సర్వే అధికారులను అడ్డుకున‍్న రైతులు

సంతమాగులూరు: ప్రకాశం జిల్లా సంతమాగులూరు మండలం పరిటాలవారిపాళెం గ్రామ శివారులో అనంతపురం-అమరావతి జాతీయ రహదారి నిర్మాణానికి సర‍్వే చేసేందుకు వెళ్ళిన అధికారులను ఆ ప్రాంత రైతులు అడ్డుకున్నారు. శనివారం ఉదయం సర్వే అధికారులు కొలతలు వేసేందుకు వెళ్ళారు. విషయం తెలిసిన గ్రామస్థులు, రైతులు ​ఆ ప్రాంతానికి వెళ్ళి అడ్డుకున్నారు. తమకు ముందస్తు సమాచారం లేదని, నష‍్టపరిహారం ఎంత ఇస్తారో కూడా చెప‍్పలేదని వారు ఆగ్రహం వ‍్యక‍్తం చేశారు. ప్రభుత‍్వం పూర్తి వివరాలు ప్రకటించేవరకూ సర్వే చేయటానికి ఒప్పుకునేది లేదని రైతులు భీష‍్మించడంతో విధిలేక సర్వే అధికారులు వెనుతిరిగారు.