ఇక పెళ్లికి రెడీ?

ఇక పెళ్లికి రెడీ?

అదేం విచిత్రమో కానీ.. ఇక నయనతార కెరీర్ సాగడం కష్టమే అని పరిశ్రమలో కొంతమంది అనుకుంటున్న సమయంలో ఆమె కెరీర్ వేగం పుంజుకుంటుంది. ప్రస్తుతం తెలుగులో సినిమాలు లేనప్పటికీ ఈ మలయాళ సుందరి తమిళంలో దాదాపు అరడజను చిత్రాల్లో నటిస్తూ బిజీగా ఉన్నారు. ‘వృత్తిపరంగా ఇంత వైభవాన్ని చూస్తున్న మీరు.. వ్యక్తిగతంగా ఎప్పుడు సెటిల్ అవుతారు? పెళ్లి గురించి ఆలోచిస్తున్నారా? లేదా’ అనే ప్రశ్నలు ఈ మధ్య ఆమెకు ఎక్కువయ్యాయట.
 
 ఈ ప్రశ్నల ప్రభావమో లేక పెళ్లి చేసుకుని, చక్కగా స్థిరపడితే బాగుంటుందని నయనతారకు అనిపించిందో తెలియదు కానీ.. పెళ్లి చేసుకోవాలని మాత్రం బలంగా నిర్ణయించుకున్నారట. తల్లితండ్రులు చూసే అబ్బాయినే పెళ్లాడాలని నయనతార అనుకుంటున్నారని భోగట్టా. ఈ విషయం గురించి ఇటీవల ఇంట్లో చర్చించారని సమాచారం. సినిమా పరిశ్రమతో సంబంధం లేని అబ్బాయిని చూడమని తల్లితండ్రులకు నయనతార విన్నవించుకున్నారట. మరి.. ఏ అబ్బాయితో నయనతారకు ముడి పెట్టి ఉందో కాలమే చెప్పాలి.