ఇలాంటి ఔట్‌ ఎప్పుడైనా చూశారా?

Australian Cricketer Involved In One Of The Most Bizarre Dismissals Ever Seen - Sakshi

సిడ్నీ: క్రికెట్‌లో బ్యాట్స్‌మన్‌ ఔట్‌ కావడమనేది సర్వసాధారణం. మరి బ్యాట్స్‌మన్‌ కొట్టిన బంతి ఫీల్డర్‌ హెల్మెట్‌కు తగిలి, అది కాస్తా పైకి లేచి బౌలర్‌ చేతిలో పడితే.. అక్కడ బ్యాట్స్‌మన్‌ను దురదృష్టం వెంటాడిందనే చెప్పాలి. ఈ తరహాలో బ్యాట్స్‌మన్‌ ఔటైన ఘటన ఆస్ట్రేలియా క్రికెట్‌లో చోటు చేసుకుంది. షెఫల్డ్‌ షీల్డ్‌ టోర్నీలో భాగంగా న్యూసౌత్‌వేల్స్‌-వెస్ట్రన్‌ ఆస్ట్రేలియా జట్ల మధ్య జరిగింది.

ఇక్కడ వెస్ట్రన్‌ ఆస్ట్రేలియా తరఫున ఆడుతున్న హిల్టన్‌ కార్ట్‌రైట్‌ రెండో ఇన‍్నింగ్స్‌లో న్యూసౌత్‌వేల్స్‌ లెగ్‌ స్పిన్నర్‌ జాసన్‌ సంగా వేసిన బంతిని హిట్‌ చేసేందుకు ప్రయత్నించాడు. అప్పటివరకూ 45 బంతులాడి 3 పరుగులు మాత్రమే చేసిన కార్ట్‌రైట్‌ కాస్త దూకుడు పెంచే క‍్రమంలో భారీగా షాట్‌ ఆడబోయాడు. అయితే అది కాస్తా షార్ట్‌ లెగ్‌లో ఫీల్డింగ్‌ చేస్తున్న నిక్‌ లార్కిన్‌ హెల్మెట్‌కు తగిలి అంతే వేగంతో పైకి లేచింది. గాల్లోకి లేచిన ఆ బంతిని బౌలర్‌ సంగా క్యాచ్‌ పట్టుకోవడంతో కార్ట్‌రైట్ వెనుదిరిగాడు. దీనికి సంబంధించిన వీడియో వైరల్‌గా మారింది.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top