నేడు తెలంగాణ, ఏపీ స్పీకర్ల భేటీ

సాక్షి, హైదరాబాద్: తెలంగాణ, ఏపీ రాష్ట్రాల బడ్జెట్ సమావేశాలు ఒకే రోజు ప్రారంభం కానున్న నేపథ్యంలో ఇరు రాష్ట్రాల స్పీకర్లు ప్రత్యేకంగా భేటీ కానున్నారు. బుధవారం మధ్యాహ్నం ఈ సమావేశం జరిగే వీలుందని అసెంబ్లీ వర్గాలు తెలిపాయి. తెలంగాణ రాష్ట్రం ఏర్పాటయ్యాక, ఇరు రాష్ట్రాల అసెంబ్లీ సమావేశాలు ఒకే రోజు (ఈ నెల 7 నుంచి) మొదలు కావడం ఇదే ప్రథమం కావడంతో ఇబ్బందులు తలెత్తకుండా సమన్వయంతో సమావేశాలను ముగించేందుకు తెలంగాణ స్పీకర్ ఎస్.మధుసూదనాచారి, ఏపీ స్పీకర్ కోడెల శివప్రసాద్ కలసి చర్చించాలని నిర్ణయించారు. వీరితో పాటు రెండు శాసన మండళ్ల చైర్మన్లు భేటీకి హాజరు కానున్నారు.