పాత నీరుపోవడం, కొత్త నీరు రావడం సహజం. అలా సినిమాల్లోనూ కొత్త ప్రవాహం వస్తూనే ఉంటారు. వారిలో నిలబడేది ఎందరన్నదే ప్రశ్న. అలా 'జిగిరి దోస్త్' అనే సినిమాతో ముగ్గురు నటులు, హీరోలుగా పరిచయమవుతున్నారు. వీరిలో షారీక్‌ హాసన్‌ ఒకరు. ఇతను బిగ్‌బాస్‌ రియాల్టీ షోలో గతంలో పాల్గొన్నాడు. ప్రముఖ నటుడు రియాజ్‌ ఖాన్‌, ఉమా రియాజ్‌ఖాన్‌ల వారసుడు. తమిళంలో 'పెన్సిల్' చిత్రంలో ప్రతినాయకుడిగా నటించి ఆకట్టుకున్న షారీక్.. ఇప్పుడు హీరోగా ఛాన్స్ కొట్టేశాడు. (ఇదీ చదవండి: బిగ్‌బాస్ 7: శివాజీని తిట్టడానికే భయపడుతున్న నాగ్.. మరీ ఇలా అయితే ఎలా?) ఈ సినిమాలో షారీక్‌తో పాటు అరన్‌.వీ, వీజే.ఆషిక్‌ హీరోలుగా నటిస్తున్నారు. అమ్ము అభిరామి, పవిత్రాలక్ష్మి, అనుపమా కుమార్‌ హీరోయిన్లు. అరన్‌.వీ దర్శకుడు. ఈయన డైరెక్టర్ శంకర్‌‌కి శిష్యుడు. విక్కీ, రిషి, లోకి అనే ముగ్గురు బాల్యస్నేహితుల కథనే ఈ సినిమా అని దర్శకుడు చెప్పుకొచ్చాడు. ఈ ముగ్గురు ఫ్రెండ్స్ మహాబలిపూరం ట్రిప్‌కి వెళ్తే, అక్కడ ఓ యువతిని ఒక గ్యాంగ్‌ కిడ్నాప్‌ చేయడం వీళ్లు చూస్తారు. మరి ఈ ముగ్గురు ఆ అమ్మాయిని కాపాడారా లేదా అనేది స్టోరీ. (ఇదీ చదవండి: Bigg Boss 7 : అమ్మాయిలపై శివాజీ వెకిలి కూతలు.. ఇదేం పద్దతి బాసూ..?)

ఇటీవలే మొదలైన తమిళ బిగ్ బాస్ మొదటి వారం నుంచే హాట్‌హాట్‌గా మారింది. బిగ్ బాస్ తమిళ సీజన్- 7లో ప్రముఖ నటి వనిత విజయ్ కుమార్ కుమార్తె  జోవికా కంటెస్టెంట్‌గా ఎంట్రీ ఇచ్చిన సంగతి తెలిసిందే. అయితే హౌస్‌లో మరో కంటెస్టెంట్‌ అయిన విచిత్రకు జోవిక మధ్య తీవ్ర వాగ్వాదం జరిగింది. వీరిద్దరి మధ్య జరిగిన గొడవ ప్రేక్షకులను షాక్‌కు గురి చేసింది. చదువు విషయంలో తలెత్తిన ఈ గొడవపై జోవికా తల్లి, మాజీ కంటెస్టెంట్ వనిత రియాక్ట్ ‍అయ్యారు. ఈ విషయంలో తన కూతురిని చూసి గర్వపడుతున్నానని ఆమె ట్వీట్ చేశారు.   వనిత తన ట్వీట్‌లో రాస్తూ.. 'తన ఆట తనను ఆడనివ్వండి. నా కూతురిని చూసి నేను గర్విస్తున్నా. తన కూతురు ధనిక కుటుంబం నుంచి రాలేదు. నేను కూడా నా జీవితంలో చాలా  కష్టపడ్డా. నాకు ఇద్దరు కుమార్తెలు ఉన్నారు. ప్రతి బిడ్డ తన సొంత మార్గంలో వెళ్లాలనే ప్రత్యేక లక్ష్యాలు ఉంటాయి. నేను ఒక తల్లిగా నా వంతు కృషి చేస్తున్నా. నా ఇద్దరు కుమార్తెలు వారి సొంత మార్గాల్లో రాణిస్తున్నారు' అని రాసుకొచ్చింది.  అంతేకాకుండా తన కూతురు ప్రొఫెషనల్ యాక్టర్ అని.. రెండు సినిమాలకు సైన్ చేసిందని వనిత తెలిపింది. జోవిక తెలుగు, తమిళ ప్రాజెక్టుల్లో నటించనున్నట్లు పేర్కొంది. చిన్న వయస్సులో తన బాధ్యతలు నిర్వర్తిస్తోందని అంటూ రాసుకొచ్చింది. కాగా.. తొలివారంలో  ఐషు, అనన్య, చెల్లదురై, కూల్ సురేష్, జోవికా, ప్రదీప్, రవీనా దాహా, యుగేంద్రన్  నామినేట్ అయ్యారు. కమల్ హాసన్ హోస్ట్ చేస్తున్న రియాలిటీ షో నుండి యుగేంద్రన్‌ ఎలిమినేట్ అయ్యే అవకాశముందని తెలుస్తోంది.  She is already a professional actor technicianw who has signed 2 films . One in telugu and one in tamil . She is working already at 18 years old understanding she has responsibilities at this young age. She is now on a paid job as everyone else — Vanitha Vijaykumar (@vanithavijayku1) October 6, 2023 But is it the end for those who cannot complete their education because they are unable to cope with the education system pressures. Fyi she is not from a rich family, I have struggled to make ends meet on a day to day basis facing family situations etc. — Vanitha Vijaykumar (@vanithavijayku1) October 6, 2023

ప్రేక్షకులకు ఎంటర్‌టైన్‌మెంట్‌ పంచే బిగ్‌బాస్‌ షోకు సౌత్‌లో ఫుల్‌ క్రేజ్‌ ఉంది. అందుకే ప్రతి ఏడాది వరుసగా సీజన్లు వస్తూనే ఉన్నాయి. ప్రస్తుతం తెలుగులో ఏడో సీజన్‌ విజయవంతంగా రన్‌ అవుతుండగా తమిళంలో ఏడో సీజన్‌ ప్రారంభానికి రెడీ అయింది. నేడే(అక్టోబర్‌ 1న) గ్రాండ్‌గా లాంచ్‌ కానుంది. ఈసారి దాదాపు 20 మంది వరకు కంటెస్టెంట్లు హౌస్‌లో అడుగుపెట్టే అవకాశం ఉందంటున్నారు. అందులో హీరోయిన్‌ శ్రీదేవి కూడా ఉందంటున్నారు. తల్లి మంజుల- తండ్రి విజయ్‌ కుమార్‌ నట వారసత్వాన్ని పుణికి పుచ్చుకున్న ఈ బ్యూటీ చైల్డ్‌ ఆర్టిస్ట్‌గా కెరీర్‌ మొదలుపెట్టింది. ఈశ్వర్‌ సినిమాతో హీరోయిన్‌గా మారింది. తెలుగులో ఇదే తన తొలి చిత్రం కావడం విశేషం. నిన్నే ఇష్టపడ్డాను, నిరీక్షణ, ఆది లక్ష్మి సహా తదితర చిత్రాలు చేసిందీ బ్యూటీ. తమిళ, కన్నడ భాషల్లోనూ సినిమాలు చేసింది. తెలుగులో ఆమె చేసిన చివరి చిత్రం.. 2011లో వచ్చిన సెల్‌ ఫోన్‌ మూవీ. ఆ తర్వాత కన్నడలో లక్ష్మి(2016) సినిమా చేసిన ఆమె చిత్రపరిశ్రమకు గుడ్‌బై చెప్పేసింది. బుల్లితెరపై మాత్రం పలు షోలకు జడ్జిగా వ్యవహరిస్తోంది. తాజాగా ఆమె తమిళ బిగ్‌బాస్‌ 7 షోలో పాల్గొననుందంటూ ప్రచారం జరుగుతోంది. మరి ఇందులో ఎంతవరకు నిజముందో చూడాలి! ఇకపోతే బిగ్‌బాస్‌ తమిళ్‌ మూడో సీజన్‌లో ఆమె సోదరి వనితా విజయ్‌కుమార్‌ పాల్గొంది. కానీ రెండో వారమే షో నుంచి ఎలిమినేట్‌ అయింది. అప్పటినుంచి టీఆర్పీ తగ్గిపోతూ వచ్చింది. తను లేని లోటు బిగ్‌బాస్‌కు తెలిసొచ్చిందో ఏమో కానీ ఆమెను వైల్డ్‌ కార్డ్‌ ద్వారా తిరిగి లోపలకు పంపించారు. అయినప్పటికీ టాప్‌ 5లో చోటు దక్కించుకోలేకపోయింది. చదవండి: ఒక్కో సినిమాకు రూ.10 కోట్లు.. నయనతార ఆస్తుల విలువెంతో తెలుసా?

