ఖైదీతో న్యాయవాది ప్రేమ పెళ్లి

 అన్నానగర్, న్యూస్‌లైన్: ఇది సినిమా కథ కాదు. నిజ జీవితపు సంఘటన ఒక హత్య కేసులో 12 ఏళ్లుగా జీవిత ఖైదును అనుభవిస్తున్న ఒక నేరస్తుడితో ప్రేమలో పడిన ఒక మహిళా న్యాయవాది కథ. ఈ ఇద్దరి ప్రేమా నేడు వ్యాసర్పాడిలోని ఒక కల్యాణ మండపంలో పెళ్లిపీటలెక్కబోతోంది. మహిళా న్యాయవాది ఏ అరుణ (27), జీవితఖైదు శిక్షను అనుభవిస్తున్న సోమసుందరం(38) అలియాస్ సోముతో ఆదివారం హిందూ సంప్రదాయ పద్ధతిలో ఏడడుగులు నడవనున్నారు. తన పెళ్లి కోసం సోము తరపున ఆమె మద్రాసు హైకోర్టులో పిటిషన్ వేసి 30 రోజుల పెళ్లి సెలవులు కోరారు. అయితే ఈ విషయం విన్న న్యాయమూర్తులు పిఎన్ ప్రకాష్, ఎస్ రాజేశ్వరన్ విస్తుపోయూరు. అరుుతే అరుణ అడిగిన నెలరోజుల పెళ్లి సెలవులు మంజూరు చేయలేమని చెబుతూ చివరకు 10 రోజుల సెలవును మంజూరు చేశారు. శనివారం, ఫిబ్రవరి ఒకటో తేదీ సాయంత్రం సోము పుళళ్ జైలు నుంచి విడుదలయ్యాడు. ఫిబ్రవరి 10వ తేదీ రాత్రి ఏడు గంటలకు సోము తిరిగి జైలులో కన్పించాలని న్యాయమూర్తులు ఆదేశాలు జారీ చేశారు. సెలవు కాలంలో సోముకు అవసరమైన రక్షణను పోలీసులు ఏర్పాటు చేశారు.