గ్రేటర్‌లో కరోనా టెర్రర్‌

42 Corona Cases File Friday in Hyderabad - Sakshi

నగరంలో తగ్గని కరోనా వైరస్‌ ఉధృతి

తాజాగా మరో ముగ్గురి మృతి

శుక్రవారం మరో 42 కేసులు నమోదు  

సాక్షి, సిటీబ్యూరో: నగరంలో కరోనా వైరస్‌ ఉధృతి కొనసాగుతూనే ఉంది. ఇప్పటి వరకు రాష్ట్రవ్యాప్తంగా 48మంది మృతి చెందగా, వీరిలో 42మంది గ్రేటర్‌ వాసులే కావడం ఆందోళన కలిగిస్తోంది. తాజాగా శుక్రవారం మరో ముగ్గురు మృతి చెందారు.  లాక్‌డౌన్‌ సడలింపుల అనంతరం కేసుల సంఖ్య తగ్గక పోగా..మరింత పెరుగుతుండటం గ్రేటర్‌వాసులకు కంటిమీద కునుకు లేకుండా చేస్తోంది. కరోనా మరణాల  సంఖ్య కూడా అదే స్థాయిలో పెరుగుతుండటం ఆందోళన కలిగిస్తుంది. రాష్ట్ర వ్యాప్తంగా ఇప్పటి వరకు 1699 పాజిటివ్‌ కేసులు నమోదు కాగా, గ్రేటర్‌లోనే 1146 పాజిటివ్‌ కేసులు ఉన్నాయి. తాజాగా శుక్రవారం ఎర్రగడ్డ ఛాతీ ఆస్పత్రిలో కొత్తగా కరోనా వైరస్‌తో బాధపడుతున్న 9 మంది అడ్మిట్‌ అయ్యారు. నెగిటివ్‌ వచ్చిన ఐదుగురిని డిశ్చార్జి చేశారు. ప్రస్తుతం ఈ ఆస్పత్రిలో 11 మంది అనుమానితులు ఉన్నారు. వీరి రిపోర్టులు ఇంకా రావాల్సి ఉంది. ఫీవర్‌ ఆస్పత్రిలో 12 మందిని ఐసోలేషన్‌ వార్డులో అడ్మిట్‌ చేసుకున్నారు. వీరి రిపోర్టులు రావాల్సి ఉంది. 

బీఎన్‌రెడ్డి నగర్‌లో వృద్ధురాలికి పాజిటివ్‌
ఎల్‌బీనగర్‌: బీఎన్‌రెడ్డినగర్‌ డివిజన్‌లోని ఈ– సేవా సమీపంలో నివాసం ఉంటున్న ఓ వృద్ధురాలికి (71) కరోనా పాజిటివ్‌ వచ్చింది. గత కొద్ది రోజులుగా అనారోగ్యంతో బాధపడుతున్న అమెకు కరోనా లక్షణాలు ఉన్నట్లు గుర్తించిన అధికారులు ఆమెను  గాంధీ ఆసుపత్రికి తరలించి పరీక్షలు నిర్వహించగా పాజిటివ్‌గా నిర్ధారణ అయ్యింది. దీంతో ఆమె కుటుంబసభ్యులు ఏడుగురిని పరీక్షల నిమిత్తం కింగ్‌కోఠి ఆసుపత్రికి తరలించారు. ఆమె ఇంటి పరిసరాల్లో  శానిటైజేషన్‌ చేశారు.

భోలక్‌పూర్‌లో వృద్ధుడికి..
కవాడిగూడ: భోలక్‌పూర్‌ డివిజన్‌ బంగ్లాదేశ్‌ మార్కెట్‌లో ఓ వృద్ధుడి(65)కి కరోనా పాజిటివ్‌ నిర్ధారణ అయ్యింది.  కిడ్నీ  వ్యాధితో బాధపడుతున్న అతను గురువారం అపోలో ఆస్పత్రికి వెళ్లగా అక్కడి వైద్యులు నిర్వహించిన పరీక్షల్లో కరోనా పాజిటివ్‌గా నిర్ధారణ అయ్యింది. దీంతో శుక్రవారం అతడిని గాంధీ ఆస్పత్రికి తరలించారు. దీంతో అప్రమత్తమైన బైబిల్‌హౌస్‌ యుపీహెచ్‌ వైద్యాధికారి డాక్టర్‌ ఫర్హీన్, జీహెచ్‌ఎంసీ సర్కిల్‌–15 డీఎంసీ సి. ఉమాప్రకాష్, ఏఎంఓహెచ్‌ డాక్టర్‌ హేమలత సదరు వృద్ధుడి ఇంటికి వెళ్లి కుటుంబ సభ్యుల వివరాలు సేకరించారు. పరిసర ప్రాంతాల్లో  సోడియం హైపోక్లోరైడ్‌ ద్రావణాన్ని పిచికారీ చేయించారు.  