తమిళ నటుడు, బిగ్‌బాస్‌ కంటెస్టెంట్‌, రాజకీయ నాయయకుడు ఆర్‌ విక్రమన్‌కు కంటి మీద కునుకు లేకుండా పోతోంది. అతడు తనను మోసం చేశాడంటూ విక్రమన్‌ మాజీ ప్రేయసి, దళితుల కార్యకర్త, న్యాయవాది కిరుబ మునుసామి సంచలన ఆరోపణలు చేస్తోంది. తనపై వేదింపులకు సైతం పాల్పడ్డాడని పేర్కొంది. ప్రస్తుతం విక్రమన్‌ విడుదలై చిరుదైగల్‌ కచ్చి(వీసీకే) పార్టీలో ఉండగా.. సదరు పార్టీ తనకు జరిగిన అన్యాయంపై స్పందించి ఈ ఘటనపై తక్షణమే దర్యాప్తు జరపాలని డిమాండ్‌ చేస్తోంది. నేను అమాయకుడిని తాజాగా ఈ ఆరోపణలపై విక్రమన్‌ స్పందించాడు. నాణానికి రెండు వైపులు ఉన్నట్లే ఈ కథలో రెండు కోణాలున్నాయన్నాడు. ఈ పూర్తి గొడవలో అసలైన బాధితుడిని తానేనన్నాడు. తన రాజకీయ, నట జీవితాన్ని దెబ్బ తీసేందుకే ఆమె ఇలా ఆరోపణలు గుప్పిస్తోంది. తనతో పెళ్లికి నిరాకరించానన్న కోపంతోనే ఇదంతా చేస్తోందంటూ వాట్సప్‌ చాట్‌ స్క్రీన్‌షాట్లు, కిరుబ రాసిన లేఖల ఫోటోలు ట్విటర్‌లో షేర్‌ చేశాడు. నిజంగా వేధిస్తే ఆ లేఖ అర్థమేంటి? '1. కిరుబ పీహెచ్‌డీ చదవడానికి యూకే వెళ్లినప్పుడు రాసిన ఉత్తరం. ఇది 2022 జూన్‌ 15న రాసింది. నేను నిజంగా వేధించేవాడినైతే.. ఎవరూ ఇలా లేఖ రాయరు. 2. నా కోసం కొన్న వస్తువులకు నేను కిరుబాకు డబ్బు చెల్లించిన సాక్ష్యాలు. తను నాకు ఇచ్చిన డబ్బులు తిరిగిచ్చేస్తానని చెప్పాను. అన్నట్లుగానే అదే మాట మీద నిలబడ్డాను.. నాపై చేసిన ప్రతి ఆరోపణను మరోసారి తీవ్రంగా ఖండిస్తున్నాను. ఇకమీదట నా గురించి ఏ తప్పుడు ఆరోపణలు చేసినా వాటిని తిప్పికొట్టేందుకు సిద్ధంగా ఉన్నాను. చట్టప్రకారమే వాటి సంగతి తేలుస్తాను' అని సోషల్‌ మీడియాలో రాసుకొచ్చాడు విక్రమాన్‌. అసలేం జరిగిందంటే? విక్రమన్‌, కిరుబ ముసుసామి ప్రేమించుకున్నారు. ఏమైందే ఏమో కానీ కొంతకాలంగా వీరు దూరంగా ఉన్నట్లు తెలుస్తోంది. అకస్మాత్తుగా ఆదివారం నాడు కిరుబ.. విక్రమన్‌పై ఆగ్రహం వ్యక్తం చేస్తూ సోషల్‌ మీడియాలో పోస్ట్‌ పెట్టింది. '2013 నుంచే విక్రమన్‌ నాకు తెలుసు. ఓ కార్యక్రమానికి నేను గెస్ట్‌గా వెళ్లాను. అందులో విక్రమన్‌ కూడా పాల్గొన్నాడు. అలా మా పరిచయం మొదలైంది. 2020 ఆగస్టులో లండన్‌కు వెళ్లినప్పుడు అతడు ఎయిర్‌పోర్ట్‌ వరకు వచ్చి మరీ వీడ్కోలు పలికాడు. అక్కడికి వెళ్లిన రెండు నెలలకే నాతో రొమాంటిక్‌గా మాట్లాడటం మొదలుపెట్టాడు. కులం పేరిట దూషణలు తనకు వీసీకే పార్టీ నుంచి పిలుపొచ్చిందని అబద్ధం చెప్పాడు. కేవలం తనకున్న కోరిక వల్ల ఆ పార్టీలో జాయిన్‌ అయ్యాడు. అప్పటినుంచి తన రాజకీయ కెరీర్‌కు సపోర్ట్‌గా ఉండమని కోరాడు. ఏదైనా అడ్డు చెప్పానంటే చాలు.. కులం పేరుతో దూషించేవాడు. కులపిచ్చి ఉన్న వ్యక్తితో దూరంగా ఉండటం నయం అనుకున్న ప్రతిసారి క్షమించమని ఏడ్చేవాడు. మాట్లాడమని బతిమాలేవాడు. మారతాడనుకుని ఛాన్స్‌ ఇచ్చిన మొదట్లో బాగానే ఉండేవాడు. కానీ కొంతకాలానికే ఎప్పటిలానే దూషించడం, ఏడ్చి సానుభూతి సాధించడం జరిగేది. మేనేజర్‌తో ఎఫైర్‌.. అడ్డంగా దొరిగాక తనతో రెండేళ్లు రిలేషన్‌లో ఉన్న తర్వాత అతడితో విడిపోవాలని నిశ్చయించుకున్నాను. నేను అతడికి ఇచ్చిన డబ్బును తిరిగివ్వమన్నాను. అప్పుడు నన్ను బ్లాక్‌ చేశాడు. 3 నెలలపాటు ప్రయత్నించాను, పట్టించుకోలేదు. తీరా బిగ్‌బాస్‌ షోలోకి వెళ్లేముందు తనే క్షమాపణలు అడిగాడు. ఎప్పటిలా కలిసుందాం అన్నాడు. మళ్లీ రొమాంటిక్‌గా చాట్‌ చేశాడు. బిగ్‌బాస్‌ నుంచి వచ్చాక కూడా నాతో బానే ఉన్నాడు. అయితే అతడి మేనేజర్‌తో పెట్టుకున్న ఎఫైర్‌ నాకు తెలిసింది. ఓసారి వాళ్లిద్దరూ నాకు అడ్డంగా దొరికిపోయారు. అప్పుడు అతడు నిజం అంగీకరించాడు. చనిపోదామనకున్నా ఏడాదిన్నరకాలంగా తనతో రిలేషన్‌లో ఉన్నానని ఒప్పుకున్నాడు. అతడి మాజీ ప్రేమికులు, స్నేహితులు దాదాపు 15 మందిని కలిశాను. తను చాలా దారుణంగా ప్రవర్తిస్తాడని చెప్పారు. నమ్మడం, మోసపోవడం, తిట్లు తినడం, కుంగిపోవడం.. ఇదే పనైపోయింది. ఒకానొక సమయంలో డిప్రెషన్‌కు లోనై చనిపోదామనుకున్నాను. దీని నుంచి బయటపడేందుకు ఏడాది కాలంగా థెరపీ తీసుకుంటున్నాను అంటూ వాట్సాప్‌ స్క్రీన్‌షాట్లు షేర్‌ చేసింది. After having undergone a great deal of agony over the past few months & a huge disappointment, I'm writing in public. I've known @RVikraman since 2013 when he participated in an event in which I was a guest. When I left for London in Aug 2020, he voluntarily came to send me off. pic.twitter.com/AA2rTxagZm — Kiruba Munusamy (@kirubamunusamy) July 16, 2023 I deny the allegations made against me by Ms. Kiruba Munusamy in entirety. A coin has two sides likewise this story also has two sides. "There is only one victim in this issue and it is me rather than the person making the accusations against me". We were acquaintances till… pic.twitter.com/IGCFE0PrBl — Vikraman R (@RVikraman) July 17, 2023 చదవండి: ఈ వారం ఏయే సినిమాలు రిలీజవుతున్నాయంటే? అద్దె ఇంట్లో నుంచి గెంటివేత..రూ.5 జీతం నుంచి లక్షలు తీసుకునే స్టార్‌ హీరోయిన్‌గా... కలిసిరాని రెండు పెళ్లిళ్లు!

టెలివిజన్‌ రంగంలో బిగ్‌బాస్‌ రియాలిటీ షోకు ఉన్న పాపులారిటీ గురించి ప్రత్యేకంగా చెప్పాల్సిన పనిలేదు. తెలుగు సహా అన్ని భాషల్లోనూ బిగ్‌బాస్‌ షోకు విపరీతమైన ప్రజాదరణ ఉంది. అయితే ఈ షోలో లవ్‌ట్రాక్‌లు ఉండటం చాలా కామన్‌. కానీ షో అయిపోయాక బ్రేకప్‌ చెప్పేసుకున్న జంటలు కూడా కామనే. తాజాగా మరో బిగ్‌బాస్‌ జంట విడిపోయింది. షో అనంతరం కూడా తమ బంధాన్ని కంటిన్యూ చేసిన ఓ కపుల్‌ ఆ తర్వాత మాత్రం తమ దారులు వేరంటూ బ్రేకప్‌ చెప్పేసుకున్నారు. వివరాల్లోకి వెళితే.. తమిళ బిగ్‌బాస్‌ షోతో పాపులర్‌ అయిన జంటల్లో లోస్లియా- కవిన్‌ కూడా ఒకటి. తెరపై ఎంతో అన్యోనంగా కనిపించిన ఈ కపుల్‌ బ్రేకప్‌ చెప్పేసుకున్నారు. తాజాగా ఇదే అంశంపై లోస్లియా స్పందించింది. 'బిగ్‌బాస్‌ హౌస్‌లో ఉన్నప్పుడు నాకు, కవిన్‌కు మధ్య ఏదో తెలియని ఆకర్షణ(ప్రేమ)ఉన్న మాట నిజమే. షో తర్వాత కూడా కొంతకాలం మేం ప్రేమికులుగా కొనసాగాము. అయితే మా ఆలోచనలు, లక్ష్యాలు వేరువేరు అని తెలుసుకున్నాం. అందుకే వేర్వేరు మార్గాల్లో ప్రయాణం చేస్తున్నాయి. కవిన్‌తో నాకు ఎప్పుడే బ్రేకప్‌ జరిగిపోయింది'.. అంటూ లోస్లియా వెల్లడించింది. కాగా న్యూస్‌ రీడర్‌గా పాపులర్‌ అయిన లోస్లియా తమిళ బిగ్‌బాస్‌ సీజన్‌-3లో పాల్గొని మరింత గుర్తింపు పొందిన సంగతి తెలిసిందే. ఆ తర్వాత వరుస అవకాశాలతో ఇప్పుడు సినిమాలు చేస్తోంది.

