సానియా డబుల్స్ ర్యాంకు 9

 న్యూఢిల్లీ: భారత టెన్నిస్ స్టార్ సానియా మీర్జా మళ్లీ టాప్-10 డబుల్స్ ర్యాంకుల్లోకి ఎగబాకింది. డబ్ల్యూటీఏ విడుదల చేసిన తాజా ర్యాంకుల్లో ఆమె తొమ్మిదో స్థానానికి చేరింది. ఈ వారం టోర్నీలేమీ ఆడకపోయినప్పటికీ.... 26 ఏళ్ల హైదరాబాదీ రెండు స్థానాల్ని మెరుగుపరుచుకుంది. ఇతర క్రీడాకారిణిల వైఫల్యంతో పాటు ఆమె ఇటీవల సాధించిన టైటిల్ విజయాలు సానియాను టాప్-10లోకి చేర్చాయి. కారా బ్లాక్ (జింబాబ్వే)తో కలిసి ఆమె చైనా ఓపెన్, ప్యాన్ పసిఫిక్ ఓపెన్ డబుల్స్ టైటిల్స్ గెలిచిన సంగతి తెలిసిందే. కారా కూడా ఒక స్థానాన్ని మెరుగుపర్చుకొని 13వ ర్యాంకుకు చేరింది.