లను ప్రారంభిస్తారని ఉన్నత విద్యామండలి చైర్మన్‌ ప్రొఫెసర్‌ కె. హేమచంద్రారెడ్డి తెలిపారు. మండలి కార్యాలయంలో లింక్డ్‌ఇన్‌ ద్వారా చేకూరే ప్రయోజనాలపై మంగళవారం ఆయన అధికారులతో సమావేశం నిర్వహించారు. మండలి అభివృద్ధి చేసిన లెర్నింగ్‌ మేనేజ్‌మెంట్‌ సిస్టమ్‌ (ఎల్‌ఎంఎస్‌) ప్లాట్‌ఫారమ్‌ గురించి వివరిస్తూ.. ఇప్పటికే 9 లక్షల మంది విద్యార్థులు ఈ ప్లాట్‌ఫారమ్‌లో నమోదు చేసుకున్నారని తెలిపారు.   ఇక నుంచి ఎల్‌ఎంఎస్‌లో ఉద్యోగావకాశాలు కనిపిస్తాయని చెప్పారు. లింక్డ్‌ఇన్‌ ఇండియా హెడ్‌ సబాకరీం మాట్లాడుతూ.. ఏపీలో చాలా టాలెంట్‌ పూల్‌ ఉందని.. రాష్ట్రంలో విద్యార్థుల అవకాశాలు పెంచడానికి, యజమానులను ఆకర్షించడానికి లింక్డ్‌ఇన్‌ సహాయపడుతుందని చెప్పారు. లింక్డ్‌ఇన్‌ సీనియర్‌ డైరెక్టర్‌ రుచీ ఆనంద్‌ మాట్లాడుతూ.. లింక్డ్‌ఇన్‌ లెర్నింగ్‌ సొల్యూషన్స్‌ నుండి విద్యార్థులు ప్రతివారం 60 కోర్సులు నేర్చుకుంటున్నారని చెప్పారు. సమావేశంలో ప్రభుత్వ ఐటీ సలహాదారు శ్రీనాథ్‌ దేవిరెడ్డి తదితరులు పాల్గొన్నారు.   

రాజమహేంద్రవరం : ఆదికవి నన్నయ యూనివర్సిటీ పరిధిలోని డిగ్రీ విద్యార్థులకు ఇంటర్న్‌షిప్‌ అవకాశమిచ్చి తద్వారా ఉద్యోగావకాశాలు కల్పించేందుకు టీసీఎస్‌ సంస్థ ముందుకు వచ్చింది. ఆ సంస్థ ప్రతినిధులు షీనా మేథ్యూ, ఎల్‌. రవి, సాయిసుస్మిత, శరణ్యలు మంగళవారం వీసీ ఆచార్య ఎం. జగన్నాథరావుతో సమావేశమయ్యారు. రెండు నెలలపాటు సాప్ట్‌వేర్‌ టూల్స్‌పై విద్యార్థులకు శిక్షణ ఇస్తామన్నారు.  ఈ సందర్భంగా వీసీ మాట్లాడుతూ ఇప్పటికే తమ విద్యార్థులకు వికాస సహకారంతో కొన్ని ఇంటర్న్‌షిప్‌ అవకాశాలు లభిస్తున్నాయన్నారు. టీసీఎస్‌ సంస్థ కూడా ముందుకు రావడం హర్షణీయమన్నారు. జిల్లాలోని ప్రైవేట్‌ సంస్థలలో కూడా ఇంటెర్న్‌షిప్‌ అందించేందుకు తోడ్పడాలన్నారు. రిజిస్ట్రార్‌ ఆచార్య టి. అశోక్, ఓఎస్‌డి ఆచార్య ఎస్‌. టేకి, డీన్‌ ఆచార్య పి. సురేష్‌వర్మ, ప్రిన్సిపాల్‌ డాక్టర్‌ వి. పెర్సిస్, వికాస్‌ పీడీ కె. లచ్చారావు, మేనేజర్‌ శ్రీకాంత్, శర్మ, తదితరులు పాల్గొన్నారు. డిగ్రీ ఫైనలియర్‌ విద్యార్థులకు టీసీఎస్‌ ద్వారా రెండు నెలల శిక్షణ తూర్పు గోదావరి జిల్లాలో 3500 మంది డిగ్రీ ఫైనలియర్‌ విద్యార్థులకు టీసీఎస్‌ ద్వారా సెప్టెంబర్‌ చివరి వారం నుంచి రెండు నెలల శిక్షణ నిర్వహిస్తున్నామని కలెక్టర్‌ కే.మాధవీలత తెలిపారు. మంగళవారం రాత్రి స్థానిక కలెక్టర్‌ క్యాంపు కార్యాలయంలో టీసీఎస్‌ ప్రతినిధులు ఎన్‌.రవి,  సుస్మిత, శరణ్య, వికాస్‌ పీడీ కే.లచ్చారావుతో కలిసి శిక్షణ కార్యక్రమంపై సమీక్ష నిర్వహించారు. ఈ సందర్భంగా కలెక్టర్‌ మాధవీలత మాట్లాడుతూ సంస్థ తరఫున 15 నుంచి 20 మంది శిక్షణ నిర్వహిస్తారని పేర్కొన్నారు.

రాజానగరం(తూర్పుగోదావరి): చదివిన చదువు విద్యార్థికి ఉపయోగపడాలి. ఉపాధికి మార్గం చూపాలి. విజ్ఞానం పంచాలి. ఇందుకు భిన్నమైన పరిస్థితులు ఉండటంతో విద్యార్థులు చదువు పూర్తయ్యాక పట్టా చేత పట్టుకుని అయోమయంలో కొట్టుమిట్టాడుతున్నారు. ఏం చేయాలో పాలుపోని పరిస్థితి ఎదుర్కొంటున్నారు. అటు ఉద్యోగం పొందలేక ఇటు బయట ప్రపంచంలో మనలేక అవస్థలు పడుతున్నారు. చదవండి: మగవాళ్లకు మాత్రమే.. ఆడవారికి నో ఎంట్రీ.. ఎందుకంటే?  కొద్దిరోజులుగా ఈ పరిస్థితిలో మార్పు వస్తోంది. విద్యార్థికి ఎదురవుతున్న ఇటువంటి క్లిష్ట పరిస్థితిని చక్కదిద్దేందుకు విద్యా సంస్థలు మార్గాన్వేషణ చేస్తున్నాయి. స్కిల్‌ బోధన చేస్తున్నాయి. కొన్ని చోట్ల ఇంజినీరింగ్‌ విద్యార్థులకు ఇంటర్న్‌షిప్‌ ఇస్తూ ఉపాధి బాట చూపుతున్నాయి. నన్నయ విశ్వ విద్యాలయం ఈ విషయంలో చురుకైన పాత్ర పోషిస్తోంది. ఏటా లక్షలాది మంది విద్యార్థులు ఇంజినీరింగ్‌ కోర్సులు పూర్తి చేసి, బయటకొస్తున్నారు. వారిలో చాలామందిలో పరిశ్రమలకు అవసరమైన సామర్థ్యాలు కొరవడుతున్నాయి. ఫలితంగా  సరైన ఉపాధి అవకాశాలు పొందలేకపోతున్నారు. ఈ కొరతను నివారించి, తరగతి గదిలో నేర్చుకున్న పరిజ్ఞానం ఉపయోగపడేలా విద్యాసంస్థలు ఇప్పుడు బాట వేస్తున్నాయి. పరిశ్రమలకు అవసరమైన సామర్థ్యంతో కూడా అవగాహన కలిగించేందుకుగాను ఇంజినీరింగ్‌ విద్యార్థులకు ఈ ఇంటర్న్‌షిప్‌ ఎంతగానో తోడ్పడుతుంది. అంతేకాదు పరిశోధనలు చేసే విద్యార్థులకు కూడా ఇది ఉపయుక్తంగా ఉంటుందంటున్నారు అధ్యాపకులు. ఈ కారణంగానే ప్రతి విద్యార్థి తన కోర్సులో ఏదోఒక పరిశ్రమలో ఇంటర్న్‌షిప్‌ చేయాలని రాష్ట్ర ఉన్న విద్యామండలి నిబంధన కూడా పెట్టింది. ఈ నేపథ్యంలో ఇంటర్న్‌షిప్‌ అనేది ఇంజినీరింగ్‌ విద్యార్థులలో నైపుణ్యాలను పెంపొందించుకునేందుకు మార్గాన్ని చూపటంతోపాటు ఉపాధి అవకాశాలకు తొలి మెట్టుగా ఉపయోగపడుతుందనడంలో సందేహం లేదు. అందుకే కాలేజీల నుంచి ఇంటర్న్‌షిప్‌నకు మరో పరిశ్రమ లేదా సంస్థకు వెళ్లే విద్యార్థులు దీనిని సదవకాశంగా భావించాలని విద్యారంగ నిపుణులు సూచిస్తున్నారు. దీనిని క్యాజువల్‌గా పరిగణిస్తే భవిష్యత్‌కు ఇబ్బందికరమంటున్నారు. ఉపాధి పొందే అవకాశం   ♦ తరగతి గదిలో నేర్చుకున్న సాంకేతిక పరిజ్ఞానానికి మరింత పదును పెట్టి, వర్కుపై అవగాహన పెంచడం ఇంటర్న్‌షిప్‌ ప్రధాన ఉద్దేశం.   ♦ పరిశ్రమలు, కొన్నిరకాల సంస్థలు ఇంజినీరింగ్‌ విద్యార్థులకు ఈ అవకాశాన్ని అందిస్తున్నాయి.   ♦ తొలినాళ్లలోనే పని నేర్చుకునే వీలు కల్పిస్తున్నాయి.  ♦ ప్రాజెక్టులు రూపొందించడం, ఫీల్డ్‌ గురించి తెలుసుకోవడం, హార్డ్, సాప్ట్‌ స్కిల్స్‌ని అభివృద్ధి చేయడం వంటి వాటి కోసం ఇంటర్న్‌షిప్‌లో సమయాన్ని కేటాయిస్తారు. ఈ సమయంలో వారు చూపించే ప్రతిభాపాటవాలతో కొన్ని సంస్థలు వారికి ఉద్యోగ అవకాశాలు కూడా ఆఫర్‌ చేస్తుంటాయి.  ♦ వేసవిలో 10 నుండి 12 వారాలపాటు ఇంటర్న్‌ షిప్‌ చేయవలసి వస్తే ఇతర కాలాలలో ఆరు మాసాలకు లోబడి సమయాన్ని ఆయా సంస్థలు, పరిశ్రమలు నిర్ణయిస్తాయి.   ♦ ఈ సమయంలో గౌరవ వేతనాలను కూడా పొందే అవకాశాలుంటాయి.   ♦ అనుభవజ్ఞులతో పరిచయాలు ఏర్పడం, వారి అనుభవాలను షేర్‌ చేసుకోవడం జరుగుతుంటుంది.   ♦ విద్యార్థి ఉజ్వల భవిష్యత్తుకు ఇంటర్న్‌షిప్‌  ఎంతగానో దోహదపడుతుంది.   ♦ ఎంచుకున్న లక్ష్యాన్ని చేరుకునేందుకు, ఉన్నత అవకాశాలను పొందేందుకు కూడా తోడ్పడుతుంది.  ♦ ఏ ఉద్యోగానికైనా అనుభవం కొలమానికంగా ఉన్న నేపథ్యంలో ఇంటర్న్‌షిప్‌ అనుభవంగా సహకరిస్తుంది. పీహెచ్‌డీ చేసే వారికి బాగా ఉపయోగపడుతుంది   కంపెనీలు ఇచ్చే జాబ్‌ సెలక్షన్స్‌లో ఇంటర్న్‌షిప్‌ చేసిన వారికి ప్రాధాన్యత ఉంటుంది. అన్నిటికంటే ముఖ్యంగా ఎంటెక్‌ చేసి, పీహెచ్‌డీ చేయాలనుకునే వారికి ఇది ఎంతగానో దోహదపడుతుంది. ఆదికవి నన్నయ యూనివర్సిటీ, కాలేజ్‌ ఆఫ్‌ ఇంజినీరింగ్‌ నుంచి ఇప్పటి వరకు రెండు బ్యాచ్‌ల విద్యార్థులు చదువు పూర్తి చేసి బయటకు వెళ్లారు. ప్రస్తుతం 800 మంది ఇంజినీరింగ్‌ విద్యార్థులు చదువుతున్నారు. ఇక్కడ చదివిన విద్యార్థులకు ఐఐటీ, ఎన్‌ఐటీ, ఎన్టీఆర్‌ఐ, సీఐటీడీ వంటి సంస్థలలో ఇంటర్న్‌ఫిప్‌ చేసే అవకాశాలు వచ్చాయి.  – ఆచార్య ఎం.జగన్నాథరావు, వైస్‌చాన్సలర్, ఆదికవి నన్నయ యూనివర్సిటీ మార్గదర్శకాలను అనుసరించే.. ఉన్నత విద్యా మండలి మార్గదర్శకాలను అనుసరించి ఇంజినీరింగ్‌ విద్యార్థులంతా ఇంటర్న్‌షిప్‌ చేయవలసి ఉంటుంది. దీనిని ఆన్‌లైన్‌లోగాని, ఆఫ్‌లైన్‌లోగాని తప్పనిసరిగా చేయవలసిందే. ఇందుకోసం కంపెనీలు ఒక్కోసారి నోటిఫికేషన్స్‌ ఇస్తుంటాయి, వాటిని విద్యార్థులు చూసి, దరఖాస్తు చేసుకుంటారు. ఇంటర్న్‌షిప్స్‌ ఎక్కువగా సమ్మర్‌ హాలిడేస్‌లో చేస్తుంటారు.   – డాక్టర్‌ వి.పెర్సిస్, ప్రిన్సిపాల్, ‘నన్నయ’ కాలేజ్‌ ఆఫ్‌ ఇంజినీరింగ్‌ అనుభవాన్ని అందించింది ఎలక్రిక్టకల్‌ అండ్‌ ఇన్‌స్ట్రుమెంటేషన్‌లో మూడో సంవత్సరం చదువుతున్న నాకు ప్రాసెస్‌ కంట్రోల్‌ రంగంలో ప్రతిష్టాత్మక నేషనల్‌ ఇనిస్టిట్యూట్‌ ఆఫ్‌ టెక్నాలజీ( తిరుచిరాపల్లి)లో ఇంటర్న్‌షిప్‌ చేసే అవకాశం దక్కడం అదృష్టంగా భావిస్తున్నాం. నిజంగా ఇది మాకు వర్కుపై కొత్త అనుభవాన్ని అందించింది. తద్వారా లక్ష్యాన్ని సాధించాగలమనే ధీమాను ఇచ్చింది.   – కార్తీక్‌కుమార్‌రెడ్డి, వసంతకుమార్, మౌనిక 

సాక్షి, హైదరాబాద్‌: ఉక్రెయిన్‌లో చదువుకున్న వైద్య విద్యార్థులకు భారత ప్రభుత్వం ఊరటనిచ్చింది. యుద్ధం కారణంగా చదువు చివరి సంవత్సరంలో ఆగిపోయిన విద్యార్థులకు ఉపశమనమిచ్చేలా కీలక నిర్ణయం తీసుకుంది. ఈ ఏడాది జూన్‌ 30 కన్నా ముందు మెడిసిన్‌ పూర్తి చేసుకున్న విద్యార్థులకు కేంద్ర ప్రభుత్వం సర్టిఫికెట్లు జారీచేసింది. ఫారెన్‌ మెడికల్‌ గ్రాడ్యుయేషన్‌ పరీక్ష (ఎఫ్‌ఎంజీఈ) రాసేందుకు అనుమతి ఇచ్చింది. అయితే వారు ఆ దేశంలో భౌతికంగా తరగతులకు హాజరుకానందున, ఎఫ్‌ఎంజీఈలో అర్హత సాధించాక వారు రెండేళ్లపాటు కంపల్సరీ రొటేటింగ్‌ మెడికల్‌ ఇంటర్న్‌షిప్‌ (సీఆర్‌ఎంఐ) చేయాల్సి ఉంటుంది. ఈ మేరకు జాతీయ వైద్య కమిషన్‌ (ఎన్‌ఎంసీ) నోటిఫికేషన్‌ విడుదల చేసింది. కరోనా లేదా ఉక్రెయిన్‌–రష్యా యుద్ధం కారణంగా చాలా మంది వైద్య విద్యార్థులు మెడిసిన్‌ పూర్తి చేయకుండా ఫైనల్‌ ఇయర్‌లోనే తిరిగొచ్చారు. వారు ఎలాంటి ఫిజికల్‌ ట్రైనింగ్‌ తీసుకోలేదు. దీంతో సీఆర్‌ఎంఐని రెండేళ్లు తప్పనిసరి చేసింది. ఆ తర్వాత వారు రిజిస్ట్రేషన్‌ చేసుకోవడానికి అర్హులవుతారు. అనంతరం ఎక్కడైనా ప్రాక్టీస్‌ గానీ, ఏవైనా ఆస్పత్రుల్లో పనిచేయడానికి గానీ వీలు కలుగుతుంది. కాగా, కేంద్రం ఈ వెసులుబాటును ఈ ఏడాది వరకే కల్పించినట్లు ఎన్‌ఎంసీ స్పష్టంచేసింది. యుద్ధం కారణంగా ఉక్రెయిన్‌ నుంచి 20 వేల మంది మెడికల్‌ విద్యార్థులు ఇండియాకు తిరిగొచ్చిన సంగతి తెలిసిందే. అందులో చివరి ఏడాది చదువుతున్న వారు 4 వేల మంది వరకు ఉంటారని అంచనా. వారందరికీ కేంద్రం ఇచ్చిన వెసులుబాటు ప్రయోజనం కలగనుంది.  

