బెల్లంకొండ గణేశ్, అవంతిక దస్సాని జంటగా నటించిన చిత్రం ‘నేను స్టూడెంట్‌ సర్‌’. రాకేష్‌ ఉప్పలపాటి దర్శకత్వంలో ఈ చిత్రాన్ని తెరకెక్కించారు. నాంది సతీష్‌ వర్మ నిర్మించిన ఈ చిత్రం జూన్ 2న ప్రేక్షకుల ముందుకొచ్చింది. ఈ మూవీ బాక్సాఫీస్ వద్ద మిక్స్‌డ్‌ టాక్‌ను సొంతం చేసుకుంది. తాజాగా ఈ చిత్రం ఓటీటీలో రిలీజ్ అయ్యేందుకు సిద్ధమైంది. (ఇది చదవండి: టచ్‌ చేసేందుకు ఒప్పుకోలేదు.. హీరోయిన్‌ తీరుపై నటుడు కామెంట్స్!) ఈ మూవీ ఈనెల 14నుంచి ఆహాలో స్ట్రీమింగ్ కానున్నట్లు చిత్రబృందం ప్రకటించింది. ఈ విషయాన్ని ఆహా ట్విటర్‌ ద్వారా వెల్లడించింది. ఈ సినిమాలో సునీల్‌, సముద్రఖని, శ్రీకాంత్ అయ్యంగార్‌ కీలక పాత్రలు పోషించారు. నేను స్టూడెంట్ సార్ బెల్లంకొండ గణేష్‌ నటించిన రెండో చిత్రం కాగా.. అలనాటి ప్రముఖ నటి భాగ్యశ్రీ కుమార్తె అవంతిక దాసాని ఈ మూవీతోనే సినిమా ఇండస్ట్రీకి పరిచయమైంది. థియేటర్లలో పెద్దగా ఆకట్టుతోని ఈ మూవీ ఓటీటీలో అలరించేందుకు సిద్ధమైంది.  (ఇది చదవండి: ఈ ఏడాది ఆస్కార్ బరిలో.. ఆ చిత్రంపైనే భారీ అంచనాలు!) Ee Student vachesthunnadu...!🙋‍♂️ Get ready for a thrilling experience..😯 Premieres July 14 🥳#GaneshBellamkonda@NaandhiSATISH#rakhiuppalapati@avantikadassani @suneeltollywood@thondankani pic.twitter.com/0xNtW4wn65 — ahavideoin (@ahavideoIN) July 3, 2023

బెల్లంకొండ గణేశ్, అవంతిక దస్సాని జంటగా నటించిన చిత్రం ‘నేను స్టూడెంట్‌ సర్‌’. రాకేష్‌ ఉప్పలపాటి దర్శకత్వంలో ఈ చిత్రాన్ని తెరకెక్కించారు. నాంది’ సతీష్‌ వర్మ నిర్మించిన ఈ చిత్రం నేడే ప్రేక్షకుల ముందుకొచ్చింది. ఇప్పటికే ఓవరీస్‌తో పాటు పలు చోట్ల ఫస్ట్ షో పూర్తయింది. ఈ సినిమా చూసిన ఫ్యాన్స్ సినిమాపై తమ అభిప్రాయాలను ట్విటర్ వేదికగా పంచుకున్నారు. నేను స్టూడెంట్ సార్ మూవీపై ప్రేక్షకుల అభిప్రాయం ఎలా ఉందో ఓ లుక్కేద్దాం.  ఈ సినిమా  కాన్సెప్ట్ చాలా బాగుందని కొందరు ట్వీట్స్ పెడుతున్నారు. మరికొందరు  ఈ సినిమా సరికొత్త థ్రిల్‌ అందించిందని పేర్కొంటున్నారు. కొందరేమో ఫుల్ ఎమోషనల్ డ్రామా అంటూ ‍ ట్వీట్స్ చేస్తున్నారు.  Dialogues bagunnay, comedy ga start ayyindhi cinema#NenuStudentSir! pic.twitter.com/QBBHJYIeSe — D kalyan (@emptypockettss) June 2, 2023 Picha comedy ra aiyya 😂#NenuStudentSir pic.twitter.com/iV3tEL1Gpb — The Sanjay Siva (@SanjaySiva01) June 2, 2023 This is an really an good concept movie with good action thriller movie and with good drama entertainment in theatre's book your tickets now and watch it today. All the best team#NenuStudentSir 🎟️ https://t.co/Nlv9ZFR0vM#GaneshBellamkonda #RakhiUppalapati @NaandhiSATISH @SV2Ent — Bharani (@PrabhasSeenu1) June 1, 2023 Edi cinema ante elanti good and interesting concept tho movie vasthe 💥 blockbuster talk easy ga vastadi Releasing today on theatre book your tickets now 😁#NenuStudentSir! 🎟️ https://t.co/LFP5XOyaUu#GaneshBellamkonda #RakhiUppalapati @NaandhiSATISH @SV2Ent — Natrajan (@Siddharthroy031) June 1, 2023

‘‘నేను స్టూడెంట్‌ సర్‌’లోని ఎమోషన్స్‌కు ఎక్కువగా స్టూడెంట్స్, యూత్‌ కనెక్ట్‌ అవు తారు. స్క్రీన్‌ ప్లే క్యూరియాసిటీతో నడుస్తుంది. ఆడియన్స్‌ థ్రిల్‌ అవుతారు’’ అన్నారు బెల్లంకొండ గణేశ్‌. రాకేష్‌ ఉప్పలపాటి దర్శకత్వంలో బెల్లంకొండ గణేశ్, అవంతిక దస్సాని జంటగా నటించిన చిత్రం ‘నేను స్టూడెంట్‌ సర్‌’. ‘నాంది’ సతీష్‌ వర్మ నిర్మించిన ఈ చిత్రం నేడు రిలీజవుతోంది. ఈ సందర్భంగా.. ‘‘ప్రేక్షకుల టైమ్, డబ్బు వృథా కావు’’ అన్నారు రాకేష్‌. ‘‘థ్రిల్లింగ్‌ ఎలిమెంట్స్‌ ఉన్న ఈ చిత్రం ప్రేక్షకులకు నచ్చుతుంది’’ అన్నారు సతీష్‌ వర్మ. ‘‘డబ్బే ఒక ఐడియాలజీ అనేది ఈ సినిమా రూట్‌ కాన్సెప్ట్‌’’ అన్నారు ఈ చిత్రకథారచయిత కృష్ణ చైతన్య.

‘స్వాతిముత్యం’ సినిమాతో సక్సెస్‌ఫుల్‌గా రంగప్రవేశం చేసిన యంగ్ హీరో బెల్లంకొండ గణేష్ ‘నేను స్టూడెంట్ సర్'తో థ్రిల్ ఇవ్వడానికి రెడీ అవుతున్నారు. రాకేష్‌ ఉప్పలపాటి దర్శకుడిగా పరిచయం అవుతున్న ఈ సినిమాను ఎస్వీ 2 ఎంటర్‌టైన్‌మెంట్‌పై ‘నాంది’ సతీష్ వర్మ నిర్మించారు. అవంతిక దస్సాని హీరోయిన్‌గా నటిస్తోంది. జూన్ 2న నేను స్టూడెంట్ సర్ ప్రేక్షకుల ముందుకు వస్తున్న నేపథ్యంలో  హీరో బెల్లంకొండ గణేష్ విలేకరుల సమావేశంలో చిత్ర విశేషాలను పంచుకున్నారు.  ► నేను ఎప్పుడూ స్టూడెంట్‌లానే ఫీలవుతాను. రియల్ లైఫ్‌లో జరిగే పరిస్థితులు ఇందులో ఎక్కువగా ఉంటాయి. చివరి వరకూ చాలా క్యూరియాసిటీ ఉంటుంది. క్లైమాక్స్ వచ్చే వరకు అసలు విలన్ ఎవరనేది ఊహించలేరు. అది మాత్రం వందశాతం హామీ ఇవ్వగలము. ► ఈ కథని కృష్ణ చైతన్య గారు రాశారు. రాకేష్ గారు స్క్రీన్ ప్లే, డైరెక్షన్ చేశారు. కృష్ణ చైతన్య గారు కథ చెప్పినపుడు ఇందులో ఉన్న ఎమోషన్, క్యారెక్టర్ ఆర్క్ కి బాగా కనెక్ట్ అయ్యాను. ► ఈ పాత్ర నా కెరీర్‌కు చాలా ప్లస్ అవుతుంది. చాలా మంది పెద్ద హీరోలు వారి రెండో సినిమాలో స్టూడెంట్ పాత్ర చేశారు. ఇది నాకు మంచి బూస్ట్ అవుతుంది.  ► భాగ్యశ్రీ మా అన్నయ్య సినిమాలో నటించారు. అదే సమయంలో వారి అమ్మాయిని తెలుగులో లాంచ్ చేయాలనే ఆలోచనలో ఉన్నారని చెప్పారు. ఈ సినిమాకు ఒక కొత్త అమ్మాయి అయితే బావుంటుందనిపించి అవంతికని తీసుకున్నాం. ► నాందితో మంచి విజయం అందుకున్న నిర్మాత సతీష్ వర్మ ఈ సినిమా కోసం చాలా ప్యాషన్‌తో పని చేశారు. అందరికంటే ముందు సెట్‌కు వచ్చి అందరికంటే చివర్లో వెళ్ళేవారు. సినిమాకి ఏం కావాలో అది ఎక్కడా రాజీపడకుండా సమకూర్చారు. ► స్వాతిముత్యం రిలీజ్ చేసినప్పుడు చిరంజీవి గారు, నాగార్జున గారి సినిమాలతో కలసి రావడం వలన బ్యాడ్ రిలీజ్ డేట్ అనే మాట వినిపించింది. ఉన్నవాట్లో మనదొక్కటే ఫ్యామిలీ సినిమా పండక్కి ఆడే ఛాన్స్ ఉంటుందనే నమకంతో నిర్మాతలు ఆ డేట్‌కు విడుదల చేశారు. అది ఇంకా బాగా ఆడాల్సింది. అయితే ఓటీటీలో దానికి అద్భుతమైన రెస్పాన్స్ వచ్చింది. ఎక్కడికి వెళ్ళినా చాలా మంచి సినిమా చేశారని ప్రశంసిస్తున్నారు. ఈ విషయంలో నటుడిగా నేను సక్సెస్ అయ్యాననే భావిస్తాను. ఇప్పుడు ‘నేను స్టూడెంట్ సర్' పై మాకు పూర్తి నమ్మకంగా వుంది. మంచి సినిమాని ప్రేక్షకులు గొప్పగా ఆదరిస్తారనే నమ్మకం వుంది. ► మహతి చాలా అద్భుతమైన మ్యూజిక్ ఇచ్చారు. మంచి సినిమా చుశామనే అనుభూతితో పాటు మంచి ఆర్ఆర్ విన్నామనే ఫీలింగ్‌తో ప్రేక్షకులు బయటికి వస్తారు. 

