‘నువ్‌ ఆడుకున్నది నాతో కాదు.. యముడితో’

చియాన్ విక్రమ్‌ హీరోగా తెరకెక్కుతున్న యాక్షన్‌ థ్రిల్లర్‌ ‘మిస్టర్‌ కెకె’. లోకనాయకుడు కమల్‌ హాసన్‌ నిర్మిస్తున్న ఈ సినిమాకు రాజేష్‌ ఎం సెల్వ దర్శకుడు. తమిళ్‌లో కదరం కొండెన్‌ పేరుతో తెరకెక్కిన సినిమాను తెలుగులో మిస్టర్‌ కెకె పేరుతో డబ్ చేసి రిలీజ్ చేస్తున్నారు. చాలా కాలంగా సరైన హిట్ లేక ఇబ్బందుల్లో ఉన్న విక్రమ్‌ ఈ సినిమాతో తిరిగి ఫాంలోకి రావాలని చూస్తున్నాడు.

ఎక్కువ భాగం విదేశాల్లో తెరకెక్కిన ఈ సినిమాలో విక్రమ్‌తో పాటు అక్షర హాసన్‌, అబి హసన్‌లు ఇతర కీలక పాత్రల్లో నటిస్తున్నారు. విక్రమ్‌ డిఫరెంట్‌ లుక్‌లో కనిపిస్తున్న ఈ సినిమా త్వరలో తెలుగు, తమిళ భాషల్లో విడుదల కానుంది.