ప్రముఖ నిర్మాత దగ్గుబాటి సురేశ్‌ తనయుడు, టాలీవుడ్‌ యంగ్‌ హీరో అభిరామ్‌ వైవాహిక బంధంలో అడుగుపెట్టాడు. వరుసకు మరదలైన ప్రత్యూష అనే అమ్మాయి మెడలో మూడుముళ్లు వేసి ఏడడుగులు నడిచాడు. డిసెంబర్‌ 6న శ్రీలంకలో వీరి వివాహం ఘనంగా జరిగింది. మూడు రోజుల పాటు ఈ పెళ్లి తంతు నిర్వహించగా.. ఇరు కుటుంబసభ్యులు, అతి దగ్గరి బంధుమిత్రులు మాత్రమే ఈ వివాహ వేడుకకు హాజరైనట్లు తెలిసింది. పెళ్లి సంబరాలు ముగియడంతో శుక్రవారం నాడు ఈ కొత్త జంట హైదరాబాద్‌కు తిరిగొచ్చింది. ప్రత్యూష చక్కగా చీర కట్టుకోగా అభిరామ్‌ క్యాజువల్‌ తెలుపు షర్ట్‌, బ్లాక్‌ జీన్స్‌ వేసుకుని దర్శనమిచ్చాడు. ఈ జంట ఎయిర్‌పోర్టులో దిగి ఇంటికి బయల్దేరిన ఫోటోలు, వీడియోలు సామాజిక మాధ్యమాల్లో వైరలవుతున్నాయి. కాగా ప్రకాశం జిల్లాలోని కారంచేడుకు చెందిన మాధవి-నగేశ్‌ చాపర్ల కూతురే ప్రత్యూష. వీరిది పెద్దలు కుదిర్చిన వివాహమని తెలుస్తోంది. ఇకపోతే సురేశ్‌బాబుకు ఇద్దరు కుమారులు. పెద్దబ్బాయి రానా ఇప్పటికే తెలుగు చలనచిత్ర పరిశ్రమలో స్టార్‌ హీరోగా గుర్తింపు తెచ్చుకున్నాడు. రెండో అబ్బాయి అభిరామ్‌ అహింస సినిమాతో వెండితెరపై హీరోగా ఎంట్రీ ఇచ్చాడు. తేజ దర్శకత్వం వహించిన ఈ మూవీ ఈ ఏడాది జూన్‌లో ప్రేక్షకుల ముందుకు వచ్చింది. కొద్దిరోజుల క్రితమే అమెజాన్‌ ప్రైమ్‌ వీడియోలోనూ రిలీజైంది. అయితే ఈ సినిమాకు పెద్దగా ఆదరణ లభించలేదు. దీంతో కొంతకాలం గ్యాప్‌ తీసుకున్నాకే సినిమాలు చేస్తానన్నాడు అభిరామ్‌. చదవండి: ఆ హీరో సీరియల్‌ కిస్సర్‌.. కానీ మా మధ్య కెమిస్ట్రీ లేకపోవడం వల్ల.

టాలీవుడ్ నిర్మాత సురేశ ‍బాబు తనయుడు అభిరామ్ వివాహాబంధంలోకి అడుగుపెట్టారు. రానాకు తమ్ముడైన అభిరామ్ వరసకు మరదలైన ప్రత్యూష అనే అమ్మాయిని పెళ్లి చేసుకున్నారు. శ్రీలంకలో జరిగిన డెస్టినేషన్ వెడ్డింగ్‌కు బంధువులు, అత్యంత సన్నిహితులు మాత్రమే హాజరయ్యారు. తాజాగా వీరి పెళ్లికి సంబంధించిన ఫోటోలు వైరలవుతున్నాయి. దాదాపు మూడు రోజుల పాటు ఈ పెళ్లి వేడుక జరిగింది. కాగా.. ఇటీవలే వరుణ్ తేజ్ సైతం పెళ్లిబంధంలోకి అడుగుపెట్టిన సంగతి తెలిసిందే.  టాలీవుడ్‌ ప్రముఖ నిర్మాత సురేశ్ బాబుకి ఇద్దరు కుమారులు. పెద్దబ్బాయి రానా ఇప్పటికే స్టార్‌ హీరోగా గుర్తింపు తెచ్చుకున్నారు. ఇక రెండో అబ్బాయి అభిరామ్ కూడా 'అహింస' అనే మూవీతో టాలీవుడ్‌లో హీరోగా పరిచయమయ్యాడు. కానీ ఈ మూవీ అంత గుర్తింపు తీసుకురాలేదు. దీంతో కొన్నాళ్లు గ్యాప్ తీసి సినిమాలు చేస్తానని ప్రకటించాడు. అతను ప్రస్తుతం ఎలాంటి ప్రాజెక్ట్‌లోనూ నటించడం లేదు. దీంతో పెళ్లి చేసుకుని సెకండ్ ఇన్నింగ్స్ ప్రారంభించాడు. దగ్గుబాటి కుటుంబంలోకి అడుగుపెట్టనున్న అమ్మాయి స్వస్థలం కారంచేడు అని తెలుస్తోంది.  View this post on Instagram A post shared by South Celebrity (@southcelebrity.insta)

ఓ తెలుగు సినిమా ఓటీటీలో దాదాపు ఆరు నెలల తర్వాత రిలీజైంది. మీరు కరెక్ట్‌గానే విన్నారు. అప్పుడెప్పుడో జూన్‌లో థియేటర్లలోకి వచ్చిన ఈ చిత్రం.. ప్రేక్షకుల్ని ఏ మాత్రం అలరించలేకపోయింది. ఆ తర్వాత కొన్నాళ్లకు టీవీలో టెలికాస్ట్ అయింది. ఓటీటీలో మాత్రం దాదాపు ఆరు నెలల తర్వాత ఇప్పుడు అందుబాటులోకి వచ్చింది. ఇంతకీ ఏంటా సినిమా? విక్టరీ వెంకటేశ్ వారసత్వాన్ని కొనసాగిస్తూ రానా నటుడిగా ప్రూవ్ చేసుకున్నాడు. వీళ్ల ఫ్యామిలీ నుంచి వచ్చిన మరో హీరో అభిరామ్. ఇతడు నిర్మాత సురేశ్ బాబు చిన్న కొడుకు. ఇకపోతే ఈ కుర్రాడు.. తేజ దర్శకత్వంలో 'అహింస' అనే సినిమా చేశాడు. దాదాపు రెండేళ్ల పాటు సెట్స్‌పై ఉన్న ఈ మూవీని.. ఈ ఏడాది జూన్ 2న థియేటర్లలో విడుదల చేశారు. (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు) హీరోగా చేసిన అభిరామ్ యాక్టింగ్‌తో పాటు తేజ దర్శకత్వంపై ఘోరమైన విమర్శలు వచ్చాయి. ఏ మాత్రం కొత్తదనం లేని ఇలాంటి సినిమా తీసినందుకు తేజని, యాక్టింగే సరిగా చేయలేదని అభిరామ్‌ని తెగ ట్రోల్ చేశారు. దీంతో రెండు మూడు రోజుల్లోనే ఈ చిత్రం సైడ్ అయిపోయింది. ఓటీటీలో రిలీజ్ అయితే 'అహింస' చిత్ర డిజటల్ రైట్స్‌ని అమెజాన్ ప్రైమ్ దక్కించుకుంది. కానీ ఎందుకో ఓటీటీ రిలీజ్ వాయిదా వేస్తూ వచ్చింది. సెప్టెంబరులో ఈ సినిమాని టీవీల్లో కూడా ప్రసారం చేశారు కానీ ఓటీటీ విడుదల జాడ లేకుండా పోయింది. ఇదిగో ఇన్నాళ్లు ఓటీటీలో ఈ చిత్రాన్ని అందుబాటులోకి తీసుకొచ్చేశారు. ప్రస్తుతం తెలుగులోనే స్ట్రీమింగ్ అవుతోంది. (ఇదీ చదవండి: ఓటీటీలోకి వచ్చేస్తున్న జపాన్‌.. వారం రోజుల్లో..)