‘‘బాహుబలి, హ్యాపీ డేస్, కొత్త బంగారులోకం’ లాంటి కొన్ని సినిమాలు తప్పితే చాలావరకు ఏ సినిమానీ నేను రెండోసారి చూడలేదు. కానీ ‘నేను స్టూడెంట్‌ సర్‌’ చిత్రాన్ని నాలుగు సార్లు చూశాను.. ఎక్కడా బోర్‌ కొట్టదు. కోవిడ్‌ కారణంగా 40 ఏళ్లకు పైబడిన వారు ‘నాంది’ సినిమాని ఎక్కువగా థియేటర్‌కి వచ్చి చూడలేదు. కానీ ‘నేను స్టూడెంట్‌ సర్‌’ చిత్రం అన్ని వయసుల వారు థియేటర్‌కి వచ్చి చూసేలా ఉంటుంది’’ అని నిర్మాత ‘నాంది’ సతీష్‌ వర్మ అన్నారు. బెల్లంకొండ గణేష్, అవంతిక దాసాని జంటగా రాకేష్‌ ఉప్పలపాటి దర్శకత్వంలో తెరకెక్కిన చిత్రం ‘నేను స్టూడెంట్‌ సర్‌’.సతీష్‌ వర్మ నిర్మించిన ఈ సినిమా జూన్‌ 2న విడుదల కానుంది. ఈ సందర్భంగా సతీష్‌ వర్మ విలేకరులతో మాట్లాడుతూ– ‘‘నేను స్టూడెంట్‌ సర్‌’లో యూనివర్సిటీలో స్టూడెంట్‌ లైఫ్‌ని చూపించాం. గణేష్‌ ఈ పాత్రకు సరిగ్గా సరిపోయాడు. మంచి థ్రిల్లర్‌ జోనర్‌లో కథ సాగుతుంది. ‘నాంది’కి వచ్చిన క్రేజ్‌ని ఈ సినిమా నిలబెడుతుందని భావిస్తున్నాను. కృష్ణ చైతన్యగారి కథని రాకేష్‌ ఉప్పలపాటి చక్కగా తీశారు. నటి భాగ్యశ్రీ గారి అమ్మాయి అవంతికని మా సినిమా ద్వారా హీరోయిన్‌గా పరిచయం చేయడం హ్యాపీ. మా తర్వాతి సినిమా బెల్లంకొండ శ్రీనివాస్‌ హీరోగా రాకేష్‌ ఉప్పలపాటి దర్శకత్వంలోనే ఉంటుంది’’ అన్నారు.  

‘‘ఇండస్ట్రీలో దర్శకుడిగా అవకాశం రావాలంటే ప్రతిభతో పాటు సరైన టైమ్‌ కూడా కలిసిరావాలని నమ్ముతాను. ఎందుకంటే ఫిల్మ్‌నగర్, కృష్ణానగర్‌లో దర్శకులు కావాలనుకునే కొందరితో నేను మాట్లాడుతున్నప్పుడు వారిలో నా కన్నా ఎక్కువ ప్రతిభ ఉన్నట్లు అనిపిస్తుంటుంది’’ అని డైరెక్టర్‌ రాకేష్‌ ఉప్పలపాటి అన్నారు. బెల్లంకొండ గణేష్, అవంతిక దాసాని జంటగా నటించిన చిత్రం ‘నేను స్టూడెంట్‌ సర్‌!’. రాకేష్‌ ఉప్పలపాటిని దర్శకుడిగా పరిచయం చేస్తూ ‘నాంది’ సతీష్‌ వర్మ నిర్మించిన ఈ చిత్రం జూన్  2న విడుదల కానుంది. ఈ సందర్భంగా రాకేష్‌ ఉప్పలపాటి మాట్లాడుతూ– ‘‘నా స్వస్థలం భీమడోలు. నాన్నగారి వ్యాపారం నిమిత్తం తాటిపాకకు మారాం. డిగ్రీ పూర్తి చేసిన తర్వాత ‘చుక్కలాంటి అమ్మాయి చక్కనైన అబ్బాయి’ సినిమాకు దర్శకత్వ విభాగంలో పనిచేశాను. ఆ తర్వాత తేజగారి దగ్గర అసిస్టెంట్‌గా వర్క్‌ చేశాను. కృష్ణ చైతన్యగారి కథతో ‘నేను స్టూడెంట్‌ సర్‌’ సినిమా చేశాను. హీరోకి ఇష్టమైన ఫోన్, అవసరమైన ఐడెంటిటీ.. భయపెట్టే గన్‌.. ఈ మూడు అంశాల చుట్టూ ఈ కథ తిరుగుతుంది. హీరోకి, ఓ పోలీస్‌ కమిషనర్‌కు మధ్య ఎలాంటి యుద్ధం నెలకొంది? అనేది ఇందులో ఆసక్తిగా ఉంటుంది. నిర్మాత ‘నాంది’ సతీష్‌గారితోనే మరో సినిమా చేస్తాను’’ అన్నారు.

‘‘నేను ప్రతిరోజూ విద్యార్థిలానే భావిస్తాను. ‘నేను స్టూడెంట్‌ సర్‌’ టైటిల్‌ విన్నప్పుడు నా కాలేజీ రోజులు గుర్తుకొచ్చాయి. ఏదైనా తింగరి పని చేసి పోలీసులకు దొరికినప్పుడు ‘నేను స్టూడెంట్‌ సార్‌’ అనేవాణ్ని’’ అన్నారు హీరో విశ్వక్‌ సేన్‌. బెల్లంకొండ గణేశ్‌ హీరోగా రాఖీ ఉప్పలపాటి దర్శకత్వం వహించిన చిత్రం ‘నేను స్టూడెంట్‌ సర్‌’. ‘నాంది’ సతీష్‌ వర్మ నిర్మించిన ఈ సినిమా జూన్‌ 2న విడుదల కానుంది. మహతి స్వరసాగర్‌ సంగీతం అందించిన ఈ చిత్రంలోని ‘24/7 ఒకటే ధ్యాస..’ అనే పాటని విశ్వక్‌ సేన్‌ రిలీజ్‌  చేసి, మాట్లాడుతూ– ‘‘నేను స్టూడెంట్‌ సర్‌’ టీజర్‌ బాగుంది. సినిమా మంచి హిట్‌ కావాలి’’ అన్నారు. ‘‘ఫోన్‌ కొనడానికి కష్టపడే సమయంలో వచ్చే మాంటేజ్‌ సాంగ్‌ ‘24/7 ఒకటే ధ్యాస..’’ అన్నారు బెల్లంకొండ గణేశ్‌. ‘‘మా సినిమాని అందరూ చూడాలని కోరుకుంటున్నాను’’ అన్నారు రాఖీ ఉప్పలపాటి. ‘‘హీరో క్యారెక్టర్‌ ఏంటో ఈ పాట ద్వారా చెప్పాం’’ అన్నారు సతీష్‌ వర్మ. కథారచయిత కృష్ణ చైతన్య, పాటల రచయిత హర్ష, హీరోయిన్లు అవంతిక, రితిక మాట్లాడారు. 

స్టూడెంట్‌గా థియేటర్స్‌కు వచ్చేందుకు రెడీ అవుతున్నాడు బెల్లకొండ గణేశ్‌. రాఖీ ఉప్పలపాటి దర్శకత్వంలో బెల్లకొండ గణేశ్‌ హీరోగా ‘నాంది’ సతీష్‌ వర్మ నిర్మించిన చిత్రం ‘నేను స్టూండెట్‌ సార్‌!’. ఇందులో అవంతిక దస్సాని హీరోయిన్‌గా నటించారు. యాక్షన్‌ థ్రిల్లర్‌గా రూపొందిన ఈ సినిమాను జూన్‌ 2న రిలీజ్‌ చేస్తున్నట్లు శుక్రవారం యూనిట్‌ ప్రకటించింది. సముద్రఖని, సునీల్, శ్రీకాంత్‌ అయ్యంగార్‌ కీలక పాత్రల్లో కనిపించనున్న ఈ చిత్రానికి సంగీతం: మహతి స్వర సాగర్‌. 

