కేసీఆర్‌కు ఓటమి భయం: కోమటిరెడ్డి

Komatireddy Venkat Reddy Comments On Kcr - Sakshi

నల్లగొండ: సీఎం కేసీఆర్‌కు మున్సిపల్‌ ఎన్నికల్లో ఓడిపోతామన్న భయం పట్టుకుందని, అందుకే అడ్డదారిన అధికారంలోకి వచ్చేందుకు మంత్రులకు, ఎమ్మెల్యేలకు హెచ్చరికలు జారీ చేస్తున్నారని భువనగిరి ఎంపీ కోమటిరెడ్డి వెంకట్‌రెడ్డి అన్నారు. బుధవారం ఆయన నల్లగొండలో విలేకరులతో మాట్లాడుతూ మున్సిపల్‌ ఎన్నికల్లో ఓడిపోతామని తెలిసి ఎలాగైనా గెలిచేందుకు సీఎం, ప్రజాప్రతినిధులపై ఒత్తిడి తెస్తున్నారని ఆరోపించారు. ఈ ఎన్నికల్లో ఎక్కడ ఓడితే అక్కడి మంత్రులను తొలగిస్తానని, ఎమ్మెల్యేలకు వచ్చేసారి టికెట్‌ ఇవ్వనంటూ బెదిరిస్తున్నారని ఆరోపించారు. అసెంబ్లీ ఎన్నికల్లో నల్లగొండలో ప్రజలకు మాయమాటలు చెప్పి ఓట్లు వేయించుకొని మోసం చేశారని, అయితే ప్రజలు తేరుకొని పార్లమెంట్‌ ఎన్నికల్లో టీఆర్‌ఎస్‌ పార్టీకి తగిన గుణపాఠం చెప్పారని అన్నారు. ఇవే ఫలితాలు రేపు మున్సిపాలిటీ ఎన్నికల్లో రాబోతున్నాయని పేర్కొన్నారు. నల్లగొండ మున్సిపాలిటీలో కాంగ్రెస్‌ విజయం ఖాయమన్నారు. 

Read latest Politics News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top