మరో తెలుగు హీరో పెళ్లికి రెడీ అయిపోయాడు. ఈ మధ్య వరుణ్ తేజ్‌తోపాటు పలువురు వివాహ బంధంలోకి అడుగుపెట్టారు. ఇప్పుడీ లిస్టులోకి రానా తమ్ముడు చేరిపోయేందుకు రెడీ అయిపోయాడు. అయితే ఈ పెళ్లి మూడు రోజుల పాటు జరగనుందని, ఎవరు ఊహించని ఓ దేశంలో డెస్టినేషన్ వెడ్డింగ్ ప్లాన్ చేశారని అంటున్నారు. ఇంతకీ పెళ్లి విశేషాలేంటి? (ఇదీ చదవండి: హనీమూన్‌కి వెళ్లిన మెగా కపుల్ వరుణ్-లావణ్య?) నిర్మాత సురేశ్ బాబుకి ఇద్దరు కొడుకులు. పెద్దబ్బాయి రానా ఇప్పటికే నటుడిగా దేశవ్యాప్తంగా గుర్తింపు తెచ్చుకున్నారు. ఇక రెండో అబ్బాయి అభిరామ్ కూడా.. 'అహింస' అనే మూవీతో హీరోగా పరిచయమయ్యాడు. కానీ ఇదేమంత పేరు తీసుకురాలేదు. దీంతో కొన్నాళ్లు గ్యాప్ తీసి సినిమాలు చేస్తానని ప్రకటించాడు. ఇప్పుడీ కుర్రాడే పెళ్లికి రెడీ అయిపోయాడు. వరసకు మరదలు అయ్యే అమ్మాయితో అభిరామ్ డిసెంబరు 6న ఏడడుగులు వేయబోతున్నాడు. దగ్గుబాటి కుటుంబంలోకి అడుగుపెట్టనున్న అమ్మాయి పేరు ప్రత్యూష. ఆమెది కారంచేడు అని తెలుస్తోంది. ఇకపోతే అభిరామ్-ప్రత్యూష.. శ్రీలంకలో డెస్టినేషన్ వెడ్డింగ్ చేసుకోనున్నారట. దాదాపు మూడు రోజుల పాటు ఈ పెళ్లి వేడుక జరగనుందని తెలుస్తోంది. అతికొద్దిమంది మాత్రమే హాజరు కానున్న ఈ పెళ్లి వేడుక.. సోమవారం రాత్రి డిన్నర్ పార్టీతో మొదలవుతుంది. మంగళవారం.. మెహందీ, డిన్నర్ ఉంటుంది. బుధవారం.. పెళ్లి కూతుర్ని చేయడం, ఇదే రోజు రాత్రి 8:50 గంటలకు అభిరామ్.. ప్రత్యూష మెడలో మూడు మూళ్లు వేయనున్నట్లు సమాచారం. ఇప్పటికే పెళ్లి పనుల్లో దగ్గుబాటి ఫ్యామిలీ బిజీగా ఉన్నారట. (ఇదీ చదవండి: ఆ స్టార్‌ హీరోను గట్టిగా లాగిపెట్టి కొట్టా.. అందరూ షాక్‌..: నటి)

దగ్గుబాటి సురేశ్‌ రెండో తనయుడు అభిరామ్‌ అహింస సినిమాతో వెండితెరపై హీరోగా ఎంట్రీ ఇచ్చాడు. ఈ మూవీ ఆశించినంత విజయాన్ని అందుకోలేకపోయింది. దీంతో అతడు సినిమాలను పక్కనపెట్టి వ్యాపారరంగంపై ఫోకస్‌ పెట్టాడు. రైటర్స్‌ కేఫ్‌ పేరిట హైదరాబాద్‌లో ఓ కేఫ్‌ ప్రారంభించాడు. ఈ సందర్భంగా ఓ ఇంటర్వ్యూలో ఆయన పలు విషయాల గురించి మాట్లాడాడు. నా కాళ్లపై నిలబడాలనుకున్నా.. 'జీవితం అనేది అంత ఈజీ కాదు. వయసు పెరిగేకొద్దీ అన్నీ తెలిసొస్తాయి. తాతయ్య చనిపోయినప్పుడు జీవితం విలువ తెలిసొచ్చింది. బాధ్యతలు తెలుసుకున్నాను. సొంతంగా నా కాళ్లపై నిలబడాలనుకున్నాను. అందులో భాగంగానే కేఫ్‌ ప్రారంభించాను. కేఫ్‌ స్టార్ట్‌ చేయడం వల్ల ఇంట్లోవాళ్లు కోప్పడి నన్ను ఇంటి నుంచి వెళ్లిపోమన్నారంటూ వచ్చిన వార్తల్లో ఏమాత్రం నిజం లేదు. నిజానికి నాన్న, అన్నయ్య, బాబాయ్‌ నాకు రకరకాల సలహాలిస్తూ ఎంతగానో సాయం చేశారు. వ్యాపారం ఎలా చేయాలనేది నాన్న దగ్గరి నుంచి నేర్చుకున్నాను. కేఫ్‌ ఎలా నడపాలన్నది అన్న చెప్తూ ఉంటాడు. నేనే గ్యాప్‌ తీసుకున్నా.. నాకు, రానా అన్నకు మధ్య 10 ఏళ్ల వ్యత్యాసం ఉంది. తను నన్ను తమ్ముడిలా కాకుండా స్నేహితుడిలా ట్రీట్‌ చేస్తాడు. సినిమా అవకాశాలొస్తున్నాయి, కానీ నేనే గ్యాప్‌ తీసుకున్నాను. నటుడిగా నేను చాలా నేర్చుకోవాలి. అందుకే అహింస తర్వాత బ్రేక్‌ తీసుకున్నాను. యాక్షన్‌ లవ్‌స్టోరీలు చేయడమంటే ఇష్టం. నా పేరెంట్స్‌ ఎవరిని పెళ్లి చేసుకోమంటే వారిని చేసుకుంటాను. పెళ్లి విషయాన్ని వారికే వదిలేశాను' అని చెప్పుకొచ్చాడు అభిరామ్‌. చదవండి: నా భర్త రివర్స్‌ అయితే ఎవరూ పనికి రారు, డబుల్‌ ఇచ్చిపడేస్తాడు.. సందీప్‌ మాస్టర్‌ భార్య ఫైర్‌

