సాక్షి, అమరావతి: చంద్రబాబు ప్రభుత్వం రాజ­కీయ కక్షతోనే ఎంపీ మిథున్‌ రెడ్డిపై అక్రమ కేసు నమోదు చేసిందన్నది స్పష్టమైంది. వైఎస్సార్‌సీపీ ప్రభుత్వ హయాంలో లేని కుంభకోణం ఉన్నట్టుగా చూపించేందుకు కూటమి ప్రభుత్వ కుతంత్రంలో భాగంగానే ఆయన్ను సిట్‌ అరెస్టు చేసిన విషయం విదితమే. అందుకు ఎంపీ మిథున్‌ రెడ్డి కుటుంబానికి చెందిన వ్యాపార సంస్థ పీఎల్‌ఆర్‌ కంపెనీ సాధారణ లావాదేవీలకు కుట్ర పూరితంగా సిట్‌ వక్ర భాష్యం చెప్పింది. పీఎల్‌ఆర్‌ కంపెనీ నిర్మాణ కాంట్రాక్టులను సబ్‌ కాంట్రాక్టు చేసేందుకు డికార్ట్‌ కంపెనీ 2019లో ఒప్పందం చేసుకుంది.కాంట్రాక్టు పనుల బ్యాంకు గ్యారంటీ, ఈఎండీ కోసం రూ.5 కోట్లు చెల్లిం­చింది. కానీ కోవిడ్‌ వ్యాప్తి అనంతర పరిణా­మాల్లో డికార్ట్‌ కంపెనీ సబ్‌ కాంట్రాక్టు ఒప్పందం నుంచి వైదొలగింది. దాంతో ఆ కంపెనీ తమకు చెల్లించిన రూ.5 కోట్లను పీఎల్‌ఆర్‌ కంపెనీ వాపసు చేసింది. ఇదంతా బ్యాంకు బదిలీ ద్వారానే పూర్తి పారదర్శకంగా జరిగిన సాధారణ లావాదేవీ. ఆ అధికారిక రికార్డులను కూడా పీఎల్‌ఆర్‌ కంపెనీ సమరి్పంచింది. (2014–24 వరకు) కంపెనీకి చెందిన రికార్డులను కూడా సిట్‌ అధికారులు పరిశీలించారు.అయినా సరే కూటమి ప్రభుత్వ కుట్రలో భాగంగానే మిథున్‌రెడ్డిని అక్రమంగా అరెస్టు చేశారు. తద్వారా ప్రజల్ని తప్పు­దారి పట్టించేందుకు సిట్‌ యతి్నంచింది. కాగా మిథు­న్‌ రెడ్డికి బెయిల్‌ మంజూరు కావడంతో సిట్‌ అభి­యోగాల్లో పస లేదన్నది స్పష్టమైంది. మిథున్‌ కుటుంబానికి చెందిన పీఎల్‌ఆర్‌ కంపెనీకి డికార్ట్‌ లాజిస్టిక్స్‌ అనే కంపెనీ రూ.5 కోట్లు బదిలీ చేయడం మద్యం కుంభకోణం కోసమేనని సిట్‌ నిరాధార అభియోగాలు మోపింది. ఈ ఆరోపణలను మిథున్‌ రెడ్డి, పీఎల్‌ఆర్‌ కంపెనీ ఆధారాలతో సహా తిప్పికొట్టినా సిట్‌ పదే పదే అదే అభియోగం ఆధారంగానే ఆయన్ను అక్రమంగా అరెస్టు చేసింది. ఇదీ అసలు వాస్తవం అసలు వాస్తవాలను మిథున్‌ రెడ్డి తరఫు న్యాయ­వాదులు పూర్తి ఆధారాలతో న్యాయస్థానానికి నివేదించారు. ఈ పరిణామాల నేపథ్యంలోనే ఆయనకు న్యాయస్థానం బెయిల్‌ మంజూరు చేయడం ప్రాధాన్యం సంతరించుకుంది. టీడీపీ ఎంపీ కేశినేని చిన్నిపై ఎందుకు కేసు పెట్టరు?⇒ ఈ అక్రమ కేసు కుట్రలో చంద్రబాబు ప్రభుత్వ ద్వంద్వ వైఖరి బట్టబయలైంది. ఈ కేసులో ప్రధాన నిందితుడుగా పేర్కొన్న రాజ్‌ కేసిరెడ్డితో విజయవాడ టీడీపీ ఎంపీ కేశినేని శివనాథ్‌ (చిన్ని) వ్యాపార భాగస్వామి అనే వాస్తవాన్ని ఉద్దేశ పూర్వకంగానే విస్మరిస్తోంది. మంత్రి లోకేశ్‌కు బినామీగా పేరుపడిన ఎంపీ కేశినేని చిన్ని వ్యాపార వ్యవహారాలపై అందుకే సిట్‌ దృష్టి సారించడం లేదు. ⇒ రాష్ట్రంలో వైఎస్సార్‌సీపీ ప్రభుత్వం అధికారంలో ఉండగానే అంటే 2021­లోనే రాజ్‌ కేసిరెడ్డి ప్రస్తుత విజయవాడ ఎంపీ కేశినేని శివనాథ్‌ (చిన్ని)తో భాగస్వామిగా వ్యాపారాలు చేశారు. రాజ్‌ కేసిరెడ్డికి చెందిన ‘ఫ్రైడే ఇన్‌ఫ్రా ఎల్‌ఎల్‌పీ’లో కేశినేని చిన్ని దంపతులు వాటా­దారులుగా ఉన్నారు. అక్రమంగా నిధులు తరలించారని సిట్‌ అధికారులు చెబుతున్న ఇషన్వీ ఇన్‌ఫ్రా ప్రాజెక్ట్స్‌ ప్రైవేట్‌ లిమిటెడ్, ప్రైడే ఇన్‌ఫ్రా ఎల్‌ఎల్‌పీ.. హైదరాబాద్‌లోని ఒకే చిరునామా (జూబ్లీ హిల్స్, సర్వే నంబర్‌ 403, ప్లాట్‌ నంబర్‌ 9)తో రిజిస్టర్‌ అయ్యాయి. ⇒ ఈ రెండు కంపెనీలు ఒకే మెయిల్‌ ఐడీ( ్చఛిఛిౌun్టటఃఠీటజ్చిnఠిజీజీnజట్చpట్జౌ్ఛఛ్టిట. ఛిౌఝ)నే ఉపయోగిస్తుండటం గమనార్హం. కేశినేని చిన్ని ఏకంగా 12 రియల్‌ ఎస్టేట్, విదేశీ కంపెనీల ద్వారా భారీగా నల్లధనాన్ని అమెరికా, దుబాయ్‌లకు తరలించి భారీ పెట్టుబడులు పెట్టారు. రాజ్‌ కేసిరెడ్డి వ్యాపార భాగస్వామి అయిన కేశినేని చిన్ని.. మంత్రి నారా లోకేశ్‌కు అత్యంత సన్నిహితుడే కాదు బినామీ అన్నది బహిరంగ రహస్యం. అందుకే పట్టుబట్టి మరీ ఆయనకు విజయవాడ ఎంపీ టికెట్‌ ఇప్పించారు. అనంతరం ఆంధ్రా క్రికెట్‌ అసోసియేషన్‌ అధ్యక్షుడిని చేశారు. ⇒ కేశినేని చిన్ని బినామీ కంపెనీ ఉర్సా ఐటీ సొల్యూషన్స్‌కు విశాఖపట్నంలో అత్యంత విలువైన 60 ఎకరాలను కారుచౌకగా కట్టబెట్టారు. అటువంటి కేశినేని చిన్నితో రాజ్‌ కేసిరెడ్డి వ్యాపార భాగస్వామి. అంటే బినామీ దందా ముసుగు తొలగిస్తే లోకేశ్‌ బండారం బట్టబయలవుతుంది. రాజ్‌ కేసిరెడ్డితోపాటు ఎంపీ మిథున్‌రెడ్డి, మాజీ ఎమ్మెల్యే చెవిరెడ్డి భాస్కర్‌ రెడ్డి తదితరులపై సిట్‌ నమోదు చేసింది అక్రమ కేసేనన్నది బయట పడుతుంది. ఇదంతా చంద్రబాబు రెడ్‌బుక్‌ కుతంత్రమేనన్నది తేటతెల్లమవుతుంది. వైఎస్సార్‌సీపీ ప్రభుత్వ హయాంలో మద్యం విధానంపై చంద్రబాబు ప్రభుత్వం నమోదు చేసిన అక్రమ కేసు మొత్తం కుట్ర బహిర్గతమవుతుంది.

