మోటో జీ5 ప్లస్‌ ధర తగ్గింది

లెనోవో బ్రాండు మోటోరోలా తన మోటో జీ5 ప్లస్‌ స్మార్ట్‌ఫోన్‌ ధరను తగ్గించింది. మోటో జీ5ఎస్‌ ప్లస్‌ లాంచింగ్‌ అనంతరం వెంటనే మోటో జీ5 ప్లస్‌ స్మార్ట్‌ఫోన్‌ ధరను తగ్గిస్తున్నట్టు ఆ కంపెనీ ప్రకటించింది. మార్చిలో లాంచింగ్‌ సందర్భంగా రూ.16,999గా ఉన్న ఈ స్మార్ట్‌ఫోన్‌ ధర, అనంతరం రూ.15,999కు దిగొచ్చింది. ప్రస్తుతం మరో వెయ్యి రూపాయల మేర తగ్గి 14,999 రూపాయలకే మోటో జీ5 ప్లస్‌ స్మార్ట్‌ఫోన్‌ను అందుబాటులోకి తీసుకొస్తున్నట్టు కంపెనీ చెప్పింది. ఎక్స్‌క్లూజివ్‌గా ఫ్లిప్‌కార్ట్‌లోనే ఈ ఫోన్‌ అప్పట్లో లభ్యమయ్యేది. ఇటీవలే అమెజాన్‌ ఇండియా ద్వారా కూడా ఈ ఫోన్‌ను మోటో విక్రయిస్తోంది.