సాక్షి, అమరావతి: దేశంలోని లక్ష మందికి పైగా విద్యార్థులకు వివిధ నైపుణ్యాల్లో శిక్షణ కోసం ఇంటర్న్‌షిప్‌ను అందించనున్నట్టు అఖిల భారత సాంకేతిక విద్యా మండలి(ఏఐసీటీఈ) ప్రకటించింది. స్కిల్డు ఫోర్సు పేరిట ఈ కార్యక్రమాన్ని అమలు చేయనున్నట్టు తెలిపింది. అమెరికాకు చెందిన మల్టీ నేషనల్‌ టెక్నాలజీ సంస్థ అయిన సిస్కో, మహాత్మా గాంధీ నేషనల్‌ కౌన్సిల్‌ ఫర్‌ రూరల్‌ ఎడ్యుకేషన్‌(ఎంజీఎన్‌సీఆర్‌ఈ), ఆరెస్‌బీ ట్రాన్స్‌మిషన్‌ ఇండియా లిమిటెడ్‌ కంపెనీ వంటి సంస్థల ద్వారా ఈ శిక్షణ ఇప్పించనుంది. ఉన్నత విద్యనభ్యసించే ఆసక్తిగల విద్యార్థులు ఇంటర్న్‌షిప్‌.ఏఐసీటీఈఇండియా.ఓఆర్‌జీ’ ద్వారా దరఖాస్తు చేసుకోవచ్చని ఏఐసీటీఈ సూచించింది. తరగతి గది పరిజ్ఞానాన్ని ప్రాక్టికల్‌గా అమలు చేయడం ద్వారా విద్యార్థులకు సరైన నైపుణ్యావగాహనకు అవకాశం ఉంటుందని ఏఐసీటీఈ అభిప్రాయం. సాంకేతిక విద్యనభ్యసించే వారే కాకుండా ఇతర కోర్సుల వారికీ ఈ ఇంటర్న్‌షిప్‌ మేలు చేయనుంది.   ఏపీ ప్రభుత్వం ఆధ్వర్యంలో శిక్షణ  దేశంలో లక్ష మందికి ఏఐసీటీఈ నైపుణ్య శిక్షణకు ఏర్పాట్లు చేస్తుండగా.. అంతకు మించి ఏపీ ప్రభుత్వం రాష్ట్రంలోని విద్యార్థులకు నైపుణ్య శిక్షణ కార్యక్రమాలు అందిస్తుండటం విశేషం. రాష్ట్ర నైపుణ్యాభివృద్ధి సంస్థ ద్వారా లక్షలాది మందికి ప్రముఖ సంస్థల ద్వారా శిక్షణ కార్యక్రమాలు అమలు చేయిస్తున్నారు. అంతేగాకుండా రాష్ట్ర ఉన్నత విద్యా మండలి ద్వారా ప్రత్యేకంగా పలు ఐటీ ఆధారిత కోర్సులనూ అందిస్తున్నారు. ప్రపంచంలోనే ప్రముఖ మైక్రోసాఫ్ట్‌ సంస్థ ద్వారా 40కి పైగా ఐటీ కోర్సుల్లో ప్రభుత్వం శిక్షణ ఇప్పిస్తోంది. రాష్ట్రంలోని 1.60 లక్షల మందిని ఇప్పటికే ఈ కోర్సులకు ఎంపిక చేశారు. వాస్తవానికి ఈ ప్రత్యేక కోర్సులు అభ్యసించాలంటే ఒక్కో విద్యార్థికి రూ.10 వేల నుంచి 15 వేల వరకూ ఖర్చవుతుంది. అయితే సీఎం వైఎస్‌ జగన్‌మోహన్‌రెడ్డి సూచనల మేరకు ప్రభుత్వమే ఈ కోర్సులను ఉచితంగా విద్యార్థులకు అందిస్తోంది. దీనికి అయ్యే మొత్తం ఖర్చును ప్రభుత్వమే భరిస్తోంది. ఇప్పటికే ఇందుకు సంబంధించి రూ.37 కోట్లను ప్రభుత్వం మంజూరు చేసింది. ఈ శిక్షణ కోసం ఉన్నత విద్యా మండలి, మైక్రోసాఫ్ట్‌ సంస్థల మధ్య ఒప్పందం కుదిరింది.   (చదవండి: వైకల్యంతో పుట్టాడని వదిలేశారు!)

సాక్షి, అమరావతి: ఏపీలో ఉన్నత విద్యలో అత్యున్నత ప్రమాణాలకు చేపట్టిన సంస్కరణల్లో భాగంగా డిగ్రీ విద్యార్థులకు ఇంటర్న్‌షిప్‌ను ప్రభుత్వం తప్పనిసరి చేసింది. ఇంజనీరింగ్‌ తదితర ప్రొఫెషనల్‌ కోర్సులకు ఏడాది పాటు ఇంటర్న్‌షిప్‌ అమలు చేస్తున్నారు. నాన్‌ ప్రొఫెషనల్‌ కోర్సుల్లో నాలుగేళ్ల డిగ్రీ ఆనర్‌ కోర్సులు అభ్యసించే వారికి ఏడాది ఇంటర్న్‌షిప్‌ను ప్రవేశపెట్టారు. మూడేళ్లలో డిగ్రీ కోర్సు నుంచి ఎగ్జిట్‌ అయ్యేవారికి 10 నెలల ఇంటర్న్‌షిప్‌ను తప్పనిసరి చేశారు. రెండేళ్లుగా కరోనా కారణంగా ఇంటర్న్‌షిప్‌ అమలులో ఆటంకాలు కలిగాయి. ప్రస్తుత విద్యా సంవత్సరంలో కరోనా తగ్గింది. కాలేజీల్లో ప్రత్యక్ష తరగతులూ జరుగుతున్నాయి. దీంతో ప్రభుత్వ సూచనల మేరకు రాష్త్ర ఉన్నత విద్యా మండలి ఇంటర్న్‌షిప్‌ అమలుకు ఏర్పాట్లు చేస్తోంది.   27వేల సంస్థల గుర్తింపు..  విద్యార్థుల ఇంటర్న్‌షిప్‌నకు రాష్ట్రంలోని  27,119 సంస్థలను గుర్తించారు. వీటిలో ప్రముఖ ప్రభుత్వ, ప్రైవేటు సంస్థలు ఉన్నాయి. పరిశ్రమలు, ఐటీ సంస్థలు, ప్రముఖ వర్తక, వాణిజ్య సంస్థలతో సహా కోర్సులతో సంబంధమున్న మైక్రో, స్మాల్, మీడియం, లార్జ్, మెగా సంస్థలను ఎంపికచేశారు. మాన్యుఫాక్చరింగ్‌తో పాటు సర్వీసు సంస్థలూ ఉన్నాయి. వీటిలో ఏపీ జెన్‌కో, హ్యుందాయ్, కియా మోటార్స్, విప్రో, అమర రాజా బ్యాటరీస్, కోల్గేట్‌ పామోలివ్‌ (ఇండియా) లిమిటెడ్, హీరో మోటోకార్ప్‌ లిమిటెడ్, జిందాల్‌ అర్బన్‌ వేస్ట్‌ మేనేజ్‌మెంట్‌ లిమిటెడ్, ఏపీ పవర్‌ జనరేషన్‌ కార్పొరేషన్, రాష్ట్రీయ ఇస్పాత్‌ నిగమ్‌ లిమిటెడ్, సెంబ్‌కార్ప్‌ ఎనర్జీ లిమిటెడ్, అరబిందో ఫార్మా లిమిటెడ్, డాక్టర్‌ రెడ్డీస్‌ లేబొరేటరీస్, హెటిరో ల్యాబ్స్‌ లిమిటెడ్, ఫైజర్‌ హెల్త్‌కేర్‌ ఇండియా, విశాఖపట్నం స్టీల్‌ ప్లాంట్, మైలాన్‌ లేబొరేటరీస్‌ లిమిటెడ్‌ సహా వేలాది కంపెనీల్లో  ఇంటర్న్‌షిప్‌నకు అవకాశముంది. ఇంటర్న్‌షిప్‌ చేసేందుకు ఉన్నత విద్యా మండలి పోర్టల్‌లో  లెర్నింగ్‌ మేనేజ్‌మెంట్‌ సిస్టమ్‌ (ఎల్‌ఎంఎస్‌)ను ఏర్పాటు చేశారు. జిల్లాలవారీగా గుర్తించిన సంస్థల వివరాలను వెబ్‌సైట్‌లో ఉంచారు.  ఆయా సంస్థలతో సమన్వయం చేసేందుకు కలెక్టర్, జాయింట్‌ కలెక్టర్ల ఆధ్వర్యంలో ప్రత్యేక కమిటీలను ప్రభుత్వం నియమించింది. వీటిలో వర్సిటీల వీసీలు, కొన్ని కాలేజీల ప్రిన్సిపాళ్లు, ఇతర అధికారులు ఉన్నారు. విద్యార్థులకు సహకరించేందుకు కాలేజీల్లో సమన్వయకర్తలను నియమించారు. ఇంటర్న్‌షిప్‌ ద్వారా విద్యార్థులను సమగ్ర నైపుణ్యాలతో తీర్చిదిద్దుతామని ఉన్నత విద్యా మండలి చైర్మన్‌ ప్రొఫెసర్‌ కె.హేమచంద్రారెడ్డి చెప్పారు.  

సాక్షి, అమరావతి: జాతీయ పాఠ్యప్రణాళిక రూపకల్పనలో సమూల మార్పుల దిశగా కేంద్రం చర్యలు చేపడుతోంది. జాతీయత, దేశీయ విజ్ఞానం, పౌరసత్వం, కళలు, సంస్కృతి సంప్రదాయాలు, వివిధ చేతి వృత్తుల్లో ఇంటర్న్‌షిప్‌ వంటి అంశాలకు పెద్దపీట వేయనుంది. ఆయా ప్రాంతాల ప్రాధాన్యతలను పరిగణనలోకి తీసుకుని లోకల్‌ ఫ్లేవర్‌తో జాతీయ పాఠ్యప్రణాళికకు రూపకల్పన చేయాలని నిర్ణయించింది. 2022 ఆగస్టు నాటికి అమల్లోకి తేవాలని జాతీయ విద్యా పరిశోధన శిక్షణ మండలి సంకల్పించింది. ఈ లోగానే పాఠశాల స్థాయి పాఠ్యాంశ ప్రణాళిక, పుస్తకాల తయారీ వంటి ప్రక్రియలను కూడా పూర్తిచేసేలా కార్యాచరణకు సిద్ధమవుతోంది. దీనికి సంబంధించి ఆయా రాష్ట్రాల నుంచి ప్రతిపాదనలు తీసుకుంటోంది. పూర్వ ప్రాథమిక విద్య, పాఠశాల విద్యలతో పాటు ఉపాధ్యాయ విద్య, వయోజన విద్యలోనూ మార్పులు జరిగేలా జిల్లా స్థాయిలో సంప్రదింపులు చేపట్టనుంది. రానున్న 4 వారాల్లో జిల్లా స్థాయిలో సంప్రదింపులు చేయడం, మొబైల్‌ అప్లికేషన్ల ద్వారా సర్వేలను పూర్తి చేసి ఆ నివేదికలను పంపించేలా రాష్ట్రాలకు సూచనలు చేసింది. పాఠశాల స్థాయిలోనూ సబ్జెక్టుల ఎంపిక  పాఠ్యాంశాలు, బోధనా విధానాలు, ఇతర ముఖ్యమైన విభాగాలకు సంబంధించిన అంశాలను పాఠ్యప్రణాళిక రూపకల్పనలో పొందుపర్చనున్నారు. నూతన విద్యావిధానం ప్రకారం 17 కొత్త అకడమిక్‌ అంశాలు ఇందులో ఉండనున్నాయి. ఇప్పటివరకు ఉన్నత విద్యారంగంలోనే ఉన్న.. సబ్జెక్టుల ఎంపికలో విద్యార్థులకు స్వేచ్ఛ వంటివి పాఠశాల స్థాయిలో సెకండరీ విద్యార్థులకూ వర్తింపచేయనున్నారు. కోర్‌ సబ్జెక్టులకు సంబంధించి కరికులమ్‌ సంక్షిప్తీకరణ, బహుభాషా నైపుణ్యాల పెంపుదల వంటివి ఉండనున్నాయి. ఆన్‌లైన్లో జిల్లా స్థాయి సంప్రదింపులను కొన్ని రాష్ట్రాలు ప్రారంభించాయి. టీచర్లు, తల్లిదండ్రులు, విద్యార్థులు, నిరక్షరాస్యులు ఇందులో పాల్గొన్నారు. వీరి అభిప్రాయాల సేకరణకు ఎన్‌సీఈఆర్టీ 100 ప్రశ్నలతో ఒక పత్రాన్ని రూపొందించి ఇచ్చింది. ఇందులో 40 ప్రశ్నలు పాఠశాల విద్యకు సంబంధించినవి. తక్కినవి వయోజన విద్య, ఉపాధ్యాయ విద్య, పూర్వ ప్రాథమిక విద్యలకు సంబంధించినవి.   

సాక్షి, హైదరాబాద్‌: విదేశాల్లో నాసిరకమైన వైద్య విద్యకు చెక్‌ పెట్టేలా కేంద్రం పలు కీలక నిర్ణయాలు తీసుకుంది. విదేశాల్లో నాణ్యమైన ఎంబీబీఎస్‌ పూర్తి చేసినవారికే మన దేశంలో శాశ్వత మెడికల్‌ రిజిస్ట్రేషన్‌ చేయాలని నిర్ణయించింది. ఏ దేశంలోనైనా గుర్తింపు పొందిన వైద్య కాలేజీల్లోనే చదవాలని విద్యార్థులకు సూచించింది. మన దేశంలో మాదిరిగా వైద్య విద్య కోర్సు (నాలుగున్నరేళ్లు), ఇంటర్న్‌షిప్‌ (ఏడాది) రెండూ కలిపి ఐదున్నరేళ్లు లేదా అంతకంటే ఎక్కువ కాలం ఉండేలా చూసుకోవాలని స్పష్టం చేసింది. ఈ మేరకు జాతీయ మెడికల్‌ కమిషన్‌ (ఎన్‌ఎంసీ) గెజిట్‌ నోటిఫికేషన్‌ జారీ చేసింది. దీని ప్రకారం.. విద్యార్థులు తప్పనిసరిగా ఇంగ్లీష్‌ మీడియంలోనే ఆయా దేశాల్లో ఎంబీబీఎస్‌ పూర్తిచేయాలి. కోర్సు పూర్తయి వచ్చాక, స్వదేశంలో మరో 12 నెలల పాటు ప్రత్యేక శిక్షణ తీసుకోవాలి. ఎగ్జిట్‌ పరీక్షలో పాసై తీరాలి. పదేళ్లలోపే ఎంబీబీఎస్‌ కోర్సు, ఇంటర్న్‌షిప్‌ మొత్తం పూర్తిచేయాలి. అప్పుడే మనదేశంలో రిజి స్ట్రేషన్‌కు, ఇక్కడ ప్రాక్టీస్‌ చేయడానికి లేదా ఏదైనా ఆసుపత్రిలో పనిచేయడానికి వీలుపడుతుందని ఎన్‌ఎంసీ స్పష్టం చేసింది.   చదవండి: పార్లమెంట్‌​ శీతాకాల సమావేశాలు నాలుగో రోజు ప్రారంభం సీటు రాక .. తక్కువ ఫీజుతో.. ఈ ఏడాది 15.44 లక్షల మందికిపైగా విద్యార్థులు నీట్‌ పరీక్ష రాయగా, దాదాపు 8.70 లక్షల మంది అర్హత సాధించారు. కానీ, మన దేశంలో కేవలం 85 వేల ఎంబీబీఎస్‌ సీట్లు మాత్రమే ఉన్నాయి. ఈ పరిస్థితుల్లోనే చాలామంది విదేశాల్లో ఎంబీబీఎస్‌ కోసం వెళ్తున్నారు. తెలంగాణలో ప్రభుత్వ, ప్రైవేట్‌ మెడికల్‌ కాలేజీలు కలిపి మొత్తం 5,200 బీబీఎస్‌ సీట్లున్నాయి. కానీ 20 వేల మందికిపైగా నీట్‌ అర్హత సాధించి ఉంటా రని అంచనా. మరోవైపు ప్రైవేట్‌ మెడికల్‌ కాలేజీల్లో సీటు పొందాలంటే డొనేషన్లు పెద్ద మొత్తంలో ఉంటున్నాయి. బీ కేటగిరీ ఫీజు ఏడాదికి రూ.11.50 లక్షలు, ఎన్‌ఆర్‌ఐ సీటు ఫీజు రూ.23 లక్షల వరకు ఉంటోంది.  విదేశాల్లో చదివితే  రూ. 30 లక్షల నుంచి రూ.40 లక్షలవుతోంది. ఈ కారణంగానే చాలా మంది విద్యార్థులు చైనా, రష్యా, ఉక్రెయిన్, నేపాల్, కజకిస్తాన్, జార్జియా, ఫిలిప్పీన్స్, కిర్గిస్తాన్, బంగ్లాదేశ్, అర్మేనియా, పాకిస్తాన్‌  ల్లో ఎంబీబీఎస్‌ చదువుతున్నారు.  ఎఫ్‌ఎంజీఈ  ఉత్తీర్ణత 14 శాతమే... విదేశాల్లో ఎంబీబీఎస్‌ అంత నాణ్యతతో ఉండటం లేదన్న అభిప్రాయం ఉంది. పలు దేశాల్లో చదివి వచ్చినవారు అనేకమంది ఇక్కడ రిజిస్ట్రేషన్‌కు ముందు రాసే పరీక్షలో ఉత్తీర్ణులు కాకపోవడం ఈ అభిప్రాయానికి బలం చేకూరుస్తోంది. విదేశాల్లో వైద్య విద్య పూర్తి చేశాక మనదేశంలో ప్రాక్టీస్‌ చేసేలా లైసెన్స్‌ పొందడానికి మెడికల్‌ కౌన్సిల్‌లో రిజిస్ట్రేషన్‌ చేయించాలంటే ఫారిన్‌ మెడికల్‌ గ్రాడ్యుయేట్స్‌ ఎగ్జామినేషన్‌ (ఎఫ్‌ఎంజీఈ) పాస్‌ కావాలి. 2015–18 మధ్య జరిగిన ఎఫ్‌ఎంజీఈ పరీక్షలకు 61,418 మంది విదేశాల్లో ఎంబీబీఎస్‌ పూర్తి చేసినవారు హాజరుకాగా, కేవలం 8,731 మంది మాత్రమే పాసయ్యారని కేంద్రం వెల్లడించింది. అంటే 14.22 శాతమే ఉత్తీర్ణులయ్యారన్నమాట. చైనా, రష్యా, ఆయా దేశాల్లో చదివినవారు చాలా తక్కువ శాతం ఉత్తీర్ణత సాధించారని కేంద్రం తెలిపింది. ప్రతి విద్యార్థికీ ఈఎఫ్‌ఎంజీఈ పరీక్ష రాయడానికి మూడుసార్లు  అవకాశముంటుంది. కొత్త నిబంధనల మేర కు విదేశాల్లో వైద్యవిద్య ఎంతవరకు సాధ్యమవుతుందన్నది ప్రశ్నార్థకంగా మారింది. చదవండి: కోవిషీల్డ్‌ బూస్టర్‌ కోసం సీరమ్‌ దరఖాస్తు నాణ్యమైన విద్యకు తోడ్పాటు  ఎన్‌ఎంసీ తీసుకొచ్చిన కొత్త నిబంధనలు విదేశాల్లో నాణ్యమైన వైద్య విద్యను అభ్యసించడానికి తోడ్పడతాయి. తద్వారా ఇక్కడ ఎఫ్‌ఎంజీఈ పరీక్ష పాసవడానికి, ప్రాక్టీస్‌ చేయడానికి వీలుకలుగుతుంది. మన దేశంలో మాదిరి కోర్సు కాలవ్యవధి, ఇలాంటి సిలబస్‌ ఉన్న వియత్నాంలో చదివేం దుకు అడ్మిషన్‌ తీసుకున్నా. – నర్మద   తూతూ మంత్రం చదువుకు చెక్‌ కొన్ని విదేశీ మెడికల్‌ కాలేజీలు తూతూమంత్రంగా చదువుచెప్పి మన విద్యార్థులను ఇబ్బందులు పెడుతున్నాయి. వారి భవిష్యత్తుతో ఆడుకుంటున్నాయి. ఈ పరిస్థితికి చెక్‌ పెట్టేందుకే ఎన్‌ఎంసీ ఈ నిబంధనలు తీసుకొచ్చింది. – డాక్టర్‌ కరుణాకర్‌రెడ్డి, వీసీ, కాళోజీ హెల్త్‌ వర్సిటీ 

