యశవంతపుర: లోక్‌సభ ఎన్నికల్లో భాగంగా పోలింగ్‌ విధులకు వెళ్తున్న ఉపాధ్యాయుడు, మరో అధికారి గుండెపోటుతో మృతి చెందిన ఘటన చోటుచేసుకుంది. బాగలకోట జిల్లా ముథోళలో సోమవారం గోవిందప్ప పోలింగ్‌ విధులకు వెళ్లటానికి బస్టాండ్‌లోకి వెళ్తుండగా ఒక్కసారిగా గుండెపోటుతో కుప్పకూలిపోయాడు. మృతుడు గోవిందప్ప జమఖండి తాలూకా మైగూరు ప్రాథమిక పాఠశాలలో ఉపాధ్యాయుడిగా పని చేస్తున్నారు. చెక్‌పోస్టులో అధికారి... ఎన్నికల చెక్‌పోస్ట్‌ విధుల్లో ఉన్న అసిసెంట్‌ వ్యవసాయశాఖ అధికారి ఆనంద్‌ (32) గుండెపోటుతో మృతి చెందాడు. రైతు సంపర్గ కేంద్రంలో సహాయ వ్యవసాయ అధికారిగా అనంద్‌ ఎన్నికలలో భాగంగా కుడంబల్‌ చెక్‌పోస్ట్‌లో నియమించారు. సోమవారం మధ్యాహ్నం విధుల్లో ఉండగా ఆనంద్‌కు గుండెపోటు రావడంతో హుటాహుటిన ఆస్పత్రికి తరలిస్తుండగా మార్గం మధ్యలో మృతి చెందినట్లు బీదర్‌ జిల్లా ఎన్నికల అధికారి గోవిందరెడ్డి తెలిపారు.

కెలమంగలం: ఆహారం కోసం గ్రామం వైపు వచ్చిన ఏనుగు విద్యుత్‌ తంతి తగిలి మృతి చెందింది. డెంకణికోట సమీపంలోని సందనపల్లి వద్ద ఉదయం ఏనుగు మృతి చెంది పడి ఉండటాన్ని గమనించిన స్థానికులు అటవీ అధికారులకు సమాచారం ఇచ్చారు. వారు పశు వైద్యులతో అక్కడికి చేరుకుని పోస్టుమార్టం నిర్వహించి అనంతరం కళేబరాన్ని పాతిపెట్టారు. మృతిపై విచారణ చేపట్టారు. మద్యం కొనివ్వలేదని కత్తితో దాడి ● ఇద్దరికి తీవ్ర గాయాలు క్రిష్ణగిరి: మద్యం కొనిపెట్టలేదని ఆగ్రహంతో ఇద్దరిపై కత్తితో దాడి చేసిన నిందితుడిని సూళగిరి పోలీసులు అరెస్ట్‌ చేశారు. వివరాలు.. సూళగిరి తాలూకా అంగొండపల్లి గ్రామానికి చెందిన ప్రభాకరన్‌ (30), మిత్రుడి ఆరుపల్లి గ్రామానికి చెందిన సెల్వం(29) ఆదివారం సాయంత్రం కారుబల సమీపంలోని ప్రభుత్వ టాస్‌మార్క్‌ దుకాణం వద్ద మద్యం తాగుతుండగా అక్కడికి వచ్చిన పెద్దసిగర్లపల్లి గ్రామానికి చెందిన అమరీష్‌ (30) మద్యం కొనివ్వాలని ఒత్తిడి చేశాడు. వారు లేదని చెప్పడంతో తీవ్ర ఆగ్రహంతో ప్రభాకరన్‌, సెల్వంలపై కత్తితో దాడి చేశాడు. తీవ్రంగా గాయపడిన ఇద్దరిని క్రిష్ణగిరి ప్రభుత్వ ఆస్పత్రికి తరలించారు పోలీసులు కేసు నమోదు చేసుకొని అమరీష్‌ను అరెస్ట్‌ చేశారు. హత్య చేస్తానని జైలు