సాక్షి, తాడేపల్లి: వైఎస్సార్‌సీపీపై ఉన్న కక్ష సాధింపుల కోసం సీఎం చంద్రబాబు సృష్టించిన బేతాళ కథలే లిక్కర్ స్కాం కేసులని మాజీ ఎంపీ, వైఎస్సార్‌సీపీ అధికార ప్రతినిధి గోరంట్ల మాధవ్ మండిపడ్డారు. తాడేపల్లిలోని ఆ పార్టీ కేంద్ర కార్యాలయంలో మీడియాతో మాట్లాడుతూ చట్టాలను అమలు చేయడానికి బదులు రాజకీయ ప్రాపకం కోసం అంగలారుస్తున్న కొందరు పోలీస్ అధికారులే ఇటుంటి దిగజారుడు కుట్రలకు వంతపాడుతూ అక్రమ అరెస్ట్‌లు చేస్తున్నారంటూ ఆగ్రహం వ్యక్తం చేశారు.ఎంపీ మిధున్‌ రెడ్డి అరెస్ట్ ముమ్మాటికీ అక్రమ అరెస్టేనని అందరికీ తెలుసునని అన్నారు. గీతదాటిన కొందరు పోలీస్ అధికారులు తమ ఆత్మగౌరవాన్ని చంద్రబాబుకు తాకట్టుపెట్టి, మొత్తం పోలీస్ వ్యవస్థకే మచ్చ తీసుకువస్తున్నారని ధ్వజమెత్తారు. కూట‌మి అధికారంలోకి వ‌చ్చాక ఆంధ్ర‌ప్ర‌దేశ్‌లో ప‌రిస్థితులను గ‌మనిస్తే వైఎస్సార్‌సీపీ నాయ‌కులు, కార్య‌క‌ర్త‌ల మీద కేసులు పెట్ట‌డం, నోటీసులు ఇవ్వ‌డం, రిమాండ్‌ల‌కు పంప‌డం, అరెస్టులు చేయ‌డం, కండిష‌న్ బెయిళ్లు, వారెంట్లు, స‌మ‌న్ల‌తో నిత్యం వేధింపుల‌కు గురిచేస్తున్నారని మాధవ్‌ మండిపడ్డారు.‘‘ప్ర‌జ‌ల ప‌క్షాన పోరాటాలు చేస్తున్న మాజీ ముఖ్య‌మంత్రి వైఎస్‌ జ‌గ‌న్‌ని బ‌య‌ట‌కు రాకుండా చేయ‌డానికి చేయ‌ని ప్ర‌య‌త్నం లేదు. నిబంధ‌న‌ల ప్ర‌కారం జెడ్ ప్ల‌స్ కేట‌గిరి భ‌ద్ర‌త క‌ల్పించాల్సి ఉన్నా ఉద్దేశ‌పూర్వకంగానే ర‌క్ష‌ణ క‌ల్పించ‌కుండా ప్ర‌భుత్వం నిర్ల‌క్ష్యం వ‌హిస్తోంది. ఈ కార‌ణంగానే వైఎస్‌ జ‌గన్‌ స‌త్తెన‌పల్లి ప‌ర్య‌ట‌నలో ప్ర‌మాదం జ‌రిగి సింగయ్య మ‌ర‌ణించారు. ప్ర‌మాద‌వ‌శాత్తు జ‌రిగిన మ‌ర‌ణాన్ని సీరియ‌స్ నేరం కింద కేసు న‌మోదు చేయ‌డం చూస్తుంటే కొంత‌మంది పోలీసులు ఎంత దారుణంగా దిగ‌జారి వ్య‌వ‌హ‌రిస్తున్నారో అర్థ‌మ‌వుతోంది. కొంత‌మంది పోలీసులు కూట‌మి ప్ర‌భుత్వానికి సాగిల పడుతున్నారు.వైఎస్‌ జ‌గ‌న్ ల‌క్ష్యంగా మిథున్‌రెడ్డి అరెస్ట్:వైఎస్‌ జ‌గ‌న్‌ని ఎలాగైనా ఇబ్బంది పెట్టాల‌న్న ఉద్దేశంతో వైఎస్సార్‌సీపీ హ‌యాంలో జ‌ర‌గ‌ని లిక్క‌ర్ స్కాంను జ‌రిగిన‌ట్టు సృష్టించి ఆయ‌న‌కు స‌న్నిహితంగా ఉండేవారిని అక్ర‌మంగా అరెస్టులు చేశారు. మా నాయ‌కులు వైయ‌స్ జ‌గ‌న్‌ని ఇబ్బంది పెడితే వైయ‌స్సార్సీపీని లేకుండా చేయొచ్చ‌న్న లక్ష్యంతో ముఖ్య నాయ‌కుల మీద‌ అక్ర‌మ కేసులు న‌మోదు చేసి జైళ్ల‌కు పంపుతున్నారు. ఇందులో భాగంగానే మా పార్టీ ఎంపీ మిథున్‌ రెడ్డిని జైలుకు పంపారు. చిత్తూరు జిల్లాలో పెద్దిరెడ్డి కుటుంబాన్ని ఎదుర్కోలేక‌, వారు పార్టీలో కీల‌కంగా వ్య‌వ‌హ‌రిస్తున్నార‌న్న కార‌ణంతో ఇబ్బంది పెట్టే ప్ర‌య‌త్నం చేస్తున్నారు.వైఎస్‌ జ‌గ‌న్‌తో పాటు వైఎస్సార్‌సీపీ నాయ‌కుల మీద వ్య‌క్తిత్వ హ‌న‌నం చేస్తున్నారు. వైఎస్సార్‌సీపీ అధికారంలో ఉండ‌గా 2014-19 మ‌ధ్య చంద్ర‌బాబు హ‌యాంలో జ‌రిగిన లిక్క‌ర్ స్కాంను ఆధారాల‌తో స‌హా బ‌య‌ట‌కు తీసి ఆయ‌న మీద కేసు న‌మోదు చేయ‌డాన్ని చంద్ర‌బాబు ఓర్వ‌లేకపోతున్నారు. అందుకే వైఎస్సార్‌సీపీ మీద క‌క్ష క‌ట్టి వైఎస్సార్‌సీపీ హ‌యాంలో జ‌రగ‌ని లిక్క‌ర్ కుంభ‌కోణాన్ని జ‌రిగిన‌ట్టు త‌ప్పుడు క‌థనాలు రాసి, భ‌య‌పెట్టి తీసుకున్న వాంగ్మూలాల‌తో అక్ర‌మ అరెస్టులు చేస్తున్నారు. బెయిల్‌పై ఉండి సీఎంగా పనిచేస్తున్న చంద్ర‌బాబు:చంద్ర‌బాబు ప‌బ్లిసిటీ పిచ్చి కార‌ణంగా గోదావ‌రి పుష్క‌రాల్లో 29 మంది అమాయ‌క భ‌క్తులు చ‌నిపోయారు. చంద్ర‌బాబు పాల్గొన్న కందుకూరు, గుంటూరు టీడీపీ కార్య‌క్ర‌మాల్లో తొక్కిస‌లాట జ‌రిగి మ‌రో 10 మంది చ‌నిపోయారు. కూట‌మి ప్ర‌భుత్వ నిర్ల‌క్ష్యం కార‌ణంగా వైకుంఠ ఏకాదశి టోకెన్ల కోసం వ‌చ్చి తిరుప‌తిలో ఆరుగురు, సింహాచలంలో ఏడుగురు చ‌నిపోయారు. తెలంగాణ‌లో ఓటుకు కోట్లు ఇస్తూ అడ్డంగా దొరికిపోయిన కేసులో చంద్ర‌బాబు మీద ఏసీబీ కేసు రిజిస్ట‌ర్ చేసింది. అది ఇప్ప‌టికీ పెండింగ్‌లోనే ఉంది.ఇవి కాకుండా లిక్క‌ర్ స్కాం, రింగ్‌రోడ్ అలైన్ మెంట్ స్కాం, అసైన్డ్ ల్యాండ్ స్కాం, ఏపీ ఫైబ‌ర్ నెట్ స్కాం, స్కిల్ డెవ‌ల‌ప్‌మెంట్ కుంభ‌కోణాల్లో చంద్ర‌బాబు నిందితుడిగా ఉన్నాడు. స్కిల్ డెవ‌ల‌ప్‌మెంట్ కేసులో అరెస్ట్ కాబ‌డి 50 రోజుల‌కు పైగా జైలు జీవితం గ‌డిపి అనారోగ్య కార‌ణాల‌తో బెయిల్‌పై బ‌య‌ట‌కొచ్చారు. ఇవి కాకుండా ఎమ్మెల్యే అయిన తొలినాళ్ల‌లో చంద్ర‌బాబు మీద ఏలేరు భూ కుంభ‌కోణం కేసు న‌మోదైంది.రైతుల నుంచి, భూ నిర్వాసితుల నుంచి అక్ర‌మంగా డ‌బ్బులు వ‌సూలు చేసిన‌ట్టు ఆయ‌న మీద కేసు న‌మోదైంది. ఉమ్మ‌డి ఏపీలో ఆప‌ద్ధ‌ర్మ సీఎంగా ఉండి హైద‌రాబాద్ న‌గ‌రంలో వేలాది కోట్ల రూపాయ‌ల విలువైన భూముల‌ను ఐఎంజీ అనే సంస్థ‌కు అప్ప‌నంగా క‌ట్ట‌బెట్టేశాడు. త‌ద్వారా ఆ కంపెనీ నుంచి భారీగా క‌మీష‌న్లు తీసుకున్న‌ట్టు కేసు న‌మోదైంది. అవినీతి అనేది చంద్రబాబు నరనరాల్లో జీర్ణించుకుపోయింది.

సాక్షి, గుంటూరు: ఆంధ్రప్రదేశ్‌లో కూటమి పాలనలో రెడ్‌బుక్‌ రాజ్యాంగం అమలు అవుతోందని, తప్పుడు కేసులు పెట్టడంతో పాటు దొంగ సాక్ష్యాలూ సృష్టిస్తున్నారని వైఎస్సార్‌సీపీ అధినేత వైఎస్‌ జగన్‌ మోహన్‌రెడ్డి(YS Jagan Mohan Reddy) అన్నారు. బుధవారం స్థానిక సంస్థల ప్రజాప్రతినిధుల భేటీలో.. వైఎస్సార్‌సీపీ నేతలపై కొనసాగుతున్న కక్ష సాధింపు రాజకీయాలను ప్రస్తావిస్తూనే కూటమి కనుసన్నల్లో పని చేస్తున్న అధికారులకు మరోసారి హెచ్చరికలు జారీ చేశారు.రాష్ట్రంలో రెడ్‌బుక్‌ రాజ్యాంగం(Red Book Constitution) అమలవుతోంది. తప్పుడు కేసులు పెడుతున్నారు, తప్పుడు సాక్ష్యాలు సృష్టిస్తున్నారు. పల్నాడులో టీడీపీలో రెండు వర్గాల మధ్య ఆధిపత్యపోరులో హత్యలు జరిగాయి. హత్యకు ఉపయోగించిన వాహనం ఎవ్వరిదో తెలుసు, చంపిన వాళ్లు ఎవ్వరో తెలుసు. టీడీపీలో గ్రూపుల తగాదాలే దీనికి కారణమని స్వయంగా ఎస్పీ చెప్పారు. ఇప్పుడు మన పార్టీ ఇన్‌ఛార్జి పిన్నెల్లిమీద కేసులు పెట్టారు. ఇల్లీగల్‌ మైనింగ్‌ లేదని అధికారులు రిపోర్టు ఇస్తే.. తప్పుడు కేసు, తప్పుడు సెక్షన్లు పెట్టి మాజీ మంత్రిని కాకాణిని అరెస్టు చేశారు. టీడీపీ కార్యాలయంపై ఘటన విషయంలో ఇప్పుడు ఆర్కేమీద కేసు పెడుతున్నారు.ఈ మధ్యకాలంలో అనేక దారుణాలు కూడా వెలుగు చూస్తున్నాయి. చట్టం, రాజ్యాంగం ఉల్లంఘనకు గురవుతోంది అని అన్నారాయన. రిటర్న్‌ గిఫ్ట్‌ తప్పదుఈ సారి 2.Oలో కార్యకర్తలకు ప్రాధాన్యత ఉంటుంది. రాష్ట్ర అభివృద్ధి, సంక్షేమం మాత్రమే కాదు, కార్యకర్తలకూ ప్రాధాన్యత ఉంటుంది. కార్యకర్తల బాగోగులను చూసుకుంటాం. కార్యకర్తలకు జరిగిన ప్రతి కష్టం, ప్రతి అన్యాయాన్ని గమనిస్తున్నాం. అన్యాయం ఎవరు చేసినా.. మీకు ఇష్టం వచ్చిన పుస్తకంలో రాసుకోండి. మనం వచ్చిన తర్వాత కచ్చితంగా వడ్డీ సమా రిటర్న్‌ గిఫ్ట్‌(return Gifts)లు ఇస్తాం. చేసినవాళ్లే కాదు, వీళ్లతో కుట్రలు పన్నుతూ చేయించనవారినికూడా సప్త సముద్రాల అవతల ఉన్నా, రిటైర్డ్‌ అయినా సరే చట్టం ముందు నిలబెడతాం. అన్యాయాలు చేయడానిక వీరికి యూనిఫాం ఇవ్వలేదు. న్యాయంగా, ధర్మంగా విధులు చేయడానికి వీరికి యూనిఫాం ఇచ్చింది’’ అని జగన్‌ అన్నారు.ఇదీ చదవండి: తెలుగు డ్రామా పార్టీ.. మహానాడుపై జగన్‌ సెటైర్లు