దేశ కేంద్ర బ్యాంకు.. రిజర్వ్‌ బ్యాంక్‌ ఆఫ్‌ ఇండియా(ఆర్‌బీఐ).. 2022 సంవత్సరానికి సంబంధించి స్వదేశీ, విదేశీ విద్యార్థుల కోసం సమ్మర్‌ ఇంటర్న్‌షిప్స్‌కు ప్రకటన విడుదల చేసింది. ఎంపికైన అభ్యర్థులకు నెలకు రూ.20వేల స్టయిపండ్‌ అందిస్తారు. ఇది బ్యాంకింగ్‌, ఫైనాన్స్, ఎకానమీ, లా తదితర విభాగాల్లో ఉన్నత విద్యను అభ్యసిస్తున్న విద్యార్థులకు చక్కటి అవకాశం. అర్హతలు, ఆసక్తిగల విద్యార్థులు డిసెంబర్‌ 31 తేదీలోగా ఆన్‌లైన్‌ ద్వారా దరఖాస్తు చేసుకోవచ్చు. ఆర్‌బీఐ తాజా నోటిఫికేషన్‌ ద్వారా మొత్తం 125 ఇంటర్న్‌లకు అవకాశం కల్పించనుంది. ఈ సమ్మర్‌ ఇంటర్న్‌షిప్‌ కాల వ్యవధి గరిష్టంగా మూడు నెలలు ఉంటుంది. ఏప్రిల్‌ నుంచి జూలై మధ్య కాలంలో ఈ ఇంటర్న్‌షిప్‌ శిక్షణ కొనసాగుతుంది.  ఎవరు అర్హులు ► స్వదేశీ విద్యార్థులకు అర్హతలు: ప్రస్తుతం పోస్ట్‌ గ్రాడ్యుయేషన్‌ కోర్సులను అభ్యసిస్తున్న విద్యార్థులు, అలాగే మేనేజ్‌మెంట్‌/స్టాటిస్టిక్స్‌/లా/కామర్స్‌ /ఎకనామిక్స్‌/ఎకనోమెట్రిక్స్‌/బ్యాంకింగ్‌/ఫైనాన్స్‌లలో ఐదేళ్ల ఇంటిగ్రేటెడ్‌ కోర్సులను అభ్యసించే వారు(లేదా) భారతదేశంలోని ప్రఖ్యాత విద్యాసంస్థల్లో న్యాయశాస్త్రంలో మూడేళ్ల పూర్తిస్థాయి బ్యాచిలర్‌ డిగ్రీని చదువుతున్న వారు ఆర్‌బీఐ సమ్మర్‌ ప్లేస్‌మెంట్‌ ప్రోగ్రామ్‌కు దరఖాస్తు చేసుకోవచ్చు. ► ఆయా కోర్సుల చివరి సంవత్సరం/చివరి సెమిస్టర్‌ చదువుతున్నవారే కేంద్ర బ్యాంక్‌ ఇంటర్న్‌షిప్స్‌ ప్రోగ్రామ్‌కు దరఖాస్తు చేసుకోవాలి. ► విదేశీ విద్యార్థులకు అర్హతలు: విదేశాల్లో గుర్తింపు పొందిన యూనివర్సిటీల్లో ఫైనాన్స్, బ్యాం కింగ్, ఎకనామిక్స్, మేనేజ్‌మెంట్, లా(ఐదేళ్ల ప్రోగ్రామ్‌)లో గ్రాడ్యుయేషన్‌ ఆ పైస్థాయి ఉన్నత కోర్సులు చదువుతున్న విదేశీ విద్యార్థులు కూడా దరఖాస్తు చేసుకోవచ్చు.  ఎంపిక విధానం ► వచ్చిన దరఖాస్తులను పరిశీలించి.. అర్హులైన అభ్యర్థులను షార్ట్‌లిస్ట్‌ చేస్తారు. షార్ట్‌లిస్ట్‌లో నిలిచిన వారికి 2022 జనవరి/ఫిబ్రవరిలో ఆర్‌బీఐ ప్రాంతీయ కార్యాలయాల్లో  ఇంటర్వ్యూ లను నిర్వహిస్తారు. తుది ఎంపికకు సంబంధించిన వివరాలను 2022 ఫిబ్రవరి/మార్చి నెలల్లో ప్రకటిస్తారు. ఇంటర్న్‌షిప్‌లో ఇలా ► ఎంపికైన ఇంటర్న్‌లు ముంబైలో ఉన్న బ్యాంక్‌ సెంట్రల్‌ ఆఫీస్‌ విభాగాలు లేదా వివిధ ప్రాంతాల్లోని ఆర్‌బీఐ కంట్రోల్‌ ఆఫీస్‌ల్లో మాత్రమే ప్రాజెక్ట్‌ను చేపట్టాల్సి ఉంటుంది. అలాగే ఇంటర్న్‌షిప్‌కు రిపోర్ట్‌ చేయడానికి ముందు అభ్యర్థులు తప్పనిసరిగా బ్యాంకుకు డిక్లరేషన్‌ ఆఫ్‌ సీక్రసీ ఇవ్వాల్సి ఉంటుంది.  అలాగే ఇంటర్న్‌షిప్‌ సమయంలో దూర ప్రాంతాల విద్యార్థులు తమవసతి సౌకర్యాలను సొంతంగా భరించాల్సి ఉంటుంది.  దరఖాస్తు విధానం ► అర్హత, ఆసక్తి గల విద్యార్థులు తాము చదువుతున్న ఇన్‌స్టిట్యూట్‌ లేదా కాలేజీ ద్వారా ఆన్‌లైన్‌ వెబ్‌బేస్డ్‌ అప్లికేషన్‌ ఫామ్‌ విధానంలో దరఖాస్తు చేసుకోవాలి. ► విదేశీ విద్యార్థులు నిర్దేశిత దరఖాస్తును ఈమెయిల్‌ ద్వారా పంపించాలి. ► హార్ట్‌కాపీలు పంపేందుకు చిరునామా: ది చీఫ్‌ జనరల్‌ మేనేజర్, రిజర్వ్‌ బ్యాంక్‌ ఆఫ్‌ ఇండియా, హ్యూమన్‌ రిసోర్స్‌ మేనేజ్‌మెంట్‌ డిపార్ట్‌మెంట్‌ (ట్రైనింగ్‌–డెవలప్‌మెంట్‌ డివిజన్‌), సెంట్రల్‌ ఆఫీస్,  21వ అంతస్తు, సెంట్రల్‌ ఆఫీస్‌ బిల్డింగ్, షహీద్‌ భగత్‌ సింగ్‌ రోడ్, ముంబై 400 001కు పంపాలి. ► విదేశీ విద్యార్థులు ఆన్‌లైన్‌ దరఖాస్తు ఫామ్‌ను నింపి మెయిల్‌ ద్వారా cgminchrmd@rbi.org.in కు పంపించాలి. ముఖ్యమైన సమాచారం ► దరఖాస్తు విధానం: ఆన్‌లైన్‌లో దరఖాస్తు చేసుకోవాలి.  ► దరఖాస్తులకు చివరి తేదీ: 31.12.2021 ► వెబ్‌సైట్‌: https://opportunities.rbi.org.in 

ముంబై: ప్రైవేట్‌ రంగ ఫెడరల్‌ బ్యాంక్‌ త్వరలో ప్రారంభించే ఇంటర్న్‌షిప్‌ ప్రోగ్రాంలో చేరేందుకు అర్హత గల అభ్యర్ధుల నుంచి దరఖాస్తులు ఆహ్వానిస్తున్నట్లు ప్రకటించింది. ఫెడరల్‌ ఇంటర్న్‌షిప్‌ ప్రోగ్రాం (ఎఫ్‌ఐపీ) పేరిట నిర్వహించే ఈ కోర్సు కాలవ్యవధి రెండేళ్లుగా ఉంటుంది. మణిపాల్‌ గ్లోబల్‌ ఎడ్యుకేషన్‌ సర్వీసెస్‌ (ఎంఏజీఈ)తో కలిసి ఈ కోర్సును అందిస్తున్నట్లు బ్యాంక్‌ తెలిపింది. కోర్సు పూర్తయిన తర్వాత మణిపాల్‌ అకాడెమీ ఆఫ్‌ హయ్యర్‌ ఎడ్యుకేషన్‌ నుంచి పోస్ట్‌ గ్రాడ్యుయేట్‌ డిప్లొమా ఇన్‌ బ్యాంకింగ్‌ సర్టిఫికెట్‌ అందుకోవచ్చని ఫెడరల్‌ బ్యాంక్‌ తెలిపింది. అంతేకాదు ప్రొబేషనరీ ఆఫీసర్‌గా ఫెడరల్‌ బ్యాంక్‌లోనే అవకాశాలు దక్కవచ్చు కూడా. ఈ ప్రోగ్రాంలో చేరే అభ్యర్థులు ఏటా రూ. 5.70 లక్షల దాకా ఆర్జించే అవకాశాలు ఉంటాయని పేర్కొంది. దరఖాస్తు చేసుకోవాలంటే..  ► ఆంధ్రప్రదేశ్, తెలంగాణ తదితర రాష్ట్రాలకు చెందిన వారు దరఖాస్తు చేసుకోవచ్చు ► పదో తరగతి, ఇంటర్‌(ఫ్లస్‌ టూ), గ్రాడ్యుయేషన్‌.. ఏదైనా సరే 60 శాతం మార్కులకు పైబడి ఉండాలి ► 2021 అక్టోబర్‌ 1 నాటికి అభ్యర్థి వయస్సు 27 సంవత్సరాలకు మించకూడదు. ► దరఖాస్తు సమర్పించడానికి ఆఖరు తేదీ అక్టోబర్‌ 23 ►నవంబర్‌ 11న ఆన్‌లైన్‌లో ఆప్టిట్యూడ్‌ టెస్ట్‌ ఉంటుంది.   దరఖాస్తు చేసుకోవడానికి కింద లింక్‌ను క్లిక్‌ చేయండి.. https://www.federalbank.co.in/federal-internship-program

భారత పార్లమెంట్‌.. ముఖ్యంగా రాజ్యసభ కార్యకలాపాలను అధ్యయనం చేయాలని, అవగాహన పెంచుకోవాలని కోరుకునే అభ్యర్థులకు మంచి అవకాశం. రాజ్యసభలో ఫెలోషిప్, ఇంటర్న్‌షిప్‌ చేసే అవకాశం కల్పించేందుకు రాజ్యసభ దరఖాస్తులు ఆహ్వా నిస్తోంది. ఈ నేపథ్యంలో.. రాజ్యసభ ఫెలోషిప్, ఇంటర్న్‌షిప్‌ల పూర్తి సమాచారం... ఆర్‌ఎస్‌ఆర్‌ఎస్‌ అంటే భారత పార్లమెంటరీ ప్రజాస్వామ్య వ్యవస్థలోని వివిధ అంశాలపై పరిశోధనలను ప్రోత్సహించాలనే లక్ష్యంతో.. 2009లో డాక్టర్‌ ఎస్‌.రాధాకృష్ణన్‌ చైర్‌ అండ్‌ రాజ్యసభ ఫెలోషిప్స్‌ పథకాన్ని రాజ్యసభ ఏర్పాటు చేసింది. దీనికి ‘రాజ్యసభ రీసెర్చ్‌ అండ్‌ స్టడీ’ (ఆర్‌ఎస్‌ఆర్‌ఎస్‌) స్కీమ్‌గా పేరుపెట్టారు. ఇందులో రాజ్యసభ ఫెలోషిప్‌లు నాలుగు, రాజ్యసభ స్టూడెంట్‌ ఎంగేజ్‌మెంట్‌ ఇంటర్న్‌షిప్‌లు పది అందిస్తున్నారు. వీటికి గ్రాడ్యుయేషన్, పోస్టు గ్రాడ్యుయేషన్‌ అర్హత గల అభ్యర్థులు దరఖాస్తు చేసుకోవచ్చు.  రాజ్యసభ ఇంటర్న్‌షిప్‌– అర్హతలు  ► భారత పార్లమెంటులోని వివిధ విధానపరమైన అంశాలను..ముఖ్యంగా రాజ్యసభ కార్యకలాపాలను విద్యార్థులకు పరిచయం చేయడమే ఈ ఇంటర్న్‌షిప్‌ లక్ష్యం. ఏదైనా విభాగంలో గ్రాడ్యుయేషన్, పోస్ట్‌ గ్రాడ్యుయేషన్‌ కోర్సులు చదువుతున్న విద్యార్థులు  రాజ్యసభ ఇంటర్న్‌షిప్‌కు అర్హులు. గ్రాడ్యుయేట్స్‌ ఐదుగురు, పోస్ట్‌ గ్రాడ్యుయేట్స్ ఐదుగురికి(మొత్తం 10 మంది) ఇంటర్న్స్‌గా అవకాశం కల్పిస్తారు. రాజ్యసభ సెక్రటేరియట్‌ ద్వారా సెక్రటరీ జనరల్‌ ఆధ్వర్యంలో ఇంటర్న్స్‌ ఎంపిక జరుగుతుంది. వేసవి సెలవుల్లో ఈ ఇంటర్న్‌షిప్‌ ఉంటుంది.  ► ఇంటర్న్‌షిప్‌కు ఎంపికైన విద్యార్థులను సచివాలయంలోని కీలకమైన లెజిస్లేటివ్‌ సెక్షన్, బిల్‌ ఆఫీస్, టేబుల్‌ ఆఫీస్, కమిటీ సెక్షన్స్‌ మొదలైన వాటిలో సంబంధిత బ్రాంచ్‌ సూపర్‌విజన్‌/మెంటారింగ్‌ కింద నియమిస్తారు. ఎంపికైన తేదీ నుంచి రెండు నెలలపాటు ఈ ఇంటర్న్‌షిప్‌ ఉంటుంది. వీరికి నెలకు రూ.10వేల చొప్పున స్టయిఫండ్‌ చెల్లిస్తారు.  ►  ఇంటర్న్‌షిప్‌ గడువు నాటికి ఇంటర్న్‌లు తాము చేసిన పని, నేర్చుకున్న అంశాలతో నివేదికను తమకు కేటాయించిన సూపర్‌వైజర్‌/మెంటార్‌కు సమర్పించాల్సి ఉంటుంది. విజయవంతంగా ప్రోగ్రామ్‌ పూర్తి చేసినవారికి రాజ్యసభ నుంచి సర్టిఫికెట్‌ ప్రదానం చేస్తారు. రాజ్యసభ ఫెలోషిప్‌– అర్హతలు ► మొత్తం నాలుగు ఫెలోషిప్స్‌ అందిస్తున్నారు. ఈ ఫెలోషిప్‌ స్కీమ్‌ ద్వారా అభ్యర్థులు పార్లమెంటరీ సంస్థల పనితీరు, ఆయా సంస్థలు ఎదుర్కొంటున్న సమస్యలు, సవాళ్లపై అధ్యయనం చేస్తారు. సంబంధిత విద్యార్హత, సోషల్‌ సైన్స్, లా ఇతర సంబంధిత అంశాల్లో కనీసం మాస్టర్స్‌ డిగ్రీ ఉన్న అభ్యర్థులు/అనుభవం గల వారు దరఖాస్తు చేసుకోవచ్చు. ఎంఫిల్, పీహెచ్‌డీ అర్హత ఉన్న వారికి ప్రాధాన్యం ఇస్తారు. వీటికి మాజీ పార్లమెంటు సభ్యులు/రాష్ట్ర శాసనసభ సభ్యులు, పార్లమెంటు/రాష్ట్ర శాసనసభ సచివాలయాల మాజీ అధికారులు కూడా దరఖాస్తు చేసుకోవచ్చు.  ► ఫెలోషిప్‌కు దరఖాస్తు చేసుకునేందుకు అభ్యర్థులు 25ఏళ్ల నుంచి 65ఏళ్ల మధ్య వయసు ఉండాలి.  ► కాలవ్యవధి: ఫెలోషిప్‌ 18 నెలల పాటు ఉంటుంది. అవసరాన్ని బట్టి మరో ఆరు నెలల వరకు పొడిగించే అవకాశం ఉంది.  ► అధ్యయనం చేయాల్సిన అంశాలు: ప్రధాన చట్టాల మదింపు, పార్లమెంటరీ కమిటీల పనితీరు, ప్రధాన పార్లమెంటరీ కమిటీల సమర్థత, భారతీయ పార్లమెంట్‌లో సంస్థాగత/విధానపరమైన సంస్కరణలు, ఇతర కామన్వెల్త్‌ పార్లమెంట్ల ప్రత్యేకతలపై అధ్యయనం చేయాలి. రాజ్యసభ సెక్రటేరియట్‌ సూచించిన అంశాలపై కూడా పరిశోధన చేయాల్సి ఉంటుంది.  ► రీసెర్చ్‌ గ్రాంట్‌: రాజ్యసభ ఫెలోషిప్స్‌ కేవలం నలుగురు మాత్రమే పొందగలరు. ప్రతి ఫెలోషిప్‌కు రీసెర్చ్‌ గ్రాంట్‌గా రూ.8లక్షలను పలు దఫాలుగా అందిస్తారు. దీంతోపాటు మరో రూ.50 వేలు కంటిజెన్సీ ఫండ్‌గా ఇస్తారు.  ముఖ్య సమాచారం ►    దరఖాస్తు విధానం: ఈమెయిల్‌ ద్వారా దరఖాస్తు చేసుకోవాలి.  ►    రాజ్యసభ ఫెలోషిప్‌కు దరఖాస్తు చేసుకోవాలనుకునేవారు: rksahoo.rs@sansad.nic.in   ►    రాజ్యసభ ఇంటర్న్‌షిప్‌కు దరఖాస్తు చేసుకోవాలనుకునేవారు: rssei.rsrs@sansad.nic.in ►    దరఖాస్తులకు చివరి తేది: 31.03.2021 ►     వెబ్‌సైట్‌: https://rajyasabha.nic.in/rsnew/ fellowship/felloship_main.asp

సాక్షి, హైదరాబాద్‌: బీటెక్ చదువుతున్న విద్యార్థులకు ప్రముఖ టెక్ దిగ్గజ సంస్థ గూగుల్ శుభవార్త అందించింది.  ప్రెష్ గ్రాడ్యుయేట్స్‌కి ఇంటర్న్‌షిప్ చేసే అవకాశాన్ని కల్పిస్తోంది. ఇంజనీరింగ్ ఇంటర్న్ సమ్మర్ 2021 కార్యక్రమానికి దరఖాస్తుల్ని ఆహ్వానిస్తోంది. బీటెక్ ఫైనలియర్ చదువుతున్న విద్యార్థులు ఇందుకు అర్హులు. నిర్దేశిత ఇంటర్న్‌షిప్ 12 నుంచి 14 వారాల పాటు ఉంటుంది. ఇంటర్న్‌షిప్‌కు ఎంపికైన విద్యార్థులు గూగుల్ ఇంటర్నల్ బిజినెస్ అప్లికేషన్స్‌ని డెవలప్ చేయడానికి పనిచేయాల్సి ఉంటుంది. దీనికి దరఖాస్తుకు చివరితేది డిసెంబర్ 11, 2020 అని గూగుల్‌  ప్రకటించింది. హైదరాబాద్, బెంగుళూర్‌లోని గూగుల్ క్యాంపస్‌లలో మాత్రమే ఈ ఇంటర్న్‌షిప్‌కు అవకాశం ఉంటుంది. (వ్యాక్సిన్‌: ఒబామా, బుష్‌, క్లింటన్‌ సంచలన నిర్ణయం) అర్హతలు ఇన్ఫర్మేషన్ టెక్నాలజీ, ఇన్ఫర్మేషన్ సిస్టమ్స్, కంప్టూటర్ సైన్స్ లాంటి టెక్నికల్ బ్రాంచ్‌లో బ్యాచిలర్ డిగ్రీ చివరి సంవత్సరం చదువుతున్న విద్యార్థులు ఈ ఇంటర్న్‌షిప్‌కు దరఖాస్తు చేసు​నేందుకు అర్హులు. అభ్యర్థులకు ప్రోగ్రామింగ్ లాంగ్వేజెస్  జావా, సీ + +, పైథాన్ తెలిసి ఉండాలి. సిస్టమ్స్ సాఫ్ట్‌వేర్ లేదా అల్గారిథమ్‌లతో పాటుఎస్ క్యూఎల్, స్పింగ్, హైబర్ నేట్, వెబ్ సర్వీసెస్, జావా స్క్రిప్ట్ వర్క్ తెలిసి ఉండాలి.

