రాందేవ్‌కు యాక్సిడెంటా? వైరల్‌ ఫొటోలు!

దేశంలో ప్రముఖ యోగా గురువు, పతంజలి ఉత్పత్తుల అధినేత బాబా రాందేవ్‌ రోడ్డుప్రమాదంలో తీవ్రంగా గాయపడినట్టు సోషల్‌ మీడియాలో ఒక్కసారిగా వదంతులు గుప్పుమన్నాయి. ప్రమాదంలో గాయపడిన ఆయనను స్ట్రెచర్‌ మీద తరలిస్తున్నట్టు ఉన్న ఈ ఫొటోలు ఫేస్‌బుక్‌, వాట్సాప్‌లలో షేర్‌ అవుతున్నాయి. దీంతో ఆయన అభిమానులు ఆందోళన చెందుతున్నారు.

అయితే, ఈ కథనాలు, ఫొటోలూ బూటకమని తేలింది. ప్రస్తుతం రాందేవ్‌ బాబా హరిద్వార్‌లో సురక్షితంగా ఉన్నారని సమాచారం. ఫొటోమార్ఫింగ్‌ చేసిన ఫొటోలతో ఎవరో కావాలనే ఫేస్‌బుక్‌, వాట్సాప్‌లలో ఈ ప్రచారం చేస్తున్నట్టు ఆయన సన్నిహితులు భావిస్తున్నారు. ఈ వదంతులను నమ్మొద్దని వారు చెప్తున్నారు.