మల్టీస్టారర్‌ వైపు మళ్లారా?

Shankar might take up a multi-starrer movie - Sakshi

భారీ సినిమాలకు శంకర్‌ పెట్టింది పేరు. ఆయన సినిమాల్లో కథ ఎంత భారీగా ఉంటుందో, ఖర్చు కూడా అంతే భారీగా ఉంటుంది. ప్రస్తుతం కమల్‌హాసన్‌తో ‘భారతీయుడు 2’ చిత్రాన్ని రూపొందించే బిజీలో ఉన్నారు శంకర్‌. ఎన్నికల కారణంగా ఈ సినిమా షూటింగ్‌ వాయిదా పడింది. అయితే కోలీవుడ్‌లో లేటెస్ట్‌గా వినిపిస్తున్న వార్తేంటంటే ‘భారతీయుడు 2’ షూటింగ్‌ అనుకున్న దానికంటే ఎక్కువ సమయం వాయిదా పడేలా ఉందని, లైకా ప్రొడక్షన్స్‌ సంస్థ కూడా బడ్జెట్‌ విషయంలో సుముఖంగా లేదని టాక్‌. దాంతో శంకర్‌ ఈ ప్రాజెక్ట్‌ను కొద్ది రోజులు పక్కన పెట్టి ఓ కొత్త ప్రాజెక్ట్‌ రూపొందించాలనే ప్లాన్‌లో ఉన్నారట. విజయ్‌ – విక్రమ్‌ కాంబినేషన్‌లో ఓ మల్టీస్టారర్‌ ప్లాన్‌ చేస్తున్నారని చెన్నై సమాచారం. భారతీయుడా? మల్టీస్టారర్‌ మూవీయా? చెన్నైలో ఉండే ఆ శంకరుడే క్లారిటీ ఇవ్వాలి.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top