'గూడచారి' హీరోయిన్ రీతూ వర్మ

'పెళ్లిచూపులు' సినిమాలో స్వతంత్ర భావాలు కలిగిన యువతిగా ప్రేక్షకులను మెప్పించిన రీతూ వర్మ తన తదుపరి చిత్రానికి సైన్ చేసింది. పెళ్లిచూపుల్లో చిత్రగా చక్కటి అభినయాన్ని కనబరిచిన ఈ అమ్మాయి అందరి ప్రశంసలు అందుకుంటుంది. 'క్షణం' సినిమాతో టాలీవుడ్కి తన టాలెంట్ను చూపించిన అడవి శేష్ తదుపరి చిత్రం 'గూడచారి'లో రీతూ హీరోయిన్గా ఎంపికైంది.

అక్టోబర్లో ఈ సినిమా సెట్స్పైకి వెళ్లనుంది. పెళ్లిచూపులు సినిమాలో రీతూ నటనను చూసి ఇంప్రెస్ అయిన చిత్ర యూనిట్.. వెంటనే ఆమెను సంప్రదించినట్లు తెలుస్తుంది. రాహుల్ పాకాల,శశికిరణ్ల దర్శకత్వంలో తెరకెక్కనున్న ఈ సినిమా పేరుకి తగ్గట్టుగా సస్పెన్స్ థ్రిల్లర్గా అలరించనుంది. స్క్రిప్ట్ వర్క్ పూర్తిచేసుకున్న చిత్ర యూనిట్ ఇతర నటీనటుల ఎంపికలో బిజీగా ఉంది. అభిషేక్ పిక్చర్స్ బ్యానర్పై ఈ చిత్రాన్ని నిర్మించనున్నారు.