భక్తకోటి కోర్కెలు తీర్చే కల్పవల్లి, తిరుపతి గ్రామదేవత శ్రీతాతయ్యగుంట గంగ జాతర బుధవారం నుంచి ఈనెల 22వ తేదీ వరకు అత్యంత వైభవంగా జరగనుంది.

జాతర సందర్భంగా మంగళవారం ఆలయంలో ప్రత్యేక కార్యక్రమాలు చేపట్టారు. ఇందులో భాగంగా ఉదయం 8గంటలకు ఆలయ అవరణలోనున్న అమ్మవారి విశ్వరూప కొడిస్తంభానికి అర్చకులు శాస్త్రోక్తంగా అభిషేకం, పూజలు చేసి, ఒడిబాలు సమర్పించారు.

శ్రీతాతయ్యగుంట గంగమ్మ తల్లి వారం రోజుల జాతర ఉత్సవాలు విభిన్న వేషాలతో కోలాహలం ఆరంభమవుతుంది. నాడు పాలేగాన్ని సంహరించే దశలో గంగమ్మ రోజుకొక వేషం వేసి చివరి రోజు దొరవేషంలో పాలేగాన్ని సంహరిస్తుంది.

ఇందుకు సూచికగా ఏడు రోజుల పాటు సంప్రదాయ బద్ధంగా కైకాల వంశీయులు, భక్తులు రోజుకొక వేషం ధరించడం ఆనవాయితీగా వస్తోంది. ఇందులో భాగంగా తొలి రోజు బుధవారం బైరాగి వేషంతో జాతర ఆరంభం కానుంది.

ప్రత్యేక అలంకరణలో గంగమ్మ తల్లి దర్శనం

ప్రత్యేక అలంకరణలో గంగమ్మ తల్లి దర్శనం