ప్రముఖ నిర్మాత దగ్గుబాటి సురేశ్‌ బాబు ఇంట పెళ్లిసందడి షురూ కానుంది. సురేశ్‌ బాబు రెండో తనయుడు, హీరో అభిరామ్‌ పెళ్లి ఖరారైనట్లు తెలుస్తోంది. ఇంతకీ పెళ్లి కూతురు ఎవరనుకుంటున్నారా? వాళ్ల బంధువులమ్మాయే! దివంగత నిర్మాత రామానాయుడి తమ్ముడి మనవరాలినే అభిరామ్‌ పెళ్లాడబోతున్నాడట! అంటే సురేశ్‌బాబు చెల్లెలి కూతురితోనే అభిరామ్‌ జీవితాన్ని పంచుకోనున్నాడన్నమాట! ఆమె కుటుంబం కారంచేడులో ఉంటోంది. రామానాయుడు కోరిక కూడా ఇదే! అభిరామ్‌, ఆ అమ్మాయి చిన్నప్పటి నుంచి ఒకరికొకరు ఇష్టపడుతున్నారని, వీరి ప్రేమకు ఇరు కుటుంబాలు పచ్చజెండా ఊపాయని సమాచారం. దివంగత రామానాయుడు కోరిక కూడా ఇదేనని వార్తలు వినిపిస్తున్నాయి. అయితే అభిరామ్‌ పెళ్లి ఇండియాలో జరగడం లేదట! శ్రీలంకలో గ్రాండ్‌గా, స్పెషల్‌గా పెళ్లి చేయాలని ప్లాన్‌ చేస్తున్నట్లు వినికిడి. డిసెంబర్‌ 6న ఈ పెళ్లి జరగనున్నట్లు సమాచారం. ఇందుకోసం శుభలేఖలు కూడా వినూత్నంగా డిజైన్‌ చేయిస్తున్నట్లు తెలుస్తోంది. కారంచేడులో రామానాయుడు ఉన్న పాత ఇల్లు డిజైన్‌ను శుభలేఖల మీద అచ్చువేయిస్తున్నారట. ఆ పనిలో ఉన్న అభిరామ్‌ ఇకపోతే దగ్గుబాటి అభిరామ్‌ హీరోగా ఎంట్రీ ఇచ్చిన మూవీ అహింస. ఈ చిత్రం బాక్సాఫీస్‌ దగ్గర రాణించలేకపోయింది. ప్రస్తుతం అభిరామ్‌ ఒక కాఫీ షాపును ఓపెన్‌ చేసే పనిలో ఉన్నాడు. రామానాయుడు స్టూడియో పక్కనే రైటర్స్‌ కాఫీ షాప్‌ పేరిట షాపు ఓపెన్‌ చేసేందుకు సన్నాహాలు చేస్తున్నట్లు తెలుస్తోంది. అభిరామ్‌ అన్నయ్య రానా పెళ్లి 2020లో  మిహికా బజాజ్‌తో జరిగింది. ఇప్పుడు అభిరామ్‌ కూడా పెళ్లి చేసుకుని ఓ ఇంటివాడు కాబోతుండటంతో అభిమానులు ముందస్తుగా శుభాకాంక్షలు తెలియజేస్తున్నారు. చదవండి: టైం ట్రావెల్‌ మూవీ.. రెండు నెలలు ఆలస్యంగా ఓటీటీలోకి!

దగ్గుబాటి అభిరామ్‌ హీరోగా ఎంట్రీ ఇస్తున్న చిత్రం 'అహింస'. ఈ సినిమాలో గీతికా తివారి హీరోయిన్‌గా నటిస్తోంది. విభిన్న కథనాలతో సినిమాలను తెరకెక్కించే తేజ దర్శకత్వం వహిస్తున్నారు.  ఈ సినిమా జూన్‌ 2న విడుదల థియేటర్లలో కానుంది. ఈ సందర్భంగా మూవీ ప్రమోషన్స్‌ కార్యక్రమాలతో బిజీగా ఉన్నారు తేజ. (ఇది చదవండి: ఉదయ్‌కిరణ్‌ డెత్‌ మిస్టరీ.. ఏమీ తెలియనట్లు నటిస్తున్నారు: తేజ) తాజాగా ఓ ఇంటర్వ్యూలో పాల్గొన్న ఆయన తన బాల్యంలో ఎదురైన ఇబ్బందులను పంచుకున్నారు.  తన చిన్నప్పుడు ఫుట్‌ పాత్‌ మీద పడుకున్న రోజుల గురించి తెలిపారు. చిన్నప్పుడే తల్లిదండ్రులను కోల్పోయానని.. ఆ తర్వాతే ఆర్థికంగా ఎన్నో ఇబ్బందులు చూశానని చెప్పుకొచ్చారు.   తేజ మాట్లాడుతూ.. 'మేము చెన్నైలో ఉండేవాళ్లం. నాకు ఒక అక్క, ఒక చెల్లి. నా బాల్యంలో మాకు ఆస్తులు బాగానే ఉండేవి. నాకు ఊహ తెలిసే సరికి అమ్మ చనిపోయారు. ఆ బెంగతో నాన్న కొంతకాలానికే కన్నుమూశారు. ఆ పరిస్థితుల్లో మా భవిష్యత్తు తలకిందులైంది. మా బంధువులే మమ్మల్ని పంచుకున్నారు. అక్క ఒక చోట. నేనూ, చెల్లి మరో చోట ఉండాల్సి వచ్చింది. మమ్మల్ని చూసుకున్నందుకు వాళ్లు కూడా కొన్ని ఆస్తులు తీసుకున్నారు. అంతే కాకుండా ఓరోజు నన్ను ఆరు బయట పడుకోమన్నారు. నేను ఆ రోజు రాత్రే  పారిపోయా. ఫుట్‌పాత్‌పై పడుకున్నా. ఈ రోజు నేను ఈ స్థాయికి వచ్చానంటే కేవలం సినిమా వల్లే.' అంటూ తను పడిన బాధలను వివరించారు.  (ఇది చదవండి: మీ కోసమే వచ్చా.. సల్లు భాయ్‌కి ప్రపోజ్‌ చేసిన అమ్మాయి!) మహేశ్ బాబు హీరోగా నటించిన నిజం అనుకున్నంతగా ఆడకపోవడంతో సినిమాపై ఏకాగ్రత కోల్పోయానని అన్నారు. ఆ తర్వాత మా అబ్బాయికి ఆరోగ్యం బాగాలేక పోవడంతో సుమారు నాలుగేళ్లపాటు సినిమాకు దూరంగా ఉన్నానని తెలిపారు. నేనే రాజు నేనే మంత్రి మూవీతో తిరిగి హిట్‌ అందుకున్నా అని తేజ వెల్లడించారు.