వినోదానికే కాదు వివాదాలకు కేంద్రంగా మారింది బిగ్‌బాస్‌ షో. ప్రతి సీజన్‌లో ఎంటర్‌టైన్‌మెంట్‌తో పాటు ఎమోషన్స్‌, గొడవల సెన్సేషన్స్‌ కూడా ఉంటూ వస్తున్నాయి. గంట నిడివి ఉండే ఎపిసోడ్‌లో నిర్వాహకులు తమకు నచ్చినట్లుగా ఎడిటింగ్‌ చేస్తున్నారని ఆరోపణలు వెల్లువెత్తాయి. ఈ నేపథ్యంలో బిగ్‌బాస్‌ టీమ్‌ నాన్‌స్టాప్‌ స్ట్రీమింగ్‌ను ప్రవేశపెట్టింది. బిగ్‌బాస్‌ హౌస్‌లో జరిగేదాన్ని కన్నార్పకుండా చూసేయండంటూ 24 గంటలు లైవ్‌ స్ట్రీమింగ్‌ను ఓటీటీలో అందుబాటులోకి తెచ్చింది. అయితే ఈ లైవ్‌ స్ట్రీమింగ్‌ బూటకమంటోంది తమిళ నటి వనితా విజయ్‌ కుమార్‌. ఈమేరకు బిగ్‌బాస్‌ షో గురించి వరుస ట్వీట్లు చేసింది. 'బిగ్‌బాస్‌ అల్టిమేట్‌ నుంచి వచ్చేసినందుకు, కొందరు అనుకుంటున్నట్లుగా షో నుంచి పారిపోయినందుకు సంతోషంగా ఉంది. బిగ్‌బాస్‌ హౌస్‌ పిచ్చి, చిరాకు కలిగించే ప్రదేశం. అక్కడ ఉన్నందుకు ఇప్పటికీ పీడకలలు నన్ను వెంటాడుతూనే ఉన్నాయి. ఆ షో నుంచి బయటకు వచ్చేసినా సరే, పూర్తిగా దాన్నుంచి బయటపడేందుకు కొంత సమయం పడుతుంది.' 'హౌస్‌లో ఉన్నప్పుడు నేను మాట్లాడింది కానీ, అభిరామి మాటలను కానీ టెలికాస్ట్‌ చేయలేదు. ఇదసలు లైవ్‌ షోనే కాదు. వాళ్లకు నచ్చినట్లుగా ఎడిటింగ్‌ చేసి వివాదాస్పదంగా ఉండేట్టు టెలికాస్ట్‌ చేస్తున్నారు. పేరుకే ఎంటర్‌టైన్‌మెంట్‌ షో, కానీ అందులో ప్రధానమైన వినోదమే మిస్‌ అవుతోంది, కాంప్లికేటెడ్‌గా మారిపోయింది. ఎవరూ దాన్ని ప్రశ్నించడం లేదు. బిగ్‌బాస్‌ అనుభవం నుంచి బయటకు రావడానికి మానసికంగా ఇప్పుడిప్పుడే కోలుకుంటున్నాను' అని చెప్పుకొచ్చింది వనితా విజయ్‌ కుమార్‌. Entertainment show which lost its entertainment factor and has become complicated and no one to ask against it. thanking God for trusting my instincts and choosing sanity and peace..still mentally getting over the #bbexperience — Vanitha Vijaykumar (@vanithavijayku1) March 4, 2022

వెండితెర మీద మెరుపులు కురిపించే ఎంతోమంది హీరోలు పలు షోలకు వ్యాఖ్యాతగా మారడం చూశాం. బుల్లితెర హిట్‌ షో బిగ్‌బాస్‌ కోసమైతే ఏకంగా స్టార్‌ హీరోలే రంగంలోకి దిగారు. ఈ క్రమంలో బిగ్‌బాస్‌ తెలుగు సీజన్లకు ఎన్టీఆర్‌, నాని, నాగార్జున వ్యాఖ్యాతలుగా వ్యవహరించగా తమిళ షోకు కమల్‌ హాసన్‌, కన్నడ షోకు సుదీప్‌, మలయాళంలో మోహన్‌ లాల్‌, హిందీ షోకు సల్మాన్‌ ఖాన్‌ హోస్ట్‌గా పని చేశారు. అయితే కాల్షీట్లు కుదరకపోవడంతో కమల్‌ బిగ్‌బాస్‌ ఓటీటీ మధ్యలో నుంచి తప్పుకున్నాడు. దీంతో అతడి స్థానాన్ని హీరో శింబు భర్తీ చేశాడు. బిగ్‌బాస్‌ అల్టిమేట్‌ షోకు శింబు వ్యాఖ్యాతగా వ్యవహరిస్తున్నాడు. ఇతడిని షోకు రప్పించేందుకు బిగ్‌బాస్‌ నిర్వాహకులు బాగానే ముట్టజెప్పారట! ఒక్క ఎపిసోడ్‌కు సుమారు కోటి రూపాయల దాకా పారితోషికం ఇస్తున్నట్లు వార్తలు వెలువడుతున్నాయి. ఈ లెక్కన బిగ్‌బాస్‌ ద్వారా శింబు రూ.5 కోట్లు వెనకేయనున్నట్లు కనిపిస్తోంది. #BBUltimate 🙏🏻 https://t.co/Lshz5ajZ6z — Silambarasan TR (@SilambarasanTR_) February 27, 2022 #BBUltimate-இல் இன்று.. ▶️ 6:30 pm onwards..#Day28 #Promo3 #NowStreaming only on #disneyplushotstar. @SilambarasanTR_ pic.twitter.com/fGOmZo8NKG — Disney+ Hotstar Tamil (@disneyplusHSTam) February 27, 2022

తమిళ బిగ్‌బాస్‌ షో హోస్ట్‌గా విశ్వ నటుడు కమల్‌ హాసన్‌ తప్పుకున్నప్పటి నుంచి ఆ స్థానాన్ని ఎవరు భర్తీ చేస్తారా? అని అంతా ఎదురు చూస్తున్నారు. మొదట్లో రమ్యకృష్ణను హోస్ట్‌గా నిలబెడతారనుకున్నారు. కానీ, బిగ్‌బాస్‌ అల్టిమేట్‌ షోలో పాల్గొంటున్న ఓ కంటెస్టెంట్‌ కారణంగా షో వ్యాఖ్యాతగా వ్యవహరించేందుకు ఆమె విముఖత వ్యక్తం చేసినట్లు వార్తలు వెలువడ్డాయి. దీంతో కోలీవుడ్‌ యంగ్‌ హీరోను సంప్రదించగా అతడు ఓకే చెప్పినట్లు ఊహాగానాలు ఊపందుకున్నాయి. అయితే ఇది నిజమేనని వెల్లడించింది బిగ్‌బాస్‌ టీమ్‌. బిగ్‌బాస్‌ ఓటీటీకి హీరో శింబు వ్యాఖ్యాతగా వ్యవహరించనున్నట్లు సోషల్‌ మీడియాలో అధికారికంగా ప్రకటించింది. ఈ మేరకు లేటెస్ట్‌ ప్రోమో రిలీజ్‌ చేసింది. మరి శింబు హోస్ట్‌గా బుల్లితెరపై అదరగొడతాడా? కంటెస్టెంట్ల లెక్కలు సరిచేస్తాడా? అభిమానులను ఎంటర్‌టైన్‌ చేస్తాడా? అనేది చూడాలి! #STRtheHostOfBBUltimate 💥 pic.twitter.com/GWozob5Kwu — Disney+ Hotstar Tamil (@disneyplusHSTam) February 24, 2022

చెన్నై సినిమా: తమిళ బిగ్‌బాస్‌ రియాల్టీ గేమ్‌ షోలో 'అన్బరివు' చిత్ర యూనిట్‌ సందడి చేసింది. హిప్‌ హాప్‌ ఆది హీరోగా నటిస్తున్న తాజా చిత్రం ఇది. అశ్విన్‌ రామ్‌ దర్శకత్వం వహిస్తున్న ఈ సినిమాను సత్యజ్యోతి ఫిలిమ్స్‌ పతాకంపై టీజీ. త్యాగరాజన్‌ నిర్మిస్తున్నారు. ఈ చిత్ర ట్రైలర్‌ను బిగ్‌ బాస్‌ హౌస్‌లో కమల్‌ హాసన్‌ ఆవిష్కరించారు.  నిర్మాత టీజీ. త్యాగరాజన్, నటుడు హిప్‌ హాప్‌ ఆది, దర్శకు డు అశ్విన్‌ రామ్‌ పాల్గొన్నారు. 

