ఎన్నికలు.. ఎన్నో విశేషాలు..

సాక్షి, ఆలేరు : భారత ఎన్నికల సంఘం కాలక్రమేణ ఎన్నో సంస్కరణలు చేపట్టింది. ఎన్నికల సంఘం స్వంతంత్ర రాజ్యంగ వ్యవస్థ. నిర్ణయాలు స్వతంద్రంగా తీసుకుంటుంది. దేశ వ్యాప్తంగా ఎన్నికలు నిర్వహించే సమయంలో సుమారు 50లక్షల మంది ఉద్యోగుల సేవలను వినియోగించుకుంటోందని ఓ అంచనా. 

• దేశంలో మొదటి సాధారణ ఎన్నికలు హిమాచల్‌ప్రదేశ్‌లోని ‘చిని’లో నిర్వహించారు
• దేశంలో జరిగిన తొలి సార్వత్రిక ఎన్నికల్లో ఓటర్ల సంఖ్య 17.30కోట్లు అని నివేదికలు తెలుపుతున్నాయి
• 1993లో జరిగిన 13వ సాధారణ ఎన్నికల్లో మొదటిసారి ఎలక్ట్రానిక్‌ ఓటింగ్‌ యంత్రాలను వినియోగించారు.
• గతంలో ఓటు హక్కుకు కనీస వయస్సు 21 సంవత్సరాలు కాగా 61వ రాజ్యాంగ సవరణలో18 సంవత్సరాలకు కుదించారు
• ఎన్నికల నిర్వహణలో సమూల సంస్కరణలు ప్రవేశపెట్టిన సమర్థుడిగా పదో ఎన్నికల సంఘం కమిషనర్‌గా టీఎన్‌ శేషన్‌ గుర్తింపు పొందారు.
• 1952లో 55పార్టీలు ఎన్నికల్లో పాల్గొనగా 2014 నాటికి ఆ సంఖ్య 370కి చేరింది.
• దేశంలో ఎంపీలుగా గెలిచిన వారిలో 30శాతం మందిపై పలు కేసులు నమోదయ్యాయని బీబీసీ నివేదిక పేర్కొంది.