విద్యుదాఘాతంతో రైతు మృతి

కమలాపురం (కరీంనగర్) : వ్యవసాయ బావి వద్దకు వెళ్లిన రైతు ప్రమాదవశాత్తు విద్యుదాఘాతానికి గురై మృతిచెందాడు. అడవి పందుల నుంచి పంటలను రక్షించుకునేందుకు ఏర్పాటు చేసుకున్న విద్యుత్ కంచెకు తాకి రైతు మృతిచెందాడు. ఈ సంఘటన కరీనంగర్ జిల్లా కమలాపురం మండలం ఉప్పల గ్రామంలో శుక్రవారం చోటుచేసుకుంది. గ్రామానికి చెందిన బండారు మొగిలి(48) వ్యవసాయం చేసుకుంటూ జీవనం సాగిస్తున్నాడు. ఈ క్రమంలో శుక్రవారం పంట పొలానికి నీళ్లు పెట్టడానికి వెళ్లి ప్రమాదవశాత్తు విద్యుదాఘాతానికి గురై మృతిచెందాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.