వంద లీటర్ల పాలతో స్నానం!

వంద లీటర్ల పాలతో స్నానం!

హాట్ గాళ్ సన్నీ లియోన్ అంటే పడి చచ్చిపోయే కుర్రకారు చాలామంది ఉన్నారు. సన్నీ కటౌట్లకు పాలాభిషేకం చేసేంత వీరాభిమానులు కూడా ఉన్నారు. సన్నీ ఇప్పటివరకూ కనిపించనంత హాట్‌గా ‘ఏక్ పహేలీ లీలా’లో కనిపించి, ఆ అభిమానులను మరింతగా అలరించనున్నారు. ఈ చిత్రంలో ఆమె పాలతో స్నానం చేసే సన్నివేశం ఒకటుంది. పాల టబ్బులో సన్నీ హొయలు పోతూ స్నానం చేసే ఆ సీన్ చాలా రసవత్తరంగా ఉంటుందని బాలీవుడ్ టాక్. కేవలం ఈ ఒక్క సన్నివేశం కోసమే వంద లీటర్ల పాలు వాడారట. గ్లాసుడు పాలు పిల్లలకు పట్టలేని దీనస్థితిలో ఉన్నవారి కడుపు మండించే వార్త ఇది. కానీ, శృంగారప్రియులకు మాత్రం చల్లని వార్తే అని చెప్పాలి. బాబీఖాన్ దర్శకత్వంలో రూపొందుతున్న ఈ చిత్రంలో సన్నీ టైటిల్ రోల్ చేస్తున్నారు.