డిష్యూం.. డిష్యూం

Vi Anand and Ravi Tejas Disco Raja to pick up shoot soon - Sakshi

అంటూ విలన్ల తాట తీస్తున్నాడు రాజా. ఈ మాసీ ఫైట్‌ ఏ రేంజ్‌లో ఉంటుందో చూడాలంటే మాత్రం బొమ్మ థియేటర్‌లో పడేంత వరకు ఆగాల్సిందే. రవితేజ హీరోగా వీఐ. ఆనంద్‌ దర్శకత్వంలో ‘డిస్కో రాజా’ అనే సినిమా తెరకెక్కుతున్న సంగతి తెలిసిందే. పాయల్‌ రాజ్‌పుత్, నభా నటేష్‌ హీరోయిన్లుగా నటిస్తున్నారు. రామ్‌ తాళ్లూరి నిర్మిస్తున్న ఈ సినిమా తొలి షెడ్యూల్‌ ముగిసింది. ప్రస్తుతం ఈ సినిమా సెకండ్‌ షెడ్యూల్‌ చిత్రీకరణ హైదరాబాద్‌లో జరుగుతోంది. ప్రత్యేకంగా వేసిన భారీ సెట్‌లో హీరో, విలన్లపై పోరాట సన్నివేశాలను చిత్రీకరిస్తున్నారు. ఇందులో రవితేజ తండ్రీ కొడుకుగా కనిపిస్తారని సమాచారం. ‘‘ఆల్రెడీ రిలీజ్‌ చేసిన ఫస్ట్‌ లుక్‌ మోషన్‌ పోస్టర్‌కు విశేష స్పందన లభించడం ఆనందంగా ఉంది. ఈ సినిమాలోని టెక్నికల్‌ అంశాలు ప్రేక్షకులను ఆశ్చర్యపరచేలా ఉంటాయి’’ అని చిత్రబృందం పేర్కొంది.  సునీల్, ‘వెన్నెల’ కిశోర్, సత్య, రామ్‌కీ తదితరులు నటిస్తున్న ఈ చిత్రానికి తమన్‌ సంగీతం అందిస్తున్నారు. రచన: అబ్బూరి రవి.

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Taboola - Feed

Back to Top