‘‘ఫలానా జానర్‌కు పరిమితం కాకుండా ఓ నటిగా డిఫరెంట్‌ సినిమాలు, పాత్రలు చేయాలని ఉంది’’ అన్నారు హీరోయిన్‌ గీతికా తివారి. దగ్గుబాటి అభిరామ్‌ హీరోగా పరిచయం అవుతున్న చిత్రం ‘అహింస’. ఈ చిత్రంలో గీతికా తివారి హీరోయిన్‌గా నటించారు. తేజ దర్శకత్వంలో పి. కిరణ్‌ నిర్మించిన ఈ చిత్రం జూన్‌ 2న విడుదల కానుంది. ఈ సందర్భంగా బుధవారం జరిగిన విలేకర్ల సమావేశంలో గీతికా తివారి మాట్లాడుతూ– ‘‘మాది మధ్యప్రదేశ్‌లోని జబల్‌పూర్‌. గ్రాడ్యుయేషన్‌ పూర్తయ్యాక యాక్టర్‌గా కొన్ని కమర్షియల్‌ యాడ్స్‌ చేశాను. ఆ తర్వాత సినిమాల్లోకి రావాలనుకున్నాను. తేజగారితో సినిమాలు చేసిన చాలామంది కొత్త నటీనటులు ఇండస్ట్రీలో సక్సెస్‌ అయ్యారు. ఇలా కొత్తవారిని పరిచయం చేయడంలో తేజగారిది లక్కీ హ్యాండ్‌. ఆయన సినిమా ద్వారా ఇప్పుడు నేను హీరోయిన్‌గా ఇండస్ట్రీకి పరిచయం అవుతుండటం చాలా సంతోషంగా ఉంది. ‘అహింస’లో చేసిన అహల్య పాత్ర నాకు పెద్ద సవాల్‌ అనిపించింది. కొన్ని సన్నివేశాలకు ఎక్కువ టేక్స్‌ తీసుకున్నాను. కానీ సింగిల్‌ టేక్‌లో పూర్తి చేసిన సందర్భాలు కూడా ఉన్నాయి’’ అని అన్నారు.

నిర్మాత సురేష్‌ బాబు తనయుడు, హీరో రానా సోదరుడు అభిరామ్‌ హీరోగా ఎంట్రీ ఇస్తున్న చిత్రం​ అహింస. తేజ దర్శకత్వంలో పి. కిరణ్‌ నిర్మించిన ఈ సినిమా జూన్‌2న రిలీజ్‌ కానుంది. లవ్‌, యాక్షన్‌ ఎంటర్‌టైనర్‌గా రూపొందిన చిత్రం​ అహింస. చదవండి: ‘తొలిప్రేమ’ తర్వాత అవకాశాలు వచ్చినా కాదనుకున్నాను: వాసుకి  ఇప్పటికే విడుదలైన ప్రమోషనల్‌ కంటెంట్‌ సినిమాపై క్యూరియాసిటీని పెంచింది. సినిమా కూడా అందర్నీ అలరించేలా ఉంటుంది అని చిత్రయూనిట్‌ పేర్కొంది. ఈ చిత్రానికి సంగీతం ఆర్పీ పట్నాయక్‌, కెమెరా సమీర్‌ రెడ్డి

ప్రముఖ నిర్మాత సురేశ్‌బాబు తనయుడు, హీరో రానా సోదరుడు అభిరామ్‌ హీరోగా పరిచయమవుతున్న చిత్రం అహింస. తేజ దర్శకత్వం వహించిన ఈ చిత్రంలో గీతికా తివారీ హీరోయిన్‌. ఆనంది ఆర్ట్‌ క్రియేషన్స్‌ పతాకంపై పి.కిరణ్‌ నిర్మించారు. కాగా అహింస సినిమాను వేసవి కానుకగా ఏప్రిల్‌ 7న రిలీజ్‌ చేయనున్నట్లు చిత్రబృందం వెల్లడించింది. యూత్‌ఫుల్‌ లవ్‌, యాక్షన్‌ ఎంటర్‌టైనర్‌గా అహింస ఉంటుంది అని చిత్రయూనిట్‌ పేర్కొంది. రజత్‌ బేడీ, సదా, రవి కాలే, కమల్‌ కామరాజు, మనోజ్‌ టైగర్‌, కల్పలత, దేవీ ప్రసాద్‌ నటించిన ఈ చిత్రానికి సమీర్‌ రెడ్డి కెమెరామన్‌గా వ్యవహరిస్తుండగా ఆర్పీ పట్నాయక్‌ సంగీతం అందిస్తున్నారు. A film engraved with rooted emotions & rustic characters🔥#Ahimsa -“A LOVE STORY NEVER TOLD BEFORE” - https://t.co/KUZbW0k8LK In Theatres WW on April 7th❤️‍🔥 A FILM by @tejagaru🎬@rppatnaik #Kiran #AbhiramMohanNarayan @Geethikaactor #Sadaa @AnandiArtsOffl @jungleemusicSTH pic.twitter.com/X5F22canuY — Suresh Productions (@SureshProdns) March 5, 2023

దగ్గుబాటి అభిరామ్‌ను హీరోగా పరిచయం చేస్తున్నారు డైరెక్టర్‌ తేజ. ప్రస్తుతం వీరిద్దరి కాంబినేషన్‌లో అహింస అనే చిత్రం తెరకెక్కతుతున్న సంగతి తెలిసిందే. ప్రేమ‌క‌థ నేప‌థ్యంలో తెర‌కెక్కుతున్న ఈ చిత్రంలో గీతికా హీరోయిన్‌గా న‌టిస్తోంది. ఆనంది ఆర్ట్స్ క్రియేష‌న్స్ బ్యాన‌ర్‌పై పీ కిర‌ణ్ ఈ చిత్రాన్ని తెరకెక్కిస్తున్నారు. ఇప్ప‌టికే టీజర్‌ను విడుదల చేసిన మేకర్స్‌.. తాజాగా ఈ చిత్రం నుంచి కమ్మగుంటదే పిల్లా అనే లిరికల్‌ సాంగ్‌ను విడుదల చేశారు. చంద్ర బోస్ సాహిత్యం అందించిన ఈ పాటని కాలభైరవ – కీర్తన శ్రీనివాస ఆలపించారు. గ్రామీణ ప్రాంత నేపథ్యంలోని లొకేషన్స్ లో చిత్రీకరించిన ఈ పాట ఆకట్టుకుంటుంది. సదా, సముద్రఖని ఈ సినిమాలో కీలక పాత్రల్లో కనిపించనున్నారు.

