దారిద్య్ర నిర్మూలనలో సిక్కిం రికార్డు

గాంగ్‌టక్: దారిద్య్ర నిర్మూలనలో సిక్కిం ఘనమైన రికార్డు సాధించింది. ఇతర రాష్ట్రాలతో పోలిస్తే, పట్టణ ప్రాంతాల్లో దారిద్య్రరేఖకు దిగువనున్న వారి సంఖ్య సిక్కింలో గణనీయంగా తగ్గింది. తలసరి వినియోగం గణనీయంగా పెరిగింది. ప్రణాళికా సంఘం విడుదల చేసిన తాజా గణాంకాల్లో ఈ విషయం వెల్లడైంది. సిక్కింలో 2004-05 ఆర్థిక సంవత్సరంలో దారిద్య్రరేఖకు దిగువన 30.9 శాతం ఉండగా, 2011-12 నాటికి ఈ సంఖ్య 8.19 శాతానికి తగ్గింది.  దారిద్య్రరేఖకు దిగువనున్న జనాభా శాతం తక్కువగా నమోదైన రాష్ట్రాల్లో గోవా (5.9 శాతం), కేరళ (7.05 శాతం), హిమాచల్‌ప్రదేశ్ (8.06 శాతం), సిక్కిం (8.19 శాతం), పంజాబ్ (8.26 శాతం), ఆంధ్రప్రదేశ్ (9.20 శాతం) ఉన్నాయి.