తాడేపల్లి: కల్పిత ఆధారాలతో తమ నేతలపై అక్రమ కేసులు పెడుతున్నారని మాజీ మంత్రి మేరుగ నాగార్జున మండిపడ్డారు. సోమవారం మీడియా సమావేశంలో మాట్లాడుతూ.. పిన్నెల్లి రామకృష్ణారెడ్డి, నందిగం సురేష్.. ఇప్పుడు కాకాణి గోవర్ధన్‌ రెడ్డిని జైలులో వేశారు. అధికారులను కూడా జైల్లో వేస్తున్నారు. స్కిల్ కేసులో చంద్రబాబును అరెస్టు చేశారనే కారణంగా ఇప్పుడు కక్ష కట్టి అరెస్టులు చేస్తున్నారని మేరుగ నాగార్జున దుయ్యబట్టారు.‘‘కాకాణి గోవర్ధన్‌రెడ్డిని ఏ4 గా నమోదు చేశారు. గట్టిగా ప్రభుత్వాన్ని విమర్శిస్తున్నాడని కాకాణిపై కేసులు పెట్టి అరెస్టు చేశారు. పల్నాడులో జంట హత్యలు చేసింది టీడీపీ వారేనని స్వయంగా ఎస్పీనే ప్రకటించారు. అయినప్పటికీ తిరిగి పిన్నెల్లి సోదరులపై కేసు పెట్టారు. ఎస్పీ మాటలనే అభాసుపాల్జేశారంటే ఎంతటి దారుణమైన వ్యవస్థ ఉందో అర్థం చేసుకోవచ్చు. జంగారెడ్డిగూడెం మృతులను కూడా రాజకీయ కక్షసాధింపునకు వాడుకోవటం సిగ్గుచేటు’’ అని మేరుగ మండిపడ్డారు...ప్రజల కోసం పని చేయాలన్న ఆలోచనే ప్రభుత్వ పెద్దలకు లేదు. ప్రభుత్వ నిర్ణయాలతో అన్ని వర్గాల ప్రజలను మోసం చేస్తున్నారు. రైతులు ఆత్మహత్యలు చేసుకుంటున్నా ప్రభుత్వం పట్టించుకోవడం లేదు. వరి, పొగాకు, మిర్చి, శనగ, పత్తి, మినుము.. ఇలా ఏ పంటకూ గిట్టుబాటు ధరల్లేవు. జగన్ హయాంలో రైతుకు భరోసా ఉండేది. చంద్రబాబు ప్రభుత్వానికి రైతులంటే ఎంత మాత్రం లెక్కలేదు...వైఎస్‌ జగన్ గుంటూరు మిర్చి యార్డుకు వెళ్తేగానీ చంద్రబాబు కేంద్రానికి లేఖ రాయలేదు. పొగాకు రైతుల పరిస్థితి ఇప్పుడు దయనీయంగా మారింది. వైఎస్‌ జగన్ హయాంలో రూ.35 వేలు పలికింది. ఇప్పుడు కూలి ఖర్చులు కూడా రావటం లేదు. రైతుల ఆత్మహత్యలకు ప్రభుత్వమే బాధ్యత వహించాలి. రైతుల్లో ధైర్యం కల్పించేందుకు 28న పొదిలి వెళ్తున్నారు’’ అని మేరుగ నాగార్జున పేర్కొన్నారు.

సాక్షి, తాడేప‌ల్లి: రాష్ట్రంలో చట్టాలను గౌరవించకుండా కూటమి ప్రభుత్వం మెప్పుకోసమే పనిచేస్తున్న పోలీసులకు తాజాగా రాష్ట్ర అత్యున్నత న్యాయస్థానం చేసిన వ్యాఖ్యలు చెంపపెట్టని మాజీ మంత్రి, వైఎస్సార్‌సీపీ సీనియర్ నేత సాకే శైలజానాథ్ అన్నారు. తాడేపల్లి ఆ పార్టీ కేంద్ర కార్యాలయంలో మీడియాతో మాట్లాడుతూ ఇటీవల కాలంలో పోలీస్ యంత్రాంగ అనుసరిస్తున్న విధానాలపై న్యాయస్థానాలు కన్నెర్ర చేసినా వారి తీరు మారడం లేదని మండిపడ్డారు. చంద్రబాబు చెప్పినట్లుగా పొలిటికల్ గవర్నెన్స్‌ కోసమే పనిచేస్తే పోలీసులే నష్టపోతారని స్పష్టం చేశారు. ఇంకా ఆయనేమన్నారంటే..రాష్ట్రంలో ఎప్పుడూ లేని విధంగా పోలీస్ యంత్రాంగం మీద న్యాయ‌వ్య‌వ‌స్థ చేస్తున్న వ్యాఖ్య‌లు రాష్ట్ర ప్ర‌జ‌ల‌ను తీవ్రమైన‌ ఆలోచన‌లో ప‌డేశాయి. ప్ర‌జ‌ల‌ను కాపాడాల్సిన పోలీస్‌ వ్య‌వ‌స్థ స‌హ‌జ న్యాయ సూత్రాల‌ను తుంగ‌లో తొక్కి ఇష్టారాజ్యంగా ప్ర‌వ‌ర్తిస్తోంది. స్వేచ్ఛాయుతమైన ఆరోగ్యక‌ర స‌మాజాన్ని నిర్మించ‌డంలో కీల‌క‌మైన పోలీస్ యంత్రాంగం చంద్రబాబు జేబు సంస్థగా మారిపోవడం బాధాకరం. ఒకే కంటెంట్ ఉన్న కేసుల్లో ఇంప్లీడ్ కావొచ్చేమోకానీ, ప‌లుచోట్ల ఎఫ్ఐఆర్‌లు క‌ట్టాల్సిన అవ‌స‌రం లేద‌ని సుప్రీంకోర్టు చెప్పిన సూచ‌న‌లు పోలీస్ యత్రాంగం ప‌ట్టించుకోవ‌డం లేదు.అరెస్ట్ చేయొద్ద‌ని చెప్పినా, పీటీ వారెంట్ పేరుతో అరెస్ట్ చేసిన సంద‌ర్భాలున్నాయి. ఒక ప్ర‌ణాళిక బ‌ద్ధంగా పైనుంచి వ‌చ్చిన నాయ‌కుల సూచ‌న‌ల‌ను పోలీసులు పాటిస్తూ అక్ర‌మ అరెస్టుల‌కు పాల్ప‌డుతున్నారు. ఒకానొక సంద‌ర్భంలో డీజీపీని కూడా కోర్టుకు పిల‌వాల్సి ఉంటుంద‌ని మెజిస్ట్రేట్ వార్నింగ్ ఇచ్చే దాకా తెచ్చుకోవ‌డం పోలీస్ వ్య‌వ‌స్థ‌కు సిగ్గుచేటు. కోర్టు సీసీ టీవీ ఫుటేజీలు అడిగితే కోతులు కొరికేశాయ‌ని చెప్పుకునే ప‌రిస్థితిని ఎందుకు తెచ్చుకోవాల్సి వ‌చ్చిందో పోలీసులు ఆత్మ‌విమ‌ర్శ చేసుకోవాలి.వ్యవస్థీకృత నేరాల పేరుతో వేధింపులుగుంటూరులో ప్రేమ్ కుమార్ అనే వ్య‌క్తి ప్ర‌భుత్వాన్ని విమ‌ర్శిస్తూ ఒక రీల్ చేస్తే, అతడిని క‌ర్నూలులో అరెస్ట్ చూపించారు. ఆయ‌న్ను వ్య‌వ‌స్థీకృత నేర‌స్తుడిగా చిత్రీక‌రించే ప్ర‌య‌త్నం చేశారు. దీన్ని కోర్టు ఆక్షేపించింది. మేం క‌ళ్లు మూసుకుని ఉండ‌లేమ‌ని గౌర‌వ హైకోర్టు చెప్పడం పోలీసుల వ్య‌వ‌హార‌శైలికి నిద‌ర్శ‌నం. ఏడేళ్ల క‌న్నా త‌క్కువ శిక్ష‌లు ప‌డే నేరాల‌కు పోలీస్ స్టేష‌న్‌లోనే బెయిల్ ఇవ్వాల‌ని ప‌లుమార్లు సూచించింది. క‌నీసం ముంద‌స్తు నోటీసులు కూడా ఇవ్వాల‌ని చెప్పింది. 41ఏ నోటీసు ఇచ్చాక స్పందించ‌కుండ పారిపోయే ప్ర‌య‌త్నం చేసిన‌ప్పుడే అరెస్ట్ చేయాల‌ని కోర్టులు చెబుతున్నాయి. నరసరావుపేటలో సుబ్బారెడ్డి అనే వ్య‌క్తి పెళ్ళిలో ఉంటే పోలీసులు మంగ‌ళ‌గిరిలో ఉన్న‌ట్టు చూపించారు. ఆ కేసులో ఆధారాలు ప‌రిశీలించిన అనంత‌రం కోర్టు బెయిల్ మంజూరు చేసింది. బీఎన్ఎస్ 111 యాక్ట్ ని సోష‌ల్ మీడియా యాక్టీవీస్ట్‌ల కేసుల్లో ఎలా వర్తింపచేస్తారంటూ కోర్టు పలుమార్లు ఆక్షేపించినా పోలీసుల తీరులో మార్పు రావడం లేదు.రాష్ట్రంలో అడుగడుగునా అధికార దుర్వినియోగంరాష్ట్రంలో కూటమి ప్రభుత్వంలో అడుగుడుగునా అధికార దుర్వినియోగం కనిపిస్తోంది. ప‌ల్నాడు జిల్లా అచ్చంపేట‌లో ఎంపీపీ ఎన్నిక ఉన్న నేప‌థ్యంలో వైఎస్సార్సీపీ ఎంపీటీసీల‌ను కిడ్నాప్ చేశారు. గార్ల‌పెంట‌లో ఇన్‌చార్జిగా ఉన్న గంగోజ‌మ్మ తానే స్వ‌యంగా వీడియో పంపినా కూడా అక్క‌డున్న లీడ‌ర్ల‌పై కేసులు పెట్టారు. వైఎస్సార్ క‌డ‌ప జిల్లాలో బ‌లం లేక‌పోయినా జెడ్పీ చైర్మ‌న్ పీఠాన్ని కైవ‌సం చేసుకునేందుకు కూట‌మి ప్ర‌భుత్వం పావులు క‌దుపుతోంది.ఒక ప‌క్క పోటీ చేయ‌డం లేద‌ని చెబుతూనే మ‌రోప‌క్క ఎన్నిక‌ల‌ను వాయిదా వేయాల‌ని కోర్టును టీడీపీ కోర్టును ఆశ్ర‌యించింది. అత్తిలి, య‌ల‌మంచ‌లిలో ఎంపీపీ ఎన్నిక‌లున్నాయి. రెండుచోట్లా వైఎస్సార్సీపీకి పూర్తి మెజారిటీ ఉన్నా అడ్డ‌దారులు తొక్కి మండ‌లాధ్య‌క్ష పీఠాన్ని కైవ‌సం చేసుకోవాల‌ని కూట‌మి నాయ‌కులు ప్ర‌య‌త్నిస్తున్నారు. ఇలా అనైతిక కార్య‌క‌లాపాల ద్వారా గెల‌వాల‌ని చూస్తుంటే ర‌క్ష‌ణ క‌ల్పించాల్సిన పోలీసులు ప‌ట్టించుకోకుండా చోద్యం చూస్తున్నారు.ప‌థ‌కాల అమ‌లుపై దృష్టిసారించండిరాష్ట్రంలో రైతులు తీవ్ర‌మైన క‌ష్టాల్లో ఉన్నారు. ఒక ప‌క్క మ‌ద్ధ‌తు ధ‌ర ల‌భించిక అప్పుల‌పాల‌వుతున్నారు. మిర్చి రైతులు నెల‌రోజులకుపైగా ఆందోళ‌న‌లు కొన‌సాగిస్తుంటే వారి కష్టాలు ప‌ట్టించుకునే వారే లేరు. పీ4 పేరుతో ప్ర‌భుత్వం కాల‌క్షేపం చేసే ప‌నులు ప‌క్క‌న‌పెట్టి ఎస్సీ, ఎస్టీల‌కు, వెనుక‌బ‌డిన వ‌ర్గాల‌కు కేటాయించిన ప‌థ‌కాల‌కు నిధులు స‌క్ర‌మంగా ఖ‌ర్చు చేయాలి. ఫీజు రీయింబ‌ర్స్‌మెంట్ నిధులు విడుద‌ల చేసి పేద‌రికంపై యుద్ధం చేయాలి. పొలిటిక‌ల్ గ‌వ‌ర్నెన్స్ పేరుతో నాయ‌కులు బెదిరింపుల‌కు దిగుతుంటే వారి ఆదేశాల‌కు పోలీసులు, రెవెన్యూ సిబ్బంది వ‌త్తాసు ప‌ల‌క‌డం స‌బ‌బేనా?

