మ్యాక్స్‌వెల్‌ ‘భారతీయ నిశ్చితార్థం’

ఆస్ట్రేలియా క్రికెటర్‌ గ్లెన్‌ మ్యాక్స్‌వెల్‌ త్వరలో ఓ ఇంటివాడు కాబోతున్నాడు. భారత సంతతికి చెందిన ఫార్మసిస్ట్‌ విని రామన్‌తో అతడి నిశ్చితార్థం  భారతీయ సాంప్రదాయ శైలిలో ఘనంగా జరిగింది. ఈ వేడుకకు మెల్‌బోర్న్‌ వేదికగా మారింది. మ్యాక్స్‌వెల్‌ తరఫు బంధువులు కూడా చీరకట్టు, కుర్తా, పైజామాలు ధరించి ఈ నిశ్చితార్థ వేడుకకు హాజరు కావడం విశేషం.

కాగా మ్యాక్స్‌వెల్‌ భారతయ యువతిని పెళ్లాడిన ఆసీస్‌ రెండో క్రికెటర్‌గా నిలవనున్నాడు. అంతకుముందు ఆసీస్‌ పేసర్‌ షాన్‌ టైట్‌ భారత్‌కు చెందిన యువతినే పెళ్లాడాడు. ఐపీఎల్‌ 2014 సమయంలో ఓ వేడుకలో పరిచయమైన మషూమ్‌ సింఘా షాన్‌ టైట్‌ ప్రేమలో పడ్డాడు. ఆ తర్వాత వివాహ బంధంతో ఒక్కటయ్యారు. ఇక మ్యాక్స్‌వెల్‌కు భారత్‌లోనూ ఎంతోమంది అభిమానులు ఉన్న సంగతి తెలిసిందే. ఇండియన్‌ ప్రీమియర్‌ లీగ్‌లో అతడి మెరుపులను అభిమానులు ఎంతగానో ఎంజాయ్‌ చేస్తారు.