సాక్షి, ముంబై : ప్రముఖ ఈ-కామర్స్ సంస్థ ఫ్లిప్‌కార్ట్  పండుగ సీజన్ లో అమ్మకాలతో వినియోగదారులకు ఆకట్టుకోవడమే కాదు.. విద్యార్థులకు కూడా శుభవార్త తెలిపింది. దేశంలోని టైర్ 2 సిటీల్లోని అండర్ గ్రాడ్యుయేట్ విద్యార్థుల కోసం పెయిడ్ ఇంటర్న్‌షిప్ కార్యక్రమాన్ని ప్రకటించింది. ఈ నెల16న ప్రారంభం కానున్న ఫ్లిప్‌కార్ట్ బిగ్ బిలియన్ డేస్ అమ్మకాల్లో భాగంగా విద్యార్థులకు ఉపయోగపడేలా ఈ ప్రోగ్రాంను తీసుకొచ్చింది.  ఫ్లిప్‌కార్ట్ తాజాగా ప్రకటించిన ‘లాంచ్‌ప్యాడ్’ ఇంటర్న్‌షిప్ ప్రోగ్రాం 45 రోజులు ఉంటుంది. దీని ద్వారా విద్యార్థులు సప్లయి చెయిన్ మేనేజ్‌మెంట్‌లో నైపుణ్యాన్ని పొందవచ్చు. (నోకియా స్మార్ట్ టీవీలపై ఫ్లిప్‌కార్ట్ ఆఫర్లు) ఈ-కామర్స్ ఇండస్ట్రీలో కస్టమర్లకు సరుకులు డెలివరీ ప్రాసెస్‌ను, క్లిష్టమైన నైపుణ్యాలను విద్యార్థులు ఈ ఇంటర్న్‌షిప్ ద్వారా తెలుసుకోవచ్చని కంపెనీ ఒక ప్రకటనలో తెలిపింది. కరోనా మహమ్మారి సంక్షోభం మధ్య కీలకంగామారిన ఇకామర్స్ ప్రక్రియలను అర్థం చేసుకోవడానికి లాంచ్‌ప్యాడ్ రూపొందించామనీ, దీర్ఘకాలంలో మంచి అర్హత కలిగిన, బాగా శిక్షణ పొందిన, నైపుణ్యం కలిగిన నిపుణులతో తమ సప్లయ్ చెయిన్ వ్యవస్థ వృద్ధికి దోహదపడుతుందని  కంపెనీ తెలిపింది. (వివాదంలో ఫ్లిప్‌కార్ట్ : క్షమాపణలు) ఫ్లిప్‌కార్ట్ ఇందుకోసం 21 ప్రాంతాల్లోని పలు విద్యాసంస్థలతో కలిసి పనిచేస్తోంది. వాటిలో తెలంగాణలోని మేడ్చల్‌, మహారాష్ట్రలోని భివాండి, హర్యానాలోని బినోలా, ఉలుబేరియా, డంకుని (పశ్చిమబెంగాల్), కర్నాటకలోని మలూర్ వంటి ప్రాంతాలున్నాయి. సప్లయి చెయిన్ మేనేజ్‌మెంట్‌ గురించి ఫ్లిప్‌కార్ట్ స్టూడెంట్లకు ట్రైనింగ్ ఇస్తుంది. కరోనా వ్యాప్తి నేపథ్యంలో ఆరోగ్యా సేతు యాప్, భౌతిక దూరం, థర్మల్ స్క్రీనింగ్, మాస్క్ లాంటి సంబంధిత కోవిడ్ ప్రోటోకాల్‌ను పాటిస్తామని విద్యార్థుల ఆరోగ్యానికి ప్రాధాన్యత ఇస్తామని ఫ్లిప్‌కార్ట్ సీనియర్ వైస్ ప్రెసిడెంట్ అమితేష్ వెల్లడించారు. ఇంటర్న్‌షిప్‌ల ద్వారా వృత్తిపరమైన ప్రపంచంలోకి అడుగు పెడుతున్నప్పుడు యువ విద్యార్థులలో కొత్త ఉత్సాహాన్ని కలిగిస్తుందన్నారు. గత ఏడాది ప్రారంభించిన ఇంటర్న్‌షిప్ కార్యక్రమంలో 'ది బిగ్ బిలియన్ డేస్ 2019' సందర్భంగా దేశవ్యాప్తంగా 2 వేల మంది విద్యార్థులు ఉత్సాహంగా పాల్గొనడంతో పాటు శిక్షణ పొందారని  గుర్తు చేశారు.

చెన్నై : త‌మిళ‌నాడు రాష్ర్టంలో క‌రోనా క‌ట్ట‌డి దృష్ట్యా లాక్‌డౌన్ అమల్లో ఉన్న సంగ‌తి తెలిసిందే. అయిన‌ప్ప‌టికీ కేసుల తీవ్ర‌త పెరుగుతూనే ఉంది. గురువారం చెన్నైలోని ప్రభుత్వ స్టాన్లీ మెడికల్ కాలేజీలో కంపల్సరీ రోటరీ రెసిడెన్షియల్ ఇంటర్న్‌షిప్ ( సిఆర్‌ఆర్‌ఐ)ఇంట‌ర్న్‌లుగా సేవ‌లందిస్తున్న ఏడుగురు వైద్య విద్యార్థుల‌కు క‌రోనా సోకింది. దీంతో వీరంద‌రిని క్వారంటైన్‌కి త‌ర‌లించి చికిత్స అందిస్తున్నారు. రాష్ర్టంలోని  వివిధ ప్ర‌భుత్వ ఆసుప‌త్రుల్లో గ‌త కొంత కాలంగా విద్యార్థులు ఇంట‌ర్న్‌షిప్ చేస్తున్నారు. ఈ నేప‌థ్యంలో రొటేష‌న్ ప‌ద్ధ‌తిలో ఒక్కో హాస్పిట‌ల్‌లో సేవ‌లందించాల్సి ఉంటుంది. ఈ నేప‌థ్యంలో ప‌లువురు వైద్య విద్యార్థులు కోవిడ్ బారిన ప‌డుతున్నారు.ఇటీవ‌లె  మద్రాస్ మెడికల్ కాలేజీ , రాజీవ్ గాంధీ ప్రభుత్వ జనరల్ హాస్పిటల్, గవర్నమెంట్ కిల్‌పాక్ మెడికల్ కాలేజ్ హాస్పిటల్, గవర్నమెంట్ మెడికల్ కాలేజ్ హాస్పిటల్, ఒమండురార్ ఎస్టేట్ కాలేజీ  వైద్య విద్యార్థుల‌కు క‌రోనా ల‌క్ష‌ణాలు బ‌య‌ట‌ప‌డుతున్నాయి. వీరి ప‌రీక్షా ఫ‌లితాలు ఇంకా వెలువడాల్సి ఉంది.  (సినీ నటుల ఇళ్ల వద్ద కరోనా కలకలం ) త‌మిళ‌నాడు వ్యాప్తంగా ఇప్ప‌టివ‌ర‌కు న‌మోదైన న‌మోదైన మొత్తం కేసుల సంఖ్య 70,000 దాట‌గా, చెన్నైలోనే 47,640 కేసులు న‌మోద‌య్యాయి.  భార‌త్‌నా క‌రోనా వేగంగా విజృంభిస్తున్న సంగ‌తి తెలిసిందే. గ‌డిచిన 24 గంటల్లోనే అత్య‌ధికంగా 17,296 కొత్త క‌రోనా పాజిటివ్ కేసులు వెలుగు చూడ‌గా మొత్తం కేసుల సంఖ్య 5 లక్ష‌ల‌కు చేరువ‌లో ఉంది. ప్ర‌స్తుతం 1,89,463 యాక్టివ్ కేసులున్న‌ట్లు శుక్ర‌వారం కేంద్ర ఆరోగ్య శాఖ బులిటెన్ విడుదల చేసింది. (కేంద్రమంత్రి ఫన్నీ మీమ్స్‌ )

హైదరాబాద్‌: ఇంటర్న్‌షిప్ కోసం హైదరాబాద్‌కు చెందిన ఓ విద్యార్థి ఉక్రెయిన్‌ వెళ్లాడు.. అది పూర్తి చేసుకుని తిరిగి రావడానికి టికెట్‌ కూడా బుక్‌ చేసుకున్నాడు.. మరికొద్ది గంటల్లో విమానం ఎక్కి ఇంటికి రానున్న తరుణంలో విధి వక్రీకరించింది. పుట్టినరోజునాడే ప్రమాదవశాత్తు నదిలో పడి ప్రాణాలు కోల్పోయాడు. హైదరాబాద్‌ నాంపల్లిలోని భాగ్యనగర్‌కాలనీకి చెందిన రాజేందర్‌సింగ్‌ భాటియా, జస్‌ప్రీత్‌ కౌర్‌ల కుమారుడు జస్‌ప్రీత్‌సింగ్‌ భాటియా (21) ముంబైలోని అమిటీ కళాశాలలో బీబీఏ చివరి సంవత్సరం చదువుతున్నాడు. ఇటీవల 40 రోజుల ఇంటర్న్‌షిప్ కోసం ఉక్రెయిన్‌ వెళ్లాడు. శనివారం అది పూర్తి కావడంతో హైదరాబాద్‌ వచ్చేందుకు టికెట్‌ కూడా బుక్‌ చేసుకున్నాడు. కొద్ది గంటల్లో నగరానికి బయలుదేరాల్సి ఉండగా.. పుట్టినరోజు కావడంతో స్నేహితులతో కలిసి ఉక్రెయిన్‌లోని ఫియో ఫానియా పార్క్‌ నది వద్దకు వెళ్లాడు. అక్కడ ప్రమాదవశాత్తు నదిలో పడి మృతిచెందాడు. ఈ విషయాన్ని అతడి స్నేహితులు జస్‌ప్రీత్‌ కుటుంబ సభ్యులకు తెలియజేయడంతో వారు విషాదంలో మునిగిపోయారు. కాగా, జస్‌ప్రీత్‌ మృతదేహాన్ని హైదరాబాద్‌కు తీసుకొచ్చేందుకు టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ చర్యలు చేపట్టారని తెలంగాణ మైనార్టీ కమిషన్‌ చైర్మన్‌ ఖమ్రుద్దీన్, వైస్‌ చైర్మన్‌ శంకర్‌లూక్‌ తెలిపారు. ఈ మేరకు ఉక్రెయిన్‌ అధికారులతో ఆయన మాట్లాడారని వెల్లడించారు. జస్‌ప్రీత్‌ కుటుంబాన్ని ప్రభుత్వం అన్ని విధాలుగా ఆదుకుంటుందని భరోసా ఇచి్చనట్టు చెప్పారు.  

విభా నాయక్‌ నవ్రే... హైదరాబాద్‌లో స్థిరపడిన... మరాఠా కుటుంబానికి చెందిన అమ్మాయి. బిబిఎ ఫైనలియర్‌ చదువుతోంది. చైనాకు వెళ్లి... స్కూలు పిల్లలకు ఇంగ్లిష్‌ పాఠాలు చెప్పే వరకు ఆమె అందరిలాంటి అమ్మాయే. కానీ ఇప్పుడు కొంచెం ప్రత్యేకం.దేశం ఎల్లలు దాటి కొత్త సామాజిక, సాంస్కృతిక పరిస్థితుల మధ్య మెలిగిన అనుభవంతో కూడిన ప్రత్యేకత అది. ఖండాంతరాల నుంచి వచ్చిన విద్యార్థులతో అభిప్రాయాలు పంచుకున్న తర్వాత కలిగిన ఆకళింపు విభాది.ఐక్యరాజ్య సమితి కల్పించిన ఈ అవకాశాన్ని వినియోగించుకోమని తోటియువతకు పిలుపునిస్తోంది విభా. ‘‘ఇంట్లో చిన్నదాన్ని కావడంతో, అది కూడా అమ్మాయిని కావడంతో విపరీతంగా పాంపర్‌ చేసేవాళ్లు. అమ్మ, నాన్న, అన్నయ్యల గారాబాన్ని ఎంజాయ్‌ చేస్తూ పెరిగాను. కొన్ని దేశాల్లో పిల్లల్ని ఇండిపెండెంట్‌గా పెంచుతారు. మనదేశంలో దాదాపుగా అన్ని ఇళ్లలోనూ పిల్లల్ని ఇలాగే ముద్దు చేస్తుండవచ్చు. అందుకే మనదేశం యువతకు ఇంటర్నేషనల్‌ ఇంటర్న్‌షిప్‌ చాలా అవసరం అంటాను. నాక్కూడా ఆ సంగతి చైనాకు వెళ్లిన తర్వాతే తెలిసింది. అప్పటి వరకు ఏదైనా సమస్య వస్తే పెద్దవాళ్ల వైపు చూస్తే సరిపోయేది. వాళ్లే సొల్యూషన్‌ వెతికి పెట్టేసేవాళ్లు. ఒకసారి దేశం సరిహద్దు దాటి బయటకు వెళ్లిన తర్వాత మనకెదురైన సమస్యకు పరిష్కారాన్ని మనమే వెతుక్కోవాలి. మనల్ని మనం ఎక్స్‌ప్లోర్‌ చేసుకోవడం కూడా అక్కడి నుంచే మొదలవుతుంది. మనకూ ఆలోచించే శక్తి ఉందని, అది అవసరానికి తగినట్లు మనకోసం కొత్త దారిని ఆవిష్కరిస్తుందని తెలిసొస్తుంది. చైనాలో ఇంగ్లిష్‌కి ఎంట్రీ ‘ఐసెక్‌’ తరఫున గ్లోబల్‌ వాలంటీర్‌ కేటగిరీలో గత ఏడాది మే నెలలో చైనాకి వెళ్లాను. చైనాలో వాట్సాప్, ఇన్‌స్టాగ్రామ్‌ వంటి వాటికి అనుమతి లేదు. కేవలం వి చాట్‌కి మాత్రమే పర్మిషన్‌. అక్కడ ‘దాలియన్‌ చి’ సిటీలో దోంగ్‌బాయ్‌ యూనివర్సిటీలో మాకు ఇంటర్న్‌షిప్‌ ఇచ్చారు. ఆ దేశం చరిత్ర, సంస్కృతి, సామాజిక పరిస్థితులను తెలుసుకోవడంతోపాటు ఆరు నుంచి పద్నాలుగేళ్ల పిల్లలకు ఇంగ్లిష్‌ పాఠాలు చెప్పడం నా ప్రాజెక్ట్‌. స్కూల్‌లో మొత్తం సిలబస్‌ అంతా చైనీస్‌ మీడియంలోనే సాగుతుంది. స్కూల్‌ తర్వాత డే కేర్‌ సెంటర్‌లలో ఒక గంట ట్యూషన్‌ ఉంటుంది. ఆ గంటలో ఇంగ్లిష్, మ్యాథ్స్‌ క్లాసులు తీసుకుంటారు. చైనా ఎడ్యుకేషన్‌ సిస్టమ్‌లో స్కూల్‌ లెవెల్‌లో కంపల్సరీ ఎడ్యుకేషన్‌ ఉంది. కానీ ఇంగ్లిష్‌ మీడియం ఉండేది కాదు. ఈ తరంలో ఉన్నత చదువుల కోసం విదేశాలకు వెళ్లాలని, మంచి ఉద్యోగవకాశాలను అందిపుచ్చుకోవాలనే ఆకాంక్ష ఎక్కువైంది. చైనాలోని ఇంటర్నేషనల్‌ యూనివర్సిటీల్లో చదువుకోవడానికి వచ్చిన విదేశీ విద్యార్థులతో మమైకం కావాలంటే భాష పెద్ద అడ్డంకిగా ఉండేది వాళ్లకు. దాంతో ప్రభుత్వం కరికులమ్‌లో ఇంగ్లిష్‌ భాషను ఒక సబ్జెక్టుగా చేర్చింది.ఉపాధి అవకాశాలు ఎక్కువచైనా వాళ్లలో పనిని గౌరవించడంతోపాటు చట్టం పట్ల అంకితభావం కూడా ఎక్కువే. కమ్యూనిస్ట్‌ దేశం కాబట్టి, చట్టాన్ని ఉల్లంఘిస్తే శిక్షలు కఠినంగా ఉంటాయేమో అనుకుంటాం. కానీ అక్కడి మనుషులు నిబంధనను పాటించడం తమ బాధ్యత అన్నట్లు ఉంటారు. ప్రభుత్వం కూడా ప్రజల అభీష్టం మేరకు కొన్ని సడలింపులు చేసుకుంటోంది. ఒకప్పుడు ‘వన్‌ ఫ్యామిలీ.. వన్‌ చైల్డ్‌’ నిబంధన ఉండేది. ఇప్పుడు రెండవ బిడ్డను కనడానికి అనుమతి ఉంది. కమ్యూనిస్ట్‌ దేశమైనా సరే మతవిశ్వాసాలకు కూడా గౌరవం ఉంది. అక్కడ ఎక్కువగా బౌద్ధాన్ని పాటిస్తారు. ప్రభుత్వ లావాదేవీలన్నీ చైనీస్‌ భాషలోనే జరగడం వల్ల ఒక ప్రయోజనం ఏమిటంటే... పెద్దగా చదువుకోని వాళ్లు కూడా ఇండస్ట్రీలు పెట్టి సమర్థంగా నడిపించుకోగలుగుతున్నారు. అక్కడ టీచింగ్, మార్కెటింగ్, ఎంటర్‌ప్రెన్యూర్‌షిప్, టెక్నికల్‌ ప్రాజెక్ట్‌లలో ఉపాధి అవకాశాలు మెండుగా ఉన్నాయి. చైనాకి వెళ్లే ముందు అక్కడి వాళ్లు ముభావంగా ఉంటారేమోనని అపోహ పడ్డాను, కానీ చాలా స్నేహపూర్వకంగా మాట్లాడారు. చైనాలో 45 రోజులు ‘ఐసెక్‌’ అనేది ప్రపంచంలోని రకరకాల సంస్కృతులను తెలుసుకోవడమే ప్రధానంగా ఏర్పాటైన సంస్థ. అందుకే వైవిధ్యభరితమైన సంస్కృతి సంప్రదాయాలున్న దేశాల్లో ఇంటర్న్‌షిప్‌కే తొలి ప్రాధాన్యం ఉంటుంది. మనదేశంలో ఉన్నట్లే చైనాలో కూడా ఒక నగరానికి మరో నగరానికీ మధ్య స్పష్టమైన వైవిధ్యం కనిపిస్తుంది. దాలియన్‌ చి నగరం చాలా ప్రశాంతంగా ఉంటుంది. బీజింగ్‌ నగరం మాత్రం మన ముంబయిలాగా ఉరుకులు పరుగుల మధ్య రోజు గడుపుతుంటుంది. వాతావరణం కూడా ఒక్కో నగరంలో ఒక్కో విధంగా ఉంటుంది. దాలియన్‌ చి నగరంలో మే నెలలో ఉష్ణోగ్రతలు ఏడు నుంచి పదిహేను డిగ్రీల మధ్య ఉంటాయంతే. ఆ దేశంలో ప్రతి నగరానికి ఓ చరిత్ర ఉంది. వైవిధ్యమైన కళలున్నాయి. మనం తిన్నట్లే చైనాలో కూడా చాలా చోట్ల ప్లెయిన్‌ రైస్‌ ప్రధాన ఆహారంగా తింటారు. చికెన్, బీఫ్, పోర్క్, ఎగ్, ఉడికించిన కూరగాయలు ఉంటాయి. పాలు, పెరుగు బాగా తీసుకుంటారు. అయితే కాఫీ, టీలలో పాలు కలపరు. గ్రీన్‌ టీ, బ్లాక్‌ కాఫీతోపాటు అక్కడ చైనీస్‌ టీ అని ప్రత్యేకంగా మరో టీ వెరైటీ ఉంటుంది. ఒక దేశం చరిత్ర, సంస్కృతి, సామాజిక, రాజకీయ స్థితిగతుల గురించి తెలుసుకోవడానికి ఎన్నో పుస్తకాలు చదవడం కంటే ఒకసారి పర్యటించి అధ్యయనం చేయడం వల్ల ఎక్కువ ఉపయోగం ఉంటుందని నాకనిపించింది. ఇంటర్నేషనల్‌ ఇంటర్న్‌షిప్‌ చేయడం పై చదువులకు బాగా ఉపయోగపడుతుంది. ఇప్పుడు నేను ఐసెక్‌లో సీనియర్‌ మేనేజర్‌గా సర్వీస్‌ ఇస్తున్నాను. ఒకసారి రెక్కలు విప్పి ఆకాశంలోకి ఎగిరితే మనలోని శక్తి బయటకు వస్తుందని చైనాలో ఉన్న ఆ నెలన్నర రోజుల్లో తెలుసుకున్నాను. స్పోర్ట్స్‌ పర్సన్‌నే కానీ..! నేను స్కూల్‌లో ఉన్నప్పటి నుంచి మంచి టెన్నిస్‌ ప్లేయర్‌ని. చింతల్‌లోని సెయింట్‌ మార్టినా స్కూల్‌ని రిప్రజెంట్‌ చేశాను. 2014లో నేషనల్స్‌ ఆడి తెలంగాణ రాష్ట్రానికి సిల్వర్‌ మెడల్‌ తెచ్చాను. కానీ టెన్నిస్‌ను కొనసాగించలేకపోయాను. కొంతకాలం కోచ్‌గా శిక్షణ ఇచ్చాను. ఇప్పుడు ఫారిన్‌ యూనివర్సిటీల్లో పోస్ట్‌ గ్రాడ్యుయేషన్‌ కోసం ప్రయత్నిస్తున్నాను. భవిష్యత్తులో స్పోర్ట్స్‌ మేనేజ్‌మెంట్‌లో స్థిరపడాలనేది నా కోరిక’’. ఇంటర్వ్యూ: వాకా మంజులారెడ్డి ఫొటో: శివ మల్లాల విద్యార్థులే... విద్యార్థుల కోసం..! ఐసెక్‌ అనేది యునైటెడ్‌ నేషన్స్‌ గుర్తించిన ఆర్గనైజేషన్‌. ఐసెక్‌ ద్వారా విదేశాలకు వెళ్లి ఇంటర్న్‌షిప్‌ చేయాలనుకునే వాళ్లు  వెబ్‌సైట్‌లో లాగిన్‌ అవ్వాలి. ఇందులో వాలంటీర్, టాలెంట్, ఎంట్రప్రెన్యూర్‌ విభాగాల్లో దేనినైనా ఎంచుకోవచ్చు. ఎంట్రప్రెన్యూర్‌ ఎంపిక చేసుకునే వాళ్లకు ఆ సబ్జెక్ట్‌ మీద కొంత అవగాహన ఉండాలి. కాలేజ్‌ చదువు పూర్తయిన వాళ్లు టాలెంట్‌ కేటగిరీలో ఇంటర్న్‌షిప్‌ చేయవచ్చు. ఈ కేటగిరీలో ఉపకార వేతనం కూడా ఉంటుంది. ఇక వాలంటీర్‌ కేటగిరీలో వెళ్లిన వాళ్లకు ఉపకార వేతనం ఉండదు, నేర్చుకునే అవకాశం మాత్రమే ఉంటుంది. ఐసెక్‌ ద్వారా విదేశాల్లో ఇంటర్న్‌షిప్‌ చేయడానికి వయసు 18– 25 సంవత్సరాల మధ్య ఉండాలి. కనీసం ట్వల్త్‌ క్లాస్‌ పూర్తి చేసి ఉండాలి. వెబ్‌సైట్‌లో రిజిస్టర్‌ చేసుకుని, సెలెక్ట్‌ అయిన తర్వాత 18 వేల రూపాయల ఫీజు కట్టాల్సి ఉంటుంది. ఆ దేశాల్లో ఎయిర్‌పోర్టు నుంచి పికప్, డ్రాప్, బస వంటి సౌకర్యాలన్నీ అందులోనే. హోమ్‌స్టే ఉన్న చోట భోజనం కూడా ఇస్తారు. హాస్టల్స్‌లో ఉండాల్సి వస్తే బస ఉచితం, భోజనం ఖర్చు మాత్రం అదనంగా ఉంటుంది. ఇక విమాన చార్జీలు, షాపింగ్, టూరిస్ట్‌ ప్రదేశాల విజిటింగ్‌ వంటి ఖర్చులు విద్యార్థులే భరించాలి. మొత్తం మీద ఒక విద్యార్థి 45 రోజుల పాటు ఇంటర్న్‌షిప్‌కి వెళ్లి రావడానికి లక్ష రూపాయల వరకు ఖర్చు ఉంటుంది. గత ఏడాది ఓ ఇరవై మంది అండర్‌ ప్రివిలేజ్‌డ్‌ స్టూడెంట్స్‌కి ప్రభుత్వమే స్పాన్సర్‌ చేసింది. హైదరాబాద్‌ ఐసెక్‌లో వంద మందికి పైగా విద్యార్థులు ఏడెనిమిది విభాగాల్లో స్వచ్ఛందంగా సేవలందిస్తున్నారు. నేను ఇంజనీరింగ్‌ సెకండియర్‌ చదువుతూ ఇందులో మార్కెటింగ్‌ సర్వీస్‌ ఇస్తున్నాను. – బి. నిఖిల, మేనేజర్, బిజినెస్‌ టు కస్టమర్‌ ఐసెక్‌ హైదరాబాద్‌ చాప్టర్‌ 127 దేశాల్లో 45 వేల మంది ఐసెక్‌ (ఎఐఈఎస్‌ఈసి) అనేది ఫ్రెంచ్‌ పదం. దీని పూర్తి స్వరూపం ‘అసోసియేషన్‌ ఇంటర్‌నేషనల్‌ ద ఇట్యూడెంట్స్‌ ఎన్‌ సైన్సెస్‌ ఎకనమిక్స్‌ ఎట్‌ కమర్షియల్స్‌’. ఇంగ్లిష్‌లో ‘అసోసియేషన్‌ ఆఫ్‌ స్టూడెంట్స్‌ ఇన్‌ ఎకనమిక్‌ అండ్‌ కమర్షియల్‌ సైన్సెస్‌’గా వ్యవహరిస్తారు. ఇది యువత నిర్వహిస్తున్న నాన్‌ గవర్నమెంట్, నాన్‌ ప్రాఫిట్‌ ఆర్గనైజేషన్‌. ప్రపంచంలోనే యువత సమర్థవంతంగా నడిపిస్తున్న అతి పెద్ద సంస్థ. ఇందులో గ్లోబల్‌ వాలంటీర్, గ్లోబల్‌ టాలెంట్, గ్లోబల్‌ ఎంటర్‌ప్రెన్యూర్‌ కేటగిరీలుంటాయి. ఐక్యరాజ్యసమితి నిర్దేశించుకున్న ప్రపంచ లక్ష్యాలకు అనుగుణంగా పని చేస్తుంది ఐసెక్‌. డెబ్బై ఏళ్లుగా కార్యకలాపాలు నిర్వహిస్తూ 127 దేశాల్లో విస్తరించిన ఈ నెట్‌వర్క్‌లో నలభై ఐదు వేల మంది విద్యార్థులు సభ్యులుగా ఉన్నారు.

