ప్రేమలో స్వార్థం

ప్రేమలో స్వార్థం

అన్ని ప్రేమలూ ఒకలా ఉండవ్. ప్రేమ ముసుగులో ఆర్థిక ప్రయోజనాలు పొందాలనుకునేవారు కూడా ఉంటారు. ఈ నేపథ్యంలో  రాజు కుంపట్ల దర్శకత్వంలో జనార్దన్ మందుముల నిర్మిస్తున్న చిత్రం ‘రొమాన్స్ విత్ ఫైనాన్స్’. సతీష్, మెరీనా నాయకా నాయికలు. ఈ చిత్రం ఫస్ట్ లుక్‌ను నిర్మాత గొట్టిముక్కల పద్మారావు ఇటీవల హైదరాబాద్‌లో ఆవిష్కరించారు. దర్శకుడు మాట్లాడుతూ -‘‘ప్రేమ ముసుగులో స్వార్థం అనేది ఈ చిత్రం ప్రధానాంశం. జాన్ స్వరపరచిన పాటలు, మురళి ఛాయాగ్రహణం ఈ చిత్రానికి ప్రత్యేక ఆకర్షణగా నిలుస్తాయి’’ అని చెప్పారు. నిర్మాత మాట్లాడుతూ - ‘‘టైటిల్ వినగానే.. ఇది బూతు చిత్రం అనుకునే అవకాశం ఉంది. కానీ, వినోద ప్రధానంగా సాగే ఆహ్లాదకర చిత్రం ఇది. త్వరలో పాటలను విడుదల చేస్తాం’’ అని తెలిపారు.