బెల్లండకొండ గణేశ్‌ నటిస్తున్న రెండో చిత్రం నేను స్టూడెంట్‌ సర్‌.రాఖి ఉప్పలపాటి దర్శకత్వం వహించిన ఈ సినిమాలో  అవంతిక దస్సానీ హీరోయిన్‌గా నటించింది. ఇప్పటికే రిలీజైప పోస్టర్స్‌, టీజర్‌ సినిమాపై మంచి అంచనాలను క్రియేట్‌ చేసింది. అన్ని కార్యక్రమాలు పూర్తి చేసుకున్న ఈ సినిమాను 10న విడుదల చేయాలని మేకర్స్‌ భావించారు. అయితే తాజాగా రిలీజ్‌ డేట్‌ను వాయిదా వేస్తున్నట్లు ప్రకటించారు. విద్యర్థుల పరీక్షలను దృష్టిలో ఉంచుకొని సినిమాను వాయిదా వేస్తున్నాం. త్వరలోనే కొత్త రిలీజ్‌ డేట్‌ను అనౌన్స్‌ చేస్తాం. పరీక్షలు రాయబోతున్న విద్యార్థులకు ఆల్‌ ది బెస్ట్‌. వేసవి సెలవుల్లో కలుద్దాం అంటూ మేకర్స్‌ ఓ పోస్టర్‌ను విడుదల చేశారు. కాగా ఓ కాలేజీ స్టూడెంట్‌కి ఎదురైన సమస్య నుంచి అతను ఎలా బయటపడ్డాడు అనే కథాంశంతో సినిమాను తెరకెక్కించారు.    #NenuStudentSir! is postponed from March 10th! 👍🏻 Wishing every student all the best for their exams & Meet you all during SUMMER HOLIDAYS ⛱️#GaneshBellamkonda @avantikadassani @NaandhiSATISH #RakhiUppalapati #MahathiSwaraSagar @adityamusic pic.twitter.com/Xf2i3iKH3c — 𝐒𝐕𝟐 𝐄𝐧𝐭𝐞𝐫𝐭𝐚𝐢𝐧𝐦𝐞𝐧𝐭 (@SV2Ent) February 27, 2023

స్టూడెంట్‌గా బెల్లంకొండ గణేష్‌ థియేటర్స్‌కి వచ్చే సమయం ఖరారైపోయింది. బెల్లంకొండ గణేష్‌ హీరోగా రాఖీ ఉప్పలపాటి దర్శకత్వంలో ‘నాంది’ ఫేమ్‌ సతీష్‌ వర్మ నిర్మించిన చిత్రం ‘నేను స్టూడెంట్‌ సార్‌..!’. ఇందులో అవంతిక దస్సాని హీరోయిన్‌గా నటించారు. ఈ సినిమాను మార్చి 10న థియేటర్స్‌లో రిలీజ్‌ చేస్తున్నట్లుగా శుక్రవారం ప్రకటించారు మేకర్స్‌. ‘‘ఇది ఇంటెన్స్‌ యాక్షన్‌ మూవీ’’ అని యూనిట్‌ పేర్కొంది. ఈ చిత్రానికి సంగీతం: మహతి స్వర సాగర్, కెమెరా: అనిత్‌ మధాడి.

యువ హీరో బెల్లంకొండ గణేశ్‌,అవంతిక దస్సానీ కాంబినేషన్‌లో వస్తున్న చిత్రం ‘నేను స్టూడెంట్‌ సర్‌’  రాఖీ ఉప్పలపాటి డైరెక్ట్‌ చేస్తున్న ఈ సినిమా నుంచి ఇటీవలే విడుదల చేసిన మాయే మాయే సాంగ్ ప్రోమో మ్యూజిక్‌ లవర్స్‌ ను ఇంప్రెస్ చేస్తూ సాగుతుంది. తాజాగా మాయే మాయే ఫుల్ లిరికల్ వీడియో సాంగ్‌ను లాంఛ్ చేశారు మేకర్స్. హీరోహీరోయిన్లు గణేశ్‌, అవంతిక సాగే జర్నీ నేపథ్యంలో వచ్చే ఈ పాట సినిమాకు స్పెషల్ అట్రాక్షన్‌గా నిలుస్తునడంలో ఎలాంటి సందేహం లేదు. చిత్రయూనిట్‌కు శుభాకాంక్షలు తెలియజేస్తూ.. స్టార్ డైరెక్టర్ గోపీచంద్ మలినేని ఈ సాంగ్ లిరికల్‌ వీడియో లింక్‌ను షేర్ చేశాడు. ఈ పాటను కృష్ణ చైతన్య రాయగా.. కపిల్‌ కపిలన్‌, మహతి స్వరసాగర్ ఈ సాంగ్ పాడారు. యాక్షన్‌ థ్రిల్లర్‌ బ్యాక్‌ డ్రాప్‌లో వస్తున్న ఈ చిత్రంలో సముద్రఖని హీరోయిన్ తండ్రి అర్జున్‌ వాసుదేవన్‌గా అనే పోలీసాఫీసర్‌ పాత్రలో కనిపించనుండగా..సునీల్‌ కీలక పాత్రలో నటిస్తున్నాడు. ఎస్వీ2 ఎంటర్‌టైన్‌మెంట్‌ బ్యానర్‌పై ‘నాంది’ ఫేం సతీశ్‌ కుమార్‌ నిర్మిస్తున్నారు. నేను స్టూడెంట్‌ సర్‌ చిత్రానికి మహతి స్వరసాగర్‌ సంగీతం అందిస్తున్నాడు. ఈ ప్రాజెక్ట్‌లో శ్రీకాంత్ అయ్యంగార్‌, చరణ్‌ దీప్‌, ఆటో రాంప్రసాద్, ప్రమోదిని ఇతర కీలక పాత్రలు పోషిస్తున్నారు. ఇప్పటికే విడుదలైన టీజర్‌కు మంచి స్పందన వస్తోంది.

బెల్లంకొండ గణేష్, అవంతిక జంటగా నటింన చిత్రం ‘నేను స్టూడెంట్‌ సర్‌’. కృష్ణచైతన్య కథ, స్క్రీన్‌ ప్లేతో రాఖీ ఉప్పలపాటి ఈ సినిమాకు దర్శకత్వం వహించారు. శనివారం ఈ సినివ టీజర్‌ను లాంచ్‌ చేసిన దర్శకుడు వీవీ వినాయక్‌ మాట్లాడుతూ– ‘‘టీజర్‌ బాగుంది. ఈ సినిమాతో గణేష్‌కు మరో విజయం దక్కాలి. ‘నాంది’ వంటి సినిమాను నిర్మించిన సతీష్‌ వర్మ సంస్థలో గణేష్‌ సినిమా చేయడం హ్యాపీగా ఉంది. దర్శకుడు రాఖీతో పాటు చిత్ర యూనిట్‌కి ఆల్‌ ది బెస్ట్‌’’ అన్నారు. ‘‘నా తొలి చిత్రం ‘స్వాతిముత్యం’తోనే ప్రేక్షకులు నన్ను యాక్సెప్ట్‌ చేయడం సంతోషంగా అనిపింంది. అయితే ఆ సినిమా రిలీజ్‌ కాక ముందే నన్ను నమ్మి, ‘నేను స్టూడెంట్‌ సర్‌’ను నిర్మింన సతీష్‌గారికి ధన్యవాదాలు. ఈ కథలో మంచి కంటెంట్‌ ఉంది. అందుకే యాక్సెప్ట్‌ చేశాను’’ అన్నారు గణేష్‌. ‘‘నిర్మాతగా నా తొలి చిత్రం ‘నాంది’ సక్సెస్‌ అయ్యింది. ‘నేను స్టూడెంట్‌ సర్‌’లో కూడా మంచి కంటెంట్‌ ఉంది’’ అన్నారు సతీష్‌ వర్మ. ‘‘గణేష్‌ కథతో పాటే ట్రావెల్‌ చేస్తారు. సతీష్‌గారిలాంటి నిర్మాత దొరకడం నా అదృష్టం’’ అన్నారు రాఖీ.