ప్రేమ పేరుతో తనను మోసం చేసి నగలు, డబ్బు తీసుకొని పారిపోయాడని ప్రియుడుపై  పోలీసుల​కు ఫిర్యాదు చేసింది తమిళ బిగ్‌బాస్‌ కంటెస్టెంట్‌, నటి జూలీ అమింజికరై అలియాస్‌ మరియా జులియానా. తనకు న్యాయం చేయాలని తమిళనాడు పోలీసులకు విజ్ఞప్తి చేసింది.  పోలీసులు తెలిపిన వివరాల ప్రకారం.. అన్నానగర్‌కు చెందిన మనీశ్‌, జూలీ నాలుగేళ్లుగా ప్రేమించుకుంటున్నారు. త్వరలో పెళ్లి కూడా చేసుకోవాలనుకున్నారు. ఆమెకు మాయ మాటలు చెప్పి ఇంట్లోని నగలు, విలువైన వస్తువులతో పాటు నగదు తీసుకొని పారిపోయాడు. కొన్ని రోజులుగా అతని జాడ తెలియకపోవడంతో జూలీ అన్నానగర్‌ పోలీసులను అశ్రయించింది. ఆమె ఫిర్యాదు మేరకు కేసు నమోదు చేసుకున్న పోలీసులు.. విచారణ చేపట్టారు.  ఇక జూలీ విషయానికొస్తే.. కమల్‌ హాసన్‌ హోస్ట్‌గా వ్యవహరిస్తున్న బిగ్‌బాస్‌ షో మొదటి సీజన్‌కి సాధారణ వ్యక్తిగా ఎంట్రీ ఇచ్చింది. గతంలో చెన్నైలో జరిగిన  జల్లికట్టు ఉద్యమంలో పాల్గొనడం వల్ల ఆమె ఫేమస్‌ అయింది. ఆ ఉద్యమంలో ఆమె చేసిన నినాదాలు అప్పట్లో వైరల్‌ అయ్యాయి. దీంతో జూలీకి బిగ్‌బాస్‌ ఆఫర్‌ వచ్చింది. అయితే షోలోకి వెళ్లిన కొద్ది రోజులకే తోటి కంటెంస్టెంట్‌తో గొడవపడి మధ్యలోనే బయటకు వచ్చేసింది. ఆ తర్వాత పలు షోలకు హోస్ట్‌గా వ్యవహరిస్తూ లక్షలాది అభిమానులకు సంపాదించుకుంది. సోషల్‌ మీడియాలో కూడా జూలీ చాలా యాక్టీవ్‌గా ఉంటుంది. 

బుల్లితెర బిగ్‌ రియాల్టీ షో బిగ్‌బాస్‌.. తెలుగుతో పాటు అన్ని భాషల్లోనూ విజయవంతంగా కొనసాగుతుంది. తెలుగు, తమిళంలో ప్రస్తుతం ఐదో సీజన్‌ నడుస్తోంది. తెలుగు షోకి కింగ్‌ నాగార్జున హోస్ట్‌గా వ్యవహరించగా, తమిళంలో లోకనాయకుడు కమల్‌ హాసన్‌ వ్యాఖ్యాతగా ఉన్నారు. అయితే ఇటీవల కరోనా బారిన ఆయన.. ప్రస్తుతం ఆస్పత్రిలో చికిత్స పొందుతున్నారు. దీంతో బిగ్‌బాస్‌ సీజన్‌ 5కి కొత్త హోస్ట్‌ని ఎంచుకోవాల్సిన పరిస్థితి ఏర్పడింది. అయితే కమల్‌ ప్లేస్‌లో తాత్కాలికంగా శ్రుతి హాసన్‌ని హోస్ట్‌గా తీసుకొస్తారనే వార్తలు వినిపించాయి. కానీ కోలీవుడ్ విశ్వ‌స‌నీయ వ‌ర్గాల స‌మాచారం మేర‌కు త‌మిళ బిగ్‌బాస్‌ను శ్రుతిహాస‌న్ హోస్ట్ చేయ‌డం లేద‌ట‌. కమల్‌ ప్లేస్‌లో సీనియ‌ర్ హీరోయిన్ ర‌మ్య‌కృష్ణ త‌మిళంలో హోస్ట్ చేసే అవ‌కాశం ఉంద‌ని అంటున్నారు. తెలుగులో ర‌మ్య‌కృష్ణ‌కు బిగ్ బాస్ కార్య‌క్ర‌మం హోస్ట్ చేసిన అనుభ‌వం ఉంది. నాగార్జున తన 60వ బర్త్ డే సందర్భంగా విహార యాత్ర కోసం ఫ్యామిలీతో విదేశాలకు వెళ్లిన క్రమంలో బిగ్‌బాస్‌ నాల్గో సీజన్‌లో హోస్ట్‌గా రమ్యకృష్ణ రంగ ప్రవేశం చేశారు. రెండు రోజులపాటు రమ్యకృష్ణ హోస్ట్‌గా వ్యవహరించి ప్రేక్షకుల నుంచి ప్రశంసలు అందుకున్నారు. అందుకే తమిళ బిగ్‌బాస్‌కి కూడా రమృకృష్ణనే తీసుకురావాలని నిర్వాహకులు భావిస్తున్నారట. ఈ విషయంపై రమ్యకృష్ణను సంప్రదించగా, ఆమె కూడా గ్రీన్‌ సిగ్నల్‌ ఇచ్చిందట. ఈ వీకెండ్‌లో ఆమెనే షోకు హోస్ట్‌గా వస్తుందని తమిళ జనాలు చెప్పుకుంటున్నారు. మరి ఈ వార్తల్లో నిజమెంతో మరికొన్ని గంటల్లో తేలుతుంది. 

ఒవియా హెలెన్‌.. ఇండియన్‌ మోడల్‌ అయిన ఈమె పేరు అందరికీ తెలియకపోయినా తమిళ, మలయాళ ప్రేక్షకులకు మాత్రం సుపరిచితురాలే.. విలక్షణ నటుడు కమల్‌ హాసన్‌ వ్యాఖ్యతగా వచ్చిన తమిళ బిగ్‌బాస్‌ సీజన్‌ 1లో ఈ కేరళ కుట్టి పాల్గొంది. బిగ్‌బాస్‌ షోతో ఒవియా కోలీవుడ్‌లో ఒక్కసారిగా స్టార్‌గా మారిపోయింది. ఇందుకు హౌజ్‌లో ఒవియా, ఆరవ్‌ మధ్య నడిచిన ప్రేమాయణమే కారణం. హౌజ్‌లో ఈ జంట చేసిన రొమాన్స్‌ షోకు టాప్ రేటింగ్స్‌ని తీసుకొచ్చింది. అంతే కాదు ఒవియా కోసం అప్పట్లో ఓ ప్రత్యేక ఆర్మీ కూడా ఏర్పాటైంది. బిగ్‌బాస్‌లోకి వెళ్లిన తొలి రోజుల్లోనే ఆరవ్‌తో ఒవియా చాలా సన్నిహితంగా గడిపింది. ఆరవ్‌ను ప్రేమిస్తున్నానంటూ పలుసార్లు తెలిపింది కూడా. అయితే తొలుత ఆమెతో సన్నిహితంగా ఉన్న ఆరవ్‌ ఆ తర్వాత క్రమంగా దూరం పెట్టాడు. ఆమె మంచి స్నేహితురాలు మాత్రమేనని, అంతుకుమించి తనకు స్పెషల్‌ ఫీలింగ్స్‌ లేవని చెప్పుకొచ్చాడు. దీంతో బిగ్‌బాస్‌ అనంతరం ఆరవ్‌ తనకు మంచి ప్రెండ్‌ అని,  అంతేగాక  తాను ఇప్పటికీ సింగిల్‌గానే ఉన్నట్టు నటి పేర్కొంది. చదవండి: ‘ఆ చెత్త షోలో పాల్గొనేది లేదు’ తాజాగా ఒవియా తన ట్విటర్‌లో ఓ పోస్టు చేసింది. ఓ వ్యక్తితో రొమాంటిక్‌గా దిగిన ఫోటోను ఆమె ట్విటర్‌లో షేర్‌ చేయగా.. దీనికి ‘లవ్’‌ అనే క్యాప్షన్‌ను జతచేసింది. ఈ ఫోటోలో ఒవియా అతన్ని కిస్‌ చేస్తున్నట్లు కన్పిస్తోంది. అయితే సింగిల్‌ అని చెప్పిన ఒవియా ఇలా ఒకరిని కిస్‌ చేస్తున్నట్లు కనిపించడంతో దీనిని చూసిన నెటిజన్లు షాక్‌ అవుతున్నారు. ఈ వ్యక్తి ఎవరు అని ప్రశ్నిస్తున్నారు. అతనెవరనేది తెలుసుకోవాలని చాలా ఉత్సుకత ప్రదర్శిస్తున్నారు. ‘ఎవరు అతను ఒవియా.. ఎవరో మాకు చెప్పొచ్చుగా. కొత్త జీవితాన్ని ప్రారంభిస్తున్నందుకు శుభాకాంక్షలు’. అంటూ కామెంట్‌ చేస్తున్నారు. కాగా  తెలుగు, తమిళం, మలయాళం భాషల్లో 40కి పైగా చిత్రాల్లో ఒవియా నటించారు. Love pic.twitter.com/MFJsQylQeJ — Oviyaa (@OviyaaSweetz) January 14, 2021

చెన్నై : బిగ్‌బాస్‌ తమిళ్‌ సీజన్‌ 4లో తాను పాల్గొనడం​ లేదని కోలీవుడ్‌ నటి లక్ష్మీ మీనన్‌ స్పష్టం చేశారు. అలాంటి చెత్త షోలో తాను పాల్గొనబోనని ఆమె తేల్చిచెప్పారు. ఇతరులు తిన్న ప్లేట్లు కడగడం,ఇతరులు వాడిన టాయిలెట్లు శుభ్రం చేయడం వంటి పనులు తాను చేయనని, ఇక ముందూ అలాంటి పనులు చేయనని చెప్పారు. బిగ్‌బాస్‌ షోలో తాను పాల్గొంటున్నట్టు వచ్చిన వార్తలను తోసిపుచ్చారు. షో పేరుతో కెమెరా ముందు ఇతరులతో తాను ఫైట్‌ చేయాలనుకోనని తన ఇన్‌స్టాగ్రాం స్టోరీస్‌లో తెలిపారు. బిగ్‌బాస్‌ షోపై తాను స్పష్టంగా వివరణ ఇచ్చిన తర్వాత ఈ చెత్త షోలో తాను పాల్గొంటానని ఎవరూ ఊహాగానాలు చేయబోరని ఆమె ఆశాభావం వ్యక్తం చేశారు. చదవండి : స్వాతి దీక్షిత్ గురించి లాస్య చెప్పింది నిజ‌మేనా? కాగా లక్ష్మీ మీనన్‌ వ్యాఖ్యలపై నెటిజన్ల నుంచి విమర్శలు ఎదురయ్యాయి. ప్లేట్లు కడిగేవారు, టాయిలెట్లను శుభ్రపరిచేవారిని మీరు తక్కువ చేసి మాట్లాడుతున్నారని మండిపడ్డారు. తన స్టోరీపై పలువురు నెగెటివ్‌ మెసేజ్‌లు పంపుతున్నారని, ఇది తన అభిప్రాయమని..కొందరు ఈ షోను ఇష్టపడితే మరికొందరు ఇష్టపడరని లక్ష్మీ మీనన్‌ వివరణ ఇచ్చారు.ఇంటి వద్ద తన ప్లేట్లను తాను కడుగుతానని, తన టాయిలెట్‌ను తాను శుభ్రపరుస్తానని..కెమెరా ముందు అలాంటి పనలు చేయడం తనకు ఇష్టం లేదని ఆమె చెప్పుకొచ్చారు. తాను ఎవరినో బాధపెట్టేందుకు ఈ వ్యాఖ్యలు చేయలేదని స్పష్టం చేశారు. ఇక కమల్‌ హాసన్‌ హోస్ట్‌గా బిగ్‌బాస్‌ తమిళ్‌ నాలుగో సీజన్‌ అక్టోబర్‌ 4 నుంచి ప్రసారం కానుంది.

