చిట్టీల రాణి ఆచూకీ తెలిస్తే చెప్పండి

 సాక్షి, సిటీబ్యూరో: టీవీ ఆర్టిస్ట్‌లను నిలువునా ముంచి పారిపోయిన బత్తుల విజయరాణి ఆచూకీ తెలిస్తే నగర సీసీఎస్ పోలీసులకు తె లపాలని డీసీపీ జి.పాలరాజు, ఏసీపీ విజయ్‌కుమార్ ప్రజలను కోరారు.  విజయరాణిపై ఈనెల 13న చీటింగ్ కేసు నమోదు చేసిన విషయం తెలిసిందే. ఆమెతో పాటు మరో ఏడుగురిపై కూడా కేసు నమోదు చేశారు.  

శ్రీనగర్‌కాలనీలోని ఆమె ఫ్లాట్‌ను శుక్రవారం సీజ్ చేసిన పోలీసులు... తాజాగా రూ.6 లక్షల విలువ చేసే ఆమె కారు (ఏపీ 09 సీఎస్ 4931)ను స్వాధీనం చేసుకున్నారు. అలాగే శ్రీనగర్‌కాలనీలోని ఎస్‌బీఐ, ఆంద్రాబ్యాంక్, ఎస్‌బీహెచ్, కార్పొరేషన్ బ్యాంకుల్లో ఉన్న ఆమె నాలుగు అకౌంట్లను కూడా శనివారం సీజ్ చేయించారు.

అందులో కేవలం రూ.300 కంటే ఎక్కువ లేవు. ఆ ఖాతాల్లోని డబ్బులను నిందితురాలు పథకం ప్రకారం ముందే డ్రా చేసుకొని పారిపోయింది.  విజయరాణి ఆచూకీ తెలిసివారు 9490616703,9490616291 సెల్‌నెంబర్లకు సమాచారం అందించాలని అధికారులు కోరారు.