దుమ్ములేపుతున్న ‘దర్బార్‌’మోషన్‌ పోస్టర్‌

Rajinikanth DARBAR Movie Motion Poster Released - Sakshi

సూపర్‌ స్టార్‌ రజనీకాంత్‌ సినిమా అంటేనే ఎక్స్‌పెక్టేషన్స్‌ ఏ రేంజ్‌లో ఉంటాయో అందరికీ తెలిసిందే. అందులోనూ క్రేజీ డైరెక్టర్‌ ఏఆర్‌ మురుగదాస్‌, రజనీ కాంబినేషన్‌లో వస్తున్న చిత్రం అంటూ అంచనాలు పీక్స్‌లో ఉండటం ఖాయం. ప్రస్తుతం వీరిద్దరి కాంబినేషన్‌లో రూపొందుతున్న యాక్షన్‌ ఎంటర్‌టైనర్‌ ‘దర్బార్‌’. చాలా కాలం తర్వాత ఈ సినిమాలో రజనీ పోలీస్‌ గెటప్‌లో కనిపించనున్నాడు. ఇక ఇప్పటికే షూటింగ్‌ పూర్తి చేసుకున్న ఈ చిత్రం పోస్ట్‌ ప్రొడక్షన్‌ పనులు జరుపుకుంటోంది. అంతేకాకుండా ఈ సినిమా ప్రమోషన్స్‌ కోసం చిత్ర బృందం భారీ ప్రణాళికలు రచిస్తోంది. దీనిలో భాగంగా దర్బార్‌ మూవీ మోషన్‌ పోస్టర్‌ను గ్రాండ్‌గా విడుదల చేసింది చిత్ర యూనిట్‌. దీనిలో భాగంగా ‘దర్బార్‌’ చిత్ర తమిళ, మలయాల, హిందీ, తెలుగు మోషన్‌ పోస్టర్‌లను కమల్‌ హాసన్‌, మోహన్‌ లాల్‌, సల్మాన్‌ ఖాన్‌, మహేశ్‌ బాబు వంటి స్టార్‌ల చేతుల మీదుగా విడుదల చేయించింది. 

ప్రస్తుతం రజనీ దర్బార్‌ మూవీ మోషన్‌ పోస్టర్‌ నెట్టింట్లో తెగ హల్‌చల్‌ చేస్తోంది. ‘ఆదిత్య అరుణాచలం’గా రజనీ విలన్లు రఫ్పాడించనున్నాడు. క్రేజీ మ్యూజిక్‌ డైరెక్టర్‌ అనిరుద్‌ రవిచందర్‌ ఇచ్చిన  బ్యాక్‌గ్రౌండ్‌ మ్యూజిక్‌ సూపర్బ్‌గా ఉంది. బ్యాక్‌​గ్రౌండ్‌లో వచ్చే తలైవా పదాలతో పాటు, రజనీ అడుగుల చప్పుడు హార్ట్‌ బీట్‌ను పెంచేస్తున్నాయి. దీంతో ‘దర్బార్‌’ బాక్సాపీస్‌ వద్ద దంచికొట్టడం ఖాయమని రజనీ ఫ్యాన్స్‌ తెగ సంబరపడిపోతున్నారు. ఇక ఈ చిత్రాన్ని సుభాస్కరన్ సమర్పణలో లైకా ప్రొడక్షన్స్ సంస్థ నిర్మిస్తున్న ఈ చిత్రంలో నయనతార, నివేధా థామస్, మరియు సునీల్ షెట్టి ప్రధాన పాత్రలు పోషిస్తున్నారు. కాగా ఈ చిత్రం సంక్రాతికి విడుదల కానుంది.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top