తెలుగులో ప్రారంభ‌మైన బిగ్‌బాస్ నాల్గ‌వ సీజ‌న్‌ ఇప్పుడిప్పుడే పుంజుకుంటోంది. అటు త‌మిళ‌, హిందీలో మాత్రం ఈ షో ఇంకా ప్రారంభం అవ‌నేలేదు. దీంతో అక్క‌డి బిగ్‌బాస్ ప్రేమికులు ప్రోమోల‌తోనే స‌రిపెట్టుకుంటున్నారు. ఇదిలా వుంటే త‌మిళ బిగ్‌బాస్ నాల్గ‌వ సీజ‌న్‌లో 'బిగిల్' హీరోయిన్ అమృతా అయ్య‌ర్ పాల్గొంటున్న‌ట్లు సోష‌ల్ మీడియాలో‌ వార్త‌లు తెగ చ‌క్క‌ర్లు కొడుతున్నాయి. దీంతో ఓ అభిమాని ఈ డౌటానుమానాన్ని అమృత ద‌గ్గ‌ర ప్ర‌స్తావించాడు. మీరు నిజం‌గానే బిగ్‌బాస్ హౌస్‌లో అడుగు పెడుతున్నారా? అని ప్ర‌శ్నించాడు. అందుకు స‌ద‌రు హీరోయిన్ ఏం స‌మాధానం చెప్పాలో తెలీక ఇర‌కాటంలో ప‌డ్డారు. (చ‌ద‌వండి: తీవ్ర అనారోగ్యం.. సర్జరీకి సిద్ధమైన నటి) ఓ క్ష‌ణమాగి.. "తెలీదు... దీన్ని స‌స్పెన్స్‌గానే ఉంచుదాం" అని చెప్పుకొచ్చారు. ఈ స‌మాధానంతో ఆమె బిగ్‌బాస్ ఎంట్రీ ఖాయ‌మ‌ని అభిమానులు అభిప్రాయ‌ప‌డుతున్నారు. కాగా అమృతా విజ‌య్‌ బిగిల్ సినిమాలో ఫుట్‌బాల్ క్రీడాకారిణిగా క‌నిపించారు. ప్ర‌దీప్ హీరోగా న‌టిస్తున్న‌ "30 రోజుల్లో ప్రేమించ‌డం ఎలా?" సినిమాతో తెలుగు తెర‌కు ప‌రిచ‌యం అవుతున్నారు. ఈ సినిమా విడుద‌ల అవ‌క‌ముందే హీరో రామ్‌ "రెడ్" చిత్రంలోనూ న‌టిస్తున్నారు. ఈ రెండు చిత్రాలు ఇంకా రిలీజ్ కాక‌పోయిన‌ప్ప‌టికీ "30 రోజుల్లో ఎలా?" సినిమా నుంచి విడుద‌లైన‌ "నీలి నీలి ఆకాశం" పాట‌తో ఆమెకు విప‌రీత‌మైన ఫాలోయింగ్ ఏర్ప‌డింది. (చ‌ద‌వండి: ప్రేయ‌సిని పెళ్లాడిన బిగ్‌బాస్ విన్న‌ర్‌!)

చెన్నై: సినీ, టీవీ సెల‌బ్రిటీల‌కు లాక్‌డౌన్‌ను మించిన మంచి ముహూర్తం లేద‌నుకుంటున్నారో ఏమో కానీ చాలామంది పొలోమ‌ని పెళ్లిళ్లు చేసుకుంటున్నారు. తాజాగా త‌మిళ బిగ్‌బాస్ సీజ‌న్ 1 విన్న‌ర్ ఆరవ్ న‌ఫీజ్ కూడా బ్యాచిలర్ లైఫ్‌కు ఫుల్‌స్టాప్ పెడుతూ పెళ్లి పీట‌లెక్కారు. ఆదివారం ఉద‌యం న‌టి రేహి మెడ‌లో మూడు ముళ్లు వేశారు. చెన్నైలో జ‌రిగిన ఈ కార్య‌క్ర‌మానికి కొద్ది మంది మాత్ర‌మే హాజ‌ర‌య్యారు. వీరిలో బిగ్‌బాస్ సీజ‌న్ 1లో పాల్గొన్న స్నేహ‌న్‌, గాయ‌త్రి ర‌ఘురామ్‌, బిందు మాధ‌వి, హార‌తి, హ‌రీశ్ క‌ల్యాణ్‌, సుజా వ‌రుణె ఉన్నారు. వీరితోపాటు ద‌ర్శ‌కులు కెఎస్ ర‌వికుమార్, చ‌ర‌ణ్‌, విజ‌య్‌, రంజిత్ జ‌య‌కోడి కూడా వివాహ కార్య‌క్ర‌మానికి హాజ‌రై వ‌ధూవ‌రుల‌ను ఆశీర్వ‌దించారు. ((చ‌ద‌వండి: లాక్‌డౌన్‌ : వినూత్నంగా బిగ్‌బాస్‌ విన్నర్‌ పెళ్లి..) కాగా ఏడాది కాలంగా ఆర‌వ్‌, రేహీల మ‌ధ్య ప్రేమాయ‌ణం సాగుతోంది. ఎట్ట‌కేల‌కు ఇరు వ‌ర్గాల కుటుంబాల‌ను పెళ్లికి ఒప్పించి వైవాహిక బంధాన్ని మొద‌లు పెట్టారు. ఈ సంద‌ర్భంగా ఆర‌వ్‌కు సినీ సెల‌బ్రిటీల‌తో పాటు ఆయ‌న అభిమానులు శుభాకాంక్ష‌లు తెలుపుతున్నారు. ఇదిలా వుండ‌గా ఆర‌వ్ హీరోగా న‌టించిన తొలి సినిమా "రాజా భీమా" ప్ర‌స్తుతం పోస్ట్ ప్రొడ‌క్షన్ ప‌నులు జ‌రుపుకుంటోంది. రేహి విష‌యానికొస్తే మోడ‌ల్‌గా కెరీర్ ప్రారంభించిన ఆమె ప్ర‌ముఖ ద‌ర్శ‌కురాలు గౌతం మీన‌న్ రూపొందిస్తున్న "జోషువా ఇమాయి పోల్‌ కాకా" అనే రొమాంటిక్‌ సినిమాతో హీరోయిన్‌గా పరిచయం కానునున్నారు. (చ‌ద‌వండి: ప్రేయసిని పెళ్లాడనున్న బిగ్‌బాస్‌ విన్నర్‌!)

తమిళనాడు, పెరంబూరు:  ‘నాకిక్కడ రక్షణ లేదు.. పోలీసులు లంచాలు పుచ్చుకుని నాపై తప్పుడు కేసులు పెడుతున్నారు. తాను వేరే రాష్ట్రానికి వెళ్లిపోతాను. త్వరలో రాజకీయాల్లోకి వస్తాను’ అని సంచలన వ్యాఖ్యలు చేసంది నటి మీరామిథున్‌. మోడలింగ్‌ రంగం నుంచి సినీరంగానికి పరిచయం అయిన నటి మీరామిధున్‌. అందాల పోటీల్లో విస్‌ సౌత్‌ ఇండియా కిరీటాన్ని గెలుచుకున్న ఈ అమ్మడు, ఆ తరువాత తనే సొంతంగా అందాల పోటీలను నిర్వహించడానికి సిద్ధం అయ్యి పలు విమర్శలను ఎదుర్కొనడంతో పాటు గెలుచుకున్న మిస్‌ సౌత్‌ ఇండియా కిరీటాన్ని కోల్పోయింది. అదేవిధంగా అందాల పోటీలు నిర్వహిస్తున్నట్లు చెప్పి పలువురి వద్ద డబ్బు వసూలు చేసి, ఆ పోటీలను నిర్వహించకపోవడంతో ఈ అమ్మడిపై పోలీస్‌స్టేషన్‌లో పలు ఫిర్యాదులు నమోదయ్యాయి. ప్రస్తుతం ఆ కేసులను ఎదుర్కొంటున్న నటి మీరా మిథున్‌ ఇటీవలే ముగిసిన నటుడు కమలహాసన్‌ వ్యాఖ్యాతగా వ్యవహరించిన బిగ్‌బాస్‌ సీజన్‌ 3లో పాల్గొంది. ఆ హౌస్‌లోనూ దర్శకుడు చేరన్‌పై ఆరోపణలు చేసి వివాదాస్పదంగా మారిన మీరామిథున్‌ తాజాగా బిగ్‌బాస్‌ రియాలిటీ గేమ్‌ షో నిర్వాహకులపై ఆరోపణలు గుప్పించింది. శనివారం సాయంత్రం చెన్నైలో మీడియా సమావేశాన్ని ఏర్పాటు చేసిన ఈ అమ్మడు మాట్లాడుతూ తాను బిగ్‌బాస్‌ సీజన్‌ 3లో పాల్గొని అందులోంచి బయటకు వచ్చి రెండు నెలలు కావొచ్చిందని అంది. అయినా తాను బిగ్‌బాస్‌ రియాలిటీ గేమ్‌ షోలో పాల్గొనందుకు గానూ, ఆ గేమ్‌ షో నిర్వాహకులు తనకు ఒక్క పైసా కూడా ఇవ్వలేదని ఆరోపించింది. ఈ విషయమై విజయ్‌ టీవీ నిర్వాహ సంస్థకు వెళ్లి అడగ్గా అక్కడ ఎవరూ సరిగా బదులివ్వలేదని చెప్పింది. అది మోసపూరిత చర్యగా అనిపించిందని అంది. అదేవిధంగా తన గురించి తప్పుడు ప్రచారం చాలానే జరుగుతోందని ఆరోపించింది. మొత్తం మీద తమిళనాడులో నివశించడానికి తనకు రక్షణ లేని పరిస్థితి నెలకొందని వాపోయ్యింది. అందుకే వేరే రాష్ట్రానికి వెళ్లితేనే సురక్షితంగా జీవించగలనంది. ఇక్కడ పోలీసులు లంచం తీసుకుని తనపై తప్పుడు కేసులు బనాయిస్తున్నారని ఆరోపించింది. కాగా  సామాజిక అవగాహన కలిగించాలనీ, అందుకోసం త్వరలోనే రాజకీయాల్లోకి రానున్నానని చెప్పింది. అయితే ఏ పార్టీలో చేరతానన్నది ఇప్పుడే చెప్పనని నటి మీరామిథున్‌ పేర్కొంది.