రామంతాపూర్‌ గణేష్‌నగర్‌లో వ్యాపారికి..
ఉప్పల్‌: ఉప్పల్‌ సర్కిల్‌ పరిధిలో శుక్రవారం ఓ పాజిటివ్‌ కేసు వెలుగులోకి వచ్చింది. రామంతాపూర్‌ గణేష్‌నగర్‌ ప్రాంతానికి చెందిన ఫ్లై ఉడ్‌ వ్యాపారి(43)కి కోవిడ్‌ సోకినట్లు అధికారులు వెల్లడించారు. అతడి ఇంటి పరిసరాల్లో హైపో క్లోరైడ్‌ ద్రావణాన్ని పిచికారీ చేయించారు.

జియాగూడలో మరో ఐదుగురికి..
జియాగూడ: జియాగూడ డివిజన్‌ పరిధిలోని రెండు బస్తీల్లో మరో ఐదుగురు వ్యక్తులకు కరోనా పాజిటివ్‌  నిర్ధారణ అయ్యింది. శుక్రవారం జీహెచ్‌ఎంసీ అధికారులు వివరాలు వెల్లడించారు. స్థానిక లక్ష్మీనరసింహనగర్‌కు చెందిన ఓ మహిళకు కరోనా పాజిటివ్‌ వచ్చినట్లు తెలిపారు. కరోనాతో చికిత్స పొందుతూ ఇటీవల మృతి చెందిన ఇందిరానగర్‌కు చెందిన వృద్ధుడి(68) కుటుంబసభ్యులను 8 మందిని క్వారంటైన్‌కు తరలించి పరీక్షలు నిర్వహించగా వారిలో నలుగురికి కరోనా పాజిటివ్‌గా నిర్ధారణ అయ్యింది. దీంతో ఐదుగురిని గాంధీ ఆసుపత్రికి తరలించారు. కుమ్మరివాడికి చెందిన ఓ వృద్ధురాలు(70) కూడా కరోనా బారిన పడినట్లు వారు పేర్కొన్నారు.

బోయిన్‌పల్లి ఠాణాలో కరోనా కలకలం
కంటోన్మెంట్‌: నార్త్‌జోన్‌ పరిధిలోని బోయిన్‌పల్లి పోలీస్‌ స్టేషన్‌లో శుక్రవారం రాత్రి కలకలం నెలకొంది. గతంలో గాంధీ ఆసుపత్రిలో విధులు నిర్వర్తించిన ముగ్గురిలో ఒకరికి కరోనా లక్షణాలు ఉండటంతో వైద్య పరీక్షలకు తరలించారు. వివరాల్లోకి వెళితే.. గాంధీ ఆసుపత్రి వద్ద కొన్ని రోజుల పాటు  ఇద్దరు కానిస్టేబుళ్లు, ఓ ఎస్సై విధులు నిర్వర్తించారు. గత వారం రోజులుగా వారు పీస్‌కు వస్తున్నారు. అయితే వారిలో ఓ కానిస్టేబుల్‌కు శుక్రవారం జ్వరం రావడంతో అధికారులు అతడిని వైద్య పరీక్షల నిమిత్తం గాంధీ ఆసుపత్రికి తరలించారు. మిగిలిన ఇద్దరినీ హోం క్వారంటైన్‌ చేయాలని నిర్ణయించారు. ఈ నేపథ్యంలో పోలీస్‌ స్టేషన్‌ను శానిటైజ్‌ చేయించారు. 