నుంచి బెదిరింపులు మైసూరు: హత్య కేసులో జైలులో ఉన్న వ్యక్తి సొంత అత్తను హత్య చేస్తానని బెదిరించిన ఘటన చోటుచేసుకుంది. వివరాలు... రమ్మనహళ్లికి చెందిన కృష్ణ ఓ హత్య కేసులో జైలులో ఉంటున్నాడు. ఇతను తమ్మనహళ్లిలో ఉన్న దేవమ్మ అనే మహిళ కుమార్తె ఐశ్వర్యను ప్రేమ వివాహం చేసుకున్నాడు. అనంతరం కుటుంబంలో గొడవలు రావడంతో ఐశ్వర్య పుట్టింటికి వచ్చింది. ఈ నేపథ్యంలో జైలులో ఉన్న కృష్ణ అత్త దేవమ్మకు ఫోన్‌ చేసి హత్య చేస్తానని బెదిరించాడు. దీంతో బాధిరాలు మైసూరు గ్రామీణ పోలీసులకు ఫిర్యాదు చేసింది. వెంటాడిన తాగుడు భూతం.. ముగ్గురు ఆత్మహత్య హోసూరు: హోసూరు, క్రిష్ణగిరి ప్రాంతాల్లో వివిధ కారణాలతో ముగ్గురు వ్యక్తులు ఆత్మహత్య చేసుకొన్నారు. హోసూరు తాలూకా పంక్షేశ్వరం సమీపంలోని మాదినాయకనపల్లి ప్రాంతానికి చెందిన మునిరాజ్‌ (59)కు తాగుడు అలవాటుండేది. దీంతో అనారోగ్యానికి గురైన ఇతను గత రెండు రోజుల క్రితం పురుగుల మందు తాగాడు, గమనించిన బంధువులు చికిత్స కోసం క్రిష్ణగిరి ప్రభుత్వ ఆస్పత్రికి తరలించగా అక్కడ మరణించాడు. ● హోసూరు ఎం.జి. రోడ్డు కాజల్‌బండ ప్రాంతానికి చెందిన సంతోష్‌ (30) గత కొద్ది సంవత్సరాల క్రితం ప్రమాదానికి గురైన ఇతను తాగుడుకు బానిసయ్యాడు. పేదరికం, మద్యపానంతో విరక్తి చెంది ఆదివారం ఇంట్లో ఉరివేసుకొని ఆత్మహత్య చేసుకొన్నాడు. ● జిల్లా కేంద్రం క్రిష్ణగిరి సమీపంలోని పణందోపు ప్రాంతానికి చెందిన షణ్ముగం (38). కూలికార్మిడు. రోజూ మద్యం తాగి ఇంటికెళ్లడంతో భార్య గొడవపడేది. ఆదివారం రాత్రి గొడవ జరిగి ఉరివేసుకొని ఆత్మహత్య చేసుకొన్నాడు. ఈ సంఘటనలపై పోలీసులు కేసు నమోదు చేశారు. బాలిక కిడ్నాప్‌– ఇద్దరి అరెస్ట్‌ కెలమంగలం: ఇంట్లో ఒంటరిగ ఉన్న బాలికను కిడ్నాప్‌ చేసిన ఇద్దరిని డెంకణీకోట మహిళా పోలీసులు అరెస్ట్‌ చేశారు. వివరాలు... అంచెట్టి ప్రాంతానికి చెందిన 16 ఏళ్ల బాలిక రెండు రోజుల క్రితం ఇంటి నుంచి అదృశ్యమైంది. ఈ ఘటనపై బాలిక తల్లిదండ్రులు డెంకణీకోట మహిళా పోలీసులకు ఫిరాదు చేశారు. పోలీసులు కేసు నమోదు చేసుకొని బాలికను కిడ్నాప్‌ చేసిన మావనట్టి గ్రామానికి చెందిన శ్యామరాజ్‌ (24), అతనికి సహకరించిన మార్కండేయన్‌లను అరెస్ట్‌ చేశారు.