ఎన్నో వివాదాలకు వేదికగా నిలిచిన తమిళ బిగ్‌బాస్‌ 3 షో ఎట్టకేలకు ముగిసిన విషయం తెలిసిందే! ఈ సీజన్‌లో విజేతగా నిలిచిన ముగేన్‌రావ్‌ విజయాన్ని ఎంజాయ్‌ చేస్తున్నాడు. అతను టైటిల్‌ గెలిచి నాలుగు రోజులు కావస్తున్నా అతనికి అభినందనలు వెల్లువెత్తుతూనే ఉన్నాయి. బిగ్‌బాస్‌ హౌస్‌లో ఇంటి సభ్యురాలు, స్నేహితురాలైన అభిరామి వెంకటాచలం అతనికి మళ్లీ శుభాకాంక్షలు చెప్తూ ఇద్దరు కలిసి ఉన్న ఫొటోను షేర్‌ చేసి తన ఆనందాన్ని పంచుకుంది. ఆది నుంచి విమర్శలే! బిగ్‌బాస్‌ తమిళ్‌ 3 సీజన్‌ జూన్‌ 23న ప్రారంభమైంది. మొదటినుంచి ఎన్నో అడ్డంకులను ఎదుర్కొంది. ఈ షోకు వ్యాఖ్యాతగా వ్యవహరించిన కమల్‌ హాసన్‌పై కూడా ఒకానొక సమయంలో విమర్శలు వెల్లువెత్తాయి. బిగ్‌బాస్‌ హౌస్‌లో ఇంటి సభ్యుడు శరవణన్‌ అసభ్యకరంగా మాట్లాడినందుకు అతన్ని ఇంటి నుంచి బయటకు పంపారు. హౌస్‌లో తమిళ నటి మధుమిత ఆత్మహత్యకు ప్రయత్నించడం తీవ్ర కలకలం రేపింది. ఇంటి సభ్యుల వేధింపులు భరించలేకే ఆత్మహత్యాయత్నం చేసినట్టు ఆమె వెల్లడించడం గమనార్హం. ఇన్ని వివాదాల నడుమ ఎట్టకేలకు బిగ్‌బాస్‌ 3 సీజన్‌ సెప్టెంబర్‌ 6న ముగిసింది.  సింగర్‌.. విన్నర్‌గా మారాడు! తమిళ్‌ బ్యాక్‌గ్రౌండ్‌ ఉన్న మలేషియన్‌ సింగర్‌ ముగేన్‌రావ్‌ బిగ్‌బాస్‌3 విజేతగా నిలిచాడు. విన్నర్‌ ముగేన్‌ రావ్‌ బిగ్‌బాస్‌ టైటిల్‌తోపాటు, రూ.50 లక్షల ప్రైజ్‌మనీ అందుకున్నాడు. ప్రముఖ కొరియోగ్రాఫర్‌ సాండీ మాస్టర్‌ రన్నరప్‌గా నిలిచాడు. చివరగా ఫైనల్‌లో ముగేన్‌ రావ్‌ తన గాత్రంతో ప్రేక్షకులను మంత్రముగ్ధులను చేయగా కొరియోగ్రాఫర్‌ అయిన సాండీ డాన్స్‌ చేసి అదుర్స్‌ అనిపించాడు. ఇక ఈ సీజన్‌లో పాల్గొన్న 15మంది కంటెస్టెంట్లకు కమల్‌ హాసన్‌ అవార్డులు ప్రకటించాడు. ఈ సీజన్‌లో మొత్తంగా 200 కోట్ల పైచిలుకు ఓట్లు పోలయ్యాయని బిగ్‌బాస్‌ నిర్వాహకులు తెలిపారు. కేవలం ఫైనల్‌లోనే 20 కోట్లు వచ్చాయన్నారు.

తమిళనాడు ,పెరంబూరు: ఇప్పుడు తమిళం, తెలుగునాట వాడివేడిగా సాగుతున్న చర్చ బిగ్‌బాస్‌ రియాలిటీ గేమ్‌ షో గురించేనంటే అతిశయోక్తి కాదేమో. ఎందుకంటే ఆ రియాలిటీషోలకు ఇంటిల్లి పాది ముఖ్యంగా యువత విపరీతంగా ఆకర్షితులవుతున్నారు. ఈ రియాలిటీ గేమ్‌ షో అన్నది బాలీవుడ్‌ నుంచి మనకు పాకింది. ముఖ్యంగా తమిళంలో బిగ్‌బాస్‌ సీజన్‌ 1, 2, ఇంటి సభ్యుల మధ్య మనస్పర్థలు, వివాదాలు, కారాలు, మిరియాలు, ఆవేదనలు, అలకలు, సరదాల సందడి వంటి సంఘటనలతో ఆసక్తిగా సాగింది. ఇప్పుడు సీజన్‌–3 కూడా అదే ఆరోపణలు, వివాదాలతో ఆసక్తిగా సాగుతూ ముగింపునకు చేరుకుంది. అవును మరికొద్ది రోజుల్లో బిగ్‌బాస్‌ 3 ముగియనుంది.  ప్రస్తుతం నటి షెరిన్, లాష్మియా, దర్శకుడు చేరన్, కవిన్, శాండి, దర్శిన్, ముకిన్‌ ఇంటిసభ్యులుగా గెలుపు కోసం పోటీ పడుతున్నారు. విశేషం ఏమిటంటే ఈ మూడు సీరీస్‌కు నటుడు కమలహాసన్‌నే వ్యాఖ్యాతగా వ్యవహరించారు. బిగ్‌బాస్‌ ఇంత సక్సెస్‌ కావడానికి ఆయన ప్రధాన కారణం అని చెప్పవచ్చు. కాగా ఇప్పుడు ఆయన సినిమాలతో, రాజకీయాలతో బిజీగా ఉండడంతో బిగ్‌బాస్‌ సీజన్‌ 4కు ఎవరు వ్యాఖ్యాత అన్నది చర్చనీయాంశంగా మారింది. అంతే కాదు నటుడు సూర్య, శరత్‌కుమార్, శింబుల పేర్లు వినిపిస్తున్నాయి. అంతేకాదు ఈ సారి నటుడు శింబునే బిగ్‌బాస్‌ 4కు వ్యాఖ్యాతగా వ్యవహరించతోతున్నారనే టాక్‌ గట్టిగా వినిపిస్తోంది. ఇలాంటి పరిస్థితుల్లో బిగ్‌బాస్‌ 4కు నటుడు కమలహాసన్‌నే వ్యాఖ్యాతగా వ్యవహరించనున్నారని ఆ కార్యక్రమం నిర్వాహకుడు స్పష్టం చేసి వదంతులకు బ్రేక్‌ వేశారు. హిందీలో ప్రసారం అయిన బిగ్‌బాస్‌ రియాలిటీ గేమ్‌ షోను తమిళంలో ప్రసారం చేయడానికి విజయ్‌ టీవీ 6 ఏళ్లకు ఒప్పందం కుదుర్చుకుందని తెలిసింది. ఇప్పటికి మూడవ సీజన్‌ ముగియనుండడంతో 4వ సీజన్‌కు సంబంధించిన ప్రణాళికలకు చర్చలు జరుగుతున్నట్లు, ఆ సీజన్‌కు నటుడు కమలహాసన్‌నే వ్యాఖ్యాతగా వ్యవహరించనున్నట్లు నిర్వాహకుడు తెలిపారు. ఈ విషయంలో మరో నటుడితో ఒప్పందం వంటి ఆలోచనలే చేయలేదని ఆయన స్ఫష్టం చేశారు. సో బిగ్‌బాస్‌కు నటుడు కమలహాసన్‌ పేటెంట్‌ అన్నమాట.