సాక్షి, తిరుపతి జిల్లా: వైఎస్సార్‌సీపీ కీలక నేతలపై అక్రమ కేసుల బనాయింపులు కొనసాగుతున్నాయి. కేంద్ర సహకార బ్యాంకు మాజీ చైర్మన్ కామిరెడ్డి సత్యనారాయణరెడ్డిపై రెండు కేసులు నమోదు చేశారు. ఆయన నాయుడుపేట రూరల్ పోలీస్ స్టేషన్‌కు విచారణకు హాజరయ్యారు.అనంతరం మీడియాతో మాట్లాడుతూ.. తప్పుడు కేసులతో బెదిరించాలని చూస్తే భయపడేది లేదన్నారు. టీడీపీ నాయకులు యథేచ్ఛగా ఇసుక, మట్టి టిప్పర్‌ల ద్వారా అక్రమంగా తరలిస్తున్నా.. వారిపై చర్యలు తీసుకున్న దాఖలాలు లేవన్నారు. మద్యం బెల్టుషాపులు గ్రామాల్లో యథేచ్ఛగా నిర్వహిస్తున్నారని కామిరెడ్డి మండిపడ్డారు.విశాఖలో సోషల్‌ మీడియా కార్యకర్త వెంకటేష్‌ను పోలీసులు అరెస్ట్‌ చేశారు. పీటీ వారెంట్‌పై వెంకటేష్‌ను బాపట్లకు తరలించారు. కాగా, వైఎస్సార్‌సీపీ సోషల్ మీడియా యాక్టివిస్ట్ ఇంటూరి రవి కిరణ్‌ను పోలీసులు మళ్లీ అదుపులోకి తీసుకున్నారు.నిన్న 41ఏ నోటీసుల పేరుతో ఇంటూరి రవికిరణ్‌తో పాటు ఆయన భార్యను తీవ్ర ఇబ్బందులకు గురి చేసిన పోలీసులు.. వివాదం కావడంతో వదిలేశారు. ఈ రోజు(ఆదివారం) మరోసారి ఇంటూరి రవి కిరణ్‌ను అదుపులోకి తీసుకున్నారు. కేసు వివరాలు వెల్లడించకుండా స్టేషన్‌కు తరలించారు. ఎక్కడికి తీసుకెళ్తున్నారో కూడా పోలీసులు చెప్పకపోవడంతో కలకలం రేపుతుంది.

వైఎస్సార్‌సీపీ నేతలపై టీడీపీ అరాచక పోస్టులపై ఆ పార్టీ మండిపడుతోంది. వైఎస్‌ జగన్‌ సహా అనేక మంది నేతలను కించపరిచేలా పెడుతున్న పోస్టులపై ఆధారాలతో సహా రాష్ట్రవ్యాప్తంగా ఎస్పీలకు వైఎస్సార్‌సీపీ జిల్లా అధ్యక్షులు ఫిర్యాదులు చేస్తున్నారు.కాకినాడ జిల్లా: కూటమి అధికారంలోకి వచ్చిన రోజు నుంచి కక్షసాధింపు తప్పా మరో వ్యాపకం లేదని.. వేధింపులు ఆపి పరిపాలనపై దృష్టి పెట్టాలని వైఎస్సార్‌సీపీ జిల్లా అధ్యక్షులు మాజీ మంత్రి కురసాల కన్నబాబు అన్నారు. టీడీపీ సోషల్ మీడియాపై చర్యలు తీసుకోవాలని కోరుతూ అదనపు ఎస్పీ భాస్కరరావుకు ఆయన ఫిర్యాదు చేశారు.చంద్రబాబు అబద్దాల ప్యాక్టరీ: కురసాల కన్నబాబు‘‘చంద్రబాబు అబద్దాల ప్యాక్టరీని ఎప్పటి నుండో నడుపుతున్నాడు. డైవర్షన్ పాలిటిక్స్‌ చంద్రబాబుకు అలవాటుగా మారింది. టీడీపీ కార్యాలయం కేంద్రంగా సోషల్ మీడియా దుష్ప్రచారానికి తెర తీశారు. ఈ మాట డిప్యూటీ సీఎంగా ఉన్న పవన్ కల్యాణ్ ఎప్పుడో చెప్పాడు. టీడీపీ తన పద్దతి మార్చుకోవాలి. మాజీ సీఎం వైఎస్ జగన్, ఆయన కుటుంబంపై వచ్చిన సోషల్ మీడియా పోస్ట్‌లపై చర్యలు తీసుకోవాలని పోలీసులకు ఫిర్యాదు చేశాం’’ అని కన్నబాబు తెలిపారు.అరాచక పాలన పై పోరాటం చేస్తాం: అనంత వెంకటరామిరెడ్డిఅనంతపురం: వైఎస్ జగన్, ఆయన కుటుంబ సభ్యులపై టీడీపీ సోషల్ మీడియాలో నీచమైన పోస్టింగ్‌లు వస్తున్నాయని.. టీడీపీ నేతలపై పోలీసులు చర్యలు తీసుకోరా? అంటూ వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి నిలదీశారు. వైఎస్ జగన్ కుటుంబ సభ్యులపై అసభ్యంగా మేసేజ్‌లు పెట్టిన వారిపై ఎందుకు కేసులు నమోదు చేయలేదు? అంటే ఆయన ప్రశ్నించారు. సూపర్ సిక్స్ హామీలను అమలు చేయమంటే చంద్రబాబు ఉలికిపడుతున్నారు. వైఎస్సార్‌సీపీ నేతలు, కార్యకర్తలపై అక్రమ కేసులు బనాయిస్తున్నారు. చంద్రబాబు అరాచక పాలనపై పోరాటం చేస్తాం’’ అని అనంత వెంకటరామిరెడ్డి హెచ్చరించారు.అక్రమ అరెస్ట్‌లు.. హేయమైన చర్య: దూలం నాగేశ్వరావుఏలూరు జిల్లా: కూటమి ప్రభుత్వం చేపట్టిన సోషల్ మీడియా కార్యకర్తల అక్రమ అరెస్టులను ఖండిస్తూ ఏలూరు జిల్లా ఎస్పీ ప్రతాప్ శివ కిషోర్‌కు ఏలూరు జిల్లా అధ్యక్షుడు దూలం నాగేశ్వరావు, నూజివీడు మాజీ ఎమ్మెల్యే మేక వెంకట ప్రతాప్ అప్పారావు, చింతలపూడి కన్వీనర్ విజయరాజు, ఏలూరు కన్వీనర్ జయప్రకాష్ వినతిపత్రం అందజేశారు.ఈ సందర్భంగా దూలం నాగేశ్వరరావు మీడియాతో మాట్లాడుతూ, సోషల్ మీడియాలో గతంలో పెట్టిన పోస్టులపై నేడు విమర్శించినట్లుగా అరెస్టులు చేయడం హేయమైన చర్య. ఎందుకు అరెస్టు చేస్తున్నారో.. వారిని ఎక్కడ ఉన్నారో కూడా తెలపడం లేదు. తల్లిదండ్రులు కుటుంబ సభ్యులు అడిగినా చెప్పడం లేదని ఆయన మండిపడ్డారు.అక్రమాలను ప్రశ్నిస్తే.. కేసులా: ధర్మాన కృష్ణదాస్‌శ్రీకాకుళం జిల్లా: కూటమి ప్రభుత్వం సోషల్ మీడియా కార్యకర్తలపై పెట్టిన అక్రమ అరెస్టులను ఖండిస్తూ జిల్లా అడిషనల్ ఎస్పీ శ్రీనివాస రావుకు వైఎస్సార్‌సీపీ నాయకులు వినతిపత్రం అందజేశారు. మాజీ మంత్రి ధర్మాన కృష్ణదాస్, మాజీ ఎమ్మెల్యే గొర్లె కిరణ్ కుమార్, మాజీ మున్సిపల్ చైర్‌పర్సన్ మెంటాడ పద్మావతి, నాయకులు పొన్నాడ రుషి, ఎడ్ల వెంకట్ ,అంబటి శ్రీను ఇతర నాయకులు పాల్గొన్నారు.జిల్లా వైఎస్సార్‌సీపీ అధ్యక్షులు, మాజీ మంత్రి ధర్మాన కృష్ణ దాస్ మాట్లాడుతూ, రాష్ట్రంలో చంద్రబాబు నియంత పాలనకు స్వస్తి పలకాలన్నారు. జిల్లాలో ఏ సోషల్ మీడియా కార్యకర్తని ఇబ్బంది పెట్టినా చూస్తూ ఊరుకోం. రాష్ట్రంలో అనేక మంది కార్యకర్తలను ఎందుకు అరెస్టు చేస్తున్నారో.. అరెస్టు చేసిన కార్యకర్తలు ఎక్కడ ఉన్నారో కూడా తెలపడం లేదు. ప్రభుత్వం చేస్తున్న అక్రమాలను ప్రశ్నించారనే అక్కసుతో మా సోషల్ మీడియా కార్యకర్తలపై తప్పుడు కేసులు పెడుతున్నారు’’ అని ఆయన ఆగ్రహం వ్యక్తం చేశారు.ఐటీడీపీ కార్యకర్తలపై ఎందుకు కేసులు నమోదు చేయలేదు: వరుదు కల్యాణివిశాఖపట్నం: కూటమిపాలనలో మహిళలపై వేధింపులు పెరిగిపోయాయని వైఎస్సార్‌సీపీ మహిళా విభాగం అధ్యక్షురాలు వరుదు కళ్యాణి మండిపడ్డారు. ‘‘ఏపీలో ఉన్నామా? ఆఫ్ఘనిస్తాన్‌లో ఉన్నామా? సోషల్ మీడియా కార్యకర్తల పేరుతో మహిళలను చిత్రహింసలకు గురి చేస్తున్నారు. మహిళని చూడకుండా సంధ్యారాణిని పోలీసులు ఇష్టానుసారంగా కొట్టారు. వైఎస్సార్‌సీపీ నేతలపై తప్పుడు పోస్టింగులు పెడుతున్న ఐటీడీపీ కార్యకర్తలపై ఎందుకు కేసులు నమోదు చేయలేదు. పవన్ కల్యాణ్‌ తల్లిని తిట్టించిన లోకేష్ మీద ఎందుకు చర్యలు తీసుకోలేదు’’ అంటూ వరుదు కల్యాణి ఆగ్రహం వ్యక్తం చేశారు.సాక్షి, ప్రకాశం జిల్లా: రాష్ట్రంలో శాంతిభద్రతలు పూర్తిగా అదుపు తప్పాయని మాజీ మంత్రి ఆదిమూలపు సురేష్ ఆగ్రహం వ్యక్తం చేశారు. చిన్న పిల్లలు, మహిళలకు రక్షణ లేకుండా పోయిందని ఆయన ఆవేదన వ్యక్తం చేశారు. ముఖ్యంగా ప్రజాస్వామ్యంలో కీలకంగా వ్యవహరించే సోషల్ మీడియా కార్యకర్తలపై అక్రమ కేసులు పెట్టి వేధిస్తున్నారని ధ్వజమెత్తారు.