బెల్లంకొండ గణేష్ హీరోగా పరిచయం అయిన తొలి చిత్రం 'స్వాతి ముత్యం'. ఇటీవల థియేటర్లలో విడుదలైన ఈ చిత్రం ప్రేక్షకుల ప్రశంసలు అందుకుంది. బాక్సాఫీస్ వద్ద ఊహించని విజయాన్ని సాధించింది ఈ చిత్రం. తాజాగా ఈ సినిమాకు సంబంధించి ఓటీటీ అప్‌డేట్ వచ్చేసింది. డిజిటల్ ప్రీమియర్‌గా ప్రేక్షకులను అలరించేందుకు వస్తోంది.  ఈ చిత్రం ఈ నెల 28 నుంచి ప్రముఖ ఓటీటీ ప్లాట్‌ఫామ్ ఆహాలో ప్రసారం కానున్నట్లు మేకర్స్ వెల్లడించారు. వర్ష బొల్లమ్మ హీరోయిన్‌గా నటించిన ఈ మూవీకి లక్ష్మణ్ కె కృష్ణ దర్శకత్వం వహించారు. సితార ఎంటర్‌టైన్‌మెంట్ పతాకంపై సూర్య దేవర నాగ వంశీ ఈ సినిమాను నిర్మించారు. థియేటర్లలో సక్సెట్ టాక్ తెచ్చుకున్న ఈ చిత్రం ఓటీటీలో ప్రేక్షకులను అలరించనుంది. (చదవండి: Varsha Bollamma: వర్ష బొల్లమ్మ 'స్వాతిముత్యం' రిలీజ్‌ డేట్‌ ఫిక్స్‌..) కథ ఎలా ఉందంటే: 'స్వాతిముత్యం' లాంటి ఓ యువకుడు కథే ఈ చిత్రం. జీవితం, ప్రేమ, పెళ్లి పట్ల, ఆలోచనలు, అభిప్రాయాలు నడుమ అతని జీవిత ప్రయాణం ఎలా సాగిందన్నది ఈ చిత్రం. కుటుంబ సంబంధాలు, భావోద్వేగాలు తప్పనిసరి. ప్రధానంగా ఇవన్నీ వినోదాన్ని పుష్కలంగా పంచుతాయి. సగటు సినిమా ప్రేక్షకుడిని అలరిస్తాయి. ప్రేమతో కూడిన వినోద భరిత కుటుంబ కథా చిత్రం 'స్వాతిముత్యం'.  సకుటుంబ సపరివార సమేతంగా చూడదగ్గ చిత్రంగా 'స్వాతిముత్యం'ను దర్శకుడు లక్ష్మణ్ తీర్చిదిద్దారు.  Overall ga #SwathimuthyamOnAHA, pakka entertainer 😉 Premieres Oct 28@VarshaBollamma #GaneshBellamkonda @vamsi84 @Lakshmankkrish2 @adityamusic pic.twitter.com/dO9W6yUFvD — ahavideoin (@ahavideoIN) October 18, 2022

‘‘నా చిన్న కుమారుడు బెల్లంకొండ గణేష్‌ హీరోగా పరిచయమైన ‘స్వాతిముత్యం’తోనే ప్రేక్షకులు తనను నటుడిగా అంగీకరించడం నాకు హ్యాపీగా ఉంది. దర్శకుడు లక్ష్మణ్‌ను కూడా ప్రేక్షకులు అంగీకరించారు. తొలి సినిమాతోనే ప్రేక్షకాదరణ పొందాలంటే అదృష్టం ఉండాలి. అది ‘స్వాతిముత్యం’తో గణేష్‌కు దక్కడం హ్యాపీ’’ అన్నారు నిర్మాత బెల్లంకొండ సురేష్‌. బెల్లంకొండ గణేష్, వర్ష బొల్లమ్మ జంటగా నటించిన  చిత్రం ‘స్వాతిముత్యం’. లక్ష్మణ్‌ కె. కృష్ణ దర్శకత్వంలో  సూర్యదేవర నాగవంశీ నిర్మించిన ఈ చిత్రం ఈ నెల 5న రిలీజైంది. సోమవారం జరిగిన విలేకర్ల సమావేశంలో బెల్లంకొండ సురేష్‌ మాట్లాడుతూ– ‘‘స్వాతిముత్యం’ రిలీజైన తొలి రోజు, రెండో రోజు కలెక్షన్స్‌ చూసి భయపడ్డాం. కానీ మూడో రోజు నుంచి వసూళ్లు పెరుగుతున్నాయి. మరోవైపు చిరంజీవిగారి ‘గాడ్‌ ఫాదర్‌’ సినిమా ఉన్నా ‘స్వాతిముత్యం’కూ ప్రేక్షకాదరణ లభించింది. ‘గాడ్‌ ఫాదర్‌’ ప్రీ రిలీజ్‌లో చిరంజీవిగారు ‘స్వాతిముత్యం’ సినిమాను కూడా ఆదరించాలని చెప్పారు. ఆయనకు ధన్యవాదాలు. గణేష్‌ను హీరోగా లాంచ్‌ చేసిన నాగవంశీ, చినబాబులకు రుణపడి ఉంటాను. ఓ నిర్మాతగా నేను కూడా ఇలాంటి లాంచింగ్‌ను గణేష్‌కు ఇచ్చి ఉండేవాడిని కాదేమో! ఇక బాలకృష్ణగారి ‘చెన్నకేశవరెడ్డి’ సినిమాను రీ రిలీజ్‌ చేయడం వల్ల వచ్చిన ఐదు కోట్ల నలభై లక్షల రూపాయలను బసవతారకం ట్రస్ట్‌కు విరాళంగా ఇవ్వనున్నాం. ఎన్టీఆర్‌గారి ‘ఆది’ సినిమాను కూడా రీ రిలీజ్‌ చేసే ఆలోచనలో ఉన్నాం. ఇక ‘జగదేకవీరుని కథ’ సినిమాను మళ్లీ తీయాలన్నది నాకున్న లక్ష్యాల్లో ఒకటి. ఎప్పటికైనా తీస్తా’’ అన్నారు. ‘‘తొలి సినిమాతోనే నటుడిగా నాకు ఇంత మంచి పేరు వస్తుందని ఊహించలేదు’’ అన్నారు గణేష్‌. ‘‘రిపీట్‌ ఆడియన్స్‌ ఉన్న చిత్రం ‘స్వాతిముత్యం’. నన్ను నమ్మి, ప్రోత్సహించిన నాగవంశీ, చినబాబు, బెల్లంకొండ గణేష్‌గార్లకు ధన్యవాదాలు. దర్శకుడిగా నా రెండో సినిమా కూడా సితార ఎంటర్‌టైన్మెంట్స్‌ బ్యానర్‌లోనే ఉంటుంది’’ అన్నారు లక్ష్మణ్‌ కె. కృష్ణ.  

బెల్లంకొండ గణేష్, వర్ష బొల్లమ్మ జంటగా నటించిన చిత్రం ‘స్వాతిముత్యం’. లక్ష్మణ్‌ కె. కృష్ణ దర్శకత్వంలో సూర్యదేవర నాగవంశీ నిర్మించిన ఈ చిత్రం ఈ నెల 5న రిలీజైంది. శుక్రవారం హైదరాబాద్‌లో జరిగిన ఈ సినిమా సక్సెస్‌ మీట్‌లో బెల్లంకొండ గణేష్‌ మాట్లాడుతూ – ‘‘తెరపై గణేష్‌ కాదు.. బాలమురళీయే (సినిమాలో గణేష్‌ పాత్ర) కనిపిస్తున్నాడన్నప్పుడు నటుడిగా ఓ పది మార్కులు సాధించాననే తృప్తి కలిగింది. ఈ కథను నా దగ్గరకు తీసుకు వచ్చి, నా నుంచి నటనను రాబట్టుకున్న లక్ష్మణ్‌కు థ్యాంక్స్‌. ఈ కథను ఎక్కువగా నమ్మి, నిర్మించిన నాగవంశీగారికి రుణపడి ఉంటాను’’ అని అన్నారు. ‘‘ఓ సాధారణ కుటుంబంలో అనుకోని సమస్య వస్తే వారు ఏ విధంగా స్పందిస్తారు? అనే అంశం ఆధారంగా ఈ సినిమా చేశాం. కథ చెప్పగానే అంగీకరించిన గణేష్‌కు, కథను నమ్మి.. అదే నమ్మకాన్ని మా అందరిపై ఉంచిన నాగవంశీగారికి ధన్యవాదాలు’’ అన్నారు లక్ష్మణ్‌ కె. కృష్ణ. ‘‘స్వాతిముత్యం’ రిలీజ్‌కు ముందు చిరంజీవిగారు శుభాకాంక్షలు తెలిపారు. ఇప్పుడు చిరంజీవిగారి ‘గాడ్‌ఫాదర్‌’, ‘స్వాతిముత్యం’ చిత్రాలు విజయాలు సాధించి నందుకు హ్యాపీగా ఉంది. ‘స్వాతిముత్యం’ సినిమాకు రోజురోజుకీ ఆదరణ పెరుగుతోంది’’ అన్నారు నాగవంశీ. దివ్య శ్రీపాద, సురేఖా వాణి పాల్గొన్నారు.

ప్రముఖ నటి, క్యారెక్టర్‌ ఆర్టిస్టు సురేఖ వాణి గురించి ప్రత్యేకంగా పరిచయం చేయాల్సిన పనిలేదు. సినిమాలతో కంటే సోషల్‌ మీడియాతో మరింత పాపులర్‌ అయిన సురేఖవాణి కూతురు సుప్రీతతో కలిసి నెట్టింట తెగ రచ్చ చేస్తుంటుంది. మోడ్రన్ డ్రస్సుల్లో కూతురితో పోటీపడుతూ సోషల్ మీడియాను షేక్ చేస్తుంటారామె. ఈ క్రమంలో సురేఖ తరచూ వార్తల్లో నిలుస్తూ ఉంటుంది. ఇదిలా ఉండగా ఈమధ్య కాలంలో సినిమాలకు కాస్త దూరంగా ఉన్న సురేఖవాణి ఇటీవలె స్వాతిముత్యం సినిమాతో ప్రేక్షకులను పలకరించింది. ఈ సందర్భంగా మూవీ టీం ఏర్పాటు చేసిన సక్సెస్‌ మీట్‌లో పాల్గొన్న ఆమె సినిమాలు ఎందుకు చేయట్లేదనే విషయంపై క్లారిటీ ఇచ్చింది. 'చాలామంది సినిమాల్లో ఎందుకు కనిపించట్లేదు అని అడుగుతున్నారు. అసలు మాదాకా వస్తే కదా చేయడానికి? మా వరకు అసలు అవకాశాలు రావట్లేదు. అలా ఎందుకు అవుతుందో నాకు కూడా తెలియదు. నేను సినిమాలు మానేశాను అని అనుకుంటున్నారు. అస్సలు కాదు. మంచి ఛాన్సులు వస్తే తప్పకుండా నటిస్తా. స్వాతిముత్యం సినిమాలో నాకు మంచి రోల్‌ ఇచ్చిన​ందుకు సినిమా టీమ్‌కు ధన్యవాదాలు' అంటూ సురేఖవాణి ఎమోషనల్‌ అయ్యింది.