సాక్షి, హైదరాబాద్‌: తమిళ్‌ బిగ్‌బాస్‌-3 అత్యంత ఎమోషనల్‌గా సాగుతోంది. తాజాగా బిగ్‌బాస్‌ హౌజ్‌లోకి కుటుంబసభ్యులను అనుమతించారు. దీంతో తమ ఆత్మీయులను చూసి కంటెస్టెంట్స్‌ భావోద్వేగానికి లోనయ్యారు. కొంతమంది ఆనందంతో కంటతడి పెట్టారు. అయితే, నటి, యాంకర్‌ లోస్లియాకు మాత్రం చేదు అనుభవం ఎదురైంది. చాలాకాలం తర్వాత కూతురిని చూసిన లోస్లియా తండ్రి భావోద్వేగానికి లోనవ్వడానికి బదులు.. కూతురిపైనే ఆగ్రహం వ్యక్తం చేశాడు. బిగ్‌బాస్‌లో తోటి కంటెస్టెంట్‌ అయిన కేవిన్‌తో లోస్లియా సన్నిహితంగా ఉంటుంది. వీరిద్దరు రిలేషన్‌షిప్‌లో ఉన్నట్టు ప్రచారం సాగుతోంది. ఈ నేపథ్యంలో లోస్లియా తీరు పట్ల ఆమె తండ్రి తీవ్ర అసంతృప్తి వ్యక్తం చేశారు. ‘నేను నిన్ను పెంచిన పద్ధతి ఇదేనా?’ అంటూ కోపం వ్యక్తం చేశారు. లోస్లియా ముందుగా తండ్రిని చూసి ఆనందానికి లోనయింది. అయితే, తండ్రి తనపై కోప్పడుతూ తిడుతుండటంతో ఆమె కన్నీటిపర్యంతమైంది. మరో కంటెస్టెంట్‌ చేరన్‌ లోస్లియా తండ్రికి నచ్చజెప్పే ప్రయత్నం చేశారు. అనంతరం తండ్రిని లోస్లియా హత్తుకొని ఏడ్చింది. బిగ్‌బాస్‌ హౌస్‌లో లోస్లియా తండ్రి వ్యవహరించిన తీరుపై సోషల్‌ మీడియాలో ఆగ్రహం వ్యక్తమవుతోంది. లోస్లియాకు అండగా నిలుస్తున్న నెటిజన్లు టీవీ చానెల్‌లో కూతురిని దూషించడం పద్ధతి కాదని అంటున్నారు. ప్రేక్షకుల హృదయాలను గెలుస్తూ ఇన్నాళ్లు బిగ్‌బాస్‌ పోటీలో ఉండగలిగినందుకు లోస్లియాను చూసి ఆమె తండ్రి గర్వపడాలి కానీ, ఇలా దూషించడమేమిటని నిలదీస్తున్నారు. లోస్లియా-కేవిన్‌ మధ్య ప్రేమాయాణం సాగుతున్నట్టు హైలైట్‌ చేసిన తమిళ్‌ బిగ్‌బాస్‌ హోస్ట్‌ కమల్‌ హాసన్‌, కంటెస్టెంట్‌ చేరన్‌ తీరును కూడా వారు తప్పుబడుతున్నారు. కన్నీటిపర్యంతమైన లోస్లియా  

చెన్నై ,పెరంబూరు: బిగ్‌బాస్‌ రియాలిటీ గేమ్‌ షో కార్యక్రమం ఎప్పుడూ రచ్చ రచ్చే. అయితే ప్రస్తుతం జరుగుతున్న సీజన్‌ 3లో అది కాస్త శృతి మించిందని చెప్పకతప్పదు. కమలహాసన్‌ వ్యాఖ్యాతగా వ్యవహరిస్తున్న రియాలిటీ షో సీజన్‌–3లో పాల్గొన్న సభ్యుల్లో హాస్య నటి మధుమిత ఒకరు. ఈ సీజన్‌లో ఈమె రచ్చే ఎక్కువ అయ్యింది. బిగ్‌బాస్‌ హౌస్‌లో ఈ అమ్మడు ఆత్మహత్యాయత్నానికి పాల్పడి, బయటకు వచ్చేసింది. అంనంతరం బిగ్‌బాస్‌ నిర్మాహకులు తన రావలసిన పారితోషికం చెల్లించలేదని ఆరోపణలు చేసి వివాదాల్లోకి ఎక్కింది. అయితే తన చేతిని కోసుకుని ఆత్మహత్యకు ఎందుకు పాల్పడాల్సి వచ్చిందో మధుమిత ఎక్కడా వెల్లడించలేదు. నటి మధుమిత అసలు విషయం అదే.. తాజాగా సోమవారం ఉదయం విజయ్‌ టీవీ నిర్వాహకులు ఏర్పాటు చేసిన మీడియా సమావేశంలో నటి మధుమిత పాల్గొని బిగ్‌బాస్‌ హౌస్‌లో ఏం జరిగిందన్నది తెలిపింది. ఆమె మాట్లాడుతూ.. ఆగస్టు 15న హౌస్‌లో ఒక్కోక్కరికి ఒకో టాస్క్‌ ఇచ్చారని చెప్పింది. ఆ టాస్క్‌లో వారి వారి అభిప్రాయాలను వ్యక్తం చేయాలని చెప్పారంది. తాను ఒక్క మాటలో కవితను చెప్పానని తెలిపింది. చెన్నైలో నీటి సమస్య గురించి తాను తరచూ దేవుని ప్రార్థిస్తానని చెప్పింది. టాస్క్‌లో కర్ణాటకలో కుంభవృష్టి కురుస్తున్నా, తమిళనాడుకు నీరు ఇవ్వడానికి నిరాకరిస్తున్నారని కవిత రూపంలో చెప్పానన్నారు. అందుకు ఇంటి సభ్యుల్లోని దర్శకుడు చేరన్, నటి కస్తూరి మినహా అందరూ వ్యతిరేకతను వ్యక్తం చేశారని అంది. అందుకు బిగ్‌బాస్‌ కూడా ఒక లేఖను పంపారనీ, అందులో ఇంటిలో రాజకీయాలు మాట్లాడకూడదని పేర్కొన్నారని చెప్పింది. అలా లేఖ రావడంతో చేరన్, కస్తూరి మినహా మిగిలిన 8మంది సభ్యులు తనను మరింతగా ఎగతాళి చేశారని తెలిపింది. ఒక గ్యాంగ్‌ రాగింగ్‌ మాదిరి ప్రవర్తించారని అంది. దాన్ని భరించలేకనే తాను కత్తితో చేతిని కోసుకుని ఆత్మహత్యానికి పాల్పడినట్లు వివరించింది. తాను నీటి సమస్య గురించి మాట్లాడటాన్ని తమిళులైన వారు కూడా రాజకీయం అంటూ వ్యతిరేకతను వ్యక్తం చేసిన ఆ ఎనిమిది మంది సభ్యులను తమిళులు బిగ్‌బాస్‌ గేమ్‌షో గెలవనీయరనే భావిస్తున్నానని అంది. అదే విధంగా వ్యాఖ్యాతగా వ్యవహరిస్తున్న కమలహాసన్‌ కూడా ఈ విషయం గురించి స్పందిచకపోవడం విచారకరమంది. ప్రజలు ఆయన నుంచి చాలా ఆశిస్తున్నారనీ, ఆయన మాట్లాడాల్సిందని మధుమిత పేర్కొంది. దర్శకుడు చేరన్‌ ,సాక్షీ అగర్వాల్‌ నటి సాక్షీ అగర్వాల్‌ క్షమాపణ కాగా ప్రేక్షకులను కుక్కలు అని అన్న నటి సాక్షీ అగర్వాల్‌ క్షమాపణ చెప్పింది. బిగ్‌బాస్‌ హౌస్‌ నుంచి బయటకు వెళ్లిన నటి సాక్షీఅగర్వాల్, అభిరామి, మోహన్‌ వైద్య గత వారం మళ్లీ అతిథులుగా బిగ్‌బాస్‌ హౌస్‌లోకి ప్రవేశించారు. అప్పుడు నటి షెరీన్‌కు దర్శన్‌కు మధ్య ప్రేమ అంటూ చేసిన వ్యాఖ్యలకు షెరిన్‌ ఆవేదన చెందింది. దీంతో నటి షెరిన్‌ను ఓదార్చిన నటి సాక్షీ ప్రేక్షకులను కుక్కలు అంటూ వ్యాఖ్యానించడంతో పెద్ద దుమారమే చెలరేగింది. నెటిజన్లు ఆమెపై విమర్శలు గుప్పించారు. కమలహాసన్‌ కూడా ఈ విషయాన్ని ప్రస్ధావించగా తాను ఆ అర్థంతో అనలేదని సమర్ధించుకునే ప్రయత్నం చేసింది. కాగా బిగ్‌బాస్‌ హౌస్‌ నుంచి బయటకు వచ్చిన తరువాత తన ఇన్‌స్ట్రాగామ్‌లో ప్రేక్షకులకు క్షమాపణ తెలిపింది. ఇకపై చాలా జాగ్రత్తగా ప్రవర్తిస్తానని చెప్పింది. ఇకపోతే ఆదివారం ఎలిమినేట్‌ అయిన దర్శకుడు చేరన్‌ను బిగ్‌బాస్‌ రహస్య గదిలోకి పంపారు. కొన్ని రోజుల తరువాత ఆయన మళ్లీ బిగ్‌బాస్‌ హౌస్‌లోకి వెళ్లే అవకాశం ఉంది.