సాక్షి, అమరావతి / సాక్షి, నెట్‌వర్క్‌: చంద్రబాబు ప్రభుత్వం రాష్ట్రంలో పోలీసుల ద్వారా గూండాగిరీకి బరి తెగించింది. ఫలితంగా ఖాకీ క్రౌర్యం కట్టలు తెంచుకుంటోంది. ప్రభుత్వ వైఫల్యాలను ప్రశ్నిస్తూ ప్రజల్ని చైతన్య పరుస్తున్న వైఎస్సార్‌సీపీ సోషల్‌ మీడియా కార్యకర్తలను వేధించడమే లక్ష్యంగా అక్రమ కేసులు బనాయిస్తోంది. విచారణ పేరుతో వేధిస్తోంది. పౌర హక్కులను కాలరాస్తూ రాజ్యాంగ ఉల్లంఘనకు పాల్పడుతోంది. సుప్రీంకోర్టు తీర్పును నిర్భీ­తిగా ఉల్లంఘిస్తూ పోలీసు రాజ్యంతో బెంబేలెత్తిస్తోంది.రాష్ట్రంలో కూటమి ప్రభుత్వం అధికారంలోకి వచ్చి­నప్పటి నుంచి ప్రభుత్వ పెద్దల ఆదేశాలతో పోలీసు వ్యవస్థ స్వచ్ఛందంగా సుప్తచేతనావస్థలోకి వెళ్లిపో­యింది. వెరసి టీడీపీ గూండాలు హత్యలు, హత్యా­య­త్నాలు, అత్యాచా­రాలు, దాడులు, దౌర్జన్యాలతో చెలరేగిపోతున్నారు. టీడీపీ రౌడీ మూకలు కత్తులు, కర్రలు, బాంబులతో విచ్చలవిడిగా దాడులకు తెగబ­డుతున్నారు. 80కి పైగా హత్యలు.. 300కు పైగా హత్యా­యత్నాలు.. దాదాపు రెండు వేలకు పైగా దాడులు, విధ్వంసాలతో అల్లకల్లోలం సృష్టించారు. ప్రతిపక్ష వైఎస్సార్‌­సీపీ నేతలు, కార్యకర్తలపై యథే­చ్చగా దాడులకు పాల్పడుతుంటే ప్రభుత్వం చోద్యం చూస్తోంది. ఈ దారుణాలను ప్రశ్నిస్తున్న సోషల్‌ మీడియా కార్యకర్తలపై చంద్రబాబు సరికొత్త కుట్రకు తెరతీశారు. వైఎస్సార్‌సీపీ నేతలు, కార్యకర్తలను వేధిస్తూ, దాడులకు తెగబడే బాధ్యతను పోలీసులకు అప్పగించినట్టున్నారు. అంటే టీడీపీ గూండాగిరీకి పోలీసు ముసుగుతో రాజముద్ర వేయాలన్న పన్నా­గం పన్నారు. వెరసి తప్పుడు కేసులతో సోషల్‌ మీడి­యా కార్యకర్తలను తీవ్ర వేధింపులకు గురిచేస్తున్నారు.అక్రమ కేసులు, విచారణ పేరుతో దాడులుచంద్రబాబు మనసెరిగి మసలుకునే పోలీసులు ఖాకీ చొక్కాలు విప్పేసి పచ్చ చొక్కాలు తొడుక్కుంటున్నట్టుంది రాష్ట్రంలో ప్రస్తుత భీతావాహ పరిస్థితి. రాష్ట్ర వ్యాప్తంగా ఒక్కసారిగా వైఎస్సార్‌సీపీ సోషల్‌ మీడియా కార్యకర్తల అక్రమ అరెస్టులకు తెరతీశారు. శ్రీకాకుళం జిల్లా నుంచి అనంతపురం జిల్లా వరకు ఆది, సోమవారాల్లోనే ఏకంగా 86 కేసులు నమోదు చేయడం గమనార్హం. అంటే ఈ అక్రమ అరెస్టుల వెనుక ఎంతటి పక్కా కుట్ర ఉందన్నది స్పష్టమవుతోంది. కేవలం వైఎస్సార్‌సీపీ శ్రేణులను బెంబేలెత్తించడం, ప్రభుత్వ వైఫల్యాలను ప్రశ్నించకుండా అడ్డుకోవడమే లక్ష్యంగా పోలీసు అస్త్రాన్ని చంద్రబాబు ప్రయోగించారు.సోషల్‌ మీడియా పోస్టులపై నేరుగా కేసులు నమోదు చేయకూడదని, 41ఏ నోటీసు ఇచ్చి వివరణ తీసుకోవాలని సుప్రీంకోర్టు స్పష్టమైన తీర్పునిచ్చింది. కానీ ఆ ఆదేశాలను ఉల్లంఘిస్తూ.. ఆ తీర్పు స్ఫూర్తికి విఘాతం కలిగిస్తూ అక్రమ కేసులతో పోలీసులు చెలరేగిపోతున్నారు. కనీసం నోటీసు కూడా ఇవ్వకుండానే వారిని బలవంతంగా తీసుకుపోతున్నారు. అర్ధరాత్రి గాఢ నిద్రలో ఉన్న వారిని తీసుకుపోతున్నారు. వ్యాపార కార్యకలాపాల్లో ఉన్న వారిని, పొలం పనులు చేసుకుంటున్న వారిని, ప్రయాణంలో ఉన్న వారిపై విరుచుకుపడి బలవంతంగా వాహనాల్లో పడేసి పట్టుకుపోతున్నారు.కుటుంబ సభ్యులకు కనీస సమాచారం కూడా ఇవ్వడం లేదు. కార్యకర్తల కళ్లకు గంతలు కట్టి వివిధ పోలీస్‌ స్టేషన్లు తిప్పుతున్నారు. విచారణ పేరుతో భౌతిక దాడులకు పాల్పడుతున్నారు. వైఎస్సార్‌సీపీ న్యాయవాదులు వచ్చి గట్టిగా ప్రశ్నిస్తే తప్ప విడిచి పెట్టడం లేదు. మళ్లీ పోలీస్‌ స్టేషన్‌కు రావాలని చెబుతున్నారు. తాము కొట్టిన విషయాన్ని ఎవరికైనా చెబితే మరోసారి తమ లాఠీలకు పని చెబుతామని బెదిరిస్తున్నారు. ఖాకీలు అత్యంత క్రూరంగా వ్యవహరిస్తూ పాశవికంగా దాడులకు పాల్పడుతుండటం విభ్రాంతి కలిగిస్తోంది. ‘ఫేక్‌ అకౌంట్ల’తో ప్రభుత్వ కుట్ర వైఎస్సార్‌సీపీ సోషల్‌ మీడియా కార్యకర్తలు ప్రభుత్వ వైఫల్యాలను మాత్రమే ప్రశ్నిస్తున్నారు. అదీ వారి అధికారిక సోషల్‌ మీడియా ఖాతాల ద్వారానే ప్రభుత్వాన్ని నిలదీస్తున్నారు. అది వారి భావ ప్రకటనా స్వేచ్ఛ కిందకు వస్తుంది. ఆ పోస్టులపై కేసులు నమోదు చేయడం సాధ్యం కాదు. అందుకే ప్రభుత్వం కొత్త కుట్రకు తెరతీసింది. కొన్ని సోషల్‌ మీడియా ఖాతాల నుంచి కించపరిచే పోస్టులు పెట్టారంటూ అక్రమ కేసులు నమోదు చేస్తోంది.ప్రధానంగా ఎక్స్‌ (ట్విట్టర్‌) ఖాతాల్లో పెట్టిన పోస్టులను తమ కేసులకు ప్రాతిపదికగా పోలీసులు చెబుతున్నారు. కానీ అసలు విషయం ఏమిటంటే.. ఆ ఎక్స్‌ (ట్విట్టర్‌) ఖాతాలు ఎవరివో కూడా తెలీదు. అవి ఫేక్‌ ఖాతాలు. వాటిని వైఎస్సార్‌సీపీ సోషల్‌ మీడియా కార్యకర్తలకు ఆపాదిస్తూ అక్రమ కేసులు నమోదు చేస్తుండటం ప్రభుత్వ కుట్రకు నిదర్శనం. ఆ ఫేక్‌ ఖాతాల వెనుక ప్రభుత్వ ప్రమేయం ఉందని తెలుస్తోంది. టీడీపీ సోషల్‌ మీడియా వర్గాలే ఆ ఫేక్‌ ఖాతాలతో కించపరిచే పోస్టులు పెట్టి.. వాటి ఆధారంగా వైఎస్సార్‌సీసీ సోషల్‌ మీడియా కార్యకర్తలపై అక్రమ కేసులు పెట్టేందుకు యత్నిస్తున్నట్టు స్పష్టమవుతోంది. అందుకే ఆ కించపరిచే పోస్టులు పెట్టిన ఎక్స్‌ (ట్విట్టర్‌) ఖాతాలు ఎవరివో పోలీసులు చెప్పడం లేదు. అవి వైఎస్సార్‌సీపీ సోషల్‌ మీడియా కార్యకర్తల ఖాతాలు అని ఆధారాలు కూడా చూపించలేకపోతున్నారు. పోలీసు క్రౌర్యంలో ఎన్టీఆర్‌ జిల్లా టాప్‌రాజ్యాంగ హక్కులను కాల రాయడంలో ఎన్టీఆర్‌ జిల్లా పోలీసులు మరింతగా బరి తెగిస్తున్నారు. రాష్ట్ర వ్యాప్తంగా వైఎస్సార్‌సీపీ సోషల్‌ మీడియా కార్యకర్తలపై 86 అక్రమ కేసులు నమోదైతే.. వాటిలో ఏకంగా 61 కేసులు ఎన్టీఆర్‌ జిల్లా పోలీస్‌ కమిషరేట్‌ పరిధిలోనే నమోదు చేయడం గమనార్హం. సుప్రీంకోర్టు తీర్పు తమకు వర్తించదనో.. లేక తాము దానిని ఖాతరు చేయమన్నట్టుగా విజయవాడ కమిషనర్‌ రాజశేఖర్‌బాబు వ్యవహరిస్తున్నారనిపి­స్తోంది.ఎంత ఎక్కువుగా అక్రమ కేసులు పెడితే.. అంతగా గుర్తింపు ఇస్తామని ప్రభుత్వ పెద్దలు చెప్పా­రేమో అన్నట్టుగా పోలీసుల తీరు ఉందని సర్వత్రా విమర్శలు వెల్లువెత్తుతున్నాయి. విజయవాడ సైబర్‌ పోలీసుల సహకారంతో జిల్లా వ్యాప్తంగా పోలీసులు తమ మార్కు గూండాగిరీ ప్రదర్శిస్తున్నారు. కనీసం కుటుంబ సభ్యులకు సమాచారం ఇవ్వకుండానే సోషల్‌ మీడియా కార్యకర్తలను ఎత్తుకువచ్చేసి తీవ్ర వేధింపులకు గురి చేస్తున్నారు.మాజీ మంత్రి కాకాణిపై రెండు అక్రమ కేసులు పోలీసు వేధింపులు మాజీ మంత్రి కాకాణి గోవర్థన్‌ రెడ్డినీ తాకాయి. ఏదో వాట్సాప్‌ పోస్టును ఆయన ఫార్వర్డ్‌ చేశారనే నెపంతో టీడీపీ నేతలు ఫిర్యాదు చేయగానే.. ఆయనపై నెల్లూరు పోలీసులు రెండు అక్రమ కేసులు నమోదు చేయడం గమనార్హం. ఆయన ఎలాంటి పోస్టు పెట్టలేదు. ఎవర్నీ కించపరుస్తూ ఎలాంటి పోస్ట్‌నూ ఫార్వర్డ్‌ చేయలేదు. కానీ టీడీపీ నేతలు చెప్పారనే ఒకే ఒక్క కారణంతో తప్పుడు కేసు నమోదు చేయడం విభ్రాంతికరం.అన్ని ప్రాంతాల్లోనూ అవే అక్రమ కేసులు⇒ గుంటూరు జిల్లా వైఎస్సార్‌సీపీ సోషల్‌ మీడియా అధ్యక్షుడు మేకా వెంకటరామిరెడ్డిని తాడేపల్లి పోలీసులు సోమవారం రాత్రి అరెస్ట్‌ చేశారు. ఆయన మార్చిలో ఏదో పోస్టు పెట్టారంటూ టీడీపీ కార్యకర్తలు ఏడు నెలల తర్వాత ఇచ్చిన ఫిర్యాదు మేరకు ఈ కేసు నమోదు చేసినట్లు సీఐ కళ్యాణ్‌ రాజు చెప్పడం గమనార్హం. ⇒ తెనాలి నియోజకవర్గం కొల్లిపర మండల గ్రామం వల్లభాపురానికి చెందిన రైతు, వైఎస్సార్‌ కాంగ్రెస్‌ పార్టీ కార్యకర్త ఆళ్ల జగదీష్‌రెడ్డిని సైబర్‌ క్రైమ్‌ పోలీసులు అరెస్టు చేశారు. ఆదివారం తెల్లవారుజామున 3 గంటలకు గ్రామంలోని జగదీష్‌రెడ్డి ఇంటికి వచ్చిన ముగ్గురు అగంతకులు, అతడిని తీసుకెళ్లటం, ఏ సమాచారం లేకపోవటంతో కుటుంబ సభ్యులు ఆందోళన వ్యక్తంచేయటం తెలిసిందే. విజయవాడకు చెందిన టాస్క్‌ఫోర్స్‌ పోలీసులు జగదీష్‌రెడ్డిని వెంటబెట్టుకు వెళ్లి, సైబర్‌ క్రైమ్‌ విజయవాడ సిటీ పోలీసులకు అప్పగించారు.2018లో ఆయన పెట్టిన పోస్టుపై ఫిర్యాదు వచ్చిందని చెప్పడం గమనార్హం. ఆయన్ని విచారించిన తర్వాత రాత్రి 9.30 గంటల ప్రాంతంలో పంపించివేశారు. విచారణకు మరోసారి రావాలన్న పోలీసుల ఆదేశాల ప్రకారం సోమవారం ఉదయాన్నే మళ్లీ జగదీష్‌రెడ్డి విజయవాడ వెళ్లారు. అక్కడే విచారణ చేస్తుండగా, న్యాయవాదులు, విలేకరులు రావటంతో మధ్యాహ్నం రెండున్నర గంటల ప్రాంతంలో విడుదల చేశారు. సోషల్‌ మీడియాలో జగదీష్‌రెడ్డి పెట్టిన పోస్టు, దానిని షేర్‌ చేయటంపై మొత్తం 16 మందిపై కేసు నమోదు చేసినట్టు తెలిసింది. వీరిలో కొందరిని అరెస్ట్‌ చేయగా, ఇంకొందరిని అరెస్టు చేయాల్సి ఉందని చెబుతున్నారు.⇒ వైఎస్సార్‌సీపీ జిల్లా యువజన విభాగం అధ్యక్షుడు కల్లం హరికృష్ణారెడ్డిపై తాడికొండ పోలీస్‌స్టేషన్‌లో అక్రమంగా కేసు నమోదు⇒ ప్రభుత్వానికి వ్యతిరేకంగా సోషల్‌ మీడియాలో పోస్టులు పెడుతున్నట్లు వచ్చిన ఫిర్యాదు మేరకు శ్రీపొట్టి శ్రీరాములు నెల్లూరు జిల్లాలో వైఎస్సార్‌సీపీ సోషల్‌ మీడియా వింజమూరు మండల కన్వీనర్‌ పెసల శివారెడ్డిని అరెస్ట్‌ చేశారు.⇒ నంద్యాల జిల్లా వైఎస్సార్‌సీపీ సోషల్‌ మీడియా కో ఆర్డినేటర్‌ తిరుమల కృష్ణ ఆలియాస్‌ జగన్‌ కృష్ణను పోలీసులు అక్రమంగా అరెస్ట్‌ చేశారు. ఆదివారం రాత్రి కర్నూలు సీసీఎస్‌ పోలీసులు మహానంది ఎస్‌ఐ రామ్మోహన్‌రెడ్డితో కలసి గ్రామానికి చేరుకుని తిరుమల కృష్ణ ఇంటికి వెళ్లారు. కుటుంబీకులు ఇంట్లో ఉన్నా ఏమి చెప్పకుండా ఇల్లంతా తనిఖీ చేశారు. పశువుల పాక వద్ద బర్రెలకు మేపు వేస్తున్న తిరుమల కృష్ణను అదుపులోకి తీసుకున్నారు.షార్ట్, టీషర్ట్‌పై ఉన్న అతను చొక్కా, ప్యాంట్‌ వేసుకుని వస్తానని బతిమలాడితే చివరికి ఒప్పుకున్నారు. మహానంది స్టేషన్‌కు తీసుకొచ్చి అక్కడి నుంచి కర్నూలు సీసీఎస్‌ పోలీసులకు అప్పగించారు. తమ కుమారుడు ఎక్కడున్నాడో చెప్పండయ్యా అయ్యా అని కృష్ణ కుటుంబీకులు రాత్రి మహానంది స్టేషన్‌కు వచ్చి పోలీసులను బతిమాలినా చెప్పలేదు. కర్నూలుకు చెందిన ఇంతియాజ్‌ బాషా ఫిర్యాదు మేరకు కేసు నమోదు చేసి అరెస్ట్‌ చేసినట్లు కర్నూలు వన్‌టౌన్‌ పోలీసులు తెలిపారు. క్రైమ్‌ నెంబర్‌ 148/2024, 352, 353(1),(సీ) సెక్షన్ల కింద కేసు నమోదు చేశారు.⇒ పల్నాడు జిల్లా కంభంపాడు గ్రామానికి చెందిన సోషల్‌ మీడియా కార్యకర్త నెమలిదిన్నె రంగారెడ్డిపై మాచర్ల రూరల్‌ పోలీసులు కేసు నమోదు చేశారు. ప్రభుత్వాన్ని అప్రతిష్టపాలు చేస్తున్నారని అతనిపై కేసు నమోదు చేసి గాలింపు చర్యలు చేపడుతున్నట్లు రూరల్‌ పోలీసులు తెలిపారు.⇒ గురజాల మండల సోషల్‌ మీడియా కన్వీనర్‌ వెంకటరామిరెడ్డిని పోలీసులు సోమవారం అరెస్టు చేశారు. మండల పరిధిలోని తేలుకుట్ల గ్రామానికి చెందిన పప్పుల వెంకటరామిరెడ్డి ఇచ్చిన ఫిర్యాదుపై కేసు నమోదు చేశారు. హైదరాబాద్‌లో ఉన్న వెంకటరామిరెడ్డిని సోమవారం అరెస్టు చేసి గురజాల పోలీస్‌స్టేషన్‌కు తీసుకువచ్చారు.⇒ ముఖ్యమంత్రి చంద్రబాబు, అతని కుమారుడు మంత్రి లోకేశ్‌పై సోషల్‌ మీడియాలో పోస్టింగ్‌లు పెట్టాడని బత్తల శ్రీనివాసులు, మరొకరిపై చిన్నచౌక్‌ పోలీసులు కేసు నమోదు చేశారు. గతంలో ప్రతిపక్షంలో వున్నపుడు కూడా ఇలాగే పోస్టింగ్‌లు పెట్టా­రని కడపకు చెందిన టీడీపీ నేత బొజ్జా తిరుమలేష్‌ ఫిర్యాదు మేర­కు ఇద్దరిపై కేసు నమోదు చేసి విచారిస్తున్నట్లు పోలీసులు తెలిపారు. ⇒ తూర్పు గోదావరి జిల్లా రంగంపేట మండలం వడిశలేరుకు చెందిన సోషల్‌ మీడియా కార్యకర్త వీరాబత్తుల చంద్రశేఖర్‌ను అనపర్తి పోలీసులు అక్రమంగా నిర్బంధించారు. సోమవారం విషయం తెలుసుకున్న వైఎస్సార్‌సీపీ నేత, మాజీ ఎమ్మెల్యే డాక్టర్‌ సత్తి సూర్యనారాయణరెడ్డి సీఐ సుమంత్‌ను కలిసి ప్రశ్నించారు. అనంతరం పోలీసులు సెక్షన్‌–41 నోటీసు జారీ చేసి చంద్రశేఖర్‌ను వదిలి పెట్టారు. రంగంపేట మండలం కోటపాడు గ్రామానికి చెందిన శిరిగిన వెంకటేష్‌ను పోలీసులు నిర్బంధించగా, స్థానిక వైఎస్సార్‌సీపీ నాయకులు అతడిని బయటకు తీసుకొచ్చారు.

