TV
శ్రీ చెన్నకేశవ స్వామి ఆలయం
ఆంధ్రప్రదేశ్ లోని అన్నమయ్య జిల్లా, కురబలకోట మండలంలోని సోంపాళ్యం గ్రామంలో కొలువైన శ్రీ చెన్నకేశవ స్వామి ఆలయం విజయనగర సామ్రాజ్య కాలం నాటి అద్భుతమైన చారిత్రక, శిల్పకళా క్షేత్రం.
ఇక్కడ శ్రీచెన్నకేశవస్వామి, శ్రీచౌడేశ్వరీదేవి, నందీశ్వరుడు, శ్రీ మల్లికార్జునస్వామి ఆలయాలు ఉన్నాయి. సోంపాళ్యంలో అప్పట్లో విజయనగర, చోళరాజులు పలు ఆలయాలను నిర్మించారు.
ఆలయంలో అడుగు పెట్టినప్పటి నుంచి అద్భుత శిల్పాలు సందర్శకుల కళ్లను తిప్పుకోకుండా చేస్తాయి. ఆలయం లోపల ఏక శిలతో చెక్కిన రాతి రథం, రాతి కళ్యాణ మండపం ఉన్నాయి.
ఆలయం ఎదుట 60 అడుగుల భారీ ఏకశిల ధ్వజస్తంభం ఉంది.
ఈ ధ్వజస్తంభం దేశంలోనే పెద్దదైన వాటిలో రెండో స్థానంలో నిలిచింది.
ఆలయం పక్కనే పెన్నా నది ప్రవహిస్తుంది, ఇది ఈ ప్రదేశానికి మరింత ఆధ్యాత్మికతను, ప్రకృతి సౌందర్యాన్ని చేకూరుస్తుంది.
ఈ ఆలయం ఉదయం 08:30 గంటల నుండి సందర్శకులకు అందుబాటులో ఉంటుంది.
రోడ్డు మార్గం: మదనపల్లెకు సుమారు 45 కి.మీ దూరంలో, హార్సిలీ హిల్స్ కు సమీపంలో ఈ ఆలయం ఉంది.
ములకల చెరువు నుండి సోంపాళ్యం గ్రామం కేవలం 7 కి.మీ దూరంలో ఉంటుంది.