సాక్షి, సిటీబ్యూరో: ఉస్మానియా జనరల్‌ ఆస్పత్రిలో ఇంటర్న్‌షిప్‌ సర్టిఫికెట్ల జారీ వివాదాస్పదంగా మారింది. అడిగినంత ముట్టజెప్పితే చాలు డ్యూటీలకు రాకపోయినా సర్టిఫికెట్లు జారీ చేస్తున్నట్లు ఆరోపణలు వెల్లువెత్తుతున్నాయి. ఇదే అంశంపై కొంతమంది విద్యార్థులు బుధవారం ఆస్పత్రి సూపరింటెండెంట్‌కు ఫిర్యాదు చేశారు. గ్రేటర్‌ పరిధిలోని వివిధ యూనివర్సిటీల్లో ఎంబీబీఎస్‌ కోర్సు పూర్తి చేసుకున్న జూనియర్‌ వైద్యులతో పాటు చైనా ఇతర దేశాల్లో ఎంబీబీఎస్‌ పూర్తి చేసిన అభ్యర్థులు ఏడాది పాటు ఇంటర్న్‌షిప్‌ చేయాల్సి ఉంది. డైరెక్టర్‌ ఆఫ్‌ మెడికల్‌ ఎడ్యుకేషన్‌ ద్వారా సీట్ల కేటాయింపు జరుగుతుంది. ఉస్మానియాలో 200 మంది, గాంధీలో 200 మంది అభ్యర్థులు ఇంటర్న్‌షిప్‌ చేస్తుంటారు. ఉస్మానియాలో ఆర్థోపెడిక్, జనరల్‌ సర్జరీ, జనరల్‌ మెడిసిన్, అనస్థీషియా, క్యాజువాలిటీ విభాగాల్లో 200 మంది హౌస్‌ సర్జన్లుగా పని చేస్తున్నారు. వైద్య చికిత్సపై సమగ్ర అవగాహన కల్పించేందుకు రెండు నెలలు మెడిసిన్, రెండు నెలలు జనరల్‌ సర్జరీ, ఒక నెల పీడియాట్రిక్, 15 రోజులు ఈఎన్‌టీ, మరో పదిహేను రోజులు కంటి ఆస్పత్రుల్లో పని చేయాల్సి ఉంటుంది. ఆయా విభాగాల్లో సీట్లు పొందిన అభ్యర్థుల్లో  వంద మంది ఉస్మానియా, గాంధీ మెడికల్‌ కాలేజీలో చదువుకున్న వారు ఉంటే మరో వంద మంది ఇతర కాలేజీల్లో చదువుకున్నవారుంటారు. అయితే వీరిపై సరైన నిఘా లేకపోవడంతో వీరిలో చాలా మంది విధులకు హాజరు కావడం లేదు. కానీ వారికి ఇంటర్న్‌షిప్‌ సర్టిఫికెట్లు జారీ చేస్తుండటం వివాదాస్పదంగా మారింది. ఆస్పత్రిలో పని చేస్తున్న కొంత మంది క్లర్కులు అభ్యర్థుల నుంచి డబ్బులు తీసుకుని వారికి సర్టిఫికెట్లు జారీ చేస్తున్నట్లు ఆరోపణలు వినిపిస్తున్నాయి. ఈ విషయంపై సూపరింటెండెంట్‌ డాక్టర్‌ నాగేందర్‌ను వివరణ కోరగా సమగ్ర విచారణకు ఆదేశించామని తెలిపారు. ఆయా విభాగాధిపతుల నుంచి వివరణ కూడా కోరినట్లు నివేదిక ఆధారంగా అక్రమాలకు పాల్పడిన వారిపై కఠిన చర్యలు తీసుకుంటామని ఆయన స్పష్టం చేశారు. 

సాక్షి, న్యూఢిల్లీ: విదేశీ పార్లమెంటరీ అధికారులకు భారత పార్లమెంటరీ వ్యవస్థల పనితీరుపై అవగాహన కల్పించేందుకు బ్యూరో ఆఫ్‌ పార్లమెంటరీ స్టడీస్‌ అండ్‌ ట్రైనింగ్‌ ఆధ్వర్యంలో ఏర్పాటు చేసిన 34వ ఇంటర్న్‌షిప్‌ కార్యక్రమంలో ఎంపీ కె.కవిత పాల్గొన్నారు. ఆగస్టు 2న ప్రారంభమైన ఇంటర్న్‌షిప్‌ కార్యక్రమం శుక్రవారంతో ముగిసింది. ముగింపు కార్యక్రమంలో కవిత పాల్గొని ప్రసంగించారు. 20 దేశాల నుంచి 47 మంది పార్లమెంటరీ అధికారులు ఇంటర్న్‌షిప్‌కు హాజరయ్యారు

సాక్షి, న్యూఢిల్లీ : స్వచ్ఛభారత్‌ ఉద్యమంలో విద్యార్థులు చురుకుగా పాల్గొనాలని ప్రధాని నరేంద్ర మోదీ పిలుపు ఇచ్చారు. వేసవి సెలవుల్లో విద్యార్థులు మానవవనరులు, క్రీడలు, జలవనరుల మంత్రిత్వ శాఖలు రూపొందించిన స్వచ్ఛభారత్‌ ఇంటర్న్‌షిప్‌లో సమయాన్నివెచ్చించాలని కోరారు. ఆదివారం మన్‌ కీ బాత్‌లో మోదీ ఈ కార్యక్రమం​ప్రకటించారు. సమాజ బాగు కోసం కళాశాల విద్యార్థులు, ఎన్‌సీసీ, ఎన్‌ఎస్‌ఎస్‌ యువత, నెహ్రూ యువ కేంద్ర విద్యార్థులు ముందుకు రావాలని సూచించారు. కళాశాల, విశ్వవిద్యాలయ స్థాయిల్లో మెరుగైన సేవలందించిన విద్యార్థులకు జాతీయ స్థాయిలో పురస్కారాలు అందిస్తామని చెప్పారు. అక్టోబర్‌ 2 మహాత్మాగాంధీ 150వ జయంతోత్సవాల సందర్భంగా ఇంటర్న్‌షిప్‌ ఆయనకు మనమిచ్చే నివాళి అన్నారు. ఇంటర్న్‌షిప్‌లో భాగంగా విద్యార్ధులు ఒకటి లేదా అంతకుమించిన గ్రామాలను దత్తత తీసుకుని గ్రామీణ పారిశుద్ధ్యం సహా పలు సేవా కార్యక్రమాల్లో పాల్గొంటారు. మే 1 నుంచి జులై 31 వరకూ సాగే ఇంటర్న్‌షిప్‌ కనీసం 100 గంటల పాటు ఉంటుంది. మోదీ తన 30 నిమిషాలకు పైగా ప్రసంగంలో పలు అంశాలను ప్రస్తావించారు. కామన్‌వెల్త్‌ గేమ్స్‌లో మహిళా అథ్లెట్లు సత్తా చాటారని ప్రశంసిచారు. రంజాన్‌, బుద్ధపూర్ణిమ సందర్భంగా మహ్మద్‌ ప్రవక్త, గౌతమ బుద్ధలను ప్రధాని ప్రస్తుతించారు.

న్యూఢిల్లీ : ప్రముఖ బైక్‌ల కంపెనీ హార్లీ డేవిడ్సన్‌ గొప్ప బంపర్‌ ఆఫర్‌ని ప్రకటించింది. హార్లీ డేవిడ్సన్‌ బైక్‌ని ఉచితంగా పొందే అవకాశం కల్పించనున్నట్లు తెలిపింది. అందుకోసం చేయాల్సిందల్లా ఈ వేసవిలో హార్లీ డేవిడ్సన్‌ కంపెనీలో ఇంటర్న్‌షిప్‌ చేస్తే చాలు. 12వారాల (దాదాపు మూడునెలలు) ఇంటర్నషిప్‌లో భాగంగా ఎంపికైన అభ్యర్థులకు హార్లీ డేవిడ్సన్‌ బైక్‌ను ఇస్తారు. అభ్యర్థులు చేయాల్సిందల్లా ఈ బైక్‌ల మీద విహరించి  తమ అనుభవాలను సోషల్‌ మీడియాలో షేర్‌ చేయాలి. వాటిల్లో ఉత్తమమైనదాన్ని ఎంపిక చేసి, విజేతకు కళ్లు చెదిరే బహుమతి ఇవ్వనున్నట్లు కంపెనీ ప్రకటించింది. ఇంతకు బహుమతి ఏంటంటే....గెలుపొందిన వారికి హార్లీ డేవిడ్సన్‌ బైక్‌ను ఉచితంగా ఇవ్వనున్నట్లు కంపెనీ అధికారులు తెలిపారు. ఇంటర్న్‌షిప్‌లో భాగంగా అభ్యర్థులకు బైక్‌ని ఎలా నడపాలి అనే విషయంలో శిక్షణ ఇవ్వడమే కాక వారికి ప్రయాణ ఖర్చులతో పాటు వేతనాన్ని కూడా చెల్లించనున్నట్లు కంపెనీ అధికారులు తెలిపారు. అంతేకాక అభ్యర్థులు ఈ 12 వారాలపాటు బైక్‌ను తమతో పాటు ఉంచుకునే అవకాశం కల్పించనున్నట్లు కంపెనీ తెలిపింది. ఈ 12 వారాల ప్రయాణంలో అభ్యర్థులు తమ అనుభవాలను, ఫోటోలను, ఫన్ని వీడియోలను సోషల్‌ మీడియా ద్వారా పంచుకోవాలి. వాటిలో ఉత్తమమైన దాన్ని ఎంపిక చేసి వారికి హార్లీ డేవిడ్సన్‌ను ఉచితంగా ఇవ్వనున్నట్లు తెలిపారు. దరఖాస్తు చేసుకునేందుకు... సృజనాత్మకత కలిగిన 18 ఏళ్లు నిండిన పట్టభద్రులు ఎవరైనా దరఖాస్తు చేసుకోవచ్చు. దరఖాస్తు చేసే సమయంలో ‘స్వేచ్ఛ’కు మీరు ఇచ్చే నిర్వచనం ఏంటో తెలిపేలా ఒక వ్యాసాన్ని కానీ, ఫోటో గాలరీని కానీ, వీడియోను కానీ తయారు చేసి FreedomInternship@Harley-Davidson.comకు పంపించాలని తెలిపింది. వాటిల్లో నుంచి తమకు కావల్సిన అభ్యర్థులను ఇంటర్న్‌షిప్‌ కోసం తీసుకుంటామని కంపెనీ అధికారులు తెలిపారు. దరఖాస్తులకు చివరి తేది 2018, మే 11.


 న్యూఢిల్లీ : ఉద్యోగ ఆఫర్ పొందని విద్యార్థుల సంఖ్యను తగ్గించుకోవడానికి, ఉద్యోగవకాశాలను పెంపొందించడానికి ఇండియన్ ఇన్స్టిట్యూట్స్ టెక్నాలజీ(ఐఐటీలు) కొత్త మార్గాలను ఎంచుకుంటున్నాయి. ప్రీ ప్లేస్మెంట్గా వచ్చే ఇంటర్న్షిప్ ఆఫర్లను ఇంజనీరింగ్ విద్యార్థులు స్వీకరించేలా ప్రోత్సహిస్తున్నాయి. దీంతో ఫైనల్ ప్లేస్మెంట్ల ఒత్తిడిని ఐఐటీలు తగ్గించుకోవాలనుకుంటున్నాయని దీనికి సంబంధించిన ఓ అధికారి చెప్పారు.  ఖరగ్పూర్, చెన్నై, కాన్పూర్, గౌహతి, రూర్కే, వారణాసి, హైదరాబాద్ ఐఐటీలు ఈ విధంగా ఓవర్డ్రైవ్ నిర్వహిస్తున్నాయని పేర్కొన్నారు. ఎంప్లాయర్స్ నుంచి వచ్చే ఇంటర్న్షిప్లకు ఓకే చెప్పేలా విద్యార్థులను ఐఐటీలు సన్నద్ధం చేస్తున్నాయి.
 
 ఇంటర్న్షిప్, విద్యార్థులో విశ్వాసాన్ని మరింతగా నింపుతుందని ఐఐటీ రూర్కే ప్రొఫెసర్, ప్లేస్మెంట్స్ ఇన్ఛార్జ్ ఎన్పీ పాధే తెలిపారు. ఇంటర్న్షిప్ పొందిన 90 శాతం మంది ఐఐటీ విద్యార్థులు కంపెనీల్లోనే ఉద్యోగాల్లో సెటిల్ అవుతున్నారని ఐఐటీ హైదరాబాద్ ప్లేస్మెంట్ ఇన్ఛార్జ్, ట్రైనింగ్ సెల్ ఫ్యాకల్టీ మెంబర్ బీ వెంకటేశం చెప్పారు. చాలా ఐఐటీలు ప్రీ-ప్లేస్మెంట్ ఆఫర్లపై ఎక్కువగా దృష్టిసారిస్తున్నట్టు వెల్లడించారు. తమ విద్యార్థులకు ఆఫర్ చేసే ఇంటర్న్షిప్లపై ఇన్స్టిట్యూట్లు సీరియస్గా తీసుకోనున్నట్టు తెలుస్తోంది. జాబ్ ఆఫర్లపై సరైన నిర్ణయం తీసుకోవడానికి కూడా ఈ ఇంటర్న్షిప్ ఎక్కువగా దోహదం చేయనుందని, ఇటు కంపెనీలకు, అటు స్టూడెంట్లకు ఇది ఓ పునాది మార్గంగా ఉపయోగపడనుందని నిపుణులు చెబుతున్నారు.
 
