అవును... హౌస్‌ వైఫ్‌నే!

హారర్‌ థ్రిల్లర్స్‌ ‘అవును, అవును–2’లతో గుర్తింపు తెచ్చుకున్న కథానాయిక పూర్ణ. ఆమె లీడ్‌ రోల్‌ చేసిన తాజా హారర్‌ ఫిల్మ్‌ ‘రాక్షసి’. పన్నా రాయల్‌ దర్శకత్వంలో అశోక్‌ మందా, రాజ్‌ దళవాయ్, టోనీ జన్ను నిర్మించిన ఈ సినిమాలో సీనియర్‌ నటి గీతాంజలి, అభిమన్యు సింగ్, అభినవ్‌ సర్దార్‌ ముఖ్యతారలు.

యాజమాన్య స్వరపరిచిన పాటల సీడీలను హీరో శ్రీకాంత్‌ విడుదల చేసి, తొలి సీడీని రాజకీయ నాయకుడు తులసిరెడ్డికి అందజేశారు. ‘‘కామెడీ, సస్పెన్స్, ఎమోషన్స్, హారర్‌... అన్నీ ఈ చిత్రంలో ఉన్నాయి. ‘అవును’లో హౌస్‌ వైఫ్‌గా నటించిన నేను, ఇందులోనూ హౌస్‌ వైఫ్‌ క్యారెక్టర్‌ చేశా. మరి, రాక్షసి ఎవరు? అనేది ప్రస్తుతానికి సస్పెన్స్‌’’ అన్నారు పూర్ణ. వచ్చే నెలలో చిత్రాన్ని విడుదల చేయడానికి సన్నాహాలు చేస్తున్నట్టు నిర్మాతలు తెలిపారు.