‘‘సినిమా అంటే కేవలం ఫైట్స్, యాక్షనే అని నేను అనుకోవడం లేదు. కథలో పర్టిక్యులర్‌గా ఫలానా అంశాలు, లక్షణాలు ఉండాలని కోరుకోను. సినిమా బాగుంటే ఏ రకం జానర్‌ అయినా ప్రేక్షకులు థియేటర్స్‌కు వచ్చి చూస్తారు’’ అని బెల్లంకొండ గణేష్‌ అన్నారు. బెల్లకొండ గణేష్‌ హీరోగా లక్ష్మణ్‌ కె. కృష్ణ దర్శకుడిగా పరిచయం అవుతున్న సినిమా ‘స్వాతిముత్యం’. ఇందులో వర్ష బొల్లమ్మ హీరోయిన్.. సూర్యదేవర నాగవంశీ నిర్మించిన ఈ చిత్రం నేడు విడుదలవుతోంది. ఈ సందర్భంగా మంగళవారం జరిగిన విలేకర్ల సమావేశంలో బెల్లంకొండ గణేష్‌ చెప్పిన విశేషాలు... ► చిన్నతనం నుంచే నాకు యాక్టర్‌ కావాలన్న ఆలోచన ఉన్నప్పటికీ 2016 నుంచే సీరియస్‌గా తీసుకున్నాను. 2017లో ముంబైలో, 2018లో యూస్‌లో యాక్టింగ్‌ కోర్సులు చేశాను. 2019 నుంచి కథలు వినడం మొదలుపెట్టాను. అలా 2020లో ‘స్వాతిముత్యం’ కథ విన్నాను. ఈ కథతో ప్రేక్షకుల ముందుకు వస్తే ఓ నటుడిగా నన్ను ప్రేక్షకులు ఆదరిస్తారని నమ్మి నిర్మాత నాగవంశీగారి దగ్గరకు వచ్చాను. ఆయనకూ ఈ కథ నచ్చింది. ► స్పెర్మ్‌ డోనేషన్  ఆధారంగా హిందీలో ‘విక్కీ డోనర్‌’ వచ్చింది. కానీ మా ‘స్వాతిముత్యం’ ఈ ఒక్క పాయింట్‌ ఆధారంగానే సాగదు. మరికొన్ని కొత్త అంశాలు ఉన్నాయి. వీటికి ఆడియ కనెక్ట్‌ అవుతారు. ► మా నాన్నగారు (నిర్మాత బెల్లంకొండ సురేష్‌) ‘స్వాతిముత్యం’ కథ విన్నారు. అయితే కథల ఎంపికలో నాదే తుది నిర్ణయం. ఈ సినిమాను మా బ్యానర్‌లోనే చేసి ఉండొచ్చు. అయితే మరో ప్రముఖ బ్యానర్‌లో చేయడం, లాంచ్‌ కావడం అనేది నాకు మరింత గౌరవాన్ని తీసుకువస్తుంది. మా నాన్న నిర్మాత కావడంతో నా చిన్నతనం నుంచే సెట్‌ వాతావరణం నాకు అలవాటు ఉంది. అయితే అప్పుడు కెమెరా వెనుక... ఇప్పుడు యాక్టర్‌గా కెమెరా ముందు. ► నా తొలి పది సినిమాలను పది రకాల జానర్స్‌లో చేయాలనుకుంటున్నాను. నా నెక్ట్స్‌ మూవీ ‘నేను.. స్టూడెంట్‌’ ఓ థ్రిల్లర్‌ సబ్జెక్ట్‌. ఇక నేను హీరోగా పవన్  సాదినేని దర్శకత్వంలో మొదలైన సినిమా షూటింగ్‌ యూఎస్‌లో చేయాలి. కోవిడ్‌ వల్ల అప్పట్లో కుదర్లేదు. ఇప్పుడు దర్శక–నిర్మాతలు ఓకే అంటే నేను రెడీ. ఎందుకంటే ఈ సినిమా సబ్జెక్ట్‌ కూడా బాగుంటుంది. ► చిరంజీవిగారి ‘గాడ్‌ఫాదర్‌’, నాగార్జునగారి ‘ది ఘోస్ట్‌’ సినిమాలు విడుదలవుతున్న రోజునే నేను హీరోగా పరిచయం అవుతున్న సినిమా ‘స్వాతి ముత్యం’ కూడా రిలీజ్‌ అవుతుండటం కాస్త టెన్షన్ గానే ఉంది. మల్టీప్లెక్స్‌లలో ఆ స్టార్‌ హీరోల సినిమా పోస్టర్స్‌తో పాటు నా సినిమాల పోస్టర్స్‌ కూడా కనిపిస్తుండటం కొంచెం హ్యాపీగా ఉంది. యాక్టర్‌గా నాకు వెంకటేశ్‌గారు స్ఫూర్తి. దర్శకులు రాజమౌళిగారి సినిమాలో నటించాలనేది నా డ్రీమ్‌. 

బెల్లంకొండ గణేష్‌ హీరోగా పరిచయం అవుతున్న సినిమా ‘స్వాతిముత్యం’. ఇందులో వర్ష బొల్లమ్మ హీరోయిన్‌. లక్ష్మణ్‌ కె. కృష్ణ ఈ సినిమాతో దర్శకుడిగా పరిచయం అవుతున్నారు. పీడీవీ ప్రసాద్‌ సమర్పణలో సూర్యదేవర నాగవంశీ నిర్మించిన ఈ చిత్రం అక్టోబరు 5న రిలీజ్‌ కానుంది. ఈ నేపథ్యంలో నిర్మాత నాగవంశీ తాజాగా విలేకర్లతో ముచ్చటించారు. ఆ విశేషాలు.. ► ‘స్వాతిముత్యం’ ఫన్ ఫిల్డ్ ఫ్యామిలీ ఎంటర్ టైనర్. థియేటర్స్‌లో సినిమా చూశాక  నవ్వుకుంటూ బయటకు వస్తారు.  ఇప్పటిదాకా ఎవరూ టచ్ చేయని పాయింట్ ని ఇందులో టచ్ చేశాం. ఒక కాంట్రవర్షియల్ టాపిక్ ని ఫన్ టోన్ లో చెప్పాం. ► ఇప్పుడొస్తున్న కొత్త డైరెక్టర్లు చాలా కాన్ఫిడెంట్ గా ఉంటున్నారు. లక్ష్మణ్ కూడా చాలా కాన్ఫిడెంట్ గా తాను అనుకున్నది తీశాడు. మేం చిన్న చిన్న సలహాలు మాత్రమే ఇచ్చాం. ►  కోవిడ్ తర్వాత ప్రతివారం కనీసం రెండు మూడు సినిమాలు వస్తున్నాయి. మా చిత్రం కూడా  గాడ్‌ఫాడర్‌, ఘోస్ట్‌ చిత్రాలతో విడుదలవుతుంది. ఇది కొంచెం రిస్కే కానీ తప్పలేదు.   దసరా సీజన్ కాబట్టి  బరిలో రెండు పెద్ద సినిమాలున్నా రిస్క్ తీసుకుంటున్నాం. ► గాడ్‌ఫాదర్‌ ప్రీరిలీజ్‌ ఈవెంట్‌లో చిరంజీవి మా సినిమా గురించి ప్రస్తావించడం ఆనందంగా ఉంది.  చిన్న సినిమాలను ఆదరించమని చిరంజీవి ఎప్పుడూ కోరతారు. చిన్న సినిమాలను అభినందిస్తారు. అందుకే ఆయన ఇండస్ట్రీ పెద్ద అయ్యారు. ► ఈ సినిమాలో హీరో క్యారెక్టర్ అమాయకంగా ఉంటుంది కాబట్టి స్వాతిముత్యం టైటిల్ సరిగ్గా సరిపోతుందని పెట్టాం. పైగా చిన్న సినిమాకి క్లాసిక్ ఫిల్మ్ టైటిల్ పెడితే మా సినిమా ప్రేక్షకులలోకి త్వరగా వెళ్తుందన్న ఉద్దేశంతో పెట్టాం. అయితే సినిమా చూశాక ఇది యాప్ట్ టైటిల్ అని అందరికీ అనిపిస్తుంది. ► బెల్లంకొండ సురేష్ గారు పెద్దబ్బాయిని సమంతను హీరోయిన్ గా పెట్టి గ్రాండ్ గా లాంచ్ చేశారు. ఇది అలా కాదు. ఈ సినిమాతో మంచి కాన్సెప్ట్ తో వచ్చాడన్న పేరు గణేష్‌కు  వస్తుంది.