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

26-01-2021
Jan 26, 2021, 02:06 IST
న్యూఢిల్లీ: కోవిడ్‌ సామర్థ్యంపై ప్రజల్లో అపోహలు రేకెత్తిస్తూ, తప్పుడు వార్తలను ప్రచారం చేస్తూ పుకార్లు పుట్టించేవారిపై ఓ కన్నేసి ఉంచాలని...
25-01-2021
Jan 25, 2021, 21:30 IST
సాక్షి, అమరావతి : ఆంధ్రప్రదేశ్‌ రాష్ట్రంలో గడిచిన 24 గంటల్లో 27,717 మందికి కరోనా పరీక్షలు చేయగా 56 మందికి పాజిటివ్‌ వచ్చింది....
25-01-2021
Jan 25, 2021, 16:40 IST
కోవిడ్‌ మహమ్మారిని తరిమికట్టడంలో ప్రపంచదేశాలతో భారత్‌ పోటీపడుతోంది.
25-01-2021
Jan 25, 2021, 12:47 IST
మెక్సికో: ప్రపంచ వ్యాప్తంగా కొన్ని దేశాల్లో కరోనా వైరస్‌ నివారణ వ్యాక్సిన్‌ అందుబాటులోకి వస్తున్నప్పటికీ  కరోనా మహమ్మారి ప్రకంపనలు ఇంకా...
25-01-2021
Jan 25, 2021, 12:36 IST
జగిత్యాల‌: కరోనా మహమ్మారి రాకుండా ఉండేందుకు వ్యాక్సిన్‌ పంపిణీ ముమ్మరంగా సాగుతోంది. తెలంగాణ రాష్ట్రంలో నాలుగు రోజుల చొప్పున వ్యాక్సిన్‌...
25-01-2021
Jan 25, 2021, 02:02 IST
కోపెన్‌హాగెన్‌: బ్రిటన్‌లో కరోనా వైరస్‌ కొత్త స్ట్రెయిన్‌ యూరప్‌ని ఊపిరాడనివ్వకుండా చేస్తోంది. 70శాతం వేగంగా కొత్త స్ట్రెయిన్‌ కేసులు వ్యాప్తి...
24-01-2021
Jan 24, 2021, 17:43 IST
ఈ నెల 22న వ్యాక్సిన్‌ తీసుకున్న తర్వాత ఆమె మరణించారు. అయితే వ్యాక్సిన్‌ వల్లే ఆమె మృతి చెందిందని బంధువులు అనుమానాలు వ్యక్తం...
24-01-2021
Jan 24, 2021, 08:43 IST
కోవిడ్‌ కట్టడికి ప్రపంచమంతా వ్యాక్సినేషన్‌ ప్రక్రియ ముమ్మరంగా సాగుతుంటే.. అమెరికాకు చెందిన ఎలి లిలీ అనే ఫార్మా కంపెనీ మరో...
24-01-2021
Jan 24, 2021, 04:28 IST
లాస్‌ ఏంజెలిస్‌: అర్ధ శతాబ్దానికి పైగా ప్రపంచ నేతలు, సినీ రంగ ప్రముఖులు మొదలుకొని సామాన్యుల దాకా ముఖాముఖిలు నిర్వహించి...
23-01-2021
Jan 23, 2021, 21:08 IST
సాక్షి, అమరావతి : ఆంధ్రప్రదేశ్‌ రాష్ట్రంలో గడిచిన 24 గంటల్లో 43,770 మందికి కరోనా పరీక్షలు చేయగా 158 మందికి పాజిటివ్‌ వచ్చింది....
23-01-2021
Jan 23, 2021, 17:30 IST
హాంకాంగ్ : కరోనా వైరస్‌ వ్యాప్తి నేపథ్యంలో హాంకాంగ్‌లోని కోలూన్ ప్రాంతంలో లాక్‌డౌన్‌ విధించింది. అక్కడ నివసించే 10వేలమంది నివాసితులు తప్పనిసరిగా...
23-01-2021
Jan 23, 2021, 12:50 IST
కరోనా వైరస్‌ వ్యాక్సిన్‌ పంపడంతో బ్రెజిల్‌ అధ్యక్షుడు జైర్ బొల్సనారో భారతదేశంపై ప్రశంసలు కురిపించాడు. రామాయణంలో హనుమంతుడు సంజీవని తీసుకొచ్చి...
23-01-2021
Jan 23, 2021, 11:23 IST
కోవిషీల్డ్‌ వ్యాక్సిన్‌ తయారీ యూనిట్‌.. అగ్నిప్రమాదం జరిగిన ప్రదేశానికి కిలోమీటర్‌ దూరంలో ఉంది. దీంతో వ్యాక్సిన్ల ఉత్పత్తికి ఎలాంటి ఆటంకం...
23-01-2021
Jan 23, 2021, 09:57 IST
ఆంక్షలు ఎత్తివేయడం తొందరపాటు చర్యగా భావిస్తోన్న బ్రిటన్‌ ప్రధాని బోరిస్‌ జాన్సన్‌ 
23-01-2021
Jan 23, 2021, 09:55 IST
ఓ మహిళకు ఒకటి కాదు రెండు కాదు ఏకంగా 31 సార్లు కరోనా సోకిందట. పరీక్ష చేసుకున్నా ప్రతిసారి ఆమెకు...
23-01-2021
Jan 23, 2021, 08:34 IST
బ్రెజిల్, మొరాక్కో దేశాలకు సైతం కోవిడ్‌ –19 వ్యాక్సిన్‌ వాణిజ్య ఎగుమతులను భారత్‌ ప్రారంభించింది
23-01-2021
Jan 23, 2021, 06:53 IST
బెంగళూరు జైలులో అనారోగ్యానికి గురై ప్రభుత్వ ఆస్పత్రి పాలైన చిన్నమ్మ కరోనా వైరస్‌తో పోరాడుతున్నారు. ఇంకా పలు అనారోగ్య సమస్యలు...
23-01-2021
Jan 23, 2021, 03:48 IST
లక్నో: కరోనా వ్యాక్సిన్‌కు హడావుడిగా ఇచ్చిన అనుమతులపై రాజకీయాలు చేయడం తగదని ప్రధానమంత్రి నరేంద్ర మోదీ హితవు పలికారు. రాజకీయ...
22-01-2021
Jan 22, 2021, 14:11 IST
మానసిక సమస్యల కారణంగా పూర్తిస్థాయి ఫలితాలు రాకపోవచ్చునని కొందరు శాస్త్రవేత్తలు చెబుతున్నారు
22-01-2021
Jan 22, 2021, 13:24 IST
చెన్నై: మహమ్మారి కరోనా వైరస్‌ ప్రభావం ప్రపంచంపై ఇంకా తొలగలేదు. కేసుల నమోదు కొనసాగుతుండడంతో ఇప్పటికీ ఆంక్షలు కొనసాగుతున్నాయి. అన్ని...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top