 ప్రతేడాది 5-15 శాతం విద్యార్థులు జాబ్ ఆఫర్లను పొందలేకపోతున్నారని,  ఈ నేపథ్యంలో ఇంటర్న్షిప్ అనేది ఐఐటీలకు సహజమైన అడుగని ఐఐటీ ఖరగ్ పూర్ కెరీర్ డెవలప్మెంట్ సెంటర్ చైర్మన్ దేవాసిస్ దేవ్ చెప్పారు. దీంతో పైనల్ ప్లేస్ మెంట్ల ఒత్తిడిని తగ్గించుకోవచ్చన్నారు. 300 ప్రీ ప్లేస్మెంట్ ఆఫర్లను ఈ ఏడాది ఐఐటీ ఖరగ్పూర్ పొందిందని, గతేడాదితో పోలిస్తే ఇది డబుల్ అయిందని పేర్కొన్నారు.  కొన్ని వారాల్లోనే ఐఐటీల్లో ప్రీప్లేస్మెంట్ ఆఫర్లు ప్రారంభంకాబోతున్నాయి.


 న్యూఢిల్లీ: ఢిల్లీలోని లేడీ శ్రీరామ్ విమెన్ కాలేజీ కి చెందిన నలుగురు  విద్యార్థినులు మరోసారి తమ సత్తా చాటారు. తమ అత్యుత్తమ ప్రతిభతో ఓ విదేశీ కన్సల్టింగ్ ప్రాజెక్ట్  ఇంటర్న్ షిప్ కు ఎంపికయ్యారు. బ్రెజీలియన్ కంపెనీ  ఎంబ్రాకో అందించే రెండు లక్షల ఇంటర్న్షిప్ ను గెల్చుకున్నారు.  ఈ ఏడాది  సమ్మర్ ఇంటర్న్ షిప్ పేరుతో అందించే అత్యధిక రూ 2 లక్షల పారితోషికాన్ని అందుకున్నారు.
 ఎల్ఎస్ఆర్ మహిళా  కాలేజీ స్టూడెంట్స్  అదితి మిశ్రా(బీకామ్), దెబోలినా దత్తా (ఎకనామిక్స్),ప్రేరణా గ్రోవర్ (స్టాటస్టిక్స్ ) అయూషి సేథ్ (జర్నలిజం) ఈ ఇంటర్న్ షిప్ కు ఎంపికయ్యారు.  కన్సల్టింగ్ ప్రాజెక్ట్  లో భాగంగా  భారతదేశానికి చెందిన విద్యార్థులను   మొదటిసారి ఎంపిక చేశామని సంస్థ ఆసియా ఫసిపిక్ రీజియన్ డైరెక్టర్  అరుప్ మజుందార్ తెలిపారు.
 దేశం నుంచి మరింత కొలాబరేషన్స్ కోసం చూస్తున్నామన్నారు. కాగా  ఇప్పటికే  ఎల్ఎస్ఆర్ కాలేజీ  97 మంది  అమ్మాయిలు ఇతర సంస్థలనుంచి ఇంటర్న్షిప్ ను అందుకున్నారు. మరో 300 మంది  ఎర్నెస్ట్ అండ్ యంగ్, జెఎస్డబ్ల్యు, కేపీఎంజీ,హాన్నోవర్ రే తదితర సంస్థల్లో ఇంటర్న్  షిప్ పూర్తి చేయడం విశేషం.
 
 
  


 
  వృత్తి విద్యా కోర్సులు చదువుతున్నవారు ఇంటర్న్‌షిప్‌ల్లో చేరుతున్న సమయం ఇది. ప్రొఫెషనల్ జీవితంలో ఇంటర్న్‌షిప్ చేయడం కెరీర్ నిర్మాణానికి తొలి మెట్టు. శాశ్వత ఉద్యోగం సాధించేందుకు ఇంటర్న్‌షిప్ దోహదపడుతుంది. అంతవరకు క్లాస్ రూం పాఠాలకే పరిమితమైన విద్యార్థి ఇంటర్న్‌షిప్ ద్వారా పని అనుభవం నేర్చుకోవచ్చు. ఈ నేపథ్యంలో ఇంటర్న్‌షిప్ సమయంలో అభ్యర్థులు ఏ విధంగా నడుచుకోవాలో నిపుణులు అందిస్తున్న సూచనలు..
  
  సంస్థపై అవగాహన
  అభ్యర్థులు ఇంటర్న్‌షిప్‌లో చేరబోయే ముందు ఆ సంస్థ గురించి పరిశోధన చేసి అవగాహన ఏర్పరచుకోవాలి. కంపెనీ చరిత్ర, బిజినెస్, చేపడుతున్న ప్రాజెక్టులు, ఆర్థిక సంవత్సరంలో కంపెనీ వెలువరించిన ఫలితాలు, బాస్, ఉద్యోగుల సంఖ్య తదితర వివరాలు తెలుసుకోవడం ద్వారా ఆత్మవిశ్వాసంతో ఆర్గనైజేషన్‌లో అడుగిడవచ్చు.
  
  ఫస్ట్ ఇంప్రెషన్
  ఇంటర్న్‌షిప్‌లో చేరిన మొదటి రోజు అభ్యర్థికి చాలా కీలకం. ముఖ్యంగా ఎంపికైన ఉద్యోగానికి అనుగుణంగా, కంపెనీ వాతావరణానికి ఇమిడిపోయేలా వ్యవహరించాలి. సహాద్యోగులు ధరించిన విధానానికి దగ్గరగా ఉండేలా దుస్తులు ధరించాలి. తద్వారా అభ్యర్థి మీద సదభిప్రాయం కలగడమే కాకుండా నిర్వర్తించబోయే ఉద్యోగం మీద ఆసక్తి ఉన్నట్లుగా అభిప్రాయానికి వచ్చే అవకాశం ఉంటుంది.
  
  ఉత్సాహంతో ముందుకు..
  అభ్యర్థులు తమ విధుల్లో ఉత్సుకత, అంకితభావం, వృత్తి పట్ల నిబద్ధతతో ఉండాలి. మీకు విషయ పరిజ్ఞానం పెద్దగా లేకపోయినప్పటికీ ఇతరులతో కలిసి పనిచేయగలిగే నేర్పు, కొత్తగా నేర్చుకోవడానికి ఆసక్తి కనబర్చగలిగే లక్షణాలు ఉంటే మీపై మంచి అభిప్రాయం కలుగుతుంది. సందేహాలు కలిగినప్పుడు భయం లేకుండా నివృత్తి చేసుకోవాలి. అవసరమున్నప్పుడు తోటి ఉద్యోగులకు సహాయం చేయాలి.
  
  సమయపాలన
  మీరు అక్కడ ఫుల్ టైం ఉద్యోగిగా భావించండి. సమయానికి కార్యాలయానికి చేరుకోవడం, ఇచ్చిన పనిని ముందుగా పూర్తి చేయడానికి ప్రయత్నించండి. దీంతో మిమ్మల్ని కంపెనీ శాశ్వత ఉద్యోగిగా నియమించుకునే అవకాశం ఉంటుంది.
  
  నిత్య విద్యార్థిగా
  ఇంటర్న్‌షిప్‌లో భాగంగా చేస్తున్న పనిలో తనలోని లోపాలను గుర్తించి వాటిని అధిగమించి నైపుణ్యాలు మెరుగుపరుచుకోవాలి. అదేవిధంగా కెరీర్‌కు ఉపయోగపడే కొన్ని ముఖ్యాంశాలను గుర్తించి వాటిపై దృష్టి సారించి, వాటిల్లో నిష్ణాతులుగా మారాలి. ఇలా ఎప్పటికప్పుడు అప్‌డేట్ అవుతుండాలి.


 ♦ స్కాలర్‌షిప్ టు ఇంటర్న్‌షిప్.. అన్నీ ఒకేచోట
 ♦  we make scholars.com ద్వారా రూ.20 కోట్ల స్కాలర్‌షిప్‌లు
 ♦ 1,300 మంది క్లయింట్లు: ఇందులో 800 విదేశీ వర్సిటీలే
 ♦  1,300 సంస్థలతో ఒప్పందం..
  
  మా సైట్‌లో విదేశీ వర్సిటీల స్కాలర్‌షిప్‌లతో పాటూ అనిత, ఆగాఖాన్, కామన్‌వెల్త్ ఫౌండేషన్లు, గూగుల్, టాటా, ఫెయిర్ అండ్ లవ్లీ వంటి కార్పొరేట్ సంస్థల సంస్థల ఉంటుంది. ఇప్పటివరకు మొత్తం 1,300 సంస్థలతో ఒప్పందం కుదుర్చుకున్నాం. ఇందులో 800 వరకు విదేశీ వర్సిటీలున్నాయి. గ్రాడ్యుయేషన్ మాత్రమే కాదు పీజీ, పరిశోధన విద్యనభ్యసించే వాళ్లూ మా సేవలను వినియోగించుకోవచ్చు. స్కాలర్‌షిప్‌ల వివరాలను ఎప్పటికప్పుడు తెలుసుకోవడానికి, డేటాను అప్‌లోడ్ చేయడానికి ఆరుగురు ఉద్యోగులు పనిచేస్తున్నారు.
  
  హైదరాబాద్, బిజినెస్ బ్యూరో : విదేశాల్లో చదువులంటే...! చేతిలో ఉన్న సొమ్ముతోనో లేదా ఆస్తులు విక్రయించో చదివే వాళ్లుంటారు! మరి కొందరైతే బ్యాంకులిచ్చే రుణంతో విమానం ఎక్కేస్తుంటారు.!
  అలా కాకుండా విదేశీ యూనివర్సిటీలు, ప్రైవేటు సంస్థలు, ఫౌండేషన్లు, ట్రస్ట్‌లు అందించే స్కాలర్‌షిప్స్‌తో విద్యనభ్యసించే వాళ్ల మాటేంటి? నిజానికి అలాంటి వాళ్లు తక్కువ మందే ఉంటారు. ఎందుకంటే ఏ దేశంలో... ఏ వర్సిటీ ఎలాంటి ఉపకారవేతనాలందిస్తోంది? ఏ ఇంటర్న్‌షిప్‌లో చేరితే ఎంత ప్రయోజనం? ఇలాంటి వివరాలన్నీ తెలిసేదెలా? దానికి సమాధానమే ‘ఠ్ఛీ ఝ్చజ్ఛు టఛిజిౌ్చటట.ఛిౌఝ’ తమకెదురైన అనుభవాన్నే ఓ స్టార్టప్ కంపెనీగా మలచి... ఎందరో విద్యార్థుల విదేశీ విద్య కలను నిజం చేస్తున్నారు సంస్థ వ్యవస్థాపకులు దామిని మహాజన్, అర్జున్ ఆర్ కృష్ణ.
  
  దామినిది జమ్మూకాశ్మీర్. అర్జున్ కేరళవాసి. కానీ, ఇద్దరికీ పరిచయమైంది మాత్రం ఇంగ్లండ్‌లోని షెఫీల్డ్ వర్సిటీలో. బయో టెక్నాలజీలో ఎంఎస్ చేయడానికి యూకే వెళ్లారు వీళ్లిద్దరూ. అది కూడా స్కాలర్‌షిప్‌ను అందుకుని మరీ. యార్క్‌షైర్‌లోని షెఫీల్డ్ వర్సిటీ స్కాలర్‌షిప్‌కు దామిని, క్వీన్స్ స్కాలర్‌షిప్‌కు అర్జున్ ఎంపికయ్యారు. దీనిపై వాళ్లిద్దరూ ఏమంటారంటే...
  
  ‘‘అక్కడికి వెళ్లాకే మాకు యూనివర్సిటీలోని ఇతర విద్యార్థుల నుంచి ఎదురైన మొట్టమొదటి ప్రశ్నేంటో తెలుసా? తామంతా ఇంట్లో వాళ్ల సొంత డబ్బులతో అక్కడికి వచ్చామని చెబుతూ... మాకు ఈ స్కాలర్‌షిప్ ఎలా అందిందని అడిగారు. అప్పుడే మాకు అర్థమైంది భారతీయులకే కాదు..! విదేశీయులకూ స్కాలర్‌షిప్‌ల గురించి అంతగా అవగాహన లేదని! అందుకే ఓ వైపు చదువుకుంటూనే మరోవైపు ‘స్కాలర్‌షిప్’ పేరుతో ఫేస్‌బుక్ ఆన్‌లైన్ బృందాన్ని ప్రారంభించాం. ఇందులో ఉపకార వేతనం కోసం వర్సిటీలకు ఎలా ఎలా దరఖాస్తు చేసుకోవాలనే ప్రాథమిక వివరాలను పొందుపరిచేవాళ్లం. ఆశ్చర్యకరంగా మన దేశ విద్యార్థులే కాదు పాకిస్తాన్, ఈజిప్టు, పోర్చుగల్, యూరప్ దేశాల విద్యార్థులూ సభ్యులుగా చేరారు. వాళ్ల ప్రశ్నలకు అదే పేజీ వేదికగా తీరిగ్గా సమాధానమిచ్చే వాళ్లం.
  
  చూస్తుండగానే చదువు పూర్తయింది. బయటికెళితే మంచి ఉద్యోగ అవకాశాలుంటాయి. కానీ, మా పేజీ సహాయంతో స్కాలర్‌షిప్ పొందిన చాలా మంది విద్యార్థుల నుంచి ఒకటే కోరిక.. ‘‘స్కాలర్‌షిప్ ఫేస్‌బుక్ పేజీని కాస్త వెబ్‌సైట్‌గా మార్చేసి ఆన్‌లైన్ వేదికగా ఎడ్యుకేషన్ కన్సెల్టింగ్ సేవలందించమని’’. ఇంకేముందు ఏడాది సమయంలో టెక్నాలజీని అభివృద్ధి చేసి, వర్సిటీ సమాచారాన్ని సేకరించి, ఏడాది సమయం తర్వాత ఏప్రిల్ 29న మాజీ కేంద్ర మంత్రి శశిథరూర్ చేతుల మీదుగా ‘వీ మేక్ స్కాలర్స్’ పేరుతో సంస్థను పారంభించాం.
  
  అవగాహన లేకపోవడమే..
  సాధారణంగా ఉపకారవేతనాలను నాలుగు రకాలుగా పొందొచ్చు. 1. విశ్వవిద్యాలయాలు 2. విద్యా మంత్రిత్వ శాఖలు 3. ట్రస్ట్‌లు లేదా ఫౌండేషన్‌లు 4. కార్పొరేట్ సంస్థలు. అసలు ఆయా సంస్థలు ఉపకారవేతనాలను ఎందుకిస్తాయంటే.. తమ కాలేజీలను ప్రమోట్ చేసుకోవడానికి. లేదా చిన్న దేశాలైతే తమ గుర్తింపు కోసం విద్యార్థులకు స్కాలర్‌షిప్‌లను అందిస్తుంటాయి. అభివృద్ధి చెందుతున్న దేశాల విద్యార్థులకే మొదటి అవకాశం. అయితే సాధారణంగా ఎంపిక ప్రక్రియ ఏడాది పాటు కొనసాగే అవకాశముంటుంది.
  
  మూడు, నాలుగు రౌండ్ల పాటు ఇంటర్వ్యూలు, మెరిట్, ఫైనాన్షియల్ లీడ్, కుటుంబ నేపథ్యం.. వంటి వివరాలు తీసుకుంటాయి. చాలా మంది ఏమనుకుంటారంటే స్కాలర్‌షిప్ కోసం ఆయా దేశాలకు వెళ్లాలనో.. లేదా డిగ్రీ పూర్తయ్యాకే దరఖాస్తు చేసుకోవాలనో అనుకుంటారు. దీంతో ఆయా స్కాలర్‌షిప్ ప్రయోజనాన్ని వృథా చేసుకుంటున్నారు. కానీ, డిగ్రీ, లేదా ఇంజనీరింగ్ చివరి ఏడాది చదువుతూనే రిజిస్టర్ చేసుకొని.. వివరాలు పంపిస్తే చదువు పూర్తయ్యేలోపు స్కాలర్‌షిప్‌లను పొందొచ్చు.
  
  స్కాలర్‌షిప్, ఇంటర్న్‌షిప్‌లు కూడా..
  విదేశాల్లో చదువు కోసం ఏటా మన విద్యార్థులు రూ.200 కోట్లు ఖర్చు చేస్తుంటే.. ఇందులో స్కాలర్‌షిప్‌ల వాటా 2-4 శాతం మాత్రమే. ఇందుకు కారణం విదేశీ స్కాలర్‌షిప్‌ల గురించి సరైన అవగాహన లేకపోవడమే. ఇదే మా బిజినెస్ మోడల్. మా సైట్‌లో కేవలం స్కాలర్‌షిప్‌లే కాదు ఇంటర్న్‌షిప్‌లకు సంబంధించిన సమాచారాన్నీ తెలుసుకోవచ్చు. మా సేవలు పూర్తిగా ఉచితం. ఏ దేశంలో చదవాలనుకుంటున్నారు? ఏం చదవాలనుకుంటున్నారు? వంటి వివరాలు ఇందులో నమోదు చేస్తే చాలు. సైన్స్, ఆర్ట్స్, కామర్స్, ఏ రంగమైనా సరే ఉపకారవేతనాల వివరాలు మీ ముందుంటాయి. సమగ్ర వివరాలతో దరఖాస్తును నింపి పంపించడమే తరువాయి.
  
  ఇప్పటివరకు 249 దేశాల నుంచి సుమారు 8 లక్షల మంది విద్యార్థులు మా సైట్‌లో రిజిస్టర్ అయ్యారు. ఇందులో నుంచి సుమారు 14 వేల మంది ఉపకారవేతనాల కోసం వివిధ వర్సిటీలకు దరఖాస్తు చేసుకున్నారు. ఇప్పటివరకు 459 మంది విద్యార్థులకు రూ.20 కోట్లు ఉపకారవేతనాలుగా అందాయి.
  
  సమీకరణకూ సిద్ధం..
  ఇటీవలే మా సంస్థలో బిట్స్‌పిలానీ, భారత ప్రభుత్వ డిపార్ట్‌మెంట్ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీలు సంయుక్తంగా రూ.50 లక్షలలోపు పెట్టుబడులు పెడతామన్నారు. అగ్రిమెంట్ దశలో ఉన్నాం. ఈ నిధుల సాయంతో ‘డాష్‌బోర్డ్’ సేవలను ప్రారంభిస్తాం. ఇందుకోసం ఏడాదికి 1,000 డాలర్లు చార్జీ చేస్తాం. యూకేకు చెందిన క్యూఅండ్‌ఎస్ సంస్థతో మా మొదటి సేవల్ని ప్రారంభిస్తున్నాం. డాష్‌బోర్డ్ అంటే.. సంబంధిత సంస్థకు సంబంధించిన స్కాలర్‌షిప్ విభాగాన్ని మేం నిర్వహిస్తాం.
  
