ఢిల్లీలోనూ అవతరణోత్సవాలు: జితేందర్‌రెడ్డి

సాక్షి, న్యూఢిల్లీ: ఢిల్లీలోనూ తెలంగాణ రాష్ట్ర అవతరణోత్సవాలు నిర్వహించనున్నట్టు టీఆర్‌ఎస్ లోక్‌సభా పక్షనాయకుడు ఏపీ జితేందర్‌రెడ్డి తెలిపారు. ఈ వేడుకలకు సంబంధించి ఢిల్లీలోని తెలంగాణ భవన్ అధికారులతో జితేందర్‌రెడ్డి, తెలంగాణ ప్రభుత్వ ప్రతినిధులు డా.వేణుగోపాలాచారి, రామచంద్రు తేజావత్ శుక్రవారం సమావేశం నిర్వహించారు. అనంతరం జితేందర్‌రెడ్డి మాట్లాడుతూ తెలంగాణ చరిత్రను చాటేలా మొత్తం 6 రోజులపాటు ఈ వేడుకలు ఉంటాయని, ఢిల్లీ వాసులకు సైతం తెలంగాణ వంటకాలు రుచి చూపిస్తామని చెప్పారు. బంగారు తెలంగాణ కోసం సీఎం 18 నుంచి 20 గంటలు కష్టపడుతున్నారని కొనియాడారు.