సాక్షి, తాడేపల్లి: వైఎస్సార్‌సీపీ సోషల్ మీడియా కార్యకర్తలపై చంద్రబాబు ప్రభుత్వం వేధింపులకు పాల్పడుతోంది. రాష్ట్ర వ్యాప్తంగా పలువురిని పోలీసులు అక్రమంగా అరెస్టు చేస్తున్నారు. వినుకొండ, గుడివాడ, భీమవరం, ఉదయగిరి, నెల్లూరు, పెనుగొండ, నందిగామ సహా అనేక ప్రాంతాల్లో అరెస్టుల పర్వం కొనసాగుతోంది. ప్రభుత్వ అరాచకాలను ప్రశ్నిస్తున్నారని అక్రమ కేసులు పెడుతున్నారు. సోషల్ మీడియా కార్యకర్తలకు వైఎస్సార్‌సీపీ లీగల్‌ సెల్‌ అండగా నిలిస్తోంది.కాగా, నెల్లూరులో వైఎస్సార్‌సీపీ వింజమూరు మండల సోషల్ మీడియా కన్వీనర్ పెసల శివారెడ్డిని గుర్తు తెలియని వ్యక్తులు ఎత్తుకెళ్లారు. శివారెడ్డి తన ఫోటో స్టూడియోలో ఉండగా ఐడీ పార్టీ పోలీసులమని చెప్పి కారులో తీసుకెళ్లారు. మరో వైపు, తమకు ఎలాంటి సంబంధం లేదంటూ లోకల్‌ పోలీసులు దాటవేస్తున్నారు. శివారెడ్డి కుటుంబసభ్యులు భయాందోళనకు గురవుతున్నారు.


