సల్మాన్ : 31 ఇయర్స్‌ ఇండస్ర్టీ..
Aug 28, 2019, 13:20 IST
ముంబై : బాలీవుడ్‌ సూపర్‌స్టార్‌ సల్మాన్ ఖాన్‌ సినీ పరిశ్రమలోకి ఎంటరై 31 వసంతాలను పూర్తిచేసుకున్నారు. మూడు దశాబ్ధాలుగా తనను ఆదరిస్తున్న భారత సినీ పరిశ్రమకు, అభిమానులకు ఈ సందర్భంగా బాలీవుడ్‌ కండలవీరుడు కృతజ్ఞతలు తెలిపారు. 1988లో ‘బీవీ హో తో ఐసీ’ మూవీతో సినీ కెరీర్‌ను ప్రారంభించిన సల్మాన్ ఖాన్‌ ఆ తర్వాత ఎన్నో మరపురాని చిత్రాలతో సినీ అభిమానులను అలరించారు. తన సుదీర్ఘ సినీ ప్రస్దానంలో మూడు దశాబ్ధాలు దాటిన నేపథ్యంలో తన చిన్ననాటి ఫోటోతో కూడిన పోస్ట్‌ను ట్విటర్‌లో షేర్‌ చేసి ఫ్యాన్స్‌కు సర్‌ప్రైజ్‌ ఇచ్చారు. ప్రముఖ సినీ రచయిత సలీం ఖాన్‌ కుమారుడైన సల్మాన్ మైనే ప్యార్‌ కియా, సనం బేవఫా, సాజన్‌, హమ్‌ ఆప్కే హై కౌన్‌ , కరణ్‌ అర్జున్‌ వంటి సినిమాలతో ప్రేక్షకులను మెప్పించారు. 2000 సంవత్సరం తర్వాత దబాంగ్‌, వాంటెడ్‌, ఏక్‌ థా టైగర్‌, కిక్‌, టైగర్‌ జిందా హై వంటి హై యాక్షన్‌ ఫిల్మ్స్‌తోనూ సత్తా చాటి నవతరానికీ చేరువయ్యారు.
Read latest Movies News and Telugu News | Follow us on FaceBook, Twitter
Advertisement
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి