లుంగీ కడతారా?

షారుక్‌ ఖాన్‌

రజనీకాంత్‌ ఫ్యాన్స్‌ కోసం లుంగీ కట్టి లుంగీ డ్యాన్స్‌ చేశారు షారుక్‌ ఖాన్‌. ‘చెన్నై ఎక్స్‌ప్రెస్‌’ ప్రమోషన్‌లో భాగంగా ఇలా చేశారాయన. ఇప్పుడు మరోసారి లుంగీ కట్టనున్నారని బాలీవుడ్‌ గాసిప్‌. 2014లో వచ్చిన అజిత్‌ ‘వీరమ్‌ చిత్రాన్ని సాజిద్‌ నడియాడ్‌వాలా బాలీవుడ్‌లో రీమేక్‌ చేస్తున్నారు. ఫర్హాద్‌ సంజీ దర్శకుడు. దీనికి ‘లాల్‌’ (ల్యాండ్‌ ఆఫ్‌ లుంగీ) అనే టైటిల్‌ను ఫిక్స్‌ చేశారు.  ఈ సినిమా తొలుత అక్షయ్‌ కుమార్‌ దగ్గరకు వెళ్లింది. ఆ తర్వాత విక్కీ కౌశాల్‌ దగ్గరకు వెళ్లింది. డేట్స్‌ లేని కారణంగానే ఈ హీరోలు లుంగీ కట్టే చాన్స్‌ మిస్‌ అయ్యారు. ఇప్పుడు షారుక్‌ ఖాన్‌ ఈ రీమేక్‌లో హీరోగా కనిపిస్తారని తెలిసింది. దీనికి సంబంధించిన చర్చలు జరుగుతున్నాయి.