‘‘స్వాతిముత్యం’ లో నన్ను నేను మొదటిసారి బిగ్‌ స్క్రీన్‌పై చూసుకుంటే టెన్షన్‌గా ఉంది. ట్రైలర్‌లో చూసినట్టుగానే ఈ సినిమా చాలా సరదాగా మన ఇంట్లోనో, మన పక్కింట్లోనో జరిగే కథలాగా ఉంటుంది’’ అని బెల్లంకొండ గణేష్‌ అన్నారు. లక్ష్మణ్‌.కె.కృష్ణ దర్శకత్వంలో బెల్లంకొండ గణేష్, వర్ష బొల్లమ్మ జంటగా నటించిన చిత్రం ‘స్వాతిముత్యం’. ఫార్చ్యూన్‌ ఫోర్‌ సినిమాస్‌ సంస్థతో కలసి సితార ఎంటర్‌టైన్మెంట్స్‌ బ్యానర్‌పై సూర్యదేవర నాగవంశీ నిర్మించిన ఈ సినిమా అక్టోబర్‌ 5న విడుదలకానుంది. ఈ సందర్భంగా హైదరాబాద్‌లో చిత్ర ట్రైలర్‌ని విడుదల చేశారు. అనంతరం బెల్లంకొండ గణేష్‌ మాట్లాడుతూ– ‘‘లక్ష్మణ్‌ చెప్పిన ‘స్వాతిముత్యం’ కథ చేస్తే ప్రేక్షకులు ఆదరిస్తారని నమ్మాను. ఈ సినిమా అద్భుతంగా రావడానికి ప్రధాన కారణం వంశీగారు. ఈ చిత్రాన్ని ప్రేక్షకులు ఎంజాయ్‌ చేస్తారు’’ అన్నారు. ‘‘స్వాతిముత్యం’ రెగ్యులర్‌ ఫ్యామిలీ ఎంటర్‌టైనర్‌ కాదు.. కొత్త పాయింట్‌ ఉంది. నన్ను నమ్మి అవకాశం ఇచ్చిన నాగవంశీఅన్నకు థ్యాంక్స్‌’’ అన్నారు లక్ష్మణ్‌.కె.కృష్ణ. ‘‘స్వాతిముత్యం’ సినిమా మీ అందరికీ నచ్చుతుందనే నమ్మకం ఉంది’’ అన్నారు వర్ష బొల్లమ్మ. ఈ కార్యక్రమంలో నిర్మాత నాగవంశీ పాల్గొన్నారు. ∙నాగవంశీ, వర్ష, గణేశ్, లక్ష్మణ్‌

బెల్లంకొండ గణేష్‌ హీరోగా పరిచయం అవుతున్న సినిమా ‘స్వాతిముత్యం’. ఇందులో వర్ష బొల్లమ్మ హీరోయిన్‌. లక్ష్మణ్‌ కె. కృష్ణ ఈ సినిమాతో దర్శకుడిగా పరిచయం అవుతున్నారు. పీడీవీ ప్రసాద్‌ సమర్పణలో సూర్యదేవర నాగవంశీ నిర్మించిన ఈ చిత్రం అక్టోబరు 5న రిలీజ్‌ కానుంది. ఈ సందర్భంగా విలేకర్ల సమావేశంలో లక్ష్మణ్‌ చెప్పిన విశేషాలు. ► సినిమాలంటే ఆసక్తితో ఇంజనీరింగ్‌ పూర్తి కాకుండానే ఇండస్ట్రీకి వచ్చేశాను. ‘లాస్ట్‌ విష్‌’, ‘కృష్ణమూర్తిగారింట్లో..’ అనే షార్ట్‌ ఫిల్మ్స్‌ చేశాను. ‘కృష్ణమూర్తిగారింట్లో..’కి మంచి ఆదరణ లభించింది. దీంతో ఓ సినిమా అవకాశం వచ్చినా అది కార్యరూపం దాల్చలేదు. ఆ నెక్ట్స్‌ నేను ‘సదా నీ ప్రేమలో..’ అనే ఇండిపెండెంట్‌ ఫిల్మ్‌ చేశాను. ఆ తర్వాత ఓ మంచి ఫ్యామిలీ ఎంటర్‌టైనర్‌ మూవీ చేయాలనుకుని ‘స్వాతిముత్యం’ కథ రాశాను. ► ‘స్వాతిముత్యం’లో ఇంజనీరింగ్‌ పూర్తి చేసిన బాలమురళీ కృష్ణగా బెల్లంకొండ గణేష్‌ నటించారు. బాలమురళీ కృష్ణ ప్రభుత్వోద్యోగం సంపాదిస్తాడు. ఆ తర్వాత కుటుంబసభ్యులు అతనికి పెళ్లి చేయాలనుకుంటారు. ఈ క్రమంలో అతనికి ఎలాంటి సమస్యలు ఎదురయ్యాయి? అన్నదే కథ. మా చుట్టుపక్కల గ్రామాల్లోని ఘటనలను కూడా పొందుపరిచాను. ► ఈ సినిమాకు ‘స్వాతిముత్యం’ టైటిల్‌ను నిర్మాత చినబాబుగారు సూచించారు. ఎక్కువగా అమాయక పాత్రలు ఉన్నాయి కాబట్టి ఈ టైటిల్‌ అయితే బాగుంటుందని భావించారాయన. ► చిరంజీవిగారికి నేను వీరాభిమానిని. ఆయన ‘గాడ్‌ ఫాదర్‌’ విడుదలవుతున్న రోజునే నా దర్శకత్వంలోని సినిమా రిలీజ్‌ అవుతున్నందుకు హ్యాపీగా ఉంది. చిరంజీవి, నాగార్జున గార్లు వంటి స్టార్‌ హీరోల సినిమాలు విడుదలవుతున్న సమయంలో మా సినిమాను రిలీజ్‌ చేయడం అనేది నిర్మాతల నిర్ణయం. కానీ నాకు కాస్త భయంగానే ఉంది. మా సినిమా మంచి ఫ్యామిలీ ఎంటర్‌టైనర్‌. సో.. ఫెస్టివల్‌కు రిలీజ్‌ అయితే బాగుంటుందని మేం భావించాం.    

బెల్లంకొండ గణేష్‌ హీరోగా నటించిన ద్వితీయ చిత్రం ‘నేను స్టూడెంట్‌ సార్‌!’. డైరెక్టర్‌ తేజ శిష్యుడు రాఖీ ఉప్పలపాటి ఈ సినిమాతో దర్శకుడిగా పరిచయమవుతున్నారు. ఎస్వీ2 ఎంటర్‌టైన్‌మెంట్‌ బ్యానర్‌లో ‘నాంది’ వంటి హిట్‌ సినిమా నిర్మించిన ‘నాంది’ సతీష్‌ వర్మ ‘నేను స్టూడెంట్‌ సార్‌!’ని నిర్మించారు. ఈ చిత్రం టైటిల్, ఫస్ట్‌ లుక్‌ను విడుదల చేశారు. ఈ సందర్భంగా ‘నాంది’ సతీష్‌ మాట్లాడుతూ– ‘‘వైవిధ్యమైన యాక్షన్‌ థ్రిల్లర్‌గా రూపొందిన చిత్రమిది. దర్శకుడు కృష్ణ చైతన్య మంచి కథ అందించారు. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి’’ అన్నారు. సముద్ర ఖని, సునీల్, శ్రీకాంత్‌ అయ్యంగార్, ప్రమోదిని ఇతర పాత్రల్లో నటించిన ఈ చిత్రానికి సంగీతం: మహతి స్వరసాగర్, కెమెరా: అనిత్‌ మధాడి. 

గణేష్ బెల్లంకొండ హీరోగా న‌టిస్తున్న తాజా చిత్రం 'స్వాతిముత్యం'. వర్ష బొల్లమ్మ కథానాయిక. లక్ష్మణ్ కె.కృష్ణ ఈ సినిమా ద్వారా దర్శకుడిగా పరిచయం అవుతున్నారు. సితార ఎంటర్ టైన్మెంట్స్ బ్యానర్‌పై యువ నిర్మాత సూర్య దేవర నాగవంశీ నిర్మిస్తున్నాడు. సంక్రాంతి పండ‌గ‌ను పుర‌స్క‌రించుకుని స్వాతిముత్యం ఫ‌స్ట్ గ్లింప్స్‌ విడుదల చేసింది చిత్ర బృందం. 'ఏరా అమ్మాయిని కలిశావా..? పంతులు గారుతో ఇప్పుడే మాట్లాడాను...అమ్మాయి వాళ్ళ నాన్నకి పట్టింపులు ఎక్కువ పద్దతి అది ఇది అని బుర్ర తినేస్తాడంటాడేంటి?' అనే రావు ర‌మేష్ మాటలతో వీడియో మొద‌లవుతుంది. హీరోయిన్ నువ్వు వర్జినా? అని ముఖం మీదే అడిగేస‌రికి ఖంగు తిన్నాడు హీరో. ఇక చివ‌ర్లో హీరో కాబోయే మామ‌గారి కాళ్లు క‌డగ‌డంతో.. ఎదవ... ఎదవ సన్నాసి నువ్వు కాదు.. ఆళ్లు నీ కాళ్ళు కడగాలి.. నా పరువు తీసేస్తున్నాడు ఈడు అంటూ రావు రమేష్ విసుక్కుంటాడు. అయితే గ‌ణేష్ మాత్రం.. కాళ్ళు ఎవరు కడిగితే ఏంటి నాన్న అని బ‌దులివ్వ‌డం న‌వ్వు పుట్టిస్తోంది. పెళ్లి పట్ల ఆలోచనలు, అభిప్రాయాలు నడుమ అతని జీవిత ప్రయాణం ఎలా సాగిందన్నది ఈ  సినిమా క‌థ అని తెలుస్తోంది. ఈ చిత్రంలో సీనియర్ నటుడు నరేష్, రావు రమేష్, సుబ్బరాజు, వెన్నెల కిషోర్, హర్ష వర్ధన్, పమ్మి సాయి, గోపరాజు రమణ, శివ నారాయణ, ప్రగతి, సురేఖావాణి, సునయన, దివ్య శ్రీపాద ముఖ్య పాత్ర‌ల్లో నటిస్తున్నారు.