దగ్గుబాటి అభిరామ్‌ను హీరోగా పరిచయం చేస్తున్నారు డైరెక్టర్‌ తేజ. ప్రస్తుతం వీరిద్దరి కాంబినేషన్‌లో అహింస అనే చిత్రం తెరకెక్కతుతున్న సంగతి తెలిసిందే.ప్రేమ‌క‌థ నేప‌థ్యంలో తెర‌కెక్కుతున్న ఈ చిత్రంలో గీతికా హీరోయిన్‌గా న‌టిస్తోంది. తాజాగా ఈ సినిమా టీజర్‌ను విడుదల చేశారు మేకర్స్‌. ఒక ఇంగ్లీష్ (ముద్దు) ఇవ్వు..పోనీ తెలుగు ఇవ్వు అని హీరోయిన్‌ చెప్పే డైలాగ్‌తో టీజర్‌ ప్రారంభమవుతుంది.   హీరో హీరోయిన్ల మ‌ధ్య సాగే లవ్ ట్రాక్‌తో మొద‌లైన టీజ‌ర్‌.. యాక్షన్‌ సన్నివేశాలతో క్యూరియాసిటీ పెంచుతుంది. ఇటీవలె ఈ సినిమా షూటింగ్‌ కంప్లీట్‌ అయ్యింది. ప్రస్తుతం పోస్ట్‌ ప్రొడక్షన్‌ పనులు జరుపుకుంటున్న ఈ చిత్రం ఈ ఏడాది చివర్లో విడుదల కానుంది.  ఆనంది ఆర్ట్స్ క్రియేష‌న్స్ బ్యాన‌ర్‌పై పీ కిర‌ణ్ ఈ చిత్రాన్ని తెరకెక్కిస్తున్నారు. సదా ఈ సినిమాలో కీలక పాత్రలో కనిపించనుంది. 

దగ్గుబాటి అభిరామ్‌ను హీరోగా పరిచయం చేస్తున్నారు డైరెక్టర్‌ తేజ. ప్రస్తుతం వీరిద్దరి కాంబినేషన్‌లో అహింస అనే చిత్రం తెరకెక్కతుతున్న సంగతి తెలసిందే. ఇటీవలె ఈ సినిమా షూటింగ్‌ కంప్లీట్‌ అయ్యింది. ప్రస్తుతం పోస్ట్‌ ప్రొడక్షన్‌ పనులు జరుపుకుంటున్న ఈ చిత్రం ఈ ఏడాది చివర్లో విడుదల కానుంది. ఈ సందర్భంగా ఈ సినిమా నుంచి ఇంట్రెస్టింగ్‌ గ్లింప్స్‌ను విడుదల చేశారు మేకర్స్‌. ఇందులో హీరోని కొందరు అడవిలో తీసుకెళ్తుండగా అతను తప్పించుకొని పారిపోవడానికి ప్రయత్నించడం, తర్వాత వాళ్లు మళ్లీ లాక్కొచ్చి కొడుతుంటారు. ఈ గ్లింప్స్‌ సినిమాపై మరింత క్యూరియాసిటీని క్రియేట్‌ చేస్తుంది.ఈ చిత్రంలో అభిరామ్‌కు జోడీగా గీతికా తివారి హీరోయిన్‌గా న‌టించింది.  ఆర్పీ పట్నాయక్ ఈ చిత్రానికి సంగీతం అందిస్తున్నారు. 

Abhiram Troubles Director Teja Over Ahimsa Shooting?: దర్శకుడు తేజ గురించి టాలీవుడ్ ప్రేక్షకులకు పెద్దగా పరిచయం అక్కర్లేదు. ఉదయ్‌ కిరణ్‌, నితిన్‌, నవదీప్‌ లాంటి యంగ్‌ హీరోలను తెలుగు తెరకు పరిచయం చేసిన గొప్ప డైరెక్టర్‌ ఆయన. ఒకప్పుడు తేజ చిత్రాలకు యమ క్రేజ్‌ ఉండేది. ఎన్నో ఫ్లాప్‌ల అనంతరం నేనే రాజు నేనే మంత్రి మూవీతో హిట్‌ అందుకున్నాడు తేజ. అదే జోష్‌లో తేజ ఇప్పుడు దగ్గుబాటి మరో వారసుడు, రానా తమ్ముడు అభిరాంను హీరోగా పరిచయం చేస్తున్న సంగతి తెలిసిందే. ఈ మూవీకి అహింస అనే టైటిల్‌ను ఖరారు చేస్తూ ఇటివల అభిరాం ఫస్ట్‌లుక్‌ను కూడా విడుదల చేశారు మేకర్స్‌. చదవండి: అసభ్యకర సంజ్ఞతో స్టార్‌ హీరోయిన్‌ ఫైర్‌, పక్కనే షారుఖ్‌.. ఫోటో వైరల్‌ దీనికి మంచి రెస్పాన్స్‌ వచ్చింది. ఇక ఈ నెలాఖరు వరకు శరవేగంగా షూటింగ్‌ను పూర్తి చేసి ప్రమోషన్‌ కార్యాక్రమాలు, పోస్ట్‌ ప్రోడక్షన్‌ పనులను స్టార్ట్‌ చేయాలని తేజ ప్లాన్‌ చేస్తున్నాడట. అయితే దీనికి అభిరాం సహకరించకుండ ఇబ్బంది పెడుతున్నట్లు ఫిలిం సర్కీల్‌లో జోరుగా ప్రచారం జరుగుతోంది. తన డెబ్యూ మూవీ విషయంలో అభిరాం చాలా నిర్లక్ష్య ధోరణి చూపిస్తు‍న్నాడని, అతడి యాటిట్యూడ్‌ తీరుకు తేజ విసిగిపోయినట్లు టీ-టౌన్‌లో గుసగుసలు వినిపిస్తున్నాయి. ఇటీవల షూటింగ్‌కు రావాల్సిందిగా అభిరాంకు తేజ ఫోన్‌ చేయగా.. కాలికి గాయమైందని, రెస్ట్‌ కావాలని అడిగాడట. చదవండి: RRR: తారక్‌, చరణ్‌, రాజమౌళితో యాంకర్‌ సుమ రచ్చ రచ్చ అయితే తీరా చూస్తే అభిరాం అబద్ధం చెప్పి స్నేహితులతో పార్టీకి వెళ్లినట్లు తేజ దృష్టికి వెళ్లింది. ఇలా ఒక్కసారి కాదు చాలాసార్లు చిన్నచిన్న విషయాలను సాకుగా చూపించి అభిరాం షూటింగ్‌కు డుమ్మా కొట్టాడని సినీ వర్గాల నుంచి సమాచారం. ఇక అతడి తీరుపై అసహానికి లోనైన తేజ అభిరాం గురించి తండ్రి సురేశ్‌ బాబుకు చెప్పినట్లు సమాచారం. ‘ఫస్ట్‌మూవీకే యాటిట్యూడ్‌ చూపిస్తే ఫ్యూచర్‌ ఉండదంటూ’ నెటిజన్లు అభిరాంపై విమర్శలు గుప్పిస్తున్నారు. అయితే ఈ వార్తల్లో నిజమెత్తుందో తెలియదు. దీనిపై మరింత క్లారిటీ రావాల్సి ఉండగా డైరెక్టర్‌ తేజను విసిగిస్తున్న అభిరాం అంటూ వార్తలు వైరల్‌ అవుతున్నాయి. ఇక దీనిపై స్పష్టత రావాలంటే చిత్ర బృందం స్పందించే వరకు వేచి చూడాలి. 