   ఇందులో విద్యార్థుల దరఖాస్తుల నుంచి మొదలుపెడితే.. ఎక్కడి నుంచి అప్లయ్ చేసుకుంటున్నారు? ఎంత మంది చేస్తున్నారు? ఆయా అర్హతలను బట్టి ఎవరికి ఎంత చెల్లించాలి వంటి సమస్త సమాచారాన్ని విశ్లేషిస్తాం. త్వరలోనే దేశంలోని అన్ని విశ్వ విద్యాలయాలు, ప్రముఖ విద్యా సంస్థల్లో వర్క్‌షాప్‌లు నిర్వహించి ఉపకారవేతనాలకు సంబంధించిన సమస్త సమాచారాన్ని విద్యార్థులకు చేరవేస్తాం. హైదరాబాద్‌లోని బీవీఐఆర్‌టీ సంస్థ నుంచి మొదలు పెడుతున్నాం’’.
 అద్భుతమైన స్టార్టప్‌ల గురించి అందరికీ తెలియజేయాలనుకుంటే
  startups@sakshi.com కు మెయిల్ చేయండి...
  


 సాక్షి, హైదరాబాద్: రాష్ట్రంలో నర్సింగ్ కోర్సులో భాగంగా ఉన్న ఆరునెలల ఇంటర్న్‌షిప్‌కు కూడా ఫీజు రీయింబర్స్‌మెంట్ అమలుచేయాలని ప్రభుత్వం నిర్ణయించింది. మూడున్నరేళ్ల ఈ కోర్సులో ఇంటర్న్‌షిప్ మినహా మిగతా మూడేళ్లకు మాత్రమే ఇప్పటివరకు ఫీజురీయింబర్స్‌మెంట్ ఇస్తున్నారు. ఎస్సీ, ఎస్టీ, బీసీ వర్గాలకు చెందినవారు ఎక్కువగా ఈ కోర్సు చేసే నేపథ్యంలో.. ఇంటర్న్‌షిప్ కాలానికి కూడా ‘ఫీజు’ ఇవ్వాలని నిర్ణయించారు. దీంతో ప్రభుత్వంపై ఏటా దాదాపు రూ.5 కోట్ల వరకు అదనపు భారం పడనుంది. ఫీజు రీయింబర్స్‌మెంట్ అంశంపై శుక్రవారం సచివాలయంలో ఎస్సీ అభివృద్ధిశాఖ ముఖ్య కార్యదర్శి రేమండ్‌పీటర్ ఆధ్వర్యంలో దీనిపై సమావేశం జరిగింది.
 
 బీసీ సంక్షేమశాఖ ముఖ్యకార్యదర్శి టి.రాధా, ఎస్టీ సంక్షేమశాఖ కార్యదర్శి జీడీ అరుణ, ఈ శాఖల విభాగాధిపతులు, ఏపీ బీసీ సంక్షేమశాఖ అధికారి కృష్ణమోహన్ తదితరులు ఇందులో పాల్గొన్నారు. కానీ ఏపీ ముఖ్యకార్యదర్శి విజయ్‌కుమార్  పాల్గొనలేకపోవడంతో సోమవారానికి దీనిపై చర్చ వాయిదా పడింది. అయితే ఫీజుల పథకం బకాయిలపై సూత్రప్రాయ చర్చ జరిగింది. పునర్విభజన చట్టానికి అనుగుణంగా ఏపీ 58 శాతం, తెలంగాణ 42 శాతం భరించాలనే అభిప్రాయం వ్యక్తమైంది.


 జాబ్ స్కిల్స్: మీరు కళాశాల చివరి దశలో ఉన్నారా? కార్పొరేట్ ప్రపంచంతో మీకు పరిచయం ఉందా? ఉద్యోగాల గురించి ఏమైనా అనుభవం ఉందా?.. లేకపోతే మాత్రం వెంటనే ఇంటర్న్‌షిప్‌లో చేరండి. ఎందుకంటే విద్యార్థుల భవిష్యత్తు ఉద్యోగ జీవితానికి, వ్యాపారంలో అనుభవానికి పునాది పడేది ఇక్కడే. ఇంటర్న్‌షిప్‌తో మీ రెజ్యమెకు విలువ పెరుగుతుంది. జాబ్ మార్కెట్‌లో మీకు డిమాండ్ ఏర్పడుతుంది.
  
  నియామకాల విషయంలో సంస్థలు సాధారణంగా అనుభవానికే ప్రాధాన్యత ఇస్తుంటాయి. ఫ్రెషర్ల కంటే కొంత అనుభవం ఉన్నవారిని చేర్చుకునేందుకు ఆసక్తి చూపుతుంటాయి. విద్యార్థులకు ఇంటర్న్‌షిప్ ద్వారా వర్క్ ఎక్స్‌పీరియెన్స్ వస్తుంది. గ్రాడ్యుయేషన్ పూర్తయిన తర్వాత సమయం వృథా చేయకుండా ఇంటర్న్‌షిప్‌లో చేరడం మంచిది. ఫ్యూచర్ జాబ్ కెరీర్‌కు ఎంతగానో ఉపయోగపడే ఇంటర్న్‌షిప్‌పై విద్యార్థులు ముందునుంచే అవగాహన పెంచుకోవాలి.
  
  ఇంటర్న్‌షిప్ అంటే?
  ఇది ఒకరకంగా జాబ్ ట్రైనింగ్ లాంటిదే. అంటే.. ఉద్యోగంలో చేరడానికి ముందు దానికి సంబంధించిన శిక్షణ పొందడం. తరగతి గదిలో పాఠాలు, పుస్తకాల ద్వారా నేర్చుకున్న పరిజ్ఞానానికి ఎంత విలువ ఉంటుందో ఇంటర్న్‌షిప్‌లో నేర్చుకున్నదానికీ అంతే విలువ ఉంటుంది. సాధారణంగా ప్రొఫెషనల్ కోర్సులను అభ్యసించే విద్యార్థులు ఇంటర్న్‌షిష్‌లో చేరుతుంటారు. ప్రతి విద్యా సంవత్సరం పూర్తయిన తర్వాత ఇంటర్న్‌షిప్ పూర్తిచేయడాన్ని ఒక కచ్చితమైన నిబంధనగా మార్చారు. ఇటీవలి కాలంలో దీని ప్రాధాన్యతను గుర్తించిన డిగ్రీ విద్యార్థులు కూడా ఇంటర్న్‌షిష్‌లో చేరేందుకు ఆసక్తి చూపుతున్నారు. మెరుగైన భవిష్యత్తుకు ఇప్పటినుంచే పునాదిరాయి వేసుకోవాలంటే ఇంటర్న్‌షిప్ పూర్తిచేయడం మంచిదని నిపుణులు సూచిస్తున్నారు.
  
  ఇంటర్న్‌షిప్‌తో లాభాలేంటి?
  జాబ్ మార్కెట్‌పై విద్యార్థులకు అవగాహన పెరుగుతుంది. సంస్థల అవసరాలేంటి? అవి తమ ఉద్యోగుల నుంచి ఏం కోరుకుంటున్నాయి? సంస్థల కార్యకలాపాలు ఎలా ఉంటాయి? వంటి కీలకమైన విషయాలు తెలుస్తాయి. కంపెనీలో అనుభవజ్ఞులతో కలిసి పనిచేసే అవకాశం లభిస్తుంది. వారి నుంచి కొత్త విషయాలు నేర్చుకొని, నైపుణ్యాలు పెంచుకునేందుకు వీలుంటుంది. కమ్యూనికేషన్ స్కిల్స్ పెరుగుతాయి. క్షేత్రస్థాయిలో పనిచేయడం వల్ల అక్కడి వాస్తవ పరిస్థితులు తెలుస్తాయి. సదరు ఉద్యోగం మీకు తగినదో కాదో స్పష్టంగా తెలిసిపోతుంది.
  
  ఒక జాబ్‌లో చేరడాని కంటే ముందు ఆ జాబ్‌లోని లోతుపాతులు తెలుసుకొనే వెసులుబాటు ఇంటర్న్‌షిప్ ద్వారా లభిస్తుంది. ప్రొఫెషనల్ వర్క్ ఎన్విరాన్‌మెంట్ ఎలా ఉంటుందో అనుభవంలోకి వస్తుంది. కార్పొరేట్ కల్చర్‌తో పరిచయం ఏర్పడుతుంది.  ప్రాక్టికల్ స్కిల్స్ మెరుగుపడతాయి. ఇంటర్న్‌షిప్‌లో పొందిన పని అనుభవం విద్యార్థిని ఒక మంచి ఉద్యోగిగా మార్చేందుకు దోహదం చేస్తుంది. ఇంటర్న్‌షిప్‌తో విద్యార్థులు తమ అర్హతలను పెంచుకోవచ్చు. దీంతో వారి రెజ్యుమెకు అదనపు విలువ పెరుగుతుంది. ఇలాంటి రెజ్యుమెలు కంపెనీల యాజమాన్యాలను ఆకర్షిస్తాయి. విద్యార్థులకు ఉద్యోగావకాశాలు మెరుగవుతాయి.
  
  కోర్సు పూర్తికాగానే ఉద్యోగం
  తాజాగా తెరపైకొచ్చిన ట్రెండ్ ఏమిటంటే...  ఒక సంస్థలో ఇంటర్న్‌షిష్ చేసినవారికి అదే సంస్థలో ఉద్యోగాలు లభిస్తున్నాయి. ఇలాంటివారికే యాజమాన్యాలు పెద్దపీట వేస్తున్నాయి. విద్యార్థి పనితీరు, స్వభావం, నైపుణ్యాల గురించి ఇంటర్న్‌షిప్‌లో తెలిసిపోతుంది. ఆకట్టుకొనే పనితీరును ప్రదర్శించిన విద్యార్థుల చేతికి జాబ్ ఆఫర్ లెటర్లు అందుతున్నాయి. కోర్సు పూర్తికాగానే నేరుగా కొలువులో చేరిపోవొచ్చు. ప్రస్తుతం జాబ్ మార్కెట్ ఎలా ఉందో అందరికీ తెలుసు. ఉద్యోగాలు సులభంగా దొరకడం లేదు. ఇలాంటి పరిస్థితుల్లో ఇంటర్న్‌షిప్ ద్వారా ఒక సంస్థ నుంచి బ్యాక్‌అప్ ఆప్షన్ లభిస్తుండడం మంచిదే కదా! భవిష్యత్తులో ఉపయోగపడే వ్యక్తులతో పరిచయాలు, అనుబంధాలు పెంచుకోవడానికి ఉపయోగపడే గొప్ప వేదిక.. ఇంటర్న్‌షిప్.


  కళాశాలల నుంచి బయటకు వస్తున్న
  ఇన్ఫర్మేషన్ టెక్నాలజీ, కంప్యూటర్ సైన్స్ ఇంజనీరింగ్ గ్రాడ్యుయేట్లలో దాదాపు 30 శాతం మందిలో పరిశ్రమ అవసరాలకు తగిన నైపుణ్యాలు లేవు! - ఉద్యోగ నియామకాలకు సంబంధించి కంపెనీలకు సేవలందించే ఓ ప్రముఖ సంస్థ సర్వేలో తేలిన విషయమిది...
  
  కాసుల వర్షం కురిపిస్తూ, ఆపై సమాజంలో ఉన్నతంగా జీవించేలా చేసే కార్పొరేట్ కొలువుల్ని సొంతం చేసుకోవాలంటే నాలుగు గోడల మధ్య తరగతి గదిలో సంవత్సరాల తరబడి పాఠ్యాంశాలను చదివితే సరిపోదు! మార్కెట్ కోరుకునే ప్రాక్టికల్ నైపుణ్యాలనూ సొంతం చేసుకోవాలి. కాలేజీలో చదువుకున్న అంశాలను, వాస్తవ పరిస్థితుల్లో అన్వయించగల నేర్పును అలవరచుకోవాలి. దీనికోసం ఇంటర్న్‌షిప్, అప్రెంటీస్‌షిప్‌లు వేదికలుగా నిలుస్తున్నాయి. పాలిటెక్నిక్, ఇంజనీరింగ్, ఎంబీఏ, టూరిజం అండ్ హాస్పిటాలిటీ.. ఇలా ఏ కోర్సులకు చెందిన వారైనా తమ నైపుణ్యాలకు నగిషీలు చెక్కుకునేందుకు ఉపయోగపడుతున్నాయి.
  
  ఇంటర్న్‌షిప్:
  ఇంటర్న్‌షిప్ అంటే కళాశాల నుంచి సర్టిఫికెట్‌తో బయటకు రాకముందే కొంతకాలంపాటు క్షేత్రస్థాయి కార్యకలాపాల్లో విద్యార్థులు పాల్గొని, అనుభవజ్ఞుల పర్యవేక్షణలో పని అనుభవం సంపాదించడం. ప్రస్తుత పోటీ ప్రపంచంలో మంచి ఉద్యోగాన్ని సొంతం చేసుకునే ఉద్దేశంతో ఇంజనీరింగ్, మేనేజ్‌మెంట్, జర్నలిజం,అడ్వర్టైజింగ్, మార్కెటింగ్ వంటి కోర్సుల్లో యువత అడుగుపెడుతోంది. వీరు కాలేజీలో పుస్తకాల్లో చదువుకున్న అంశాలను ప్రాక్టికల్‌గా అన్వయించేందుకు ఇంటర్న్‌షిప్ ఉపయోగపడుతుంది.
  
  ప్రయోజనాలు:
  ఇప్పటి పోటీ ప్రపంచంలో కేవలం అకడెమిక్ నైపుణ్యాలతో ఉద్యోగాలను కైవసం చేసుకోవడం అసాధ్యం. తరగతి గదిలో చదివిన పాఠ్యాంశాలను ప్రాక్టికల్‌గా అన్వయించగల సామర్థ్యం చాలా అవసరం. ఈ సామర్థ్యాన్ని పెంపొందించుకునేందుకు ఇంటర్న్‌షిప్ ఉపయోగపడుతుంది. క్యాంపస్ ప్లేస్‌మెంట్స్‌లో.. ఇంటర్న్‌షిప్ సర్టిఫికెట్ బాగా ఉపయోగపడుతుంది. ఇంటర్వ్యూ దశలో విద్యార్థి ఇంటర్న్‌షిప్‌లో నేర్చుకున్న అంశాలను వివరించగలిగితే ఉద్యోగం సాధించడం ఖాయం. జాబ్ మార్కెట్‌కు అవసరమైన నైపుణ్యాలేంటన్న దానిపై ముందే అవగాహన ఏర్పడుతుంది. దీనివల్ల కెరీర్‌లో వేగంగా ఎదిగేందుకు అవకాశం కలుగుతుంది.
 
  జాబ్ మార్కెట్‌లో ముందుండేలా చేసే బృంద స్ఫూర్తి, కమ్యూనికేషన్ స్కిల్స్, సమయపాలన, ఒత్తిడిని జయించడం, ఆత్మవిశ్వాసం వంటి నైపుణ్యాలను పెంపొందించుకునేందుకు ఇంటర్న్‌షిప్ ఉపయోగపడుతుంది. విద్యార్థి తన కోర్సు, కెరీర్‌కు సంబంధించి వస్తున్న మార్పులపై అవగాహన పెంపొందించేందుకు ఇంటర్న్‌షిప్ ఉపయోగపడుతుంది. తనకు ఏ మేర నైపుణ్యాలు ఉన్నాయి? వాటిని ఇంకా ఎలా మెరుగుపరుచుకోవాలి? వంటి అంశాలపై విద్యార్థులకు అవగాహన ఏర్పడుతుంది.
  
  అవకాశాన్ని చేజిక్కించుకోవడమెలా?
  ప్రభుత్వ, ప్రైవేటు రంగ సంస్థలు.. పాలిటెక్నిక్, ఇంజనీరింగ్, ఎంబీఏ తదితర కోర్సులు చేస్తున్న వారిని ఇంటర్న్‌షిప్ చేయడానికి ప్రోత్సహిస్తున్నాయి. కంపెనీలు ఆన్ క్యాంపస్ మోడ్ (కళాశాలలను సందర్శించి), ఆఫ్ క్యాంపస్ మోడ్ (వివిధ మాధ్యమాల్లో ప్రకటనలు) ద్వారా ఇంటర్న్‌షిప్స్‌ను ఆఫర్ చేస్తుంటాయి.
  
  కంపెనీని సంప్రదించడానికి మార్గాలు:
  విద్యా సంస్థల్లో ట్రైనింగ్ అండ్ ప్లేస్‌మెంట్ ఆఫీసర్ ఇచ్చిన లేఖ ద్వారా కంపెనీలో ఉద్యోగ నియామకాలు చేపట్టే విభాగాలను నేరుగా సంప్రదించవచ్చు. ఇంటర్న్‌షిప్ అవకాశాలు కల్పించే వెబ్‌సైట్స్ ఉన్నాయి. వీటిలో రిజిస్ట్రేషన్ చేసుకోవచ్చు. ఇంటర్న్ నియామకాలకు సంబంధించి ఈ వెబ్‌సైట్లు విద్యార్థులకు, కంపెనీలకు వారధులుగా నిలుస్తున్నాయి.
  
  నేర్చుకుంటూ సంపాదిస్తూ:
  ఇంటర్న్‌షిప్ సమయంలో కొన్ని సంస్థలు ఎలాంటి విద్యార్థి వేతనం(స్టైఫండ్) చెల్లించవు. కొన్ని మాత్రం రూ.5 వేల నుంచి రూ.20 వేల వరకు స్టైఫండ్ చెల్లిస్తాయి. కొన్ని సంస్థలు ఇంటర్న్‌షిప్‌తోపాటు ఉద్యోగాన్ని కూడా ఆఫర్ చేస్తుంటాయి. మరికొన్ని ఇంటర్న్‌షిప్ పూర్తయ్యాక సర్టిఫికెట్ ఇస్తాయి. దీన్ని ఉద్యోగ ప్రయత్నాల్లో మంచి వనరుగా ఉపయోగించుకోవాలి. గూగుల్, ఇన్ఫోసిస్ వంటి ప్రతిష్ఠాత్మక సంస్థలు సైతం ఇంటర్న్‌షిప్ ద్వారా ఎ- గ్రేడ్ ప్రతిభావంతులను గుర్తించే ప్రయత్నాలు చేస్తున్నాయి.
  
  గుర్తుంచుకోండి:
  అవకాశం వచ్చింది కదాని ఏదో ఒక కంపెనీలో ఇంటర్న్‌షిప్ చేయడం వల్ల ప్రయోజనం ఉండదు. ఇంటర్న్‌షిప్‌నకు వెళ్లే ముందు కొన్ని విషయాలపై ఆలోచించాలి. మార్కెట్లో కంపెనీకి ఉన్నపేరు, అవి చేపడుతున్న ప్రాజెక్టులు, మౌలిక వసతులు, పని అనుభవం సంపాదించుకునేందుకు అనువైన వాతావరణం తదితర విషయాలు తెలుసుకోవాలి. ముఖ్యంగా ఇంటర్న్‌షిప్ లక్ష్యాలు పూర్తిస్థాయిలో నెరవేరే అవకాశముందా.. లేదా? అనే విషయాన్ని తెలుసుకోవాలి. టీమ్ లీడర్/హెచ్‌ఆర్/టాలెంట్ అక్విజిషన్/స్టాఫింగ్ హెడ్ ద్వారా ఇంటర్న్‌షిప్‌నకు సంబంధించిన విధి విధానాలను తెలుసుకోవాలి.
  