● సీబీఐకి బీజేపీ నేత ఎన్‌ఆర్‌ రమేశ్‌ పిర్యాదు బనశంకరి: డాక్టర్‌ అంబేడ్కర్‌ వైద్య కళాశాల, అంబేడ్కర్‌ డెంటల్‌ వైద్య కళాశాలల్లో అడ్మిషన్ల పేరుతో వందలాది కోట్ల కుంభకోణం చోటు చేసుకుందని గుల్బర్గా లోక్‌సభ నియోజకవర్గ కాంగ్రెస్‌ అభ్యర్థి రాధాకృష్ణదొడ్డమని భాగస్వామిగా ఉన్నారని ఈ కేసును తక్షణం సీఐడీ లేదా సీబీఐ సంస్థతో దర్యాప్తు చేపట్టాలని బీజేపీ నేత ఎన్‌ఆర్‌.రమేశ్‌ డిమాండ్‌ చేశారు. సోమవారం నగరంలో విలేకరుల సమావేశంలో కుంభకోణానికి సంబంధించి 960 పేజీలకు పైగా ఆధారాలను రమేశ్‌ విడుదల చేసి మాట్లాడారు. 15 ఏళ్ల నుంచి నిరంతరంగా అక్రమ ప్రవేశాలు ద్వారా వందలాది కోట్లు అవినీతికి పాల్పడిన ఈ కళాశాలల చీఫ్‌ రాధాకృష్ణ దొడ్మణి, డైరెక్టర్లు గురప్పాజీ, మహదేవప్రసాద్‌, డాక్టర్‌ ఎన్‌.టీ.మురళీమోహన్‌, వీఎస్‌.కుబేర్‌, అమానుల్లాఖాన్‌తో పాటు పాలకమండలి డైరెక్టర్లు, సభ్యులపై తక్షణం చర్యలు తీసుకోవాలని డిమాండ్‌ చేశారు. ప్రారంభంలో పాలకమండలి డైరెక్టర్లుగా నియమితులైన రాదాకృష్ణ దొడ్డమని, ఏఐసీసీ అద్యక్షుడు మల్లికార్జునఖార్గే అల్లుడు. ఆ పలుకుబడితో ఒక్కసారిగా పాలకమండలి చీఫ్‌ పోస్టులో కూర్చున్నారు. నిబంధనలు గాలికి వదిలి చట్టరీత్యా నియమించబడిన ముగ్గురు డైరెక్టర్లపై తీవ్రస్థాయిలో ఒత్తిడి తీసుకువచ్చిన రాధాకృష్ణదొడ్డమని సభ్యులను పాలకమండలి డైరెక్టర్లుగా నియమించిందని ధ్వజమెత్తారు. రాష్ట్ర మెడికల్‌ కాలేజీలు, డెంటల్‌ కాలేజీలు చరిత్రలోనే అతిపెద్ద కుంభకోణం. ద్వితీయ పీయూసీ ఫెయిల్‌ కావడం, ప్రవేశపరీక్షల్లో అనర్హత శ్రీమంత కుటుంబాల విద్యార్థుల నుంచి తలా కనీసం రూ.2 కోట్లకు పైగా డబ్బు డొనేషన్‌ రూపంలో తీసుకున్న కుంభకోణమన్నారు. గత 15 ఏళ్లుగా నిరంతరంగా అక్రమ అడ్మిషన్లతో వందలాదికోట్లు అవినీతికి పాల్పడిన రాధాకృష్ణదొడ్డమని, గుర్రప్పాజీ, మహదేవప్రసాద్‌, మురళీమోహన్‌, వీఎస్‌.కుబేర్‌, అమానుల్లాఖాన్‌తో పాటు పాలకమండలి సభ్యులు, డైరెక్టర్లపై తక్షణం విచారణ చేపట్టాలని సీబీఐకి ఎన్‌ఆర్‌.రమేశ్‌ ఫిర్యాదు చేశారు.

● ఒకరు మృతి, ఇద్దరికి గాయాలు తుమకూరు: కేఎస్‌ ఆర్టీసీ బస్సు– బైక్‌ ఢీకొన్న దుర్ఘటనలో ఒకరు మరణించగా, ఇద్దరు తీవ్రంగా గాయపడ్డారు. ఈ సంఘటన జిల్లాలోని మధుగిరి తాలూకాలోని కొడిగెనహళ్ళి దగ్గర విజయ నంది క్రాస్‌లో జరిగింది. కొడిగెహళ్ళి నుంచి గౌరిబిదనూరు తాలూకాలోని వాటదహోసళ్ళికి చెందిన ముగ్గురు యువకులు బైక్‌లో వెళ్తున్నారు. ఎదురుగా వస్తున్న ఆర్టీసీ బస్సు పరస్పరం ఢీకొన్నారు. బైక్‌లోని యువకుడు మహేంద్ర (24) అక్కడికక్కడే చనిపోగా, ఆదినారాయణ (22), అనిల్‌ (24)కు తీవ్ర గాయాలయ్యాయి. వెంటనే స్థానికులు వారిని ఆస్పత్రికి తరలించారు. కొడిగెహళ్ళి పోలీసులు కేసు నమోదు చేశారు.

