ముహూర్తం కుదిరింది

సుమారు 35 ఏళ్ల విరామం తర్వాత కమల్‌హాసన్‌ – రజనీకాంత్‌ కలసి సినిమా చేయబోతున్నారు. అయితే ఇందులో ఇద్దరూ కలసి నటించడం లేదు. కమల్‌హాసన్‌ నిర్మాణ సంస్థ రాజ్‌కమల్‌ ఇంటర్నేషనల్‌ బ్యానర్‌లో రజనీకాంత్‌ హీరోగా నటించనున్నారు. ఈ సినిమాను మార్చి మొదటి వారంలో ప్రకటించనున్నారని సమాచారం. ఈ చిత్రాన్ని డైరెక్ట్‌ చేసే దర్శకుల పేర్లలో ఇద్దరి పేర్లు ప్రముఖంగా వినిపిస్తున్నాయి. ‘ఖైదీ’ చిత్రాన్ని తెరకెక్కించిన లోకేశ్‌ కనగరాజ్, ‘ఖాకీ’ తీసిన హెచ్‌. వినోద్‌ ఈ రేస్‌లో ఉన్నారు. మరి ఈ సినిమాలో ఏదైనా సన్నివేశంలో కమల్‌–రజనీ కనిపించే అవకాశం ఉంటుందా? వేచి చూడాలి.
∙రజనీకాంత్, కమల్‌ హాసన్‌