బెల్లంకొండ సురేష్ నిర్మాతగా ఎన్నో మంచి చిత్రాలను నిర్మించిన సంగతి తెలిసిందే. ఇప్పటికే ఆయన మొదటి కుమారుడు శ్రీనివాస్‌ టాలీవుడ్‌కి హీరోగా ఎంట్రీ ఇచ్చాడు. అయితే బెల్లంకొండ ఫ్యామిలీ నుంచి మరో హీరోగా టాలీవుడ్‌కి పరిచయం కానున్నాడు. అతనే ఆయన రెండో కుమారుడు బెల్లంకొండ గణేశ్‌. కాగా బెల్లంకొండ గణేశ్‌ హీరోగా రుపొందుతున్న ‘స్వాతిముత్యం’ ఫ​స్ట్‌లుక్‌ విడుదలయింది. గణేశ్‌ పుట్టినరోజు సందర్భంగా మంగళవారం (సెప్టెంబర్‌ 14)న ఫస్ట్‌ లుక్‌ని విడుదల చేశారు మేకర్స్‌. సితార ఎంటర్‌టైన్‌మెంట్స్ బ్యానర్‌‌పై ఈ చిత్రాన్ని నిర్మిస్తున్నారు. వర్ష బొల్లమ్మ హీరోయిన్‌గా చేస్తుండగా.. లక్ష్మణ్ కే కృష్ణ దర్శకత్వం వహిస్తున్నాడు.  మహతి స్వర సాగర్ సంగీతం అందిస్తున్నాడు. చిత్ర షూటింగ్‌ చివరి దశలో ఉంది. త్వరలోనే విడుదల తేదిని ప్రకటించొచ్చు. అయితే  వి.వి. వినాయక్‌ దర్శకత్వంలో తొలి తెలుగు సినిమా చేసిన బెల్లంకొండ శ్రీనివాస్‌.. త్వరలో ఆయన డెరెక్షన్‌లోనే ‘ఛత్రపతి’ రీమేక్‌ ద్వారా బాలీవుడ్‌కి పరిచయం కానున్నాడు. వ‌చ్చే ఏడాది విడుద‌ల కానున్న ఈ చిత్రం శరవేగంగా షూటింగ్ జ‌రుపుకుంటోంది. Wishing you all the success and happiness this year and all the years coming ahead! Congratulations on your new project! 🤗#GaneshBellamkonda #SwathiMuthyam @VarshaBollamma @Lakshmankkrish2 #mahathi_sagar @dopSURYAA #vamsi84 @NavinNooli @SitharaEnts pic.twitter.com/muLNWlgqkM — Bellamkonda Sreenivas (@BSaiSreenivas) September 14, 2021

యంగ్ హీరో బెల్లంకొండ సాయి శ్రీనివాస్ సోదరుడు బెల్లంకొండ గణేష్ టాలీవుడ్‌ ఎంట్రీకి సన్నాహాలు జరుగుతున్నాయి. ఇప్పటికే ఓ మూవీ షూటింగ్‌ దశలో ఉండగా ఈ సినిమా ఆగిపోయినట్లు వార్తలు వస్తున్నాయి. తాజాగా గణేష్‌ హీరోగా మరో సినిమాను పట్టాలెక్కిస్తున్నారు. ఇందులో భాగంగా 2006లో షాహిద్ క‌పూర్‌, అమృతారావు జంట‌గా న‌టించిన చిత్రం ‘వివాహ్’ అనే బాలీవుడ్‌ మూవీని తెలుగులో రీమేక్‌ చేయనున్నారు. దీనికి సంబంధించి  రీమేక్ హ‌క్కుల‌ను కూడా సొంతం చేసుకున్నారట. ఈ మూవీలో బెల్లంకొండ గణేష్‌కు జోడీగా ఉప్పెన ఫేమ్ కృతిశెట్టి హీరోయిన్‌గా చేయనున్నట్లు సమాచారం.   తొలి చిత్రం ఉప్పెనతో సూపర్‌ క్రేజ్‌ను సొంతం చేసుకున్న కృతిశెట్టి అయితే ఈ సినిమాకు మరింత ప్లస్‌ అవుతుందని మేకర్స్‌​ భావిస్తున్నారట. దీంతో దీనికి సంబంధించి ఇప్పటికే సంప్రదింపులు జరిపారని, కృతి కూడా దీనికి పాజిటివ్‌గా రెస్పాండ్‌ అయినట్లు సమాచారం. ఇప్పటికే ఈ మంగళూరు బ్యూటీ చేతిలో ఓ అరడజను సినిమాలు ఉన్నాయి.  ప్రస్తుతం ఈ బ్యూటీ నాని హీరోగా తెర‌కెక్కుతోన్న శ్యామ్ సింగ రాయ్‌తో పాటు.. సుధీర్ బాబు న‌టిస్తోన్న ‘ఆ అమ్మాయి గురించి మీకు చెప్పాలి’ సినిమాల్లో న‌టిస్తోంది. అలాగే తెలుగు, తమిళ భాషల్లో ఎనర్జిటిక్ హీరో రామ్ నటిస్తున్న మాస్ ఎంటర్‌టైనర్ సినిమాలో నటించే అవకాశం అందుకుంది. చదవండి : Krithi Shetty: ‘బేబమ్మ’కు ఓ కోరిక ఉందట.. నెరవేర్చేదెవరు? శాండల్‌ వుడ్‌ నుంచి వచ్చిన హీరోయిన్లు వీళ్లే!

నిర్మాత బెల్లంకొండ సురేష్‌ కుమారుడు బెల్లంకొండ సాయి శ్రీనివాస్‌ హీరోగా మంచి ఫామ్‌లో ఉన్న సంగతి తెలిసిందే. ఇప్పుడు బెల్లంకొండ సురేష్‌ రెండో కుమారుడు గణేష్‌ హీరోగా పరిచయమవుతున్న చిత్రం శనివారం హైదరా బాద్‌లో ప్రారంభమైంది. బీటెల్‌ లీఫ్‌ ప్రొడక్షన్స్‌తో కలిసి లక్కీ మీడియా బ్యానర్‌పై బెక్కం వేణుగోపాల్‌ నిర్మిస్తోన్న ఈ చిత్రానికి పవన్‌ సాదినేని దర్శకుడు. ముహూర్తపు సన్నివేశానికి హీరో సాయి శ్రీనివాస్‌ కెమెరా స్విచాన్‌ చేయగా, నిర్మాత ‘దిల్‌’ రాజు క్లాప్‌ ఇచ్చారు. దర్శకుడు వీవీ వినాయక్‌ గౌరవ దర్శకత్వం వహించారు. వినాయక్‌ మాట్లాడుతూ– ‘‘నన్ను బెల్లంకొండ సురేశ్‌ దర్శకునిగా పరిచయం చేస్తే, వాళ్ల పెద్దబ్బాయి సాయిని నేను హీరోగా పరిచయం చేశాను. ఇప్పుడు గణేష్‌ హీరోగా పరిచయం అవుతున్నందుకు ఆనందంగా ఉంది. ‘బ్రోచేవారెవరురా’ చిత్రదర్శకుడు వివేక్‌ ఆత్రేయ ఈ చిత్రానికి మాటలు రాయటం విశేషం’’ అన్నారు. ‘‘మా అబ్బాయిని నేనే లాంచ్‌ చేద్దామనుకున్నాను. కానీ, బెక్కం వేణు, పవన్‌ సాదినేని మంచి కథతో వచ్చారు’’ అన్నారు బెల్లంకొండ సురేష్‌. బెక్కం వేణుగోపాల్‌ మాట్లాడుతూ– ‘‘ఏడాదిగా ఈ స్క్రిప్ట్‌ మీద వర్క్‌ చేస్తున్నాము. గణేష్‌ ఈ కథకు సరిపోతాడని భావించి సురేష్‌గారికి చెప్పటంతో ఆయనకు కథ నచ్చి సరే అన్నారు’’ అని చెప్పారు. గణేష్‌ మాట్లాడుతూ– ‘‘ఈ కథ విన్నప్పుడు ఎమోషనల్‌ అయ్యాను. నేను ఇప్పుడు ఈ స్థానంలో ఉండటానికి కారణమైన నా ఫ్యామిలీకి రుణపడి ఉంటాను’’ అన్నారు. ‘‘నా తమ్ముడు హీరోగా పరిచయం అవటం సంతోషంగా ఉంది. మంచి కథతో హీరోగా లాంచ్‌ అవుతున్నాడు’’ అన్నారు సాయి శ్రీనివాస్‌. పవన్‌ సాదినేని మాట్లాడుతూ– ‘‘బ్యూటిఫుల్‌ లవ్‌స్టోరీతో మీ ముందుకు వస్తున్నాం. గణేశ్‌ ఈ కథకు కరెక్ట్‌గా సెట్‌ అయ్యాడు. రథన్‌ సంగీతం, కార్తీక్‌ ఘట్టమనేని కెమెరా సినిమాకు అదనపు ఆకర్షణ’’ అన్నారు. ‘‘కథ నచ్చి ఈ చిత్రానికి మాటలు రాస్తున్నాను’’ అన్నారు దర్శకుడు వివేక్‌ ఆత్రేయ.