 ‘‘ప్రజలు ఆకాంక్షిస్తున్న ప్రత్యేక హోదాను అక్రమ అరెస్టులతో ఆపలేరు. విభజన చట్టంలోని హామీలన్నింటినీ అమలు చేసే వరకు మా పోరాటం ఆగదు. ఒకవైపు రాష్ట్రానికి హోదా ఇవ్వకుండా కేంద్రం మోసం చేస్తుంటే.. మరోవైపు శాంతియుతంగా నిర్వహిస్తున్న బంద్‌ను విచ్ఛిన్నం చేసేందుకు టీడీపీ ప్రభుత్వం పోలీసులను ప్రయోగించింది. చంద్రబాబు బంద్ జరగకుండా అడ్డుకునే ప్రయత్నాలు చేయడం దారుణం’’     - కె.రామకృష్ణ, సీపీఐ రాష్ట్ర కార్యదర్శి


 అనంతపురం క్రైమ్: వైఎస్సార్ కాంగ్రెస్ పార్టీ నేతలు, కార్యకర్తలను అక్రమంగా అరెస్ట్ చేయడాన్ని నిరసిస్తూ ఆ పార్టీ యువజన విభాగం ఆధ్వర్యంలో ఆదివారం అనంతపురంలో మోకాళ్ల నిరసన కార్యక్రమం జరిగింది. శనివారం రాష్ట్ర బంద్ సందర్భంగా ఏపీ వ్యాప్తంగా వైఎస్సార్ కాంగ్రెస్ నేతలను అరెస్ట్ చేసిన విషయం తెలిసిందే.
 
 ఈ నేపథ్యంలో ఆదివారం యువజన విభాగం రాష్ట్ర ప్రధాన కార్యదర్శి రాజీవ్‌రెడ్డి ఆధ్వర్యంలో సుమారు 60 మంది కార్యకర్తలు పట్టణంలోని అంబేద్కర్ విగ్రహం వద్ద మోకాళ్లపై నించుని నిరసన తెలిపారు. సీఎంకు వ్యతిరేకంగా నినాదాలు చేశారు. అక్రమ అరెస్ట్‌లతో ఉద్యమాన్ని ఆపలేరని, ప్రత్యేక హోదా సాధించేవరకూ ప్రజాగర్జన ఆగదన్నారు.


 రొద్దం(అనంతపురం): వైఎస్సార్ కాంగ్రెస్ నేతల అరెస్టులకు నిరసనగా రొద్దం పట్టణంలో ఆ పార్టీ నేతలు గురువారం మధ్యాహ్నం ధర్నాకు దిగారు.సినీ నటుడు, హిందూపురం ఎమ్మెల్యే బాలకృష్ణ ఎన్నికల సందర్భంగా ఇచ్చిన హామీల అమలు కోరుతూ హిందూపురంలో గురువారం ఉదయం ఆందోళనకు దిగిన వైఎస్సార్ కాంగ్రెఃస్ జిల్లా అధ్యక్షుడు శంకరనారాయణ, నవీన్‌నిశ్చల్‌లను పోలీసులు అరెస్టు చేశారు.
 
 అనంతరం శంకరనారాయణను సోమందేవపల్లి పోలీస్‌స్టేషన్‌కు తరలించారు. దీనిపై రొద్దంలోని వైఎస్సార్‌సీపీ నేతలు స్థానిక చౌరస్తాలో గంటపాటు నిరసన తెలిపారు. తమ పార్టీ నేతల అరెస్టు అక్రమమని, వారిని వెంటనే విడిచిపెట్టాలని డిమాండ్ చేశారు.


  శ్రీకాకుళం పాతబస్టాండ్: అక్రమ అరెస్టులపై వెల్లువెత్తిన నిరసన.. అయినా వెనక్కు తగ్గని పోలీసులు.. ర్యాలీలు, ధర్నాలతో పోలీస్‌స్టేషన్ల వద్ద నిరసన గళం వినిపించేందుకు వచ్చిన మహిళా ఉద్యోగులను చెదరగొట్టేందుకు ఖాకీ బలం ప్రదర్శించడంతో తోపులాటలు, వాగ్వాదాలు వంటి ఘటనలతో ఉద్రిక్త పరిస్థితులు నెలకొన్నాయి. మహిళా ఉద్యోగులను విచక్షణారహితంగా ఈడ్చుకెళ్లిన తీరు పోలీసుల దమనకాండకు, ప్రభుత్వం నియంతృత్వ ధోరణికి మరోమారు దర్పణం పట్టింది. జీతాల కోసం గత రెండు నెలలుగా సమ్మె చేస్తున్న ఇందిరాక్రాంతి పథం(ఐకేపీ) వీవోఏలు హైదరాబాద్‌లో తలపెట్టిన నిరసన కార్యక్రమాలను భగ్నం చేసేందుకు ఆదివారం అరెస్టుల పర్వానికి ప్రభుత్వం తెరతీసిన విషయం తెలిసిందే. అక్రమ అరెస్టులకు నిరసనగా సోమవారం జిల్లాలోని అన్ని పోలీసుస్టేషన్ల వద్ద వీవోఏలు, సీఐటీయు, ఇతర ప్రజాసంఘాలు ధర్నాలు చేపట్టాయి.
  
