ఆమిర్‌ స్థానంలో షారూఖ్‌..?
చంద్రుడిపై అడుగుపెట్టిన భారత వ్యోమగామి రాకేశ్‌ శర్మ జీవితకథ ఆధారంగా తెరకెక్కుతున్న చిత్రంలో ఆమిర్‌ ఖాన్‌ నటిస్తున్నట్టు ఆ మధ్య కథనాలు వచ్చిన సంగతి తెలిసిందే. తాజా కబురు ఏమిటంటే.. ఈ సినిమా నుంచి ఆమిర్‌ తప్పుకొని తెరపైకి కింగ్‌ ఖాన్‌ షారుఖ్‌ వచ్చాడట.
ఈమేరకు చక్కర్లు కొడుతున్న రూమర్లపై తాజాగా షారూఖ్‌ స్పందించాడు. 63వ ఫిల్మ్‌ఫేర్‌ అవార్డు వేడుకల్లో పాల్గొన్న షారూఖ్‌ను ఈ విషయమై అడగగా.. ఇప్పటివరకు కొత్త సినిమాకు సైన్‌ చేయలేదని స్పష్టం చేశాడు. తాను ప్రస్తుతం ఆనంద్‌ ఎల్‌. రాయ్‌ సినిమాలో నటిస్తున్నానన్నాడు. ఆ సినిమాలో ఛాలెంజింగ్‌ పాత్ర చేస్తున్నానని, వచ్చే ఏడాది ఫిబ్రవరి వరకు ఆ సినిమా కోసమే సమయం కేటాయించానన్నాడు. సిద్దార్థ్‌ రాయ్‌ కపూర్‌తో పాటు, మరికొందరు నిర్మాతల్ని కలిసినప్పటికీ, మరో రెండు నెలల తర్వాతే తన తదుపరి సినిమాపై స్పష్టతనిస్తానని తెలిపాడు. దీంతో రూమర్లకు తెర పడినట్లయింది.