 ప్లస్ పాయింట్స్:
 జూనియర్ ఎన్టీఆర్ పెర్ఫార్మెన్స్
 సమంత, ప్రణీత గ్లామర్,
 బ్రహ్మానందం కామెడీ
  
 మైనస్ పాయింట్స్:
 రొటిన్ కథ, పేలవమైన కథనం
 మితిమీరిన ఫైట్స్
  
 ఓ అమ్మాయి ప్రేమను కాపాడే పయత్నంలో మరో అమ్మాయి పెళ్లి ఆగిపోవడానికి కారణమవుతాడు కార్తీక్(జూనియర్ ఎన్టీఆర్). తన తండ్రి(నాజర్) అవమానించిన తన మేనమామ ధనుంజయ్ (షియాజీ షిండే) బుద్ది చెప్పి, తన తల్లి కోరిక మేరకు తన మరదలు చిట్టి అలియాస్ ఇందు(సమంత)ను పెళ్లి చేసుకోవాలని హైదరాబాద్ చేరుకుంటారు. తన మరదలు అని తెలియకపోవడంతో మొదటి కలయికలోనే ఇందు,కార్తీక్ ల మధ్య విభేదాలు చోటు చేసుకుంటాయి. తన మరదలిని ప్రేమలోకి దించే ప్రయత్నంలో భాగ్యం(ప్రణితి)ను ఇందుగా భావించి ప్రేమలోకి దింపుతాడు. కార్తీక్ చెడ్డవాడు అనే భావనలో ఉన్న ఇందు..వారిద్దరి విడగొడుతుంది. భాగ్యంతో ప్రేమను విడగొట్టిన ఇందు అప్పటికే తనకు తెలియని వ్యక్తితో ప్రేమలో పడుతుంది. తనకు ఇష్టం లేని పెళ్లి చేస్తున్న తన తండ్రి ప్రయత్నాలకు దూరంగా పారిపోవడానికి కార్తీక్ తో ప్రేమలో ఉన్నట్టు నాటకం ఆడుతుంది. కథ ఇలా నడుస్తుండగా.. పెద్దిరెడ్డి (జయప్రకాశ్) ఓబుల్ రెడ్డి (అజయ్)ల గ్యాంగ్ కార్తీక్ కోసం వెదుకుతుంటారు. ఓదశలో కార్తీక్, ఇందులు పెద్దిరెడ్డి ఇంట్లోకే చేరుతారు. తనను వెతుకున్న విలన్ల ఇంటికి చేరిన కార్తీక్ ఏం చేశాడు. ఇందు తన మరదలే అని తెలుసుకున్నాడా? తెలియని వ్యక్తితో ప్రేమలో పడిన ఇందు తన ప్రేమికుడిని కలుసుకుందా? పెద్దిరెడ్డి, ఓబుల్ రెడ్డిలు కార్తీక్ ను ఎందుకు వెతుకుతున్నారు? అయితే ఇందు తన మరదలు అని తెలుసుకుంటాడా? తన కారణంగా ఓ అమ్మాయి పెళ్లి ఆగిపోయిందని తెలుసుకున్న కార్తీక్ ఏం చేశాడు? తన మామ ధనుంజయ్ ను ఎలా కన్విన్స్ చేసి ఇందును పెళ్లి చేసుకున్నాడా? అనే పలు ప్రశ్నలకు సమాధానమే 'రభస'
  
  
 ప్రేమికుడిగా, ఆపదలో ఉన్న వారిని ఆదుకునే ఓ వ్యక్తిగా, తన తల్లిని మాటను తీర్చే కోడుకుగా, పగ ప్రతీకారంతో రగిలిపోతున్న రెండు ఫ్యాక్షన్ల కుటుంబాలను కలిపే మనసున్న మనిషిగా, తన మేనమామకు తగిన గుణపాఠం నేర్పే అల్లుడిగా.. పలు విభిన్న షేడ్స్ ఉన్న కార్తీక్ పాత్రలో జూనియర్ ఎన్టీఆర్ కనిపించడమే కాకుండా పూర్తిగా న్యాయం చేశాడు. గత కొద్దికాలంగా సరైన హిట్ లేని.. జూనియర్ ఎన్టీఆర్.. ప్రయోగాలకు చోటివ్వకుండా చాలా సేఫ్ గా తగిన జాగ్రత్తలు తీసుకున్నట్టు కనిపిస్తుంది. ఎప్పటిలానే ఫైట్స్, డ్యాన్స్, అభినయం, ఎమోషనల్ సీన్లలో మెప్పించాడు. 
  
 సమంత పాత్ర ప్రధానంగా గ్లామర్ కే పరిమితమైన, కీలక సన్నివేశాల్లో పర్వాలేదనిపించింది. ప్రణీత రెండో హీరోయిన్ గా కనిపించి.. కథానుగుణంగా కనిపించి మాయమవుతుంది. ప్రణీత కెరీర్ కు పెద్గగా ప్లస్ అవుతుందని చెప్పడం కష్టమే. 
  
 రాజు పాత్రలో కనిపించిన బ్రహ్మనందం రోటిన్ కారెక్టర్ అయినప్పటికి.. ద్వితీయార్ధంలో సినిమా భారాన్ని తనపైనే వేసుకున్నాడు.  ఫైట్స్ తో విసిగించే సమయంలో రాజుగా ఎంట్రీ ఇచ్చి.. ప్రేక్షకులకు బ్రహ్మనందం కొంత రిలీఫ్ కలిగించాడు. 
  
 జయప్రకాశ్, నాగినీడు, అజయ్, షియాజీ షిండే, నాజర్, జయసుధలు తమ పాత్రల పరిధిమేరకు పర్వాలేదనిపించారు. 
  
 సాంకేతిక నిపుణులు పనితీరు:
 సాంకేతిక విభాగంలో ముఖ్యంగా శ్యామ్ కే నాయుడును అందించిన ఫోటోగ్రఫి బాగుంది. లోకేషన్లు ఆందంగా చిత్రీకరించి.. రభసకు అదనపు ఆకర్షణగా మారారు. ఈ చిత్ర నిడివి సుమారు 2 గంటల 40 నిమిషాలకు పైనే ఉంది. ఎడిటింగ్ విభాగంలో కోటగిరి వెంకటేశ్వరరావు మరింత పదను పెట్టాల్సిందే. ఓ రెండు పాటలు మినహా తమన్ ప్రభావవంతమైన సంగీతాన్ని అందించలేదనే చెప్పవచ్చు. ఎమోషన్ సీన్స్ లో నేపథ్యం సంగీతంగా అంతగా ఆకట్టుకునే విధంగా లేదనిపిస్తోంది. 
  
 'కందిరీగ' చిత్రంతో ప్రేక్షకులను మెప్పించిన సంతోష్ శ్రీనివాస్ రభస కథ, కథనాన్ని చాలా కాంప్లికేటెడ్ పంథాలోనే కొనసాగించాడు. అనేక ట్విస్టులు, గందరగోళంగా ఉండే కథనంతో ప్రేక్షకుడిని అక్కడక్కడా కన్ ఫ్యూజ్ చేస్తుంది. కథాగమనంలో అనేక మలుపులు సహజంగా ఉన్నట్టు ఎక్కడా అనిపించదు. కేవలం కమర్షియల్ ఆంశాలను బేరిజు వేసుకుని కథ, కథనంపై దృష్టిపెట్టారనేది సగటు ప్రేక్షకుడికి అర్ధమవుతుంది. అయితే తొలిభాగంలో ఓపెన్ చేసిన ట్విస్టులకు ద్వితీయార్ధంలో క్లోజ్ చేసిన తీరు, విధానాన్ని మెచ్చుకోవాల్సిందే. చిత్ర ద్వితీయార్ధంలో తీసుకున్న కొన్ని జాగ్రత్తలు దర్శకుడి ప్రతిభకు అద్దపడుతుంది. ప్రస్తుత పరిస్థితులకు తగినట్టుగా ఎలాంటి ప్రయోగాలకు చోటివ్వకుండా టాలీవుడ్ సక్సెస్ ఫార్ములాతో కథను పట్టాలెక్కించి.. సేఫ్ గా గమ్యాన్ని చేర్చేందుకు చేసిన ప్రయత్నం కొంత వర్కవుట్ అయింది. జూనియర్ ఎన్టీఆర్ అభిమానులను, సగటు ప్రేక్షకులను ఉర్రూతలూగించే చిత్రంగా కాకుండా.. ఓ రకమైన సంతృప్తిని కలిగించే చిత్రంగా 'రభస' రూపొందింది. బీ,సీ సెంటర్లలో ప్రేక్షకులు ఆదరణపైనే రభస సక్సెస్, కమర్షియల్ గా ఏరేంజ్ లో వర్కవుట్ అయిందనే అంశాలు అధారపడి ఉన్నాయి. 
 -రాజబాబు అనుముల