శింబు హీరోగా ఇటీవల వచ్చిన మానాడు చిత్రం​ సూపర్‌ హిట్‌ అయిన సంగతి తెలిసిందే. వెంకట్ ప్రభు దర్శకత్వంలో వచ్చిన ఈ చిత్రంలో శింబుకు జోడీగా కల్యాణి ప్రియదర్శన్‌ నటించింది. పొలిటికల్‌ బ్యాక్‌డ్రాప్‌లో తెరకెక్కిన ఈ చిత్రానికి అభిమానుల నుంచి అద్భుతమైన రెస్పాన్స్‌ వచ్చింది. ఇప్పుడు ఇదే ఈ సినిమాను తెలుగులో రీమేక్‌ చేయనున్నట్లు కొద్ది రోజులుగా వార్తలు వస్తున్నాయి. తెలుగు రీమేకర్‌లో రానా నటిస్తున్నట్లు రీసెంట్‌గా వార్తలు వినిపించాయి. చదవండి: బాలయ్య మూవీ ఆఫర్‌ వదులకున్న నటి రాశి, ఆ సీన్‌పై అభ్యంతరంతోనేనట.. తాజాగా మానాడు రీమేక్‌ అతడి సోదరుడు అభిరామ్‌ చేస్తున్నట్లు తెలుస్తోంది. కాగా ఇప్పటికే ఈ మూవీ రీమేక్‌ హక్కులను సురేష్‌ ప్రొడక్షన్‌ సొంతం చేసుకున్న సంగతి తెలిసిందే. దీంతో మొదట ఈ రీమేక్‌లో రానా నటించనున్నాడని టాక్‌ వినిపించగా.. తాజాగా అభిరామ్‌ పేరు తెరపైకి వచ్చింది. ఇక త్వరలోనే దీనిపై అధికారిక ప్రకటన కూడా వెలువడనుందట.  ప్రస్తుతం తేజ దర్శకత్వంలో అభిరామ్ ఒక సినిమా చేస్తున్నాడు. అది పూర్తి కాగానే 'మానాడు' రీమేక్ మొదలవుతుందని అంటున్నారు.

ప్రముఖ నిర్మాత డి. సురేశ్‌ బాబు తనయుడు దగ్గుబాటి అభిరామ్‌ హీరోగా పరిచయం కానున్న సంగతి తెలిసిందే. ఈ సినిమాను తేజ దర్శకత్వంలో ఆనంది ఆర్ట్స్‌ పతాకంపై ‘జెమిని’ కిరణ్‌ నిర్మించనున్నారు. తాను హీరోగా పరిచయం కానున్న సినిమా పనులను షురూ చేశారు అభిరామ్‌. ఈ చిత్రం పూజా కార్యక్రమాలు హైదరాబాద్‌లోని ఓ ప్రముఖ స్టూడియోలో ఆదివారం జరిగాయని తెలిసింది. ఆగస్టు నుంచి ఈ సినిమా రెగ్యులర్‌ షూటింగ్‌ ప్రారంభిం చేందుకు సన్నాహాలు చేస్తున్నారని సమాచారం.ఆర్‌.పి పట్నాయక్‌ ఈ సినిమాకు సంగీతం అందించనున్నారు.

దగ్గుబాటి అభిరామ్‌.. ప్రముఖ నిర్మాత సురేశ్‌ బాబు చిన్న కొడుకు ఇతడు. అదిగో వస్తున్నాడు, ఇదిగో వస్తున్నాడు అంటూ కొన్నేళ్లుగా అతడి సినిమా ఎంట్రీ గురించి వార్తలు వస్తూనే ఉన్నాయి. చివరికి అవి నిజమవకుండా మిగిలిపోతూ వచ్చాయి. తాజాగా మరోసారి అతడి రంగప్రవేశం గురించి సిన్మా దునియాలో గుసగుసలు మొదలయ్యాయి. నటుడు, నిర్మాత రవిబాబుతో అభిరామ్‌ తొలి సినిమా తీయనున్నట్లు టాక్‌ వినిపిస్తోంది. సాదాసీదా కథలు కాకుండా ఓ వెరైటీ కాన్సెప్ట్‌తో ఈ మూవీ రూపుదిద్దుకోనున్నట్లు సమాచారం. ఈ పాటికే రవిబాబు తను సిద్ధం చేసిన కథను సురేశ్‌ బాబుకు వినిపించగా అతడికి నచ్చిందని అంటున్నారు. అయితే మరిన్ని చర్చలు జరిపిన తర్వాతే ఈ సినిమా ఫైనలైజ్‌ అయ్యే అవకాశం ఉంది. మరి ఈ సారైనా అభిరామ్‌ హీరో ఎంట్రీ ఖాయం కానుందా? లేదా మరింత ఆలస్యం కానుందా? అన్నది తెలియాల్సి ఉంది. చదవండి: రూ.50 కోట్ల మార్క్‌ చేరుకున్న 'లవ్‌ స్టోరీ' కామ్రేడ్‌గా చరణ్‌.. ఆచార్య సెట్‌లో నాన్నతో ఇలా..

