రాష్ట్రాల వారిగా కరోనా కేసులు

Corona Virus: State Wise Status in India on March 28th - Sakshi

న్యూఢిల్లీ: కరోనా మహమ్మారి మన దేశంలో క్రమంగా విస్తరిస్తోంది. అగ్రదేశాలతో పోలిస్తే మన దేశంలో కోవిడ్‌ వ్యాప్తి తక్కువగా ఉంది. కేంద్ర, రాష్ట్ర ప్రభుత్వాలు పటిష్ట చర్యలు చేపట్టడంతో కరోనా విస్తృతి నెమ్మదించింది. శనివారం సాయంత్రం 5.45 గంటల సమయానికి మన దేశంలో  862 కరోనా పాజిటివ్‌ కేసులు నమోదైనట్టు కేంద్ర కుటుంబ సంక్షేమ, ఆరోగ్య శాఖ ప్రకటించింది. వీరిలో 47 మంది విదేశీయులు ఉన్నట్టు వెల్లడించింది. కరోనా సోకి ఇప్పటివరకు దేశంలో 19 మంది మరణించినట్టు తెలిపింది. కాగా, తెలంగాణలో తొలి కరోనా మరణం నమోదైంది. దీంతో కలుపుకుంటే మరణాల సంఖ్య 20కి చేరుతుంది.

కరోనా పాజిటివ్‌ కేసులు రాష్ట్రాలు, కేంద్ర పాలిత ప్రాంతాల వారిగా చూసుకుంటే మహారాష్ట్రలో 177, కేరళలో 168, కర్ణాటకలో 55,  ఉత్తరప్రదేశ్‌లో 54, రాజస్థాన్‌లో 52, తెలంగాణలో 46, గుజరాత్‌లో 44, ఢిల్లీలో 38, పంజాబ్‌లో 38, తమిళనాడులో 34,  మధ్యప్రదేశ్‌లో 30, జమ్మూ కశ్మీర్‌లో 20, హరియాణాలో 19, పశ్చిమ బెంగాల్‌లో 15, ఆంధ్రప్రదేశ్‌లో 14, లదాఖ్‌లో 13, బిహార్‌లో 9 నమోదయ్యాయి. కోవిడ్‌ బారిన పడిన వారిలో ఇప్పటివరకు 80 మంది కోలుకున్నారు. (కోవిడ్‌పై పోరాటానికి అండగా నిలవండి)

Read latest National News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top