  ఈ సందర్భంగా కూడా జిల్లాలోని పలు ప్రాంతాల్లో పోలీసులు అక్రమ అరెస్టులకు పాల్పడ్డారు. ఒక్క శ్రీకాకుళం రెండో పట్టణ పోలీసుస్టేషన్ పరిధిలోనే 27 మందిని అరెస్టు చేశారు. ఆదివారంనాటి అరెస్టులను నిరసిస్తూ జిల్లావ్యాప్త కార్యక్రమంలో భాగంగా వీవోఏలతోపాటు సీఐటీయూ దాని అనుబంధ సంస్థల ప్రతినిధులు ర్యాలీగా వచ్చి రెండో పోలీసుస్టేషన్ వద్ద బైఠాయించారు. అనంతరం ధర్నా నిర్వహించారు. దాంతో పోలీసులు రంగంలోకి దిగి ధర్నాను భగ్నం చేశారు. సీఐటీయూ నాయకులు కె.నాగమణి, డి.గణేష్, వై.చలపతిరావులతో సహా 27 మందిని అరెస్టు చేశారు. ఈ అరెస్టులను ఆందోళనకారులు ప్రతిఘటించడంతో ఇరుపక్షాల మధ్య తోపులాట జరిగింది. దాంతో పోలీసులు పలువురిని బలవంతంగా ఈడ్చుకుపోయారు. ఈ తోపులాటలో సీఐటీయూ పట్టణ కార్యదర్శి గణేష్ కుడిచేయికి గాయమైంది.
  
  ఇది అరాచకపాలన
  ధర్నా వద్ద పలువురు నాయకులు మాట్లాడుతూ రాష్ట్రంలో అరాచకపాలన సాగుతోందని దుయ్యబట్టారు. ప్రజాస్వామ్యం లేదని, ప్రజల హక్కులను కాలరాస్తున్నారని ఆరోపించారు. పోలీసులు టీడీపీ పాలకులకు తొత్తులుగా మారిపోయారని విమర్శించారు. ఐకేపీ సీఎఫ్‌లు తమ జీతాల కోసం శాంతియుతంగా ఉద్యమాలు చేస్తుంటే అరెస్టులు చేసి, స్టేషన్లలో నిర్బంధించడమే కాకుండా బెదిరింపులతో భయాందోళనలకు గురిచేస్తున్నారన్నారు. వీవోఏలు 100 రోజులుగా సమ్మె చేస్తుంటే సమస్యల పరిష్కారానికి చొరవ చూపకుండా పోలీసులతో బలప్రయోగం ద్వారా ఉద్యమాన్ని అణిచివేయడానికి ప్రయత్నిస్తూ ప్రజల నుంచి, మహిళల నుంచి తీవ్ర ప్రతిఘటన ఎదుర్కోక తప్పదని హెచ్చరించారు. గతంలో ఇదే రీతిలో వ్యవహరించడం వల్లే ప్రజలు చంద్రబాబును పదేళ్లు అధికారానికి దూరంగా ఉంచిన విషయాన్ని విస్మరిస్తే.. మళ్లీ అదే గతి పడుతుందని స్పష్టం చేశారు. అరెస్టు చేసిన వారిని బేషరతుగా విడుదల చేయాలని డిమాండ్ చేశారు. ఈ కార్యక్రమంలో పలు సంఘాల నాయకులు ఎన్‌వీ రమణ, పి.ప్రభావతి, సూరమ్మ, చిన్నమ్మ, కాలేమ్మ, నర్సమ్మ, లత, సత్యనారాయణ, కాన్‌కాస్ట్ యూనియన్ నాయకులు పి.రామచంద్రరావు, బి.మోహనరావు తదితరులు పాల్గొన్నారు.
         
  శ్రీకాకుళం పాతబస్టాండ్: ఐకేపీ వీవోఏల జీతాలు చెల్లించడంతో ప్రభుత్వ అలక్ష్యం, పోలీసుల అక్రమ అరెస్టులకు నిరసనగా సీఐటీయూ జిల్లా ప్రధాన కార్యదర్శి డి.గోవిందరావు రెండో పట్టణ పోలీస్‌స్టేషన్‌లో సోమవారం నిరాహార దీక్ష చేపట్టారు. గోవిందరావును ఆదివారం ఉదయం ఐదుగంటలకు అరెస్టు చేసి తెల్లవారేదాకా ఒకటో పట్టణ పోలీస్‌స్టేషన్‌లో ఉంచారు. సోమవారం ఉదయం రెండో పట్టణ పోలీసులు అరెస్టు చేసినట్టు టుటౌన్ పోలీస్‌స్టేషన్‌కు తరలించారు. అక్కడే ఆయన దీక్ష చేపట్టారు. ఈ సందర్భంగా ఆయన మాట్లాడుతూ హైదరాబాద్‌లోని వీవోఏల ధర్నాను భగ్నం చేసేందుకు ప్రభుత్వం కుట్రపన్ని అక్రమ అరెస్టులు చేరుుంచిందని ధ్వజమెత్తారు. ఇది ప్రజావ్యతిరేకమని పేర్కొన్నారు. వీవోఏల వ్యవస్థను తనే ప్రవేశపెట్టినట్టు చెప్పుకున్న సీఎం చంద్రబాబు నాయుడు ఇప్పుడు వ్యవస్థను నాశనం చేసేందుకు చూస్తున్నారని విమర్శించారు. అక్రమ అరెస్టులతో ఉద్యమాలు ఆపలేరని హెచ్చరించారు. ప్రజలు మద్దతుతో ఉద్యమాలు ఉధృతం చేస్తామన్నారు. జిల్లాలో అరెస్టు చేసిన వీవోఏలు, సీఐటీయూ నాయకులు, ప్రతినిధులందరినీ విడిచిపెట్టిన తర్వాత ఆయన దీక్షను విరమించారు.
  


 వైఎస్సార్‌సీపీ సానుభూతిపరుడిపై టీడీపీ నేత దాడి
 - తమ్ముడిని కిడ్నాప్ చేసి డబ్బు డిమాండ్ .. ఒట్టి చేతులతో వచ్చాడని కట్టెలతో దాడి
 - 24 గంటల్లో రూ.5 లక్షలు లేదా ఇల్లు రాసివ్వకపోతే భార్య, పిల్లలను చంపుతానని హెచ్చరిక
 - రక్షణ కల్పించాలని ఎమ్మెల్యే విశ్వేశ్వరరెడ్డి, వైఎస్సార్‌సీపీ జిల్లా అధ్యక్షుడు శంకరనారాయణ ఎస్పీకి వినతి
 అనంతపురం రూరల్ : వైఎస్సార్‌సీపీ సానుభూతిపరుడిపై టీడీపీ నాయకుడు తన అనుచరులతో కలిసి దాడి చేసి గాయపరిచాడు. అంతటితో ఆగక 24 గంటల్లోగా రూ.5 లక్షలు ఇవ్వాలని లేదా ఇంటిని తన పేర రాసివ్వాలని హుకుం జారీ చేశాడు. గడువులోపు అడిగింది ఇవ్వకపోతే భార్య, పిల్లలను చంపేస్తానని బెదిరించాడు.
 
 అనంతపురం రూరల్ మండలం కక్కలపల్లి కాలనీలో ఆదివారం రాత్రి ఈ ఘటన చోటుచేసుకుంది. బాధితుడి కథనం మేరకు... కక్కలపల్లి కాలనీలో నివాసముంటున్న భవన నిర్మాణ కాంట్రాక్టర్ ఒంగోలు హనుమంతరావు వైఎస్సార్‌సీపీ సానుభూతిపరుడిగా ఉంటూ ఎన్నికల్లో చురుగ్గా ప్రచారం చేశాడు. తెలుగుదేశం పార్టీ అధికారంలోకి రావడంతో టీడీపీ నేత మనోహర్‌నాయుడు తన అనుచరులతో కలిసి అక్రమ వసూళ్లు.. వైఎస్సార్‌సీపీకి చెందిన వారిపై దాడులకు తెగబడ్డాడు. పోలీసుల దృష్టికి వెళ్లినా వారు పట్టించుకోకపోవడంతో మనోహర్‌నాయుడు మరింత రెచ్చిపోయాడు. రెండు రోజుల క్రితం హనుమంతరావుకు ఫోన్ చేసి తనకు 24 గంటల్లో రూ.5 లక్షలు ఇవ్వాలని డిమాండ్ చేశాడు. డబ్బు ఇవ్వకపోతే నీ తమ్ముడు మారుతిని చంపుతామని బెదిరించాడు. తాను డబ్బు ఇచ్చుకోలేనని చెప్పడంతో ఆదివారం రాత్రి మారుతిని కిడ్నాప్ చేసి.. డబ్బు తీసుకుని పలానా చోటుకు రావాలంటూ ఫోన్‌లో చెప్పాడు.
 
 హనుమంతరావు ఒట్టి చేతులతో రావడంతో ఆగ్రహించిన మనోహర్‌నాయుడు అనుచరులతో కలిసి కట్టెలతో చితకబాదాడు. మరో 24 గంటలు సమయం ఇస్తున్నానని, ఈసారి డబ్బు లేదా ఇటీవల నిర్మించిన కొత్త ఇంటిని తన పేరిట రాసివ్వాలని.. ఈసారి మొండిచేయి చూపితే భార్య, పిల్లలను చంపుతామని హెచ్చరించాడు. తీవ్రంగా గాయపడిన హనుమంతరావును తమ్ముడు మారుతి అనంతపురం సర్వజనాస్పత్రిలో చేర్చాడు. చికిత్స పొందుతున్న బాధితుడిని వైఎస్సార్‌సీపీ మండల కన్వీనర్ ధనుంజయయాదవ్ పరామర్శించారు.
  
 భౌతికదాడులు, అక్రమ అరెస్టులు నిరోధించండి
 అనంతపురం జిల్లా పరిషత్ : వైఎస్సార్‌సీపీ కార్యకర్తలు, నాయకులపై టీడీపీ నేతల నుంచి భౌతికదాడులు, పోలీసుల నుంచి అక్రమ అరెస్టులు నిరోధించాలని ఉరవకొండ ఎమ్మెల్యే వై.విశ్వేశ్వర్‌రెడ్డి, వైఎస్సార్ కాంగ్రెస్ పార్టీ జిల్లా అధ్యక్షుడు మాలగుండ్ల శంకరనారాయణ ఎస్పీ సెంథిల్‌కుమార్‌ని కోరారు. ఈ మేరకు సోమవారం ఎస్పీకి వినతిపత్రం సమర్పించారు. కక్కలపల్లి కాలనీలో ఆదివారం రాత్రి జరిగిన సంఘటనను కూడా ఎస్పీ దృష్టికి తీసుకెళ్లారు. అధికార పార్టీ నేతల దౌర్జన్యాలను కట్టడి చేసి.. వైఎస్సార్‌సీపీ నాయకులు, కార్యకర్తలకు రక్షణ కల్పించాలని విజ్ఞప్తి చేశారు. వినతిపత్రం సమర్పించిన వారిలో పార్టీ అధికార ప్రతినిధి సీపీ వీరన్న, రూరల్ మండలం కన్వీనర్ ధనుంజయయాదవ్‌తో పాటు మరికొందరు బాధితులు ఉన్నారు.