TV
మెదక్ జిల్లా గజ్వేల్ మండలం సంగాపూర్ సమీపంలో పాఠశాల బస్సుకు తృటిలో ప్రమాదం తప్పింది.
మెదక్: మెదక్ జిల్లా గజ్వేల్ మండలం సంగాపూర్ సమీపంలో పాఠశాల బస్సుకు తృటిలో ప్రమాదం తప్పింది. పాఠశాలకు విద్యార్థులను తీసుకువెళ్తున్న బస్సు వెనుక చక్రం ఊడిపోయింది. ఆ విషయం గమనించిన డ్రైవర్ వెంటనే అప్రమత్తమై... బస్సును నిలిపివేశాడు.
దాంతో బస్సులోని 50 మంది విద్యార్థులను బస్సు నుంచి దింపివేశాడు. అయితే మెదక్ జిల్లాలో ఆర్టీఏ అధికారులు వాహనాలు తనిఖీలు ముమ్మరం చేశారు. అనుమతులు లేని నాలుగు బస్సులను అధికారులు సీజ్ చేశారు.
