బైకుల్లా జైలు.. ఓ భయంకర నిజం

దాదాపు హత్య చేసినట్లుగా పోకార్కర్‌ వ్యవహరించారని, ఓ బ్యాటన్‌తో ఆ మహిళను బయటకు చెప్పలేనంత దారుణంగా హింసించారని పోలీసు వర్గాలు చెబుతున్నాయి. దీనికి సంబంధించిన మెడికల్‌ రిపోర్టు ఇంకా రావాల్సి ఉంది. బైకుల్లా జైలులో రెండు రోజులుగా దాదాపు 200మంది మహిళా ఖైదీలు ఆందోళన చేస్తున్నారు. అందులో జీవితకారగార శిక్ష అనుభవిస్తున్న ఓ ఖైదీని మనిషా పోర్కర్‌ అత్యంత దారుణంగా కొట్టి అమానవీయంగా వ్యవహరించారు. భోజనం చేసే సమయంలో ఆ ఖైదీ రెండు కోడుగుడ్లు దొంగిలించిందనే కారణంతోనే ఆమెపై చేయి చేసుకొని హింసించారు. దీంతో తీవ్ర గాయాలపాలయిన ఆ యువతి ప్రాణాలుకోల్పోయింది.

ఈ సంఘటనకు బాధ్యులను చేస్తూ జైలు అధికారులను సస్పెండ్‌ చేశారు. మహిళా ఖైదీని బ్యాటన్‌తో లైంగికంగా వేధించిన విషయం బయటకు రావడంతో తమ ప్రాణాలకు ఇక ఎక్కడ రక్షణ ఉంటుందని ఖైదీలంతా వాపోతున్నారు. ఈ చర్యకు పాల్పడిన పోకార్కర్‌పై కఠిన చర్యలు తీసుకోలేకుంటే తమ క్లెయింట్‌ ఇంద్రాణీని వేరే జైలుకు తరలించాలంటూ ఆమె తరుపు న్యాయవాది పిటిషన్‌ దాఖలు చేశారు. మొత్తానికి బైకుల్లా జైలు ఘటన పెద్ద దుమారమే రేపుతోంది.