హోసూరు: హోసూరు, సూళగిరి ప్రాంతాల్లో జరిగిన వేర్వేరు రోడ్డు ప్రమాదాల్లో ఇద్దరు మృతి చెందారు. వివరాల మేరకు డెంకణీకోట సమీపంలోని కొత్తూరు గ్రామానికి చెందిన నారాయణన్‌, ఆదివారం సాయంత్రం హోసూరు పారిశ్రామికవాడ మూకొండపల్లి వద్ద నడిచి వెళుతుండగా వ్యాన్‌ ఢీకొనింది. ఈ ప్రమాదంలో తీవ్ర గాయాలతో మృతి చెందాడు. బెంగళూరు వద్ద ఆనేకల్‌ తాలూక బళ్లూరు గ్రామానికి చెందిన రామప్ప (60) కామనదొడ్డి బస్టాప్‌ వద్ద నడిచి వెళుతుండగా వ్యాన్‌ ఢీకొని మరణించాడు. రెండు ఘటనల్లోనూ పోలీసులు కేసులు నమోదు చేశారు. విద్యుదాఘాతంతో పెయింటర్‌.. హోసూరు: కొత్తగా నిర్మిస్తున్న ఇంట్లో పెయింటింగ్‌ పనిచేస్తూ విద్యుదాఘాతానికి గురై పెయింటర్‌ మృతి చెందాడు. ఈ ఘటనపై హోసూరు పట్టణ పోలీసులు కేసు నమోదు చేశారు. ధర్మపురి జిల్లా అరూర్‌కు చెందిన పెయింటర్‌ రామన్‌ (25). హోసూరు వెంకటేష్‌నగర్‌లో నివాసముంటూ పెయింటింగ్‌ పనిచేస్తున్నాడు. ఆదివారం సాయంత్రం గాంఽధీనగర్‌ ప్రాంతంలో పెయింటింగ్‌ పనిచేస్తుండగా అకస్మాత్తుగా విద్యుదాఘాతానికి గురై మృతి చెందాడు. పట్టణ పోలీసులు ఘటనా స్థలాన్ని పరిశీలించి విచారణ చేపట్టారు. శునకాన్ని కాపాడిన అగ్నిమాపక సిబ్బంది బనశంకరి: పాడుపడిన బావిలో పడిన శునకాన్ని బంట్వాళ అగ్నిమాపక సిబ్బంది కాపాడారు. బంట్వాళ మోడం కాపినగాందోడి వద్ద పాడుపడిన బావిలో మూడు రోజుల క్రితం శునకం పడిపోయింది. సోమవారం గాందోడి నివాసి విశ్వనాథశెట్టి బావిలో శునకం ఉండటాన్ని గుర్తించి 100కు ఫోన్‌ చేశారు. సమాచారం అందుకున్న అగ్నిమాపక సిబ్బంది అక్కడికి చేరుకుని బావిలో దిగి శునకాన్ని బయటకు తీశారు. సింహ వాహనంపై శ్రీనివాసుడు బొమ్మనహాళ్‌: మండల కేంద్రమైన బొమ్మనహాళ్‌ వెలసిన వెంకటేశ్వరస్వామి బ్రహోత్సవాల్లో భాగంగా సోమవారం స్వామివారు సింహవాహనంలో ఊరేగారు. ఉదయం నుంచి స్వామివారికి పవిత్ర గంగాజలాభిషేకం, పంచామృతాభిషేకం, కుంకుమార్చన, విశేష పుష్పాలంకరణ, మహామంగళహారతి, అన్నప్రసాద వినియోగాలు నిర్వహించారు. సాయంత్రం ప్రత్యేకంగా అలకరించిన సింహవాహనానికి ఉభయదాతలు ప్రత్యేక పూజలు నిర్వహించారు. అనంతరం అలంకరించిన వాహనంలో శ్రీదేవి, భూదేవి సమేత ఉత్సవ విగ్రహాలను వీధులలో ఊరేగించారు. కార్యక్రమంలో ఆలయ కమిటీ సభ్యులు పాల్గొన్నారు.