గచ్చిబౌలి: ఓ వ్యక్తి టెస్ట్‌ డ్రైవింగ్‌ చేస్తుండగా బ్రీజా కారు, యువ హీరో దగ్గుబాటి రానా సోదరుడు దగ్గుబాటి అభిరామ్‌ బీఎండబ్ల్యూ కారు మణికొండలో ఢీకొన్నాయి. ఈ ఘటనలో రెండు కార్లు పాక్షికంగా ధ్వంసమైనట్లు పోలీసులు తెలిపారు. రాయదుర్గం ఇన్‌స్పెక్టర్‌ రవిందర్‌ సమాచారం మేరకు... కరీంనగర్‌ జిల్లా ఆరేపల్లి గ్రామానికి చెందిన రాజు అనే వ్యక్తి మెకానిక్‌ లక్ష్మణ్‌ ద్వారా బ్రీజా కారు కొనేందుకు నగరానికి వచ్చాడు. మణికొండలో యజమాని నుంచి టెస్ట్‌ డ్రైవ్‌ కోసం కారు తీసుకొని స్నేహితుడు సతీష్‌ కలిసి  డ్రైవ్‌కు వెళ్లాడు. పంచవటి కాలనీలో మల్లెమాల ప్రొడక్షన్‌ హౌస్‌ వద్ద పక్క రోడ్డులోంచి వచ్చినా బీఎండబ్ల్యూ కారు, బ్రీజా కారు పరస్పరం ఢీకొట్టుకున్నాయి. రాజుతో పాటు దగ్గుబాటి అభిరామ్‌లు బుధవారం సాయంత్రం రాయదుర్గం పీఎస్‌లో ఫిర్యాదు చేశారు. బ్రీజా కారు ఎక్కువగా డ్యామేజీ అయ్యిందని ఇన్‌స్పెక్టర్‌ తెలిపారు. కారు నడిపిన ఇద్దరికీ బ్రీత్‌ ఎనలైజర్‌ చేయగా ఎవరూ మద్యం మత్తులో లేరని తేలిందన్నారు. సీసీ కెమెరాలను పరిశీలిస్తేనే తప్పు ఎవరిదనే విషయం తెలుస్తుందన్నారు. కేసు దర్యాప్తులో ఉంది.

సాక్షి, హైదరాబాద్‌: ప్రముఖ సినీ నిర్మాత దగ్గుబాటి సురేశ్‌బాబు కుమారుడు అభిరామ్‌కు బెదిరింపులు ఎదురయ్యాయి. అతడి సెల్‌ఫోన్‌ను తస్కరించిన నలుగురు దుండగులు అందులో ఉన్న ‘ఆ ఫొటోలు’బయట పెడతామంటూ బ్లాక్‌ మెయిలింగ్‌కు దిగారు. అవి బయటపెట్టకుండా ఉండా లంటే రూ.1.5 కోట్లు చెల్లించాలంటూ ఈ–మెయిల్‌ పెట్టారు. సురేశ్‌బాబు ఫిర్యాదుతో కేసు నమోదు చేసుకున్న సైబర్‌ క్రైమ్‌ పోలీసులు గత వారం నలుగురు నిందితుల్ని అరెస్టు చేశారు. ఈ విషయాన్ని గోప్యంగా ఉంచిన పోలీసులు బుధవారం మీడియాకు వెల్లడించారు.  ఫోన్‌ తస్కరించి.. మెయిల్‌ చేసి..  అభిరామ్‌తో ఓ మహిళ సన్నిహితంగా ఉన్న ఫొటోలు ఇటీవల బయటకు వచ్చిన సంగతి తెలిసిందే. ఈ వ్యవహారాన్ని నిశితంగా గమనించిన నలుగురు యువకులు అభిరామ్‌ ఫోన్‌ను తస్కరించాలని పథకం వేశారు. అందులో ఉన్న అంశాలను క్యాష్‌ చేసుకోవాలని భావించారు. ఈ క్రమంలోనే గత నెలలో అభిరామ్‌ ఓ రెస్టారెంట్‌లో ఉన్న సమయంలో అతడి ఐఫోన్‌ను తస్కరించారు. దాని పాస్‌వర్డ్‌ను క్రాక్‌ చేసిన దుండగులు అందులో ఉన్న ఫొటోలు, వీడియోల్లో ‘కొన్నింటిని’చూశారు. వీటిని అడ్డం పెట్టుకుని అభిరామ్, సురేశ్‌బాబు నుంచి డబ్బు గుంజడానికి నిర్ణయించుకున్నారు. దీనికోసం ప్రత్యేకంగా ఓ ఈ–మెయిల్‌ ఐడీని క్రియేట్‌ చేసి, దాని నుంచి గత నెల 24న అభిరామ్‌కు మెయిల్‌ పంపారు. అందులో ‘ఆ ఫొటోలు, వీడియోల’విషయం ప్రస్తావిస్తూ వాటిని సోషల్‌ మీడియాలో పెడతామని బెదిరించారు. అవి బయటపెట్టకుండా ఉండాలంటే తమకు రూ.1.5 కోట్లు చెల్లించాలని డిమాండ్‌ చేశారు. నలుగురిని అరెస్ట్‌ చేసిన పోలీసులు  ఈ–మెయిల్‌ చూసి కంగుతిన్న సురేశ్‌బాబు గత నెల్లో నగర పోలీసు కమిషనర్‌ను కలసి ఫిర్యాదు చేశారు. ఆయన ఆదేశాల మేరకు కేసు నమోదు చేసుకున్న సైబర్‌ క్రైమ్‌ పోలీసులు సాంకేతికంగా దర్యాప్తు చేశారు. బాధ్యులుగా గుర్తించిన కె.రఘురామవర్మ(పశ్చిమగోదావరి జిల్లా నేలమర్రుకు చెందిన నిరుద్యోగి), ఎన్‌.కార్తీక్‌(పశ్చిమగోదావరి జిల్లా భీమవరానికి చెందిన నిరుద్యోగి), తిరుమలశెట్టి నాగవెంకటసాయి(కూకట్‌పల్లిలో కూరగాయలు అమ్మే నేలమర్రు వాసి), పి.చంద్రకిషోర్‌(చింతల్‌లో ఉండే పశ్చిమగోదావరి జిల్లా పెందుర్రుకు చెందిన ప్రైవేట్‌ ఉద్యోగి)లను అరెస్టు చేశారు. సాయి, కిషోర్‌ అభిరామ్‌ ఫోన్‌ తస్కరించి మిగిలిన వారికి ఇచ్చి ఉంటారని పోలీసులు అనుమానిస్తున్నారు. నిందితులు ఏ ఫొటోలు, వీడియోల పేర్లు చెప్పి బ్లాక్‌మెయిల్‌ చేశారనేది గోప్యంగా ఉంచారు.