  వేసవి అనుకూలం:
  విద్యార్థులు వేసవి సెలవులను ఇంటర్న్‌షిప్ చేసేందుకు ఉపయోగించుకోవచ్చు. కంపెనీలు కూడా వేసవిని దృష్టిలో ఉంచుకొని ప్రత్యేకంగా ఇంటర్న్స్ కోసం ప్రకటనలు విడుదల చేస్తుంటాయి. చెన్నైకి చెందిన ‘ట్వంటీ19 డాట్ కామ్ సంస్థ’.. 2013కు సంబంధించి భారత్‌లోని ఇంటర్న్‌షిప్ మార్కెట్‌పై నివేదిక రూపొందించింది. దాదాపు 15 వేల కంపెనీలను సర్వే చేసింది. ఈ నివేదికలోని ముఖ్యాంశాలు.. కంపెనీలు చెల్లిస్తున్న నెలవారీ స్టైఫండ్ రూ.5000 - రూ.15,000
  
  విద్యార్థులకు ఆకర్షణీయమైన ఇంటర్న్‌షిప్ అవకాశాలు కల్పించడంలో కొత్త కంపెనీలు ముందు వరుసలో ఉన్నా యి. తక్కువ ఖర్చుతో యువ మేధస్సును ఉపయోగించుకునే లక్ష్యంతో ఈ సంస్థలు ఇంటర్న్‌షిప్ అవకాశాలు కల్పిస్తున్నాయి. వీటిలో టాప్ 5 రంగాలను పరిశీలిస్తే...
  1    2
  ఐటీ అండ్ సర్వీసెస్    ఇంటర్నెట్    
  3    4    5
  
  ఎడ్యుకేషన్    మీడియా    ఎన్‌జీవో
    వచ్చే మూడేళ్లలో చాలా కంపెనీలు తమ నియామకాలకు ఇంటర్న్‌షిప్‌ను ముఖ్యమైన మార్గంగా పరిగణించే అవకాశాలున్నాయి.కళాశాలలు కోర్సు కరిక్యులంలో ఇంటర్న్‌షిప్‌ను తప్పనిసరి చేసే అవకాశాలు కనిపిస్తున్నాయి.
  విద్యార్థులకు ఇంటర్న్‌షిప్ అవకాశాలు కల్పిస్తున్న ప్రతి పది కంపెనీల్లో తొమ్మిది స్టైఫండ్‌ను అందిస్తున్నాయి.
  
  అప్రెంటీస్‌షిప్
  ఓ విద్యా సంస్థలో కోర్సు పూర్తిచేసిన తర్వాత పరిశ్రమ లేదా సంస్థలో కొంతకాలం పాటు శిక్షణ పొందడాన్ని అప్రెంటీస్‌షిప్ అంటారు. ఇది అకడెమిక్ నైపుణ్యాలను ప్రొఫెషనల్ నైపుణ్యాలుగా మార్చుకునేందుకు ఉపయోగపడుతుంది. కష్టపడి పనిచేసి, పట్టుదలతో అప్రెంటీస్‌షిప్‌ను పూర్తిచేస్తే తగిన ప్రతిఫలం ఉంటుంది.
  
  1961 అప్రెంటీస్ చట్టం:
  అప్రెంటీస్ ప్రాధాన్యాన్ని గుర్తించిన కేంద్ర ప్రభుత్వం
  1961లో అప్రెంటీస్ చట్టాన్ని తెచ్చింది. ఇది 1962 నుంచి పూర్తిస్థాయిలో అమల్లోకి వచ్చింది. ఈ చట్టానికి 1973, 1986లో సవరణలు తెచ్చారు. ఈ చట్టం ప్రకారం ఇండస్ట్రియల్ ట్రైనింగ్ ఇన్‌స్టిట్యూట్ (ఐటీఐ) కోర్సులు చేసిన వారికి, ఇంజనీరింగ్ అండ్ టెక్నాలజీకి సంబంధించి గ్రాడ్యుయేషన్, డిప్లొమా పూర్తిచేసిన వారికి అప్రెంటీస్ అవకాశాలను పెంపొందించాలి. చట్టంలో గ్రాడ్యుయేట్ అండ్ టెక్నీషియన్ స్కీమ్ కింద 126 సబ్జెక్ట్ ఫీల్డ్స్/బ్రాంచ్‌లను చేర్చారు.
 
  అప్రెంటీస్ చట్టంలోని అంశాలను అమలు చేసేందుకు డెరైక్టర్ జనరల్ ఆఫ్ ఎంప్లాయ్‌మెంట్ అండ్ ట్రైనింగ్, బోర్డ్ ఆఫ్ అప్రెంటీస్‌షిప్ ట్రైనింగ్(బోట్) వంటి ప్రభుత్వ విభాగాలు చర్యలు తీసుకుంటున్నాయి. బోట్ అనేది కేంద్ర మానవ వనరుల అభివృద్ధి మంత్రిత్వ శాఖ (హెచ్‌ఆర్‌డీ) పరిధిలో స్వయంప్రతిపత్తితో పనిచేస్తోంది. భారత్ డైనమిక్స్ లిమిటెడ్(బీడీఎల్), భారత్ ఎలక్ట్రానిక్స్ లిమిటెడ్(బీఈఎల్), రాష్ట్రీయ ఇస్పాత్ నిగమ్ లిమిటెడ్ (ఆర్‌ఐఎన్‌ఎల్), బాబా అటామిక్ రీసెర్చ్ సెంటర్(బార్క్) తదితర సంస్థలు అవసరాలకు అనుగుణంగా అప్రెంటీస్‌షిప్‌లను ఆఫర్ చేస్తున్నాయి. ప్రైవేటు రంగంలోని పరిశ్రమల యాజమాన్యాలు విద్యార్థులకు అప్రెంటీస్ అవకాశం ఇచ్చేలా ప్రభుత్వం కృషి చేస్తోంది.
  
  ఆర్నెల్ల నుంచి మొదలు:
  అప్రెంటీస్ కాలపరిమితి అనేది విద్యార్థి చేసిన కోర్సు, కంపెనీ పనితీరు, అవసరాలనుబట్టి ఉంటుంది. కనిష్టంగా ఆర్నెల్లు ఉంటుంది. నిర్దేశ కాలపరిమితిలో అప్రెంటీస్‌కు ఎంపికైన వారిని ట్రైనీలుగా వ్యవహరిస్తారు. అప్రెంటీస్‌షిప్ సమయంలో అభ్యర్థులకు నిర్దేశ అంశాలపై శిక్షణ ఇస్తారు. ఈ అంశాలేంటనే విషయంలో సంబంధిత ట్రేడ్ కమిటీలు, పరిశ్రమలో ట్రేడ్ నిపుణులు కలిసి నిర్ణయం తీసుకుంటారు. అప్రెంటీస్ చేస్తున్న వారికి ఆయా సంస్థల యాజమాన్యాల నిర్ణయంమేరకు వేతనాలు అందజేస్తారు.
  
  నాన్ టెక్నికల్‌లోనూ:
  అప్రెంటీస్‌షిప్ ట్రైనింగ్ కేవలం టెక్నికల్ కోర్సులకే పరిమితం కాలేదు. ఫ్యాషన్ టెక్నాలజీ, హోటల్ మేనేజ్‌మెం ట్, టూరిజం వంటి నాన్ టెక్నికల్ కోర్సుల్లోనూ ట్రైనింగ్ కోర్సులను ప్రభుత్వ పరంగా డెరైక్టర్ జనరల్ ఆఫ్ ఎంప్లాయ్‌మెంట్ అండ్ ట్రైనింగ్ (ఈఎఉ-ఖీ) నిర్వహిస్తోంది.
  కాలేజీలో వివిధ సంస్థలు నిర్వహించే క్యాంపస్ ప్లేస్‌మెంట్స్‌లో ప్రతికూల ఫలితాలు వచ్చిన వారికి అప్రెంటీస్ మంచి మార్గం. దీని ద్వారా నైపుణ్యాలను పెంచుకొని మంచి కెరీర్‌లో స్థిరపడొచ్చు.
  
  శిక్షణ పొందిన చోటే ఉద్యోగం:
  ఏదైనా సంస్థలో అప్రెంటీస్‌షిప్ ట్రైనీలుగా చేరిన అభ్యర్థు లు నిర్దేశ కాలపరిమితిలో మంచి ప్రతిభ కనబరిచి, యాజమాన్యం దృష్టిలోపడితే అదే సంస్థలో శాశ్వత ఉద్యోగం పొందే అవకాశాలు ఉంటాయి. ఇలాంటి అవకాశం పొందాలంటే అప్రెంటీస్‌లో చేరిన రోజు నుంచే పనిపట్ల అంకితభావం, స్కిల్స్ పెంచుకునేందుకు ఉత్సాహాన్ని కనబరచాలి.
  
  విద్యార్థి దశలోనే వృత్తిపర అనుభవం
   ఇంజనీరింగ్ థియరీ సబ్జెక్టులను బాగా ఒంటబట్టించుకునేందుకు ప్రాక్టికల్స్ ఉపయోగపడతాయి. వాస్తవ పరిస్థితుల్లో ఇలాంటి ప్రాక్టికల్స్ చేసేందుకు ఇంటర్న్‌షిప్స్ వేదికలుగా నిలుస్తున్నాయి. వీటి ద్వారా ఒకరికి విద్యార్థి దశలోనే విలువైన వృత్తిపర అనుభవం సొంతమవుతుంది. ఆత్మస్థైర్యం ఇనుమడిస్తుంది. ప్రస్తుత పోటీ వాతావరణంలో ఎంఎన్‌సీలలో ఇంటర్న్‌గా అవకాశం చేజిక్కించుకోవడం కష్టమే అయితే నిరుత్సాహపడకుండా చిన్న కంపెనీల్లో ఇంటర్న్‌షిప్ చేసేందుకు సంకోచించకూడదు. మీరుంటున్న చుట్టు పక్కల అపారమైన ప్రాక్టికల్ పరిజ్ఞానం అందించే చిన్న యూనిట్లు చాలానే ఉంటాయి. ఉదాహరణకు మెకానికల్ బ్రాంచ్ విద్యార్థులకు ఉపయోగపడే యూనిట్లు ప్రతి నగరంలోనూ ఆటోనగర్‌లో ఉంటాయి. ఇంటర్న్‌షిప్ అనుభవాన్ని ప్రస్తావించిన రెజ్యూమె బలంగా ఉంటుంది. ఉద్యోగానికి ఎందరు దరఖాస్తు చేసుకున్నా రిక్రూటర్స్‌కు మీరు ప్రత్యేకంగా కనిపిస్తారు.
  - ఇ.శ్రీనివాస్‌రెడ్డి, ప్రిన్సిపాల్,
  కాలేజ్ ఆఫ్ ఇంజనీరింగ్, ఏఎన్‌యూ.
  
  ఇంటర్న్‌షిప్ పాలిటెక్నిక్‌లో కీలక దశ
   పాలిటెక్నిక్ కోర్సుల్లో మూడో ఏడాది (ఐదు లేదా ఆరో సెమిస్టర్)లో ఇంటర్న్‌షిప్ ఉంటుంది. ఇంటర్న్‌షిప్‌ను మూల్యాంకనం చేస్తారు. ఇది పాలిటెక్నిక్ విద్యార్థి దశలో కీలకమైన దశ అని చెప్పొచ్చు. కళాశాలలో నేర్చుకున్న పాఠ్యాంశాలను ఇంటర్న్‌షిప్ వర్క్‌లో ప్రాక్టికల్‌గా ఎలా అన్వయించాలో నేర్చుకునేది ఇక్కడే. ఇంటర్న్‌షిప్‌లో కంపెనీ ప్రతినిధులతో కలిసి పనిచేయడం వల్ల కమ్యూనికేషన్ స్కిల్స్, అప్లికేషన్ స్కిల్స్, ప్రాబ్లమ్ సాల్వింగ్ స్కిల్స్ వంటివాటిని అలవరచుకోవచ్చు.
  - కె.రాములు, ప్రిన్సిపాల్,
  గవర్నమెంట్ పాలిటెక్నిక్ కళాశాల, హైదరాబాద్.
  
  అకడెమిక్ రికార్డును పరిగణనలోకి తీసుకొని విద్యార్థులకు ఇంటర్న్‌షిప్ అవకాశాలు కల్పిస్తున్నాం. ఏడాదికి దాదాపు 50 మందిని ఇంటర్న్స్‌గా తీసుకుంటున్నాం. ఇంటర్న్స్‌కు నిర్దేశిత ప్రాజెక్టును అప్పగిస్తున్నాం. అందులో వారు చూపిన ప్రతిభ ఆధారంగా సర్టిఫికెట్ ఇస్తున్నాం. భవిష్యత్తులో తాము పనిచేయబోయే రంగానికి సంబంధించి ఒక కంపెనీలో ఎలాంటి పని వాతావరణం ఉంటుంది? వృత్తిపర అడ్డంకులను ఎలా అధిగమించాలి? కెరీర్‌లో ఎదగాలంటే ఎలాంటి నైపుణ్యాలు పెంపొందించుకోవాలి? తదితర అంశాలను విద్యార్థులు ఇంటర్న్‌షిప్‌లో నేర్చుకుంటారు. ప్రతి విద్యార్థి తమకు అందుబాటులో ఉన్న సమయంలో కనీసం ఒక ఇంటర్న్‌షిప్ చేస్తే ప్రస్తుత పోటీ వాతావరణంలో ముందు వరుసలో ఉంటారు.
  - బి.అశోక్‌రెడ్డి, ప్రెసిడెంట్,
  గ్లోబల్ హ్యూమన్ రిసోర్సెస్ అండ్ కార్పొరేట్ అఫైర్స్, ఇన్ఫోటెక్ ఎంటర్‌ప్రైజెస్.
  


 ఉద్యోగం పురుష లక్షణం అన్నది ఒకప్పటిమాట. ఉద్యోగం మనుష్య లక్షణం అన్నది నేటి బాట. మనం నడిపే బండి మనకి సరిపోతుందా? లేదా? సౌకర్యంగా ఉంటుందా? లేదా? కొన్నాక ప్రాబ్లమ్స్ రాకుండా ఉంటుందా? లేదా? అని చూడడానికి టెస్ట్‌డ్రైవ్స్ ఉంటాయి. కానీ మన జీవితాన్ని ఉంచాలా? ముంచాలా? అని నిర్ణయించే ఉద్యోగానికి టెస్ట్ డ్రైవ్ ఉందా అంటే... ఉంది. ఆ టెస్ట్ డ్రైవ్ పేరే ఇంటర్న్‌షిప్.
 
 విద్యార్థుల టెంపరరీ వర్కింగ్ ఎక్స్‌పీరియన్స్ కంపెనీలు టెంపరరీ ఎంప్లాయీ రిక్వైర్‌మెంట్, ఈ రెంటినీ కలిపితే ఇంటర్న్‌షిప్ సెలవుల్లో ఖాళీయే. ఎలాగో 20 ఏళ్ళుగా నేర్చుకుంటూనే ఉన్నాం కదా! దాన్ని ఈసారి ఎక్కడైనా అప్లై చేయాలి ‘ఏ కంపెనీలో ఇంటర్న్‌షిప్ ఉందో ఎవరికి తెలుసు’ ఒక విద్యార్థి అయోమయం. ‘ఉన్న పనికి సరిపడా ఇంటర్న్ ఎవరైనా ఉన్నారా’ ఓ కంపెనీ అనుమానం. ఈ రెంటినీ పటాపంచలు చేసి కంపెనీలకి  విద్యార్థులకు మధ్య వారధిలా నిలిచింది ఇంటర్న్ ఫీవర్.కామ్
 
  ముగ్గురు స్నేహితురాళ్ళ సరదా పార్టీ సంభాషణల నుండి పుట్టిందే ఈ ఇంటర్న్ ఫీవర్.కామ్. ఆ ముగ్గురే ఈ వెబ్ పోర్టల్ ఫౌండర్స్ అయిన స్నేహప్రియ, కృష్ణప్రియ, అర్పిత (హైదరాబాద్) ‘యూఎస్‌లో స్టూడెంట్స్‌కి  కంపెనీలకి మధ్య ఇంటర్న్‌షిప్ కోసం వెబ్‌సైట్స్ చాలానే ఉన్నాయి. ఇక్కడ కూడా అలాంటి వెబ్‌ని ఒకటి స్టార్ట్ చేస్తే ఎలా ఉంటుంది?’ అనుకున్నారు ఆ ముగ్గురూ. ఆ సంవత్సరం మొత్తం బ్రెయిన్ స్టార్మింగ్ చేశారు. సర్వేలు నిర్వహించారు. అభిప్రాయాలు సేకరించారు.
 
 జనవరి 2010లో పుట్టిన ఆ ఆలోచన, నవంబర్ 2010కి ఆచరణలోకి వచ్చింది. దేశంలోని వివిధ సంస్థలు, కంపెనీలని సంప్రదించి వాళ్ళకి ఉన్న ఇంటర్న్ రిక్వైర్‌మెంట్ గురించి తెలుసుకుంటారు. ఇంటర్న్‌షిప్‌కి ఉండవలసిన అర్హతలు, ఇంటర్న్‌షిప్ ఎన్ని రోజులు ఉంటుంది... తదితర వివరాలను జోడించి పొందుపరుస్తారు. విద్యార్థులు అవసరమైనప్పుడు, తమకు తగ్గ ఇంటర్న్‌షిప్‌ని వెతుక్కుని అప్లయ్ చేసుకోవచ్చు. ఆర్ట్స్, కంప్యూటర్ సైన్స్, ఐటీ, సివిల్ తదితర రంగాలకు సంబంధించిన ఇంటర్న్‌షిప్ వివరాలు ఈ వెబ్‌సైట్‌లో కోకొల్లలు.
  
 ‘‘మీకు మా వెబ్‌సైట్‌లో రెండురోజుల నుండి మూడు నెలల వరకు డ్యూరేషన్ ఉన్న ఇంటర్న్‌షిప్ దొరుకుతాయి. వీలును బట్టి అప్లయ్ చేసుకోవచ్చు. డబ్బులు తీసుకొని ఇంటర్న్‌షిప్ ఇచ్చే వాళ్ళకోసం, సర్టిఫికేట్స్ కోసం ఇంటర్న్‌షిప్ చేసే వాళ్ళకోసం మేము పనిచేయం. ఒక కంపెనీ రిక్వైర్‌మెంట్‌కి వచ్చిన అప్లికేషన్స్ నుండి మేము, మా హెచ్‌ఆర్ టీమ్ కలిసి ఒక ఇంటర్న్‌షిప్‌కి 10-20 అభ్యర్థులని ఆయా కంపెనీలకు పంపిస్తాం. దానితో కంపెనీలకు ఎంచుకోవడం సులభం అవుతుంది.
 
 మేము ఈ ఇంటర్న్‌షిప్‌తో పాటు వ్యక్తిత్వ వికాసానికి సంబంధించి వర్క్‌షాప్స్ కూడా నిర్వహిస్తాం. కేర్, కోవీ లాంటి సంస్థలతో కలిసి ఎంట్‌‌‌రరపెన్యూర్ స్టార్టప్స్‌ని వృద్ధి చేసుకోవడానికి గెడైన్స్ కూడా ఇస్తాం. ‘ౌ్ట ఛిట్ఛ్చ్ట్ఛ 21ట్ట ఛ్ఛ్టిఠటడ ఛిజ్టీజ్డ్ఛీ’ అనేది మా కంపెనీ మోటో. అందుకు తగ్గట్టుగానే వేల మంది విద్యార్థులకి, అలాగే చాలా కంపెనీలకు మధ్య వారధిగా నిలిచాం’’ అంటారు కంపెనీ ఫౌండర్లలో ఒకరైన స్నేహప్రియ. వీళ్ళు చెప్పటమే కాక ఆచరిస్తారు. వారి మీద వారే ప్రయోగాలు చేస్తారు. 50 మంది దాకా ఉన్న స్టాఫ్‌లో సగానికి పైగా పనిచేసే వాళ్ళు కూడా ఇంటర్న్‌అవడం ఇందుకు నిదర్శనం. ఇంక ఆలస్యమెందుకు? వెంటనే మీ రెజ్యూమ్‌ని పంపండి, తినే ముందే రుచి చూసేయండి.
 
  http://www.internfever.com  
  - జాయ్