హాజీపూర్‌కు నిందితుడు శ్రీనివాస్‌రెడ్డి 

Accused Srinivas Reddy is the Harijapur - Sakshi

బొమ్మలరామారం: యాదాద్రి భువనగిరి జిల్లా బొమ్మలరామారం మండలం హాజీపూర్‌ గ్రామ పరిసరాలకు వరుస హత్యల నిందితుడు శ్రీనివాస్‌రెడ్డిని గురువారం పోలీసులు తీసుకువచ్చినట్లు సమాచారం. దీంతో పోలీసులు మరోమారు హాజీపూర్‌లో పికెట్‌ ఏర్పాటు చేశారు. బాలికల హత్య కేసులో నిందితుడు శ్రీనివాస్‌ను కోర్టు అనుమతితో వరంగల్‌ జైలు నుంచి స్థానిక పోలీసులు 6 రోజులు కస్టడీలోకి తీసుకున్నారు. దీంతో నిందితుడిని గ్రామంలోని ఘటనా స్థలాల వద్దకు గురువారం తీసు కొచ్చి విచారణ జరిపినట్లు సమాచారం.

అయితే గ్రామ పరిసరాలకు శ్రీనివాస్‌ను తీసుకొచ్చిన అంశాన్ని పోలీసులు గోప్యంగా ఉంచారు. ఈ నేపథ్యంలోనే హాజీపూర్‌ లో రెండ్రోజుల క్రితం ఎత్తివేసిన పోలీస్‌ పికెట్‌ను గురువారం పునరుద్ధరించారు. బాలికల హత్య కేసు విచారణ అధికారిగా ఉన్న భువనగిరి ఏసీపీ భుజంగరావు స్ధానిక పోలీస్‌ స్టేషన్‌తోపాటు హాజీపూర్‌ను గురువారం సందర్శించారు.    

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top