టాలీవుడ్ ఇండస్ట్రీలో వారసుల జోరు బాగా కనిపిస్తోంది. మెగా ఫ్యామిలీ నుంచి ఏకంగా అరడజనుకు పైగా హీరోలు సందడి చేస్తుంటే, నందమూరి, అక్కినేని ఫ్యామిలీల నుంచి కూడా వారసులు క్యూ కడుతున్నారు. అదే బాటలో ఇప్పుడు మరో సినీ కుటుంబం నుంచి యంగ్ హీరో ఎంట్రీకి రెడీ అవుతున్నాడు. నిర్మాతగా తెలుగు సినీ రంగాన్ని శాసించిన దగ్గుబాటి రామానాయుడు కుటుంబం నుంచి మరో హీరో తెరంగేట్రానికి రెడీ అవుతున్నాడు. ఇప్పటికే సీనియర్ హీరో వెంకటేష్ తో పాటు, యంగ్ హీరో రానాలు టాలీవుడ్ స్క్రీన్ పై సందడి చేస్తుండగా ఇప్పుడు రానా తమ్ముడు అభిరామ్ హీరోగా ఎంట్రీ ఇచ్చేందుకు సిద్ధమవుతున్నాడు. గతంలో లేడీస్ టైలర్ సీక్వల్ తో అభిరామ్ హీరోగా ఎంట్రీ ఇస్తాడన్న ప్రచారం జరిగినా ఆ సినిమా సుమంత్ అశ్విన్ చేశాడు. తాజాగా మరోసారి అభిరామ్ ఎంట్రీపై వార్తలు వినిపిస్తున్నాయి. భాను శంకర్ దర్శకత్వంలో అభిరామ్ హీరోగా పరిచయం కాబోతున్నాడట. ఈ సినిమాను సురేష్ ప్రొడక్షన్స్ బ్యానర్ లో నిర్మించే అవకాశం ఉంది.


 టాలీవుడ్లో స్టార్ వారసుల తెరంగేట్రాలు కొనసాగుతూనే ఉన్నాయి. ఇప్పటికే పదుల సంఖ్యలో వారసులు  వెండితెర మీద సందడి చేస్తుండగా.. ఇప్పుడు ఈ లిస్ట్ లోకి మరో యంగ్ హీరో చేరబోతున్నాడు. డి.రామానాయుడి మనవడు, నిర్మాత సురేష్ బాబు తనయుడు, హీరో వెంకటేష్ అన్న కొడుకు, యంగ్ హీరో రానా తమ్ముడు అయిన అభిరామ్ త్వరలోనే తెరంగేట్రానికి రెడీ అవుతున్నాడు.
 
 ఇప్పటికే నటనలో శిక్షణ తీసుకుంటున్న అభిరామ్, తొలి సినిమాపై ఇంట్రస్టింగ్ వార్త టాలీవుడ్ సర్కిల్స్లో వినిపిస్తోంది. సీనియర్ దర్శకుడు వంశీ ముప్పయ్యేళ్ల క్రితం, రాజేంద్ర ప్రసాద్ హీరోగా తెరకెక్కించిన లేడీస్ టైలర్ సినిమాకు సీక్వల్ను రూపొందించే ఆలోచనలో ఉన్నాడు. ఈ సినిమాతో దగ్గుబాటి అభిరామ్ను తెరకు పరిచయం చేయాలని భావిస్తున్నారట. త్వరలోనే ఈ సినిమాకు సంబందించిన అఫీషియల్ ఎనౌన్స్మెంట్ కూడా రానుందన్న టాక్ వినిపిస్తోంది.


 టాలీవుడ్ ఇండస్ట్రీలో వారసుల జోరు బాగా కనిపిస్తోంది. మెగా ఫ్యామిలీ నుంచి ఏకంగా అరడజనుకు పైగా హీరోలు సందడి చేస్తుంటే, నందమూరి, అక్కినేని ఫ్యామిలీల నుంచి కూడా వారసులు క్యూ కడుతున్నారు. అదే బాటలో ఇప్పుడు మరో సినీ కుటుంబం నుంచి యంగ్ హీరో ఎంట్రీకి రెడీ అవుతున్నాడు. నిర్మాతగా తెలుగు సినీ రంగాన్ని శాసించిన దగ్గుబాటి రామానాయుడు కుటుంబం నుంచి మరో హీరో తెరంగేట్రానికి రెడీ అవుతున్నాడు.
 
 ఇప్పటికే సీనియర్ హీరో వెంకటేష్తో పాటు, యంగ్ హీరో రానాలు టాలీవుడ్ స్క్రీన్పై సందడి చేస్తుండగా ఇప్పుడు రానా తమ్ముడు అభిరామ్ హీరోగా ఎంట్రీ ఇవ్వడానికి ప్లాన్ చేసుకుంటున్నాడు. ఇప్పటికే నిర్మాణ రంగంలో తన మార్క్ చూపిస్తున్న అభిరామ్ తన బాడీ లాంగ్వేజ్కు తగ్గ కథ కోసం వెతకటం మొదలు పెట్టాడు. త్వరలోనే తాను హీరోగా తెరకెక్కబోయే సినిమా విషయంలో ఓ నిర్ణయం తీసుకోనున్నాడు.


 నెల్లిమర్ల: మంచి కథ కోసం వేచిచూస్తున్నానని గోపాల గోపాల చిత్ర నిర్మాత దగ్గుబాటి సురేష్‌బాబు తనయుడు అభిరామ్ అన్నారు. ఆయన రామతీర్థంలోని శ్రీ రాముడ్ని శనివారం సందర్శించారు. ఆలయ అర్చకులు అభిరామ్ పేరిట ప్రత్యేక పూజలు జరిపించారు. అలాగే ఆశీర్వచనం ఇచ్చారు. ఆలయ వృత్తాంతాన్ని వివరించారు. ఈ సందర్భంగా అభిరామ్ విలేకరులతో మాట్లాడుతూ గోపాల గోపాల సినిమా తెలుగు చలనచిత్ర చరిత్రను బ్రేక్ చేస్తుందన్నారు. అంచనాలకు మించి ఆదరణ లభిస్తోందని చెప్పారు.
  
 సినిమా ప్రదర్శిస్తున్న అన్ని థియేటర్లను సందర్శిస్తున్నట్టు చెప్పారు. గోపాలగోపాల వంటిమంచి చిత్రాలు నిర్మించేందుకు కథల కోసం వేచి చూస్తున్నామన్నారు. ఇప్పటికే పలువురు రచయితలు తమకు కథలు వినిపించారని, అయితే మరింత విభిన్నమైన కథల కోసం ఎదురుచూస్తున్నామన్నారు. ఐదు శతాబ్దాల చరిత్ర కలిగిన రామతీర్థం దేవస్థానాన్ని దర్శించుకోవడంతనకెంతో ఆనందం కలిగించిందని చెప్పారు. ఆయనతో పాటు స్టూడియో పంతులు ఉన్నారు.
  
 nellimarla, raamatheertham, gopala gopala movie, daggubati abhiram,
 నెల్లిమర్ల, రామతీర్థం, గోపాల గోపాల చిత్రం, దగ్గుబాటి అభిరామ్