'సుప్రీమ్'గా ఇరగదీశాడు

మెగా వారసుడిగా ఎంట్రీ ఇచ్చి మంచి సక్సెస్ లు సాధిస్తున్న యంగ్ హీరో సాయిధరమ్ తేజ్. పిల్లా నువ్వులేని జీవితం, సుబ్రమణ్యం ఫర్ సేల్ సినిమాలతో ఆకట్టుకున్న సాయి, 2016లోనూ అదే జోరు కొనసాగించడానికి ట్రై చేస్తున్నాడు. మెగా ఇమేజ్ కు తగ్గ మాస్ కథతో మరోసారి ఆకట్టుకోవడానికి రెడీ అవుతున్నాడు. అందుకే కొత్త సంవత్సరం కానుకగా తన కొత్త సినిమాను టీజర్ ను అభిమానులకు గిఫ్ట్ గా అందించాడు. ఫుల్ ఎనర్జీతో నిండిన ఈ టీజర్ మెగా అభిమానులను ఖుషి చేస్తోంది.

సాయి ధరమ్ తేజ్ ప్రస్తుతం పటాస్ ఫేం అనీల్ రావిపూడి దర్శకత్వంతో సుప్రీమ్ సినిమాలో నటిస్తున్నాడు. మామయ్య చిరంజీవి స్టార్ హీరోగా ఎదుగుతున్న సమయంలో ఉన్న ట్యాగ్ ను ఇప్పుడు తను సొంతం చేసుకోవాలని ట్రై చేస్తున్నాడు. ఇప్పటికే మాస్ లుక్స్ తో పాటు కామెడీ టైమింగ్ తోనూ ఆకట్టుకున్న సాయి మరోసారి తన మార్క్ చూపిస్తున్నాడని భావిస్తున్నారు. న్యూ ఇయర్ కానుకగా రిలీజ్ అయిన టీజర్ తోనే అదే సిగ్నల్స్ ఇచ్చాడు. స్టైలిష్ యాక్షన్ సీక్వన్స్ లతో రూపొందిన సుప్రీమ్ టీజర్ ఇప్పుడు సోషల్ మీడియాలో ట్రెండ్ అవుతోంది.