విజేత హైదరాబాద్‌

సాక్షి, హైదరాబాద్‌: తెలంగాణ రాష్ట్ర అంతర్‌ జిల్లా సీనియర్‌ సాఫ్ట్‌బాల్‌ చాంపియన్‌షిప్‌లో హైదరాబాద్‌ జట్లు మెరిశాయి. మహబూబ్‌నగర్‌లో జరిగిన ఈ టోర్నీలో పురుషుల జట్టు టైటిల్‌ను గెలువగా, మహిళల జట్టు రన్నరప్‌గా నిలిచింది. పురుషుల ఫైనల్లో హైదరాబాద్‌ జట్టు 9–3తో రంగారెడ్డి జట్టుపై గెలుపొందింది. మేడ్చల్‌ జట్టుకు మూడోస్థానం దక్కింది. మహిళల టైటిల్‌పోరులో నిజామాబాద్‌ 1–0తో హైదరాబాద్‌ను ఓడించింది.

ఈ విభాగంలో రంగారెడ్డి జట్టు తృతీయ స్థానాన్ని దక్కించుకుంది. పోటీల అనంతరం జరిగిన బహుమతి ప్రదాన కార్యక్రమంలో తెలంగాణ సాఫ్ట్‌బాల్‌ సంఘం కార్యదర్శి కె. శోభన్‌ బాబు, మాజీ ఎమ్మెల్యే శేఖర్‌ ముఖ్య అతిథులుగా విచ్చేసి విజేతలకు ట్రోఫీలను అందజేశారు.