చెన్నై ,పెరంబూరు: ఎవరన్నారండీ స్త్రీని అబల అని. ఆమె అబల కాదు. పవర్‌. టచ్‌ చేసి చూడు.మటాషే. ఏంటీ ఇంకా స్త్రీ అబల కాదంటే నమ్మబుద్ధి కావడం లేదు. ఎప్పుడో ఏ అమ్మాయిలనో టచ్‌ చేసిన ప్రముఖ సినీ నటుడికి అప్పుడు ఎలాంటి అపరాధం కానీ, అవమానం కానీ జరగలేదు. అయితే అది వెంటాడుతుందన్న విషయం తనకే తెలియలేదు. అయితే తన నోట దురుసు కారణంగానే అప్పటి తప్పునకు ఇప్పుడు ఫలితాన్ని అనుభవించాడు. అలా నోరుజారాడు తమిళ నటుడు శరవణన్‌. దీని మూలాలలోకి వెళితే కారణం నటుడు కమలహాసనే అవుతారు. ఆయన వ్యాఖ్యాతగా ఒక ప్రైవేట్‌ చానల్‌లో ప్రసారం అవుతున్న బిగ్‌బాస్‌ రియాలిటీ గేమ్‌ షో సీజన్‌ 3లో పాల్గొన్న వారిలో నటుడు శరవణన్‌ ఒకరు. బిగ్‌బాస్‌ ఇంటిసభ్యులతో ప్రతి శని, ఆదివారాల్లో వ్యాఖ్యాత అయిన కమలహాసన్‌ ముచ్చటిస్తుంటారు. అలా ఇటీవల బిగ్‌బాస్‌ హౌస్‌లో పాల్గొన్న దర్శకుడు చేరన్‌ ఒక టాస్క్‌లో అసభ్యంగా ప్రవర్తించాడంటూ మరో సభ్యురాలు నటి మీరా మిథున్‌ ఆయనపై ఆగ్రహం వ్యక్తం చేసింది. అనంతరం ఈ సంఘటన గురించి చర్చ వచ్చినప్పుడు కమలహాసన్‌.. చేరన్‌కు మద్దతుగా నిలవడమే కాకుండా, నటి మీరామిథున్‌ను తప్పు పట్టారు. నటుడు శరవణన్‌ అంతటితో ఆగలేదు. అలాంటి సంఘటనలకు నిజ జీవితంలో ఎవరైనా పాల్పడ్డారా? అని బిగ్‌బాస్‌ ఇంటి సభ్యులను ప్రశ్నించారు. దీంతో నటుడు శరవణన్‌ లేచి తాను కళాశాలలో చదువుతున్నప్పుడు బస్సులో అమ్మాయిలను టచ్‌ చేసేవాడినని చెప్పాడు. ఆయన మాటలకు కమలహాసన్‌తో పాటు ఇంటి సభ్యులు నవ్వుకున్నా, బాహ్య ప్రపంచంలో శరవణన్‌ మాటలు తీవ్ర ప్రభావాన్నే చూపాయి. శరవణన్‌ మాటలకు మహిళల నుంచి తీవ్ర వ్యతిరేకత వచ్చింది. ఇక ఇలాంటి విషయాలపై వెంటనే స్పందించే సంచలన గాయని, డబ్బింగ్‌ కళాకారిణి చిన్మయి తీవ్రంగా ఖండించారు.  స్త్రీలను బలవంతం చేయడానికే నేను బస్సులో ప్రయాణం చేసేవాడిని అని శరవణన్‌ చెప్పారని, ఇది ప్రేక్షకులకూ, మహిళలకు హాస్యంగా అనిపించిందని, నిజానికి ఆయన మాటలు చాలా హీనంగా ఉన్నాయని తన ట్విట్టర్‌లో పేర్కొన్నారు. దీంతో నటుడు సరవణన్‌ క్షమాపణ చెప్పక తప్పలేదు. అయితే జరగాల్సిందేదో అప్పటికే జరిగిపోయ్యింది. దీనికి తోడు నటుడు శరవణన్, మరో సభ్యుడు దర్శకుడు చేరన్‌ కించపరచే విధంగా మాట్లాడాడు. దీన్ని కమలహాసన్‌ తప్పు పట్టారు. ఏతా వాతా శరవణన్‌ నోరు జారడంతో ప్రేక్షకులు బిగ్‌బాస్‌ హౌస్‌ నుంచి అర్ధంతరంగా బయటకు పంపించేశారు. అయితే ఇక్కడ మరో విషయం ఏమిటంటే నటుడు శరవణన్‌ను బిగ్‌బాస్‌ ఇంటి నుంచి బయటకు పంపడంతో ఇతర సభ్యులందరూ, ఆయనకు ఏం జరిగిందో, తన కుటుంబానికి ఏమైనా జరిగిందా? అంటూ తెగ ఏడ్చేశారు. అసలు నిజం తెలిస్తే వారు అంతగా ఇదైపోయి ఉండేవారు కాదేమో. ఏదేమైనా మన నోటి నుంచి వచ్చే ప్రతి మాట కౌంట్‌ అవుతుందని అది ఇప్పుడు కాకపోయినా, ఎప్పుడైనా తగిన మూల్యం చెల్లించుకునేలా చేస్తుందనీ ఈ సంఘటనలో దాగున్న నీతి. 

సాక్షి, హైదరాబాద్‌ : బిగ్‌బాస్‌ సీజన్‌-2 తెలుగు టైటిల్‌ను కౌశల్‌ గెలుచుకున్న విషయం తెలసిందే. ఆయన విజయంలో కౌశల్‌ ఆర్మీ కీలక పాత్ర పోషించింది. గెలిపించడమే కాదు దాదాపు ఈ రియాల్టీ షోను తమ గుప్పిట్లోకి తెచ్చుకుంది. సోషల్‌ మీడియా వేదికగా వీరు చేసిన హంగామ అంత ఇంత కాదు. తమ అభిమాన కంటెస్టెంట్‌ జోలికి వచ్చిన ఎవ్వరిని వదిలిపెట్టలేదు. ఆఖరికి హోస్ట్‌ నానిని కూడా. ఒక్క తెలుగులోనే కాదు.. ఈ సోషల్‌ మీడియా వేదికగా ఏర్పాటైన ఆర్మీల ప్రభావం.. అటు తమిళం, మలయాళంలోను కనిపించింది. నిజానికి ఈ సీజన్‌ బిగ్‌బాస్‌ను సోషల్‌ మీడియానే శాసించింది. మూడు భాషల్లో తమ అభిమాన కంటెస్టెంట్స్‌ పేరిట ఏర్పాటైన ఆర్మీలే గేమ్‌ ఆడించాయి. (చదవండి: బిగ్‌బాస్‌ విజేత కౌశల్‌) తెలుగులో కౌశల్‌ ఆర్మీ.. మళయాళంలో సబు ఆర్మీ, తమిళంలో రిత్వికా ఆర్మీలే పై చేయి సాధించాయి. మూడు భాషల్లో ఫైనల్‌ ఆదివారమే జరగగా.. మూడింట్లో ఈ ఆర్మీలే అంతిమ విజయం సాధించాయి. మలయాళంలో సబుమోన్‌ అబ్దుసమద్‌ టైటిల్‌ గెలవగా.. తమిళంలో రిత్వికా విజయం సాధించింది. ఇక ఫైనల్లో ఈ మూడు ఆర్మీ గ్రూప్‌లు ఒకరికి ఒకరు మద్దతుగా ప్రచారం చేసుకున్నాయి. భాషతో సంబంధం లేకుండా మీ అభిమాన కంటెస్టెంట్స్‌కు మేం ఓట్లేస్తున్నాం.. మీరు మాకేయ్యండి అని ఈ మూడు గ్రూప్‌లు క్యాంపెన్‌ నిర్వహించాయి. (చదవండి: ఫ్యాన్స్‌తో కలిసి కౌశల్‌ ఇలా..) గత తమిళ బిగ్‌బాస్‌ సీజన్‌లో ఓవియా కంటెస్టెంట్‌కు మద్దతుగా తొలిసారి ఓవియా ఆర్మీ ఏర్పాటైంది. అక్కడి నుంచి తొలిసారి దక్షిణ భారత దేశంలో ఈ ఆర్మీ సంస్కృతి పుట్టుకొచ్చింది. కొన్ని కారణాల వల్ల ఓవియా ఆర్మీ ఆమెను గెలిపించలేకపోయింది. కానీ ఈ సారి ఏర్పాటైన ఆర్మీలు మాత్రం విజయవంతంగా తమ అభిమాన కంటెస్టెంట్స్‌ను గెలిపించాయి. (చదవండి:  కౌశల్‌ ఆర్మీ భారీ ర్యాలీ) #BiggBossTamil2 - #Riythvika #RiythvikaArmy #Biggbossmalayalam - #Sabu #SabuArmy #BiggBossTelugu -#Kaushal #KaushalArmy pic.twitter.com/ptTe5pjPcC — Shanu (@shanum8) September 26, 2018 #KaushalArmy #SabumonArmy Sabumon army is voting for Kaushal ✌️✌️💪💪💪💪💪💪💪#BiggBoss2Telugu pic.twitter.com/cAXFfn6gKT — VD7 (@Vishnu7dev) September 27, 2018

బిగ్‌బాస్‌ షూటింగ్‌ సమయంలో జరిగిన ప్రమాదంలో ఓ వ్యక్తి మృతి చెందాడు. తమిళ బిగ్‌బాస్‌ కార్యక్రమానికి సంబంధించిన చిత్రీకరణ సమయంలో ఈ సంఘటన చోటు చేసుకుంది. బిగ్‌ బాస్‌ సెట్‌లో ఏసీ మెకానిక్‌ శుక్రవారం రాత్రి మిద్దె మెట్లపై నుంచి జారిపడి మృతిచెందాడు. పూందమల్లి సమీపంలోగల సెంబరంబాక్కం ప్రాంతంలో కమల్‌ హాసన్‌ వ్యాఖ్యతగా వ్యవహరిస్తున్న బిగ్‌బాస్‌ కార్యక్రమానికి సంబంధించిన షూటింగ్‌ జరుగుతోంది. అక్కడ అరియలూరు జిల్లా మాత్తూరుకు చెందిన ఏసీ మెకానిక్‌ గుణశేఖరన్‌ (30) పనిచేస్తున్నాడు. గుణశేఖరన్‌ ఏసీ రిపేర్‌ చేస్తుండగా పట్టుతప్పి మిద్దె మెట్లపై నుంచి జారిపడినట్లు తెలిసింది. దీంతో అతని తలకు తీవ్రగాయమైంది. వెంటనే అతన్ని పూందమల్లిలోగల ఒక ప్రైవేటు ఆస్పత్రికి తరలించారు. అక్కడ చికిత్స పొందుతూ మృతిచెందాడు. కేసు నమోదు చేసిన నజరేత్‌పేట పోలీసులు విచారణ జరుపుతున్నారు.